FAN GIRL

(He story hi Durjoy Datta ngaisang ve tu zawng zawng tan ka hlan e)
.
.
"Excuse me Sir" thaw hlawp hlawp chuan ka han ti a
"Puih theihna che ka nei em??"
"Kolkata Literature Festival rawn chhim tur te kha an rawn thleng khawm tawh ti raw.." ka han ti a
"Aw.. Writer sawm bik zingah i tel em ni??" awih vak loh hmel pu chung chuan min han ti a
"Aaaa.. fan ka nia.. Durjoy Datta ka hmu duh a ni.." ka tih chuan a nui hak a
"Fan meet chu a hranin program siam a ni dawn a.. helai chu an thlenna hotel ve mai a nia.. a program neih dan kan hriatpui lo.. Aw.. madam puih theihna che ka nei em??" tiin midang chu a be ta daih a, ngei ru tak chung chuan ka kalsan ta a.
.
Hotel kawtah chuan ka ding reng a.. ka flat luahah ka phei dawn nge ka nuna ka ngaihsan em em kum 28 lek a upa thuziah thiam tak chu hmuh tumin ka nghak ang.. ka nghah a ngaiin ka hria a ni, engtikah nge Kolkata ah hian a rawn kal leh ang tih hriat a ni si loa.. chu mi piah lamah chuan Durjoy hian a fans te hmuhna hun a siam kher angem, lo siam pawh nise heng vai chuhhelh tak tak ho karah ka hmu thei dawn nge dawn loh a hriat si loa.
.
Darkar chanve chhung ka nghak tling tawh.. a lehkhabu chhuah tawh ho ak puar lung chuan a autograph min pek huna ka awmdan tur te ka lo suangtuah, mahni chauhin awm mahila ka nui vur vur mai. A hmeltha tak, a biangsum lang chiang kalh ka hmuh huna ka awmdan hlauh lo tur a inthunun chu ka tum ve hle a.. hmangaihna khurah la tlulut lo mahila hmangaih neih ve chakna min siam tu hi ka ngaisang mai ni lo in ka duh a ni.. Literature Festival kumtin a neih thin Kolkota a nghah a ni dawn tih ka hriat atang khan ka tawngtaina a hming lam tam ber chu he Indian tlangval hming Durjoy tih hi a ni.
.
.
.
Kum 21 a upa niin St.Xavier's College ah Mass Communication and Videography ka kum hnihna tur ka zir mek a, ka college a kal ve tho ka thian pakhat Mizo ve tho nen flat lian lem lo tak inluah tawm in chuta tang chuan College kan kal thin a ni. Ka zirlai ah hian ka tui hle a, nuam pawh ka ti takzet a ni. Ka zirlai piah lamah chuan lehkhabu chhiar nuam ka ti em em bawk.. a thawnthu ah ka tui thei hle a, ka chhiar lai phei chuan ka vei ngut ngut thin.
.
Chung zawng zawng karah chuan a lehkhabu a thawnthu in ziah mai piah lama a ziaktu ka vei tel tlat rawn intanna leh thil thleng awmchhun erawh he Durjoy Datta ziah ka chhiar atrang hian a ni. A novel ziah ka hmelhriat tanna chu 2011 kumtir lam atang khan a ni a, chutih hunlai chuan novel bu li a chhuah tawh a ni. Kum 2008 kum a a chhuah novelist pakhat Maanvi Ahuja nen a an ziahdun 'Of couse I Love You' tih chu ka thiannu ta hawhin ka chhiar a, novel dang ka chhiar te nen a inngaihnawm hleih em em ka hre hran lo mahse ka vei thlawt a ni.
.
Tichuan, a thawnthu ai mah chuan a thawnthu ziaktu pa chu ka chhui ka chhui tan ta a, social media lamah ka theih ang angin ka en kual a, lehkhabu ngaina ho karah chuan a lo mikhual lo hle a.. a bikin thalai te zingah. Chu mai piah lamah hlawhtlinna hrang hrang sumdawnna khawvelah leh a zirna ah te pawh fak tlak khawpin sulhnu a lo nei tawh a ni. Chu chu ka tan chuan amah duh zualna rawn thlentu an ni leh a.. a lehkhabu chhuah dang ho pawh ka chhiar ta zel a. Ka vei tak tak lai phei chuan mail ka thawn nitin a, vawikhat chu a reply ka dawng ve.. chupawh mail ka thawn nawn tlut tlut vang a nih ngei ka ring a ni.
.
Kha tih hunlai khan Home Mission School ah class 10 ka zir mek a, ka zirlai ai chuan khang love story khan ka rilru  a luah thin a ni. Hmeichhe thawveng tak, a ruk a luhlul em em mai ka ni a.. ka bul a tal tam te tan nuihna ka siam nasa thei hle.. khang vang te pawh khan a ni ang, mipa hian ngaihzawn en a min en ngai lo. Ka thian thenkhatte chuan hmeichhe pangai anga awm ve turin min ti fo thin a, mahse enge hmeichhe pangai awmdan chu ni ber ang ka hre lo a ni. Khawvelah hian pian leh hmel, mizia te chen a danglam vek tur a duan kan ni a.. ka mizia engtiklai pawh a bengchheng thei reng, mi tam tak nguina pawh a nuihna tur ka lo la hmu hram thin te khan midang tan mawl tih hlawh fo mahila a eng zawnga thil thlir phet ka tumna a ni thin zawk. Hmeichhe no tak, lei rah chim hlau niawm fahran a kal dem dem ai chuan dak vah a kal hah hah kha ka ngaihsan an ni miau si a ni. Mahse, kha tih hunlai anga ka mizia te kha hunin a liam pui ni mai in ka hre thin.. a chang chuan khang ang engmah ngaihtuah miah loh hunlai ang rilru kha put leh ka chak thei hle  ani.
.
