NASHVILLE DAUGHTER

United State hmarchhak lam a New York khawpui laili laia burger dawrah chuan ka tih thin ngai bawkin min dawrtu,  thil ei tum a rawn lut te chu ka lo chhawn zel a..

“Hello Mr. George..” nui sang chuan ka lo ti a

“Hello.. Kate.. hmuh I nuam hle mai..” tiin a thutna tur ka kawh hmuh ah chuan a thu a

“Chicken Caesar em ni leh ang??” tiin ka apron ipte a lehkhabu te chu phawrhin pen a ziah inring ran chuan ka han chhuk en a

“Item dang min kawh hmuh duh I nei lo maw.. vawiin chu thil dang deuh han ei ila..” nui hmel pu sang chuan a rawn ti a

“Aw.. chuti  zawng chuan maw.. anih chuan Canyon Creek Burger hi em niang.. vawksa rep zai lep, artui pawlh, hmarchapui  kan,  bawngsa hlawm dah tel, blackberry jam a luan, I duh chuan grape pawh kan hmang thei..” ka han ti a

“A tui dawn khawp chu.. grape jam chu han hmang ta che u..” a tih chuan, ka nuih seih a order pe turin ka phei ta a.

.

He dawr hi kum kaw  kal ta khan ka nu in ho te a bul tanin a siam ve a, a tir chuan item pathum lek siam a kalpui a ni a.. A rei telh telh a, hlawkna pawh hmuh tur a tam ve tial tial a.. a hun lai mil zel a tih phuisui ve a ni a, tunah ngat phei chuan burger tui ber tih te hialin kan customer thenkhat  te phei chuan kan burger hi an fak thin a ni. 

.

.

Kum 1989, September ni 10 khan Nashville, Tennessee ah ka piang a, ka nu hi lehkhabu chhutna hmun  lian lem lo takah thawkin, ka pa erawh Investment company ah thawkin share chhe te a nei ve bawk a ni. Kum ruk mi ka nihin ka pa thawhna company chu a tla chhia a, chu tah chuan ka pa in kan sum neih ve sa zawng zawng chu ka nu hriat lohin a lo invest vek a ni tih hriatchhuah a ni a, ka nu thinrim chuan kei min hruaiin New York lam min pan pui ta a ni.

.

New York ah hian nun bul tan tha in, school te ka han kai chho a.. ka nu chuan min chawmna turin theitawp in  hna a thawk thin a. Tlem a zawng a inkhawl ve hnu chuan burger shop a siam a, kei erawh chuan ka zirna lamah ka rilru ka la pe thung. Mahse, kum nga dawn ka nu chauhin sumdawnna a kalpui takah chuan a ni lo upa ve tawh nen, a nuam tih zawng lamah kal turin, dawr chu ka enkawl theih  thu leh ka zirna ka chawlhsan tur thu  ka hrilh thin a, a tir chuan min hnial fo mah se ani pawn tha in a hria  aniang chu.. a nuam tih ber lehkhabu chhiar lam bawk ah a tuan leh ta a, week days ah hlawh neiin Public library ah librarian hna a thawk a, week end ah erawh volunteer in a thawk thin thung.

.

 Ka nu in Public Library a Librarian hna a thawh atang  chuan burger dawr chu keiman ka enkawl tan ta a, mahse ka nu ta ang a chhal a la ni reng thin, chu chu ka duh dan pawh a ni. Chu mi a nih avang chuan hnawthawk hrang hrang te in elna ang pawh ka paltlang reng a ngai ve tho va.. kan zing a thla thum chhung a thawk tha ber (customer vote leh kan customer buaipui te theuh atang a kan in hralhna pawisa belhkhawm atangin thawk tha ber hi kan zawng thin) chuan  thla thum dang leh chhungin manager hna a chelh  thin. A dawt leh chuan bonus  a dawng thin. Kei chuan ka thawh atangin manager hna ka la chelh chhin eih loa.. bonus chu vawi thum  ka dawng ve tawh thung.

 .

Dawr khar a nih hma darkar hnih ah ka nu pui turin Burger dawr chu ka chhuahsan ziah a, hei vang hi a ni ang eng promotion mah ka hmuh  theih loh tih a fiamna ka dawng fova, mahse chu chuan min tibuai hran lo.. ka thawh chhungin theihtawp ka chhuah thin tih hi ka hre miau a ni.

.

Public library pan turin car ka la chhuak a, kawngpui pangai  pawh tumin muang changin ka han in turn a, tu emaw in ka car side glass an rawn kik, glass downin ka hawi chhuak vat..

“Miss Kate Bennett.. kan in be lawk thei a ngem??” a hming min kohna ri chuan min ti hamhaih hle a..

“Maw.. Bennett maw..??” ka ti ringawt

“Aw Mr. Bennett-a lawyer ka nia..” a tih chuan ka car atangin ka chhuak vat a

“He lamah..” tiin ka nu burger shop ah chuan ka luh pui a

“Private a inbiakna a awm lawm ni??”

“Lungai suh..” tiin ka nu cabin hlui lam ka pan pui a, ka thawhpui te chuan mak ti takin min thlir zui bawk a..

.

“Enge sawi duh I neih Mr..???”

“Stephen Vicari..”

“Aw.. Mr.Vicari eng thil nge sawi duh I neih??” ka han ti a

“Tunah Nashville a i lo kal vat a ngai a ni..” a ti a

“Eng thilah??”

“I pa in a hmu duh che..”

“ Tu ka pa maw..??”

“Mr. Sean Bennett”

“Kate Bennett ka ni lo.. Kate Cabrera alawm ka nih..” ka han ti leh hram a

“I pa hi a tunah a natna vangin a tha lo takzet..”

“Maw..”.. mak tih hmel tak a ka awm chu ka awm pangai leh vat a, “Hei hi eng lemchan nge ni ngai aa??” ka ti tuar a

“Enge thil thleng zawng zawng chu ka hre lo na in I lo kal ngei chu a ngai a ni.. property vel chin fel ngai a awm nual dawn a..”

“Thih pawh a la thi em lo a ni lawm ni..”  ka thusawi chu a mah mah tih ka hrechhuak vat.. mahse inthiam lo ang chuan ka awm duh lem lo

“He tah hian sawi fel na hun a awm lo, mahse ka lo biak theih nan che i mail emaw I number tal ka mamawh a ni..”

.

Vawiin lam a thil thleng chu ka ngaihtuah a, ka nu hi ka hrilh duh a ngem tih te.. mahse thu chiang engmah ka hre si lo, kha lawyer pa kha ka mail chu ka hrilh ngei a mahse a hnen atangin eng thu mah ka la dawng lo. Ka pa kan chhuahsan atang khan a chanchin hriat zui ka nei loa, ka nu pawn a chungchang thu min hrilh hek lo. Vawi tam tak kan nun harsa tak vang khan ka nu tap kha ka hmu fova chu chuan ka pa dem rukna min neih tir fo thin. Ka nu chuan ka pa chu a ngaihdam tawh thu leh keipawh in a ngaidam turin min hrilh fova mahse kan nufa a min ngaihven miah loh leh min hruai  let tumna a nei miah lo chuan ka rilru a ti na in ani kha min huat tir lek lek a, ka hming a Bennett title awm pawh paihin ka nu hnam  Cabrera chu ka tawm phah hial a ni.

.

Zanlai pelh tawh lam a ka mail dawn chuan min thawng hle mai..

“Ms.Kate thu ka rawn thawn lawk loh che avangin I ngaihdamna ka ngen a ni..  kan inbiak hnu lawk khan I pa a that loh thu ka dawng a, Nashville lam panin ka thlawk let nghal a.. I pa chu darkar hnih liam ta khan a boral a ni. I pa vuina hunserh a I rawn tel chu kan phut lo che, mahse a rang thei ang ber a I rawn kal chu a ngai ngei dawn ani..”

.

Ka nu hrilh lo thei dinhmun ah ka ding ta lo,thutkhawmna pindan lamah chhukin ani chu ka hrilh fai ta vek a. Ka nu chuan kan chhuahsan hnu kum sawm  vel atanga an company a din chhoh leh thu a hriat bak chu a lo hre bik lo a ni. Ka pa vuina hunserh a tel ngei tur chuan min ti a mahse keichuan ka chak loh thu hrilhin a tuk lam a ka car a Nashville lam pan mai ka tum thu ka hrilh a..

.

“Darkar sawmpahnih chuang I tlan a ngai dawn a.. I chau lutuk ang bawihi..” Dik tak chuan ka car a kal chu ka chak pawh a ni lo, ka pa vuina hunserh nan loh dan chu ka zawng zawk  ani

“Nu.. min ngaihtuah a nih kha, thlawhna chuan nuam ka tih loh zia I hriat kha..”

“Anih chuan private jet lam hi enge I ngaihdan..” kan hnung lama tawng ri chuan kan nufa chuan min ti phu chiang hle a

“Tunge I nih??” tiin ka han ding uai a..

“Fernando Campos..” tiin min chibai tumin a kut a rawn dah kang a. Ani chu a sang vauh a, a mitmeng chu a pawl lam lek lek a, mipa satliah tan mai a hneh theih loh tha  a nei tih chiang takin a hriat a ni..

“Engtinnge door bell hmet loa I lo luh theih??” bah nuai a tih pah chuan kawngkhar lam ka lo kawk a, ani chuan nui zeuh pah chuan a kut a han dah thla a..

“Vawi khat chu ka hmet ve ngei chuan ka hria..” Spanish aw phawi lam lek lek chuan a rawn ti a

“Aw.. ni tak Bawihi, door bell saw a chiang lo a nih dawn saw, vawiin lam ah pawh khan Mr.Lorence a bell hmet ri ka hre miah lo..” ka nu chuan a lo ti a

“Nora   aunty.. I la lang naupang hle mai..” chu pa chuan ka nu melh pah chuan a han ti zeuh a

“I hming chu ka hriat hnu a ang hle mai..” ka nu chuan a ti a

“I la hriat ka ring zawk a sin..” tiin ka nu in thutna a kawh hmuhna lam ah chuan a han thu a

“Chu ti maw.. kum sawmnga panga chiah ka la ni chung hian ka hriatna hi a chau tawh fu  ania.. tun ang zan rei ah enge I rawn tih dawn reng reng??” ka nu chuan  ati a

“Mr. Mario Campos-a fapa naupang zawk kha ka nia.. I la hria em??” chu pa chuan a ti a

“Chu ti maw.. Kate darling, I pa thiantha ber fapa a nih hi..” a rawn tih chuan za vak loin ka lo nui a

“A chanchin avang khan pawi ka ti takzet, pa in pe zo tak a ni a sin..”

