EPITYCHIA

“EPITYCHIA.. boarding  schoolah  maw??!!”

“Aw.. enge mak tih tur awm a..” ka pa chuan min en hrak a

“Pa hei chu i ti mah mah lo maw.. high school ka pass chuan ka duhna hmunah awmin school ka kal ang ka tih kha..”

“Chu lai hmun tluk a tha I tan a awm lo.. ” ka pa chuan vin takin a han ti a

“Mahse ngatinge boarding kher??”

“A ngai a lawm.. chu lai hmun bak a I nun siam thatna tur hmun a awm lo..”

“Mahse a va lar lo ve..”

“Thil lar na zawng hi thil tha a ni kher lo..”

“Mahse ka duh lo a lawm le.. in inchhir zawk  ang..” kan ti thawr a

“I tan a tha tur bak ka ngaihtuah ngai lo tih hria la ka thu chu zawm mai rawh.. I room ah chho rawh”

.

Ka roomah ka chho a ka tah chhuak chuan min hnawh tup tupin ka hria.. ngatinge ka chhungte hian in lam atang a school ka kal hi rem an tih ve theih thlawt loh le. Ni e, ruihtheihthil lamah ka sual hma em em a, ka chhungte chuan hre em em lo mah se min enkawl hi har an ti ngang aniang..  guardian hran hnuai a min dah a, an duh tawk sum thawh chhuah hi nuam an ti miau a ni.

.

Chhungkaw khawsak harsa lo tak a fa mal nih a sei len chu midang tan chuan duat rawn ni ah min ngai ngei ang, mahse tuman ka khawharna hi an hrethiam phak lo ang. Kum tin ka school kalna, hostel nen min thlak sak ziah a. A changin Mizoram ah, a changin phai lamah.. thian ka nei ve a nih pawn ka nel ve dawn choh a hmundangah min dah leh zel thin. Mahse thian ka neih ve pawn mi fel an ni ngai lo keimah ang a sual nuam ti zel an ni.. thian sual hlir kawm thin e ti lo pawh hian ka ruih duh emaw pawh hian mahni a ruih hi ka hreh ngai lo, nuam ka ti mah zawk.

.

Ka lukham hnuai a hnah ro nawi chu ka han phawrh a, lehkha la in ka roll a.. ka khawvel ninawm tak tak theihnghilh tur chuan ka si khu hlut hlut a, ka duhtawk chin ka si hnu chuan ka awmdan pawh a rawn danglam leh tan ta, tun a ka awmdan hi ka nun a nawm ve hunlai tih in a sawi theih ang. Ka suangtuahna khawvel a rui phelh phawlh a ka chen lai chu tu emaw ka room kawngka rawn hawng ri in min kai harh zawk..

.

“Kik ta chee..” bah nuai chuan ka ti a

“A rim leh pek chu le..” ka cousin Msa a ni a

“I duh ve em?? Blow ve zuai la..” meng tha thei mang lo chuan ka han ti a

“Ka peih lo.. pills ka bar a..”

“Pills hi ti rengg.. weed hi ti ve chhin rawh, engmah dang I mamawh tawh lo ang..haha” ka han ti a

“A nuam fe aw ka tih lai hi..”

“Ka ti ve chhin vek tawh.. a tawpah chuan weed ah bak ka tawp ngai lo..” ka ti a

“Khawiah maw higher I zawm dawn a..???”

“Rawn sawi teh suh.. high lai lai in..” ka ti a

“Hehe.. I awmna tur kha a mak tawp.. Mizoram schoolah mak ka la ti ber..”

“Zawnga sawi tawh suh ka tih che kha..” tiin ka tlawh nawk a

“A na nia Lalremruat..” a rawn ti vak a

“I chawh..”

“Hostel I awm hunah.. weed I blow thei awm si loa..” a rawn ti muang charh a

“Ka thei nge thei lo kan lo en ang chu.. ka awmna ah ka ti thei zell” ka ti a

“Tlanbo ka chak e.. kan in saw ka hne..”

“I rui nih kha Bawiha..” tiin ka han nuih a, meng pawh meng tha thei loin a hmui a rawn ti pawrh a..

.

Ka hostel luh peih lohna zawng zawng nen ka rilru chu ka hah ve det.. ruih loh lai ka nei zeuh zeuh chauh a ni. Tunlai ngat phei chu damdawi tih tel chang ka nei lehnghal.. Lalmalsawma ka bul a a awm hi chuan ka ti tel leh nge nge thin bakah hostelah weed blow theih loh chang a awm takin tiin damdawi tih tel pawh chu ka hreh chuang lo..

.

 Zan khat chu Msa a lo leng a ka khumah kan mu dun a, keiin ka laptop khawihin torrent ah movie ka download a.. thil pakhat k tih dik theih loh avang chuan Msa chu ka han ko a

“Heii Malsawm.. hei hi  a dik thei miah lo niaa??” a la chatthla daih zui.. ka sawi nawk nawk a.. a harh tak tak theih loh avang chuan ka movie download zawh tawh chu ka en ta zawk a.. Kei harhfim bik chiah lo bawk nen ka lo muhil ve deih chu niin.

.

Zingah chuan kawngka kik ri in min ti harh aa..

“Remi va hawng rawh..” Msa chuan min rawn sawi a

“I duh leh va hawng la.. nge I rawn mut tlang ve ringawt..” ka ti nuah nuah a

“Mak eee.. Lalremruat..”

“I zak em mikhual zawk I nih khaa..” ka sawi zo hman lo tep min tlawh thla tawp

“Nuuuuuu…”

.

“Bawihi ngatinge.. ngatinge??” ka nu in pawn atang a a rawn tawng ri chu ring lem lo takin a hriat a

“Lalmalsawma hi..”

“I van bengchheng tak..” tiin a va tho a, kangka chu a va hawng a.. keichu chhuatah ka la mu kawm ngawl a

.

“Engati nei nuai nge??” ka nu chuan a rawn ti lut a.. “Kha tho rawh.. zingkar atanga unau inhauh in zak lawm ni??” tiin ka nu chu chuan min kaitho a. Khum ah bawk mu lehin Msa chu tlawh thlak ve tumin ka han leng awrh a, a che euh ringawt..

