NOT EVERY STORY HAS A HAPPY ENDING

Mumbai khawpui zingkar boruak chu ka han hip vang vang a, he boruak thiang tak hi darkar rei lo te ah chuan eng eng emaw khu in a rawn ti thianghlim lo zo leh mai dawn si a, chu chu hria in zing tin insawizawi lem lo pawh ni ila boruak thianghlim hip tur in ka tho hma ziah thin.

.

Ka pa hna avangin ka tette atangin Vairamah kan khawsa a, Mumbai ah hian kum riat zet chu kan awm tling tawh a.. kan chhungkua ah hian ka nu tih loh chu  Mizoram a kir leh chakna nei em em kan awm tawh lo. Kum li mi ka nih in  ka pa in Indian Economics Service(I.E.S)  Officer a nihna a a hna bultan nan Kolkata ah dah a ni a, Kolkata a kan awm lai hian Ph.D  a zo leh a.. hun rei tak chu lai hmun a  kan awm hnu chuan Mumbai ah ka pa hi sawn leh a ni.

.

Kan awmna building (Quarter) lam chu ka pan hnak hnak a, ka thlan nasat em avang chuan ka truck jacket ban hmawr chuan ka hmai chu ka hru ka hru a..

“A tlan a tlan chu sim hmak chi.. kal mai mai khan a nuam tawk chiah anih hi..”

.

“Miss.. min lo hrethiam lawk..” aw lo chhuahna lam chu ka va hawi vat a.. Indian tlangval ka hmuh tawh zawng zawng ah a la hmeltha ber hial awm e.. a mitmeng pawl lam lek lek chuan  khawthlang lam mi ni awm tak a hriatna min neih tir a..

“Aw.. enge ni ta??”

“Chahbi tla he lai velah hian I lo hmu em.. ka flat chahbi..” a heh hnuai lam chu a pet zeuh a

“Aih, hmu miah lo mai.. I thloh tih I chiang maw..??” ka han ti a

“Aw.. helai velah hian a nih ka ring a.. a pawi loe, ka lawm e..”

“Awle.. keipawh..” tiin zawi muangin ka tlan leh mai a, hla ve tawk tak ka tlan hnu chuan lei a chahbi tla chu ka hmu fuh hloh mai.. ka chhar vat a, ka hawi let a chu tlangval chu a kal thui ve tawh fu a, chahbi chu chhar vatin a lam ah ka tlan let leh a..

.

“Hei… thianpa.. thianpa..” motor ri tam tak karah chuan ka aw chu a hre thei mang lo a ni ngei ang, a aia chakin ani um phak tum chuan ka tlan ta ngar ngar a..

“Thianpa..!!” a rawn hawi let a, a hma ah chuan hah thaw hlawp hlawpin ka ding a, ka tawng dawn a ka dang a ro em avang chuan ka tawng mai thei loa.. ka kun a, ka khupah ka kut chu ka nghat te te a..

“Engkim a tha maw??” a rawn ti an

“I flat chahbi..” tiin chahbi chu ka han lek kang a..

“Oh.. miss ka lawm takzet.. I hah phah viau a..”

“Engmah a ni lo..” tiin kal mai ka tum a

“Excuse me…” ka va hawi let leh a

“Um…”

“Coffee ka lei sak ang che.. I dang a ro si a..” a rawn ti a, a nui suk a

“A ngai lo.. ka in tlukin ka lawm..”

“Khawngaihin.. ka lawmthu sawi nan.. a ho viau nang in..”

“Anih chuan in I la..” ka lo tih chuan a rawn nui leh suk a..

.

“ North East lam ti raw..” a coffee in pah chuan a rawn ti a

“Aw ni e..” ka lo ti vat a

“Hindi I thiam hle mai.. I hmang thang tih a hriat..” a rawn ti a

“Kan ramah kan awm lohna a rei tawh a.. nang Mumbai mi em ni I nih??”

“Ni chiah lo.. Foreign ah ka hun ka hmang tam zawk a… hna vangin..”

“Oh hna maw.. I la nopan hmel viau sia.. hna tha tak a nih dawn chu..” ka ti a

“Nang enge I tih ve.. zirlai em ni??”

“Magazine agency pakhat ah internship  ka ti mek a..” ka han ti a

“Journalist maw.. ka hna ngaihsan tak a ni asin..”

“Hehe.. ka lawm e.. E I hming min la hrilh miah lo..” nui vur vur chuan ka han ti a

“Ronak  tiin min ko mai dawn nia.. nang ve??”

“Keichu Esther tiin min ko thei ang..”

.

“FORBES INDIA” tih chiang tak a in tarlan kulhna building ah chuan hmanhmawh fe in ka lut a, intern ti lai mek ka nih avangin hnathawk pangngai ka hmuh apiang chu nui hmel pu in chibai ka buk zel a,  athenin polite takin min chhang let a then khat in la ve tawk ho chuan ka chibai bukna chu hria ang pawn an awm lo..

“Good Morning tih mai mai a har loh nen..” tiin ka phun phei niap niap a

.

 Ka hna chu ka han tan leh a, ka hna tha tak a ka tih ve theih vek  hnu ah he hmunah hian journalist pangngai tak ka ni ve thei tawh dawn a ni a.. ka theih tawp chhuah chu ka tum ve hle  a ni. Mahse, intern tih lai hi chuan mi hnuai a thawk ngawih ngawih hi kan ni ber a, ka rilru a lo no ve bawk nen beidawn chang te ka nei ve rum rum thin. Chutia beidawn lam ka han ngaihtuah chuan ka pa phal lo chung Journalism zir ka nih avanga min dem dan tur ka han ngaihtuah chuan ka dinhmun laklawh zia ka hre chho a, tih tur ber pawh hre lo in ka awm phah fo reng  ani.

.

Ka report pe turin kan group Managing team leader bulah ka lut a, ani chuan ka report chu a en fel hnu a min rawn koh tur thu min hrilh chuan ka chhuak ve leh mai a. Ka hna dang  ka thawk chhunzawm ve nghal a, chaw chhun ei hun chuan Cafeteria lam ka junior pui nen chuan kan pan ta a..

“I hria em Esther Script writer pakhat kan magazine hian kan kawm dawn kha..” Santi chuan a han ti a

“Ka la hre miah lo.. tunge  anih reng reng a??”

“Indian chu a ni  an tia mahse an thlahtu lamah khawthlang lam thisen kai an ni tih te pawn an sawi.. English lam a ziak a, a film pawn a lar hlawm lutuk a lawm..”

“Hindi Script writer ni si lo ngatinge keini in kan kawm daih anga??” ka lo ti vat a

“Hindi in Script writing a rawn tan dawn alawm.. Producer lam pawn an be nasa alawm.. Film industry lamah chuan boruak a ngah khawp ang..”

“Ngatinge engmah ka hriat loh aa??” ka tia ka nui vak vak a

“I ngaihsak loh hriat I nei ngai em ni??” Santi chuan elsen deuh chuan min fiam zui a.

.

Chau takin inah ka haw a, ka inbual zawh chuan thlak pawh inthlak loin ka thu zal a, ka chau takzet.. ka hriat loh hlanin ka lo muhil daih chu niin. Ka nu in zanriah ei hunah chuan min rawn ko a, thawmhnaw ka in bel vat a.. thil ka hrechhuak zawk, Group leader khan ka report chung changah khan min ko leh ta miah lo.. Huizz.. hnawl ka ni leh ta  ani maw.. thenkhat chu an report pakhat vang lekin promotion an hmu a..nun hi  a fair lo teh e.. tui lo takin chaw chu ka ei kham ve mai a, ka rilru ah ka report mawlh chu ka rilru ah a awm reng.

.

Phur lo takin Office ah ka lut a, ka senior zing a pakhat chuan department head in min hmuh a duh thu min hrilh chuan ka hlauthawng ngang mai.. hmanhmawh takin ka bag ka dah a, Head of Department Cabin lam chu ka pan ta a.

.

Kawngkhar ka kik a, chhanna ka hmuh rual chuan ka han lut a, kan team leader pawh a lo awm ve reng a..

“Esther thu rawh..” tiin Department head nelawm hmel tak chuan thutna min lo kawh hmuh a, Group leader erawh chuan ka awm ve tih hre awm ang pawn a lang lo..