.

“Ka pa chu I hriat hmel hle mai” pawn lam a a car awmna lam pan pui pah chuan ka ti a

“Ka pa nen an thawk dun char char a lawm..” a tih chuan ka ding chat

“Ka nu hnenah khan I sawi si loa..” ka han ti a

“Heng zawng zawng hi a hriat kher a ngai hleinem.. darkar sawmpathum hnu mai a Nashville pan tur kan nih kha.. lut la mu hahdam rawh..” tiin a car awmna lam chu min pan san ta a. Kei erawh chu chet na chang hre lo chuan a tlan liam thleng chuan ngawi rengin ka lo en ringawt thung.

.

Tlangval ka  hmelhriat ngai hauh  loh bul a a private jet changkang zet a chuan chu darkar thum pawh a tling dawn lo tih hre mahila  awm chu a nuam zan lo a ni. Ka piah lawk  thutna a, mit chhing chung a a thu ar ar chu ka lo en  leh dauh dauh thin. A hmel chu a tha ve thlawt, a che zia ah American ang viau mah se a aw phawi Spanish lam lek lek te chu ka han ngaihtuah a, amah hriat chian ka chak riau mai.. mahse a nelawm hmel teh chiam lohna chuan ani hriatchian tum loh chu  afin thlak zawkin ka hria..

.

Kum sawmpakaw chuang a ram ka rah tawh loh na, ka rah ve chhun pawh chhia leh tha ka la hriat mang lohna hmun a hruai thlen ka nih chu mang lam te pawh a ang zawk fu mai. Fernando chuan an company hotel ah min nghat a, darkar hnih hnu a ka pa vuina hmun tur a min hruai tur thu min hrilh bawk a.

.

Kawngkhar kik ri ka hriat chuan ka va hawng vat a..

“Chibai Ms.Kate.. Campos chhungkaw driver ka ni a, pawn lamah carin a nghak reng che..”

“Rawn kal turin ka lo inpeih deuh chiah a..” tiin inhnuai lam panin kan in zui thla ta a. Ka rilru tak chuan kha tlangval pian nalh leh hmeltha tak kha ka lo beisei a sin le.. amah aiah an chhungkaw driver a lo kal chu  ani si a.. 

.

Vuina hunserh a tel ho chu ka hriat zawng tumah an awm loh avangin nuam lo ka ti rilru hle a, ka pa chu kuang mawi tak a zalh a lo ni a, a ruang chu hmu thei tawh lo mahila a thlalak an tar chu ka en vang vang a, a vun te chu a zurin a lang upa hle a.. a kum nen a han ngaihtuah chuan a in awm lo deuh chu  ani.. Hunserh zawh lamah chuan phun ser ser ri hriat tur bak a awm lo a, kei erawh keimah te in ka ding reng thung..

.

“I mittui far khat tal a phu ve in I hre lo em ni??” ka beng bul a phun ri chuan ka ngaihtuahna muk tak a tang chuan min kai harh zawk a.. ka hawi chhuak vat a, chu tawngkam ngeiawm tak chu chhan let ngaiin ka hre ve tlat

“I ngaih ang em em a nunrawng kha chu ka ni lo ang Mr.”

“I pa vuina hunserh  hian tu mittui mah a ko chhuak lo hi pawi ka tih puina lam zawk a ni..”  arawn ti leh sak a

“I khawngaih viau chuan mittui chu I nei ve ngei chuan ka ring a..” ka han ti a

“Ka pa chu ni I la kei aia tuar na tur hi an awm ka ring lo..”

“I sawi awmzia chu..”

“Nimin atang khan a pindan a la chhuahsan lo..” a rawn tih chuan mak ka ti hle a

“Ka pa chuan thiantha tak a nei  anih dawn chu, lawmthu min lo hrilh sak dawn nia..” ti a kal mai chu ka tum a.. ani chuan ka banah chelhin min pawt ding zawk a

“Hei hi a tawpna ah I ngai em ni??.. I tih tur za a sawm pawh I la ti zo lo..” vin deuh ti tih chuan a rawn ti a, chu chuan a aw pa na chu a rawn belh chhah zual ni mai hian ka beng chuan a hria

“Company thil, ka pa ro chu eng ang a tam pawh ni se ka awt lo.. I pa kutah ka dah tih min lo hrilhsak dawn nia..”

“Chu chu ani hnenah I sawi dawn nia.. buaina nasa zawk a thlen loh nan ka carah sawn rawn lut rawh..” a ti a, a car awmna lam chu a pan ta a

.

A induhtawkna, a luhluhna chu ka haw takzet.. ka pa vuina hmun a awm chu ni lo ila buiana siam hlauhna ka nei lo, mahse ka pa thianthaber ka pa boral tuar na em em tu ka han ngaihtuah chuan a hmel tal hmuh chu tha in ka hre si. Chu car man to zet a luh chu ka duh chuan ka hria mahse saw pa lak a tlawm ang a lan chu ka hreh ve si.. pawi loe, tiin car lam chu ka va pan ta a..

.

“I pa vang chauh a nih hi aw..” ka thut rual rual chuan ka han ti a, za lo tih hriat takin a vei nuih zeuh..

.

“Bawihi I pate a hian a lo nghak reng che a sin..” tiin Mrs. Campos chuan a pasal pindan lam chu min pan pui a

“Ka lo tlai deuh  ani.. ka tihpalh takzet..” ka han ti ve tawp a

“A pawi loe, I lo kal duh hi kan lawm zawk a sin..” tiin kawngkhar  a kik a.. “Duhtak, I fanu chu an rawn hruai thleng tawh  ania..”  a tih pah chuan kan in nuih seih a

.

.

“I pa nen khan harsa takin he Company hi kan din a,  a thil tih avang a in chhungkaw keh chhia kha a tuar na em em a, a beidawnna a ta a thawh leh theih hi a ring ngai lo. Kha tih lai khan Spain ah keima pual a sumdawnna ka beih chhoh lai a ni a.. I kum hnih piancham kan lawm kha in chhungkaw kim a ka hmuh hnuhnun ber che u  ani a, chhungkaw din tawh ta ve ve chu kan buaina mual mualah khan kan buai a.. kan inbe pawp khat hle bawk.

.

 Nikhat chu a phone call ka dawng nawlh a, a nun a thil thleng chu tawrh hreawm a tih zia min hrilh chuan pawi ka lo tih pui hle a, ani khan ka puihna min dil loa mahse ka puih ngai a ka hriat avang chuan kan pahnih a sumdawnna tan dun  lam chu ka sawipui chho a, ani chuan awmzia awm in a hre loa mahse keichuan kei leh ka chhungkua hruaiin  Nashville lam chu ka pan pui ta rawih a.. hmai chhan ngei a kan inhmuh theih tak hnu chuan thlem ngai loin sumdawnna din dun chu a pawm ta a.. ani chuan he thu hi min hrilh fo thin a..

“I rawn kal dawn tih ka hriat pawh khan sumdawnna a bul tan pui che tumna ka nei lo, mahse I chhungkua te nen ka hmuh che khan beih leh chak na min neih tir a, chu chuan chakna min pe a.. ka hlawhtling a nih chuan ka chhungkua ka nei let ngei ang..”  a ti thin….”

.

“Mahse.. ngatinge ka pa khan phone call takngial pawn min biak a tum ngai loh..” ka han ti a

“Ni e, a a ngawt mai.. ani chuan in rin phak bak a hlawhtlin kha a tum tlat a.. thawh pawh a thawk rim a, diktak chuan thawn che u kha a tum a ni ber..”

“A boral hma khan vawi khat tal min rawn bia se tha tur..” ka ti sep

.

“Ni e, kan bul tan dan kha a harsa em em a, ka pawisa khawl tlemte khan stock te kan han lei ve a.. ani in loan pukna tur a zawng bawk a.. mi hrang hrang puihna a ngen a.. a hah teh a sin aw.. Mahse vanneihthlak takin kum li hnu ah, a khawl sa a neih zawng zawng deuh thaw  chu company pakhat ah a han invest ve a, kha tih lai khan Stock market dinhmun kha a mumal lo hle a, kei ngei pawn ka hlauhthawnpui  ani.. mahse risk a lak loh chuan a tan hlawhtlin ngaihna a awm loh thu min hrilh a.. a sawi ang ngei chuan a hlawhtling hlauh mai.. kei a pui reng thin tu ai pawn a rawn hausa ta a nih kha…” a tih chuan ka lo thaw hak a..

.

“A hausak hnu pawn min biak a la tum chuang lo em ni..??” ka han ti leh a

.

“Ni lo e, a thawhna investment company.. in chhungkaw ti darhtu kha thawmthat leh a duh tlat a ni..  kha company neitu kha a bia a, ani chuan beisei a neih loh thu a hrilh a.. a share zawng zawng lei chu  adil a ani chuan an in thlem fe hnu ah a phal ve ta hram a.. ani chuan din thar lam a tan ta a, chu tah chuan kei pawh min sawm a, kum li  a kal leh meuh chuan a thang chho nasa hle a.. mahse maw Kate bawihi, I pa khan kei aia sang nih kha a duh ngai lo.. dinhmun inang reng a awm kha a duh thin..”  a tih chuan  a ngawi leh ta vang vang a.. a mittui rawn hnam chu a hru zeuh a

“I pa khan nang ni hmuh kha a chak em em a, in awmna  a zawng ru reng a.. ti chuan I kum sawmpariat piancham a rawn hmuh che tumin New York lam a rawn pan a, airport a rawn thlen chuan chauh luat vangin a tlu a.. hospital lam pan pui a ni nghal bawk a.. chu tah chuan Stroke  anei tih hriat chhuah  a ni ta  ani..”

.

Ka ngaihthlak tum loh lutuk a thli ka hriat chuan min thawng hle  ani ang.. ka nghing lawih in ka hria.. ka pa ka huatna te, ka demna, ka ngaihdam theih lohna te chuan keimah bawk min ti na a ni. Ka hma lawk a a kuang, a ruang  in zalh  reng chung pawh a ka mittui far khat pawh tih tlak ka hlauhna te chuan inchhirna min siam a ni. Ni e, Fernando sawi kha  a dik chiah.. ani khan ka mittui far khat tal chu  a phu ve  a sin.

.

“Kal a hun tawh viau in ka hria..” ka aw hriat thin pa tak bawk kha a ni

“Keimahin hotel lam ka pan tlang nghal mai ang.. min ngaihtuah avangin ka lawm e..” tiin ka pa thlan bulah chuan ka ding reng a

“Ka thu sawi kha I inhmeh chiah lo..”