“A mak ka la muhil duh nia anute..” a rawn la ti zui

“In inah haw la va mu rawh..” ka lo ti vat a

“Ngatinge roomah meizial in zu ru leh tawh mi??” ka nu chuan a ti a

“Malsawma a nih kha..” ka lo ti vat a

“Ngawi rawh hmeli..”

“Chaw rawn ei ru.. a tlai tawh lutuk.. vawiinah I hostel luhna a mamawh tur vel lei a ngai dawn ania Bawihi nangpawh..” ka nu in a tih chuan ka mood a off vek.. khumah chuan ka thu kun nghal ngul a.

.

Kan bazaar chhung zawngin ka tum vuau reng.. ka thil tur an lei chu en pawh ka en pui tha peih lo.. ka rilru chhungril hi a rum vawng vawngin ka hria. Matric exam atang a kan chawlh thlengin kan inah ka tal tam ve a, nuam ka ti ve viau a hmun dang ah pawh awm tum loin Mizoram a kal zawm na rilru ka lo pu ve a, mahse boarding.. kan in atanga hla tak ah dan khauh tak hnuai ah min dah leh dawn tho si.. ka nu leh pa fa hi ka nilo emaw ni chu aw tih te hi a awl rum rum thin.

.

Kar khat a liam leh meuh chuan ka hostel luh hun a hnai tawh hle a.. thian hranpa ka neih loh avangin ka cousin ka nu u fa, Msa nen bawk chuan kan inkawm deuh chawt a.. tih tur dang vak a awm lo.. kan rui dun reng hi a ni mai. Nakinah chuan enge thleng ang chu a hriat loh tak na in Msa hi a damdawi tih vang hian a pumrua velah han chhiat bik na a nei hran loa, dan (pale) hi chu a dang ve hle a mahse a ti hmeltha zawk emaw tih mai tur a ni. A mah duhtu pawh a tawng hnem viau a mahse hmeichhia ai chuan ruih a thlang zawk tlat thin.

.

Hostel a ka luh dawn avangin kan chhung hnai te ho chuan zanriah an lo ei hlawm a.. kei leh Msa chu ka roomah kan in kalh hnan leh hmak a, movie kan en dun daih a. Dik tak chuan keini thlah kual changkang tak tak leh lehkha thiam rual zinga awm hi keini pahnih hian nuam kan ti ve vak lo.. kan nuam tih zawng leh ngaihtuahna hi a inperhsan ve em bawk a ni.

.

“Keng tam vak duh suhh.. an man ang che nge..” Msa chuan ka thawmhnaw kar a ka thil thuhruk en pah chuan a rawn ti a

“An man lo ang.. tih hi a har ang tih ka hlau ber zawk..” ka han ti a

“I room ah emaw common bathroom velah chuan a tih chi dawn miah lo nia aw..” a ti a

“Roomah chuan a pawi lo ang zan rei ah.. khawi damdawi kha tlem min pe ve rawh”

“Naa nge I sawi lawk loh.. ka kawl hnem lo sinn..”

“Min pe mai teh.. he ta awm tur zawk I nih kha..” ka tih takah chuan ui takin min han pe a

“Thanks.. ka uanupa diktak I ni.. pasal ka neih ni ah biakin min kai lut ang..” ka ti a

“Nupui nei la I inhmeh zawk ang..”

“Zak em.. ka sam pawh a sei ve tawh em hii.. ka dar a thleng ve tawh..” tiin darthlalang hma ah chuan ka han in en kual a

“I hmelthat dan hi a patil hmelthat..” nui vak vak pah chuan a ti a

“Nang chu I hmelthat dan a tuai..”

“Ti ve lo mai teh aa..”

“Nia.. I phone kawl reng rawh aw.. thil ka mammawh hunah ka lo call dawn che nia..”

.

Aizawl khawpui kan chhuahsan dawn emaw tih tep ah chuan kawng kual mi kal than lohna tih hriat takah chuan ka pa chuan car chu a kawih herh a, chu kawng chu kan zawh ta zel a.. hnim buk rual them a to tir tih hriat kual chhuak lian gate hma ah chuan car chu a ti ding a.. security in kan lam min rawn pan a ka pa nen an inbiak zawk chuan gate chu min hawn sak a chu hniam leh thingkung lian tak takin a hual chhungah chuan kan tlan lut ta a..

.

“Ramhnuai ah school maw..” tiin ka phun sep a

“Kalna tur I neih chuan I chhuak thei tho a nia..” ka nu in a rawn ti a

“Hei hi tu school nge a??”

“I pa hmelhriat a nia.. mi na zawng an lut thei miah lo a nia Bawihi..” ka nu in a tih chuan ka nui tawi tuk a.. ka hlim ru phian hetiang hnim leh thingkung tam na lutuk ah chuan sual a awl phian dawn hi tiin ka ngaihtuah a..

.

Ka pa nen Principal office ah kan lut a.. ani chuan rules and regulation vel a sawi luam a, a sawi ber pawh ka hre chiah lo.. ka lu ka bu nghauh ngauh ringawt. Ka nu te chu gate thleng ka han thlah a.. ka lung chu a leng ve reng mahse awmzia a awm lo tih ka hriat avangin ka let vat a ka room lam ka pan nghal a. Ka room a ka luh chuan engkim rem fel sa thlapin a lo awm a, ka thawmhnaw ka ken chu ka dah fel a.. ka laptop ka phawrh a, ka han on a…

“Yess free wifi.. mi hausa school a nih ber mai hi..” tiin ka phun sep a. .

.

Darkar hnih vel chutia internet ka khawih char char lai chuan kawngkai kik ri ka hria a..

“Hello.. miss I maid tur ka ni e..” mizo tawng pai tak chuan a han ti a

“Engmaw..” ka ti ha a

“I maid tur ka ni..” tiin English chuan a rawn sawi a

“Awle.. private maid kan nei dawn tihna em ni??” ka ti a

“Mi pali in maid pakhat zel in nei ang.. chuan in thawmhnaw suk ngai emaw room tih fai a ngaihin min hrilh a chuan tunah chuan zanriah ei a hun a..” tiin a han sawi a

“Helai hmunah hian Mizo hlir em ni awm??” ka ti a

“Aih.. Mizo chu 30% bak an awm lo.. mahse northeast mi vek chu an ni..” a ti a

“Awle ka lawm e..”

