ROOM NO.13

“Pa.. Ka kum zat I hria a, hetiang hi ka la ti thei lo.. chuan ka tuina zawng a ni lo tih I hriat kha..!!”

Ka pa chuan ka thusawi chu hre awm pawhin a lang lo, a dawnkan a Computer chu en in a khawih mawlh mawlh a.. ka van hne tak, he thil teh hrep hi!! Ka pa hian kan thlah tu te atanga kan in rochun  chhoh, Mizoram mai pawh nilo North East thleng  pawh a hotel a that lam a pa sarih na ni phak a enkawl mek a, chung thil vel a buai mek chu kan ni.

.

.

Ka hming chu Hmangaihsangi a ni a, ka chhungte chuan “Nupui”  tiin min ko mai thin a, kan unau hi pthum kan ni a, mahse ka phirpuiin vandauiathlak takin min boral san a.. pahnih  chiah kan nit a  anih chu.. tin,  a naupang zawk ka ni bawk. Ka tet te atanga ka lo ngaih ve dan chuan he Hotel hi ka U in mipa zawk a nih na anga a enkawl ka lo ring a, mahse ka U hi mi lehkha thiam filawr tak anih avangin ka chhungte hian a zirlai a chawlhsan hi an phal lo a ni ber e.  Ka mizia leh ka U mizia hi a in letling thawk ti ila kan sawi sual loang. Khawvel mi tam tak zing a piang danglam tak, a awmdan a sawisel tur awm lo ang hlak mize neitu zing ah hian ka U duhtak hi a tel ve ani. Kei erawh a let thawk.. lehkha pawh ka thiam em em lo, chu ta karah ka la thatchhe em em zui.. grade tha em em loa pass chho ve ka ni a, tuman ka graduate pawh an ring lo.. mahse ka graduate muai sia. Chu chuan ka pa a ti phur leh pek tlat.. ani tluk a kan hotel enkawl zo hi an awm tih theihnghilhin ka lakah beiseina a nei sang tan ta a, kei hi hotel enkawl tan turin min ti a nih chu!!! Ka thei lo ang!!

.

.

Ka pa chuan min chhawn loh em avang chuan ka chhuak tau ta ngawng ngawng a, a office  kawngka chu ka  khar sawk zui a, ka thil tih tum ka hre chhuak zawk..

“Hrep tak chuan!! Ngatinge scooty ka ken loh le!!”

Duhthlan tur ka nei lo, ka pa driver chu ka call hmiah, ka pa in Zarkawt a min thlah tur a a tih thu ka hrih chuan parking lot lam chu a rawn pan nghal a, Ramhlun Venglai atang chuan Zarkawt lam chu min pan phei pui  a.. Babu tlang lamah chhoh tir in basketball khelhna thin bul lawkah chuan ka din tir a, office lamah let turin ka hrilh ta nghal a.

.

.

Phur tak in basketball ground lam ka pan a..

“Heiii.. nangmah chiah kan nghak tawh che.. tikhan a mi khelh I tum aa?” Jerrya chuan a rawn ti vak

Vawiin  hian hmeichhia leh mipa inkawp a inkhel turin club dang kan cho a..

“Ka inthlak dawn..” tiin ka inphelh sawk sawk, ka zak lem lo.. taksa zawng zawng pawh lang hlei lo.. ka va zawm vat..

“Saw mi te saw mi kan team challenge  te chu.. khawnge hmeichhe dang..??” ka ti a

“Mipa hlangin kan ti dawn.. kan team mate hmeichhe dang ten an thulh vek, anni chu an indaih sia.. nangmah I tel ngei ngei angai ania Nupui” Sawmtea’n a rawn ti

“Engaa??? Hmeichhia ka nih hi..” ka ti vak.. lehlam pawl ho an rawn hawi.. an la nui suk zui

“Mipa angah in ngai mai rawh.. tak takah nangchu I score thei a.. ka guard char char ang che”

“Min guard lo mah la maw.. sawng te lek lek..”  chapo takin lehlam pawl ho ka va melh a..

.

.

Kan khel tan ta, ka khelh thin ang bawkin keima tawkah ka khel tha phian, mahse kan tumpui lama pa sanglam chuan min tum bik deuh tlat a hriatna ka nei.. a khel fair lo tih tur ni em em si lo chuan min nek deuh chawrh chawrh thir. Ni e, a mipa pui chu ti khan nek se eng vak a ni lo ang.. mahse hmeichhia ka ni tlat a lawm. Minute sawmhnih vel kan khelh hnu chuan point thum score tum ngar ngar in ka khel a ka thei lo ani ber e, mahse ka tanpui te thiamna zar ah hma hruaitu kan ni chho zel, point hnih, vawi hnih chu  ka score ve hram.. point thum score tum taka line thumna pawn lam atang a ka ball ka theh chho chu min rawn nek deuh chawrh.. vawm chu ka vawm hman mahse mahse ka tlu chiang hle mai!!

.

.

“Heiiii.. I va fair lo ve!!” Jerrya aw niin ka hria.. midang ho chuan min rawn kaitho a, ka thinrim lutuk chu ka so bulh bulh!! Ka tho lawp a.. a hmai ah ka va beng thuai!.. ngeng tak a min rawn en pah chuan “Basketball player diktak chuan kut phah aiin kum tum kan hmang thin” a rawn ti..

“I duh maw..” tih pahin ka kut te tak  chu ka hum ruh a, hnek ka tum lai tak chuan midangin min rawn pawt let.. ka kut zungtang lai chu a hmai zawnah ka va lek hram.. min nuih sawh hmel tak chuan “middle finger  ka hmuh e te min ti, kal ag u thiante u..” tiin an kal ta a. Ka damchhung zawng a ka thinrim ber tum ani ang, ka tan tih vak ngaihna a awm si lo..

.

.

Rilru a thinrim tung chung chuan ka haw a.. inchhung ka lut a, thutkhawmna pindan lama ka pa thu ka va hmuh chuan hmanhmawh takin ka room lam panin step ah ka chho..

“Hmangaih..!!!” ka ding nghal!

“Awih..” lai rut chuan ka ti a

“Hetah lo kal teh..”

Hreh tak chuan ka chhuk thla hna hna a, a bul a thutna ah chuan ka va thu a..

“Kum engzat nge I nih..??”

“Maww..”

“I pa in I kum zat ka zawt che a nih chu..”

“Kum 25”

“Puitlin tumna I nei ve reng reng em??”

“Aw..”

“Tu thu in nge vawiinah ka motor I lak chhuah tir??”

“Maww..” engtin nge ka pa hian a hriat theih lee..

“Chho rawh I roomah..”

.

.

“Eng thil nge vawiinah I tih aa??” ka nu chuan ka room ka luh velah chuan a rawn ti lut hlawk hlawk a

“Engmaw nu..”

“I pa motor I la chhuak ami..?”

“Aih driver in min hruai alawm..”

“Vawiin khan I pa in meeting pawimawh tak a nei a, ama conference hall a neih turin, chu ta rawn kal tur zinga a lu ber chu I pa in a ma car a a lam tur thu a lo hrilh lawk a sin..”

Dik tak chuan ka pa a han che buai vel tur ka ngaihtuah chuan ka nuih a za..

“Nu, chuan engtinnge in tih aa..??”

“Vanneihthlak takin kha Travel Agency  a an Director  kha a arawn kal loa, a ai awh a lo kal chu mizo a lo ni hlauh a.. chu ti ni lo se I pa khu a mualpho thei tih I hre miah lo ami??” Mualpho hlau reng reng a damchhung hringnun han hman mai chuh.. mahse ka inthiam lo ve reng…

.

.

 India, hmar chhak  a Integration Festival lian tak lo awm tur chu Mizoram a nghah a ni dawn a, chu mi hun a tan a palai langsar zual leh pawimawh zual ho chuan Cox And King Agency  kal tlang a kan hotel a rawn thleng tur an ni a. He mi hun atan a inbuatsaihna chu a kal chho mup mup a, inhmuhkhawmna hun pui tak a nih dawn avangin he agency a an pute lam chuan a hmun ngei a kan hotel hi zir chian a, an kal phung te palai te nundan rem a siam that ngai ang ang te a in pui turin ka pa nen chuan an lo in be rawn a lo ni a. Chu mi hun atan chuan vawiin khan ka pate chuan meeting nei tur an ni a, mahse kei erawh chuan Director  hruaina tur car chu ka inkhelhna lam a min hruai turin ka lo ti khut bawk a. Hetiang ang a ka inthiam loh hi a thleng zen zen lo, mahse an Director ber emergency thil avang in a rawn kal leh lohna chuan min chhan hram ani.

.

.

Ka inbual zawh chuan chaw ei turin ka chhuk a, an lo ei vek tawh ka rin teh reng nen dawhkan kilin min lo la nghak thap.. ka pa mitmeng khuan ka thau ah a man, ka chhuk ngei ngei a ngai si. Dawhkan ka kil ve leh chuan

“Ei ang u..” ka han ti thawng a

“I hun chan zan..” ka nu chuan a rawn ti vat. Awii.. nimin lawk a ka hun chan emaw ka tia, chhungkaw tlem leh lutuk pawh hi aaa.. kan chan zantin deuh thaw alawm!! Phur lo takin Bible ka chhiar a, ka tawngtai zawh chuan kan ei ta a, ka pa chu a tawng eih lo.. sawi tur avan vang duh tak!! Chu tih lai chuan ka pa phone ri chung a lo keng pah chuan kan in a hnathawk chuan ka pa a rawn pe..

“Aw.. hello… aw nia.. han sawi ta che..” tawng a ngaihthlak lai chuan min rawn en zeuh zeuh, hrilh hran pa ngai loin keima chungchang an sawi a tih ka hria a ni.

“Zarkawtah I tia mi..” ala ti deuh deuh, ka chaw ei tui a tawp hmak..

“Ka puar” ti pah chuan ka tho a, ka pa pawn a phone a dah chiah

“Thu rawh!!!!” thupek aw tak chuan a rawn ti a

“Enge ni leh ta aa..” ka nu chuan hrilh hai takin a rawn ti

“Hmangaihsang.. nang hi chu chhungkaw nei nung a piang ve tlak I ni lo!!”chu ka pa tawngkam chuan  ka thinlung hi a deng dawtin ka hria”

“Enge awmzia pa-a” ka nu chuan a lo ti..”