“Khawngaihin, Fernando.. inhnialna mood ah ka cheng lo..” ka lo ti hrak a

“Awle.. a tha e.. I hotel seat kha cancel a ni.. chuan company car  hi I lo hman ve ngawt  a rem  tawh lo ang.. vawiin atangin kan inah I cheng nghal dawn bawk tih hi I hre bawk ang chu maw..”

“Saw company saw I ta bik ah chiah I ngai em ni??” ka chapo hma mah mah em aww.. mahse ka pa company  ani miau

“Ni e, kha thil I kha I sawi ka la ring reng a..”

“Ka car hman tur min kawh hmuh la I haw thei ang..” ka ti a

“Company car I hmang tawh lo ang ka ti ringawt.. car dang pek I ni ang tih ka saw em ni??”

“Anih chuan engine nge ka let ang a”

“Ka carin..”

.

Hmelthatna leh pian mawina mai hi chuan midang mood off a ti reh thei lo  anih hi.. ani ngat phei hi chuan min ti thinrim zual. Ka pa avang a ka rilru natna leh inthiam lohna theihnghilh thak khawp a thinrim in min siam a nih hi..

.

Compond zau tak a in lian zet pahnih inang chiah a sak chu ka thlir reng a..

“A veilam a mi hi Campos chhungkaw  chenna a ni a, a dinglam saw I pa in anih saw..” nute Martha chuan a ti a

“A ropui dun lutuk..” tiin ka phun sep a

“A pawn chei dan hi I pa nen a kan duh dan a nih saw.. I pate Mario chuan Spanish style tak a tih a duh a, mahse kei ka duh dan a dang tlat thung a, I pa in min tan bawk a..” tiin a nui kar kar a

“American leh American chu in duh dan a  inang deuh aning maw..” tiin ka chhang a

“Ni chiah e.. ka unaupa tha ber a nia sin..”

.

Ka nu chu thil awmdan zawng zawng la hrilh chi ah ka ngaih loh avangin ka pa sulhnu vel en fel tur a ka cham tur thu ka hrilh a, Campos chhungkaw zing a chen chu ka phur teh chiam lo, an fapa nungchang mak tak te nen a nitin inhmu tur ngat phei chuan mahse Mario uncle vang chauhin ka hnial thei si lo  ani.

.

Ni li ka cham hnu chuan ka pa boral ni a min rawn hmu tur  alo kal lawyer nen chuan kan inhmu a, ani chuan ka pa share leh Mr.Mario Campos-a share chu company shareholder zinga a tam fal bik thu te leh, an share neih zat a inan thu te chu min hrilh a. Tin, ka pa chuan chung a share zawng zawng chu ka hming a a dah vek thu min hrilh a. Ani chuan sumdawnna chu ka enkawl zui theih thu leh ka duh loh pawh a share chu stock market lama a zawrh theih tho thu min hrilh chuan enkawl zui tumna ka neih loh thu ka hrilh a. Dik tak chuan he lai hmun a ka awm reng hian natna min siam a ni.

.

“I aa em ni.. engtinnge I pa in I tan liau liau a a din sumdawnna hi kalsan I tum theih??” Fernando chuan mak ti tak chuan min en reng a. A mak hle mai, ka thuthlukna hi midang hriat a puan zar rih loh tur kha  a ni si a..

“I chanpual a kiam phah dawn em ni.. I pa in a enkawl theih loh hunah he company CEO hi I ni thei ang a I lawm fe zawk lam ni..??”

“Chutiang khawp chuan maw min lo ngaih duham..” tiin a han thaw hak a

“New York City  ka chhuah san thei lo.. ka nu in a chakna a neih let lehna hmun ani a sin..”

“A nih chuan I pa thawhrimna hi engmah lo mai an ni dawn tih na em ni??”

“I pa kutah he ka share hi ka hlan vek dawn a ni Fernando.. khawngaihin nang tal chuan min hrethiam la.. Nashville hi ka chhuahsan hma chu engmah sawi chhuak suh..”

“Ka thei lo ang..” tiin tuipui lam chu a thlir reng a

“He tuipui kam a kan chhungkaw thlalak ka neih kha kan chhungkua a thla kan lak tawp ber a ni..” tiin ka phun sep a

“I nu chu hruaiin he lai hmunah hian nun bul tan rawh u..”

“Engtinnge kum ruk chhung chauh a sulhnu hnutchhiah keipawn ka theih loh laiin ka nu in a theih I rin.. ka pa lak a inthiam lohna nei reng chungin .. nunhlui ngaihna nen.. khang a beidawnna te khan..  a kalsanna a la rei lo a sin..” ka sawi zawng chuan ka mittui a rawn hnam tiam a.. ka mittui rawn luang tur chu dan ka duh mahse ka thei si lo, ngawi rengin ka mittui chu ka hru a..

.

Ani chuan a lamah min pawt hnai in a awmah dim te in chuan min kuah hnai a.. ka sam chu a chul thuak thuak a..Thinrimna min thlen a thiam ang bawkin hahdamna pek pawh a lo thiam hle  anih dawn hi. Hahdam tih hriat takin a awm ah chuan ka bei hle hle a, ka hmai chu rawn  kuai dakin ka lamah a rawn kun a.. a thil tih tum chu ka hai hauh lo, mahse dan ka tum hran lo.. a hmui in ka hmui a rawn chuktuah velah chuan ka lo dawh hnai a.. ani chu a tawp chat a min thlah hmak..

.

“American nula ho hi in tah a chhuah lai hian in awlsam thei phian..”

“Tenawm pa..!!!!”

Ka thusawi chu hria ang pawh a awm lo chuan min kalsan hmak. Ka awmdan atthlak zia ka ngaihtuah chuan ka lu ka dawm vawng vawng..

“Arrrgggg.. kha tlangval chapo kha ka chak lohna hriattir tur ka ni lo a sin..”

.

Ka zing tho chu dining room ah breakfast ei turin ka kal tlang nghal a..

“Good morning Kate Bawihi..” Martha aunty chuan a lo ti vat a

“Morning.. Mario uncle a tho tha em??”

“Lutuk tlat.. vawiin chu Fernando pawh insawizawi loin a hnathawh thawmhnaw nen a chhuak hma khawp mai..”

“Chuti maw.. a va tho fuh awm ve..” ka rilru tak chuan a tih tur ka hre chak hle a

“I kal hma in I pate a hmu ngei ngei ang che aw.. chuan ni hnih hnu ah I lo let leh ang ti raw..”

“Ka tum dan chu a nia lawm..” tim tak chuan ka chhang a. An ni lakah hian ka inthiam lo ngawih ngawih..  mahse ka nu ka ngaihtuah a ngai si a ni.

.

Airport lam panna lakah  Company ah chuan pen tumin driver nen  kan chhuak a, a tawp nan a hmu tur ka ni tih kei leh Fernando chiah in kan hria a ni. Pate Mario-a office a ka luh chuan ani chuan min lo chhawn vat a, lo let leh vat turin min chah lawm lawm bawk a.. Ka rilru chuan ngaihdam ka dil char char thung. Fernando cabin lam ka pan ve leh a, a personal secretary chuan vawiin lam a a zin chhuah thu min hrilh chuan enge maw tak lungawi lohna chuan min rawn thuam nghal. Ani khan ka kal a duh lo tih chu ka hria mahse min mangtha tal chu a tih ve ka ring a  sin le..

.

In chhung ka luh dawn chuan door bell chu ka han hmet vak a, tuman min chhawn eih lo.. ka nu chuan a chhia chu a la siam tir lo tih ka hrethiam nghal mai a.. kawngka chu ka hawng a, ka nu hming lam pah chuan a lehkha chhiarna  pindan lam ka pan ding nghal a.. thutkhawmna pindan lam a  ka thil hmuh chuan min va thawng chiang em!!

“Ehe.. Fernando he tah enge I tih??” 

“Welcome back.. Ms. Kate Bennett..” tiin a rawn ding a

“Ms. Kate Cabrera zawk aw Mr. Fernando Campos.. khawnge ka nu a awm??”

“I nu chu mu hahdam turin a pindan lam a pan a nih kha…” a rawn ti a

“Enge ti a I in hriat.. ka nu rilru hi a na tur a ni lo  asin..”

“Engtik laiin nge I nu rilru a na ka tih reng reng”

“En teh Nashville buaina kha tunah hian reh rawh se.. naktukah ka pa lawyer ka hmu ang a engkim ka chin fel hnu ah lehkha ka rawn thawn ang I pa hnenah..” vin lek lek chuan ka ti a

.

“Kate Darling enge ni ta..” ka nu chuan pindan atang a chhuah pah chuan a rawn ti a

“Aw.. nu I tha em??” ka lo ti vat a

“Tha alawm.. mahse I bengchheng ri in min ti harh a”

“Oh.. ka tihpalh takzet nu..”

“ I pate a chu I enkawl tha em? Bawihi..”

“Aw.. ka theih tawp ka chhuah alawm nu.. inbe lawk ang pindanah” tiin a room lamah ka phei pui a

.

“Bawihi I pa vang khan I inthiam lo  ani ti raw.. chutiang ang chuan keipawh ka awm I ring a mahse tun hun hi kan dik loh ve tho na te kan siam that theih hun lai  a ni a sin.” Ka nu chuan a tih chuan mak ka ti hle a

“Nu.. a na iti ve lo em ni.. ka pa damlo enkawl tur pawn keini hi kana wm lo ania..”

“Kha chu bawihi theihnghilh a hun tawh I ti lo em ni.. I pa kha ka ngai reng thin a, ka ngaihdamna pawh kum tam a liam tawh a nitin hian amah beisei rukna ka neih te hian a sin min la nun tir tawk tawk thin..” a tih chuan ka kuah a, ka mittui rawn luang chu a hriat hlau takin ka hru zeuh a…

.

Ka nu nen rei tak kan titi chuan Nashville a let tur chuan min fuih a, ani erawh chuan a burger dawr chu a enkawl chhunzawm a kartawp a library a volunteer hna thawh a tum thu te min hrilh a. Engtin chiah nge ka nu rilru dam tak leh beiseina thar nen a siam thei khawp turin he Fernando hian ka nu thu  alo fah ka hre chak hle mai.

.

“Tuk chhuah nuam Mr. George.. burger ka pe hman lo chiah chiah che a ni maw..” tiin kan dawr atang a Mr.George-a lo chhuak chiah chu ka han bia a

“Nangpawh  Kate.. he dawr hi I tel lo chuan a ruak tlat  ania.. I hna chhunzawm leh vat rawh khai..” a han ti a

“Tehreng mai..” tiin ka dawrah chuan ka lut vat a.