“Chuan miss.. electronics gadget lam zar dar 8 atanga 12 thleng a khawih theih loh.. study hour..”

“Engaa??!!” ka han ti tuar a

“Sorry.. I zanriah ei  ahun tawh ania..” a tih chuan dining hall lam ka pan ta a..

.

Dining hall lam ka pan a, ka maid sawi ang chiah.. Mizo an vang pharh mai mahse pawi ka ti hran pa em em lo.. Ka School kal tawhna ah pawh Mizo awm miah lohna a awm fo alawm le.. Zanriah ka eikham chuan ka roomah ka chho lehngal a tih tur a vang duh ngei mai, ka phone ka khawih peih ngai em em lohte chu ka khawih chak zek zek.. phal loh a nih vang te pawh aniang chu. Weed blow a chakawm ngei mai mahse a school compound vel ka hriat chian phawt loh chuan tih a chi si lo.. Dar 12 a rik dawn thleng pawn ka la muhil lo chu a nia mahse 12 meng thlen chu pawi ka ti lo.. wifi an on tawh mai dawn bakah phone leh laptop ka khawih thei tawh dawn tho a.

.

Zingah chuan kawngka kik ri in min ti harh a.. lu na bur chuan ka han tho a, ka maid a lo ni a.. Ka tukthuan ei a hun tih min hrilh pah chuan ka uniform a rawn dah a. Tuk thuan ei kham chuan ka inbual a ka insiam vat a, insiam zawh chuan class awmna lam ka pan a. A hma a la in en lawk lo ka nih avangin khawnge class awmna ber ka hriat loh avangin ka zawng rei hle a.. mahse a tawpah chuan ka hmu ve hram e.

.

School dang atang a lut thar kan ni nual hlawm a, a landan ah chuan mi awmthei fa hlir an nih hmel.. an changkan hmel em em vek a na hmel lah an tha hlawm hle a ni. Rules and regulation an sawi leh, ka van hne tak ka beng lehlamah a lut a, a chhuak leh nghal.. engmah pawh hre mumal loin ka ngaithla liam ve mai mai a.. class pangai kan la neih loh avangin kan bang hma a. Thenkhat chu inkhel tur ten an kal a, thenkhat swimming pool a cheng tur ten.. keichuan engmah peih ka nei lo.. ka roomah ka mu leh tawp mai.

.

Ni thum ngawt ka ruih miah loh hnu chuan ka chak tawngkhawng hle a ni. Ka room a tih chu ka ngam chiah si lo.. thil ka hrechhuak zawk, hostel hnung lampang a thingkung lian tak tak ding thluah awmna lai vel chu a rem riau dawnin ka hria a. Zanriah ei kham thim thet thet tan lai vel chuan ka chhuk ta them them a.. tu emaw ngawi reng a lo ding mipa pakhat ka hmuh chuan ka phu chiang hle mai..

“Heii.. heii..” ka han ti a a lo hawi mai lo.. “Excuse me.. Hello..”

“Enge??” tiin a lo hawi phei

“E.. mizo maw… Helai ah hian CCTV a awm em??” ka ti a

“Khawiah??”

“Ramhnuai ah hian..”

“Awm lo.. “

“Ok.. Thanks ka lawm e..” tiin thlang lampang chu ka pan ta hmiah hmiah a

“Hei.. khawnge kal I tum a??” a rawn ti a.. keichuan chhang lem loin lighter chu ka han hmuh a.. a nui hak a.. keipawh nui chung chuan ka chhuk thla ta zel a..

.

Ka awmna hmun hriat chu a fuh riau.. tumah dang ka hmu ngai loa, zantin deuh thaw ka rui thei a ni. Ka kal dawn apiangin kha school naupang kha niang chu, a lo ding ziah a..

“Hii..”

“Hii..” a tawk der zel, ka thil tih tum ti turin thlang lamah ka chhuk lehnghal a, ani pawn min be zui ngai loa keipawn ka be zui hran lo. Chu mai piah lamah a hmel ka hmu chiang thei mang loa ani pawn min hriat kher ka ring lo  ani.

.

Kar khat teh meuh chu chutiang chuan ka awm tawh.. ka ruih theih chuan enge he lai hmun hi  athat lohna awm.. tiin ka in ngaihtuah ta fova. School lamah chuan thian ka nei nual tawh a, an van changkang ber mai em.. ka hne lek lek zel.. Mahse, an titi danah chhungkaw tan a fel leh tangkai chu an nih vak bik loh hmel hle in ka hria.

.

Schoolah awareness a awm avangin class kan kal loin chumi program ah chuan kan kal a, chu program chu zial zuk that loh zia in zirtirna lampang a ni a. Thusawitu in thiam takin a sawi a, zawhna zawh hunt e siam a, darkar hnih hnu ah chuan kan bang ta a. Kan ban a tih tur sawiin swimming pool a chen ho relin kan class a ka thian chhar thar hmeichhe ho nen chuan kan sawi sap sap, chutih lai chuan tu emaw aw pa tak  hian ka beng bulah min rawn hrilhru a..

“Smoking kills..” mak ti takin ka hawi vat a.. a hmel chiang tak a ka hmuh vawikhatna ni mahse a pian atang chuan tunge a nih ka hria a ni.. nilo a hming leh class, eng subject nge a lak chu ka hre hauh lo mahse ka hria a ni.

.

Ka en reng a, a nui suk a.. a hmalam ah hawiin a kal ta a

“Kha pa kha tunge??” ka thiannu chuan a rawn ti a

“Hre lo..” ka ti ka mit ko a san zeuh a, an awih lo tlang hle

“Definition of perfect..”

“Haha.. em em a na..”

.

Ruih hi engtiklai pawn ka phur rual rualin vawiin chu a dang riau.. kha pa kha ka hmu leh chak tlat.. A ngai te bawkin ka kal hun thinah ka kal a, a lo awm leh ngei e..

“Hiii..” a lo ti vat a

“Hii.. wanna join??” ka han ti a

“Zial ka zu loa..” a rawn ti a, ka hmu lo mahse a nui tih ka hre thei

“Oh.. nihchu..” tiin kal mai ka tum a

“Mahse.. kalpui I duh em??” a rawn ti a

“I duh chuan a pawi lo..” ka ti a, ani chuan min zui ve mai a

.