“Vawiin ah mipa a insualpui leh tawh kha..” ka pa chuan a rawn ti vat a

“Kan insual lo..” ka lo ti vat

“Khawiah pawh kal rawh.. mi pangngai chin chuan saw nula saw Zohills Hotel rochun tur a nih saw an ti ang che.. mi pangngai  ni lem lo, nangmah hre lo tu che erawh chuan an insualpui mai mai ang che.. I milpui bul a tal tam tur che in ka hrilh che a ni lawm ni, khang I basketball khelh pui thin ho te kha chuan vawikhat branded pheikhawk an nei ang a, an hawi lian nghal em em ang.. nang chuan chung ang iti ve hman lo tih I hria em??” a rawn ti ta hmiah hmiah mai..

“Pa.. zahawmna.. thlahtu te zahawm  vanga neih ai chuan ka hlawhchhuah zahawmna ka duh zawk!”

“Enga.. ti hian ka hawi chapo ee I ti law.. mipa nen a insual hian eng zahawmna mah I hlawh chhuak zo lo ang”

“Ka dikna hlawh chhuah ka tum mai chauh anih kha.. “ tiin ka lo chhang a

“Eng dikna maw.. I dikna chu maw.. I tih tur a ka hrilh che hi tha takin ti la I dikna chu hlawh chhuah chawp ngai loin midangin an hmu ang”

“Nang chuan midang.. keichuan keimah chiah” 

“Ngawi rawh Nupui..” ka nu chuan a rawn ti tuar a

“Nang ni hian a U chiah  in hmangaih..” ti pah chuan ka tho a kawngkapui lam ka pan nghal a, ka nu chuan min rawn um zui nghal a.. mahse ka tlan chak em avang chuan min um pha lo a. Ka taxi hmuh hmasak berah chuan chuangin Ramhlun Venglai lam kan pan a, kan hotel kawtah chuan ka din tir a, min lo nghak lawk turin ka hrilh bawk a.

.

.

Manager awmna na lamah ka tlan phei

“U Nt.. pawisa.. taxi fair, hmanhmawh..”

“I rawn titau leh tawh nimaw..”

“Aiiihh.. ka lawm e, ka va pe lawk aw..” ti chuan Taxi dinna lam ka pan phei nghal a.

.

.

Ka room ngainat em em leh ka tihtauh buk an tih mai ah chuan ka han lut a, in ai chuan he lai hmun hi ka ngaina zawk fe a ni. Mahse roomah chuan eitur leh in tur a lo awm sa chu mak ka ti lutuk, dah thar chiah tih hriat tak chuak ka en chhin pawn a la khu vut vut a…

“Ni tak!! U Nti’n a dah tir aniang.. ka kal tih a hriat avangin, ka pa hian manager a van la fuh chiang tak.”  ti pah chuan khumah ka mu a.. tv chu on in an thil chhawp chu ka ei mial mial a. Chu tia thlamuang tak a ka awm lai chuan ka room bathroom kawngka rawn in hawng ri ka hria, ka tho vat a.. kal a va en ka tum lai tak chuan mipa sang tak hi a rawn chhuak.. ka au tuarr!! Ani pawh chu a phu zawk!!

“Tunge I nih??” kan in ti rual chiah..

“Hei hi ka room hauh ania..” a rawn ti vat

“Room number engzat nge I hria em??” chapo tak chuan ka  ti a

“Room 13..”

“Enga??? He room hi tu pek che nge?? Hei hi ka permanent room anih hi..”

“Permanent  room aa?? Hotel ah maw..” za vak lo chuan a rawn nui pah  a

“Aw.. 13 hi ka number ngainat ber ania.. chuan ka birthday a ni bawk!! Chiang em..??”

“Lo nghak lawk aw..” ti pah chuan phone a la.. a thil tih ka hre reng.. room service emaw manager a ko chiang, keichu khumah chuan ka lo mu hmak!!

“Inthlak ve em em rawh.. ka en peih lo che..” ti pah chuan ka puan sin lai chu ka in lu khup vat

“Nang pawh I duh tawk khan minute sawm chhung mu rawh.. an rawn thlen hma chu.. chu bak I mu thei tawh dawn si lo” a rawn ti.. a va zak thei lo reuh e.. mahse ka chhang peih tawh lo!!

.

.

U Nti leh hotel a thawk dang pahnih te chu an rawn lut a

“Sir, kan tihpalh lutuk.. hei hi boss fanu ania.. hemi room hi a ngaina lutuk a.. I luah tih kan lo hrilh lo alawm maw le..” a rawn ti lut a

“Nia.. mahse chutiang anih si chuan  a tir a sawi tur ania.. in boss hnen a room no.13 ka duh thu ka hrilh khan a lo in hawng em em si a..” ka room a awm pa chuan alo ti a

“Nia.. keini pawn pe tur che a min tih khan a fanu nen an inbe fel tawh emaw kan ti a.. Sir chu kan be nghal ang, kan thiam loh takzet a ni..” chu thu ka hriat chiah chuan ka hlauthawng ngei mai..

“A ngai loe.. hetiang vang a buai hi ka duh lo.. nula hi awm rawh se..”

“Kan lawm takzet Sir, insumdawn tawnna dang engmah a khawih pawi tel loh hram kan beisei..”

“Chu tiang engmah a thleng lo ang..”

“Anih chuan kan kal ange.. room service dang I room tur a hruai tur che in ka lo tir ang.. kan hotel a  VVIP room awm chhunah I awm dawn nia” a tih zawh chuan U Nti te chu an chhuak a..

“U Nt.. 50% discount pe rawh aw.. “ mu chung a TV en pah chuan ka lo va ti thawr a

“Ani chu pawisa a ngai ve hleinem naute..”  kawngka rawn hawng leh pah chuan a rawn ti a

“Naute a ni lo.. nupui” room chhung a awm ve ho chu an rawn nui hak a. Ka rilru tak chuan ka zak viau, mahse ka awm zaklo laklawh tawh tlat.

.

.

Vanneihthlak takin ka pa in room ka chhuhsak vel chungchang chu a hre lo hlauh. Pawisa engmah ka neih loh avangin inlamah ka haw leh ta a, ka pa hian lungawi tak a min melh ni reng hi a nei dawn lo anih hmel, keipawn ka luhlul ka chhuah tlat bawk a.. diktak chuan ka inrintawkna hian a pha tlat lo ani. Kar hnih vel a tlin hnu chuan nikhat chu ka pa chuan pangngai ang reng takin min be ve khiah a, a tuk lama mikhual chaw ei tur kan neih avang a in a awm turin min ti a, ka pa thu chu awih ve ngei ka tum a ni.

.

.

Mikhual kan neih dawn ni chuan ka room lamah ka tawm deuh char char a, ka nu chuan zahawm taka inchei tura min hrilh hnu chuan tlemin ka han in tuai fai ve deuh a. Diktak chuan incheina thil vel chu duhthusam a tha leh tam ka nei a , mahse ka ngaina teh chiam lo a ni. Ka nu in mikhual a thlen tawh thu min rawn hrilh chuan hmanhmawh takin ka chhuk a, hei hi kan chhungkaw kalphung a ni a.. kan chhungkaw zing a mi in mikhual kan nei chuan kan chhungkua zawng zawngin kan lo welcome thin tur a ni tih hi.. Ka phu zawk!! Ani hi hotel room ka chhuhsak pa kha a ni..

“Hei hi tlangval  Hmingsanga anih hi.. C and K Agency ambassador, Asst.Director ni bawk .. Chuan hei hi ka fanu Hmagaihsangi, hei hi chhungkaw nu ber Pi Marami anih hi..” chibai a rawn sem kual zel a, engmah thleng lawk lo ang maiin ka lo awm a..

“I fanu hi chu ka hria alawm..” a rawn ti thut..ka van hlauthawng chiang em!!

“Aaa.. chu ti maw.. “ ka pa chuan a lo ti vat a

“Aw ni ee.. hotel ah, a polite in a smart khawp mai..”

Hlauhthawnna chu a bo hmak, ka haw lutuk saw pa saw.. ka hmel ka pe ner hnehsawh khawp mai

“Nia hotel rochun tu tur hi ania..” ka pa in a tih chiah phei chuan a nui nasa ngei mai, ka pa te chuan nui pangngai ah an ngai ang, kei chuan min nuih sawh tih ka hre thiam nghal..

.

.

Chaw ei kham chuan ka nu te titi na hmun kalsanin lehkha chhiarna pindanah ka awm ta daih a, lehkha chhiar hi ka ngaina hran pawh a ni em em lo.. an titi boruak kha ka hne..  darkar chanve pawh ka awm tling lo ang tih ah chuan ka nu in min rawn koh  avangin ka phei a, thei kan ei ho pah chuan tawng lem loin an titi chu ka ngaithla ve ta mai mai a. An titi ka lo hriat danah chuan naktuk lamah Hmingsanga chu Delhi lam pan a haw tur anih thu te chu an sawi  luam a, min biak chuan a rul tawk te te bakin ka lo chhang lo thung. Dik tak chuan he pa hi ka ngaina lo.. ka pa ang mai a nun dan sang tak ngaina mi a ni tih ka hrethiam mai. A hmel a tha in a pian a mawi em em a, eng hna sang tak emaw chelh mek tu a ni tih pawh a hriat mai. An titi dan atang chuan Mizoram a piang  leh sei lian a nih hmel loh, chu chuan amah min ti ngaina lo leh zual a ni.

.

.