.

Ka luh chiah chuan ka thawhpui ho chuan min ngaih thu te leh ka tel loa dawr a nawm loh zia min lo hrilh sap sap a.. rei lo te kan inbiak hlawm hnu chuan inthlak tur in ka phei a.. ka locker chu hawngin ka kawr chung ka phelh a apron ka ha  a. Min dawrtu te chhawn turin ka phei nghal a..

.

“Naktukah Nashville lam panin ka chhuak dawn a, ka rual a I lo kal ve a ngai.. I nu pawh ka be vek tawh..”.. he pa hian kan dawr awmna leh zel hi engtin nge a hriat zawk le..

“Hei hi ka hnathawhna hmun a nih hi Fernando..” tih pah chuan ka thil tih lai chu ka tih zawm char char a

“He lai hmun a awm te hi Bennett Campos Investment Company share ngah ber leh chairman fanu I ni tih hrilh I la engtinnge an awm I rin??” a rawn ti leh sa sa a

“Mi a emaw an ti ang che..” tih pah chuan burger dahna tray chu chawiin dawhkan pakhat a dah turin ka kalsan a, ani chuan min thlir zui reng tih ka hria..

“I apron hi an siam dangdai bik riau in ka hria..” ka va let leh veleh chuan a han ti a

“Lo va haw la chawl hahdam rawh..” ka lo ti hmuk

“I apron danglamna bik min zawt dawn lo a mi..??”.. a van chimawm tak.. mahse ka thinrim tak tak loh zia chu ani ngei pawh hian a hria

“A ha tu..” ka lo ti vat a

“Ni chiah e.. a bikin I mawngbawr..” tiin min siai zeuh a pawn lam panin a chhuak ta a.

.

A van zam lo ham ham tak e aww.. ka pa thiantha ber fapa chu ni lo se a hnaih loh theih ang berah ka awm ang.. mahse a awmdan  hian engtin maw tak min fan thin, ka inhrethiam bik lo mahse chutia ka awm a vang chuan ani hi ka duh chu ka ti thei lo, ani hi ka duh ngai lo ang.. ka unaupa ang mai a ni a, mahse ani hian unaupa angin a  awm chiah em?? A teuh lo a nula chhai thin ang lekah min ngai a ni.

.

Fernando chuan min tih luih theih ngang loh avangin amah in a let a, a thlen veleh a nu in min rawn call vat a.. ka nu ka awmpui rih tur thu ka hrilh chuan min hrethiam ve mai bawk a. Thla khat tal ka nu bul a chen ka duh a, ka nu erawh chuan kar khat hnu a let turin min ti thung.. ka hnial lo mahse ka tum hran lo. Kha lai hmun a let kha ka hreh em em  a ni lo mahse ka nu ka ngaihna leh  a kiang a hun ka hman tam theih tawh loh tur ka ngaihtuah chuan min huphurh tir ngawih ngawih a ni.

.

Ka thawhpui Jamie hmanhmawh zetin a rawn lut..

“Kate darling.. hmanhmawh he thil hi han en teh..” tiin a rawn au chiam chiam

“Enge ni..” tiin chu magazine chu ka han en a.. NASHVILLE  LIFESTYLE tih magazine  ani

“A cover boy hi hmanni a rawn kal kha a ni lawm ni.. Southeast  United States mipa hmeltha thlan chhuah zingah a tel.. chuan maw ani hi  Company lian tak rochun tu tur  ani a.. hei vang hi a lawm mi te hriat a hlawh tan..”

“He nu hi tunge??” ka lo ti daih.. a lakpui nula chuan ka mit a la riau.. a chhelo a, a sexy hle mahse ka mit a lakna chhan ber erawh a dinpui pa vang hi  ani

“Brownland Farm rochun tu tur  anih hi.. America ramah he farm tluk a sakawr a sumdawnna lian hi a awm lo ang tih I hriat kha.. chuan he nula hian mipa tam tak a hipna ber chu mipa tam tak ai pawh a sakawr chung chuan a hnensawh vang  ania.. Fernando pawh hi a sakawr ah a tang tawh ngei ang..huh” tiin a han nui vak vak a, kei zawng ka nuihpui thei tlat lo.. Ni e, ka thik tlat!

.

Magazine chu ka keng reng a, ka en deuh chhen.. enge maw min hnawh tlat tu  awm, a chhung ka han chhiar thuak thuak a, nute Martha in nizan lam a a rawn sawi Campos chhungkaw pual a function ni nga hnu a  awm tur a sawi chu ka hrechhuak zawk. Magazine a a in ziah dan chuan chu function ah chuan he model chhe lo zet hi a bik a sawm mi tlemte zingah a tel tih a ni, chu chuan Fernando nen a an chanchin pawh sawi zui a hlawh tir hle a nih hmel.

.

Khang thil kha ka rilru luah tir ka duh lo mahse a luah tlat si.. enge ka tih ang?? Nashville ah hian midang zawng zawng min duh pui angin ka let mai dawn em ni.. mahse chu chuan enge hlawkna a neih.. thil awmze nei lo tak a ni! Ka ngaihtuahna chu chu mi lo zawng a kal tir ka tum a, Fernando hi ka itsik vangin ka vei a ni zawk lo maw.. ka chanpual a chanve hmawk ka pa in a pe a, company pum nei tur ka nih laiin a chanve chiah ka ta a ni bawk.. heng hi itsikna tham chu  a ni mahse chutiang ngaihtuahna ka neih loh zia chu ka in hre chiang thawkhat hle si a.

.

“Kate bawihi, I nutei duh dan angin an chhungkaw intih hlimna hun an hman tur chu tel pui la tha in ka hria..” ka nu chuan zanriah kan ei lai chuan a han ti a, chu thil chu ka chak.. Fernano hmuh leh kha ka chak a ni

“Nu I tha meuh ang maw..”

“Aw.. I kal ni la la in Sophia a rawn kal dawn alawm.. ani chuan min awmpui reng dawn a lawm..” a ti a

“Kartawp chawlh apiang a rawn hmuh che ka tum ang mom..”

“Chutiang anih te chuan min ngai hman dawn em ni??”

“Aw.. engtik lai pawh a I bul a awm duh ka nih hi..” ka ti a

“Nashville ah chuan pasal tur zawng nghal la a tha ang..” fiamthu ti tak deuh chuan a ti a

“Teuh lo nu.. New York a rawn letna chance ka nei nang, New York tlangval ngei pasal a tan ka nei dawn  a ni..” ka thusawi chu keipawn ka awih lo zawk.. ka rilru a Fernando awm reng chung a sawi ka ni miau a lawm..

.

Nashville ah chuan function awm hma ni chiah in ka thleng a, Campos chhungkaw in ah chuan a hma a ka hmuh ngai loh mi tam tak an lo awm belh nual a..

“Kate maw.. an sawi ang chiahin I hmel a tha a nih hi..” tiin nula la naupang hmel tak, harhvang tih hriat hian min kah zeuh pah chuan a han ti a

“Ka hmu che chu ka lawm hle mai..” ka ti a

“Oh.. ka la inhmelhriat tir lo che ti raw.. Estela Campos, Campos chhungkaw fanu neih chhun.. chuan ka hming awmzia chu Star..” tiih  a nui har har a

“Awww.. Estela maw, I chanchin chiah ka lo hre thin a.. I duhawm hle mai” ka han ti a

“Chuan lo nghak lawk..” tiin Spanish tawngin midang chu a ko in a han bia a..

.

Chu tih lai chuan pindan dang atangin nupa ni awm tak an rawn chhuak dun a.. a mipa zawk chu hai rual loin Fernando chhangtu chiah a u  ani tih ka hre nghal mai a, ani pawh a nau ang chiah a hmeltha leh pa  ani.. a chet dan erawh a patling deuh raih a

“Gonzelo Campos.. ka unaupa chuan a nupui Basilia..” tiin inhmelhriattirna kan han nei a, an nelawm in an fel hle a. An unau zing a tal chu a nuam ka ti tan riau mahse an unau ka tih khan Fernando erawh a tel lo, ani hi bul a awm chu a zamawm lam a ni zawk zel.

.

Ka thlen atangin darkar riat a liam tawh Farnando erawh hmuh tur a awm miah lo thung, ka zawng ru reng a, midang zawh erawh ka tum hran pa chuang lo. Amah ka ngaihtuah ruk reng lai chuan Estela chuan min ko a, an monu Basilia te nen a kan pathum a party na a hak tur a a gown thlan chu min han entir a.. rawng sen lar tak a ni a, a rawng inang vek mahse a design a dang vek thung.. keini pathum chuan kan han ha chhin hlawm a.. fit 5’10 pel hlawm thiau kan ni bawk a kan ha nalh ngang mai..

.

“Kate unaunu I lang sexy takzet..” Estela chuan a han ti a

“Chu chu ka sawi tum chiah Kate, I lang dang vek  ania..” Basilia chuan a rawn ti vat a

“Chu ti maw.. college a farewell party kan neih zan bak kha gown ka la ha leh miah lo..” tiin darthlalangah chuan nalh in ti fahran hian ka in en a..

“Aw.. I nalh takzet..”

“In pahnih chungah hian ka lawm takzet nangni pawh in nalh lutuk..” tiin ka han kuah dun a, kan hlim tlangin kan nui ri pawh a ring tlang hle..

.

Zanlai a pel tep tawh tih ah chuan Estela room atanga chhuakin ka piandan lamah mut tumin ka phei a.. Fernando pindan kal pelh ngai hauh loh chu let lehin ka va bih deuh a, a room kangka  lo in hawng ka hmuh chuan mak ka ti riau a, ka va pan hnai a.. a mutna khumah chuan mipa naupang hi  alo thu a, ani erawh che chang loin a mu reng thung.. a muhil  a ni tih ka hre mai. Chu mipa naupang duhawm zet chuan colour sign pen leh marker rawng chi hrang hrang kengin Fernando hmai chu  alo thai nasa mai.. a nui ri ker ker chu  a khat tawkin ka hre bawk a. Kangkhar ngheng chuan ka thlir reng a, hmuhnawm ka ti riau.. Chutia ka thlir reng lai chuan mipa naupang chuan min rawn hmu a.. ka ban vai zeuh pah chuan

“Hii..” ka han ti a

“Shhhh.. lo kal rawh bengchheng loin..” tiin a phun ser ser a, dim te in ka va pan a..