“Zantin helai hmunah hian zial zu turin I kal thin maw..”  a han ti a.. keichuan ka weed roll chu ka han si ham ham a

“Aw.. min hmuh ziah kha..” ka ti a

“A rim a va mak..” a rawn ti a.. ka ngawi reng.. ka blow char char.. “T(r)ip elaww..??”

“Naa.. t(r)ip ti suh.. a thing lutuk” ka ti a

“Ka la ti miah lo..”

“Try la..” tiin ka han pe a

“Meizial zuk pangai ang maw..”

“Aih..min en rawh..” tiin ka si lut a, ani chu ka pe a.. “I hrawk kha a rawn thip mai ang.. I hip fuh chuan…” ka sawi lai chuan a rawn khuh thawt thawt a, ka nuih  vak vak a.. “Ti ve lo mai rawh..” tiin ka lak sak ta daih a

“Zantin heta kal ai chuan I roomah ti la..”

“A hlohawm lo mi??” ka ti a

“Zan dar 8 hnu lamah tuman an tibuai lo ang che..

“Hmm.. anih chuan phone leh electronics thil khawih phal loh hi..” ka ti a

“Hei chu khawih duh pawh ni la.. eng signal mah a awm thei hleinem khami chhung khan..” a tih chuan ka nui hak a

“Ka van lo hrethiam lo thei tak..” ka ti a ka nui leh vak vak a, ani chuan mak tih hmel deuhin min en a.. a mak ti hmel ringawt te khan nuih a ti za..

.

Ka tih tur ka tih zawh chuan kan chho a..

“Naktuk zanah I lo kal leh ang ti raw..” a rawn ti a

“Ka room a zu turin min tih kha..” ka ti a

“Mahse, lo kal leh la..”

“I blow ve chak a mi.. ka zirtir che I duh nimaw..” ka ti a

“Aw.. aniang..” tih chiahin min chhang a, a kal ta a

“Hei.. khawnge I kal dawn??”

“Ka haw dawn..” a ti a

“Boys Hostel chu helam hi ni sia..” tiin ka han kawk a

“Kan inah lawm ka haw dawn. . kal tawh rawh” tiin min en reng a

“Bye..” tiin keipawn ka room lam ka pan ta a

.

Zan thum chutiang chuan kan awmdun a.. a zu thei thlawt loa keipawn ka zuk luih tir bik lo. Dik tak chuan a zo tep tawh a midang lo kep kha ka ui ru ve tho a. Kan chanchin tlem a zawng kan in hrilh a.. Dave tiin an ko thin tih te.. kan tui zawngte kan inhrilh bawk a, ani chuan class 12 science a lo zir mek a ni a.. a awmdanah leh tawngkamah chuan fapa fel tak a ni tih ka hre thei

.

“Khawi tangin nge heng hi I hmuh aa??” a ti a

“Ka lo ken.. mahse a zo tep..”

“I nghei dawn mi a zawhah??”

“Teuh lo.. ka cousinin min lo thawn dawn..” ka tih chuan mak a tih hmel hle a

“I nghei thei tawh lo mi??”

“Nghei ka tum lo hrim hrim..”

“Lesbian I ni em??” a rawn ti thawr

“Enga??”

“Sorry..”

“Ho lutuk.. mi pawn an ti thin lawm.. mahse ka ni lo..”

“That chu..”

.

Weekend a ni a, ka chhungten min rawn tlawh a, Msa pawn ka sawi ang chiahin min rawn thawn ve bawk.. ka unaupa fel tak chu a va ni chiang em.. ka thaveng halh halh khawp mai, ka chhungte chuan nuam ka tih hmel zia an rawn hriat chuan an hlim ve kher mai.. keipawh ka hlim a ni mai ang chu.

.

Chawlhni zan dar 8:30 velah chuan ka kawngka kik thawm ka hre leh tlat.. mak ti takin ka va hawng a, ka maid a lo ni a

“Principal in a hmu duh che.. thil sual tih I nei em ni??” ka lungphu chu a rang ve det..  mahse mak ka tihna em em chu a zan hmasa chuan weed blow loin damdawi ka bar si a..

.

“May I come in Ma’am..”

“Come in..” a ngawi leh deuh vang vang.. “Khawnge nizanah I awm??” a ti a

“Nizanah chuan ka roomah..” ka ti a

“Dawt min hrilh suh..”

“Dawt ka sawi lo.. Ma’am..”

“Nizana chhuak ru kha tunge ka hria a ni.. engtinge chhuah rukna I hriat zawk..” a ti tuar a

“Ma’am a ni lo.. ka room bak ka pel lo”

“Zandangah pawh hostel kawt a I vak vel hmuh I ni fo..”

“Mahse ka ni lo..”

“A tawk.. tun tum chu ka ngaidam ang che.. mahse naktuk atangin kar khat chhung library I ti fai ang..”

Ka thinrim lutuk hi ka tawt up up, kan inchhung chu ni se ka nu tarmawi to berin a tuar leh ngei ang.. mahse helai ah chutiangin ka chet a thiang si lo.

.

Ka kalna thinah kal turin ka chhuk leh a mahse Dave a chu a awmna ziah thinah chuan a lo awm miah lo.. ka rilru natna leh ka thinrimna hrilh ka chak tehreng nen.. mahse mahni a awm ka mamawh te pawh a niang chu.. Zandang a ka zuk aia tam ka zu a, ka meng hleithei lo, harhfim lohna rilru zawng zawng nen thawh pawh tum loin ka thu a ka khup a innghat ka banah chuan ka lu nghatin ka lo muhil zui daih a..

.

“Heii.. Remrem.. I harh em??” chiang mang loin ka harh a.. a thim kher mai, hmundang chu a reh tlawk tlawk a

“Dave..” ka ti a

“Um.. ngatinge I chhoh loh.. zanlai a pel tawh a sin..”

“Ngatinge I lo kal loh a??” ka ti a

“Buaina ka nei a.. I tap a mi??” a rawn ti a

“Teuh lo mai.. ka tap ngai lo..” ka tih chuan a nui hak a

“Nia.. nang chu I huaisen a lawm ti raw..” tiin min ka darah chuan a ban in a rawn kuah a.. ka bulah chuan a thu tha leh te tea

“Tinge he tah ka awm tih I hriat??” ka ti a

“Ka hre lo.. I awm dawn riau a hriatna ka nei a..”

