SECOND HAND HEART (DURJOY DATTA FAN FICTION)
SECOND HAND HEART (1) ***RENGPUII GUITE*** . Show kan neih zawh meuh chuan zanlai a pel thuak tawh a, mi thenkhat ho chuan hma ka sawn nasat zia leh ka hma hun a en thu min rawn hrilh sap sap hlawm a.. an mi fuihna leh lawmpuina tawngkam te chuan min ti hlim veng veng hian ka hria. Duhsakna inhlan pah a kan inmangtha zawh hnu chuan hall chu ka chhuahsan nghal a. Pawn lamah chuan Porsche Paranema silver rawng chuan min lo nghak ran tawh bawk a lo ni a. Driver chu rawn chhuah tumin a seat bul kawngkhar chu a rawn hawng dawn a.. 'A ngai lo.. a ngai lo..' ka lo ti vat a.. car seat hnunglam kawngkhar chu hawngin ka zuk thu lut nghal a.. . Sana ka en chuan zanlai dar 12:55 a lo ri der tawh. Ka lu a nat bur avang chuan ka nu call ka rilruk pawh chu ngaihtuah tawh lo in ka mit chu ka han chhing vang vang zawk a.. . Villa kan thlen chuan dar 1:30PM a pel tawh a, ka intihfai hnu chuan mu turin ka inbuatsaih a. Ka mut dawn hma chuan ka nu tan text ka dah a.. ka mut chiah tur thu leh ka...