“Good morning.. department head.. good morning group leader..” ka thut pah chuan ka han ti a

“Morning..”

“Esther.. I report kha in group leader hnen atangin ka lo hmu a.. hma I sawn khawp mai..”

“Ka lawm e..” tiin ka nui suk a, an ni pahnih chu ka melh dun a

“Mahse, hei hi a tawp na ber a la ni lo a.. kar hnih  hnu ah kan magazine in mi pakhat kan kawm tur hi interview I nei ang a.. chuan chumi report chu min pek hnu ah magazine a chhuah tlak anih phawt chuan promotion I hmu nghal ang..” department head in a han tih chuan ka hnual rawih.. mahse hnawl nih tawp ai chuan a thlan awm zawk si.

.

Mi thekhat chu interview neih tir lo in promotion an hmu a, kei chuan  ka tih a ngai si.. engah mah ka la ti chhin loa.. intern tan tih a ngaih pawh ka ring ngai lo. Mahse, ka vanneih leh na pakhat chu ka ti tha a nih phawt chuan ka article chu chhuah a ni dawn a.. chu chu ka ngaihtuah chuan ka phur ve tho mai.

.

Kan team leader in interview ka neih pui tur bio data leh a chanchin thenkhat min pek bakah chuan  internet lam a en turin min ti a, keichuan ka lo ‘aw’ ve mai a..

.

“Jay.. interview chu lo kal tluang lo ta se kan agency hian an tuar dawn sia.. engvang a hetiang ti tur a min ti nge an nih le??” tiin kan thawhpui pa chu ka han hrilh a

“Interview kha chu a pawimawh ber hleinem.. interview a a sawi ang ang kha report a I pek that a ngai a a ni mai…”

“Tha lo ta se..”

“I report atangin midang in report dang an siam mai dawn a lawm..”

“A that hloh chu.. ka inringtawk lo lutuk a..” ka han ti a

“Huh.. engvangin maw Esther.. nang chuan theih tawp I chhuah alawm.. bakah TV show a ni loa, I hmel pawh a lan angai hleinem..”

“Nia ka hahdam huai mai.. englo information min zawn sak thei angem??”

“Tehreng mai.. zanah lo thawn hman che ka tum dawn nia..”

.

“Drew Malik”- a larna hming a ni a..  kum 27, South Carolina ah a pi leh pute  bulah a  cheng a, a pi hi khawthlang lam mi a ni a, a pu hi chu South  India mi a ni thung.. A nu leh pate chu India ah an cheng a, a career siam chhohna a tan a pi leh a pute hian an awmpui a nih hmel. Hei hi thudik a ni em tih chu a hriat chian loh nangin Drewa’n sakhaw zawm bik a neih lohna chuan rinhlelh a kai tir hle  ani. Muslim chhungkaw hlun tak fapa in Catholic nula a nei a, an fate chu India ah seilianin Muslim sakhua an zawm vek tih chu thu hriat dan ni mah se Drew erawh hi chuan eng sakhua nge a zawm tih puan zar a ni ngai lo.

.

Kum naupangte a nih atangin Thawnthu ziah lam a tui chho a, Super Hero lamte a ziak nasa hle a.. a Script ziah zinga pakhat a a changtupa ber chuan Oscar award a dawng hial a ni. A Script ziah tam zawk hi Sap ho nun nen a in mil a ni a, chu chu a tan pawh a kawng awlsam zawk a ni a, a thiamna diktak pho chhuak  tu pawh a ni ngei tih lemchan en nasa tan chuan hai rual a ni lo.

.

Jay chu a thlalak pakhat tal min thawn tur a ka tih chuan Black and White a print min rawn thawn a, a lan chian loh em avang chuan a hmel pian hmang vel a hriat theih che che choh a ni. Chu chu ka buaina ber a ni lo bawk a, keiman Internet lamah ka browse ve mai ang tiin a chanchin ho chu ka chhiar leh mai a, zamna leh phurna inpawlhin min thuam vel a ni. Darthlalang hma ah ka han zir chhin vel a, ka u te pahnih chu ko in, pakhat zawk chu ka kawm a.. pakhat zawk min en dik turin ka ti thul..  an ning thei hle..

“TV station a thawk I nih loh hi.. bakah vai hma ah zam a ngai em ni??” tih ten min zilh deuh hlak zel, mahse chu pawh chu ni se mi zawng zawng hma a lang tur ang maiin ka in ngai a ni..

.

Zanah chuan ka mut hma in interview ka neih pui tur chu ka han en ve reng reng teh ang tiin Internet ah ka han en a, ka phu zawk..

“Ronak maw???”

.

“Hello..”

“Jay.. ngatinge information min pek kim loh a??” mangang takin ka han ti a

“Eng maw.. a tul zawng zawng chu paper print in ka rawn thawn vek che sia..”

“A hming pum.. Indian hming-Ronak.. chuan a English  hming-Andrew..” ka ti bah nuai a

“Aw.. hahdam rawh thiannu.. heng milar te a bik takin writer te hian an mimal nun lutuk hi phochhuah an duh hleinem.. chu lo rengah Entertainment khawvel ah chuan hming bik an nei a.. Taylor Swift hi Taylor Alison Swift tih a lam reng a ni ngai lo a.. Katrina Kaif pawh a hming dik tak te chu Katrina Turqouis  daih ania.. Drew Malik pawh Ronak Andrew Malik a ni a, Drew Malik tih a sawi lar a ni mai alawm..”

“Jay I hrethiam lo a nih kha..” ka han ti ringawt a

“I zam a nih kha ka thian.. stay strong..”

“Ka tum alawm..” ka ti chuai raih a

“Tawngtai rawh Esther.. tawngtai thil tih theih zia min hrilh thin kha.. bakah I rilru a buai ve ang chu.. I career in siam chhohna a pawimawh ber a ni a.. a hlu a lawm..”

“Ka lawm e aw Jay..”

.

Ni hnih chiahin min dang tawh, chaw pawh ka ei tha thei lo.. kha pa bulah khan che chhe ta ila engtin nge ka tih ang.. a van zahthlak dawn em!! A chang leh mahni in hnem nan min hre tawh awm lo em mai chhe chhia pawh ni ila te ka ti.. mahse aman min hriat leh hriat loh kha thil tha ber  a ni lo, inringtawk tak a ka tih that kha ka thil duh chu  a ni.

.

Mumbai khaw dai fem reh tak lam chu Company car in kan Cameraman nen kan pan zel a, in tih hahdam ka duh, ka lo thaw leh kawk thin..

“I zam em ni??” Pu Siran chuan a rawn tia

“Aw…” ka nui tawi tuk a

“In inkawm chhungin a phal na chin a chenna, a lehkha ziahna hmun te ka lo la ang a, inringtawk tak khan awm tawp ang che..”

“Awle..”

.

“Chibai.. kei hi Esther FORBES India Magazine a reporter ka ni..” ka rilru chuan ka inthiam lo hle, hmanni lawkah intern ti lai mek ka ni tih ka sawi si a..

“Chibai le.. Drew Malik”

“Ihh.. in nuam tak a ni..” ka nui lui hram hram a, ka lungphu erawh a puak keh lo choh!!

“Ka lawm e.. in hnung lamah sawn kan inkawm dawn em niang..” a tih chuan kan in zui phei ta a

.

Kan inkawm chho a, a rei tial tial a ka tawng a bah tial tial.. ka aw a rawn lawi fo va, a khurh nasat zia pawh a hai lo ang, ani chuan min hre sa angin a awm loa mahse chu chu ka tan a tawk lo English hi ka hnehsawh ve viau emaw ka ti a mahse hetiang hunah hi chuan engmah lo mai a ni. Ani pawn min chhang tui bik lo tih ka hre thei..

“Miss thei tui hi kan in phawt dawn em niang..” a rawn tih chuan a hne hle tih ka hrethiam a, ka sa pup pup..

“A ngai lo.. duhtawk ang..” ka ti thawr.. din ka rual nghal

.

Zah vang leh inthiam loh vangin zanah pawh ka mu thei lo, khang kan inkawmna atang khan eng report mah pek tur ka hre lo!! Ban ka ni ngei dawn a nih hi.. A tukah chuan office pawh ka kal loa eng chanchin mah ka va hrilh hek lo.. Ka rin dan chuan Ronaka’n kan hotu te a va bia nga, min rawn call leh en ah pawh min en lo a niang..

