LOVERS OF LOVING LIFE

Ka sumdawnna hmun a pangpar leh thil cheina chi hrang hrang rawn thleng thar ka endik lai chuan ka cell phone a rawn ri a..
.
"Hello Mrs.Cornett.."
"Delphine, i office lam ka rawn pan mek a.. i inpeih tawh em??"
"Aw, ka lo ngaichang reng tawh che a.."
"Anih chuan kan inhmu vat dawn nia.."
"Awle.. tehreng mai.."
.
.
Vawiin hi ka nun a hun chhinchhiahtlak tak zing a pakhat a ni a, chu chu France ram first lady in French Minister leh an nupui te nen a zanriah kil ho na hun an hman tura tel ve tura sawmna ka dawng ve hlauh a. Minister nupui ka nih ve vang ni hauh loin ka hna vang zawk a ni. Kum thum kal ta khan Murcellus khaw te reuh te chhuahsanin Paris ah ka tuina ber in leh a vel chei lam a Mrs.Cornett pui turin ka kal a, a hnu lamah pawh pawisa tam zawk hlawh chhuak turin ka thawk zawm zel ta a ni. Mrs.Cornett puihna zarah mi lian tak tak hmelhriattir ka ni a, an ni chuan min ruai nasa thei hle a.. Elysee Palace a thawk tur a sawmna hial ka dawng a, mahse Presidential term in ka hna a khawih pawi theih dawn avangin offer tha hle mahse ka hnawl a, mahni in sumdawnna ka bei ta zawk a..
.
.
Minute sawm hnu velah Mrs. Cornett a rawn thleng a, President chenna Elysee Palace lam panin kan inkhalh chhuak ta a..
.
"Darling i design kha mawi a ti takzet a ni.."
"Chuti maw.??" ka han ti a
"Aw.. a bula thawk tur in a duh zia che chu i hriat kha.."
"A lawmawm takzet.. hetiang hun pawimawh bik a ka pui thei hi a tawk viau in ka hria.. full time a tan chuan zalenna ka nei dawn lo tlat a ngaihna ka nei a.." ka tih chuan kan nui dun hak a
"A kal tluang em tunlai i sumdawnna??"
"Aw.. i puihna zar vek a ni.."
"Duhtawk teh.. i thiamna hian puih a phu takzet a sin.." a rawn tih chuan ka nuih seih a
"Lawmthu sawi hi kan bang dawn lo a nih hi.."
.
.
Elysee Palace ropui em em mai ah kan han lut a, vawi nga vel chu ka kal tawh a.. helai hmun hi hun pawimawh tak an hmanna turin tum hnih ka chei ve tawh a ni. Ka chei dan leh ka thuam danglamna chuan a mawi belh na mauh mai mahse, chei miah loa dah pawh hian a ropui zia chu hahip a sawi tham a la tling a ni..
"Aw thil pakhat.." Mrs.Cornett chuan a rawn ti a
"Enge ni ta??"
"Vawiin hian mikhual hrang hrang an awm dawn anih hmel a.. pasal tur melh pah la a tha ang" nui chung chuan a han ti a, a thusawi chu amah nen inhmeh lo ka ti rilru hle a
"Ram hruaitu ho chaw ei khawmna choh emaw ka lo tia"
"Chu ti nise nangnen hian sawm kan ni dawn em ni?? "
"He lai hmun cheitu kan nih vangah ka lo ngai a" nui chung chuan ka lo ti a
"Nikum Chrismas party hmanna tur atan pawn i chei sak a, sawm ini chuang em ni??" nui pah chuan a rawn ti a
"Ni e.. anih chiah mai.. mahse sawm zinga ka tel hi ka lawm takzet" tiin ka lo chhang a
.
.
Sawm ho an rawn thleng sap sap a, an mawiin hmuh an nuam hlawm kher mai.. Minister nupui te zingah min ruaitu an awm nual thin avangin mal em em loin kawm tur chu ka hmu ve zel a.. a chang chuan ka nun inthlak danglam ta vek hi mak ka ti hial zawk a ni, hetiang ang hlawhtlinna leh vanneihna hi chu ka beisei phak bak an nih laiin ka chang mek bawk si.
.
"Miss Charvet.." tih pah a ka dar a min rawn khawih zeuh tu an awm tih ka hriat chuan ka hawi let vat a.. ka meng phawk ngang mai.. ka awmdan hloh loh tumin ka han thaw kawk a..
"I tha em??"
"Aw ka tha.." ka ti a, ka awmdan chu kan ram president nupui hma a awmdan tur a ni lo tih chu ka hria, mahse min thawng em a ni..
"Hei hi Maxime James Hollande" a rawn ti a
"Hollande maw.." tiin ka lo chhang a
"Aw, president chhungkaw zing a hnaivai tak a ni a.. Expat Centre enkawl mek tu anih hi.." 
"Hello, Miss Charvet.. hmuh i nuam hle mai.." tiin chu tlangval hmeltha zet chuan min chibai tumin a kut a rawn kan a
"Ka hmu che chu ka lawm hle mai Max.. Maxime.. nilo Mr.Hollande.." ka ti bah nuai a, ka chibai a
"Max tih a koh a duh zawk.. chuan Max he hmun dangdai leh nalh taka chei tu hi he nula hmeltha leh pian nalh tak hi a nia sin.." ka dar a chelh pah chuan Mrs.Hollande chuan a rawn ti a, ka lo nui zeuh a
"Elysee Palace ah hian a thawk em ni??" Max chuan a rawn ti a..
"Offer chu a dawng ngei a.. mahse a hnawl a.. amahin sumdawnna a bei mek.."
"Aw.. nimaw duhsakna ka hlan a che.. Miss Charvet"
"Ka lawm e.."
.
.
Zanriah kil lai te chuan ka rilru chu buai mawp mawp ang reng a ni, ka zawn a thu tlangval chu ka va melh thin, ani chuan min hria ang pawn a lang lo.. ni lo, engmah thleng ngai lo ang maiin a lang a ni. A mah ah danglamna em em lang lo mah se a hma ai chuan a puitling tawh takzet tih chu a hriat a ni.
.
.
Pawn boruak hipin ka hawi khaw thawng mai mai a.. helai hmun ka ngaihna ropui tak te chu an bo vek tawh in ka hria.. ka apartment luah a mutzal ka chak tawh takzet..
.
"Kha in tur.." tih ri ka hriat chuan ka hawi let vat a..
"Aa.. ka lawm e Max.. oh Mr.Hollande"
"Max" a rawn ti a
"Ok.." tiin wine chu ka in a
"I dang tawh takzet Delphine.." a rawn ti zeuh a
"A lo rei ve tawh em a ni.."
"Engtia rei??" a tih chuan ka nui ringawt a.. "Hmanah kha chuan tleirawl a tak kha ila ni a.."
"Enga?? kum li bak a la ral loa.. Paris ah ka cheng, chu zawng chu a danglamna a ni.." ka tih chuan za takin a nui a, a hmelthatna chu a la ngai reng.. a zual zawkin ka hria a ni.
"I puitling tawh takzet.." a rawn ti sep a
"Chuti maw.. President chhung hnai vai i ni tih min hrilh miah loa.."
"Ka chanchin min zawt ngai hleinem.."
"Nia.. khang ni hnih chhung choh kha inhriat chian nan chuan a tlem mah mah a ni"
"Mahse ka hmu leh che hi ka lawm takzet.." ka mit ah tak en pah chuan a rawn ti a
.
.
>>>4 YEARS AGO<<<
.
.
France chhimthlang lam, Aquitaine bial chhung, Marmande ditrict a thingtlang khaw lian lo tak Murcellus khua ah May 18, 1987 khan Charvet chhungkua a unau mipa pathum 
thiau te zinga hmeichhe awmchhun leh a naupang ber ni turin ka lo piang a. Chhungkaw khawsa thei tak tih a sawi tur kan ni lo nangin harsatna em em kan tawk ngai lo 
thung, kan chhungkua kan inpawh tlang a kan hlim thin hle a ni.
.
Ka nu hian pangpar huan zau tak neiin a enkawl nasa hle a.. amah hretu apiang chuan pangpar a ngainat zia hi an sawi hmaih khat hle.. ka hming 'Delphine' tih pawh hi 
pangpar chi khat 'delphinium' tih atang a phuah chhuah a ni awm e. Ka nu chuan pangpar dawr siamin a hralh chhuak ta thin a, a dawr chu kan khua ah chuan pangpar dawr 
lun ber tihin a sawi theih hial ang. Keipawn high school ka zawh atangin ka zirna lam bansanin ka nu ka pui thin a, pangpar khawi leh inchei mawi lam hi nuam ka ti em 
em a, ka thiam zawng tak a ni tih fakna pawh ka dawng zing ve hle a. Kan khua leh a chheh velah inneih emaw hunpui hmang tur an awm hian an in leh a vel chei sak turin min rawn ko fo thin a ni.
.
Ka pa erawh chuan thlahtu te atanga kan inrochun chhoh thingzai dawr, insakna hmanraw eng ilo vel zawrh telna chu a enkawl a. Tunah erawh kan unau zinga a upa ber 
dawttu Mathis nen tangkawpin dawr chu an enkawl dun chho mek a ni. Ka u chiah Otes chuan kan khua leh a chheh vel a khualzin rawn kal te kaihruai hna a thawk thin a.. 
kan khaw bawr vel a hmun hmingthang tak tak.. tlang, lui leh phaizawl nuam leh mawi em em mai te khualzinte hmuhpui a kawm hlim chu a hna ber a ni thin.
.
Robert Charvet, kan unau zinga upa ber erawh chuan nupui leh fate nei tawhin kan khua atanga mel tlemte choh a hla Lagupie khua ah an chhungkua in an cheng ve mek a 
ni.
.
.
Vawikhat chu Marmade hmun a chhungkaw hlun tak pakhat te fapa naupangber inneihna a in leh a vel chei sak tur a min rawn sawmna chu pawmin ka theihtawp chhuahin ka 
chei sak a. Chu inneihna ah chuan mikhual an tam in hmun hrang hrang atanga rawn kal an tam hle a. Mo neitu chhungkaw zing a an nu ber chuan mi hrang hrang min 
hmelhriattir hlawm a. Mrs. Husson hian min duhsak em em a, ka thiamna neih hi helai bial chhungte atan a pho chhuah atan a ui thu min hrilh chamchi thin.. tih dan a 
awm mial mahna tiin midang min inhmelhriattirna lamah pawh theih tawp chhuahin ka lo be tha em em hlawm bawk a.
.
Min hmelhriattir zinga pakhat Italian nu fel hmel leh la naupang hmel tak, Paris a cheng mek chuan hna pakhat min kawh hmuh nghal der a. Chu a thil min kawh hmuh chuan kei thingtlang nula ve mai nuih  ati za hle.. 'Engtinnge French first lady hnuaiah hna ka thawh ve theih teh lul ang' tihin ka inngaihtuah nasa hle a. A langin hnial em em lo mahila  Mrs.Husson chuan ka hreh tih a hrethiam a nih hmel.. mahse a tawp mai lo, min sawi phur pui lui tlat thung a..
.
"Darling tunah kum 23 chiah ila ni a.. training i la dawn alawm.. ni lawm ni Mrs. Cornet.."