“Dave..”

“Umm..”

“Khawvel a na ka tih ber I hre duh em??” ka ti a

“Aw.. sawi la..”

“Dawt a in puh hi na ka ti.. ihmaw ngaihsak loh nih ai pawn na ka ti.. mi zawng zawngin min ngaihsak loh lai pawn ka rilru  ana ngai lo mahse dawt a puh hi na ka ti..” bah nuai chuan ka ti a

“Nia a na a lawm.. mahse thudik chu a lang leh thin  alawm.. I tho thei em.. I roomah kal tawh la a tha ang..” tiin min kai tho a, zawi tak chuan ka room lam ka pan a, ka pil hma chu ani chuan min thlir zui reng a.

.

Phur lo leh rilru natna zawng zawng nen class ka kal a, thil awmdan ka thiante pathum ka hrilh chuan an thinrim hle a, library ka tihfai hma ngei a chhuakru diktak hriat an tum ta a. Lunch break zawh dar rik tawp lamah chuan ka naga thiannu Melory chu hmanhmawh fe in a rawn tlan a..

“Ka hre tawh..”

“Tunge??” ka lo ti vat a

“Mizo..”

“Maw..” tiin ka thiante zinga mizo awm ve Cynthia nen chuan kan in en a

“Kan senior.. Biology la.. Davea’n a chhuahpui an ti...”

“Maw.. Davea maw??” ka lo ti vat a

“Aw.. kan principal fapa an ti.. tunge chu ka hre lo..” Melory chuan a ti a

“A hmeichhia chu tunge..??” Cynthia chuan a ti a

“Lalchhandami..”

“Sawi ang.. kal ang Remrem Principal bulah..” tiin Cynthia chuan  min kaih a tum a, ka awmdan chu ka hrethiam lo.. ka ngaihtuahna te chu a kal bing mup mup a

“Aih..” tih in ka chhang a ka ding tlat

“Ngatinge..??” an ti rual thup a

“Engmah” tiin ka thutna lam ka pan daih, ka at zia ka ngaihtuah a.. Dave hi kan principal fapa maw.. chuan nizan a ka rilru nat em em na chhan kha amah vang maw.. engtin nge a nih theih..

.

Library ti fai turin ka lut a, a reh thiap a.. Librarian chuan vawiin a tan bik a ka tih tur sawiin min kalsan a, an lehkhabu rem loh hnawk zet chu la khawmin a dahna tur ka zawng a..  leihlawn dawh a lehkhabu ka rem lai chuan ka ken sa ho chu ka thauh palh a, chhuk a rem that ka tum lai tak chuan tu emaw hian min lo chhar sak a..

“Dave..”

“I hah em??” a zak lo ka ti rilru hle mai

“Sawi tur I nei a mi??” ka ti a, leihlawn atang chuan ka chhuk a

“Aw thil hrilh tur che ka nei a..”

“Ka hre vek tawh..”

“Maw..”

“Aw ka hria.. min hremna chhan hi nangmah leh kha I bialnu vang kha  a ni..” ka ti a

“Ka bialnu a ni lo Remrem..”

“Ka buai lo..”

“Ka tihpalh..” a ti a

“I tihpalh chuan heng hi rem vek rawh..” tiin ka kal a, min rawn zuiin ka hnungah a rawn chelh

“Min khawih suh zawnga..”

“I lungawi loh chuan ka awm a nuam dawn miah lo ania..” a tih pawh chu ngaihsak zui loin ka kal nghal a, hawi let miah loin hostel lam ka pan ding nghal a..

.

Ka tih dan chu a mah mah tih ka hria mahse Principal hnen thleng thleng ka mark chhiat na chuan min ti thinrim ve em a ni, ka tih nise ka tang hauh lo ang mahse ka tih a ni miau si lo. Zanah pawh chuan ka chhuak duh loa, zanrei lamah keimah ka roomah ka khuuz ta zawk a, ruih nawmna pawh tem thei lo khawp in ka rilru chuan ka thil tawn mek chu a vei a ni,  a chang phei chuan mak ka in ti.. hetiang a serious hian ka awm khat a sin le.

.

Class tawp ber chu a Sirin a lak rei em avangin library ah pawh chuan ka kal har hle a, ka thlen chuan librarian pawh a lo awm tawh loa mahse tu emaw midang ka hmu a.. Dave!!

“Kal rawh ka tih fai tur a nih kha..” tiin a khawih lai lehkhabu chu ka chhuhsak a

“I van mak tak..” a ti ringawt a, a tho ta a. Ani chuan ngawi reng in ka chetla vel chu min thlir reng a, chu chuan enge maw titakin min khawr tir a ka awm a ti nuam chiah lo..

“Kal rawh..” kan ti ringawt a

“I lungawi nan enge ka tih ang??” a ti  chuan ka ngawi reng.. “Maw.. I duh duh sawi rawh..”

“Principal hnenah va kal la.. he mi ti tu tur dik tak hi va sawi rawh..” ka ti a

“Awle..” tih pah chuan a kal ta a, keipawn ka tih lai ka tih zawm a..

.

Ka tih lai ka tih zawm mawlh mawlh lai chuan thil ka ngaihtuah chhuak thut..

“Aih.. nilo.. Dave..” tiin ka tho thut a, principal office lam panin ka tlan vat a. Ka hmuh  phak tawh loh avangin a aia chakin ka tlan a.. principal office pen sawm  velin a la thleng lo ang tih velah chuan hla tak atangin ka hmu a..

“Dave!!!” a ding a, a rawn hawi phei a.. ka va tlan a..

“Sawi suh..” thaw hlawp hlawp chuan ka va ti a

“Ngatinge??” a ti a, ka hah em avang chuan ka tawng thei mai loa, ka lu ka thing ringawt a. Chu tih lai tak chuan Principal office atanga mi lo chhuak chu ka hmu phe zuai a, Dave chuan kan dinna bula conference hallah chuan min pawt lut vat a.. tum lawk miah loin ka inkuah chiang hle a, a lungphu ri rang tak pawh ka hre thei a ni..

“I hlau a mi??” zawi te chuan ka ti a

“Aih.. ngatinge??” a ti a

“I lungphu hi.. tiin ka kutzungtang pakhat chu a lungphu zawn chu ka kawk a..”