.

A tukah pawh chuan nilengin ka mu a, ka chhungte chuan min hrethiam a ni ngei ang interview lam engmah min zawt loa ka pa erawh chu a lungawi lo tih ka hre thei. Ka mut lai chuan call ka dawng.. kan team leader, ka lungphu ran dan em em chu!!

“Hello ma’am”

“Tunah office ah rawn kal nghal rawh.. hna pakhat I thawk tha em em a,chawlh lak nan chu a la hma viau lo maw..” a rawn ti bawrh bawrh a

“Enge awmzia..” ka han ti a

“Tunah lo kal nghal ang che.. dar 2 hma in I lo thleng tur  ani.. a reng reng ah report kha siam tut tut a ngai hleinem.. thla leh issue tur a ni a, I taksa in a tawrh phah a nih kha..” hetiang a a tawng hi ka la hre ngai lo.

.

Ka tho lawk a, ka in ti fai a Taxi la in kan office lam chu ka pan ta a. Office ka thlen chuan a tu mai pawh chuan hlim hmel min lo hmuh theuh a, ka hrilh a hai zawk.. Group leader cabin lam ka pan vat a..

“Congratulation Miss Esther.. welcome to the world of real journalist..” a rawn ti a, min rawn chibai a

“Ma’am engtin nge  a nih thei??” ka han ti a

“I report hi managing director hnenah pawh ka hmuh a.. it’s amazing” tiin paper print min rawn pe a “a copy I nei em??” a tih zawm zat a

“Aih..” ka ti bah nuai a

“Kha va Xerox rawh ..” a tih chuan hrilh hai takin a cabin kawngkhar lam chu ka pan ta a “Esther”

“Yes Ma’am..”

“Drew Malik a call pawh kan dawng a.. I skills kha a duh zawng tak a nih thu a sawi bawk a..”

“Thanks Ma’am..”

.

Enge ka chungah hian thleng a eng ber nge tih tur pawh ka hrethiam lo.. interview kha a kal tluang lo mai ni lo in a buai vek zawk a ni a.. report siam phei chu ka tan thil theih loh hul hual a ni mahse tunah hian a bu ang thlap a ka tih thu ka dawng reng chu a ni si. Hei hi Ronak thil tih a ni thei angem.. a tih chu ka ring chiah lo nangin ani bak ti thei an awm lo.

“Paper kha la rawh..” ka beng bul  a tawng ri chuan min ti phu zawk a.. ka paper Xerox chu ka la vat a

“Sorry Sir..” tiin ka kal ta a. Group leader roomah original print dah turin ka lut leh a, ka hlawhtlinna min lawmpui hmel pu ka hmuh chuan ka hrilh hi a hai zual zawk a ni.

“Ma’am khawngaihin ka haw mai thei a ngem??” ka han ti a

“Vawiin chu kan in hrethiam mai ang.. mahse a leh pekah chuan rules zawm tur aw..”

“Ka lawm e ma’am..”

.

Office building ka chhuahsan chiah chu ka thil hmuh chuan min ti ding chiang hle mai.. ka piah lawk a tlangval a car ti ding a ka lam lo pan chu ka thlir reng a. Ani hi en mai chuan Indian ni awm pawhin a lang lo.. a pian sang zaih leh invuah nghet charh.. a mitmeng pawl lam lek lek leh mipa tan a awm ang lo khawp a a heh sen te chuan khawilam khawthlang lalfapa nge mawni le tih a awl duh phian ang..

.

“Hai.. Esther..” tiin min rawn nuih suk a

“Hai.. khang kha I tih vek ti raw..” ka han ti thawr a

“Aw.. mahse buaina a awm lo ti raw..” min ngaihsak hmel fe chuan min rawn chhuk en a

“Aw.. mahse lawm tur nge lawm loh tur pawh ka hre lo..”

“Nangma hmu tur a lo kal ka nia.. carah sawn kan inbe lawk dawn em niang..” a tih chuan ka zui ve tawp a

.

“Kha.. heng ho hi kar khat chhungin pahnih zel..” tiin lehkhabu buruk zet chu min pe a

“Ronak hei hi enge??” mak ti takin ka lo ti a

“Khang report leh skills te kha an rinhlelh I duh em??”

“Aih..”

“Anih chuang heng hi chhiar rawh.. tun a I mamawh awm chhun chu inrintawkna.. chuan chu chu I tlachham a ni..” a han ti a

“Ngatinge min tanpui a??”

“I hre tawh lo a mi.. ka flat chahbi min pek tum a hah tak a I lo tlan tawng tawng kha..” a ti a a nui suk a

“Oh.. kha kha maw.. Mizo tan chuan khang ang mi tanpui kha engmah a ni lo sin..”

“Carolina ah pawh..” tiin a vei nuih suk a

“Carolina ngaina viau si in ngatinge he tah I lo kal??” tiin a lehkhabu min pek chu ka han bih kual a

“Explore..”

“Huh.. a ni lo.. I lar lehzual nan..” ka lo tih chuan a nuih a zat hmel hle mai

“Ka lar em ni.. chuan ngatinge tunah hian I zam miah lo.. interview tih hming a put loh vang a mi??”

“Chat leh Interview in an loh zia te chu I hriat kha..”

“Anih chuan I chhiar ang ti raw..” a ti a

“Engtin nge ka hnial ngam ang che..”

“Chu ti chu ka tanpui theih nan che I phalna lak belh ngaiin ka hre ta lo..” a han ti a

“I rin phak bakin ka lawm ang.. promotion ka hmu a nia.. keimah a ka tih theih miah loh tur..”

“I la ti thei vat ang.. ka tiam a che…”

.

Mizo thian ai chuan hnam dang thian ka ngah tawh zawk a, an felin an polite em em a ka khawvel ti kimtu zing a pakhat an ni mahse Ronak ang a danglam chu tumah ka la tawng lo. Ka chak lohna a hre em em a chu mi ti bo tur chuan min tanpui a in peih reng bawk a ni. Vawi hnih chu kan inah a lo kal ve tawh a, ka pa pawh a be thiamin ka nu pawn a nel takzet. Lehkhabu paruk ka chhiar zawh chuan a dang min pe leh zel a, hunawl kan neih dun changin  lehkhabu  chhiar tur a min pek te chu kan sawi dun leh thin. Ka hna ah hian ka lo tui viau emaw ka ti a mahse ka luhchilh tak tak hnu chuan tui ringawt a lo tawk loh zia ka hre chiang chho hle a ni.

.

“Ehem.. enge I chhiar a??” Ronak a chu ka han en vat a

“How to Develop Self confidence and influence people by public speaking.. Dale Carnegie ziah kha..”

“Kha lehkhabu khan I hriat loh thleng a hlawhtlinna a thlen thei che..” a han ti a

“Lehkhabu hi I ring viau a ni maw..”

“Aw.. tehreng mai.. “

“Keipawh ka nitin nun kaihruaitu a lawm..” ka lo ti a

“Anih heng lehkhabu hi chhiar lo ta la..”

“I hria em Ronak.. heng lehkhabu hi chu ka suangtuahna ka tih hlawhtlin nan a ka chhiar an ni a mahse ka lehkhabu rin chuan nitin nunna min pe..”

“I sawi awmzia chu sakhaw lehkhabu.. Holy Bible..” a han ti a

“Um ni chiah e.. E ka hming put chhan hi I hria em Esther tih hi..”

“Enge??”

“I hriat duh chuan Bible ah en rawh..” nui har har pah chuan ka lo ti a

“Esther chu lalnu hmeltha tak hming a ni..”

“Maw.. hei!! Engtinnge I hriat a???” mak ti takin ka han zawt a

“Ka pi hi Christian alawm..”

“Ni tak.. Bible I chhiar thin maw..” ka lo ti vat a

“Phur vak duh suh.. engmah hriat ka nei lo hetiang lam chu.. khawvel kalphung ka hriat chhoh nan a ka hriat ho bak an ni lo..”

“Ok.. ka tihpalh.. ka lo tui mah mah a ni”

.

Ka office bang chu phur takin inah ka lut a..