"Ni chiah e.. keipawh i kum ang rual lek ka nih hian alawm heng hna hi ka tan, Elysee Palace ah i cheng anga.. i tih tur awmchhun chu First lady in program a siam 
emaw a neih duh apiang a in leh a vel nalh tak tak a chei a ni mai.." Mrs.Cornet chuan a rawn ti vat a.. kei erawh za vak loin ka lo nui a.
.
Mrs.Cornet sawi dan kha chuan nikum hmasa a pasal a neih atangin a hna a bansan a, amahin sumdawnna a hawng zawk a ni awm a.. President leh a vuavang te nen pawn an lo inhre tha fe a nih hmel. Ka tan kawng a harsat loh tur thu chu sawi chamchi mahse tum chhinna rilru erawh ka pu lem lo thung. Kan khaw te reuh te, mawi leh boruak nuam em em hlatah hian ka la kal ngai loa,  kal tur pawn ka rilru ka la siam chhin ngai lo. Chung ang thil thar hmuh ai chuan ka nu pangpar dawr a puih chu ka thlalhlel fe zawk a ni.
.
.
Tukthuan ei tura kan chhungkaw dawhkan ka kil dawn chuan nidanga ka hmuh ngai loh mak tak ka hmu.. ka ding vung vung a..
.
"Ehe.. Nu, Otes hian dawhkan min kil khalh ve tlat.. tuk dang nise i khumah ila hnar bawrh bawrh awm sia"
"Ni chiah e.. kha eng vanneihna emaw ka dawng a ti nih kha.." ka nu chuan toast min rawn pek pah chuan a han ti a
"Eng vanneihna??" tiin a bul setah chuan ka va ti a
"I thidang loang tih min tiam la.."
"Ka tiam e.."
"French mi hausa pakhat ka tawng a.."
"Chuan.."
"Ka hlawh thin let nga hlawh turin ka hruai kual dawn mawle.." a han tih chuan ka ka ho!!
"Khawi hmunah Otes??"
"Barbaste"
"OMG.. nu kum 8 ka nih lai a kan kal bak kha ka la kal leh miah lo ti raw.." ka han ti a
"Eynesse hmun pawh kan tlawh ang.. "
"Dawt i sawi.. nikhat chhungin chutiang i zo hman lo.." ka lo ti vat a
"Ni hnih chhung hun kan nei lawm darling.."
"Iti takzet em?? Otes khawngaihin ka lo kal ve thei angem.. pahnih chiah in nih dawn chu.."
"Delphine, ka hna a nih hi.. inti hlim turin ka kal dawn hleinem.."
"Nu, Otes hi han hrilh teh.. pahnih chiah an ni dawn alawm.. a motor ah pawh ka leng ve reng alawm.." pangchang tak chuan ka han ti a
"Darling.. inbengdai rawh.. nidangah kan chhungkua in kan kal dawn nia.."
"Hei bak a chance tha hi a awm lo asin nu" tiin ka tho a, ka pindan lam ka pan nghal a
.
Ka awmdan chu a dik lo hul hual tih ka hria, mahse ka ching thang em a ni. Ka nu leh pa mai nilo in ka u te hian duat tak meuh a min duat na hian tul lo thleng 
thlengin min ti pangchang teh zawng a nih hi. Ka pindan a inkalh tlat chung chuan ka titau tih ka lo theihnghilh hmin der. Ka pheikhawk remna ka tih fel lai chuan 
kawngka kik ri ka hria a..
"Delphine.. bawihi lo hawng rawh.."
"Otes maw.. a kal daih tawh ka ring a nia.." tih pah chuan ka va hawn sak a..
"Heng ho hi i theih dawn chuan i rawn kal thei ang.. buaina i siam miah dawn loh leh in a haw thawt thawt i ngen dawn loh chuan.. zan kan riak dawn tih i hriat kha.. "
"Ka lawm e Otis.. ka hmangaih chee.." tiin ka han kuah cheng cheng a
"Insiam rawh.. minute sawm chiah hun i nei.."
.
.
Otes chuan Jeep chung chu a han hawng a, ani chuan khalhin a client pa chu a seat hmalam ah a thu thung. Ka vawikhat hmuhna anih vang nge hmuh nuam ka ti rilru hle a. A sang tha in a pian a nalh em em a.. A sam dum hlap chuan a vun eng sar chu a kap mawi hle bawk.. a mitmeng pawl lam lek lek, a a hnar ngul nalh tak te, a hmui sen no chek te chu a inrem khawm nalh fu mai. T.Shirt var chungah kamis a sen leh a var tial a ha a, a t.shirt ngawngah shade a awrh bawk a.. half pant a khup chin vel chiah chiah ha in, pheikhawk fai nalh tak a bun bawk a. A landanah chuan Mathis nen an inrual hmel vel a mahse Otes nen an titi a inrual phian tho.
.
Jeep a kan chuan tak si ah chuan a hmeltha chu ka hmu thei ta lo.. Jeep hnung a boruak thawveng tak hip pah chuan kan kal pel tawh lam chu thla ka la ka la a, seat 
hmalam a thu ka unau te chuan min ngaihven loh hmel fu in an titi dun char char a, an sawi dan hmangah Amsterdam ah a nu bulah a chen thin thu leh Paris a a pa tlawh turin a rawn kal a nih hmel.
.
Barbeste hmun kan thleng ta.. Otes chuan a bul lawk a hotel lam chu panin room booking tifel turin a ti a. Mercellus atang a mel tlemte tlan choh a nih avangin inthlak leh intihfai pawh rilru lem lo chuan kan chhuak nghal a, Otes erawh counter lamah a peng thung a..
.
"I hming ka hre thei a ngem??" tih ri chuan min ti zam thar thut
"Aw.. Delphine Alice Charvet, Delphine tihin min ko thei ang.." ka han ti a
"Maxime.. Max tihin min ko mai dawn nia.." tiin min chibai tumin a kut a rawn ti kang a, nui hmel pu sangin ka lo chibai let vat a
"I vawikhat kalna em ni??"
"Ni chiah lo.. vawikhat chu ka kal ve tawh.."
"A history min hrilh thei dawn a nih chu.."
.
Ka thaw hak a ka nui tawi tuk a.. a mit ko san ak a..
"Tlemte.. aa Barbeste hmingthanna ber chu 'Moulin Des Tours de Barbaste'   hi a ni tih chu i hria ang ti raw.." ka tih chuan a lu a lo bu nghauh a
"Kum zabi sawmpathum tawplam atang khan mill tower pali chak tha leh rintlak tak, an khawpui lai tak leh lui luang kam atanga pawh thei a ding hi a ni a" tiin ka han  kawk zeuh a
"Mill tower ai mah chuan lalin hlui tawh tak te pawh a an hi.."
"Mi tam tak sawi dan chiah a nih chu.. he mill tower hi 'Moulin of Henry IV'tih pawn sawi thin a ni.. a chhan chu hun enge maw ti lai khan King Henry IV chu helai 
hmunah hian a rawn cheng ve fo a nih hmel.." amah en zeuh pah chuan ka han ti a
"A ngaina hle a nih dawn chu"
.
"Saw lam deuhah sawn kan kal dawn em niang.." ka u in a rawn tih chuan a lo thlen lai pawh ka hre lo tih ka hrechhuak zawk a.. ka u chu kan zui dun a
"Sir, khi leidawh khi ania ka sawi thawi kha.." tiin ka u chuan a han kawk a
"Aw, khawngaihin Max tihin min ko zawk ta che.."
"Tehreng mai, kum zabi sawmpahnih chho lai vel khan he leidawh lung kaihkulh hmanga siam hi Barbastes tan chuan invenna hmanraw tha ber zinga mi a ni a.. Middle Age 
hunlai hriatrengna atan a lungphum pawimawh tak a ni bawk. He moulin (Mill) hi khaw mipui, tlawmngai pawl pakhat enkawlna hnuai a awm reng thin a ni a, tourist guide 
tur hrim hrim a involunteer te pawh an awm thin a ni."
.
Barbeste leidawh hnuailam kan pan a, chu lai hmunah chuan phul hring in phah zawl hiang mai hmuh tur a lo awm a, picnic spot ang mai a siam a lo ni a, keini pathum 
chuan titi pah rengin dawhkan pakhat kan kil a.. intih vawh nan soft drinks kan in khalh khalh hlawm bawk a.
.
.
Darkar thum zet tower leh bridge bul vela hun kan hman hnu chuan hun a la tam angreng avangin Otes chuan a bul vel hmun chu min fanpui a, sakawr chung chuanna hmun lam  min panpui a.
"Barbeste hian natural environment vawn that kawngah nasa takin sulhnu an nei a, tun thleng hian an thawh rah tam tak hmuh tur pawh a la awm nual a nia. Chung zingah 
chuan golf course hole 18 zet nei, tennis, lawngleng a chuanna hmunte leh naupang inkawmhlimna hmunte siam a ni bawk a ni.. chuan tuna kan pan mek sakawr chung chuanna  hmun pawh hi a tel a ni.." Otes chuan a sawi mawlh mawlh a
"Hmun chhinchhiahtlak tak a nih dawn hi.." Max chuan a rawn ti a
"France sawrkar pawn a chhuang ru viau ta ve ang.." ka lo ti zeuh a
"Takzet em?" Max chuan mak min tih hmel takin a rawn ti a
"Tinge?? sawi sual ka nei mi??" mak ti hmel pu zet chuan ka han ti a
"Aih.. hriat a nuam takzet.." nui zeuh chung chuan a han ti a
.
Otes chuan sakawr chung chuan min zirpui a, ka tih lohna a rei tawh em avangin ka zei lo hle a, engemaw ti zawng tak chuan min tihlim viau. Kan unau a chutia kan buai 
nak nak lai chu kan piah a Max min lo en reng tu chu ka va hmu a, ka awm a nuam lo tep zel.. ani chuan kan lam a rawn pan a. Sakawr chu duat takin a chul a, ka ke rah 
chhan tur ah chuan ka ke chu a han nghat a..
"Max ka nau lakah hian i beidawn loh chuan ka ngaisang ngawt ang che.." ka u chuan nui vak vak pah chuan a han ti a
"Ka thiam zawng tak a nia zirtir dan dan chu ka hre ve in ka hria.." ka u en pah zeuh chuan a han ti a, min rawn en zeuh a.. "Hahdam rawh i khur nasa lutuk.." nui zeuh pah chuan a han ti a..
"I chelhna kha han pawt zeuh teh le..mahse" a tih lai chuan ka pawt..
"na loin.."
a tlai tawh lutuk, ka pawt na mah mah. Sakawr chu a tlan thut a, kei ka inring hman lo ka tla thla chiang hle.. Max leh Otes chuan min rawn buaipui vat a, ka mawngbawr chu na ka ti hle mahse ka nui lui hram hram a.
.
Chau takin hotel lam kan pan a, kan unau in double roomah kan thleng a, Max erawh VIP roomah amah in a thleng thung. Ka inbual zawh chuan inchung lama view nuam tak an siam lam chu ka pan a, ka beisei loh deuhin Max a lo awm a, soda drinks a lo lem khalh khalh a..
.
"Ka lawm e.." ka han ti a
"Engah maw..??"
"Vawiin hian ka u hian special customer nei lo se helai hmunah hian ka kal thei awm si loa.."
"I u khan nang hruai ve tura ka phalna a dil lai hmel chu hmu la, a fanu tan a dil ang i ti ve fu ang.." nui zeuh pah chuan a rawn ti a
"Nu pakhat chiah nei mahila pa pali lai nei ang ka ni.. ka sawi awmzia chu ka hringtu ka pa tiamin.."