Kar khat a liam hnu chuan tih tur nei  lo in ka awm ve tawp, ka pa office hun chhungin Hotelah ka kal duh thak lo, a chang in ka inkhel a mahse chu pawh nuam ka ti tak tak lo. Master degree zir dawn I la, kha ti khawp khan bachelor degree ah pawh ka tang chhe lo chauh lo a nia.. ka kal chhun zawm peih tawh hlawl lo a ni. Tlai lam vawi khat chu kan inkhel zo ka phone ka en chu ka nu missed call vawi sawm chuang leh ka u missed call vawi li a lo awm a, thil dik lo a awm anih ngei ringin ka call nghal vat a, an  thu sawi chuan ka thin a thawng ngei mai, ka pa nikhaw hre lo in a tluk thu leh Aizawl Hospital ah ICU ah a awm thu min lo hrilh, hmanhmawh lutukin ka Scooty lam ka pan a, Aizawl Hospital lam ka pan vat a.. Ka va thlen chuan ka nu leh kan chhungte an lo awm deuh thup a..

“Nu.. ngatinge a pa chu..??”

“Stroke..” tih chiahin min chhang… ka hrethiam nghal mai. Ka pa hian Hemorrhagic stroke  a nei tih kum kal ta  khan hriat chhuah a ni a. Vanneihthlak takin kan hre chhuak hma hlauh zawk a ni, personal doctor neiin engtik lai pawn a vil deuh chawt reng a, amah pawh a tha in natna khirhkhan vei lo ang mai hi a ni thin a. Mahse, tunlai chu Festival a tan a inbuatsaihna  akal vung vang deuh hian a ni mai thei a hah ve hle a ni.. keimah vang a rilru hah pawh a ni thei tho bawk.

.

.

“I pa in a harh riau lai  a a thu rawn sawi I hre duh em??” ka nu chuan coffee min pek pah chuan a rawn ti a

“Enge??” tiin ka lo chhang vat a..

“Hotel.. Nupuii..” tih a rawn sawi

“Nu lungngai suh, ka pa chu a rawn harh chhuak vat ang a.. hotel chu a rawn enkawl chhun zawm vat ang..” ti chuan ka lo chhang a

“Eng tiang chen nge luhlul I la tum dawn aa.. I pa ruinluih hi a tul tawh lo.. naktuk ah I pa hna zawm nghal ang che.. a personal secretary in a pui ang che.. I pa hi a chak that deuhah Vellore ah I u nen kan hruai a ngai,  I u pawh a rawn haw vat dawn..”

“Nu.. a U chu a awm chhungin..”

“Chhuanlam siam a tul lo.. kan chhungkaw mi dik tak angin nung turin I rilru siam nghal ang che..”

Ka van ningin ka van huphurh tak em!! Ka pa hi eng vang a he tia awm nge a nih le.. keimah min hrem nan a ti a nih ka ring tlat a ni. Mahse, ka tih a ngai ngei bawk si.

.

.

Phur lo takin ka insiam a, ka pa Secretary chuan inhnuai lamah min lo nghak reng tawh a, pawn lamah driver in min nghah reng thu a lo sawi bawk a. Ka pa hian Secretary thar a nei tih ka hre chiah, a hma a pa upa ve lam tawh hmuh ka in beisei viau lai chuan tlangval hmel fai veng leh la naupang hmel tak ka hmu ta zawk a, a chanchin kan zawh chhoh chuan thla khat vel chauh ala thawh thu a sawi bawk a.

.

.

Hotel a, mikhual pawimawh lawmna ni lem loa.. zahawm tak a inchei a ka vawikhat luhna a ni bawk a, min hrechiang tu ho chu an hawi a hlawm ngei mai, ka nuih an ti za zawk. Ka pa secretary Tluanga nen chuan elevator lam kan pan a, ka pa Office lam chu kan pan ding ta nghal a. Tluanga chu la naupang viau e ti lo chuan a che felin ka hriat thiam theih zawngin thil min hrilh thiam khawp mai.. amah pawh ka nelin hna pawh thawh nuam ka ti sawt hle a, nitin in kan inzui a.. chaw chhun kan ei dun ziah a, a bul a awm a nuam takzet, ka pa ang lo tak a nun pangngai tak a neih vang te pawh a ni mahna.

.

.

Kar hnih hnu ah ka U pawh a rawn haw a, ka danglam tawh zia a sawi cham chi mai.. ka danglam vak pawh ka hre si loa, kar hnih ka pa sumdawnna ah ka chhawk a ni mai a. Ka pa pawh a rawn harh ve deuh a, ka chungah a lawm viau ka rin teh reng nen a secretary Tluanga chungah chuan a alwm zia a sawi reng mai.. ka lo thik ve det. Ni thum hnu a Vellore lam pan tur an nih avangin Office kan kal dun loh pawn kan in lamah ka pa nen Hotel chungchang vel sawiin a rawn kawi haw ziah a, ka nu mai ni lo ka U pawh hian a ngaina hle a, kan innghahna zing a pakhat a nih vang te pawh a ni mahna.

.

.

“Nau.. Secretary Tluanga khu I duh mai lo mi..”

“Engaa.. ka thawh pui anih khu U” Ka u chu mak ti takin ka melh a

“Haha.. ka nau in chungtiang tawngkam te chu a hmang ve tawh a nia..”

“Nge ni vak.. min nuih sawh lo khan min fuih zawk ta che..”

“Nuih sawh na lam che a nih loh chu.. in in ngaihnat hmel sia ka ti..”

“U nang pawn arrangement te chu I ngainat loh kha”

“Arrange che u kan tum lo.. nangmahni lam zawk alawm ka sawipui che..”

“Ka hrethiam ve lo, nang chu I lerh a.. ka lerh ve hleinem..”

“Naahh.. lerh I la ka fail ziah ang..pakhatna ka nih zel hi”

“Nih engtin nge I tih..??”

“Hmeichhia ka ngaihtuah duh miah loa..haha”

“I ho e a..”

“Tak tak ah.. ka pa kha ICU ah a awm sia a nat viau ka lo ring a”

“U I hre lo a mi.. kan ram a hausa te chu.. na vak lo mah se, mi rethei na em em pawh awm mah se hausa chiah alawm lal..”

“Chu.. nangma pa ngei hi I ngaisang vak na nge..”

“Ka ngaisang lo a ni loa.. hausa ngaihsanna hi ka ngaisang lo ka ti alawm..”

.

.

Ka U te an kal hnu chuan Board member puihna te nen nasa takin ka bei ve a, keipawn nuam ka ti chho in, tha hnem ngaihna ka nei tam tial tial a.. tlaivar dawn dawn a thawh chang pawh ka ngah mai. Dik tak chuan in lamah haw I la in a hna thawk ho bak an awm dawn lo a,Tluanga a in huam phawt chuan rei tak tak hna kan thawk a, ka U thusawi nen ka in ngaihbel nge maw ni enge maw deuh hian ka en thin in ka hria.. chang leh keimah chu inhrilhin ka thawhpui leh ka hun hman tam pui ber a ni a.. chutiang a thleng thei lo ang.

.

.

Zan khat chu kan Manager U Nti’n chaw a rawn ei a, ka danglam chhoh zia chu min hrilh mawlh mawlh bawk a, ka nui nasa ngang mai.. Ni e, khang hun lai ang kha chu ka ni lo khawp mai.. ka pa hi a lo dik a nih dawn hi, ka theih loh tur a ka ngaih kha ani chu ka thei tih a lo hre reng a ni.

“I pa chu enge a an tak zel??” U Nti chuan a rawn ti a

“A nasat vang em em chu ani loa mahse ni li hnu ah an zai ang..”

“An la awm rei a ngai dawn a ni maw..”

“Nia, a ngaih hmel.. mahse ka U chu an zai zawhah a let leh lawk ang a zirna hmunah..”

“Tha vat turah ngai ila ti raw..  ti daih ila Secretary Tluanga nen hian in va in zui nasa ve”

“Hmm.. min pui tu a nia lawm..” za vak lo chuan ka nui a

“Insawi rem dan ngaihtuah ru.. a fel em hi, company lian tak tak ah pawh offer a dawng reng a nia..”

.

.

Ka pa an zai atanga ni hnih a ni ta der mai, mahse a la harh chhuah miah loh thu ka nu in min rawn hrilh chuan ka hlauthawng em em a.. ka awmna lam atang chuan tawngtai bak tih theih ka nei si lo. Kan hotel lamah ka rilru ka pek a ngai bawk nen, a hma a rilru hahna nei ngai mai mai lo kha mut pawh mu tha thei loin ka awm ta chu a nia. Ka nu chu a khat tawkin ka be reng a, tap aw deuh tiau a min chhang ri ka hriat chuan ka lo khawngaih thei em em a, ka chhungkua  vang chauh hian tawngtai pawh ka tawngtai tam phah hle in ka hria. Ka kiangah Tluanga a awm reng a, ani bak thinlung tak tak a min hnemtu nei lo hialin ka hre thin.. chu tia ka hreawm lai pawh a ka kiang a awm ta reng chu thian leh business partner mai duhtawk loin kan inkawp chho ta a.

.

.

Vawikhat ka office kal chu dar 2 velah ka chauh em avangin ka haw a, driver in min thlah haw mek lai chuan  Board member zing a pakhat Pu.Beirapathai call ka dawng a, a thil min rawn hrilh chuan ka thin a thawng hle mai, C and K agency lama call a dawn chuan kan agreement sign sa zawng zawng, thla leh mai a Festival lo awm tur a tana palai Ist class thiau mi sawmnga chuang kan thlen tur chu an rawn cancel thut a lo ni a, emergency meeting ko nghal turin ka ti a.. office lamah kan let ta a.

.

.

Ka va thlen chuan Board member ho an thu thup tawh, hmanhmawh takin ka thutna lam ka pan nghal a, kan meeting chu kan tan a. Heng thilah hian a then an lungawi loin court lam thlenpui hial duh an awm laiin an then chuan thu chiang zawk hriat ngei  duh  leh insawirem dan ngaihtuah a tul tih lam thlawp an awm bawk a, dik tak chuan heng mikhual te hi thleng thei chiah I la chuan kan hotel hian a hma zawng aiin hma a sawn thei dawn a ni tih kan hre theuh a, North East mai pawh nilo National ang zawng pawn hriat kan hlawh leh nasa zual dawn zawk a ni. Chung thu inkalh tak pahnih atang chuan vote kan thlak ta a, insawirem dan ngaihtuah chu duhtu an tam zawk avangin keimah ngei chuan chu Agency chu ka tlawh a ngai ani.