“Ngatinge I uncle hmai ti hian I tih??” zawi te chuan ka ti a, Fernando hmai inchei rang nuai chu ka en reng a, a hmelthatna  a bo chuang hauh lo

“Ti ve rawh” tiin pen chu mi han pe a, ka lo nui suk. Khumah chuan thu in a hmai chu ziah ran ve ka han tum a.. chu tah le, a rawn in let thut.. naupangtea chu  ameng phawk ngang mai.. Fernando  arawn meng chiah tih phei chuan “Daddy..” tiin nui ar ar pahin a tlan chhuak daih.. kawngka  akhar ri bur bawk a..kei erawh chetna chang reng reng ka hre lo..

.

“Alba.. engthil nge I… enge he tah I tih??” mak tih hmel zet chuan min en a, ka thutna atangin ka tho chiang hle

“Ahh.. naute kha..” tiin ka kut a ka ken sign pen chu ka hrechhuak ka paih nghal.. a van tul lo tak, a hmu chiang ropui si.. Kal mai tumin ka han hawi let vat a, min pawt let pawp.. a hma ah chuan ka ding a, chiang takin kan in melh a..

“Enge he tah I tih??”.. ka khur chhe lo chauh

“Ihh..Alba, naute kha.. ka ban hi thlah rawh a na a nia..”

“Awle..” tih pah chuan a thlah a, kal tumin ka pen chiah a min pawt let leh dawr, a awm khauh takah chuan ka bei chiang hle..

“Min ngai viau  anih chuan naute chhuanlam kher  angai hleinem darling..” tiin a a ban lehlamin ka hnungzang thla vel chu a chul a, a kut lehlam erawh chuan ka hmai, ka hmui.. ka sam a chul chhawk chhen bawk.. ka chil ka lem ri kalh a

“Ka kal a ngai…” ka ti tham tiak

“I kal theih lai zawng pawn I kal duh lo a ni lawm ni.. I kut ka chelh velah chuan kal I tum a..” ka ir no a thaw ham ham pah chuan a rawn ti thawp sap a

“Fernando khawngaihin..” tiin ka kut pahnih a a awm nem pah chuan ka ti a, mahse  a tha ka hneh lo.. chu mi piah lamah chuan nuam ka ti takzet a ni

“Kate.. khawngaihin.. a ruk a I duh tak mipa nen a in awmdun theihna chance hi bawh pelh I duh em ni??” tiin ka t-shirt chhungah chuan a kut a rawn zen a, ka in dang tawk tawk chuan ka hria.. mahse ka pui zawk hi  ani ber.. a khawihna lai a piang chuan nawmna min pe a, ka rum chhuak lo chauh.

.

Khumah chuan dim te in min mut riai riai a,ka meng phal tawh lo  ani ber..  ka kawr hak lai chu hlipin ka dul thep thlepah chuan a fawp thla zel a.. a sam chu thei leh thei lohin keiin ka lo tham bawk a. Chu tia a fawh thlak zel lai chuan ka meng thut, ka thu chiang hle.. ka inla hrang vat a, a chunglamah engmah ka inbel lo tih ka hriatchhuah rual rual chuan ka in hup chawih a.. khum bul a tla ka t-shirt leh bra ka chhar lai chuan ani chuan mak tih hmel takin min en reng..

.

“American hmeichhia te hi an emotional feelings  achhuah loh pawn an lo awlsam tho  anih hi.. I ti dawn lo  ami”? ka t-shirt hak mawlh mawlh pah chuan ka han ti a

“Aww.. Kate, chutiang zawng chuan maw I ngaih??”

“Nilo.. I thil sawi chhuah tawh ka sawi mai ani..” ka ti a, ka tiril erawh a la khur reng

“Hmeichhe tam tak ka awmpui te zing ah, riltam laia eitur tui hnai tak rim min hriattir a min ei tir leh duh si lo awmchhun I ni.. chu pawh ka pindan chhungah ngei..” a mit vawt raih a min en pah chuan a rawn ti a, a awki ah khan thinrimna ka hmu lo.. mahse thinrimna awki ai pawh a hlauhawm niin ka hria..

.

Party tan a nih dawn hma darkar khat vel atangin mikhual an rawn thleng sap sap hlawm a, nizan lam a thil a thlen hnu kha chuan Fernando chu ka la hmu leh miah lo, ka bihruk san a ni mah zawk.. Mikhual rawn thleng te chu a theih ang ang inhmelhriattirna Basilia chuan min neih pui a.. ka rilru min kam tlat tu thil pakhat a awm.. chu chu khawnge Fernando hi a awm tih a ni. Kei ngei pawh hian hahthlak ka in ti.. ani kha bihruksan ru reng chungin ka zawng ru reng chu a ni sia.

.

“Oh Kate min lo zui teh.. mi ka in hmelhriattir ang che..” Basilia-in a tih chuan ka zui ve mai a.. “Betty Walker, super model lar tak leh  Brownland farm enkawltu tur,  athei ngut  ange maw”.. tiin  anui har har a… “Chuan Kate Bennett, kan company CEO fanu a nih hi..” a han tih zawm zat a

“Ka hmu che chu ka lawm hle mai, chuan thla hnih liam ta a in vanduaina tawh ah pawi ka tih pui lutuk che..” Betty chuan a rawn ti a

“Ka lawm e.. chuan hmuh I nuam takzet..” tiin ka nuih seih a..

.

Ka rilru tak chuan ani hmuh hi nuam lo ti tak hi ka ni ringawt.. Fernando nen thlalak a ka hmuh dun ringawt pawn ka thik  ania.. he lai hmun a a lo kal ve hian min ti nuam awm nuam lo vek thei hial ang..

“Oh.. Freddo, min lo welcome vat ka ring a..” chu tawng ri chuan ka ngaihtuahna atang chuan min kai harh zawk.. chu nu piangsen chuan Fernando banah a lo chelh than tawh.. a koh dan te reng reng chu an in duat bik hliah hliah

“I rawn kal hma bawk em a ni Sweetie..”

‘Tu emaw khan he lai hmun atang hian min hruai chhuak teh u’ tih a han au chiam mai chu ka duh a mahse ka dinhmun nen a inrem chiah bawk  si lo.. ka lo nui lui hram hram, rei lo te kan inbiak hnu chuan an ni pahnih chuan min kalsan ta a.. ka thin chu a rim tung mai kha Fernando lah khan min hre lo awm hmak bawk a.

.

Basilia chuan mi hrang hrang min inhmelhriat zingah tlangval pakhat nen chuan kan in kawm ta deuh bik a, ani chuan kan company ah pawh share a neih ve thu a sawi chuan a awm ang lo riau in ka hria.. ani ang la naupan hmel takin chhungte rochun ni loa share invest lam a khawih hma lutuk chu awih har ka lo ti deuh hlek a..

.

“In tur eng ang nge I duh ang Miss Kate..??”

“Wine aw niang..” ka lo ti vat a.. a hnu rei lo te ah wine kengin a rawn let a

“Salvatore Molettieri Vigna” tih pah chuan min rawn pe a, ka lo nui seih a, kan titi dun melh melh lai chuan kan piah lawk a Fernando te ding chu ka va hmu a, kan in melh rual chiah.. rang mang khengin hmundang ka melh vat a..

“Min lo hrethiam lawk..” tiin Robert chu kalsanin wash room lam ka pan a..

.

Ka hnungah miin min zui a ka hriat chuan ka hawi let a.. ka lungphu a rawn rang thut.. enga ti teh thut nge le.. tiin ka inngaihtuah hial

“Kha tlangval kha I ngaina hle a ni maw..” a rawn ti zeuh

“Chu chu I tan a pawimawh viau em ni??” ka lo ti vat a

“Thil hriat I nei tlem lutuk tlat Kate.. chuvang chuan fimkhur la a tha ang..”

“Huh.. chu ti maw.. min ngaihtuah avangin ka lawm e..” ka lo ti zeuh a

“Company rochuntu tur nula zingah hian date loh  anei mang lo..” midang chungchang a tha lo lam a sawi vawikhatna ni hialin ka hria

“Chu keipawh date ah min sawm dawn a niang maw..”

“Ni ang chu.. Estela pawh a bang bik lo, mahse unaupa min nei tih  ahriat chian meuh chuan a thlah ta  anih kha..”

“Mi  fing tak  anih dawn chu..” ka lo la ti hram a

.

 Fernando chuan Robert a ngaina teh chiam lo tih ka hriat chuan ka be tha zual hle a, a bulah ka tal deuh chawt a ni ber mai. Nute Martha chuan inhmeh min tih thu  a rawn sawi zeuh  chuan kan nui ho dar dar a. Fernando lam ka va en a piang chuan min lo en hman ziah.. chu chuan nuam min tih tir lehzual a, Robert chu ka han din hnaih leh zeuh zel a.. a banah te chuan ka tawng pah chuan ka chelh zeuh zeuh a.. a coat bal mang lo te chu ka ben fai sak zeuh zeuh a.. Fernando erawh a awm mai mai thei lo tih chiang takin ka hria chu chuan min ti hlim ru phian.

.

Roberta’n pawn boruak hip tur a chhuak pui a min sawm chuan ka lo ‘aw’ vat a.. keini pahnih chuan pawn lam kan pan dun ta a.. Campos in hnunglam bather zau tak ah chuan kan ding dun a, ka hlat vak lo a tuipui fawn vel chu kan thlir mai mai a. In chhung party lam boruak chu ring lo ang reng takin a hriat theih a.. kan awmna lam erawh a reh deuh tlawk tlawk hi  ani ber..

.

“Kate.. ka mi ngainat zawng tak I ni..” Robert chuan a han ti a

“Chu thu hriat chu  anuam hle mai..” tiin ka nui deuh ar ar a, Fernando hmuhah awm tawh lo mahila min enthla anga ngaihna ka nei tlat.. nge ka beisei  zawk

“Naktuk I free angem??” Fernando sawi kha a dik chho dawn a nih hmel

“Free chu ka ring.. karleh atangin ka pa hna ka thawk chhunzawm dawn chauh a..” ka han ti a

“Anih chuan min lenchhuahpui duh  angem.. Nashville hi tuman an la fanpui miah lo tak ang che a..”

“I sawi takah chuan a phurawm dawn riau” ka ti a

“Hmun nuam deuh ah ka hruai ang che.. lungawilohna I nei miah lo ang.. ka tiam che..” a han ti a

“Awle.. ka hre thiam e..”

.

Kan titi tui lai chuan Robert chu ka hma ah rawn dingin a rawn tawlh hma zel a..