“A bengchheng viau  ami??” ti pah chuan a nui seih a

“Umhhhh..” tiin ka lu ka lo thing a

.

Library ah chuan mi pahnih chiah awm mahse nui ri hriat tur a awm reng a.. ni e, ka lungawi tawh a bul a awm hi nuam ka ti takzet chuan ka ngaidam mai ni lo in ka ngainatna a ti zual.

“Zanin I lo chhuak ang ti raw..” a ti a

“Aih..” ka lo ti hmuk

“Ngati?? Ka nghak ziah che a..” a ti a

“Ka lo kal thin hma pawn I awm ziah a..”

“Tah kha chuan tumah ka nghak lo..” a ti a

“Chhandami pawh maw..” ka ti a

“Ka hre ngai em em lo kha nu kha, kan class a mi tih bak.. hmanzanah a chas nen an inhau a, a chas a bike in a lo kal a.. ka khawngaihin ka chhuah tir a nih kha..”

“Engtinnge an hriat chhuah?? Ka ti a

“Bike ri zanlaiah hre ta la.. helai hmun fianrial ah lehnghal.. tu emaw nen in chhuak ru a ni mai lawm..” a ti a

“Min la puh daih a..” ner nang chuan ka ti a

“Nia ka tihpalh ani..”

“I tihpalh takzet chuan min chhuah ruk pui ve rawh..” ka ti a

“Enga.. I aa em ni??”

“Aih aa lo.. zan reh deuhah.. ramhnuai ang maiah thla eng chiah ring enna hnuaiah.. a nuam dawn lutuk Dave..” ka ti a.. ani pawh chuan thil ngaihtuah nei ni awm takin a ngawi vang vang a..

“Ni  chiah ti raw..” a rawn ti a

“Min hruai ang ti raw Dave..” ka ti a

“Aw.. mahse thil pakhat..”

“Enge??”

“Zanin chuan I rui tur  ani lo..” a ti a

“Engvangin..??”

“ Zan a I ruih loh lai a I bul a awm ka duh lawm..” a tih chuan ka lu ka lo bu nghauh a

“Awle.. ka alwm e..” tih pah chuan ka va khuah thuak a, ka awmdan inhrechhuak leh vatin ka inla hrang nghal a.

.

Zan dar 11 velah chuan Dave a dinna hmun thlang lam ah chuan kan chhuk dun a, bang hrul ah chuan kal zelin hnim buk tak in zep nuai bulah chuan min dinpui a, ani chuan chu hnim awm khawm chu khawih kual neuh neuhin a la kang ta tawl a, ka lo nui hak a..

“Bengchheng suh.. hostel kan hnaih em hi..” a rawn ti sur sur a

“Dave tinge hei hi a hma in min hrilh loa??” ka ti a

“Nangmah chiahin thil pawimawh pawh awm vang nilo a chhuah ruk I la duh a…” a ti a. Kawng a kal pah chuan kan titi zel a, ka ban ka vai lauh lauh chuan a kut hmawr chu ka kut hmawrin ka va dek leh thin, nuam lo ka ti rilru hle a mahse ka danglam phah tih a hriat ka hlauh avangin ka then lui leh ngat a, a kut hmawr ka deh leh rual rual chuan ani chuan lo man chatin nghet takin min kai a..

.

“Remrem..”

“Umm..”

“I chanchin hriat belh ka chak..” a ti a

“Sawi hmasa la..” ka ti a

“Ka zawt hmasa che lawm..”

“Anih leh..” tiin ka chanchin, ka sual zia te nen lam chuan ka hrilh ta vek a.. “ le nangmah ve” ka ti a

“Kan kal thui tawh.. heta thut pah hian sawi ang..” a tih chuan phul awmna mual zau vak loah chuan ka thu a, keichuan nuam tih hmel takin ka han mu duai a..

“A nuam lutuk mu ve rawh..” ka tih chuan ani pawh chu a rawn mu a, kan kut chu a la in kai reng a..

.

A chanchin chu min hrilh chho a, unau pahnih niin  a u zawk hmeichhia chuan law a zir mek a.. ani chuan he school hi enkawl a tum thung, a sawi zel a, ka rin ang chiahin fapa fel tak a ni bawk..

“’Epitychia’ tih awmzia hi I hria em??’ a ti a

“Aih..”

“Greek tawng in hlawhtling tihna a nia.. ka pu khan a chanchin min hrilh thin a.. helai school atang hian tupawn hlawhtlinna zirna ah emaw, an nun kal zel atan a an hlawhtlin hi a duh a ni..” a ti a

“Kei hi chu engah mah ka hlawhtlin ka ring lo..” ka ti a

“I tum lo aniang chu.. nang ang a hmeichhe huaisen hi an vang asin.. I nun a hlawhtlin tumna lamah I la hmang lo ringawt alawm..”  a tih chuan ka nui hak a

“Bialpa I nei ngai em??”

“Aih..”

“Ka rindan chiah..”

“Nang??”

“Nei ve nual..”

“An chhelo hlawm ngawt ang..” tih chuan a in ben kang a

“Nangmah ang lo tak tak vek an ni..” tiin chiang takin min rawn en a

“I sual..” tiin ka nem mu a

“A nia lawm.. a sam a sei hniang hlawm a.. an nu em em a, an zaidam a, kawr nu tak tak an ha thin..”

“Mi fate chu chutiang chu an nia lawm..” ka ti a kan nui dun vak vak a

“Ka duh che..” ka nui tawp chiang hle.. “I danglam takzet..” a rawn ti leh a

“Dave hmeichhe tha ka ni lo.. bialpa nghet nei ngam turin ka nun hi a ho lutuk..” ka ti a

“Chutiang lam ka ngaihtuah lo.. hetiang hian mi tih loh thin hi ti ti lo la ka tan danglamna I nei lo ang..” a tih chuan ka ngawi reng a

“Min duh ve tho ti raw..” a rawn ti leh a

“Aw.. mahse in duh chu a theih  alawm, inngaizawnn kher chu a tul ka ti thin lo..”

“Ngati??”

“Ka zalen lo vek dawn a sin..” ka ti a

“I duh duh danin I awm thei alawm..”

“Min thlem thiam ee.. I zei e..” bawk pah chuan ka han ti a

“Hah.. hei hi zei I ti a..” tih pah chuan ka khabe chu a rawn khawih a..

