LIFE SAVER
Ka nu leh pa leh ka pasal hual nu leh pate titi chu ngaithla ru kar chung chuan plate chu ka hru fai a. Chu tih lai chuan ka u leh ka pasal hual, Valpuia chu inchung lam a ka u pindan lam panin an chho bawk a. Ka thingpui chhuan a so hnu chuan ka siam a.. ka nu leh pa leh nakin lama ka nu leh pa la ni mai tur te in tur chuan ka va chhawp a.. . 'Tluangte zir zawm lam chu i duh lo tak tak a maw?? i duh chuan in pahnihin zir rual leh mah ula pawi kan ti miah lo a nia..' Valpuia nu chuan a lo ti a 'Nia.. that chu a tha ka tia.. mahse Valpuia'n a zir zawm hi chuan tha ka ti mai..' tiin nui chungin ka lo chhang a 'Tunlai ah MBBS chhuah ringawt hi chu an duhkhawp vak tawh lo a nia..' Valpuia pa chuan nui hauh hauh chungin a rawn ti bawk a 'Aw.. chhungkaw enkawl pah tur a nia.. a tawk viau alawm.. a pa nen pawn kan lo sawi a..' ka nu chuan a rawn ti ve bawk a.. . Thingpui ka chhawp zawh tawh hnu chuan choka lam panin ka let ve leh mai a.. 'E Tluangte.....