“Rob..” tiin ka lo phun sep

“Kate.. zanin hian nang ang a nalh hi tumah an awm lo” tih pah chuan ka sam leng siau siau chu ka bengah a han zep a, ka lo thle deuh a.. dik tak chuan ani nen a hetiang a awm hi ka duh hran lo..

“Kan lut dawn em niang..” tih pah chuan kal ka tum a mahse ani chuan min lo dangin banah chuan min nam bet a.. “Robert ka serious a nia lut ang..” vin lek lek chuan ka ti a, ani erawh chuan fawh tumin a rawn kun hniam a. Chu tih lai chuan kawngka inhawng ri chuan Robert pawh chu a ti tawp vat a, a ding sawn nghal a..

.

“Ka tihpalh.. he lai ah hian romantic scene nei an awm tih ka lo hre loa..” Fernando chuan a rawn ti a, a no a zu chu a han tlak pap a

“Engmah ni lo thianpa.. kal ila Kate” Robert chuan a rawn ti a

“I nula kha ka be lawk duh..” aw hriam tak chuan Fernando chuan a rawn ti a

“Awle.. party na lamah ka lo nghak ang che Kate..”

.

“Kate Cabrera.. khang I thil tih kha I chiang chiah maw..”

“Tehreng mai.. ka hming ka chian tluk zetin ka chiang..” ka lo ti a

“Mahse I surname hi chu a la buai deuh a ni.. Bennett or Cabrera..” a tih pah chuan min rawn en zeuh a

“Chu chu rawn sawi tangkaina viau I hriat ngei ka ring..”

“Kha tlangval kha ngatinge I in fawh tir duh loh??” a rawn tih chuan ka sawi tur ber pawh ka hre lo

“Min enthla a maw..” ka han ti ha a

“Ka kal tumna ah hian lo awm lo ula chuan ka hmu hauh lo tur che u a nia.. chuan lawmthu min hrilh rawh.. kha pa I nin ruk em em lak atang khan ka rawn chhanchhuak che a nia..” a tih chuan ka sa pap pap

“Robert ang a tlangval ngainat hi ka neih ngai pawn ka hre lo..”

“Chu ti maw..” tiin bangah chuan min nawr beh pah chuan ka ban leh lam chu  a hmer vak a

“A na a nia..” ka lo ti ner nang a

“He tiang a sexy leh nalh hian midang hmuhah inlan ve tawh lo la ka duh sweety..”ka hmai si lo chauh a rawn kun hniam chuan a rawn ti sep a.. a rim pa tak chuan min zem a lo chauh a ni.

“I partner sweet deuh khan a nghak ang che kal tawh rawh..” ka ti thei tawk

“I thik  anih chuan sawi tha la..” ka ban a hmerna chu a la thla a, ka hmai ah a tuan leh thung.. a ban lehlam erawh chuan ka kawngah a kuah nghet tlat a.. ka hmai chu  a kut zungtang chuan  a han chul kual vel a.. kei hi hetia awm tur ka ni lo a sin..  

.

“Kate..”  arawn ti thawp sep a

“Umm..” aw lawi lek lek chuan ka chhang a

“I nalh tih hi I in hria ti raw..” ka nghawng velah chuan a thaw lum leh ham ham a, a kut chuan ka hnung chu a chul thla zel a, ka mawngbawr ka chhuan ruk em em (ani in nalh  atih thu min hrilh ni atang khan) ah chuan na si lo chuan a han tham a.. ka khawvel chu a buai leh ta vek.. ka meng diar diar a, ka kut te chu a awm hle hle thei lo. A fawhna chhan let pah chuan a hnung zang chu ka chul kual thuak thuak a, ka thaw ring hle tih chu keipawn ka hria  ani..

.

“Darling muangchangin.. I duh chu I hmu dawn alawm..” ka beng seh ner ner pah chuan a rawn ti a..

“Fernando..” tiin ka thaw hak, ani chu  anuih a za tih ka hre reng..

“Ka pindan a pawm chhoh che chu ka chak viau laiin mikhual kan ngah si a.. ke in I kal thei  ang chu maw..”  a rawn tih chu ka awmdan chu ka hrechhuak zawk.. a van zahthlak em!!

“Ka chau.. mut ka duh” tiin ani chu a nawr kiang a

“I pindan a zui tur che in min duh tihna em ni??” nuih sawh tih hriat tak chuan  a rawn nui zui, chu chuan min ti thinrim hle..

“Tenawm pa.. ka hmuh phakah awm suh..” tiin ka kalsan a, ka pindan lam pannin ka pen chho hlawk hlawk a..

.

Breakfast ei zawh chuan shower ah tui lumin ka in phuh tir siau siau a.. a hma zan lam ka ngaihtuah apiang chuan ka thinrim thar.. ngatinge kha mi tenawm pa lakah khan ka indan theih thlawt thin loh le.. mahse indang thei ka nih miah loh laiin a tawp ka thleng thei si lo.. ka la thianghlim vang hi  ani thei  angem.. nge mipa tuman khatiang tak  khan min la hip loh vang zawk..

.

Ka cell phone ri ka hriat chuan ka chhang vat a..

“Hello..”

“Chibai.. Kate.. min hria em??” Awii.. ka lo theihnghilh daih Roberta’n date a min sawmna kha ka lo pawm tak a sin..

“Chibai Rob..”

“Darkar chanve hnu ah ka rawn lam ang che..”.. a van chi loh tak e aw.. hnial chi  ani si lo

“OK”

.

Hmanhmawh fe in ka inthlak zawk zawk a, thawmhnaw nalh lam ka care hman lo.. enge care kher  angaih ang.. ani saw hmanrua a tan a ka hman mai mai chauh  ani lawm ni chutiang bawk in ani pawh sawn. Rei lo te hnu ah Roberta’n min rawn lam a, ka lan nalh thu min hrilh chuan ka nuih a za ru hle..

.

“Rob vawiin chu min hrethiam la.. chawchhun chauh I eidun mai ang hmiang, ka awm a nuam chiah loa..” car a ka luh veleh chuan ka han ti a

“Ni e.. I tih tlat chuan.. chuan kha pangpar..” tiin rose par senduk bawr nalh em em hi min pe a

“Ka tan maw..??” ka han ti ha a

“Tu tan nge ni chuang ang??” a lo ti vat a

“Ka lawm e..”

.

Rob nen chawchhun kan ei zawh chuan rei vak lo kan hawi  khaw thawng a, ani chuan min thlah leh vat a. Nute Martha leh an monu Basilia te chuan choka lamah eirawng an lo bawl a.. Ka pangpar hawn an hmuh chuan an lo phur dun ngang mai.. keipawn inthlak ta lem lo chuan an bulah chuan awmin eitur ka siampui ta zawk a..

.

“Nute.. ka pa leh ka pate-a te hi engtinnge an inkawm daih theih a..” ka han ti a

“Chu chu I lo la hre miah na nge..??” Nute Martha chuan mak tih hmel takin a rawn ti a

“Aw.. hre miah lo..”

“I pate-a  hi a pi ( a nu nu) hi American a ni a.. a pasal in a boral san avangin amah chauhin  Nashville a an inah a cheng  a, Mario-a nu erawh chuan Madrid ah pasal a nei tawh thung a. Mario-a kum nga a tlin kum chuan an chhungin a pi tlawh turin Nashville ah hian an kal a.. chu mi tum a an kal kha Mario chuan haw a duh ta tlat lo a.. a pi kha a ngaina in kalsan kha a hreh tlat a, chutiang bawkin a pi pawn.. ti chuan an cheng dun ta a..

.

Nashville ah a pi enkawlna hnuai ah seilianin chuta tang chuan I pa nen khan Sakawr chung chuan na hmun atangin an in chhar a.. an inkawm deuh chawt thin.  Kum sawmhnih pakhat a nihin a pi chuan a boral san ta a, kha tih hunlai khan a tuar hle  ani awm e.. I pa sawi thin dan ka hriat atangin.. Mario-a chhungte chuan an fapa chu Spain a let leh turin an rawn ti nasa thei hle a, ani erawh chuan a lo hnial tlat thin.. Mahse thla khat amah a a awm hnu chuan a tuar thei ta bik loa, Spain ah let lehin Madrid-ah a chhungte bulah a cheng ta  ani..”

.

“Rawn let lo se chuan a nupui tha tak hi a tawng awm si loa..” ka lo ti vat a

“Ni chiah e.. keipawn..” tiin a nui ar ar a

“Pate Mario-a lakah hian ka pa nen hian bat kan ngah takzet a ni..” ka ti a

“Nilo Bawihi.. hetiang dinhmun kan dinna chhan hi I pa  ani a sin..”

“Mahse, Mario uncle hian a ro zawng zawng kalsanin ka pa pui turin Nashville ah a rawn let leh a ni si a..”

“Ani kha chu a thawhrimna rah chauh seng duh mi a nia lawm chu lo rengah Nashville hi a tan chuan khawpui nuam ber a ni tlat a..”

.

Zanriah kil turin kan thukhawm deuh thap a, a tuk a Gonzelo (Fernando u) te chhungkua Spain a kir leh an tum avangin thil special tak tak an chhawp thup a. Gonzelo hian Spain ah a pi leh pute sumdawnna lam a enkawl mek  ani. Ka zawn chiah a thu chuan ka awm a ti nuam lo angreng hle mahse engah mah ngai lo ang chuan ka awm lui ve naw naw a..

.

“Kate bawihi naktuk atangin Company lamah rawn lang tawh la a tha ang.. training pe tur che in Freddo a awm tho a..” Mario uncle an a rawn tih chuan ka hreh ru hle a

“Ni e, ka lo inbuatsaih dawn nia.. chuan ngaih loh lamah lo ngai lo ula ka pa in saw  a ruak tho a luahlum tu an awm loh ai chuan luah ila ka ti deuh a..”

“Kha kha chu buaina a awm lo ang.. mahse I pa kha damdawiin a enkawl anih atang khan in saw enkawl vak a ni loa..” Nute Martha chuan a rawn ti a

“A pawi lo.. ka inenkawl thei mai ang..”

“Tun tut tut ah awm I tum em ni.. ka nu te hi an khua a har si a, kei ka u te rualin Spain a ka let leh daih chuan lo awmpui rih la a tha I ti lo em ni??” Estela chuan a rawn ti vat a

“Aw bawihi.. a nu nen chiah an khawsa thin a, he ta awm hi a tan a nuam chiah lo mai thei alawm..” Martha aunty chuan a ti a

“Ni lo.. chutiang zawng in ka ngain hleinem.. ka hmanhmawh miah lo ania..” ka lo ti vat a..