"Chuan i unaupa pathum te nen" a rawn tih chuan ka nui zeuh a.. kan ngawi dun vang vang a
.
"Paris ah i kal tawh ngai em??"
"Ngai lo..
"I kal chak em??"
"Chak lo..".. awih loh hmel takin a nui hak a "Enge i nuih??"
"Paris a kal chak lo hi kei chiah ka ni lo hi awih lo hial zawk.."
"Min ring lo a mi.. duh ila chuan Elysee Palace ah ka cheng thei a sin.." ka han ti ringawt a..
"Elysee Palace, President chenna ah maw??" phawk fe chuan a rawn ti a
"Ka tum chuan.." a ner nang a, a hmelah chuan a awih lem lo tih ka hrethiam mai
"Nih ngatinge i kal duh loh??"
"Murcellus tluk a hmun nuam awmin ka hre loa.."
"Nia.. keipawn Amsterdam tluk a nuam tihna hmun ka nei lo.. anih Elysee Palace ah chuan eng ti tur a awm turin nge sawm i nih reng reng?" a han ti a, ka ning ru tep.. 
ka awm dawn pawh ni si loa min zawt chiam chu
"Inchei mawitu ah.." ka ti zeuh a
"I chei thin em ni??"
"Um.. ka hna, ka hobby leh ka talent a nia lawm.."
"Cool.. i awhawm hle mai.."
.
.
Ka chauh mai pian lamah sakawr chung atanga ka tlakna avang chuan ka sil them a, zanriah kil tur pawn inhnuai lam ka pan peih rih loa. Room service in zanriah min rawn pek lai chuan Otes leh Max an lo lut a..
"I chau viau a mi darling??" Otes chuan a ti a
"Aih, ka sil deuh mai mai a ni.." ka lo ti vat a
"He hotel ah hian massage service in pe ve em??" Max chuan room service ka chaw ei tur rem mek tu hnenah chuan a han ti a
"Aw pe e Sir.."
"Awle.. ka lawm e.."
.
.
"Body massage a mamawhin ka hria.." Max chuan a han ti a
"A ngai lo.." ka lo ti vat a
"Ngatinge single room a awm lo a mi.. khum pahnih a awm a??" Max chuan a rawn ti a
"Ahh.. Max, helai hmunah hian VIP chiah single room an pe thei a.. kan unau a room pakhat intawm pawh pawi kan ti hleinem.." Otes chuan a lo ti vat a
"Delphine tan hian a hreawm lutuk palh ang.. ka roomah awm zawk se a tha ang"
"A ngai lo Max.. a lawmawm lutuk"
"Ni lo.. mipa pahnih room khat a awm chu a nuam zawk ang chu.. senso lam chu ka tih tur ve rengah ngai mai ru.. keimah vanga accident a ni bawk a.."
"Max, ka client i nia.. hetiang em em chu kan pawm thei loang.." Otes chuan a han ti a
"Client angah pawh ka lo inngai hleinem, thianho a chawlh hmang ang maiah ka inngai asin.." a tih chuan kan nui dar dar a.
.
Ka damchhung pawh a ka awm theih ve na tur a ka rin miah lo VIP room ah, khum dup nuam takah ka taksa chu nuam tak a massage mek a ni a, ka mumang a ang ka ti 
hial zawk a ni. Max hi tunge maw a nih chiah le, a la naupang hmelin a nun a sang em em, a ngilnei em em bawk si a.. chhungkaw tha tak atanga seilian chu a ni ngei 
ang.
.
.
Zingkar hma tak ah chhuak in Eynesse hmun panin kan tlan a, a hma ni ang em em chuan ka tho thang lo na in ka chuanpui Otes leh Max te nen chuan kan inpawh tlang tawh 
hle a. Barbeste ang em em a hmun pawimawh tlawh tur a awm lo na in chu lai hmun engpawh chu a hahdamthlak a ni tawp mai. Hmun hrang hrang tlawh ve ro ro a helai 
thintlang Maxa'n a thlang tel chu mak ka ti rilru hle zawk a. Mahse, ani ang khawpui tlangval tan chuan henglai thingtlang hmun a a thil hmuh apiang chu thil thar a ni vek zawk hial mai thei a ni.
.
Eynesse bul mai a awm Les Jardins de Sardy lam kan pan leh nghal a, he huan mawi tak hi Sanat Foy de la Grande bul lawk Velines a awm a ni a. He huan hi 'Huan 
chhinchhiahtlak' zinga sawi hial a ni. Ka vawikhat kalna a ni in nuam ka ti hle a, engkim mai chu a tiang kak a.. Italian ho chin dan ang takin tui khuah pian sawl 
lampangin a awm thluah a, a sirah chuan thingkung leh pangpar mawi tak tak in a hual thluah bawk a ni.
.
Kawng pawh thlakna lam pan zel chuan huan mawi em em pangpar tam tak chinna kan thleng a, chulai hmunah chuan tuikhuah zau tha tak.. water lily par tam tak to na a lo 
ni a, paradise ang maiin ka ngai a ni. Tui khuah kam tinah chuan a incross zawng in tui a in phuh chhuak sep sep a.. chu chuan chu tui khuah mawina chu nasa takin a 
belh bawk a, ka chauhna leh hahna zawng zawng pawh chu lai hmun boruak chuan a ti dam sawng sawngin ka hria a ni.
.
Duh ang tawk a chulai hmun kan fan hnu chuan farmhouse a terrace lam kan pan a, chutah chuan thingpui kan in a. Ka u chuan kan kalna bul lawk a Sardy vineyard a wine 
lei tur a awm tih thu a sawi chuan kan lo phur tlang hle a. Ka u chu lei turin a kal ta a.. Max leh kei erawh chuan terrace ah hahdam pahin kan lo nghak a..
.
"Enge i an tawh??" Max chuan a rawn ti a.. vawiin hian pangai takin kan pahnihin kan la inbe miah lo tih ka hrechhuak zawk
"Ka tha tawh lutuk.. helai hmun hian damna a keng telin ka hria.."
"Chuti maw.. nia i nui deuh rengin ka hria  ani.."
"Min lo en reng tihna em ni??" ka ti ha a
"Tiang khan a mi mipa i biak thin??" a rawn ti sep a
"Engtin maw.. mipa biak dan hran a awm mi??"
"Ni loe.. mipa tu emaw in lo duh ta che se.. 'min duh hmel riau' tih a sawi duh mai hmel i pu lawm.." nui pah chuan a han ti a.. ka lo nui hak
"Min ngai zei lo hle mai.."
"I zei tihna maw.."
"Ka zei ka tih loh kha.. tawnhriat nei lo mahila hriat tawk chu ka nei ve tho a nia.." ka han ti a
"Engtin??"
"Lehkhabu a awm alawm.. Romeo and Juliet, Cleopatra and Mark Anthony, Tristan and Isolde, Paris and Helena, Nepoleon and Josephine, Elizabeth Bennett and Darcy, Queen 
Victoria and Prince Albert.." a nuih nasat em avang chuan ka sawi zawm ta loa..
"Ngatinge i ngawih daih a...??"
"Ngatinge i nuih zawk??"
"A chhan maw.. i dangdai takzet.. khing thawnthu ho khi nangmah ang rualah hre lo an tam dawn lutuk tih ka ngaihtuah a.. chuan"
"Ka hmanlai i tihna maw..??" ka han ti a
"Teuh lo.. chutiangin ka sawi loh kha.."
"Anih ka love story sawi ho khi i hre vek em??"
"Aw.."
"Anih chuan enge danglamna??" lungawi loh hmel fe in ka han ti a
"Ka hriatna te chu movies ah ania..  a lehkhabu chuan ka la hmelhriat ngai lo.." a tih chuan ka nui hak a.. chhang lem lo chuan hmundang ka hawi san ta daih a
.
"Delphine.."
"Um.."
"I duhawm takzet.."
"Ngaa.." nui hak pah chuan ka han ti a
"Paris ah chuan kal i duh lo a mi??"
"Aw, ka sawi tawh kha.."
"Chu lai hmunah chuan i vanneihna turin a hmuak mai thei che a sin.."
"Nia ka hre lo le.. mahse helai hmun chhuahsan hi ka duh lo a ni.. Amsterdam i thlakhlelh ang chiah khan" ka tih lai chuan ka u a rawn thleng a.. in tur  arawn hawn chu phur tlang takin kan in ho a
.
.
Kan thlenna hotel ah chuan a hma zan ang ni loin room pakhat theuh kan luah hlawm a.. ka u lakah ka inthlahrung ru viau na chungin hriatreng tur hun pawimawh tak a 
niin ka hre bawk. Ka kawngkhar kik ri ka hriat chuan ka u a nih ringin ka va hawng a..
"Max nangmaw??"
"Um.. i u emaw min ti nimaw.." ka room a luh pah chuan a han ti a
"Nia.. khawnge amah hi??"
"A muhil tawh a chau deuh a niang.."
"Nia... a chauh thlak ve alawm.."
"Nang i chau em??" ka mit a en pah chuan min rawn zawt a
"Chau hran loee.."
"Khulai ah khuan Bonfire night an hmang a.. i kal chak ve em??" a rawn ti a
"Chuti maw.. i kal chak em ni??"
"Chak angreng.. kalpui ka neih dawn chuan.."
"Nihchuan ka inthlak anga kan chhuak dawn nia.." ka tih chuan pawn a min nghak turin a chhuak ta a..
.
.
Chulai hmunah chuan nula leh tlangval khawpui atanga intihlim tura lo kal an ni tih hriat mai chuan hun nuam tak an hmang tih hriat takin zaiin an lo lam hlawm nasa 
mai a. Kan va kal chuan an zinga tel ve ang maiin beer in tur min lo pe vat hlawm a. Hetiang a bonfire night hman hi ka tan chuan thil thar a ni lem loa hunpui hman 
zan lamah kan ti fo thin a ni. Mahse, sawi leh sawi hnu Max tan hi chuan a tem a tem hi a khat ve viau chu ka ring a ni. A hmel ka han en chuan a phur tih hriat fahran hian nui hmel a pu reng a, chu chuan min ti lawm phian a ni.
.
"In tur ka va lak belh ang aw.." tiin min kalsan a, kei chuan ka lo nghak a.. a kal hnu rei vak loah chuan ka dar a kuahtu hi a awm a.. ka hawi chho vat a, ka hriat 
zawng a nih loh avangin a kut chu ka paih thla vat a..
"Sweety, lampui tur i mamawh in ka hria.." bah nuai chuan chu pa chuan a rawn ti a
"Sorry.. ka lam ngai loa.."
"Chu ti maw.. ka zirtir ang che.. lo kal rawh Bawihi.." tiin min kai a, min kalpui ta dawr dawr mai.. ka tang nasa hle a mahse ka hneh lo lam deuh chu a ni..
"Max!! Max!!" tiin ka au vak vak a.. mahse chung mipui tam tak zingah chuan ka aw hria anga lang pawh an awm lo
.
"Thlah rawh!!"
"Otes.." tiin ka u chu ka va kuah nghal a..
"Its Ok darling.. a tha vek.." tiin min kuah a, kha min kai tu pa kha khawih a chak tih ka hre reng mahse keimah vang chiahin a inbengdai tih pawh ka hria a ni.