.

.

He Cox ang Kings Agency hi an agency hmunpui ber chu New Delhi ah a awm a, mahse keini North East lamin kan biak remchan theih ang branch hi chu Shillong a awm a ni thung. Mahse, heng thil hi chu main branch a ngaihtuah chi a nih avangin Delhi lam ah ka kal zawk dawn a ni. Tluanga chuan min kalpui a ngei a ngai a, flight ticket vel a han en chuan vawiin atan a chhuak hnu hnung ber  3:45pm chu hauhin kal turin kan inbuatsaih ta a.

.

.

Kan thlen velah Tluanga chuan appointment kan hmuh theih dan tur chu a buaipui nghal a. Kei chuan tih theih ka neih tak mialah tiin C and K agency  asst.Director Hmingsanga chu  ka call ta tawp a, a tuk atan a mimal tak a kan pahnih a chaw chhun ei dun pui turin ka sawm a.. a lo pawm ve mai a.

“Mimal a in hmuh kher a ngai  ami??” lungawi loh hmel tak chuan Tluanga chuan a lo ti a. Thikthu pe chhe thei dinhmunah a ding tawh tih chu a in hre chiang hle mai.. a lehlam tak chuan a duhawm tlat.

“Ka tih  angai a lawm.. mizo ang tak pawn min pui thei ang a..”

“Tih theih dang an nei  ami.. kan hotel tluk a tha Mizoramah a awm loa.. kan hotel bak min pan thei lo ang”

“Thei lutuk tlat.. khawi lai sawrkar guest house emaw resort ah an awm thei, chu chu kan Mizoram sawrkar te chuan a duh daih zawk ang chu.. hemi festival  atan a an sum sanction ho kha sawrkar kut a thleng vek tawh, khawilai hotel emaw seal hmangin heng sum hi eiruk a awlsam tawh lutuk tlat..”

“Anih chuan engvangin nge kan sawrkar hian he C and K Agency hi a thlan ve kher ang..??”

“Tun a rawn kal tur ho hi mi fing thiau an nih hi.. a tir chuan a tha thei ang ber a an tih a ngai alawm.. a hnu leh chu tuman an ngaihtuah fik fek tawh lo..” tiin ka lo chhang a

.

.

Minute nga vel ka nghah hnu chuan Hmingsanga chu a rawn thleng a..

“Eheu.. khawi lam transporter nge I pan a?? ka hmuh hnuhnun ber che kha chuan..” a ngawi ta daih a.. za vak loin ka lo nui a.. ka tan tlawm hun chu ni lo se hetiang hian min ti mai mai lo ang.

“Thil sawipui duh che ka nei a..??”

“Enge nita.. ??”

“Agreement signed vek tawh hnu ah engvang a rawn thulh nge in nih tih hi ka hre duh a ni..??”

“Kan director nen meeting in nei dawn tho si a..”

“Aw.. mahse tunah hian ka hre duh..”

“Kha agreement kha sign a nih khan..  dan leh dun zawng zawng I pa nen khan kan sawi dun vek a sin.. I pa khan a sawi miah lo  ami a thawhpui te bulah..”

“Ka pa chu tunah coma in a awm mek, tih theih  anei lo..”

“Engaa??? Engmah ka..”

“Ni e, he thil hi chanchinbu mi ho leh kan hnathawk thenkhatte lakah pawh thup a la ni rih.. chuvang chuan min puih ngei ngei a ngai.. khawngaihin” ka ti a

“Ni e.. ni e..” a hmel kha a ngaihbel nge, min khawngaih hmel ta riau in ka hria

“ In hnathawk te hi in hrechiang em?? In hotel a thawk zingah hian nangni leh keini in deal kan nei tih hre zingah hian sawichhuak tu an awm a ni..” a rawn ti leh a

“Enge I sawi awmziaa??”

“Diktak chuan ITDC (India Tourism Development Corporation)Ltd nen hian a ber kan in nih chhawk a.. keini ang bawk hian Shillong lamah Sub-branch nei ve tho an ni. He thil Mizoram sarkar nen kan indawrna te, nangni nen a kan indawrna hi an hriat a thiang lo, hre vaih se min tih chhiat dan an ngaihtuah mai dawn a ni. Chuvang chuan tlang takin ka hrilh a ni, I pa kha.. hei hi sawi chhuah lo hram ni rawh se tiin.. mahse darker 36 kal ta atang khan Internet ah kan agency sawichhiatna tam tak post hmuh tur a awm.. chu mai a ni lo, North East Festival atan a palai kal tur te thleng khan hei hi hria in agency dang ngaihtuah turin kan ram sawrkar ho chu an be ta ve ang..”

“Enga.. he thil hi palai ten an hre lo maw.. in agency kaltlang a rawn kal tur an ni tih hi..” ka rilru chuan ngatinge Tluanga’n asawi miah loh hei hi.. nizan lamah pawh kan sawi dun reng sia tiin ka ngaihtuah a..

“Aw.. theih loh!! Siam that kan tum mek a, mahse chiang ta em em chu in hotel lam bak he thu theh darh  tur hi an awm lo ani”

“En teh ka tiam a che.. he thil titu hi chhui  ani nghal ang.. chuan a theih ang angin discount pawh in pek kan in tum ang, mahse he thil ah hi chuan min puih  angai tak zet a ni..”

“Ni e ka tum ang, mahse keini lam chuan discount tih vel kha chu kan duh lo.. sawrkar lamah kan hmuh tur ang zat kan hmu dawn tho a.. mahse tun a buiana hi na reh phawt loh chuan a dik thei lo ang..”

“Awle.. ka hria e.. lawyer ka han be nghal ang a.. he thil hi chhui turin ka ti nghal ang”

.

. 

“Tluang…”

“Um.. enge..” a laptop khawih mawlh mawlh pah chuan min chhang a

“Ngatinge agreement a intiamna  ho kha ka hriat ve loh??”

“Enge I sawi awmzia??”

“Tunah hian chhui mek  ani.. kha mi sawi chhuak tu kha..”

“Maw.. min rawn ve ik t ache.. en teh, ka hrilh che kha Agency dang kutah pawh he thil hi awm se kan hotel bak a tha a awm lo..”

“Engtin nge chu chu I sawi theih zawk.. I hlawkna tur I hmuh dawn vang chauhin maw I rilru  alo thawven em em..”

“A ni lo chungtiang.. “ tiin ka darah  arawn chelh a, ka thinrim a vawikhat hmuhna  ani bawk a, a ti hrilhhai hle mai..

“I roomah phei rawh..”

“Aih.. bawih ka tihpalh.. I rilru hah hi ka hmu thei lo alawm..”

“Anih chuan chinfel dan tur min ngaihtuah pui t ache..”

“Nia ka tum mek alawm.. naktuk tan appointment pawh kan siam tawh a..” tiin min kuah a, khumah chuan kan pahnih in kan mu dun a

“Ka tihpalh.. ka vin vak che a..”

“A pawi lo.. I thinrim khan I duhawm..”

“Awm lo la chu..” ka sawi zawh hma chuan

“Chung sawi tawh suh.. ti daih I la I chhungte I hrilh tawh em kan inkar hi..” a rawn ti a

“Sawina hun pawh ala awm hleinem.. sawi I duh tawh mi..”

“Umm sawi la..”

“Nangman sawi zawk rawh..” tiin ka va fawp zeuh a, chu tih lai tak chuan ka phone  alo ri a..

.

.

“Aw.. Pu Sangte..

“In hrechhuak tawh maw..

“A va lawmawm ve, a profile kim chang min rawn hrilh ta che, naktukah meeting kan nei dawn a.. ka ken  angai ang, chuan a ruk thei ang ber khan ti zel rih u la aw..

“Aw le.. ka lawm lutuk.. naktuk ah meeting an neih zawhah an ni pawn min rawn bia ang..

“Aw lee.. mangtha u.. rilru  anuam sawt mai..”

.

.

“An man tawh.. worker pangngai mai mai  a ni.. hei hi a awih em?? Chhui that a ngaiin ka hria..” ka thusawi pawh ngaithal lo ang chuan Tluanga chuan a phone a khawih mawlh mawlh a, khum atang chuan a tho a..

“Heiii.. Tluang..”

“Lawk aw.. ka mu dawn.. nangpawh mu rawh”

A awmdan chu a mak ka ti hle mai, tlai lamah a bula riah min dil char char a tunah lem.. a pawi hran loe! A tuk meeting a ka lehkha pawimawh ken tur vel chu ka siam fel a, chu tih lai tak chuan message  alo thleng..

“Naktuk atan duhsakna ka hlan a che, ka theih tawp ka chhuah ve  ania aw.. J” tih hi Hmingsanga’n  alo thawn a, ka nui suk a.. lawmthu ka va hrilh ta nghal a.

.

.

Meeting lam chu  ka rin aiin a kal fuh viau a, kan man tawh thu ka sawi vang  a nih rualin Asst.Director Hmingsanga’n kan home minister a lo han biak vang a ni deuh ber.. kan minister chuan Agency dang biak chungchangah hlauthawng lo turin a rawn hrilh a.. chu chuan kawng a tih awlsam phah hle a. Palai lamah pawh an awmna hmun a zir zel a sub branch lam ten a mimal tak a be theuh tur chuan thu an thlung a, keipawh chuan lawmthu sawi na ni pah fawmin an chawitur atanga 80% chiah hotel in kan lak tur thu leh 20% chu sub branch dang a palai lo kal tur te an biakna kawng a rem change an hman atan ka dah tir ve bawk a. Meeting  a zawh chuan Director chuan driver ko in min thlah turin a ti a, mahse Hmingsanga chuan kan hotel thlenna bula lawk a awm thu leh min thlah theih thu  a lo sawi takah chuan ka zui ta zawk a.

.

“Room number 13 ah tho  ami I awm..??”

“Aw..” nui huk pah chuan ka lo chhang a..

“Ngatinge I ngainat a 13 chu.. khawthlang lam ho phei chuan number tihbaiawm berah an ngai sia..”