.

Ka pindan kawngka kik ri ka hriat chuan ka hawng vat a..

“Kal a hun.. ka hna a tlai ka duh lo  ania..” Fernando chuan a rawn ti a

“Ka inpeih a ni nghal mai..” ka lo ti vat a

.

A car chuan office lam kan pan dun a, sawi tur  a vang hle..

“Nimin I date chu enge a an??” a rawn ti zeuh

“Chawchhun kan ei dun ringawt..” ka lo ti hmuk a, za lo tih hriat tak hian a nui deuh hak.. a ngeiawmin a hmeltha takzet

“I phur viau khan ka lo hria a..”

“Nia.. ka phur alawm.. a nuam ka ti..”

“Karleh ah nangmah lawmluhna program hman a ni dawn a, chumi hma chuan CEO fanu I ni tih hi a pawimawh teh chiam dawn lo internship ti mek nen in danglamna vak a awm dawn lo a nia..” a tih chuan ka ngei ru angreng hle..

“Ka hria.. tu emaw ang a hawi san vak tumna ka nei lo hrim hrim..”

“Huh.. mahse a danglamna chu keiin training ka pe dawn che..” a han ti a

“A tawrhhlehawm awm..” tih pah chuan ka nui hak a

“Ka thu I awih phawt chuan a tawrhhlehawm teh chiam lo ang..”

.

Hna kan tan a, pindan pakhatah kan pahnihin kan awmdun char char.. Campos inchhung a Fernando che maksak tak kha a bo hmak, a hna chiah a ngaihsak a.. a rilru zawng zawng  ape tih chiang takin ka hmu a ni.. chu chuan ani ka veina chu a ti zualin ka hria.. a chezia, a tawngkam.. a thusawi zawng zawng te, amah a engkim chu a hmuhnawm vek hi a ni mai.. hmuh leh hmunah ka lo tuiral lo chauh..

.

Kan company sector  hrang hrang .. investing leh  insuarance kan kal phung dan hrang hrang chu min hrilh a, kal rin phak bakin branch an lo zauh tih pawh ka hrethiam mai..

“I pa leh ka pa khan an enkawl tur an insem a, tunah hian I pa hnuai a awm bik ka en fel a chu chu ni rei lo te hnu ah I enkawl a ngai dawn a.. tunah chuan ka pui rih ang che.. heng board member dang te hi ka ring hlawl lo” a ti a

“Engvangin??” ka lo ti vat a

“Nang enkawl tur che in ka tihna lam zawk ania..” a ti zeuh a

“Kar khat chhung lek chuan ka buaipui theih ka in ring chiah lo..”

“I burger dawr angah khan ngai la I thei ang.. ka pa hi a chau viau a.. a hna hi thawh sak vat vat ka duh a ni..” a tihna tawngkam chuan he pa hi mi nunrawng tak chu  ani lo tih min hriatchhuah tir a..

.

Enge ka hriat ni kei hi.. a awmdan a sual viau lahin ka duh phah in ka hria a, fel hmel taka tawngkam a chhah chhuah lahin chu ti bawk.. Hetiang hmeichhia hi ka nih ka ring ngai miah lo, hmeichhe tha ber chu ka ni ka ti hauh lo mahse ka neih tawkah khan ka lungawi thin a mahni inrintawkna pawh ka tlachham ngai lo mahse he pa lakah hian ka induh tluantling thei lo zel chu a ni rih si a.

.

Fernando puihna zarah ka enkawl tur bik lam chu ka hre thawkhat viau chuan ka hria..  Min lawmluhna program hmanni ah chuan company mi leh sa an rawn kal hnem hle a, ka bulah Fernando a awm deuh chawt, he thil bak bak a nuam hi a awm thei dawn em ni.. Ani chuan mi zawng zawng chu a lo chhawn hnehsawh em em a, inhmelhriattirna pawh min neihpui char char hlawm a.. midang zawng zawngin a lawmpuina leh theihtawp chhuah tur a min fuihna ri ai chuan ani in min fuih lem loa ka bul a a awm na ringawt pawh khan min ti hlim tawk hle a ni.

.

Thla hnih a liam leh meuh chuan ka pa thutna thinah thu in a hna thawh ang ka thawk ve ta.. ani chu ka tluk ngai loang tih chu ka hria.. Fernando nen chuan kan inhmu thei ta mang loa, mahse buaina ka neih leh neih loh ka secretary a rawn zawt ziah thin, chu pawh chu  a lungawithlak viau. Hna ah buai viau mahila ka pa in lam a in sawn ka rilruk chu ka la sawh sawn chuang loa, kar hnih kal ta atang khan a chhung tih fai hna thawk tur pawh ka ko bawk  ani. Ka nu nen zantin kan inbe bawk a, ka cousin Sophia in a awmpui avang chuan ngaihtuahawm an ni lo tih ka hria a.. mahse ka ngaihna hi chu a la reh tak tak thei lo..

.

 “Memphis ah kal turin I rilru I lo siam a mi??” Fernando kawnkhara a rawn luh rual chuan a ti a

“Aw.. kha factory chhiatna ah khan zangnadawmna pek tur a an phut kha a awm ang lo lutuk..” ka han ti a

“Heng thu chu ka pa emaw kei tal min sawipui tur I ni  asin..”

“Insuarance lam hi chu ka buaipui tur a nia lawm Fernando..” ka han ti a

“Mahse khawpui dang kal ngai khawp khawp ah te chuan..” a ti a

“Ka ti thei ang.. a chhiat dan chiah en ka duh a ni mai a, chu chu a serious viau em ni??” ka ti a

“Aw.. kan pahnihin kan kal ang..”

“I hna chiah buaipui rawh.. naktuk ah Mr. Villa nen kan chhuak ang.. ani nen chuan kan ngaihtuahawm loh..”

“Khawiah mah I kal lo ang..” a thinrim tih ka hria.. mahse ka hna a nia tlawm ka tum bik lo

.

A phone ah chuan number a dial a, a chhuak ta daih a.. a hnu lawkah  arawn lut leh a,

“Naktuk ah Memphis lam a Insuarance branch te nen meeting an nei ang.. I chin fel kher  angai lo.. hetiang sumdawnna ah hian  I rilru chapo lutuk khan eng kawng thui mah  ahruai thleng lo ang che”  a ti a, ka office chu  a chhuahsan ta a..

.

Rilru nuam zan loin inah ka haw a.. zanriah ei turin an kim thap a, keimah chiah min lo nghak tawh a.. ka rilru chu inthiam lohna leh nuam tih lohna hian a khat vek.. keimah mai a khang ruahmanna ka lo siam kha a awm ang lo.. ka hnuai a thawk te ka lo rin loh zia ka hre chhuak a bikin Fernando lakah hian ka zak ru hle..

.

“Tun kar tawp hian ka pa in ka luah thei tawh ang..” ka ti sep a, Fernando chuan min rawn melh zeuh tih ka hria mahse ka hawi chhuak hran lo

“Saw lamah awm mahla hei hi I in a ni reng dawn a nia aw..” Nute Martha chuan a rawn ti a

“Ni e, ka nu pawn min rawn tlawh thei vat ang..” ka ti a

.

“Enge pindan hi awmzia.. pindan thlang lam hi ka mutna atan a ka tih a ni sia..” 

Ka luah dawn zan a ka pa in ka en chuan a lo danglam chu mak ka ti hle a.. A hma khan chiang takin hnathawkte kha ka hrilh a, pindan thlanglam pawn thlir theihna kha ka mutna atan a siam tur khan.. mahse ka mutna a tan Campos chhungkaw in lam lan theihna ah  an lo siam daih thung. Hnathawk zing a pakhat number chu dialin roomah chuan ka lut a, tukverh bul a ding pah chuan ka call pick up hun chu ka nghak ran a.. ka zawn a ka thil hmuh chuan min ti phu zawk..

“Fernando..” ani chuan a pindan tukverh atangin min lo thlir reng, chu tih lai tak chuan call dang ka dawng..  en chiang mang loin ka pickup, ka in a hnathawk khan a call a missed avangin min rawn call let angah ka ngai..

.

“Hello..”

“I pindan chu enge a an??” ka zawn a tukverh chu ka han en a, a phone chu a beng bulah a lo dah a

“He thil hi I tih a ni ti raw..”

“Aw.. I duh zawng  ani em??” a ti a

“Aih.. nang nen a inhmuh reng hi ka hne..” ka han ti a

“Tukverh bula kan din dn loh chuan kan inhmu kher dawn hleinem..” a aw ringawt pawh hian min zem a ve chiang alawm..

“Ka ding ngai dawn lo  anih chu..” kan ti a

“Kate..”

“Aw..”

“I duhawm takzet..” a rawn ti sep

“Ka lawm e.. ka dah dawn..” tiin phone chu ka dah a

.

 Kartawp chawlh chu ka tan chuan a hahthlak mah zawk.. ka pa in chu thenfai ngai a la awm nual avangin ka ti fai a, nute Martha in min pui bawk a.. darkar hnih vel kan tih hnu chuan nute-I chu a chauh hmel viau a, ka khawngaih angreng hle.. chawl hahdam turin ka han hrilh chuan a duh bawk si lo mahse Fernando a rawn lan chuan a nu chu an in lamah a hruai phei a.. ani pawh hnathawh kawr nen a rawn phei a.. T.shirt dum plain leh jeans kekawr rawng da lam tawh a rawn ha a.. a lang dang takzet, rawlthar hmeltha tak a ang mah zawk..

.

“Tih fai ngaiin min hre deuh  a mi.. min va en duh ve..” a rawn tih chuan ka phu zawk

“Ahh.. I lang dang lutuk a..” ka ti a

“Eng ti zawngin??”

“I lang naupang..” tih pah chuan ka chair hruk lai chu ka hruk chhunzawm a

“Kum 18 vel a mi??” tih pah chuan a nui a..

“Aw..” tiin ka nui ar ar a, ani pawh tun tum chu ngeiawm tak nilo in za takin a nui ve a.. a hmel ti tha lehzual tu a ni

“Kate.. I bialpa kalsan a heta I lo kal hi I huaisen ka ti..” a tih chuan ka nui hak a. “Enge??”

“Bialpa nei ah min lo ngai amaw..” ka ti a

“I nei lo a mi??”

“Teuh lo.. tleirawl lai bak khan ngaihzawng ka nei lo.. nang ve I bialnu chanchin hi media atang chiahin ka la hria..” ka ti a

“Huh.. an duh duh an sawi alawm.. kha nu kha chu ka thianthaber a nih kha..”