.
"Eng thil nge thleng??" Max chuan a kut a in tur keng chuan hrilhhai hmel fe in a rawn ti a
"Mr.Hollande ka nau hi i venghim thei dawn anih loh chuan khawngaih hruai chhuak ve tawh suh.." ka u chuan aw vawt zet chuan a ti a
"Otes, Max thiamloh a ni lo.. kha pa kha a rui alawm.." ka lo ti vat a
"Ka tihpalh takzet Delphine.. chuan Otes nangpawh.. ka thiam loh a ni.." Max chuan a rawn ti a, a inthiam lo hmel ka hmuh chuan ka khawngaih let zawk lutuk tlat..
"A tha e.. tawk tawh rawh se.. lut ang Delphine" Otes chuan a ti a, ka chhang lo mahse kal ka tum lo.. "Bawihi lut ang ka tih chu.."
"Aih.. Max thiamloh a ni lo Otes.. tinge i ngaihdan dik lo takin i siam.." ka han ti a
"Engmah ni lo.. ka tha alawm..." Max chuan a rawn ti a
"Anih eng ti turin nge min duh??" Otes chuan a rawn ti a
"Ngaihdam dil rawh.."
"A ngai lo.. Delphine, Otes a tha vek e.." Max chuan a rawn ti a..
"Sorry Max, ka lo ti mah mah ni.." Otes chuan a ti a, hotel lam panin a kal ta nghal a..
.
.
"Khatia tih kha a tul lo asin.."
"Nilo, i thiam loh a awm lo.."
"Otes thiamloh pawh a ni chuang hleinem.. venhim che a duh alawm.." Max chuan a rawn ti sep a
"Ka hria alawm.."
.
Hotel lam panin ngawi rengin kan kal dun a.. kha zurui pa kha ka haw takzet, zanin bak hi Max hmuhna hun ka nei tawh dawn si loa.. ani khan kan boruak a ti chhe vek a ni. Enge ka rilru a awm chu ka hre lo tak na in ani nen a engtikah mah inhmu tawh lo tura kan inthen tur ka ngaihtuah hian khawhar rukna ka nei tlat a ni. Chutia ka ngaihtuah lai chuan ka kut a rawn chelh a, mak ti takin ka han en a.. a lo nui seih ringawt.. keipawh chuan ka kut a chelhna chu thlah lem lo chuan ka chelh nghet sauh a, ka lungphu chu a rang ve det a ni.
.
Hotel piah a thutna ah chuan ka thu a.. sawi tur a vang kher mai..
"Delphine.."
"Um.."
"Engtikah emaw kan inhmu leh thei angem??" a rawn ti a
"Murcellus a rawn kal duhna thinlung i put phawt chuan engtik lai pawn ka lo mikhual reng thei che.." tiin ka chhang a
"Anih chuan nang hmu tur che in ka rawn kal leh ang.." a ti a
"I tiam em??"
"Aw, ka tiam e.." a tih chuan lawmtih hriat takin ka nui a..
.
.
Thla hnih a liam hnu pawn kha ni hnih leh zan hnih hun Max te nen kan hman ho kha ka theihnghilh ngai lo.. ka chhungte chuan ka mize dan sawt zia an sawi cham chi a kei erawh chuan a danna em em ka hre lo tak na in mi vei ngawih ngawih ka nei tih erawh ka pha lo. Mahse, enge ka tan awmzia awm chuang.. Max chu Paris a a let leh hnu chuan mail in min rawn be pawp zeuh zeuh a, chu chuan keimah ah beiseina pawh min siam sak ve a ni. Thla khat vel mail hmang a kan inbiak hnu chuan Amsterdam a a pu a that vak loh thu min rawh hrilh a, ani pawh Paris chhuahsanin a liam zui ta a. Amsterdam pan a a kal tur thu min rawn hrilh kha ani hnen atang a thu ka dawn hnuhnung ber a ni a, vawi tam tak chu a ni lo nangin mail thawn zeuh zeuh chu ka ching a mahse chhanna ka dawng ngai lo. Chu chuan nasa takin a tan a engmah ka lo nih lem loh zia min hriatchhuah tir a, a chenna hmunah a let a.. a duhthusam nun a hmang a ni ngei ang tih ringin biak leh tumna rilru ka pu tawh ngai loa, keimah pawh ka tah chho ve zel a ni.
.
.
Ka hna lamah ka kir leh a, ka nu dawrah ka theih ang angin ka pui bawk a. Ka suangtuahna ah chuan ka rin loh tak hian Max hi min hmu turin kan khua ah rawn kal in pangpar nalh tak min pe in min fawp ve se tihin ka ngaihtuah nasa thei hle a ni. Mahse, hun a liam zel a.. mahni ka inhnem chawp a ngai ta fo zawk tih ka hrechhuak a ni. Kei hi hmeichhia, tumah la ngaizawng ngai lo ka nih avangin khatia mipa hmeltha leh fel tak.. min ngaihtuah em em tu nen a nihninh leh zan hnih kan awm ho kha ka tan danglam viau mahse a tan chuan engvak a nih ka ring lo hial zawk a ni.
.
Ka nu dawr atanga kan haw in kan thlen chuan Mrs.Husson leh a Mrs.Cornett te chuan thutkhawmna pindan ah an lo thu a, keimah min nghah thu an sawi chuan ka nu nen chuan hriatthiam loh hmel takin kan in en a. Mrs. Cornett chu a rai lian ve tawh hle tih hriat takin a dul chu a kawh ve lah a..
"Mrs.Charvet.. hei, Delphine puihna rawn ngen turin kan rawn kal a.." Mrs.Husson chuan a rawn ti a
"Engah maw.." ka nu nen chuan kan ti rual a
"Aa.. Delphine bawihi, Paris a ka sumdawnna lamah chawlh ka lak chhungin ka ai i awh thei angem??"
"Maw..??" ka ho chuan ka han ti a
"Thla thum hnu ah naute ka nei mai tawh dawn si a.. min dawrtu te han tih beidawn hi ka hreh em ani.."
"Naute nen chuan i enkawl zui the dawn em ni??" ka nu chuan a rawn ti vat a
"Ni e.. ka pasal pawn dawr khar tur hian min ti fova.. mahse ka nuam tih em em han chawlhsan tur hi chuan ka la inring lo deuh a ni, Marcas chu a rilru ka hneh theih ka ring.." a tih chuan an nui ho dar dar a
"Ngatinge kei kher??" tiin ka lo chhang a
"Aw, Bawihi.. i thiam zia kan hre miau alawm.."
"A pa ka lo sawipui dawn nia.." ka nu chuan a ti a
.
.
Ka nu leh pate'n ka ngaihdan min zawh chuan sawi dan tur ka hre lo hle a.. a hma ang kha chu ni se Mrs.Husson te ka hmuh rual rual khan ka hnial ngei ang, mahse tun tum chu ka ni tawh hauh lo.. ka chakna leh hrehna chu a inchen chiah a ni. Ni e, ka danglam tawh takzet a ni. Mrs. Cornett chuan an bula cheng turin min duh a, chutiang bawkin ka pa te pawn.. mahse kum 24 ka tling tep tawh a, mi chhungkaw bula khawsak chu ka hreh ve tlat a ni. Chu mi vang chuan ka flat luah tur min zawn sak in, Mrs.Cornett office atang a hla lo te ah chuan ka awm ve dawn a ni.
.
.
.
Ka hmangaih leh ka ngainat em em Marcellus khua chhuahsanin relah darkar nga chuang zet chuangin Paris lam ka pan ve ta. Rel a ka chuang hun chhung darkar nga kha ka nuna ka inngaihtuah nasat ber tum a ni hial ang. 'Mrs.Cornett ka pui anga ka let leh mai dawn alawm'tiin ka ngaihtuah tak na a, ka nun a ka thil la tih ngai loh ti tur ang maiin ka inngai a ni.
.
Station-ah Cornett chhungkua ten min lo hmuak a, ka flat luah tur lam min panpui nghal a.. ka beisei loh takin a nuam in a lo thianghlim sar a, bungrua engkim dah a lo ni bawk a. Mrs.Cornett hian he thil min tih sak avang hian a hloh nasat viau ka ring a ni, mahse a tan chuan a sumdawnna kum hnih choh a la kalpui hi a chhan a ngai miau a lawm.
.
Ka thlenni tukah carin Mr.Cornett te nupa in min rawn hruai a, kan thlen fel hnu chuan a hna a kal turin min kalsan ta a. Mrs.Cornett hian hnathawk pathum a lo chhawr mek a, amah pui tur a chhawr an ni ber thin. Elysee Palace ah hial palace cheitu ber a lo nih tawh avangin milian tak tak ho hriat a hlawh hle a, kar khatah hian vawi ah vawikhat tal ruaitu an awm ngei ngei a, a chang phei chuan mi pahnih tan a thawk hial thin a.. chuti chung pawh chuan mi hnawl a neih chang lah a tam a ni.
.
"Hetah chuan ruai kan nih reng rengin a hmun chei ringawt kan ti ngai loa.. entirnan inneihna tur ni ta se, hall hman tur kan zawn a ngai a.. hall hrang hrang atangin an duh kan thlen tir leh mai thin.. "
"Awle, ka hrethiam e.."
"Chuan i hria em Delphine, tunah hian ka sumdawnna pual a hall lei ka tum mek lai a ni a.." a rawn ti a
"Chuti maw.. i pasalin a hria em??"
"Aih, ka la sawipui lo.. diktak chuan chawl tur hian min tur reng zawk a.. chuvang alawm i puihna ka dil.."
"Ka hrethiam e, theihtawp ka chhuah ang"..
.
Paris leh Marcellus  chuan inanna pakhatmah an nei lo tih theih hial a ni. Ka thlen zan atangin ka mumangah kan khua ka la hmu ziah a.. Otes, Mathis leh Robert te nen ka nu huan ah hlim takin thil kan lo ei ho thin a, ka thanharh chuan ka lungleng lutuk chu ka mittui a rawn tla fo thin. Ka chhungte'n nitin min rawn call a, ka pa phei chuan min ngai thei em em a.. hnemtu ah ka tan zawk a ngai fo a ni.
.
Hna kan han tan tak tak a.. Mrs.Cornett pawh a hna zawng zawng deuh thaw ah ka awl deuh ti tih tawh mai a.. min dawrtu tam tak hnen a inhmelhriattirna han neih zel thin chu ka hne thei hle a ni. An ni chuan an rilru in Mrs.Cornett an beisei ru tih hriat takin nalh takin ka chei theih loh an rinna mitmeng chu ka hne thei hle.. mahse a zawh meuh chuan tawngkam hriat nuam tak tak leh a mah mah em aww tih khawp a nasa in min fak leh lawi thin si a ni. Mahse, chung chuan min ti phurin theihtawp chhuah duhna min pe zawk a.
.
Thla hnih chuang Mrs.Cornett tel loa a sumdawnna ka enkawl sak tak hnu chuan engkim chu amah ang vekin ka ti thei ve tan ta. Mak tak maiin Marcellus thlakhlelh tawngkhawngna rilru ka pu tawh ngai lo, hmasawnna chi khat a ni. Ka puih theih hun tur chu ka hre lo tak na in, tun hun reilote pawh hian a hma aia thlen san chakna rilru min siam nasa hle a ni.
.