Higher kan kal chho a thian thar ka nei chho a,hmelhriat thar an rawn awm chho a.. a hma a ka thian min hrechiang tak tak ho in min en ang lo tak a min en tu pawh ka tawng chho nual bawk a.. a vawikhatna a tan ngaihzawng pawh ka nei ve a. Inngaihzawnna khawvelah khan khati khawp a invawng fel a ngai tih ka hriatchhuah khan engtinnge an peih zawk le ka ti fo thin. Tin, kei kha zei lo tih piah lama zei lo kha ka ni a.. ka pawnlam landan en mai tu tan chuan mipa pawh be hreh lo, kawm a nuihpui har har thei reng kha ka miau a.. mahse chung te chuan hei hi min hriatchhuah tir zawk a, an ni kha thian ang bakin ka en lo tih kha.
.
Thla hnih vel buaina neuh neuh awm chunga kan inngaihzawn ve hnu chuan ka bialpa chuan min kawp tih ka hrechhuak a.. ka rilru a na lo mahse ka zak!! Ka ngaihtuah let hian ka la nui fo thin.. kha ka bialpa hlui kha school a ka hmuh apiangin rum fahranin ka mel thin kha a nia. Khami hnu atang khan ngaihzawnng pangai tak ka nei ta loa, zei zir nan tih a ka thiante min biak tir ho ah chuan biak chu ka nei ve nual thung. Ka tan hian mipa hi an awm ve ka ring lo hial thin.. min be cheng cheng tu hi  hne lamah an kal a.. induh tawk thiam tak lah 'chapo ve khanglang a' tih in ka en zel bawk thin.. ka tih theih awm chhun chu ka lehkhabu chhiar ngaihnawm tak tak te a changtupa chhelo leh zei em em te suangtuahna a hmangaihna lipui a lo tluk luhpui chu a ni te ber thin.
.
.
.
Ka thiannu call ka dawn chuan ka ngaihtuahna tang chuan min kai harh zawk a..
"Hello.."
"La~la.. i rawn la haw dawn lomi??" sana ka bih vat a
"Ka lo haw dawn chiah.." tih pah chuan motor channa lam ka pan vat a..
.
Darkar khat dawn ka nghak a ka la nghak chhuak  lo zui.. Taxi ah chuan thu pahin ka phone a Durjoy website, twitter, instagram, facebook, snapchat..... ka check vek, nihnih hnu a fans meeting program a awm dawn!!! Hei bak chance neiin ka inhre tawh lo, vawiin lamah pawh ka class hnuhnung ber kal loin a thlenna hotelah ka kal ringawt a ni a, ka thiante laka intihtheih ka chak zek zek em a ni.
.
Fans meeting neihna hmun tur a kal ho turin ka thian thenkhatte nen kan intiam rual a.. a sawi ho ringawt pawn ka tha hi a za vek thei.. engpawh thleng se a lehkhabu ziah ka kawl zawng zawngah hian a hming sign ka nei vek tur a ni ringawt..
"Avantika a rawn kal in ring em??" Jory chuan a rawn ti a
"Khatiang lo sawi suh.." laptop khawih pah chuan ka vin hrak a
"He nu hian a bialpa that zia hi a hre ve a ni chek ang.. a zui peih em mai.."
"Avantika tluka hmeichhe vannei an vang ngawt ang, Kate Winslet nen hian ka tehkhin thin.." Zuali chuan a rawn ti a kan nui hak!!
"Heiii guyss.." Jory chuan a phone en pahin a rawn ti tuar
"Enge??"
"Vawiin program Instagramah an pic a rawn post chiah.."
"A bialnu a tel em??" ka lo ti vat
"Luckily NO!!!"
"Thank God.."
.
.
Fans meeting neihna hmun tur kan thlen chuan mi an lo zi nuai nuai tawh.. thlasik tawp lam, nipui intan lai tak a lo ni bawk nen nisa tawrh a hreawm ngei mai. Kei hian ka duh ve hle emaw ka tih lai hian kei aia over fe fe lo tam zia ka hrechhuak. Durjoya'n dawhsan lam a pan chuan an han te nasa khawp a.. ka ngai thei lo tep mahse ka tlangval hmuh chuan ka rilru a lak pen em avangin an au aia ring chuan ka han au ve tuar tuar a.. 'Durjoy ka hmangaih che..' tiin ka au vel, Zuali chuan min lo nuih nasa.. a van nuam reuh tak!!
.
Autograph sign na hun siam a nih dawn chuan fans ho chu inline turin min han ti a, line hmalam a awm ka tumna lam lutuk ah chuan ka inchhuih palh.. ka bawk thlawp!! ka lehkhabu ken chhuahsa chu a tla darh ta nuai mai.. Zuali chuan min rawn kaih thawh a tum.. 'Zual.. line lo va siam rawh' ka la ti tawk tawk.. ka ke na lutuk chu ka tho thei lawk loa, midang lahin min puih an tum chuang lo.. vai sual ho tak hi chu!! Mahse, a awm ve reng keimah anga duh ve tho an nia lawm le..
.
Ke bai auh auh chungin ka tho a lehkhabu ho chu chhar tumin ka han kun a.. tu emaw hian min lo pui vat..
"Kha le.." Durjoy-a fans meeting program ah mizo mipa maw..
"Ka lawm e.. ka lawm lutuk, chuan khu pawh khu min lo chhar sak nghal.. ka kal vat vat a ngai a.." ka ti zawm zat
"I khup a thi khu.."
"Aaa.. nih hi..  atha mai ang, a vun chhia a pilh mai mai nih hi.." tiin na ti tak chuan ka ner nang a
"A ruh a rawn pawrh chhuak.." a ti sep
"ENGAAAA??!!" ka en ngam lo.. "Engtinnge ni ang??" ka tap tuau
"A vun chhe pilh mai mai nih kha.." tiin a rawn nui seih.. ka van haw tak!! ka hlauhthawn hman dan chu..
"I a mi?? infiamna chi nih loh kha.." ka ti tuar.. kal ka tum a, ka pen chu ka tlu leh ti tih.. ka ke na lutuk chuan ka mittui a rawn ti hnam tiam a
"Tikhan inline ila tum lui a mi a??" a rawn ti leh
"Aw.." ka sawi zawh rual chuan ka thu hnawk.. a na takzet.. ka kawchhung thleng hian a fan
"Damdawiinah ka kalpui ang che aw.."
"Autograph khi ka lak ngei ngei a ngai.. a thiannu hnenah ka lehkhabu ken hi min va pek sak phawt rawh khawngaihtakin.." tap tuai chung chuan ka ti a
"Tunge i thiannu chu?? a hmel pawh ka hre si loa.." a tih chuan ka phone ka phawrh a a thlalak ka hmuh a..