“Umm..”

“Nih chuan ka bialnu hi ka kiss ang aw” tih pah chuan min kuai zangthal a, ka hmui ah chuan a rawn fawp a.. chhan let ngaihna ka hre lo, amah chu ka chet ang ang chuan ka in fawh tir a..

.

Dar 2 velah hostel lam panin kawng reh takah chuan in kai rialin kan haw dun a.. hetiang tak a hlim hian ka awm khat a sin aw.. chu pawh harhfim lehnghalin, ka bialpa hmasa ber hmeltha tak leh chhelo tak ka en chang apiang chuan ka nui ringawt zel..

“Enge I nuih ve ziah a??”

“Hre lo.. engtin mawni ka awm..” ka ti a

“Naktuk zanah I kal leh peih em??”

“Aih a chi tawh lo..” ka ti a

“Ngati??”

“Principal fapa rules bawh chhiat pui reng ka duh lo..hehe”

“Hmm.. fel I tum leh lutuk..” tih pah chuan min rawn fawp leh zeuh a..

.

Ka school kal te chu ka thar sawr sawr in ka hria.. mahni chanchin a zawng zawng a thiante hrilh ka peih loh thin avang hian kan class a ka thiante chu ka hriattir duh chuang loa mahse enge maw tak ka tawng tih chu an hrethiam a ni ve ang, ka  lo nui leh vur vur zel te chu min en leh dauh dauh thin..  Lunch break laiin dining hall lam kan pan a, ei tur kan lak zawh chuan kan thu hlawm sap sap a, ka bul a Melory  thu tur chiah chu tu emaw hian a lo dang aa..

“Dave..”

“Sorry.. tah hian ka lo thu ve tawp..” a tih chuan a thiante pathum chu an ka ho a

“Ahh.. thiante u hei hi ka thianpa Dave..” ka tih lai chuan

“Boyfriend..”  alo ti vat a

“Engmah kan hre lo maw..” Cynthia chuan a lo ti a

“Hrilh che u ka tum lai tak a nia..” ka tih chuan an awih loh hmel hle a mahse Dave chuan an ni ho chu a han kawm chho a, an in ngaina tan der a ni mai.

.

Zanah inhmu turin kan chhuak dun leh fova mahse a bul a weed blow chu ka duh tawh bik lo, ka zah ve deuh aniang chu.. ka roomah zanreiah ka zu mai thin. A chang chuan a lakah ka inthlahrung a, a bialnu ni tlak loah te ka inngai fo thin. Mahse, ani chuan chutiang ang zawngin engmah a sawi lang ngai loa.. ka lehkha zirna a min puih a duh thu hi  a sawi tam ber a ni thin.

.

Hun a kal zel a, thla nga chuang kan in zui ve ta.. school boruak hre pha tan chuan hriat loh chi pawh kan ni tawh chiah lo. A chang chuan nuam ka ti a, a chang erawh chuan kan teacher te leh principal beng a thlen ka hlau thin.. an ni tan chuan he school enkawltu tur  leh kei hmeichhe fel hranpa lo tak inngaihzawn chu a chi viau loh a ni..

.

“Dave..”

“Umm..”

“12 I pass hnu ah college I kal tawh awm sia.. he tah I awm tawh awm si loa..” ka ti a

“Min ngai lawk a mi??”

“Aw..”

“Kei chuan he lai hmunah hian zir chhuak la ka duh..” a rawn ti a

“Ngatimaw..??”

“He lai hmun atang hian rahbi thar zawh la ka duh alawm..” a ti a 

“Nia.. mahse ka lung a leng awm ee..”

“Kei pawh a leng dawn alawm..”

.

Vawikhat chu zan dar 8 rik hma deuh Dave nen a kan inhmu zo ka room a ka let leh lam chu Dave te in lam a motor rawn tlan lut ka hmu a.. chu ta tang chuan  hmeichhe sang tha thlerh thlawrh hi a rawn chhuak a, Davea an in a la lut hman chiah lo chu a ding bawk a..

“Dave..” tiin a va pan a, a va kuah cheng cheng chu ka ka hmu a.. che sawn miah lo chuan ka en reng a. Davea chu kunin a phone a khawih daih tih ka hria a, message ka dawng a

“Duat lut rawh.. ka hmangaih che..”

“Khanu kha tunge??” tiin ka type a, thawn ka tum chiah.. dar 8 a ri chiah a signal a bo hmak bawk..

“Hrep tak chuan..” tiin ka lut chho a.. Kha nu mawlh khan ka rilru a luah, tunge a ni Davea kuah ngam turin.. ka buai vek.. dar 12 ri vat vat tawh se ka ti hle mai. Lehkhaz zir tur ka in chhawp ve bawk a, awmzia a wm lem lo.. 12 a rik chiah chuan ka phone la in Davea ka call nghal..

.

“Aw duat..”

“Kha nu kha tunge??”

“Kan chhungkaw thian a nia.. a over ve hrim hrim..” a ti a

“A kuah vak vak che kha ka hmu reng..” ka ti a

“I thik a mi??”

“Enga..” ka ti vak a

“Tumah I thik ngai si loa..” a ti a

“Tumah ka thik ngai loh vangin I duh duh danin I awm thei a mi??” ka ti a

“Duh duh danin kan awm reng alawm duat..” a rawn tih chuan ka thin a khei zawk. A mah a nundan pangai zawh ka tumna te, amah vang a ka ruihtheihthil ka tih tlem tawh zia te hi engmah a hrethiam lo  ami le..

“Hei duat.. tinge I ngawih reng..” a rawn ti a, sawi mai tur k hre lo, ka tah a chhuak lutukk..

“Duat.. lo chhuak rawh.. khutah khan inhmu lawk ang..” a tih chuan ka chhang hramm

“Aih..”

“Ka tihpalh, engmah rilru hahna tur a awm miah lo.. ruih phah suh aw..” a tih chuan ka phone chu ka dah ta daih a, a rawn call nawn leh a ka chhang lo.. ka rilru no ta lutuk hi ka in hrethiam lo pangchanna tur ka hmuh vang te pawh a ni mahna.

.

School a ka kal chuan class kawngkhar bulah Davea a lo ding..