Zingkar ah chuan ka cell phone ri chuan min kai harh a.. Mrs.Cornett a lo ni a, zing dar 3 pelh hnu lawk khan fapa duhawm tak a hrin thu min lo hrilh a, ka lo lawm ve em em tawp. Dawrah kal vatin pangpar thawn tur ka siam.. ka bei uluk in a dangdai thei tur ang berin ka han chei a, naute leh a nu tan ka va thawn a.
.
Naute in thla nga a tlin hnu chuan keimah ah pawh hmasawnna tam tak hmuh tur a awm a, Mrs.Cornett office pawh chu ka hming lang tel ngatin a mi hriat a hlawh chho ve zel a, a hma aia dawrtu an tam thu chu min pui tur a hnathawk ho chuan an sawi nasa hle a.. kei chuan chung ang thil hriat chu nuam ka ti takzet. A chang chuan Mrs.Cornett ka puih hun tur a tawp hunah keimah a business firm din ve mai duhna rilru ka pu thin a, mahse kan khua a haw na hun tur ka neih tawh dawn loh zia ka ngaihtuah chuan let vat chu tha zawkin ka hre thin.
.
Chawlhni vawikhat chu Mrs.Cornett in an in a leng tur a min sawm avangin ka va tlawh a, a pasal nen a sumdawnna vanga an inthen tep thu te min hrilh a.. kei chuan uipui viau mahila a chhungkua chu a pawimawh zawk thu ka hrilh a. Ani chuan ka beisei loh deuh thu a sawi a.. chu thu chu a sumdawnna hmun chu lei tur a min duh thu a ni. Ni e, ama hmakhua choh a ngai loa, ka hmakhua pawh a ngai ve takzet tih ka hria a ni. Kum sawm teh meuh Elysee Palace ah hna a lo thawk tawh a, kum 35 a nihin pasal a nei ve choh bawk a, he a sumdawnna a kut kawiha a din ngei hi reilote chhung choh la kalpui mahse la a tan chuan thil hlu chung chuang a ni ngei ang
.
Ka han ngaihtuah chiang a, kei ve mai.. pawisa pawh nei lo hian engtinnge ka lei theih ngawt ang.. tihdan dang ka hre loa, a awm pawn ka ring lo. Ka chhungte ka rawn chuan min ngai viau mahse mi tha takin a lo din sa sumdawnna changtlung tak enkawl chhoh chu min huphurhpui lo a min puih an hreh lo bawk. Mahse, keimah hian ka lei dawn anih chuan keima sum ngei a lei ka duh ve tlat a ni.
.
Mrs. Cornett nen chuan inremsiamna neiin a dawr ka leina chu kum hnih chhung a rulh tlak turin kan be rem ta a. Keichuan ka hnathawk zinga pahnih chu Mrs.Cornett hnenah hna dang zawn sak turin ka han ngen a, harsa lo takin ani chuan a lo hmuh sak ve mai a. An ni rawih kha ka duh lo a ni loa.. insenna tlem thei ang ber tur ka ngaihtuah vang a ni zawk a ni.
.
Thla sarih  Mrs.Cornett ai awh a hna ka thawh hnu ah kum hnih chhungin ka ba rulh nan a dawr neitu hmingpu in ka han thawk leh a ni a, thil chu ngaih ang leh duh danin a awlsam lo kher mai. Kei leh ka hnathawk pakhat nen choh min ruaitu te tih lungawi tumin hma kan la chho zel a, a hah pawh kan hah hle bawk a ni. Heng ka thawhrimna hian ahma a ka ze tamtak min thlak danglam sakin hma pawh ka sawn phah ve hle a ni.
.
Hun a vei zel a kei leh ka hnathawk vang liau liauin ka dawr tih ngei a sawi theih ka nei ve thei ta a. Mi tam tak hmelhriat ka neih phahin Mrs.Cornett in hniak a lo hnutchhiah nen a tangkawpin ka hlawhtling chho viau a.. vantlang aia chungnung thah ho hian min ruai tlangpui bawk a ni.
.
.
.
.
Ka alarm riin min tih harh rual chuan rang takin ka tho a.. ka tih thin ngai bawkin tukthuan ka ei a, ka intihfai zawh hnu chuan ka office lam ka pan vat a. Ka office lam ka panna kawngah chuan zan hmasa lam a thil thleng chu ka han ngaihtuah a, mumang ang maiin ka la ngai a ni. Engtikah mah ka hmuh leh tawh pawh ka rin loh chu a nihna rin harsa tak nen ka hma ah a rawn inlan leh chu a ni a, rin pawh a harsa zawk. Ani ka hmu leh hi ka lawm nge lawm lo pawh ka hre lo, mahse a hma anga ka awmdan ani vei tlatna rilru ka put ang kha chu ka at vangah ka la ngai reng tho tak nain keimah ah thil enge maw danglam a awm tel tih erawh keimah pawn ka pawm thlap a ni.
.
Office ka thlen chuan appointment ka neih avangin lehkha pawimawh la in ka chhuak leh nghal a. Mrs.Cornett in a duh em em leh chak tak, ka suangtuahna leh ka neih tum ni bawk Inneihna Hall keima sumdawnna pual bik a nei turin hma ka la chho mek a. Khawpui pawn deuh hla vak loah lui leh huan mawi em em mai an siam chu kan thleng a. Chulai hmun chu mi hausa hoin inneihna atana an hman thin hotel lian tak tak te nen a tehkhin chi chu a ni hauh lo, mahse a mawi in a boruak a nuam dangdai hle a.. ka duhthu pawh a sam viau a ni.
.
Thil tul ang ang ka tih zah hnu chuan ka office lamah ka let leh a, ka hnathawk Kelly chuan inleng ka neih thu min hrilh chuan ka cabin lam ka pan vat a, ka thil hmuh chuan min ti phu chiang hle a..
.
"Hii Delphine"
"Max, hetah enge i tih??" ka lo ti vat a
"Nangmah hmu tur che in ka lo kal.. i buai hle a nimaw.."
"Buai loe, ka buai zo chiah zawk.." nui zeuh pah chuan ka han ti a. Diktak chuan ka buai takzet, tih tur hlir ka hma ah a inchhawp mahse a tan a hun siam chu ka chak tlat bawk si
"Chawchhun i ei tawh em??"
"Aih.. nang zawk??"
"Kal rawh i kal ang.. hetia hna i thawh vak a i in enkawl that si loh te chuan.."
"Ka tha lutuk alawm.. anih kal ila" tiin ka office bul lawk a cafe ah chuan kan lut dun a
.
Order ka pek hnu chuan ani chuan drinks lam a lam daih thung a
"I ei tawh maw??" tiin ka zawt ha a
"Aw, ei tawh.."
"Mahse!.."
"Nangpawn i ei a ngai lawm.." a rawn ti a
"Aw.. Max i la danglam lo anih hi.." ka han ti a
"Engah maw??"
"Midang ngaihsakna kawngah.."
"Min la hrchiang lo hle a ni maw.."
"A tawk chiah ka hria a ni mahna.."
"Otes a dam em??" a rawn tih chuan ka hawi a huih a
"Otes ila hria maw..??"
"Engtinnge nangpawh ka thihnghilh lo che a, i unaupa kha ka thihnghilh theih ang??" a rawn ti a
"Nia .. kum hnih kalta khan nupui a nei a, fa pawh pakhat a nei ve tawh" ka ti a
"Marcellus lam i kal ngai muh lo aniang maww.."
"Ka hna hian khawiah mah min kalsawn tir thei lo.." tiin ka chhang a
.
Ka office thleng min thlah let leh a, a rawn kal fo tur thu min hrilh chuan ka thinlung hi a hlim veng vengin ka hria a ni.
.
Chu mi ni atang chuan chaw chhun min eipui turin a rawn kal zeuh zeuh a, zingkar hma tak takah a call ka dawng fove, tukthuan ka ei leh ei loh ringawt min zawt tur ringawt ten a ni thin, heng a awmdan hi ka suangtuah fo thin a ni takna in min ti hrilhhai ve det thin. Ani ka hmuh hmasak zawk atang khan mi neinung fa a ni tih chu hai rual a ni lo.. mahse ka rin phak bak a mi hausa leh mi hriat hlawh a lo nih tak si ah hian a hma a ka beisei ang rilru kha chu ka pu ngam lo zawk thin niin keipawn ka hria a ni.
.
Thla khat erh awrh chutia kan inhmuh tak fovah chuan kan awmdun, kan inkawm te chu a tur ve rengah ka ngai chho a.. a buai chang, min hmu tura a lo kal loh chang te chuan khawhar rukna riau ka neih phah thin. Mahse, alak a ka thikthu han tih lan chu chi in ka hre lo.. dik tak chuan indate ang pawn kan awm hran lo, mahse min ngaihsak takzet a ni tih hi chu hai rual a ni lo bawk.
.
"Pi Clara heng ho hi rose chu a nia.. eng hi nge duh duh bik i nei em??" tiin min dawrtu chu catlogue ka han hmuh a
"A pawnlamah hi chuan a inang vekin ka hria a ni.." tiin nui chung chuan min chhang a
"Rose Iceberg hi maicham chei nan chuan kan hman nasat pawl ania.. khawizu rim a nam lek lek a.. Rose Tranquility hi apple rim lampang a nam a, hling a neih tam loh avang hian khawih pawh a nuam zawk viau a ni.."
"Tranquility hi a mawi khawp mai"
"Nia, keipawn nalh ka tih zawng tak ania.. hei hi kan thleng mai dawn em niang.."
"Ni rawh se.."
.
Coffee in in min dawrtu Mrs.Clara nen chuan a fapa naupang zawk nupui neihna tur a ruahmanna vel chu kan sawi dun a. Kan tih fel thawkhat hnu chuan ka office lama let turin ka car chu ka han la chhuak a, an compound ka pel tep tihah chuan ka car chu a thi leh ta tlat mai.. he thil hi ka tawng zing tawh hle a. Ka pa pawn he secondhand car ka lei hi ka buai phah zin em avangin a thar lei turin min ti foa, mahse ka la duh chiah lo chu a ni.
.
"Ms.Charvet, buaina a awm em ni??" Joe, Pi Clara fapa upa zawk chuan a rawn ti a
"Aw.. a thi leh ta tlat mai.." tiin ka car atang chuan ka chhuk a
"Thlah i ngai em ni??"
"Ngai loe, siamtu tur kan ko ange.." tiin ka cellphone chu ka han phawrh a
"Siam chhung a rei takin hetah i car hi chu awm se ka va thlah mai dawn che niang.." a tih chu ka rilru tak chuan ka pawm zawng tak a ni.
"I hun ka ti hek lutuk ang Joe.. mahse ka lawm lutuk tho"
"Ni loe.. chhuahna tur ka nei tho alawm.." a tih takah chuan ka inthlah tir ta a
.
Office kawt ah chuan ka chhuk a, coffee inpui a ka sawmna Joe an a hnawl tak si ah chuan a kal leh nghal mai a
"I bialpa em ni??" ka hnung atang a aw ri chuan min ti phu zawk
"Max, nang maw??"
"Aw.. ka zawhna che chu.."
"Ni loe, ka client te chhungkaw zing a mi.." tiin ka chhang a
"I car i hmang mai thei lo a mi??"
"A chhe thut a, siam a nih hnu ah ka hmang thei ang.. lut ila" tiin ka office lam kan pan dun a
.