.
Thutna hmun remchang ah chuan min kuah phei a, ka phone kengin ka thiannu zawng tur chuan a kal ta a. Minute sawm hnu velah an pahnihin an rawn let.. ka dam deuh sawng sawngin ka hria.. mahse an nguai dun hmel riau
.
"Tinge??" ka lo ti vat a
"Ka va hmuh chuan autograph an inpe fel tawh.." ka hmelhriat thar pa chuan a rawn ti a
"Sorry aw.. ka zawn dawn che in line ah ka awm laklawh tawh si a.." Zuali chuan a rawn ti a.. ka nguai vek
"Pawi lo.." ka lo ti sep ringawt
"Damdawiinah chuan kal vat a ngaiin ka hria.."
"Ka lawm lutuk.. mahse ka thiannu nen hian kan kal thei mai ang.." ka lo ti vat a
"Nia.. ilo buaipui a kan lawm lutuk.. kan kal thei ang.." Zuali chuan a rawn ti vat a
"A lian angreng sia.. damdawiin thleng tal ka lo kalpui ang che u.." a ti a.. keini pawh chuan hnial zui loin kan kal ho ta a.
.
Taxi a kan chuan lai chuan kan titi ho a, a hming chu Lalnunthara niin Lana tihin an ko thin a, Jadavpur University ah Architectural Engineering kum thumna a zir mek thu leh Lunglei lam atanga rawn kal a nih thu te a sawi a. Ka thiannu in fans meeting a a kal na chhan a zawh chuan a thianten an tihder thu a sawi a.. ke na e ti lo chuan ka nuih a lo za riau a.
.
Emergency ward ah ka thiannu nen kan luh hnu chuan Lana pawh chuan min haw san ve mai a.. ka khup chu a kak mai piah lamah a tha ka sawh na tel a lo ni a, mahse damdawiin awm chu a ngai em loa, vanduai rau rau ah ka lawm phian. Damdawiin awm ngai vaih teh se.. keimah mai ni lo in ka thiannu Zuali ka tibuai leh nasa dawn lutuk  chu ka ngaihtuah ringawt pawn ka huphurh a ni.
.
Kar khat chhung tawp kan flat luah te reuh te ah hun hman ka ngai dawn tih ka ngaihtuah chhuah apiang hian ka tah a ti chhuak.. engtinnge pawn pawh chhuak loin ka awm thei ang, lehkhabu chhiar a movie en tur a awm tih hre reng mahila chhuak thei lo dinhmun a ka din meuh chuan chhuah chu ka chak zek zek.
.
Ni hnih ka tawm chawt hnu chuan ka lo ti thei phian.. ka zirna lam atan a pawimawh ang lehkhabu te ka chhiar a.. suangtuahna khawvelah ka cheng nasa leh hle a ni. Videography hi chu mipa tan chance a that avangin mass communication lamah ka rilru ka thlur bing zawk a.. nakinah chuan anchor lar tak emaw tv show ropui leh lar tak host hi ka chak ber a ni.
.
Zan tir lamah chuan number hriat loh atang in text message ka dawn chu ka han en a.. english hian a inziak a, ka lungphu a ti rang ve det
.
'Miss. Lawmsangpuii, Durjoy Datta fan rihkawl tak i ni tih kan lo hria a.. fans meeting a i chetsual a vang khan pawi kan tih pui takzet che, hun remchang ah Durjoy hmuhna hun siam sak che kan lo tum dawn nia.. i hmu thei lo a nih pawhin a autograph chu pek i ni ngei ang..' ka au thawt mahse awih aiin awih lohna a tam zawk!! a mail atang chuan dawng ila ka hrethiam mahse ka number kher!! Ka thiante min bawl a nih ka ring nghal.. engvangin nge ka bawl let ve mai lo ang ni..
'Chu chu intiamna i tihna em ni??' tihin ka va chhang let
'Aw intiamna a ni e'
'Thei leh si lo se..' tihin ka va chhang let'
'Engpawh a ni mai'
.
Ka nui hak.. min bawltu hi a va aa ve.. official message thawn tur chuan a tlak ve a, a hnu lam a thiam lem lo  anih hi. Ka thiannu chu hrilhin kan nui dun vak vak a, ani chuan be zawm zel turin min hrilh a. Zankhua a kan intext hnu chuan a buai ta telh telh.. A hnu chuan Durjoya representative a nih loh thu a sawi ta nge nge.. a van tlawm hma ve mawle..
.
"Anih tunge i nih??" ka han ti a
"Hmanni ah lawk kan inhmuh kha.."
"Lana maw.."
"Umm"
"Min va tihder zing mawlh mawlh ve mawle.."
"I awih ve thei sia.." a rawn tih chuan ka nui hak
"Ka awih lo.. mahse maw??"
"Umm.."
"Intiamna chu intiamna.." tihin ka va thawn a
"Eng intiamna??"
"I sawi mawlh mawlh khi.." ka ti a
"Mi remchang a hman i hrat hmel hle mai..haha"
"Remchang min siam sak ve bawk em a.." ka va ti a
"Ka tum em em vang pawh a ni lo.." a rawn tia
"Engtinnge ka number i neih..??"
"I la hre mai ang.."
.
Kha mi zan atang khan Lana nen chuan kan intext nasa thei hle a.. sawi tur a haihchham lo bawk a kawm a nuam phian bawk. Vawikhat chu Durjoy lehkhabu ziah ka kawl zawng zawng hawh min dil a, a chhan ka zawh chuan 'intiamna kha' tihin min chhang ringawt. Autograph min neih sa a tumna chu lawm viau mahila a theih ka ring chiah lo ani.. mahse a tum tal a tha alawm tiin ka thiannu College kal tur chu ka thawn a, ani chuan College a a lo kal mai tur thu min hrilh bawk a.
.
"Vawiin khan in inluah a lo kal turin min ti dawn emaw ka tia.." tih a message ka hmuh chuan ka nui suk a
"Chutiang ka lo ngaihtuah miah loa.. bakah helamah ka kal khat iti sia.. rawn hruai tur che in ka chhuak peih si loa" tihin ka va reply a
"I kal tha thei tawh ti raw.."