“Nu.. u lo kal vat teh u..” tiin ka au chel chul a

“Enge nita??” tih pahin ka u te pahnih leh ka nu te chu an lo chhuak a

“Hei hi enge??” tiin magazine phek hnuai lam a.. “Reporter- Esther Guite” tih inziak chu ka han hmuh a

“Aw ka naute.. I article an chhuah a nih hi..” ka U Mama chuan a rawn ti a, min piai nawk nawk a

“Vai lakah zam suh ka tih kha..” tiin U Davida chuan a lo ti bawk..

“A van lawmawm ve Bawihte.. I pa lo haw veleh min hmuh ve dawn nia..

.

“Ronak.. ka chhungte ka hmuh a an lawm lutuk asin.. ka tih ni lo mah se ka pa hial a hlim phah hi ka lawm lutuk.. nangmah vang choh a ni..” phone ah chuan ka tawng mial mial a..

“Ka tih a ni lo tiin sawi tawh suh ka tih che kha.. I phu ve reng alawm..” a rawn ti a

“I free velah zanriah ka treat ang che aw..”

“Hehe.. I ho lutuk Esther.. chuan enge I tih a??” a rawn ti a

“Umhh.. ka khumah ka thu a magazine kha ka khawih reng..haha”

“Ka thlalak kha en reng kher suh.. ka hmel kha I lo hne hman ange..” a rawn tih chuan ka sa pup ringawt, ka awmdan chiah chiah a rawn sawi si a, a thlalak en in ka nui reng si a....

“Haha.. enga.. hetiang a hmeltha te tunge hne anga..” kan ti ve tawp a

“Funny girl.. kan dah mai dawn em niang.. I hriat kha keichu zanah pawh hna ka thawh a ngai thin si a..”

“Lutuk.. lutuk.. hna thawh nuam le..” tiin ka dah ta a.

.

Thla hnih a liam ve leh der tawh ka hna ah leh ka nitin nundanah hrim hrim hma ka sawn  chho in ka inringtawk chho hle a, keipawn nuam ka ti viau a ni. Ronak nen chuan kan inkawm chho zel a.. a bula awm a nuam in a hlawk thlak takzet..

.

Kan chhungkua in kartawp chawlh hmang turin Panoramic Resort lam kan pan a, hetiang a chhuah ho hi kan neih khat em avangin kan phur tlang hle. Ka nu tih loh chu hna thawk vek kan nih tawh avangin han chhuah ho hi a khat ang reng hle bawk a. Kan thlen chuan thla te kan la ho sap sap a.. thil dang zawng aia ka hlim na chu ka pa naute ka ni leh ta hi a ni. A phal lo chung  ACJ, Chennai ah ka zir a, khang hun chhung zawng te khan call pawh min rawn call hmasa duh ngai lo. Ka zir chhuah ve hnu a Intern ka tih lai ngei ngei pawn phurpuina min pe ngai lo mahse ka tum ang a hlawhtlinna ka chan chhoh takah chuan a rilru pawh a dang a ni ngei ang.

.

“Hello..”

“Esther.. I buai em??” Ronak chuan a rawn ti a

“Aih buai loe.. nge ni ta??” ka lo ti vat a

“Tun Thursday zan hian I free a ngem??”

“Tih tur em em ka neih ka hre lo.. enge ni ta??” ka lo ti vat a

“JC Film Industry ho nen kan contract sign lawm nan zanriah kil ho kan tum a.. min rawn tel pui ve la ka tia”

“I sawi awmzia chu… reporter angin maw..” ka lo ti vat a

“Ni loe, keimah min tawiawm turin..”

“Official or personal..” fiamthu ti pah deuh chuan kan ti hram a

“Oh.. come on Esther.. mi zing a I awm tam chuan reporter tha tak I ni thei dawn alawm..”

“Aw.. ka hria e.. sawi nghal mai tur che lawm..” ka lo ti vat a

.

Zanah hian a pawimawh zualah lo chuan ka chhuak ngai meuh lo a, chhuah tumna rilru ka pu ngai hek lo. Mahse Ronaka’n min sawm kha chuan hnial kha  a har.. ka tel ngai miah lohna ah ka tel dawn piah lamah ani ang mi hlawhtling lutuk tawiawm tu nih kha chu tu hmeichhia pawn an chak ka ring a ni.

.

Chaw kan ei lai chuan ka nu chuan kan chhungte an lo zin khawm tur thu vel a sawi luam a..

“Thursday chu in vaiin chawl ula a tha ang..”

“Maw..” ka pa ho ho chuan kan pali in kan ti rual thup a

“Hui ha.. in hna chiah in ngaihtuah vek a.. kum tin October ni 26 hi chhungkaw ho a theih ang ang kan in lam a zanriah kil ho kan tum tih hi ngatinge ka sawi ziah a ngaih a..”

“Duati a awm alawm ka nu..” ka u in a tih chuan ka ngei lutuk

“A teuh lo mai.. I duh leh nangmah khan nupui nei la.. bakah Thursday chu nilengin hna ka thawk dawn zanah pawh..” tim deuh ti tih chuan ka han ti a

“Ngatinge chu mi ni kher chu??” ka pa chuan a han ti a

“Pa ka lo theihnghilh daih alawm.. kan thawhpui pakhat pui turin ka lo intiam tawh a..”

“Anih chuan I u te pahnih hian I nu chu pui mai rawh se..”

.

In a haw a in thlak leh a rem dawn loh avangin ka inthlakna tur ka keng a.. parlour ah ka insiam mai ang tiin ka in ngaihtuah a.. Office ban veleh kan office hnaih ber a parlour ah chuan ka makeup siam tir pahin ka inthlak a.. ka inpeih hnu rei lo te ah Ronak chuan min lo lam a.. a van chhelo in avan hmeltha tak em, pheikhawk sang tak ka bun chung pawh chuan ka chen lo hle mai..

.

“Wow.. tiang ang ah hian ka la kal ngai miah lo..” ka han ti a

“Keipawh..”tiin a rawn nui suk a.. “ a Indian raih raih khawp mai..” a rawn ti leh hram

“America lam a tluk lo I ti deuh em ni??” ka han ti a

“Teuh lo.. hei lai hmun hi ka ram a ni ve tho alawm..”

“Lut phei Ila..”

.

Mi hausa inhmuh khawmna tih hriat takin an a kal ho chuan zu man to tak tak an lo dawm fur hlawm a, tut u emaw chuan Ronaka chu kai hrangin an titi pui ta daih a, zanriah ei na ah pawh chuan a bulah ka thu loa ka kal chu ka inchhir leh hnu hnawh zawk. Ama programme a nia a buai ve ang chu tiin ka inhnem a mahse zanriah ei kham thleng chuan nula mal no zet zet bul a awm chu nuam a ti riau a niang chu.. a khat tawk in min rawn siai zeuh a ka lo nui lui hram hram a..

.

Darkar khat dawn a nih takah chuan ka dawh theihna in a tlin ta lo kan awmna hmun chhuahsanin pawn lam panin ka kal ta a, ka rilru chu engtin maw ni tak hian hnawl nih a in ngaihna ka nei a..

“Esther..” ka mittui tling deuh puam chu a hmuh hlauh takin ka hru a, nui sangin ka hawi let a

“Ngatinge I lo chhuah..”

“Ngatinge I tah..??” mak ti takin min en a

“Ka tap lo.. ka mitah hian thil a lut..” ka sawi zawh hma chuan nghet takin min kuah thut a

“Ka tihpalh.. a tawpna leh a hmasa ber a ni ang..” Engmah ka sawi thei lo,engvang a hetia awm ngawt hi nge ka nih le..

“Umm.. a pawi lo.. ka haw duh..”

“Ka thian duhtak  hian haw a duh chuan ka thlah haw ang a nimai lawm..” a ti a

“Thian duh tak maw..” tiin ka phun sep a, ani chuan parking lot lam min panpui ta a

.

“Ronak..” ka ti zawi sep

“Umm enge ni ta??”

“American hlir a mi I ngaihzawn..” kan ti ringawt a

“Ni vek loe.. mahse Indian hmeichhia ka la ngaizawng miah lo..”

“I care lo em ni??” kan ti a

“Teuh lo.. hmangaihna hian tumah a thliar hran hleinem.. eng hnam, eng sakhua pawh ka hmangaihin ka ngaizawng thei alawm..”

“Mipa tan chuan a ho em a ni..” tiin car tukverh lam chu ka melh san ta daih a

“Hmangaihna lam ah hian tawn hriat I nei vak lo a mi??” tiin min zawt a

“Teuh lo mai.. mahse dream ka nei..”