"Enge ilo tih dawn.. i hna ah i buai lo em ni??" tiin ka han zawt a
"Nangmah hmu turin ka rawn kal.. hna ka nei hleinem.."
"I pu sumdawnna zauh turin he lamah i awm niin ka lo hria a.. chu lo rengah pa buai ve tak niin i lang" nui chung chuan ka han ti a
"Chutiang chuan i lo hria maw..??" tiin nuih za lo tih hriat takin a han nui lui a
"Aw ni e.. thil dang a awm em ni??" ka ti a
"Zanriah eipui a sawm che ka tum a Delphine.."
"Engah maw.. thil pawimawh a awm em ni??"
"Aw.. kan pahnih a hun hmandun ka chak a lawm.." a tih chu a rik dan chu a danglam riauin ka hria a.. nge ka ngaihbel zawk..
"Hun ka lo insiam dawn nia.." tiin ka chhang a
"I hnathawh banah ka rawn lam dawn che nia.. i hna thawh zawm leh tawh rawh.." tiin min chhuahsan ta a
.
Zanriah ei zawh chuan hotel bula khaw thlirna hmun nuam takah kan ding dun a..
.
"Ka tihpalh.." a rawn ti sep a
"Engah maw..??"
"Ka chanchin ka rawn hrilh tawh loh vang che khan.." a tih chuan ka ngawi reng a.. amah zawk chu a rawn tawng leh a
"Paris a ka awm lai khan hmanhmawh taka Amsterdam lama let leh tur a tih ka ni a.. ka pu natna a chhuah a vangin. Ka pu hnen ka thlen chuan a lo chau tawh hle a, vawilehkhatah sumdawnna zawng zawng ka kutah a dah ta a ni.." a ti a
"I pu in fa dang a nei lo a mi?? ka lo ti a
"Nei e mahse, kum sawm a nih in motor accident vangin ka pi nen an boral a ni. Hei vang hi ania ka nu pawn ka pu kalsanin pasal a neih loh phah.." a tih chuan thil chu ka hrethiamin ka hria, pa tel loa enkawl seilen a ni tih chu..
"Chuan i pu chu a tha tawh em??" ka ti a
"Zia lam a pan thei lo.. boral dawn lek lek a a awm chang a tam ani.."
"Pawi ka tihpui lutuk che Max.. anih i sumdawnna lam" ka han ti a
"Tunah hian kan dinhmun a tha lo takzet.. Kan company partner thin nen buaina kan nei a..thil engkim hi tha vat se ka ti khawp mai.." rilru hah hmel tak chuan a rawn ti a
"Keipawn chu chu ka duhpui che alawm.." ka ti a
"He lai hmunah hian ka hmuh che ka inring miah loa, mahse ka hmuh leh che khan beiseina enge maw tal ka nei a ni.."
"Keimah vangin maw??" ka han ti a
"Aw ni e.. ka tan i la danglam miah lo tih ka hria a ni.."
"I tan enge ka nih thin Max??"
"Hmeichhe danglam leh duhawm.."
"Vawikhat tal chu min lo biak pawh ka ring a sin.." chutiang sawi chu a hun chiah em chu ka hre lo.. mahse he thu hi sawi ka chak em a ni
"Ni e, ka tihpalh.. kan tan khan kawng a ping em alawm.."
"Kawng ping vang chiahin maw.. Chuan tunah hian Paris ah awm lo ila kan inhmu in kan inbe tawh miah lo dawn tihna a mi??" ka han ti a
"Chutiang pawh chu a ni mai thei mahse kan inhmuh leh nan ka tawngtai fo a sin.." a tih chuan a hmel ka han en a, a thutak zia ka hria a ni
"Awle.. a tha e.." tiin ka nuih seih a
"Chuan..??"
"Enge chuan??"
"A hma a kan zawh hman loh kha kan chhunzawm dawn em niang??" a rawn ti a
"Eng chu??"
"Infawh.. inkuah.. " tiin ka darah a rawn kuah a
"Enga?? chutiang chuan maw.." ka sawi zo hman lo
"Ni e mahse ka bialnu i nih duh phawt angai alawm.." a rawn ti lehnghal a
"Paris ah hian love story siam tur a rawn kal i ang zawk mah in ka hria.." nui chung chuan ka han ti a
"A ni maithei.. a chhan chu hmangaihna nen chuan engkim a tih theih an tih kha.."
"Mahse, min hmangaih leh hmangaih loh i hre si loa.."
"Hmangaih lo chu a ni hauh lo.." tiin min chhang a..
.
Otes hnenah Max nen a kan chanchin ka hrilh chuan mak a ti ve hle a, fimkhur tur chuan min la hrilh fan tho. A ngaihdanah chuan min lo duh ve reng a nih chuan ngatinge min hmu tur a vawikhat choh tal a lo kal loh chu a hrethiam lo a ni ngeiin a lang. Ni e, a awm ve reng a ni.. chu chu keipawn vawi tam tak ka inzawh fo thin ani reng bawk a.
.
Ni thum cham turin Murcellus lam panin Max nen kan kal dun a.. ka chhungte hnenah inhmelhriattirna ka nei a, an ni pawn an lo lawm hle a.. mahse inbiakna hun remchang a tam lem loa an inkawm tha hman meuh lo. Otes chu ruai lehin Murcellus khaw chheh vel chu kan pathumin kan han fang leh a.. a hma a kan inzui chhuah ang ngawt kha chu kan ni tawh lo hle a. Otes pawn chhungkua a din tawh a.. kei leh Max pawh mi puitling tak kan lo ni ve tawh a mahse kan hlimna erawh a dal tam lo phah hle. Kan cham hun nithumna ah chuan Mathis leh Robert te kan tlawh a, ka unaute bula ka awm hian ka hlim thin hle a.. ak bialpa a tel ngat phei chuan ka hlim lehzual.. Max chu naupang ho in an nel em em a, an han infiam te chu an duhawm takzet a ni,
.
.
Ka sumdawnna pual bik a ka hall lei, karleh mai a hawnna hun hman tum chu en fel turin Mrs.Cornett nen kan kal a,ani hi engkimah a puihna ka la dil theih avangin ka lawm hle a ni. A hma a ka lo sawi thawi tawh Max nen kan chungchang chu ka han hrilh tha a, ani chuan a chanchin a hriat ang ang chu min hrilh a..
.
"Expatcenter hi khawvel company lian tana pawimawh lutuk a ni a.. chu mai nilo in College, Universities leh thiamna hrang hrang nei tan chuan pawimawh chungchuang tak a ni. Khawvel hrang hrang a company lian leh zirna in te nen a thawkho in an thiamna mil angin hna an zawn sak thin a chu mai piah lamah permits, visa, registration te thlengin an tih fel sak vek thin bawk a ni. Hei mai bakah hian hotel, resort leh theatre an nei bawk a ni. Hollande chhungkaw sumdawnna kha Paris a an partner zinga sang ber a ni thin a, an insumdawn tawnna pawh kha a tha thin reng a ni.
.
Hollande chhungkaw sumdawnna hi Maxa pu hian a enkawl thin a, a awmzia chu President pa anih chu..Maxa pa kha an unau zinga naupang lam niin Presiden erawh hi chu a upa ber a ni thung. Khatia a unaupa politics lama zuanluh a tum takah chuan Maxa pa David chuan chung sumdawnna te chu a enkawl chho a. Hun rei tak atanga an sumdawnpui ber Expat Centre company neitu fanu neih chhun Mariana nen chuan an inngaizawng ta a.. Khatih hunlai khan an ni company pahnih te dinhmun kha a tha em em ve ve a, an inpuih tawn nasat em avangin. Kum khat chuang David leh Mariana an inngaihzawn hnu chuan Mariana chuan nau a pai a, David tan chuan thu lawmawm tak niin inneih nghal hial a duh a.. Mariana pawh a proposed reng bawk a ni. Mahse, Mariana.. hmeichhia a zawnga chapo ber chuan a pawm duh loa. A sawi dan chuan rokhawmtu tur fapa pai tir tur chohin mipa a mamawh thu a sawi a ni. Khami avang khan an insumdawn tawnna chu tih chhiat a lo ni ta a, Max hi pa tel loa enkawl chhoh a ni bawk ani. Expat Center lam pawn Paris ah company dang partner tur an hmu leh vat a ni.
.
An insumdawn tawnna an tih tawp ve ve hnu pawn hloh nei miah loin an la kalpui ve ve a, mahse David chuan Mariana chu a haw tawp thei lo tluk a ni. Chutih rual chuan David chhungte chuan Hollande chhungkaw zinga naute thar lo piang chu hmuh an chak ve em em a, an chhungkaw hming tal put tir tur ten an ngen a.. Mariana pawn mi tha lakah chuan sual a chhuah rei thei ta bik lo a ni, mahse chung thu vel chu David chuan a hre ve hauh lo thung. A tetlai chuan vawi enge maw zat naute hmu turin David hriat lohin an kal fo a ni. Max, kum sawmpahnih mi a nih chuan President hi thlan tlin a ni ve chiah a.. chutah chuan ani leh first lady ten Amsterda, ah Max tlawh turin an kal a, Paris ah an hruai ve a, an ni pahnih hian an fa neih chhun an chan tak avangin Max hi an duat hle a . Kha mi tum khan a pa nen inhmelhriattirna an nei a, chumi hunlai chuan David chuan nupui neiin fa pahnih a nei tawh a ni. An rin ang ngawt chuan thil a kal lo hle  ani. David chuan a fapa upa ber a hmuh avang chuan lawm a hnekin thinrimna in a khat ta zawk a.. President te nupa chuan an tih fuh loh zia hria in Max chu Elysee palace lamah a cham chhung chu an chenpui a ni. A hnu kum lawk chuan President te pawh chuan fa an nei ve leh a, Max pawn Paris a kal ta ngai meuh lo a ni.
.
Mariana chuan kum tam fe sumdawnna chu a enkawl chho ta a, Max pawh a rawn tlangval chho ve tep tawh a ni. Vawi tam tak President te fapa kum nga mi lek nen phone call leh video callin an inbe thin a, amah hmu tur a Paris a zin chu a chak takzet a ni. Mahse, a nu chuan a hma a a pa nen a an boruak a hriat avang chuan Paris a kal chu a phal lo bur bawk a.. mahse Max chuan a tum luih tang tang avang chuan a nu chuan thudik a hrilh ta a.. khami ni atang khan a pa a sawi tawh ngai loa, a pa hnaih a tum ngai lo bawk.. President te nupa erawh chu an hmangaih zia a hriat avang in an rilru tihnat a hlau hle a ni.
.
Max kum 21 a nihin an sumdawnna ah buaina tam tak a rawn thleng a, a pu natna hriat chhuah a nih piah lamah Company hrang hrang hnen atangin employee tha an dawn loh avangin compensation pek phut an rawn awm nasa ta hle a.. Maxa pu in a enkawlpui thei si loa, a nu rilru chu a hah viau ta ve ang. Thil pakhat tihsual pawi tak an nei a.. chu chu Paris a an partner rei tak lo ni tawh Stock investment company lamah a ni a.. Stock hralh chhuahna hun an neih tur chu company in kalpui loin Expatcenter lamin  lilamna an neih sak dawn a.. an neih tan dawn minute nga ah Expatcenter a an client hlun tak chuan an stock hralh chhuah theih zawng zawng chu man sang taka ngamin a lei sak theih thu thu an thawn a. Company thuruk, hmelma leh an hlauh zawng tur chu Expatcenter lam hian an hriatpui vek a.. engkimah an fimkhurpui hle a.. mahse khami tum zet kha chu an client rinawm tak anih avangin stock zawng zawng lei tir a ni ta a.. kha stock leitu kha tu dang niloin kha investment company hmelma lian tak kha a lo ni a.. Company kha a hnuai ah a dah vek lohna kha tlemte chiahin a dang a ni.