"Um.. a la kalh deuh a.. mahse karleh atang chuan class a zawm tawh ang.."
"That chu.. i kal dawn ni ah min hrilh rawh aw.."  arawn ti a
"Tehreng mai.."
.
.
"Zual.. ka hmu miah lo nia.." mangang tak chuan ka bag vel chu ka han hai a
"A van mak em em.. engtiknge i hmuh hnuhnu ber??"
"Ka tluk ni kha niang.. mahse ka class kalna bagah ka ak reng zel sia.." ka ti a
"A bo mawni le.."
"College id tello in a luh theih si loa tinge ka tih ang??" ka ti a
"Kan sawi dawn nia.. in HOD in i accident tih a hre tho a..  tah chuan a bo i tia nga duplicate kan siam tir dawn nia.. kan tlai dawn kal phawt ang i kal chak thei si lo.
.
.
College gate kan thlen dawn tepah chuan Zuali chu va kal hmasa in security biak a va tum a.. an bul ka thleng tep tihah ka hma ah chuan pa sang tak a lo ding vauh.. ka hmai zawnah chuan ka id chu a keng then nel nel a..
"Engtin nge??" tih pah chuan ka la thla.. ka han chhoh en a.. a lo nui ver ver. Hmanni khan ka lo chik lo nge vawiin hian ka hmu hmeltha lutuk tlat.. ngo lutuk tih a sawi tur ni si lo hian hmuh a nuam em em a, a mitmeng lian kalh min en reng tu te chu ka hmu mawi thar riau.. chuan hmanni khan tiang em em hian a sang tih ka lo chik miah lo.
.
"Ehe Lana chu.." Zuali'n a rawn tih chuan ka harh chhuak zawkin ka hria
"Engtin nge ka id hi i kawl theih??" ka ti a
"Hmanni khan i thlauh tel a.. kan buai te nuai nuai sia ka lo pek theihnghilh daih che a." a rawn ti a
"Class i nei lo mi??" Zuali chuan a ti a
"Nei e.. i kal dawnah min hrilh rawh ka tih che kha.. ka nghahna che a rei tawh lutuk.." min melh pah chuan a rawn ti a
"Id hi ka zawng alawm.. tinge message ka type hman nga.."
"I lo buai phah viau nimaw.. surprise che ka tum sin le.." a hmui chu a ti sawi zeuh a, za vak loin a lo nui a
"Kal tawh rawh.. class i missed hnem lutuk ang.." ka ti a
"Nih chuan ka kal aw.." tih pah in a hawi let a, a kal ta a
"Lawkk.. Lan!!" ka va ti zui hram.. a lo hawi vat a.. " Ka lawm e.." tiin ka id chu ka keng kang, a ban vaiin a kal leh nghal a
.
"Zual.."
"Umm.."
"A fel ka ti.." tiin ka nui zeuh a
"Nia a chhelo a.. a pian a nalh bawk.. chhuah tawh miah suh.." a tih chuan ka nui hak. Chhuah suh a ti kher chu ka ngaihtuah chiang a min ti hlauthawng vek.. mipa dang ang hian inngaihzawn tak tak hma hian ka zuzi ral pui leh mai mai a ngem le..?? Biak tawh loh chu ka hlau a nih ngei dawn hi.. tiang thil te ka ngaihtuah tak mai..
.
Zanriah ei khamah chuan tih tur awm loh em avangin facebook-ah ka online a.. friend request lo thawn tu chuan ka mit a la riau a profile ka check nghal.. Zuali hnenah chuan Lana'n request min thawn thu chu ka hrilh nghal a.. confirm mai lo chuan ka stalk chhunzawm ta a.. thlalak a dah hnem lo nangin a luck hle tih a hriat. A profile picture zinga pali velah chuan hmeichhe pakhat chiah tag a nei a.. a chas a nih ka lo ring ve tawp chu chuan ka awm a ti nuam lo, confirm ta lem lo chuan ka offline ta a.
.
"Sunday ah i inkhawm dawn em??" tih message Lana hnen atanga ka dawn chu ka chhang vat a
"Aw, ka inkhawm ziah lawm.." tiin ka va reply a
"Ka lo inkhawm ve ang.."
"Ahma in i inkhawm ngai nange??" ka va ti a
"Ngai e.. ka thianpa te biakin ah Catholic ah ka inkhawm thin a.."
"Mizo maw..??"
"Nilo.. hnam dang"
"Ok.. mak ka ti deuh a mawle.."
"In inluah tangin a hla lo ti raw..??"
"Umm hla lo.. min lo tlawh nghal anga.."
"Nia, chu chu ka tum vang zawk nia.." a lo tih chuan ka nui vur vur..
.
.
A vawi thum nan kan inhmuh leh ta.. ka hmuh apiang hian a chhelo zual emaw tih mai tur hi a ni.. smart tak a inchei a inhmeh em em a.. nidanga ka hmuh ngai loh angin a sam chu a ti phir ve nasa hle a, a inhmeh thlawt.. ka lo en leh dauh dauh thin. Banah chuan kan in a a lo len dawn avangin taxi kan chang ho a..
"Bag kha i ta law..??" tiin a bagpack ah chu ka han en a
"Umm.. ni e.. tinge??"
"Mi ta maw ka tia.. ngatan nge ilo ken?" ka han ti a
"I hre mai ang.." a tia a nui zeuh ringawt
.
In kan thlen chuan kan awm hahdam phawt a inthlak hma in ka laptop la chhuakin a duh en turin Lana chu ka han hrilh a..
"Lawkk.." tiin ka kal leh tur chu ka banah a chelh, ka lo mit sulh ringawt
"Enge??" ka ti a
"Zuali.. Video in lo cover lawk rawh.." Lana'n a tih chuan ka hrilhhai telh telh.. Zuali chuan a phone camera a han on a
"Amah hian camera a nei lo mi.. Videography i zir ve sia.." tiin min han en a
"Ka khawih mai mai phal teuh lo.." ka lo ti vat a
"Tun hi i nun a hun chhinchhiahtlak tak a ni dawn lawm.. i DSLR kha va phawrh rawh" Zuali chuan nui uar uar pahin a rawn ti a
"Nih.. va la la.. engee nangni pahnih hii.." ka ti nui nui a.