“Eng maw..?”

“Van sang a hmangaihna in hlan..” tiin ka nui vur vur a

“Ka tihpalh..” a rawn ti chhuak hlawl a

“Engvangin??”

“Ka thlah fal reng che a.. ka tih na chhan zawk chu khang mi ho kha be nel la ka duh vang a nia..” a han ti a

“Ka lo ngaihtuah miah lo a..” tiin ka chhang a

.

Delhi fashion week a kal turin kei leh kan senior pakhat min ruat a, ka theih tawp chhuahin ka in zir ve a, Ronak erawh ka la hrilh lo thung. An script ziah an channa lamah a awmpui a buai thei hle a, min be hman meuh lo. Dik tak chuan ka ngai a, a bulah awm ka chak.. kei hian a ni lo lam atangin ka melh tih chu ka in hria a, mahse ka tan inthu nun mai chu har tak a ni.

.

Zanah chuan a tuk zing a Delhi lam ka pan na atan ka insiam fel a.. chu tih lai chuan ka cell phone a lo ri a..

“Hello Ronak..”

“Naktukah hun lo insiam la, zanriah kan ei dun dawn nia..” a rawn ti a

“Ahh.. Ronak naktukah Delhi ah ka kal a ngai a…”

“Fiamthu lo teh.. thil sawi pui tur che ka nei a..”

“Ka ti tak tak..” ka han ti a

“A nih chuan ngatinge min hrilh miah lo a??” a rawn ti a

“I buai a min biakna hun pawh I nei loa..”

“Mahse, ka in siam rem thei  alawm..” a rawn ti a

“A ho lutuk.. kar khat bak ka cham dawn hleinem..”

“Kar khat chu tlem I ti em ni??” a rawn vin deuh hrak a.. hepa hi enge maw a hriat ni..

.

Ka thiam loh a nih thu sawiin ngaihdam chu ka dil tak na a, ka dilna chhan ber pawh ka hre lo. Ka ngaihna a kan in zui nasa mahse inngaizawng kan ni chuang lo. Inngaihzawn ngat chu thil theih loh hul hual a ni. Hetiang ang hmeichhia hi ka nih ka ring ngai lo a sin.

.

Kan thlen hnu lawkah Ronak chu ka bia a, Airport thleng tal min lo thlah ka rin thu ka sawi chuan a thian hluiin a tlawh thu min hrilh a.. zanriah an ei dun bawk tur thu a sawi phei chuan min deng deuh dawt, ka chhan that duh loh avangin ka thik tih pawh a hriatthiam chu ka ring ve tho.. Zanah chuan ka ngaih ang a engmah a awm loh thu min hrilhin min lo text a.. mahse naktuk lam programme avang zawkin be loin ka mu ta zawk a.

.

Nilengin model leh designer ho interview kan neih pui a.. design hrang hrang dangdai tak te chu min hrilhfiah hlawm bawk a. tlai dart hum a pel awrh tih ah chuan pawnah thei tui kan in a..

“Enge Drew Malik..” kan senior  Reta in a tih chuan ka hawi let a, ka phu zawk..

“Ronak!!”

“Hello Reta.. I thiannu ai hi I awh lawk thei angem?? Ka hruai chhuak lawk duh a..” a rawn ti a

“A ngai lo.. zanah kan sawi dun dawn nia Ronak..”

“Please Esther..!”

“Aih.. hna ka thawh hi.. Senior lut ang..”

“Va kal rawh Esther he lai thleng thleng a lo kal hi..” kan senior in a tih tak ah chuan ka zui ta a.

.

“Khawnge kan kal dawn??” ka ti a

“I hre mai ang..”

“ DELHI FLYING CLUB” tih in tar kulhna ah chuan min din pui  a, car atanga kan chhuah chuan palian tak pakhat hian min lo pan vat a, Ronaka nen chuan an inbia a, ani chu kan zui ta a..

“Lut rawh le..” Ronak chuan a rawn ti a

“Maw..”

“Vansang a thlawh I chak a ni lawm ni??” a nui suk bawk a

“Thlawhna I khalh thiam maw..??”

“I ring em??”

“Ka hre lo.. mumang a ang ka ti..” ka han ti a

“I dream kan ti hlawhtling dawn alawm..”

“Aw.. Ronak..”

“Kal rawh le..”

.

Lei kan hlat tial tial a, Ronak chuan min lo melh reng a..

“Hei.. fimkhur rawh.. keimah min en suh..” ka lo ti a

“Engtiang a sang nge thlawh I duh??”

“Ala sang tawk lo..heheh..” ka lo ti vat a

Kan thlawk chhoh zel a, ka nui reng hi a ni ringawt.. lei lam ka zuk eng thin..

“A mawi zia khu Ronak” tiin ka tawng deuh char char a..

“Esther..”

“Umm..”

“I dream tih hlawhtlin ka duh..” a rawn ti thawp sap a

“I ti mek alawm..”

“A la kim lo..”

“Maw..”

“Ihmaw.. Ka hmangaih che nge chu ka hre lo.. mahse ka duh takzet che, ka tan hian I danglam bik..”

Sawi tur pawh ka hre lo, ka ngawi chiang hle mai, tun a Ronaka thu sawi hi ka duhthusam a ni tih chu phat rual a ni lo, mahse ka tih hlawhtlinpui a rem si lo..

“Ronak.. he kawng hi a awlsam lo tih kan hria..” ka ti zawi sep a

“Nia, ka hria alawm.. in hnam danah phatsantu I ni ang.. mahse ka nawr lui lo che”

.

Ronak hi ka Mizo pui ngei ni se ka thil tawn tluk a lawmna tur hi a awm chuang lo ang, ani hi ka mamawh ang mipa leh ka hlimna a nih zia chu he thla ruk chhung lek ka hmelhriat atang hian ka hria a, mahse awmdun reng thei si, kan inkar ah daidanna bang chhah tak chhut chhiat rual loh a awm si a. Dik tak chuan ani in min duhna let aia nasa hian ka duh tih hi kei hian ka hria a ni.

.

A hma zawng aiin Ronak chu ka ngaiin ka thlahlel a mahse ka pawh tak tak dawn hian inthiam lohna ka nei zel si, a bulah chuan hun ka mamawh thu ka hrilh tak na a, ka thlakhleh zia hi sawi hian a siak lo.

.

Mumbai a ka let leh hnu chuan Ronak nen chuan kan inhmu khat em em a, chaw chhun kan ei dun bak chu kan inhmu lem lo a, ani chu a ngai reng hian ka hria a kei erawh chu enge maw ni tak hian a lak a inthlahrunna leh  nuam tih lohna hian ka khat tlat zel.

“Naktuk chu in biakin ah ka rawn inkhawm ve thei  angem??” a rawn ti a

“Maw.. Mizo inkhawmna a nia.. nuam I ti dawn a mi??”

“Aw I bul a ka awm phawt chuan..”

“Ronak.. ka tel lo in I awm thei ti raw..” ka tih chuan ka mitah tak min rawn en a

“Enga.. chutiang chuan engmah ka ngaihtuah ngai lo a sin..”

“Ka huaisen tawk lo..” tiin ka chhang a

“Khawnge fearless Esther kha awm tak.. ngatinge I thinlung duhna chu mihring siam chawp dan vangin I ngaihthlak duh loh..”

“Ronak.. I hrethiam lo a nih kha..”

“I tan chuan Christian pawh ka ni mai ang.. engkim ka ngaihtuah fel tawh.. I hria em ka pi hnenah Christian nula ka hmangaih thu ka hrilh a a phur zia chu..”

“Ronak tunah chuan ka rilru ka siam fel thei lo..”

“Ka nghak ang mahse ka damchhung chuan min nghah tir suh aw.. midang dem reng ngai a nun hi ka hne tawh lutuk.. nge ka hmangaih vang che hian ka in dem ang..” tiin a tho ta daih a.

.

A car ah lutin min kalsan ta daih a, taxi lo tlan hmasa ber chu ka lo phar ding vat a.. zui turin ka ti ta a. A kawng zawh danah chuan a thuziahna in lam a pan tih ka hrethiam nghal mai a, driver chuan min dah thlen hnu chuan inchhungah ka lut a, room pakhat atang a darthlalang keh ri chhuai ri ka hriat chuan pindan lam chu ka pan vat a… hmai hun vek a darthlalang hma a a lo ding reng chu ka va hmu a. Dim te in ka va pan a, a hnung lam atang chuan a kawngah ka va kuah a..