.
Kha investment company khan engkimah Maxa nu CEO chu an dem ta vek a, a tan pawn tih ngaihna a awm si lo. Stock neih let leh tumin an han bei a.. mahse kha pa khan a let nga ngawt sum a phut tlat si a ni. Court lamah khing dawn se dan ang takin engkim a ti vek si a.. company pahnih te chu an lu a hai let a. Mariana tan tih theih dang a awm lo.. an chhungkaw inrochun zinga a ngaih hlut ber Resort leh theatre chu dahkhamin zangnawdawmna a pek a ngai si a ni.
.
Khami ni atang khan Mariana company chuan hlawkna tel tur an nei tlem ta tial tial a mahse Mariana chu a beidawng duh lo.. Max pawn sumdawnna a rawn zir chho ve a.. a hlawhtlin chu a ring nghet tlat a ni. Kum li a vei hnu chuan Paris ah Max ngei rawn kalin a nu in a dahkham tak an chhungkaw pual resort leh an sumdawnna zinga pakhat theatre chu lak let tumin a rawn kal a. Vanduaithlak takin an inremsiamna bawhchhia in company lam chuan kum khat a an tlai avangin chung resort leh theatre chu midang kutah an hralh thu an lo hrilh a. Kha tih hunlai khan Max khan thinrimna chang em em a hre lo.. mahse Mariana erawh a thin a rim hle a, court lamah rorelna dik hmuh tum a a beih tur thu Max chu  ahrilh a ni. A hma kum a an harsatna chu kha company thuneitu hnenah hrilhin contract a inziak ang nilo mahse a hriatthiamna a ngen kha a ni a.. engkim a kal tluang emaw an tih laiin bum an lo tawk reng si a ni.
.
Mariana chuan hma a la tan nghal a.. Max erawh Paris ah thil tul tih ngai ang ti turin an company asst.director nen an cham rih a. An cham lai mek chuan a pu a that loh thu an rawn hrilh a.. hmanhmawh takin a haw a ngai ta si a ni. Chuan tun hi khami hnu a a rawn kal leh vawikhatna a ni a, vanduaithlak takin kha resort leh theatre kha an nei let thei ta lo anih hmel bawk.. chu chuan Chairman pawh nasa tak a hnualin a siam a, a tha chhuak thei meuh lo an ti  ani.."
.
.
"Chuan Max sawi dan chuan an ni nen a inbiakrem lam a sawi a.." ka lo ti a
"Ni e.. kha chu ka hre bik lo le.."
"Ngatinge President puihna a dil mai loh??"
"Pui thei se chuan a pui em em ang.. mahse sumdawnna angin ama tan a thawk a ni tawh loa, ram tan a thawk a ni tawh si alawm.. vawi thum ngawt thlan tlin a ni tawh a, amah pawn chawlh a tum ngei tawh ka ring a.. hmingchhe tak a Elycee palace chhuahsan a duh loang.." Mrs.Cornett chuan a han ti a
"Ni e.. mahse a pa chuan a pui thei ang ti raw.."
"Thei ang.. mahse hmelma tluk hial an ni tawh si a"
.
.
.
Ka tan a ni pawimawh leh hlu em em, ka sumdawnna pual a Hall thar ka hawn ni chuan sawm bik hrang hrang chu an rawn kal khawm a, Max pawh nidang ang bawk a zahawm leh nalhin a rawn kal a ni. Ka bulah a tal chawt a mikhaul hrang hrang chu min lo chhawnpui a.. ka u leh ka nu te chuan kei ai mahin an emaw chu aw tih khawpin hmuhnawm thlirin ka bialpa chu an thlir hlawm reng a.. mahse chu chuan min ti hlim takzet a ni.
.
Zanriah kilna hun kan nei a.. ka ngaihbel nge Max chu hlim hmel a pu lo riauin ka hria.. a sumdawnna vang a nih ka ring a ni, ni e ani chu ni ila ka buaina chinfel ngaihna pawh hre loin ka tlanchhiatsan ngei ang. Zanriah eikham chuan a piah a tuipui chu kan thlir dun a..
.
"Ngatinge honeymoon hmanna tur i siam tel loh??" a rawn ti a
"Chuti maw.. ka lo ngaihtuah miah loa.."
"Nia.. bakah helai aia honeymoon hmanna nuam tur a tam alawm ti raw.." ka ti a
"Aih.. he hmun hi a special lutuk Bawihi.. keichuan hetah hian nang nena lawithat zan hman ka duh a ni.." tiin ka sam thli thaw in a chhem chu ka bengah  a rawn zep a
"I duh ang chu ni rawh se.." tiin ka chhang a.. a rawn nui zeuh a, dimte in akmkhabe chu dawmin min rawn fawp a.
.
Ka chhungte haw tur chu Max nen kan thlah dun a.. haw lamah chuan ka office lamah tlanin min thlah a..
"Naktukah meeting ka nei dawn.." a rawn ti a
"I ex business partner nen maw.."
"Nilo.. nula pakhat"
"Nula pakhat a?? date a ni zawk lomaw..??" ner nang chuan ka han ti a
"Oh.. bialnu tha tak nei chung hian date ka mamawh i ring em ni??"
"Aih.. chu nu chu tunge??"
"Mi hausa fanu.. kan chhungkaw resort leh theatre neitu a ni.." a tih chuan ka hrethiam vek a
"Chu nu chuan a lei maw??" ka han ti a
"Nilo, a pu in a birthday present atan a pe mawle.. mi mawl ho tak hi chu.." tiin a insehruh a
"A harsa viau dawn em ni??"
"Aih.. ka nu nen pawn vawihnih an lo inhmuh tawh a.. a buaithlak ka ring chiah lo.." a tih chuan ka ngawi reng a
.
Meeting an neih ni chuan nilengin kan inbe lo.. ka rilru ah hian hlauhthawnna lian tak ka nei a.. zanriah kan ei dun ka rilruk nen zanriah ei hun thleng pawn min rawn la be lo. Office chhuahsanin ka apartment lam panin ka inkhalh haw a.. ka rilru ah Max bak a awm lo. A chang chuan ka nui leh ringawt thin, a chhan chu a nuihzathlak miau alawm.. ka rilru dik loh vangin tul loah ka thikthu a chhe mek a ni si a..
.
Zan dar 11 rik hma deuhin inbual turin bualin lam ka pan a.. ka chhuah chuan ka phu chiang kher mai.. khumah chuan Max a lo thu reng a..
.
"Max.." a rawn hawi a, a hmel chu a ngui hmel hle  ani.. a rawn tho a nghet takin min rawn kuah a.. "Max.. engkim a tha em??"
"Delphine.. ka hmangaih che.."
"Max i tha em??"
"Aw.. ka tha.. Bawihi ka ngai takzet che.."
"Keipawn.. Max ka inthlak lawk a ngai.." tiin min kuahna chu ka han thlah a.. ani chuan thutkhawmna pindan lam min pansan a..
.
Ka inthlak zo ka va phei chuan thutthlengah a lo muhil a, a hmel ka en chuan ka khawngaih takzet.. ka Max hi a hah in a chau hle a ni tih chu sawi ngaiin ka hre lo.. kai tho duh lo chuan puan ka va la a, ka sin tir a.. a chalah ka fawp a ani chuan min rawn kuah a..
"I muhil emaw ka tia.." ka han ti a
"Um.. muthilh chu ka mamawh takzetin ka hria.."
"I duh chuan ka bulah i riak thei alawm.." chu thu ka sawi chu ka awih thei lo zawk.. mahse a hmel a min mamawhna lang chuan sawi lo thei loin min siam a ni.
"Takzet em??"
"Aw.." ka tih rual chuan a tho a, min pawm kang a pindan lam min panpui a..
.
Duh thawh takin kan infawp a.. ka taksa a khawilai mai pawh chu a chul kual a, ka tan chuan tawrh har tak a ni.. ka thaw leh hak thin..
"Heng thawmhnaw hi inbel lo khan nichin khan min tih tir mai tur lawm.." tiin ka beng bulah chuan a rawn fawp a.. ka kawr hak lai chu a phelh a.. a dul chu a fawp thla zel a, ka kekawr a phelh dawn chuan a kut ka lo dang a..
"Max"
"Aw.. Bawihte.."
"Max.. ihh.."
"Sawi rawh.." tiin ka biang a rawn fawp a
"Ka la virgin.. tuman tiang hian min la khawih lo.." ka tih chuan a tawp a..
"Ngatinge chu thu chu nichin khan i sawi loh??"
"Ka hre lo" tih chiahin ka chhang.."
.
Puan chu la in min sin that tir a..
"Muhil rawh Bawihi.."
"Max.."
"Min ngaihtuah suh.. mikhual pindanah ka mu thei alawm.. motor ka khalh theih ka ring lo.." tiin ka pindan chu a chhuah san a.. a awmdan chu ka hrethiam lo takzet. Ngatinge ka la thianghlim vang mai a a tawp.. Ka tho a, a mutna pindan lam chu ka pan a.. luh ka tum a kawngkhar a kalh tlat tih ka hriat chuan tibuai duh loin ka pindan lam panin ka let leh ta a.
.
Ka mu thei lo chu ka inlet ka inlet a.. Max rilru ah hian enge awm chiah chu ka hre loa.. ngatinge nichin khan ka zawh mai loh le tih ten ka inngaihtuah a.. khawvar dawn hnaih lam chuan ka chau ve ta ngang a ni ang ka lo muhil a.
.
Pindan lehlam ah thawm a awm tih ka hriat chuan rang takin ka tho a.. Max leh hmeichhe pakhat an lo inbia a, an ni chuan min hmuh loh avang chuan ngawi rengin ka ding a..
.
"Hei chu ka ti thei loang ka nu.."
"Enge i sawi awmzia?? i pu tan a i tih theih hnuhnung ber a nih hi Bawiha.. ani nen in inhmuh hma khan engkim ka tifel vek tawh"
"Nu, ka nupui tur chu ka duhthlan ngei ka nei ang ka tih kha.." Max chuan aw vawt raih chuan a chhang a
"Saw nula saw nei la.. i chan tak engkim kha sum seng miah loin i nei thei dawn asin.. i pu duhthusam i ti hlawhtling anga.. kan sumdawnna atan pawn i tan a tha dawn asin.. Billionaire makpa nih hi tunge chak lo awm ang??"
"Keiman.. Delphine hi ka hmangaih a ni.."
.
Ban phenah chuan ka thu hnawk.. a hma zan a thil thleng ka ngaihtuah a.. Max khan min khawihchhiat a duh lohna chhan kha a ni thei angem.. kan pahnih hian kan inneih theih a ring lo zawk em ni?? Ni e, a nu thiltih theih zia Mrs.Cornett hnen atanga ka hriat atang a ka ngaihtuah hian Max hian a hnial theih ka ring lo  ani..
.
"Pawisa chu i pe mai ang ka nu.."