.
Zuali, camera nen a rawn chhuah veleh chuan Lana chuan ka mit chhing turin min han hrilh a.. enge le hemi te pahnih hi an awmzia le..
"Ah.. 'HOLD MY HAND..'" Lana chuan a rawn ti a
"Maww..." ka tia ka lo nui hakk
"Hold my hand ka tii.." a rawn tih leh takah chuan a kut chu ka zu chelh a.. an ni pahnih chuan nasa takin min lo nui a..
"Meng rawh le.." Ka meng ta.. ka thil hmuh chuh!!! Durjoy-a signature a lehkhabu ziah 'HOLD MY HAND' tih ah chuan ka zuk hmu ka au tuarr..
"Hei hi engtinnge a nih theih?? ka awih lo.. lalpa!!" ka sa vek ka lawm lutuk chu.. A bula lehkhabu dang chu ka han la a..
"OHH! YES, I'M SINGLE..!ah pawh a autograph a awm.." tiin Lana chu ka han en a
"YOU WERE MY CRUSH.. TILL YOU SAID YOU LOVE ME" tih pahin a bu chu Lana chuan min han pe pah a..
"Maw.." ka awmdan a rawn dik lo tep mahse ka inthunun thei hram.. engvangin nge Lehkhabu hming vang mai maiin ka awmdan ka hlohh ang.. "A sign vek a mi??" ka han ti leh hram
"En laa.." a rawn ti a
"NOW THAT YOU'RE RICH!! LETS FALL IN LOVE..hihi tah pawn a awm.. he thawnthu hi ka duh lutuk.." tiin a autograph chu ka han fawp zeuh a
"OF COURSE I LOVE YOU..! TILL I FIND SOMEONE BETTER.. tiin a autograph kawk pah chuan min rawn pe a, ka lo ner nang ringawt.. ka van thing tak a lehkhabu rawn ken chhuah thupui apiang min biakna angin ka lo hmehbel zel..
"IF IT'S NOT FOREVER.. IT'S NOT LOVE" a bu keu pah chuan ka han ti sep a
"SHE BROKE UP I DIDN'T.. I JUST KISSED SOMEONE ELSE.." tih bu chu a hming chhiar pah chuan min rawn pe leh..
"WHEN ONLY LOVE REMAIN" tih ka en pah chuan ka sir a bu dang chu lak leh tumin ka han ban a.. lak pah chuan a bu chu ka han en a
"TILL THE LAST BREATH.." kan sawi rual chiah.. kan in en a kan nui ringawt..
.
"Heii.. in pahnih khan inchhawn inang lutuk.." Zuali'n camera a la la reng chung chuan a rawn ti a.. keipawn ang ka ti.. ka lo nui vak vak ringawt..
"A kim lo..pakhat a la ngai.." ka lo ti vat a
"Lawk aw.." tih pahin kan thutna a han en kual.. lehkhabu pakhat chua  rawn la a ka mitah tak rawn en chung chuan 'SOMEONE LIKE YOU" tih pahin min pe a.. ka lo la vat a
"Engtinnge hei hi i tih theih??" a bu keu pah chuan ka han ti a.. "Ka tluk vel kha i hrilh maw.. Zual hei en rawh Get well soon tih a tel.." ka au leh ta chiam chiam..  ka van over ching cheng tak.. mahse a nuam em a ni.
.
Zanah chuan mut pawh ka mu thei lo.. ka lawm lutuk chu!! khang autograph neih kha a awlsam dawn lo tih ka hria chuan ka tan Lana inpekna hian min tilawm takzet..
"Chuan... enge ka hlawh ang??" a rawn ti a
"Enge i duh.. luch ka treat dawn che mi niang.." ka ti vat a
"Naa.."
"Nge.. i duh duh nimai pizza mi niang.. dominos pizza nge pizza hut.." ka va ti a
"Pizza ka ngaina lo.." a rawn ti a
"Nih KFC ah treat i duh mi?? nge subway ah??"
"I hmui ka duh.."
"Ngaaa??"
"Ka ti tak tak.. muah vawikhat.." nuam ka ti ru viau mahse chhan ngaihna a vang chu ka ti ve hle
"Inngaizawng lo inmuah te chu a.." ka zak leh hnuhnawh.. ngaihzawn ka phut hmel lutuk tlat..
"Ka ngaihzawng i ni duh mi??" a rawn ti a
"Ka fiamthu nih kha..haha.." ka va ti ringawt
"Ka fiamthu ve lo.."
"Enge awmzia??" nuam si hreawm ti bawk si ang khan ka awm..
"Ka bem che tihna.." ka nui hak.. mahse tiang law law hi ka tan chuan a tha zawk
"Message a inbem te chu a.."
"Ha.. nia ti raw.. a nih naktukah ka bem ang che aw hmaichhanah inhmu ila.." a rawn ti a, ka ngaihtuah chiang a ka zam ringawt
"A ngai kher lo.." ka ti ringawt
"Min hnawl tihna maw.."
"Ni lo chutiang nilo.."
"Hehe.. ka hria a.. naktukah chaw ei ah min sawm aw.."
"Haha.. amah ten a rawn in sawm ta vel.." ka va ti a
"I tum si loa.."
"Monday chu ka bang tlai thei sia.. Zuali practical a nei rei thin sia.. pawnah ka ei tawp zel a.." ka va ti a
"Nihchuan kan ei chhuak dun dawn mi??"
"A ngai kher lo.."
"Nih kan pahnih in eirawng kan bawl mai dawn??" ka phur riau chulam chu
"Um pawi chuang lo.."
.
.
Ka phur si huphurh bawk si chu class ah pawh ka rilru ka pe thei lo.. ka zak zek zek hi a ni mai.. Dar 4:30PM ah class kan bang a.. college pawnah Lana'n min lo nghak reng tawh.. min hmuh veleh a lo nui seih.. thakunga a ni ringawt.. ka lai dawn tep tep mahse ka awmdan ka thunun lui hram hram a..
.