“Ihh.. ka unaunu piancham ania..”

“I unaunu nen in piancham a in ang ani maw.. a hma khan I piancham ni a nih thu min hrilh sia..”

“Aw.. ka phirpui tur.. mahse ani chu a boral a, kan pian hlim ah..”

“A van pawi ve.. “

“Chuan..”

“Enge chuan..”

“Ka hmeichhe duh  ber dawttu piancham  ani bawk a..”

“Nimaw.. tunge?? I duh ber chu I nu tih ka hre mai “ a nui suk a.. a nui hmel chu a ngaihnatawm takzet

“Taylor Swift… kan birthday a in ang chiah chiah a.. pian kum te nen”

“Ka nau nen han inhmu thei ula..” a rawn ti vat a

“Ngatimaw..”

“Min thik thei lutuk a, Birthday inthleng puiah min sawm thin a.. Taylor Swift a duh ve lutuk a..”

“I birthday 13, December ve tho maw??”

“Umm.. mahse 1986” a rawn nui leh suk..

.

.

Ka awmdan chu mak ka in ti angreng viau, a bulah chuan ka che naupangchhia riau a hriatna ka nei tlat.. ka che naupangchhia reng bawk a ni. Ka titi duhzawng te reng reng kha, insumdawn tawnna a sawi chi a nilo, mahse min sawpui kha  alo phur em em thin a ni. Ka phone ka en chuan Tluanga message a lo awm a, meeting  a kal tluan thu leh ka haw mek thu chu ka hrilh ta a.

.

.

Hotel ka luh chuan hnathawk pakhat hian min lo ti ding a, lehkha min lo pe a, lehkha ka en chuan inchung ber a chho tur a min lo tihna  a lo ni a.. Tluanga hian min surprise a tum a ni tih ka hre nghal mai a, phur tak chuan elevator lam ka pan nghal a.

“Uaii.. hetiang hi chu movie ah leh M and B bu ah ka hmu thin” tiin ka nui suk a.. Min lo kai vatin, dawhkan kil sa a lo awm thutthleng chu min pawh chhuah sak a, ka thu vat a..

“Ehe.. chocolate cake maw.. lawm tur a awm mi..” ka han ti a

“Awm chiang e.. vawiin khan I chhungte ka hrillh I nu in I pa that chhuah velah inhualna kn neih nghal tur thu a sawi bawk a..”

“Tak tak maw..” ka lawm nge lawm lo pawh ka hre lo, ngatinge a hrilh kher le Tluanga hian!! 

 

 

 

Kan tan cham rei na hun a awm loh avangin a tuk chawhnu dar 1:30 a haw turin kan inpuah chah a. Ka nu nen kan inbiak chuan ka pa chuan a kut zungtang a rawn chet ve euh euh thin thu min hrilh a, chu chuan kan beiseina a ti sangin a rawn harh chhuah  thuai kan ring a ni. Tluanga chuan a hma zawng aiin min duh emaw tih mai turin min duat em em a, keima lamah erawh rilru buaina dang ka ngah em vang nge, ka rilru a la teh chiam lo. Chu tih rualin kan inngaihzawnna chuan ka nu a ti hlim hle thung a, keimah hlim phah em em lo mahila ka nu hlimna chuan engemaw chenah min ti lawm viau mai.

.

.

Mizoram a kan let leh atang a a ni thum ni ah chuan C and K Agency atanga an Director chuan kan hotel chu a rawn tlawh ve leh a, a hma lam a kan lo sawi lawk ang kan tih te a rawn hmuh chuan a lungawi viau ni tur a ni. Tlai lamah kan hotelah Mizoram Home Minister te nen zanriah kan kil ho bawk a, thil chu ruahman lawk angin a kal tluang ve zel a ni. A chang chuan ka thil tih mek hi ka ring thiam lo zawk.. kei Bachelor degree nei ve mai hian MBA,Phd degree nei thah te, ram hruaitu lian em em Minister lian tak bul ah ka che tla ve mek chu a ni sia, ka pa hian min hmu se min chhuang ve ngawt ang.

.

.

Festival rawn thlen  hun tur a tan kar khat chiah  a awm tawh a, kan inbiak remna angin C ank K Agency lam atang leh keini Zohills Hotel lam atangin  Press Conference kan ko a, he hunpui a tan a kan inbuatsaih dan leh hun hman chhoh dan tur chu chanchinbu mi te hnenah puanzar a ni ta a. Hemi hunah hian North East Integration Festival  a Organizing Committee lam pawn min rawn tel puiin program hman chhoh dan tur puan nghal a ni bawk a ni. C and K Agency lam atangin Asst.Director Hmingsanga pawn min rawn telpui a, ani hi kan palai te kaihruaitu ber a ni bawk a ni.

.

.

Festival neih tan hun ni atana ni khat la awmah kan palai ho, kan hotel a rawn thleng tur pawh am rawn thleng a, kan buai miah miah khawp mai. A tu a te pawh, Manager, Board member, Accountant leh worker pangngai te nen lamin kan hah in theih tawp kan chhuah ho a.. tumah lungawi lo in kan haw tir tur a ni lo tih chu kan thupui a ni tawp mai. Ka pa vang a rilru hah hman lek loin kei ngei pawh ka buai  ani, ka hnu chhui turin ka kiangah Tluanga a  awm reng bawk a.. ka tan a a tangkai zia hi tun hun hian a lang chiang leh zual a ni.

.

.

He Festival hi nithum chhung awh tur a duan a ni a. India hmar chhak lam mi ho an rawn tel tha hlawm em em a. Assam, Arunachal Pradesh, Manipur, Meghalaya, Tripura leh Nagaland atangin an rawn tel tha hle a ni. A nikhat ni ah chuan hnam zai leh lam leh thiam thil hrang hrang pho chhuahna hun AR lammualah neih a ni a, a ni hnihna chu Vanapa Hall lamah hnam hrang hrang ten kan hnam chaw leh eitur hrang hrang in eipui tawnna hun Food Festival neih a ni leh a.  A ni thumna erawh Mizoram a hmun chhinchhiah tlak tak tak in fan pui ho na (Sight Seeing) program neih  ani leh a, hemi hunah hian  C and K Agency lam chuan kaihruaiin helicopter leh motor in a kal awlsam phakna ho chu hruaiin fan a ni bawk a ni.

.

.

“Mizoram chu enge ang I tih??” ka hma a coffee in pah a thu Hmingsanga chu en  zeuh pahin ka han ti a

“ A chauh thlak ka ti..” a nui deuh suk a.. “Tak tak ah a ropui ka ti, he ti khawp hian a lo pui tih ka hre lo a ni..” a rawn ti leh a

“Nia… vawiin program ngat phei kha chu a chauh thlak ang.. he lamah chawlh hman tumna I nei reng reng em??”

“Um.. nei  ani mai ang chu.. eng lo  ania.. Mizoramah hian Sub-branch rawn hun lam hi kan tum deuh a..”

“A tih chi ngawt ang chu.. tourist ho mit la tak tak te pawh hi a tam tawh  asin, international ang zawng pawh a lanna a awm ve nual tawh a..”

“Englo a nia.. in Hotel Lawyer hi hmuh ka duh deuh a..”

“E.. nia keipawn thil sawipui tur ka nei tak e, hmanni a thil ti dik lo tu an man kha.. ka rilru ah a wm reng a, hnathawk pangngai ve maiin khangtiang a tih theih kha ka ring chiah loa..”

“Chu chu nia keipawn sawi ka tum.. midang an awm anih ka ring a.. kan Agency tan pawn a thlamuan thlak teh chiam lo ani”

“Puih theihna ka nei che  anih phawt chuan ka inhawng reng ania.. he hotel a chutiang mi kawl chu ka hlauh ber a ni ve tho a..”

“Ti hian kan inpui tawn chu  ani mai lawm ni.. in lawyer hmuh theih dan min ngaihtuah pui la.. hei kar hnih Mizoram a ka awm theih hun chhung hian tih fel ngei ka duh a..”

“Tehreng mai.. naktuk lam chu chawl hahdam la, a tuk lehah in inbe dawn nia.. chuan kan hotelah I la thleng reng ang chu ti raw.. “

“Aih.. naktuk atan appointment chu siam theih se ka ti deuh zawk a, thil awmdan hi hriat lawk a ni si loa.. chuan ka nite in lamah Dawrpuiah ka in suan lut ang chu ka tia..”

“A dik dawn ami.. I awm duh hun chhung chu free pawn I awm thei  alwm.. “

“Chu mi ka hlauh vang chu  ania.. bakah room no.13 ah ka awm theih hmel si loa..” za tak chuan a nui zui a

“I duh phawt chuan I awm thei alawm.. saw room sawn luah lumtu a neih loh na arei tawh fu a..” nui chung chuan ka lo chhang vat a

“Nilo ee,, ka fiamthu anih kha.. ka nite pawn min rawn be reng a, a inthlahrunawm zawk  alawm..”

.

.

A mizia hi ka nelin a bula awm a hahdam thlak zia ka hre chho telh telh mai, ka hmuh hmasak ber kha chuan kan inhau ti tih kha a ni a, a hmuh vawihnihna ah chuan mi inla sang tak a nih hmel in ka ngaina lo em em a, a vawi thumna ah erawh a tanpuina ka dil a.. a vawili na ah thung chuan ka chanchin leh ka ngainat zawng te naupangchhia takin ka hrilh a nih kha. Ani hi mi tumruh tak a ni tih ka hre chiang a, ka pa nen pawn an mizia a inang hle a ni.. mahse ka pa haw thin khan a thil tih kawng a a ngaihsanawm zia ka hmu chho mek bawk  ani.

.

.

Ka chauh em avangin Office chu chawhnu lamah chiah ka kal tur thu ka hrilh avangin chumi zing chuan am takin ka mu a, call a lo thleng a.. peih lo takin leh thophang aw tak chuan ka han chhang a..

“Hello..”

“Vanglaini tukin zing chhuak a headlines kha I lo hmu em..???” kan manager U Nti chuan a rawn ti a

“Aih.. enge??”

“Ka rin ang chiah a ni.. in inrawlh ka ring lo reng a.. en vat rawh..”