“Ka hmangaih che.. I rilru tih nat hi ka duh ngai lo a sin..”

“Keipawn ka hmangaih che..” tiin ka lam lo hawiin nghet takin min kuah a, ka chalah a rawn fawp zeuh a.

.

Hmalam hun ngaihtuah chu ka rilru tibuaitu mai an nih zia hria in ka tun hun chu Ronak nen hlim takin kan hmang dun a tumah kan mamawh bik lo. Chawlhni apiangin hnamdang biakin ah ani chu ka inkhawmpui a, a tui lo tih ka hria mahse keima tan a nung tih ka hria a ni..

“Bawhi khawnge In neih I duh??”

“Enge awmzia??”

“Kan inneih hunah..” a rawn ti a

“Mizoramah, Mumbai leh America ah..” tiin ka lo chhang vat a

“Kan va ngah dawn ve..”

“Min tih thinrim chang a ka tlanbo na tur..” ti a k sawi chuan, a rawn thinrim der  a, ka khabe chu na takin a hmer a.. “ Ana ania Andrew..”

“Ti khan min ko suh.. khawi hmun pawh ni se ka zawng chhuak tho tho ang che..”

.

Kan chhungkua chuan ka piancham lawmna tan a card sem chhuah dan tur buai in kan buai a..

“Hei hi Ronak card tur, chuan Santi.. Jay.. Tetei, Riya, Sanit…”

“I upat tawh tawh nen lawm angai a mi??” tiin U Davida chuan min lo fiam a

“Nang pawh I lawm ziah.. clubah in kal ziah”

“Shh.. ka pa choka ah a awm..”

“Nge khatia min tih ni..”

.

Ka piancham lawmna a min tel pui tur te an lo thleng sap sap a, ka lo chhawn ve zel a.. Ronak ka zawng ru reng mahse a lo thleng mai thei lo. Ka hlim tur ang pawn ka hlim lo.. ka nui lui hram hram a ni.. Ani pawh beidawn tawpah a rawn thleng a, ka hmel atang chuan ka lungawi loh zia a hria a ni ngei ang mi hriat hlau takin min thlem char char..

“Gift kha hawng rawh honey..”

“I haw hunah ka hawng ang..” ka lo ti hmuk

“Ti mai tehh!!”

“In dah pawimawh viau suh.. I rawn thleng tlai ber..”

“Nih ka haw dawn..”

“Ronak Andrew Malik..”

“Shitt.. luhlul nu..”

.

A thil min pek chu ka han hawng a ka au tuar.. Ipad launch thar darkar hnih kal ta a an zawrh chhuah choh.. ka awh em em a ni..

“Kha flash sale chang tur khan ka beih nasat zia I hria em??”

“Oo.. honey ka lawm lutuk.. ka hmangaih che..” tiin ka han kuah a

“I pa a lo kal..” tiin min nawr sawn dawrh, ka nuih zat zia chu

.

Mikhual ho an haw sap sap a, Ronak erawh a haw ka la phal lo thung a, kan in kawt ah chuan kan thu dun a, ka nu te room kan en zeuh zeuh a.. a thim ta maw tihah chuan in hrethiam tawn takin nghet tak a in kuah in kan in fawp nghal vawng vawng a, ani kianga awm hi chu hlimna hlir a  ni mai.

“Bae..”

“Um..”

“Chrismas Mizoramah kan hman ka ring..” ka han ti a

“Engmaw.. kum thum ngawt I haw tawh lo a nilawm ni..”

“Chuvang reng chuan alawm kan kal dawn..”

“Lo kal ve theih ka chak..” a tih chuan a biangah ka han fawp zeuh a

“Lo kal vela..”

“Ka hna vangin ka buai dawn alawm Bawihi..”

“Nih  a pawi lo.. ni tlem la awm ah hian kan pahnihin awmdun char char mai ang..” ka ti a

“Chiang te maw le..” tih pah chuan min pawm kang nawlh a, kan in fawp vawng vawng a..

.

Mizoram a haw leh chu ka chak rual rualin Ronak ka thlakhlelhna avang chuan ka lung chu a leng lawk hle a. Chho tur a inpuanchah chho in, kan chhungte thil hawn tur vel leiin kan bazaar a.. Departmental store a kana wm lai chuan make up vel ka han en a, U Mama chu ka kalna lam apiangah a rawn kal a..

“Hmeichhe lei sak tur I neih chuan sawi mai la.. ka thlanpui ang che..” ner nang chuan ka han ti a

“Bawihi ban san rawh..” a rawn ti thawr a

“Maw..”

“Kha tlangval nen khan in zui tawh su..” a tih chuan ka bing mup in ka hria..

“U.. engtin nge..”

“I birthday zan atang khan ka hria.. ka rilru I tih buai zia hi I hria em?? Kan chhungkua hi tih zah I duh  a mi??”

“U.. mahse”

“Ka hrethiam che.. tet te atang a Mizo hriat nei mang lo I ni a, hnam dang ngaihzawng neih chu a awm lutuk.. I tleirawl chhoh lai a I nei pawh kan hria mahse I ngaihsak loh zia kan hriat avangin in inthen leh mai kan ring a.. kan ring dik reng bawk a ni. Mahse tun a mi I en dan hi chu..” a tih lai tak chuan ka nu a rawn kal a

“Kal ang u in zawh tawh chuan..”

.

“Ronak ka u in a hria.. engtinnge kan tih ang??” mangmang takin ka han ti a

“Hahdam rawh.. I u chu keiman nakum lamah ka lo be dawn alawm”

“Tunah..”

“Aih tunah chuan chhungkua in in chhuak dawn a.. boruak tha lo thleng ta se..”

“Beiseina I nei sang lo tih na a mi??” ka ti a

“Ni lo.. ni lo.. engkim a tha vek dawn alawm bawihte..”

“I tel lo a nun ka duh lo..”

“keipawn.. hahdam rawh aw.. ka hmangaih che..”

“Keipawn ka hmangaih lutuk che..”

.

Hun rei tak chhungte hmuh tawh loh in hmuh leh chu a nuam ngei mai, inleng an awm sap sap reng a.. ka than that zia leh ka tet lai a ka hmelchhiat thin zia thu ngawt chu an sawi reng hlawm bawk a. Inpui ah kan in nghat a, ka pi leh pute leh ka pa te unau zing a naupangber te chhungkua in an awmpui bawk a..

“Bawihtei hi Vai tlangval bak I hmu ngai awm si loa, pasal te hi I zuk nei reu reu mai ang a..” ka pu in a tih chuan ka u nen kan inmelh fuh chiah

“Nia.. arrangement lam hi kan ti mai dawn maw ni..” ka nu in  alo ti ve bawk..

“A u chu.. ka thianpa u doctor nen in inhmeh ngawt ang..” ka patea fapa rawlthar sang zet chuan a rawn tih chuan ka ngei kher mai

“Ngawi rawh Thlamuanpui.. naupang I nih kha..” ka lo ti vat a

“A pawi miah lo ang ka ti.. Mizo nihna a theihnghilh zawh hma hian helam ah pasal nei se a tha ang..” u Mama’n a rawn tih chuan ka na ngawih ngawih.. ka hlimna tlem a ngaihtuah ve a ng chu ka ti a.. thinrim takin room lamah ka phei san ta daih a

.

“Hello..”

“Ronak.. ka ngai che..” tap aw tiau chuan ka han ti a

“Keipawn ka ngai che..i tap a mi Bawihte..”

“Aw ka ngaih vang che in ka tap a..”

“I lo chhuk hunah hlim deuhin kan awmdun leh dawn alawm.. I bula awm te tan a hreawm a nga sin I hlim loh chuan..”

“Nia.. I thu ka awih ang.. lawk aw roomah midang an lo lut dawn a kan dah lawk..” tiin phone chu ka dah a, ka muhil der ta daih a

.

Kawngka kik ka chhan loh avangin lo lut lui tho an awm tih thawm atangin ka hre thei a..