"Chawhmeh lei a ngai lo mi??" kan in lam pan pah chuan kan kal a
"Aw.. ngai lo awm sa vek.. artui tawk mai lo mi..haa" tiin ka han en a.. a mitsir a min en pahin a nui zeuh
"I nghal ve tawk e.." a rawn ti a ka lo nui hak
"I va la na awm ve sa hmeh loh chu.."
"Sa lam ka sawi mi??"
"Tak takah chawhmeh tui tawk kan hmeh dawn nia.."
.
Kan intihfai chhung in eirawng a lo bawl tan a, ka zawh hnu in ka va pui ve vat a.. ka tan hian a nawm dan a dangdai ngawih ngawih.. hetiang tak hian mipa bulah nuam tiin ka la awm ngai lo.. sawi tur a van em avangin kan inen a kan nui ringawt zel thin. Kan bawl fel hnu chuan chaw ka chhum a.. chaw hmin hun nghakin kan thu a..
"La~la.."
"Umm.."
"Chhanna chu.." a rawn tih chuan a lam ka han en a.. min en tha ngam lo chuan chunglam a melh daih
"Aih lo ti ta ila.."
"Nghal hun a ni mi??" ka lu ah chuan a rawn kuk fawk
"Aiah.. i van sual ve.."
"Engee?? aw nge aih.. i sawi loh chuan ka haw dawn.."
"Haaa.. i van titau hma em em." ka tia ka nuih lui vak vak
 "AW nge aih.." a lam hawi a min kuai phei
"Hre lo.." ka ti ringawt
"Ka haw.." a tia a tho daih... ka ding a, ka pawt let
"Heii.. lalnunthar.. aw aw aw ka ti"
"Hehe.. sawi a har a mi kha kha.." tiin a rawn hnai a, min kuah thuak.. cooker phit ri chuan min ti phu zawk.. kan nui dun hak a.
.
Ngaizawng nei ngai lo tih takah ka vei huam huam..haha!! Class lak lai thlengin a theih ang angin kan intext a lehkha zir lam a lang mang lo.. kar hnih vel kan inngaihzawn tlin hnu chuan ka thikthu ka pe chhe hlur mai. A hma a fb a ka rinhlelhnu nen khan pic leh status comment na velah an la inbia tih ka hria a.. ka hmuh fuh phei chuan ka na ngawih ngawih zel mahse ka sawi lang duh em em hran lo.. Hmun khata awm e ti lo hian kan inhnaih hran loh avangin inhmuh a har em em lehnghal a kei lah chuan ka thlahlel em em thung si.
.
Vawi khat chu kan awmdun laiin "Durjoy hi ka duh e.." a rawn ti chhuak.. ka nui hak
"A novel pawh i chhiar duh loh khaa.." ka ti a
"A thuthiamna ringawt lo ah hian duhna ka nei lawm.." a rawn ti a
"Engmaw.."
"Bialnu tha deuh min pe a.. khami ni khan a thianten Fans meeting neihna hall ah khan super hero movie thar  50% discount a ticket leina a awm angin dawt min hrilh lo se ka lo kal miah lo anga chuan nang Durjoy Datta fan ruhkawl kha amah vangin i lo kal bawk a.."
"Hah.. dikchiah.. chuan i thiante pawh chu an ti tha tawpp!! bialpa hmeltha leh pian nalh tawk ka neih phah a.." ti pah chuan ka nui har har a
"Chuvang chuan min han fawp teh."
"Hmm.. i phakar.." ti pah chuan ka ner nang a.. ani chuan min rawn fawp thut a.. a hmui hnuaiah chuan ka lo seh thut.. "Ana lutuk Lawmsangpui" tiin a dawm vawng vawng
"Haa.. a na dawn lo maw ka tia.. khawi ka fawp dam leh ang.." tiin a hmui a fawh tum chuan a han hnaih a
"AIH.."
"Ehe.. ka fawh te duh lo vel.. khawi maw.. nih ka en ringawt ang.." ka tih chuan a lo hnai ve mai.. ka han fawp thut a.. "Umm.. dam tam.." ka tih chuan a nui ringawt a, nghet takin min rawn kuah a
.
.
Thla khat leh a chanve kan inngaizawn tlin hnu chuan buaina em em kan nei hran lo a, kan inngaihzawn tirh ang khan keipawn ka thlahlel em em hran tawh lo.. mahse ngai lo chu ka ni chuang lo. Vawikhat chu a cousin a lo zin thu sawiin airport ah te a va lam a.. a inluah ah a thlen nghal thu a sawi a. Ka rilru tak chuan puitling em em a ni lo bawk a inhmelhriattirna min neihpui ka lo beisei a, mahse chungtiang engmah a sawi si lo. A cousin rawn thlenni a tih atang chuan ka message pawh a reply tha hman mang loa, a nau chu chhuanlam ah a hmang ziah bawk thin.. ka lungawi lo ru hle a mahse a haw nga a tha mai ang tiin ka inngaihtuah a.
.
Inrinni vawikhat chu class a awm loh avangin Jory nen kan bazar a.. mall ah kan lut a, darkar chanve pawh kan awm hman lo ang tihah chuan washroom lam kan pan a, hmeichhe washroom pawn a Lana lo ding ka hmuh chuan ka phu zawk.. ani erawh in min hmu lo thung, Jory chu la ding rih turin ka han ti a. Chutah hmeichhe pakhat lo chhuak nen chuan an kal dun ta a, ka nghing lawih.. khanu kha a nihna ka hre lo mahse a hmel leh pian kha hai rual lohin ka hria a ni. Ani kha a ruk a ka thik em em kha a ni.. khanu kha Lana cousin maw?? a ni thei lo.. kha pa khan min bum zawk a ni.
.
Inah ka haw chuan ka mu tawp.. Lana'n min lo text a ka reply lo. Ka vawikhat reply loh ringawt pawh a buai thin kha eng message mah ka dawng zui lo. Ka chhungril atang hian ka rum vawng vawng.. facebookah ka han lut a.. chu nu profile chu ka en a, an bazar dun na an awmdunna pic a post chuai chuai mi tam takin an lo chhaih bawk.. ka bialpa hi a van a tak.. hetiang a min bum theih a ring hi a a lutuk.
.