“Enge he tah I tih??” ka ti a

“Ka nu hmu lawk ang..”

“Ngati??”

“Min zui la I hre mai ang.. ngawi rengin awm tawp rawh..” a ti a, min kal pui hlawk hlawk a..

.

“Nu..” tiin Principal office ah a lut tlang

“Remrem Gymnasium Centre leh Physiotherapy Centre neitu fanu.. Lalremruati, half yearly khan I percentage engzah nge??” min ti a

“Ah..”

“Nu zawhna I zawh kher a ngai lo..” Davea’n  tih chuan a nu chuan a kut in a lo ti tawp vat a

“63%” ka lo ti vat a

“Anih I thianpa percentange hi I hria em??” a ti a

“Aih..”

“Nu.. duhtawk teh..” a lo ti vat a

“A chhe berah 93% a ni ziah.. in chhungkua in hausa a ni emaw damchhung a nawmsakna tur in nei a ni mai thei mahse nangmah a quality a awm loh chuan ngaihzawng lam ngaihsak lo khan I zirlai chiah kha ngaihsak hrih rawh..” a tih chuan ka zak hlee. A fapa  hi ka bialpa chu ni lo se percentage vang a inhauh vel hi chu engah mah ka ti lo hle a sin le..

.

“Duat tihpalh lutuk..”

“Engah..” ka nui vur vur

“I la nui thei aa..”

“Aw.. ka percentage tak tak phei chu hria se a min hnawtchhuak duh ang..”

“Engaa.. I la thawveng em em thei maw??” a ti a

“A ho ee.. quality hi percentage ah a bet emaw a tih khan ka nuih a ti za.. oh sorry I nu anih vang a sawi ka ni lo..”

“Khatiang sawi a hun lo..” thutak hmel fe chuan a ti a

“Ka hria duat.. tha deuhin ak zir alawm.. nangmah vang chiahin..” ka ti chuan ka hmuiah a fawp zeuh a..

.

Christmas chawlh hmang turin ka chhuak a, Dave nen chuan kan in hlat vang vang ta hle mai. Engtik lai pawn kan intext a kan in call cham chi thin. Ka nu te bulah chaw ei a ka sawm tur thu ka hrilh chuan an ngaih danah ka thian satliah ah an ngai a engmah danglamna vak awm loin an lo lawm a. Kan in a a vawikhat na tan a lo kal ni a ni bawk a, ka room pawh nalh takin ka lo chei a..

“Nangma chei maw..??”

“Umm a hma chuan grey color a tam ber zel mahse rawng ka hanwih that tir a..” ka ti a

“Grey color chuan ka hmu ve chak a sin..”

“Aih.. mipa room a ang lutuk..”

“Hehe.. I van duhawm tak.. nu tak a awm ve I tum hian I duhawm zual..” a ti a

“Tak tak maw..”

“Umm.. tak tak lo ka sawi ngai em ni??”

.

Hun a liam ve zel a kei pawh ka danglam telh telh a.. ka bialpa in ka nundan tur a ka duhthusam ang a nun chhoh chu ka tum ve hle a, ani chuan Board exam a hmachhawn chho a, kei pawh final exam a tan ka inbuaisaih nasa ve hle a, keima tan emaw ka nu leh pa tan a zir tur a ka ingaih theih thlawt lohna chu ka bialpa tan a ka zirna ang a ka ngaihna chuan that akin min zir chhoh tir a. An ni aiin kan exam zo hma a mahse an exam zawh a farewell party hun nghakin hostelah kan la awm a. In ang chiahin duhtawkin kana wm ve thei a mahse ka tan chuan awmzia a awm hran lo, ka bialpa berin exam a nei mek si a..

.

An exam zawh ni chuan swimming pool ah cheng dun tuirin kan kal a.. lungkham nei loa awm tawh kan ni bawk a, kan hlim dun hle..

“Zanah chhuak ru ang I peih em??” ka ti a

“Zanin ah maw..??”

“Umm thil hrilh tur che ka nei a..” ka tih chuan a lu a bu nghauh a..

.

Zanah chuan kan tum dan angin  kan chhuak ru dun leh a, eng eng emaw hla sa in kan zai vel rat rat a..

“Duat..” ka han ti a

“Umm”

“Kar hnih ka rui tawh lo..” ka ti a

“Tak take m duat..”

“Umm..I van fel em em..” tiin ka biangah a fawp zeuh a

“Chuan hei hi..” tiin ka bang atanga ka weed leh damdawi kawlho chu ahnenah ka pe a “paih rawh..”

“Duat I ti tak zet em.. kei chuan ka nawr lui lo che.. mahse ka nghak thei che”

“Aw.. tak tak alawm.. tun a tang chuan duh duh hunah kan inhmu thei tawh dawn si lo..” ka ti a

“Anih chuan lo en rawh aw..” tiin lui luang lamah chuan a vawm ta a.. Nghet tak a min kuahin kan ngawi dun reng aa

“Ka lawm e aw..” ka ti sap

“Engvangin??”

“Ka bialpa I nih vangin..” ka tih chuan duh thawh zetin min rawn fawp a.

.

Kan result chhuah dawn ni chuan kan chhungkua in kan school lam kan pan a, principal office ah lutin principal chuan min lo lawm hle a..

“Mi thiam sa.. result ngai reng hmuh ai chuan Remremi ang a hmasawn lutuk ang hian min ti hlim..” a ti vel luam a..

Ka result ka en chuan ka awih thei lo zawk.. 81% ka hmu a nih chu.. ka chhungte leh principal pawh zah zo lo chuan ka tlan chhuak a pawna min nghak mek tu Davea bulah chuan hlim takin ak zuk hrilh a, ani pawn min hlimpui ve hle a..

.

School kan chung kai leh a, school ngai a ka luh hi ak duh leh pawh ka ring chiah loa mahse Davea vang chauhin ka lut leh ta. Ni dang angin Dave a hmuh tur awm tawh lo mahse kan principal ngei lawm ka hlawh piah lamah ka bialpa school enkawl mai tur a la luh hi nuam ka ti a, hmun dangah awm mah se ka tan chuan helai hmun hi a hlut ngaiin a la hlu reng a ni. Ni e, he school rochun tu tur nupui hi ka ni lo ang tih tunge sawi thei.. haha

.

>>>>>>THE END<<<<<<<