“Meng rawh.. muthilh der a ngai lo..” U Mama aw a ni tih ka hre reng

“Anih meng suh.. I harh tih ka hre tho.. ka pa hian stroke a nei tih I hria ti raw.. eng thu thin thawng mah hriattir chi a ni lo tih pawh I hria.. khang college I kal hun atang khan ka pa lungawina hi I siam sak ve tawh reng reng em?? Ka thu hi awih lo chu lo chu I duh loh thleng thleng thil hi a thleng palh ange..”

Ka u chhuak thawm ka hriat hnu chuan ka mit ka meng a, ka mittui chu a rawn luang nghal zawih zawih a.. ka vanduai dan bik em em hi chu aww..  Mahse ka u thusawi kha engmah dik lo a awm lo tih ka hria, fan usual tak chu ka lo ni a nih hi..

.

Krismas hma ni zing ka tho chu ka tih dan ngai bawkin thingpui la in ka pa pe turin pindan lam ka pan a..

“Pa.. apa.. tho tawh la”

“Umm..” tiin a arawn meng a, kan zinna chauh vang nge a hmel chu ngui riau a ka hriat..

“Pa khawnge I damdawi dang hi..??” ka tih chuan in beng kan pahin

“I nu khan a dahtha a va nih hmel ve..”

.

“Nu.. khawnge apa damdawi dang.. in dah chhuah ho kha a zo tawh..”

“Ka lo la ang..” tiin thawmhnaw bawm vel chu a han dap a.... a in chin darh vek hnu pawn a hmu lo a nih hmel..

“Mate kan theihnghilh a niang a..” ka nu in a tih chuan room atang chuan ka chhuak vat a

“Pu.. doctor koh tur number min per u.. a pa doctor tur”

“Enge dik lo a awm ami??” an rawn ti sap sap a

“Aihhh.. a damdawi kan hmu lo..”

“Kha hei hi han call rawh..”  ka nutei chuan a rawn ti a, ka call ta a.

.

Doctor pawh chu rei lo te ah a lo thleng vat a, a la naupan hmel hle a chu chuan min rin tir lo deuh nge maw ni ka zawt chik em em a..

“Khu lam leh helam damdawi hman a in ang loa.. hei chu he tah in hmu lo ang.. mahse hei hi a anpui a nia” a han ti a

“Anpui tih I chiang chiah maw.. thil dik lo awm ta se..” ka tih chuan za lo takin a nui a

“Um ka chiang alawm..”

“Nih chuan Thlamuan, hei hi hmanhmawh in han lei ru..”

“U Muante, thingpui lo in rawh aw.. ee u, U Muantea hi alawm hmanni a ka hrilh che kha..” Thlamuana chuan a chhuah pah chuan a han ti a

“Engchu??” ka lo ti vat a

“I pasal tur kha..” tih pah chuan a tlanchhuak daih a, midang ho chu an nui dar dar a

“A van a tak..” ka ti a, ka pa room lamah ka pen san ta a.

.

Krismas ni zing chu inkhawm tur a insiamin kan in pel suau suau hlawm a.. naupang awm lo mah se puitling thak han awm khawm pawh kan thawm a ring hle a niang, ngaihtuah chiah chuan a nuihzathlak zawk. Zarkawt biakin lam kan chhungkua in kan pan a, mahni ram ngei a Biakin han pan chu nuam dangdang ve tak a ni.

.

“Mate.. Muantea saw a tha I ti lo a mi??” ka pu chuan a han ti a

“Pu I thing lutuk.. tunlaiah tumah an in sawirem ngai lo.. ka duhzawng ka neih dawn loh ai chuan ka nei lo mai ang..”

“Nakin lamah te kan la sawi ho leh dawn nia” ka pa in a lo ti ve bawk a. Ka rilru hian neih hi ka va han tum lo teh chai em!! Ronaka ka neih dawn loh ai chuan tumah ka nei lo ang..

.

Vawikhat chu phone call kan dawng a, ka pa chu a lenna ah a lo tlu a ni awm a, mahse damdawiin lamah hruaiin an rawn haw pui mek thu a ni a.. Pawn a motor ri ka hriat velah chuan ka va tlan chhuak a ka pa chu va kuah ka tum a, mahse Muantea chuan a buaipui theih thu sawiin a hruai lut ta a.. Ka pa dinhmun ka ngaihtuah nasat poh leh ka beidawng thin.. ka nun hi ngatinge a harsat bik em em le..

.

Chu mi ni atang chuan Muantea chuan min rawn hel tan a, ka biak peih vak loh zia chu a hrechiang ve khawp ang.. kar khatvel kan inbiak hnu chuan bem takzetin min bem a.. hnawl na tur tha ber a ka hriat ka thianghlim tawh lo angin  ka hrilh chuan a reh ve hmak a, keini lam pawh Mambai lamah kan liam thla ve leh ta a.

.

A ngai te bawkin ka Ronaka nen chuan hlim takin kan awmdun leh ta, ka rilru chu buai tho amh se ani lakah chuan hlim tak anga lan ka tum zel thin. Ani chuan ka u a hmuh tur thu min hrilh chuan a ngaih tawh loh thu ka hrilh ringawt a, thil fel hlel chu a awm tih a hriatthiam tho ka ring a ni.

.

“I in hi a nuam ee..” tiin pawn lam thutthlengah chuan ka thu ar ar a

“I in a ni ve tho  alawm..”

“I laptop kha dah teh.. I bul a ka awm lai em em hi chuan min ngaihsak ve la..” tiin a malchungah ka va thu a

“Hehe.. kan inneih hunah hna thawk thei miah loin min siam mai ang tih ka hlau..”

“Ka hlau ve hleinem..”

.

In a ka haw chu thutkhawmna pindan lamah chuan ka chhungte, ka pa tih loh chu an lo thu thup..

“Khawnge I kal office a awm loin??” U Mama chuan min vin tuar a

“Enge awmzia??”

“Hna I nei tawh lo.. I hna tangin I bang tawh.. naktukah Muantea te an rawn chhuk ang a in ineihna tih fel a ni ang..” a tih chuan ka thu hnawk

“Hetiang hi inih ka ring lo asin Bawihte.. I pa saw ngaihtuah ve ta che..” ka nu chuan a rawn ti a

“Pa..  a pa khawnge??” tiin pindan lam ka en a, oxygen hmangin a lo mu bem a, ka thu hnawk.. enge ka tih tak mai le..

.

Muantea leh a chhungte lo zin chu phur lo takin ka lo chhawn ve a, hmun hrang hrang ka fan pui a, ka hna ka chhunzawm loh thu chu Ronaka pawh hrilh loin kan chhungkaw trhiante an lo zin thu ka hrilh a. Zantin tap lo a ka mut zan a awm lo, Ronaka ka ngai a tih theih ka nei si lo.. Ka chhungte lah chuan Muantea nen a kan inneihna tur an buaipui mek si..

“Ngatinge min duh.. ka virgin lo ka tih kha..” tap pah ti tih chuan ka han ti a

“Ka hria alawm.. ka anpui ka tawng hi ka lawm asin..”

“Khawngaihtakin innei lo ang.. inneih hi duh suh.. mawh..”

“Ipa hi ngaihtuah ve rawh Esther.. engvang a duh lo nge inih chu ka hre lo a mhse ipa hi ngahtuah rawh..”

.

Kar hnih hnu ah kan chhungkua in Mizoramah kan kal anga chuan thla lehah inneihna an buatsaih ang.. inthat thei ni ila ka ti tur.. Engtinnge Ronak hi ka kalsan theih ang a.. ka tello in a awm thei a ngem?? Awm thei pawh nise ka tel lo a a hlim tur hi ka duh lo a ni..

.

“Enge he tah I lo tih?? Hna ah kal t ache..”

“Ka bang tawh..” tiin ka thu hnawk a

“Duat.. tunlai hi I depress nasa ti raw..”

“Ummm..”

“A chhan min hrilh la..” a han ti a

“Ka tel loin I awm thei a ngem??”

“Eng zawhna nge ni ngai..” a rawn ti a

“Ka hmangaih laka ka zawhna..”

“Ka thei ang mahse ka duh lo..”

“Hmmphh..”

“Tuesday zanah ka lo riak dawn..” ka ti a

“Enga I a em ni?? Enge I ruih a??”