"Heii.. tho rawh.." ka blanket hlim pah chuan a rawn ti a.. ka mit ka han nuai a, a kham ur mai.. "Tinge nizan ah i tap a mi?? i mit a va bui nasa ve.." a rawn ti a. A thusawi hria ang pawh a awm lo chuan ka tho a, tui ka in a. Zuali chu inkhawm turin a kal daih tawh tih ka hrethiam mai a.
"Ngatinge aa.. tho phang mood off a mi..??" tiin ka hnung atangin min rawn kuah a, ka tal chhuak rang hle..
"Inthen ang.." ka ti chhuak phut
"Maw.. tinge??"
"Dawt hrilh a tan mai mai te, bum a tan mai mai te chuan ka uihawm i ti ve lo a mi??" mittui hnam tiam chuan ka han ti a
"Ngatinge bawihte??"
"Enge ngatinge chu.. i hre zawk lo maw??" ka ti tuar. Ani chuan min rawn hnaih a ka biangah a chul a, a kut chu rang takin ka paihthlak sak a.. "I cousin ni miah lo chu i nau anga sawiin i chendunpui a.." ka ti tham tiam a
"Aw.. kha kha maw.. i thik tih ka hriat avangin a mah ani tih ka sawi duh lo a nih kha.."
"Thudik chu a thup theih i ring chuang a mi??"
"Nia.. ka cousin chu a ni lo.. mahse nau ang chiah a ka en a ni a.. ka thianthaber a ni bawk.."  arawn tih phei chuan ka inthununna ka hloh tep
"OK.. friends with benefit.."
"Min rin hi i tum miah lo a mi??
"Nang ring tur che chuan mi a nih a ngai.." ka ti a
"Ka tihpalh.. inthen ka duh lo.."
"Ka duh vang a then turah che min lo ngai a mi a.."
"Tikhan awm suh.. ramhuai i ang.." min ti a
"Keimah a ramhuai cho chhuaktu hi tunge.. va haw la kha i cousin phuahchawp.. i bestfriend nen khan nuam va chen rawh u.." ka ti a
"LAWMSANGPUI.." a rawn ti tuar.. "Ka tunhma nunah chuan ka lo lerh pawh a ni maithei mahse nang phatsan hi chu ka tum ngai lo a sin.. nia i duh dan chuan ni rawh se.." tiin a chhuak ta a.
.
Ka thu hnawk, ka khawvel kha a thim vekin ka hria a ni. Ka thinlung chuan 'kal suh' a ti a mahse ka chapona chuan liam tir rawh a ti thung. Ka tap nasa lutuk chu ka hmai leh mit te chu ka nuai vung ti tih a.. nilengin khumah hun ka hmang a. Chaw pawh ka ei thei loa ka eng tih mah hi a tui thei lo.. Lana hmel ka hmuh ka hlauh avangin ka fb account ka deactivate a, Ig pawh ka uninstall bawk a.. Zan rei a ka mut theih loh chang phei chuan ka laptop phawrhin Durjoya autograph min laksak min hmuh tir ni a video te chu ka en let a.. ka tap ri te chuan Zuali a ti harh fo a, ani pawn min hnem ngaihna a hre bik lo.
.
Mit bui luk leh lu hai chhu a class kal chu ngaihah neih har teh mah se ka chin dan thanah an chang chho a.. kar hnih chu a tello in ka awm thei tih ka hriatchhuah chuan chak lo tawp ka nih loh zia ka hre thar a mahse ka ngai a ni. Thla khat leh a chanve lek inngaizawng mahila tu mipa hnen atang maha ngaihsakna leh inpekzawhna a hnen atang  khan ka dawng miau si a. A hmeltha tak leh a pian nalh tak te kha.. ka bula a awm a, thlahlel tak a min kuah a lungchim tak a min fawh thin ang a hmeichhe dang a han kuah a, a han fawp tur ka ngaihtuah apiang hian ka thaw hi a chham lo chauh zel.
.
April ni 23 a ni a.. Lana ngai reng chungin ka rilru la pengtu dang a awm thung.. chu chu a tuk lawk a ni 24 a Durjoya lehkhabu thar ber "World'(Worst)/Best Boyfriend" tih chu tlangzarh a ni dawn a ni. Amazon.in ah booking chu ka ti ve a, mahse a tlangzarh atanga ni hnih chhung mai hi chuan ka chan chu ka ring ngam chiah lo a ni. Mahse, heng thil zawng zawng.. thawnthubu te nen lam hian kha Lalnunthara kha min hriatchhuah tir ziah thin.
.
Inah keimahin Durjoya update vel changin ka online a.. keimah hian ka lo hlim ve vur vur.. kawngka kik ri chu chhawnin ka va hawng vat a.. ka thil hmuh chuan min ti phu zawk..
"Lan nangmaw.."
"Um.. thil pek tur che ka nei a.." a rawn ti a.. a rawn lut a
"Enge??" ka tah chhuak chuan min hnawh pup pup.. ka awmdan hloh loh hram ka tum a
"I might be the worst boyfriend.. but from now on I want to be the world's best boyfriend.." tiin Durjoya lehkhabu thar ber WORLD'S (WORST)/BEST BOYFRIEND chu min pe a, chet nachang ka hre lo. Kha lehkhabu a nei thei kha mak ka ti nge a rawn let leh zawk hi tih pawh ka hrethiam lo.. ka hau chuan lehkhabu chu ka en reng ringawt a.. "Heii.. Bawihte.."
Nghet deuhin ka va kuah thut a.. ka mittui a hma a ka lo sum ruk char char chu a rawn dir zawih zawih a.. ani chuan duat takin ka sam chu a lo chul a..
"Ka ngai lutuk che.." ka ti sep a
"Keipawn ka ngai lutuk che.."
.
Inthen hreawm zia kan tem dun a ni bawk a, inthen leh chu kan thil hlauh ber a ni.. Hlim takin kan awmdun a, ani pawn a hma zawng aiin min ngihsak a keipawn chutiang chiah chuan.
.
Zanah chuan inlem thlalak nalh tak tak a rawn thawn a.. "Khawi hi nge nalh ber??" a rawn ti a
"A nude rawng khi a nalh ka ti.. tinge aa??"