“Friends with benefit..” ka lo ti zeuh a

“Teuh lo lutuk tlat..”

.

In hawng tak a kan titi dun vawikhatna a ni hial ang, nuam ka tiin a hma zawng aiin ka ngaina. Betty nen a an chanchin a han phate khan ka lawmna a ti zual.. mahse ani hian engtiang chiahin nge min ngaih ang, nawmchenpui a tan chuan min duh tih ka hre chuang mahse a thinlung tak takah hian ka awm ve angem..

.

Chhuatah thu in bang kan nghen dun a.. ani pawh a hah tih ka hria

“Ka lawm e Fernando..” ka ti sep a

“Freddo tihin min ko rawh..” a rawn tih chuan ka lo ner nang a

“Kha super model-I koh dan che khan maw..” ka ti a

“I thik ti raw..” tih pah chuan chiang takin min melh a

“Ahh.. engvangin..” ka ti bah nuai

“I rilru ni lo I sawi apiangin I tawng ring ziah..” tih pah chuan ka biangah a rawn piai zeuh a

“Hmeichhia zawng zawng hi I hrua ang a.. Fernando oh I mean Freddo..” ka ti ringawt

“Hmeichhe thenkhat chuan an chanchin min hrilh fai vek thin vang a ni a.. hmeichhe thenkhat erawh ka hma a an inlan nasat vang.. mahse pakhat chu ka thinglung a a awm vang..”

“Tunge??” ka lo ti thawng.. ka rilru natna tur a sawi ka hlauh rual rualin ka hre chak a ni

“Kate”

“Aw..”

“Aww.. chu chu tunge I tia Kate ka tia lawm…” a tih chuan ka tum hman, min fiam angah ka ngaih vang a ni

“Kate ka duh che..” tiin min rawn thut hnaih a.. ka lungphu ran dan chu min nghawr dawt dawt

“Fernando..” ka sawi zawm thei lo

“A chang chuan ka ta angah ka ngai che a, mahse min mamawh loh hmel tak a I nun hian min tin a thin..”  arawn tih chuan ngam leh ngam loin ka han melh a

“Keipawn..” ka ti sep a.. ka khabe chu a rawn kuai dak a, a hmui leh ka hmui chu a han chuktuah a duhtawkin min fawp a mahse tun tum erawh chu a duhtawk hma viau, nge ka kham loh vang zawk..

.

Ka nu chuan nithum cham turin min rawn tlawh a, kan nufa chiah a ka pa in a kan awmdun chuan lunglenna min siam sak lehzual a.. Ka nu chuan Fernando nen a kan chanchin a hriat chuan a phur phian.. Nute Martha-I nen chuan kan inhualna program siam te chu an duh rum rum a mahse keini pahnih zawk chuan kan hnial a.. kan inngaizawng rei kher a ngem a hriat miah lo..

.

“Tun kar tawp ah khawiah emaw ka hruai ang che..??” ka bialpa hmeltha zet chuan nui zeuh pah chuan a rawn ti a

“Khawi hmunah??”

“I hre mai ang..”

.

Hmar lam panin min tlanpui zel a, hmun pakhat hring dup ah chuan sakawr tam tak an lo tla thup a.. “khawi lai hmun nge??”

“Brownland firm.. a hmunpui tak tak kan la thleng lo..”  ati a

“Betty te farm kha ti raw..” ka ti a.. ka ner deuh nang a

“I hmuh ka duh vangin nia ka hruai che vawiin chu thik lam kha lang lo se darling..” tiin ka biangah a rawn piai zeuh.. ka lo nui seih a

.

“Freddo..” tiin Fernando chu Betty chuan a lo kuah cheng cheng.. “Hii Kate, I rawn tel ve hlawl a” a rawn tih chuan ka bialpa ka zui thu sawi ka tum a mahse ka ka a ka chip hman

“Hmu ve se ka tia, ka rawn hruai vang vang..” Fernando chuan a rawn ti vat a

“Anih sakawr chung chuan I thiam em??” Betty chuan a rawn ti a

“A chung a chuang tur in formula hran a awm kher te a nih loh chuan chuan ringawt chu ka thiam lo bik lo..” a van tul lo teh duah, mahse he nu hi ka ngai thei lo em a ni.. Fernando lam ka en chuan a nuihza a lo insum hle tih ka hre bawk..

“Kan pahnihin kan chuang dun dawn nia Kate.. a mal a tlat fal tir chi a ni lo..” Fernando chuan a rawn ti zeuh a

“Min venhim kha I tih tur a ni tak e..” za lo takin ka nui lui vak vak a

.

Fernando chuan sakawr chung chuan min zirtir a, ka tuina lam leh thiam tum lohna zawng zawng nen ka hne ru hle.. mahse Betty hmuh a ani nen a hlim tak anga lan ka duh vang chuan nuam ti ang ber chuan ka awm lui vak vak a..

.

“Zanin chu ka haw dawn lo..” fiamthu ti tak deuh chuan a ti a

“Mikhual room ka la ti fai lo.. ka nu awmna ang ang khan ka la dah tawp” ka ti a

“Chimawm viau suh.. I bul a mut a sawngbawl che ka chak..” tih pah chuan sofa ah chuan min nem mu a

“A hun lo Fernando oh freddo”

“Tikhan sawi tawh suh ka tih kha..” tih pahin ka hmui a rawn pet vak a

.

A thiam thil tawrh har zet chu a tan leh ta.. tun tum chu a tawp thlen pui ve ka duh takzet mahse ka thei ngut a nge maw.. Ani chuan min pawm kang nawlh a, ka pindan ah min luhpuiin khumah min nghat a…

“I sexy takzet bawihte..” tiin a rawn thaw lum ham ham a, ka thawmhnaw chu a mal te te in a hlip a, ka nghak thei tawh lo.. a hming lam chuan ka phun sep sep a.. ani chuan zei takin min sawngbawl a, ka a mai dawnin ka hria..ka taksa pum chu ani ka mamawhna avang chuan a za chhuak vek..

“Fernando..”

“Umm enge honey..” a thil tih lai chu a chawlhsan hauh lo

“Ka vawikhatna tur..” ka tih chuan a tawp chat

“Enga??” a rawn ti ha.. a mak ti hmel chuan min inthiamloh tir lek lek..

“Ka tihpalh.. mahse”

“Engah nge tihpalh I tih.. lo zawt tur che ka nia..”

“Ka virgin killer nih I duh lo a mi??” ka ti..

“Ka duhthusam a ni mahse tunah lo...”

“Ngati kher??” ka ti a..

“Ka nghak thei bawihi..”

“Tiang hian hmeichhe dang I en ve tho em?”  Ka ti a

“An awm lo chutia ka en keipawn mak ka in ti Kate..

.

A awmah beiin thawmhnaw in bel miah lo chuan ka la mu reng a, ka bialpa hi he ti khawp hian a insum theih ka ring ngai lo mahse a thei miau si..

“Khang hun chhung zawng khan khawnge I lo awm daih thin a..??” zawi te chuan ka ti a

“Ka nghak che”  a rawn ti sep a

“Ka hmangaih che..” tiin ka fawp zeuh a,

“Keipawn ka hmangih che..” tiin min kuah nghet sauh a

.

Vawi leh khatah Company  stock hlutna a rawn tlak hniam thut a vangin stock market lamah pawh chanchin hriattur  a in thlak zut reng bawk a.. Kei leh Fernando chuan theihtawp chhuahin dinhmun sang a in hlan kai har mahse ngai awh tumin kan bei tang tang a.. chutiang bawkin company a hnathawkte pawh mahni tawkah kan buai hle a ni.

.

Zan thum teh meuh tlaivar deuh thaw a ka awm hnu chuan ka chau hle a, mahni takngial pawh in enkawl  ahar talh mai. Zan ka mut dawnah chuan ka khua a rawn sik a, damdawi eiin ka mu mai a..zing a ka harh chuan dar 8 a lo ri tawh.. thah ka tum a ka lu hai lutuk chu ka khumah ka let tawp.. ka muhil zui leh nghal..

.

Ka harh leh chuan tu te emaw phun ri ka hria a.. ka la harh  that theih loh avang chuan ka  mit ka han nuai a..

“Bawihte  I tha em??” Fernando chuan ka chal khawih pah chuan  a rawn ti a

“Aw.. dar engzat nge??” ka ti sep a

“Tlai dar thum..”

“Ka va mu rei ve..” tiin thawh ka tum a

“Aih.. mu rawh.. enga tinge I that loh chuan I sawi loh.. nangmah vangin ka buai teh a sin..”

“Ka tha min ngaihtuah suh..”

.

Min ngaihtuahna leh thinrimna in pawlh a tih lan dan chuan ka nuih a ti za ru hle a.. a van hmeltha in a van duhawm em..   chau chung chung chuan ka nui ka nui ringawt..

“Kate innei tawh mai ang..” a rawn ti chhuak hlawl

“Enga..??” hrilhhai hmei deuh chuan ka lo ti a

“Hna hi thawk tawh lo la ka duh.. I taksa in a tlin lo..”

“Ka tih loin tunge ti chuang ang??” ka ti a

“Keiman..”

“I hah lutuk dawn a sin..”

“In lama nangin min nghak ziah tih ka hriat chhung chuan ka hah ngai lo ang..”

“Ka hmangaih che”

.

Ka tlin phak bak a hna ka thawh apiangin ka damlo a ni zel chu a ni ber e, chu chuan Fernando rilru a ti buai takzet.. Ni e, keipawn hahdam deuh a awm chu ka duh a ni mahse ka pa ai hi ka awh a la ngai zel dawn bawk si. Fernando nen a inneih chu ka duhthusam ni mahse ka la ngaihtuah thui ngai lem lo mahse tunah chuan ani bak hahchawlhna ka nei lo tih ka in hria a ni..

.

Thla hnih a liam leh meuh chuan Fernando nen chuan maicham hma ah ‘tiem tlat e’ kan ti dun thei ta. Ka pasal pa, ka pa thianthaber chuan ka pa nen a an din dun BennettCampos Investment Company chu kan nupa kutah a dah ta a, keini pahnih chuan an nu leh pa te duhthusam tih hlawhtlin nan kan ke kan pen rual dawn ta..

.

“Bawihte zanin hi I damchhung zawng a I hriatreng theih nan ka siam ang..” ka beng bula rawn tih pah chuan min pawm kang nawlh a, pindan lam min pan pui ta a.. lawithat zan chu a in tan chiah e..

>>>>>>THE END<<<<<<