“I hmangaihna.. duat min lo lampui lawk..” tiin ka kaitho a a awmah ka bei a ka tap char char a.. music rem chu zawimuangin kan in then a, ka hmel en tumin ka dar chu a nam deuh a

“Aih.. hetia awm hi ka duh..”

“Ka hmangaih che.. I duh phawt chuan ka lampui zel ang che..” a rawn ti sep a

.

Chaw kan ei lai chuan tumah pawh kan tawng lo..

“Naktuk zanah ka thiante inah ka riak dawn ania..” ka u nen chuan kan inmelh zeuh a

“A tul lo..” ka nu chuan a lo ti vat a

“Kal rawh se.. bachelor party tan a ni lawm ni Bawihi..” U Mama chuan arawn ti a, ka lo bu nghauh ringawt a.

.

Tum nei ran sa in ka bazaar a, Ronak a in lam ka pan a.. ani erawh a hna tul vangin a chhuak a nih hmel.. inchhung ka ti fai a, ka theih ang angin ka chei bawk a.. ka zawh veleh ei tur Ronaka ngainat ber ka siam sak a.. ka thawmhnaw zing a angainat ber ka inbel a, rimtui takin a ni chu ka lo nghak a.. kawngka ri ka hriat velah ka va tlan phei a..

“Surprise!!!”

“Ehe.. honey.. enge he tah I tih..”

“Han enkual la..” ka ti a, ka pindan chei te chu a en kual a.. a hlim hmel han that zia chu aw..

.

Chaw kan ei dun a, a hlim ve takzet tih ka hriat hian ka lawm a ni. Ei tur te kan inbarh a.. kan nui dun har har a.. lam ka chak thu ka hrilh chuan phur takin min lam pui a, chu tih lai chuan ka rilru in he thu hi ka sawi reng a..

“Pian nawn lehna hi a awm takzet a nih chuan mi inang ah piang duh ang aw.. tih hi

.

“I haw a hun ka thlah ang che..”

“Enga.. ko lo riak dawn ka tih kha..”

“Fiamthu thawh reng teh suh..” tiin min piai zeuh a

“Hun chhichhiah tlak tak siampui che ak chak alawm..”

“Tun hun pawh hi a ni daih tawh alawm..”

“Lawithat zan..” tiin a beng bulah chuan ka phun zeuh a

“Enga?? Tikhan min fiam ngam amaw..” tiin min pawm nawlh a, a khum rose par sen a chei kual ah chuan min nghat a.. ka thawmhnaw chu amal te te in aphelh zel a, keipawh chuan ka lo pui vat a, ruak ngal ngatin kan awmdun ta, ka chungah ani chu a bawk a…

“Bawihi, I chiang em??”

“Aw.. ka hmangaihna che ka chian tluk zetin..” ka lo ti a

.

A tih tur hai lo zetin min sawngbawl kual a, ka rilru fimna ka hloh telh telh a nawmna leh chakna tupui ah min hnuk lut zel a, ka thiam dan berin ka lo pui ve bawk a.. kan taksa chu pumkhat a ni ta.. ka thianghlimna ka hmangaih Ronaka tan ka hlan ta a ni. Zawi tih hriat takin a zangthal a, a ban min kham tiring min kuah bawk a..

“Bae..”

“Umm..” tiin ka biangah a rawn fawp zeuh a

“Kalsan ngei ngei che ngai ta se, engtikah nge ka kalsan ang che??” ka han ti a

“Min kalsan dawn lo..”

“Ngai ta se ka ti alawm..”

“Anih chuan tunah hian ni rawh se.. a chhan chu nitin kan in hmangaih zual zel ang a..  kan in thlah thei ngai tawh dawn hlei hnem..” a rawn ti a

Ni e,tun hun hian ka kalsan che a ngai a ni.

.

Zing dar 5 rik hma deuhin ka harh a, Ronak chu min kuahin a la muhil reng thung a.. ka tho a lehkhapuan leh pen chu ka la a..

.

“Duhtak Ronak,

Hmangaihna hi enge anih a, khawi atanga lo kal nge a nih chiah le ti raw.. Nang ka tawn ni che khan ti khawp hian ka hmangaih ang che tih ka ring ngai lo mahse ka thunun theih loh leh ka duhna vang ni hauh lo in nangmah ah nitin ka luangliam a.. ka pil zel thuk zual zel a ni. Hringnun hian nitin zirtirna min pe a, chutiang chiah chuan hringnun hian nangmah kal tlangin  ka hmalam hun atan zirtirna tam tak min pe a mahse he hmangaihna min lo zirtir tel kher kher hi chu a pawi a ni. Mahse maw duhtak, a pawi avang hian ka duh lo a ni miah lo asin a chhan chu ka nun a ka neih tawh zing a hlu ber I ni si a. Hmngaihna mitmengin min en a, hmangaihna bengin ka thusawi I ngaithla a, hmangaihna ka in ka mamawh tawk tawngkam I chhakchhuak a hmangaihna thinlung vekin min hmangaih si a. He khawvel a mi vannei ber ka nihna tur chu kalsanin a vannei ber dawttu, I hmangaih hmasa ber ka ni hi ka lawm tawk a ni ta mai si a, chu tih laiin he khawvel a mi vannei ber I nupui tur erawh chu kei ang em em hian hmangaih suh aw.. a chhan chu maw hmangaihte nen hian kan awmdun reng thei ngai si loa, I nat phah mai mai dawn a sin. A tawp a hlimawm dawn lo tih hre rengin he inlaichinna hi kan siam a.. tunah chuan a tawpna chu a tleng ta.. min hmangaih takzet a nih chuan min hmuh tumin min rawn zawng lo la, biak pawh min rawn be suh ang che aw. I aw leh I ankanem tel lo in nung dawn mahila he thingah hian Ronak Andrew Malik hi a thi tawh ngai lo ang.. Ka hmangaih che Bawiha..

Esther

.

Ka mittui chu hru in ka bag ka la a, a tawp nan a chalah leh a hmuiah ka zuk fawp a.. chu in chu ka chhuahsan ta a..

“Mangtha aw Ronak..”

.

Chu in compound ka pelh veleh chuan Car atang hian mi pakhat hi alo chhuak a.. ani chu panin nghet takin ka kuah a..

“U…” tiin ka tap hlawp hlawp a

“In pahnih tan vek a ni Bawihte.. lut ang le..”

Carah chuan ka lut a.. kawng tluanin ka mittui hi a hul lo.. kan in kan thlen chuan ka a thei mai dawn in ka hria a ni. . kan insiam sawk sawk a.. dar 11:30AM flight nang tumin  Airport lam kan pan ta a..

.

THLA HNIH HNU AH

.

Inneih chhim tur in mi tam tak an rawn thleng hlawm a, nui lui tur takngial pawn chakna ka nei lo. Ka u in maicham lam min pan pui lai chuan sir lam ka melh chu ka awmdan min hloh tir vek tu ka hmu.. ka u chuan min kheuh zeuh a, mopa bulah chuan ka va ding a.. awmdan pangai tak a awm tumin ka in thunun nasa hle a, hnung lam chu hawi chhuah ka chak takzet, amhse a rem si lo. Kan inneih hunserh chu ka hunt awn tawhah rei ber hialin ka hria.. Hunserh a zawh chuan pawn lamah kan chhuak ta a, ka mi zawn ruk reng nichin lawk a ka hmuh chu ka hmu ta hauh lo..

“Ka mit vai a nih dawn hi..”

.

Thlalak turin kan inpuah chah a..

“Bawihi in pahnihin mi hmuh tir duh che u ka nei a” ka pasal chu a melh pah zeuh a. Kan piah lawk atang chuan tu emaw a hmel ka hai ngai loh chu arawn phei a, a van nalhin a van hmeltha tak em.. Kan pahnih chuan min rawn chibai dun a..

“Esther I mawi lutuk..” sawi tur pawh ka hre lo..

“Doctor, unaupa tiin ka ko thei che angem??” a han ti a

“Tehreng mai..” ka pasal chuan alo ti vat a, Ronak chuan ka pasal chu kuahin..

“Ka angel hi lo enkawl tha ang che aw..” a ti a

“Awle.. lutuk  tlat..”

Ka mittui chu dan rual loin a rawn luang leh zawih zawih a.. a kal liam thlir pah chuan

“Ka hmangaih che.. ka hmangaih reng ang che..” tiin ka phun sep a

.

>>>>THE END<<<<<