“Aw le.. ka dah”

Hmanhmawh takin inhnuai lamah ka chhuk a dawhkan a chanchinbu chu ka han en a, ka phu zawk..

*****ZOHILLS HOTEL NEITU PU.VANSANGKIMA RENTHLEI IN THLAKTU A MAMAWH TA EM NI???

.

Pu.Vansangkima Renthlei, Mizoram a hotel changtlung ber neitu, tun a Mission Veng a cheng mek chu Stroke avangin tunah hian Vellore Hospital ah enkawl mek a ni a, ani hi thla khat tal tawp chu biak theih loh in a awm tawh a ni. Medical report atanga a lan dan chuan ani hi harh chhuak leh tur chu a ni a mahse vawiin thleng hian  a harhchhuak rih lo chu  ani a. Tunah hian a fa naupang zawk Hmangaihsangi Renthlei in an chhungkaw Hotel hi a enkawl zui chho mek a, ani hian a hna kawngah leh an hotel than chhoh zel kawngah mawhphurtu ni chho in amah pui tur hian pasal a nei vat dawn ni in a lang bawk. ….*******

.

.

Ka sa pup pup, he thil hi Tluanga tih a ni thei  angem?? Ka ring phal chiah si lo.. mahse ani bak ti thei dang an awm lo. Coma a awm thu hi chu board member ho chuan an hre ngei a mahse pasal neih chung chang hi tuman khing tiang an chhuah tir thei lo.Tin, an thlalak hman ka pa natna khum a a mu lai thlalak hi ka nu in min rawn thawn  ani a, tuman an hmu ve lo.. Tluanga bak ka phone khawih thei khawp a min hnaih tu  an awm lo. Tluanga ka call vat a kan in a rawn kal turin ka ti a. Lawyer call lehin  thu chhuah tir tu chu chhui zui nghal turin ka ti bawk.

“He thil hi I tih  ani ti raw,,?? Vantluangpui!!” tun a ka thinrm dan hi Hotel chairman fanu thinrimin ka thinrim lo, basketball player kawlh leh pawisak nei lo ang mai kha ka ni.

“Aw.. mahse..”

“Mahse.. enge mahse.. he thil hi engvangin nge I chhuah tir!!! Public a inngaihzawnna hi ka thiam ve lo, chuan chuan ka pa hi hetia I chhuah hi.. he mizoramah hian min el a min er tu an bo loh zia hi I hmu thiam em?? Hotel Regency saw en rawh!! An manager  saw BA pass satliah a mi?? keichu Chairman thutna  athu in BA pass satliah mai mai ka nih hi.. sum neihah chuan ka khum mai thei, mahse tun a pawimawh chu skills.. chuan ka inzir mek.. nang hian min tih chhiat vek hi I tu a ni ti raw..” tiin chanchinbu chu ka pawt thler pawp pawp.. ani chuan min rawn dang vat, ka pum mai hian ka na vek  ani. Ka nu, ka pa leh ka U chuan heng magazine leh chanchinbu a lan hi ngaiah an nei tawh.. mahse a mimal tak a ka lan vawikhatna a ni.. chu pawh hetiang thu hi!!!

“Diktak chuan I nu min rawn angin ka ti  ani..”

“Ka nu in aaa…” ka thin a ti rim zual. Ani pawh hi a in la mi lian mah mah  ani.. enge ka nih hetia tarlan tel turin!!

“I duh chuan dawt leng vak angin ka chhuah thei alawm duat..”

“A tul lo, Office ah let rawh.. vawiin a appointment zawng zawng kha cancel bawk ang che..” tih pah chuan ka room lam panin ka chho a.

.

.

Ka thinrim avang a ka tah vawikhatna a ni hial ang, ka nu in min rawn call a.. ka chhang duh lo. Vawi thum a zawn a a rawn call tak hnu chuan ka chhang a, ka tum lawk lo angin ka vin nasa hle mai. Ani chuan Tluanga thiam loh a awm loh thu a rawn sawi nasa hle mai. Kan inbiak zawh chuan ka ngaihtuah let a Tluanga ka tih dan kha ka diklo hul hual  ani. Ngaihdam dil tawp ka hreh avangin zan a lo peng haw turin ka hrilh ta a. A lehlam zawng tak a ka ngaihtuah chuan kei hi hmeichhe vannei tak chu ka ni zawk lawm ni?? Tluanga hi a fel zia sawi hranpa ngai loin amah hrechiangtu a piangin an hria.. chuan tunah pawh ka chauh apiangin ka hna ah pawh a theih ang angin min chhawk thin si a.

.

.

A tan thei tawp a tuiin chawhmeh ka lo siam a, a rawn thlen tep thu min rawn hrilh chuan tui hmel takin ka han rem sawk sawk a.. door bell ri ka hriat velah ka tlan phei a..  phur takin ka hawng vat a..

“Ahh.. nang maw..”

“Ka lawmpui a che pasal I neih tur thu ka lo hria a” Hmingsanga chuan min chibai pah chuan a han ti a

“Ih englo.. lo thu rawh enge nita..??”

“Thil rawn sawi pui tur che ka nei a.. naktuk hi ka chhuk hun tur kha  ania..”

“Chuti maw han sawi ta che..”

“I office ah ka rawn kal a.. zanriah ei pui pah che a sawi tur ka nei a, mahse..” chu tih lai tak chuan door bell a rawn ri..

“Min lo hrethiam lawk..” tiin kawngkapui lam ka pan a

Tluanga rawn lut chuan min kuah in min fawp nghal ringawt.. kan piah lawk a Hmingsanga thu chu a va hmu lo a, a pangpar min rawn ken min pek a.. chu tih lai chuan Hmingsanga chu a rawn kal a..

“Mikhual I nei dawn tih ka hre loa, ka kal phawt mai ang..” a rawn ti a

“Chu ti maw.. chaw ei ve nghal la..” ka lo ti vat a

“Asst.Director maw.. min rawn zawm ve la..” tiin Tluanga chuan a rawn ti vat a

“Nilo e.. hun nuam deuh in hmang dawn nia..” tiin min chhuahsan ta a.

.

.

“Hmanhmawh ang a dai hman ang” tiin Tluanga chu ka pawt phei a.. chaw ei dawhkan lam ka pan pui a…

“Diktak chuan I pk ve reuh ti raw ka duat..” tiin min kuah a

“Um ka pawm vek, mahse ka tihpalh..”

“I an deuh I hre duh em.. nichin khan..??”

“Um..”

“Ramhuai..haha..”

“Hei sual suh..lawk chu ka phone a ri..”

.

“Aw nu.. mawww .. tak take m nu.. nu ka lawm lutuk..”

“Tluang apa a harh tawh” tih pah chuan ka va kuah cheng cheng

Zanin ang em em hian ka la hlim ngai lo, engkim nei ni ber hian ka in hria. Tluanga chu ka duhna a zualin ka hmangaih dawn mai te hian ka hria. Mahse, enge hmangaihna chu??!! Haha a pawimawh lo ka hlim emm a ni. Ka bulah chuan riah min dil leh, chu chuan a hma zawng a ka ngaihtuah ngai loh.. ani nen a inneih min ti chak tlat. Keimah zawk chuan inhualna siam loa inneih rum rum mai te chu ka duh a. Mahse, hei hi kan kal phung a ni lo, inhualna neih zawhah a tlem berah kum thum kan inhrechiang leh phawt tur  ani.. Um! Nghah phawt bak tih theih kan nei lo.

.

.

Ka nu te chu kar khat hnu ah an rawn haw a.. ka pa chu la chak tha vak lo mah se kan hlim tlang hle a ni. Keimah lamah pawh danglamna tlem ka nei, Hotel lamah chuan Tluanga nen a kan inkar hi thup hranpa ngai loin a ban chelh meuh in ka kal ve ta zak zak mai. Lunglen magazine  chuan cover photo ah kan pahniha thlalak hman an duh thu min rawn hrilh a, hman a keimah kha chu ni I la ka ei lo leh pek ang.. mahse Tluanga nen a kan inkar thup ngai loa kan pholan hi nuam ka ti chho telh telh  ani. Hetiang in tih lar lamah ngat phei chuan ka nu leh pa te hian min support khawp a.. ni e sumdawnna khawvel vek  ani, lar hi a pawimawh tel zia ka hrethiam tawk thaw khat ve tawh hle mai.

.

.

November thla kan chuang kai leh ta reng mai, Hotel a Chairman thutthleng chu ka thutna tur dik tak a ngaiin ka luah lum hneh ve tawh viau a, chu tih lai chuan kan ram a Cox and Kings Agency lamin sub branch rawn din an tum chu phalna an la thei lo tih news atangin ka hmu a, chu tih laiin ITDC lmt lam chuan an hmu thung a, he thil ka hriat chhoh na pawh ITDC lamin sumdawnna lama thawk ho tur a min rawn sawmna ka dawn vang  ani. .. he mi chung chang vel hriat belh ka tumna lamah chuan thil tam tak hmuh ka nei a, anni hian Festival hnu lam atang khan hmingchhiatna an lo nei neuh neuh a lo ni a, pakhatna dinhmun a an din lohna chin pawh thla khat chuang a liam ve tawh a ni. He mi chungchang a pawi ka tih pui zia Asst.Director Hmingsanga hrilh tum a ka call chuan ka call tlang thei mai loa, tum zui lem lo chuan ka hna ngai ka chhunzawm ve leh mai a.

.

.

Ka pa a rawn zia ve hnu chuan Tluanga nen a kan inhualna tur vel chu an sawi chho a, chhungkua kan in rawn khawm hnu chuan November 26 ah kan Hotela inhualna program siam chu an ti thlu ta a. Inhual mai tur ni mahila kan hna kan chawlhsan theih loh avangin hna kan kal zawm zel tho a. November ni 25 ah chuan ka thiante nen kan bazaar ve a, a tuk atan in puahchahna pawh a kal chho mup mup bawk a. Zanah chuan ka nu in mu hma tur a min tih chhen avang chuan ka mutthilh ka tum a.. mahse dar 10:30 pm velah chuan call ri in min ti harh.. number save lo  ani!