"Sum an phut zat hi a hlutna let thum zet a ni asin Bawiha.. chu lo rengah kha nula khan pasal atan a duh che tih kan hriat kha.."
"Inthen leh mai turin nupui ka nei thei loang.. fahrah nih hreawm zia ka tem tawh a .."
"Chung lam sawiin awmzia a awm loang.. helai hmun thleng thleng he thil chingfel tur hian ka rawn kal a.. min ti beidawng hauh suh ang che.." tiin a nu chuan a ti a, a chhuak thawm chuan a zui nghal bawk a..
.
.
"Delphine hetah.." tiin Max chuan min rawn en a, che miah loin ka la thu reng.. "Tho rawh.." tiin min kai tho a.. ka a vek mai hian ka hria a ni
"Intawng lo tur kan lo inhria a ni ti raw.. Max"
"Nilo Bawihi.." tiin min kuah a
"Max.. chan nawn leh che hi ka duh lo asin.."  ka tih chuan ka mittui a rawn tla a
"Tih theih nei ila ka ti asin.. ka nu hian sum min pe ngai dawn si lo.. a tel loin engmah ka ti thei lo.." beidawn hmel tak chuan a ti a
"Max.. i pa puihna dil mai rawh.." ka tih chuan a tawlh sawn chiang hle
"Kha thu i sawi kha ka ring ngai lo asin.."
"Max.. kawng awm chhun a ni si alawm.."
"Saw pa sawn min duh lo asin.." a tih chuan a aw chu a khur nasa hle a.. a biang ah ka va dawm a .. a lo paih thla hmak a.. Ka rilru nat dan chu sawi fiah thiam pawh a ni lo, ka tan vawikhat tal a theihtawp a chhuah ka ring a nia
"Max.. i nu lam i tang tih ka hria alawm.. kei hi awm lo ila chuan a fel vek mai ang.." ka ti tham tiak a
"Ka share ka hralh mai ang.."
"A tul lo.. khawngaihin min chhuahsan rawn Max.. keimah a awm ka duh.."
"Bawihte chutiang a ni lo.."
"MAX CHHUAK RAWH.." tap tuau chuan ka ti a.. inbualna pindan lam ka pansan ta a..
.
Ka chhuah leh chuan ani chu a lo awm tawh loa.. ka thinlung hi a kehsawm vek mai hian ka hria a ni. Vawi tam tak min rawn call a, ka chhang lo.. ani kha hmuh leh pawh ka duh tawh lo a ni. Ka hna lam pawh zuai takin ka chhunzawm zel a.. ka eng tih mah ka phur lo a ni. Max chuan vawi tam tak min hmu turin a lo kal a.. mahse vanneihthlak nge vanduaithlak takin ka client te hmu tura ka chhuah lai a lo ni zel a ni.
.
Kar hnih a liam leh hnu chuan Max hnen atangin engmah thu ka dawng ta ngai lo.. a nu duhthusam a ti hlawhtling a nih ngei chu ka ring nghet bur tawh a. Mrs.COrnetti'n a sawi dan chuan Amsterdam lamah a let leh a ni awm e. Keimah ah in tih chak tumin ka infuih mawlh mawlh a.. khang thla thum chhung kan hun hman dun kha a lo tawk viau a ni dawn hi ka ti rilru a.. hei erawh ka hrechiang inhmangaih tur hian kum a kum a lo ngai kher lo tih hi.. nge li chhung ngawt khan a ni kha ka lo nghak ru reng zawk..
.
A hma ni a hall a inneihna hun hmanna tifel turin ka nau pahnih te nen kan kal a.. kan zawh thawkhat avang chuan an ni pahnih chu office lama let leh turin ka ti a.. kei erawh rilru tih thawven nan tuipui kamah chuan thu in ka inngaihtuah a.. ka dar a lo khawihtu awm chuan min ti phu chiang hle a.. ka han hawi let vat a
"Max" tiin ka tho a
"Delphine.. ka tihpalh" tiin nghet takin min rawn kuah a
"Ngatinge min hmu turin i rawn kal leh??" tiin ka mittui rawn tla tur dan tum chuan ka maimichhung vak a
"Ka theihtawp chu ka chhuah ve asin.. ka share pawh hralh tumin hma ka la a, mahse ka nu ngeiin a lo hrechhuak leh si a ni.." a tih chuan ka mit sulh thei.. ka beiseina them te chu tih chhiatin a awm leh ta..
"Anih chuan kal rawh Max.. kan inthlah hlen hi a ngai tawh takzet a ni.." ka ti a
"Ka hmangaih che.." tiin min rawn kuah a
"Keipawn ka hmangaih che.." ka unau, ka thiantha ber leh ka nu leh pa te hnen baka ka sawi ngai loh mihrang daih hnen a ka sawi vawikhatna a ni.. mahse ka chan leh mai tur hnenah ka sawi mek a ni si a..
.
.
Ka office a ka luh chuan sawmna lehkha a lo awm a.. chu lehkha ah chuan ka mittui chu a rawn far a.. ka han thaw hak a.. Ni e, kei chu thingtlang nula khawpui a rawn kal ve mai ka ni alawm.. hetiang ang mi hausa fapa ka lo hmangaih hi ka tihsual lian ber a ni. Mahse, ka hausak ve lohna erawh chuan Maxa buaina ang te.. Maxa nu leh pa buaina ang neih tam loh hlauhna ang ka nei ve lo erawh chu ka vanneihna a ni leh lawi si a ni.
.
Mrs.Cornett leh ka thawhpuite min rawn angin Murcellus lamah ka chhungte bula hun hmang turin ka haw a.. ka chhungte chuan engmah an sawi lo mahse min ngaihtuah a ni tih chu hai rual a ni lo.. a bikin Otes.. engtklai pawn min kawmhlim a tum reng a.. a fate leh a nupui bul ai pawn ka bulah a tal tam hle a ni. Robert leh Mathis te pawh ka ahw avangin kan in lamah an rawn awm rih a.. rilru tawt viau e ti lo chuan an fate leh ka unaupa te chuan min ti lungawi takzet a ni.
.
Zan ka mut dawn chuan a tuk mai a Max nupui neih tur chu ka ngaihtuah a.. ka tap lo thei lo.. ka chhungril hi a rum vawng vawng a ni.. ka tah nasat em avang chuan ka lo in tap muhil a.. zingah chuan ka pindan kawngkhar kik ri chuan min ti harh zawk a.. ka va hawn chuan ka chhungkua, naupang te chen chuan ka kawngkhar bulah an lo ding a..
"Ani.. Sanat Foy de la Grande ah kan picnic dawn" Sally chuan tawng fiah mang lo chuan a rawn ti a
"A ni maw.. bawihte.." tiin ka han pawm a" ka chhungte hian ka nat hi an va phal lo em!!
.
Hmanhmawh takin ka insiam a.. ka huan ngainat em em kei, Max leh Otes te nen a kum nga liam ta a kan kalna hmun lam pan chuan kan chhungkua chuan kan kal a.. he thinlung hi rum vawng vawng mahse min hmangaihtu ka chhungte hmuh a tah kha ka hlauh ber a ni. A hmun kan thlen chuan ka u fate ho nen kan infiam a.. pangpar hmanga ka thil siam sak te chu khim thla kan la ho a.. kan chhungkua chuan kan hlim takzet, kei erawh pawn lam landan choh anih hmel.. chutih laiin ak chhungte pawh hi thinlung tak a an hlim ak ring bik lo.. an fanu leh an farnu neih chhun rilru a na miau a.\
.
Special takin eitur an chhawp a.. zan rei lutuk hma a in kan thlen loh nan thil ei zawh a kal kan tum a.. dawhkan kan kil bial laih lai chuan fiamthu an thawh nak nak hlawm a, naupang thenkhatin eitur an lo inchuh bawk a.. a van chhangchhiatthlak e aw.. Kan thutna piah lawk ka han en a.. kum nga kal ta a Maxa'n ka duhawm thu min hrilh lai chu ka mitthla ah a lo lang a.. thawk ka la vak a, ngaihtuah loh chu ka tum hram hram a.
.
Thil kan ei mawlh mawlh lai chuan
"Max Uncle" Mathis fapa Jordana'n a tih ri chuan min ti phu zawk.. a kawhna lam ka han en chuan Max ngei chu ka hmu a ni.. ka khawng vek!! ka chhungte chu an ding thuai a
"Max.." ka aw pawh a chhuak tha thei lo
"Delphine.." tiin min rawn pan a.. nghet takin min rawn kuah a
"Chibai u.. in thil ei lai kan tihbuai avangin kan tihpalh.. kei hi Max-a pa George Hollande ka ni e.." a hnung a pa pakhat in a tih chuan Max chu ka thlah chiang hle
"Max..enge awmzia??" tiin ka han en a
"Ka pa puihna ka dil a.. inneihna kha cancell a ni a.. resort leh theatre pawh kan nei let  asin.." a tih chuan ka mittui a rawn hnam tiam a
"Ka lawm takzet.. Mr.Hollande.." tiin ka va chibai a
"Nangni naupang ho hian engkim in ti buai tep alawm.. ka fapa hi rawn tlai phei se chuan mi pahnih nun a ti chhe vek dawn a nia.." a ti a
.
Kum nga kalta a hotel bul a thutna kan thut dunna ah ngei chuan kan thu dun a.. a awmah beiin a lungphu ri chu ka ngaithla
"A tir khan i thusawi kha lo awih ila tha tur a nia.." a rawn phun sep a
A hun diktak zawk alawm Max.."
"Mahse, i tah nasat phah si a.."
"I tap ve lo mi??" tiin ka han en a
"Tap tur pawn chakna ka nei lo a lawm.." a tih chuan ka nui hak a
"I pa hi pa tha tak a ni.."
"Ni e.. ka nu hnen atangin thu dik lo ka lo hre tel nen.. mahse, amah hmu tura ka va kal khan min hmangaihna mitmeng kha ka hai miah lo.."
"Maxime.. mi vannei tak i ni"
"Engvangin maw.." a rawn ti a
"Kei ang nula nang hmangaih em em tu che hi min chan dawn si loa.." ka tih chuan a nui a.. duhthawh takin min rawn fawp a
.
.
Inneihna hall bul lawk a Honeymoon Resort hawnna hun ah chuan ka beisei aiin min rawn telpui nasa hlawm hle a.. Hollande chhungkaw hmel ka han hmu phei chu ka lawm takzet. Vawiin ang reng reng a hlim hian ka la awm awm pawh ka hre lo.. ka hmel te chu a ni sarh a.. ka bula ding tlangval hmeltha tak vang pawh a ni mahna.. a tlangval tawh lo tep zawk e..
"Darling vawiin hi kan inneihni ni zawk se.. zanin hian hun nuam tak a hawn nan kan hmang tur a nia.." tiin ka beng bula a rawn phun chuan ka nui chhuak hak a
"A hawnna te chu karleh ah kan nei dawn tho alawm.. kei leh nang hi a hmang hmasa tur ber kan nih tho hi.. lungawi hrih mai la Mr.."
"Lungawi lo mahila tih theih dang ka nei chuang hleinem.."
"Ni e.. tunah chuan hei hi duhtawk mai rawh.." tiin a dar ah ka ban pahnih ka han nghat a.. duhthawh zetin kan infawp a..
.
.
>>>>>>>THE END<<<<<<<