“Hello”

“Chiang deuhin ngaithla rawh Sangi.. Naktukah ka rawn chho dawn a.. ka rawn thlen hma chuan eng inhualna hunserh mah awm suh se..”

“Enge awmzia.. Hmingsang nangmah ini em??”

“Aw.. keimah.. ka dah ania..”

.

Enge awmzia.. ka hlauhthawn vang chuan ka lungphu te chu a rang em em a, a message lo awm sa pakhat chu ka han hawng a..

“Kha pa kh inhualna neih pui suh..”

Heng thil hi ka hrethiam lo.. chuan midang hrilh turin eng chhuanlam mah ka nei si lo. Mahse ngatinge khatiang khan Hmingsanga khan a tih duh ang?? A tan a hlawkna tur awm lem lo ah a in rawlh peih lo ang. A hlawkna tur lo ni teh reng se enge ni ang.. kan pahnih inkar ah engmah thil awm  a awm si lo!! Ngaihzawng nei lo ila chuan kan  inbiak nasat phah mai thei a, keipawn  akiang a awm nawm danglam zia chu ka tem ve tawh ngei a, mahse amah lam atangin engmah hriat tur awm ka hre ngai lo. Mahse!!  Ahaw dawn zan a a rawn kal a a thil min hrilh tum kha, min duh thu sawi  atum em ni?? A ni lo tih ka chiang a chhan chu ka pasal nei tur lawmpuina min hlan hmasa tlat!! Huizz… rilru  avan buai em.. engtinge ka tih tak ang??

.

.

Hlua Chhakchhuak in ka sam uluk tak a a chei lai chu hre awm pawhin ka lang lo. Ka rilru pawh hi ka hrethiam lo, heng thil hi enge awmzia.. ka huphurh telh telh mai.. Hmingsanga chu rawn thleng vat se ka ti ngei mai. Mawi takin kan inhualna hmun turah chuan ka lut a, mi zawng zawng chu an hlim a ni tih ka hre mia, chu chuan ka rilru  ati buai  ani.. eng thil nge Hmingsanga hian a rawn tih dawn ka hre si lo!! A kil lam ka melh.. chanchinbu mi ho an awmn thup bawk..

“Vawin hian kan mualpho ngei dawn a nih hi” tiin ka ngaihtuah a..

.

Program tan a ni a.. zaithiam kan sawm te an zai lai chuan ka mawng hi a za zek zek mai. Tluanga ka en lahin a lo khi thaw reng a.. engvang nge mawni a lakah ka in la hrang tlat!! Program kan tan chho zel.. zungbun min bun tir hun a lo thleng ta.. Ka rilru ah Hmingsanga hlir a awm.. ka thlan te chu a so bulh bulh in ka hria.. chu tih lai mek chuan kawngka in hawng ri ka hria, Hmingsanga leh patling pali an rawn in zui phei.. an zing a pakhat chuan a ipte atangin card pakhat phawrhchhuakin

“Crime Investigation Department atangin Vantluangpuia man theihna warrant kan nei  ani..” a reh thiap.. Hmingsanga rawn kal hnaiin “Ms.Hmangaihsangi in Company lawyer hnen atang a kan hriat danin he  tlangval hian in hriatpuina ni lem loin firm pahnih tan full time job a thawk a.. hei hi a dik em??” a rawn ti

“Maww.. eng hna dang nge  aneih??” ka lo ti vat a

“Ani hi ITDC (India Tourism Development Corporation)Ltd a Travel Department a an HOD (Head Of Department) a ni!! Ani hi Cox and Kings Agency enthla tu a puh  ani bawk.. tin he inhualna hi a lem nge  atak a ni pawn a sawi thei ang chu ”

“Maww…”

Midang ho chu an tawng ri mur mur a.. ka pa chu a thawn em avangin buaipui ngaiin a awm hial a ni.. lehlamah Camera  alo de chuai chuai bawk. Ka pa hmel ka va hmu kha ka na zawk, ka thinrim lutuk insum thei lo chuan hmana keimah a ko chhuak leh pek.. Tluanga lam ka va pan hnai

“He inhualna hi a der a ni tih I sawi a ngai lo..” tiin ka kut tum te ka hum ruh ve tah chuan a hmai ka han hnek thuai.. a kawr ngawng ah ka chelhin thinrim aw phiar lutuk chuan

“Kan hotel pawh hi neih I tum ti raw.. ka tih tir ngai lo ang che tenawmpa.. nangmah vang a ka pa saw a tha lo anih vaih chuan ka that ang che!!”

.

.

Police lam leh ka unau ten min rawn thelh takah chuan chhuatah ka thu hnawk..

“Ka lo van a rei em em ve..”

“Bawihte tho rawh.. Police station ah kal ang..” ka u chuan min rawn kai tho a, a hmel a min khawngaihna mit meng nen zawng zawng khan ka hnuk a ti ulh a ni..

“U..” tiin ka tap chungin ka kuah a

“A tha vek dawn  alwm.. keima thiam loh  ani.. ka tuina chiah ka ngaihtuah a, ka chhungkua ka lo ngaihtuah ngai loa.. tunah chuan I buai  angai tawh lo.. keiman ka ti vek ang..”

“A ngai lo U.. keiman bul ka tan tawh a.. a tawp ka thleng ang..” tap insum nen chuan a van inrem lo em!!

.

.

Chanchinbu leh social media lamah kan chhungkua leh kan Hotel chu kan lar hle mai.. a thenin min khawngaihna thu min thawnna mail ten ka dawng bawk. Hmingsanga chu FIR kha Delhi Police Station a thehluh  anih vangin a chhuk ve nghal a. Ani chuan chanchin min rawn hrilh thin bawk a. Keini lam atang a FIR kan thehluh duh ve leh ve loh min zawh chuan kan lo duh loa mahse puih  angaihna a puih kan inhuam reng thu ka hrilh bawk a.

.

.

Hmingsanga chuan ni thum hnu a alo chhoh tur thu min hrilh angin a rawn chho a, office ka kal a rin loh avangin in lamah a lo kal zawk a lo ni a.. Room kawngka kik ri ka hrit chuan lo lut turin ka ti a..

“Ehe.. anng maw.. min lo call ta mai che..”

“Inhnuai lamah I nu nen kan titi phawt a.. kha I tha maw..”

“Aw.. ka tha lutuk.. media ho tlan san hi ka duh rih a, inah ka awm rih mai.. ka U in a thiam ang angin a lo pui bawk a…”

“Nih chu.. Keini Company lam ah pawh thu lawmawm te kan dawng bawk a.. “

“Chuti maw ka van hre ve chak”

“ITDC sub branch rawn din tumna kha hnawl  ani a.. keimahni min pe ta zawk a.. Building vel an lo ti changtlung hneh tawh sia.. keini lam leh sawrkar inremna siamna nen kan luah dawn ta a ang khawp mai..”

“Chu bak bak a thu lawmawm..” tiin ka chibai a

“Chuan in Hotel hi kan partner  atan kan hual lawk inni tih kha in hria  anga..”

“Ni e ka hria lawm.. chuan helam ah I awm char char ang ti raw..”

“Tun kum chu awm ang..”

“Anih chuan ka khua a har dawn lo anih chu.. “ tiin ka lo chhang vat a

“Nia.. naktuk lamah a hmun te min va enpui ve la..”

“Tehreng mai.. ka phur zawng tak..”

.

.

Chumi ni atang chuan hun rem chang a awm apiangin Hmingsanga nen chuan kan in hmu ta zeuh zeuh a, Tluanga hi ngaih ka chak takzet.. mahse ka ngaih tak ngial pawh a phu lo  ani. Khati khawp khan kan chhungkua min tih chhiat pawh a pawi ti lo ania.. lo innei ta I la a duhhusam hotel hi nei ta se kei hi a hma angin min la en reng angem le tih chu ka thil hriat chak ber a ni.

“Hei.. Sangi enge I thlir vung vung a??”

“Sangi min ti tawh suh Nupui ti rawh..”

“Nangpawn I U rual Hmingsang min tit ho aa..”

“Nih leh U Hmingsang”

“Umm a tha”

“Kali la.. min nghak thup tawh  ang..”

Conference hall lama meeting nei tur chuan ka phei ta a.

.

C and K Agency lam Office hawn hun tur hi nakum lam ni mah se a hma thei ang ber a agreement neih chu tha in kan hria a ni. Hei hian keini business firm v eve te pahnih chu nasa takin hlawkna min siam dawn a ni. He agency hi International a lar pha an ni a.. an agency kal tlang a Mizoram rawn tlawh te thlenna tur chu kan hotel  ani tawh mai dawn  a ni. Tichuan keini hotel leh an agency chuan thawh ho na thu thlung chu kan sign ta a.

.

.

Kan company kal phung leh nih dan dik tak te hre tur a dikna a neih tak si ah chuan nitin maiin darkkar thum tal  U Hmingsanga chu rawn kalin kan Adviser nen an inkawm thin a. A remchan ang apiangin ka Office lamah a rawn lut kawi ziah bawk a, a rawn luh kawi zawk chang te hian a bul a awm hi ka lo kham lo thin takzet a, mahse ka tan tih lan a rem lo.. hmanni ah mipa dang vangin chanchin ka nei hat tih an hre fur bawk si, fimkhur hi a van ngai chiang em.

.

.

December thla kan chuang kai a, ka nu te pawh checkup turin Vellore lam an pan a ngai leh tawh a, keimah a in a awm chu ka hreh ngei mai. Ka pa chuan ka U chu min awmpui turin a ti tak na a keichuan ka lo hnial a. Diktak chuan tu emaw berin min awmpui se ka ti takzet. U Hmingsanga chuan keimah a ka awm tih a hriat chuan ka khawhar a hlau em em a, keipawn a bula awm chu nuam ka ti. Zan lam a a rawn len chang chuan titi em em loin movie kan en a, kan tling tla ve zel mai. Ka nu te chuan December 15 a an rawn haw tur thu min hrilh chuan ka tap lo chauh.. ka pian cham lawmna engtinge ni ta ang.. ka bulah chuan U Hmingsanga a awm a.. ka hmel atang chuan a hrethiam aniang chu..

“Kan lawm rual dawn nia.. tap suh..”

“Ka tah loh hii..” tiin ka thip takin ka melh

“Haha.. I kawlh lai an sawi hi ka hmu ve chak ngawt mai che..”

“Naahh.. kawlh lai han tih kher..”

“Kan birthday chu aw..” tiin min rawn kheuh zeuh a, ka lo nui ringawt.

.

.

December 13 a thlen hun nghakin ka meng tang tang.. hei thil zet hi chu a van naupangchhia tak.. mahse U HMingsanga bulah chuan ka naupangchhia leh tlat zel thin tih hi keipawn ka in hrechiang!! Zing dar 12 a ri chiah tih ah ka call nghal.. hrep tak chuan!! Awiii.. a busy, kei aia pawimawh biak tur a nei nimaw.. ka down vek..

“Happy birthday.. God bless you” tih ka va thawn a ka mu hmak..

“Tunge I biak a.. a busy daih..” tih in  arawn reply..

“Nangmah lawm busy 12 ah chiah chiah ka lo call che..” ka thinrim tung mai..  arawn call vat

“Hello” ka ti deuh hrawk

“I lo call ve tak take m??”

“Aw call e..”

“Chuan a busy mi..”

“Awwwww..”

“Haha.. kan in call rual chiah chiah vang anih dawn chu..” ka la lungawi thei chiah lo

“I piancham ka lawmpui lutuk che..” a rawn ti leh

“Nangpawh aw..”

“Naktuk tlai dar thumah Floria Glamour ah chuan.. chumi zawh chua Karaoke  lam ah.. I thiante a tam thei ang ber I rawn sawm ve dawn nia..”

“I ti tak taka mi..”

“Ka ti tak tak lo ngai a mi..”

“Hehe .. aih..”

.

.

Nilengin ka inchei dan torah ka buai.. heti khawp a ka puitlin ve hnu ah hian hetiang ang em em a zam leh phur bawk si hi ka nei ngai lo. Ka inhmeh dan ber a ka hriat ang chuan ka induang ve a, ka hman fel ta tihah chuan U Hmingsanga chuan min rawn lam a.. a birthday gift tur chu ka keng nghal bawk a..

“Min U atang hian I naupangchhia sawt riau in ka hria.. I upa telh telh a.. I cha naupang tial tial..”

“Chu tiang a ni lo.. I bulah ka zia ka thup peih loh vang alawm..”

“Chu ti maw.. chu ka zahawm loh viau  ami..”

“Chui tia ngaih theih zawng pawn ka sawi loh kha..”

.

Floria Glamour chu kan thleng a private lobby a lo hauh a.. an chei dan chu  anuam dangdai hle mai.. banner nalh takah

“Happy Birthday Hmingsanga and Nupuii” tih ka hmuh chuan ka nui sen sen a..

Ka gift tur min pek rual chuan ka pe ve a.. “Hawng rual ang..” ka ti vat

“Ngailo.. kan haw hunah..”

“Tunah zawk..”

“Anih leh le..” kan hawng dun a… ka thil pek Rolex Sana a hmuh chuan a hlim hmel hle mai, kaiin ka hawng ve.. ka phu zawk “Ipad maw.. hei hi a to ngawt ang.. ngatinge hetiang hi I tih duh??”

“I duh lo  ami??” thu tak fe chuan a rawn ti..

“Aih ka lawm lutuk..” tih pah chuan a biangah ka han fawp zeuh. Awi.. ngatinge kha thil kha ka tih, keimah leh keimah pawh ka in ring lawk hleinem..

Kan pahnih in zanriah tui tak kan ei dun a ka hlim lutuk tlat. Ka nu in min rawn call chuan U Hmingsanga nen kan lawm thu ka hrilh a, a hahdam huai thu min hrilh a..

.

.

Karaoke studio ah chuan ka thiante an lo thleng der tawh a.. ka cousin te ho anni zawk mah. Hemi zan hian hlim takin kan hmang ho a, ka piancham lawm tawh zawng zawng ah chuan ka la hlim ber tum a niang.. Dar 11 velah haw zai kan rel ta a..

“Nupui..”

“Awih..”

“Ngaihzawng neih leh tumna I nei em??”

“Ngatinge min zawh..??”

“Ka zawhna che chhang phawt la..”

“Diktak chuan ka la inpeih lo..”

“I inpeih hunah..”

“Ka inpeih hun tur pawh ka hre lo.. dik tak chuan ka ngam tawh lo..”

“I ngam hun nghak dawn ta i la..”

“Enge I sawi awmzia..”

“Nghah che ka duh..”

“Hmanni lawkah khati khawp khan ka mualpho tawh kha..”

“Mualphona a ni lo.. zalenna a lawm.. kan company tan a ka thawhna ah khan I hnen ka hnaih theih nan khan ka thawk tel a sin..”

“Enge I sawi awmzia..??”

“Thil tam tak ka tih loh tur tawp pawh ka ti.. a chhan chu”

“Enge a chhan chu..”

“I bialpa kha Delhi a in rawn zin atang khan ka ringhlel tan tawh.. kha tih hunlai khan kan Company chu kan fimkhur em em a.. kan company a lut leh chhuak chu kan in chhui zui  ani ber e.. appointment siam tur a zan lam a a rawn kal hnu khan Agency atang a ka chhuak tur parking lot ah mi pakhat nen  aruk tak a an inbia ka hmu a..  chu a mi biak chu chhui zui  ani reng bawk a.. ITDC lam mi  ani..”

“Ngatinge min hrilh loh??”

“Lawk.. ka sawi zo phawt ang.. Chuan ka rawn chhoh a, in lawyer nen kan thawh dun hnu khan ani pawn a ringhlel telh telh, Hotel a accountant hnena Company Account  leh Board member ho share neih dan information a dil tih kan hriat ngat phei chuan kan ringhlel zual.. ka khawngaih lutuk che khatih hunlai khan mahse I hnen a sawi turin finfiahna mumal tak ka nei lo a ni.. khatih hunlai a ka rilru a I awm nasat zia chu company secretary in tih chhiat a tum mek che u ani si a.. I pa lah a biak theih si loa!! In chanchin chanchinbu a ka hmuh ni khan ani khan kan agency tih chhiat a tum tih ka hrechhuak a, I bula rawn kal a hrilh che ka tum ani. Mahse, kha zan a ka hriat chhuah chu kha  in company secretary kha secretary mai ni lo in I bialpa a ni tih ka hriat khan ka thil hriat kha a tawk loh zia ka hre chho a.. in tan a hlauhawm tih ka hriat thawi avangin Secret Investigation kan kalpui chho ta  ani.. Chu tih hunlai chuan kan la man loh avangin kan Agency chu ala sawp kual hneh hle a, MIzo a nih na angin Mizoram sarkar nen lam Sub branch dinna permit a neih theih nan a thawhpui ta a.. khatih hunlai khan kan Agency tan chuan ani kha ka dang thei lutuk mahse in hotel tan a a hlauhawm zia hriatchhuah tel chu kan tum ngar ngar a.. In inhaul dawn ni hma chiah khan information kan duh ang kan hmu thei chauh a.. Delhi Police Station ah FIR kan thehlut a, Mizoram lam min biak sak nghal vat a.. kan ti thei chauh a ni.”

“Anih min duhna chhan chu min khawngaih vang maw..”

“Chutiang chuan I ngai thei tho.. mahse tu emaw.. I nun a mi pakhat ve mai a I ngaihin a ti chhe dawn che tih I hriat a.. I lo ngaihsak zia I hriatchhuah a dan tumna rilru I neih a theih tawp I chhuah tluk a ka duhna che ti chiang tu a awm thei dawn ami??”

“Aih awm lo.. mahse heng media te hi..”

“Ka hrethiam alawm I hlauhna chu.. ka nghak thei che.. ka nawr lui lo che”

.

.

A thusawi ka ngaihtuah let chang apiangin ka rilru hi a buai thin.. hei hi chhungkua a rel chi a ni angem.. a theih lo ang.. keima lam a ni tlat. U Hmingsanga chuan min ngaihsak ngai ang bawkin min la ngaihsak a keipawn ka rilru ka in hria.. ani hi ka duh a ni.. mahse ngaihzawng neih nghal ngawt chu tih bawk chuan ka rilru  ati buai thin.

.

.

Ka pa te an rawn haw a Christmas pawh hlim takin kan hmang chho a, U Hmingsanga chu ka chhungte sawmna in kan inah a tal tam sawt hle a, Tluanga thlaktu hi chu  avan ni chiang em.. December 31 zanah chuan kan chhungkua in kim takin kan  hmang ho a, U Hmingsanga a rawn awm ve bawk a.. dar 12 minute 20  a la awm tih ah chuan min chhuahpui lawk duh thu ka chhungte a hrilh a, hrilhhai tak chuan ka zui ve mai a. A motor in kan tlan chhuak.. hmun reh tak kan thlen chuan a sana a en zeuh a..a ding ta a

“Dar 12 ala ri lo deuh..” tih chuan a nui suk a

“Enge??” tiin ka lo chhang a..

“I kum hlui leh I nunhlui hi I kalsan a kum thar duhawm tak I hman theih nan puih che ka duh a ni.. I awmdan hi ka hai lo Nupui.. Naktuk kum thar atang chuan ka ta ni la.. khawvel hi ka hmachhawn pui ang che, I kiangah ka awm reng ang” a ti a.. ka khabe rawn dawmin ka hmui ah a rawn fawp zeuh a, min rawn hnaih leh zualin uar takin min rawn fawp a.. keipawn ka lo chhanglet a. Chu tih lai chuan kumthar kan chuang kai ta tih lan tir nan kan hma lam ralah chuan halmawi mawi tak tak an de chuah chuah a..

.

.

Ka nunhlui a ka thil tawn hriatreng tlak loh zawng te u min liam san tawh rawh u, he kum thar duhawm tak hi Chunglam min pek ka Vantirhkoh nen hian bul tan nan kan hmang dawn si a..

---------------********-----------