"Kan project tur.. chuan kan inneih huna kan in tur nih khi..hehe.." a rawn ti a
"Kan inneih hunah chuan kum5 vel a liam tawh nga.. khi aia tha khian i siam thei tawh ang chu.."
"Ka siam ho khi chu a advance lutukk.. tunah khitiang anga sa thei khi an vang ngawt ang aw..haha" a rawn ti a
"Ni maw.. i van thiam em em chuti.. khi khi kan in tur nih dawn chuan in nuam tak kan nei dawn nih khi.."
"Nia.. chu chu lawm ka duh.. a chung tanga lak ka lo thawn leh ang che aw.."
"Umm.."
.
.
Kan class in workshop an neih dawn avangin keipawh ka inpuahchah nasa ve hle a. Groupa inthenin film tawi thlanchhuah bik hmangin test screening, group screening leh critics screening te kan nei a.. kan la junior ve thawkhat avangin film puitling tak tak erawh kan la khawih loa drama ang a tawi vel lek kan khawih a ni. Bollywood leh hollywood in a chiahpiahna khawvel a cheng tan chuan a endiktu nih chu kan inngaihpawihmawh sawt hle a. Bollywood lam kan thlurbing deuh avangin action lam han en phei chuan awihawm lo a awm ve nual avangin a nuihzathlak duh hle a. He screening neihna a a ti tha thlan chhuah group pahnih te hian sneak preview na ah kan tel thei dawn a ni. He sneak preview ah hian film a part thenkhat a hming pawh la tlangzarh loh.. mipui hma ah pawh la phochhuah loh, enlawkna neih thin a ni a, writer thenkhat pawh sawm an ni thin  ani.
.
Zanah chuan kan group leader Vinesha'n min rawn bia a.. Sneak preview kan tih ve theih tur thu min rawn hrilh chuan ka lawm lutuk chu mut pawh ka mu thei lo. Ka suangtuahna a kal kual leh chiam ta.. Durjoy Datta novel hi film in han siam thei mai ila tih te ka ngaihtuah a keimah in ka nui nasa hle.. 
.
Sneak preview neihna hmun tur theatre lam kan pan a.. mi tlemte an lo awm tawh a. Professor in report kimchang leh feedback tha a mamawh avangin tablet kan inchhawp fur hlawm a. Kan hmuhdan leh ngaihdan leh fuihna kan theih ang ang chuan kan han pe ve bawk a. Hetianga ti ve thei tur a thlanchhuah zinga ka tel ve te chu ka lawm ru em em bawk a ni. Ka chhungte leh Lana pawn a ruk tak chuan min chhuan ve ka ring a ni.
.
Kan zirna lama kan inthlurbing deuh vangin Lana nen pawn kan inbe khat angreng viau a, a test a neih deuh reng avangin keipawn ka tibuai duh bik loa. A thil tih tur pawimawh erawh min rawn hrilh thlap thin. Sunday hi ka nghakhlel thei hle a, kan pahnih a kan awmdun a kan inhmuhtheih hun a nih avangin. Inkhawm ban hnu ah thil min ei chhuah pui fova, kawngah inkai rialin kan kal dun a.. Kan inhmuh a titi na hun akn neih veleh kartluan a kan hun hmandan kan inhrilh a.. a bulah chuan rilru hahna leh buaina te hi a kiam vek thin.
.
October thla kan chuangkai leh ta, Lana nen pawn thla tam fe chu kan inzui tling ve ta reng mai.. ka chhungte hnenah a chanchin ka hrilh tawh a.. ani pawh a unau te pawn min rawn be foa kan hlim chho ve em em a, kan hlim chhoh zel nan ka tawngtaina ah pawh ka thlen nasa thei hle a ni. Vawikhat chu theatre a movie en pui turin min sawm a.. kan inhmuh ve na chance tiin ka lo 'yes' nghal hmak.
.
'Paper Towns' movie ka model duh em em Cara Delevinge channa kan en a.. Lana kut chelhin ka en tui ve hle a..ani erawh chuan keimah min en reng zawkin ka hria. Ngaihsak lo ang chuan ka lang tak na in a hlim loh hmel riau chuan ka hria a. Movie kan en zawh chuan zanriah ei turin hotel lam kan pan dun ta a..
.
"Bawihte.." a rawn ti a
"Umm.."
"Thil hrilh tur che ka nei a.." a rawn tih chuan ka hlauthawng em em ringawt
"Enge??"
"Tun chawlh hian ka haw leh si a ngai dawn.."
"Ngatinge??"
"Ih.. englo ka thiannu kha maw a tha lo lutuk a.." a tih chuan ka lo na zawk
"Engtiang tak a tha lo nge??"
"A cancer.. chuan tunah chemotherapy treatment a la mek.."  atih chuan ka zia ta deuh
"Tinge min hrilh ngai loa.. enge tunah  adinhmun??" ka han ti a
"I thinrim ka hlau alawm.. a haw chhoh hnu lawk khan.. a khup ruh hi na a ti thei lutuk a.. an inentir a, a tir chuan bone tumor turah an ngai a mahse a hnu lawkah an hrechhuak a 3rd stage a lo kai tawh a.."
"A tha lawm i awmpui theih chuan.. hetah engmah tih tur i nei chuang loa.." ka ti a
"I thinrim dawn chuan kal ka duh lo.."
"A rim lo duat.. ka tan i rinawm chhung chuan tupawh i hmu in i be thei..." ka ti a
"Ka rinawm reng ang.."
"Mahse.." ka han ti zeuh a
"Enge??"
"Kha nu khan a duh che ti raw.." ka ti a
"Nah.. awihawm loh.."
"A ni.. anih leh in infawp tawh em??"
"Enge i hriat aa.. tunge thiante fawp ngai.."
"Duat kha nu khan a duh che lawm.." pangchan hmel tak chuan ka han ti a
Ani chuan a awm a min bei tirin "Tupawn min lo duh se.. tumah an lo duh che anih pawn kan pahnih inkar chu a buai tur a ni lo.." a ti a
"Kha i hlawh.." tih pah chuan a biangah ka han fawp zeuh a.. hlim takin kan nui dun har har a..
.
.
Lana a haw hnu chuan ka khua a har hle a mahse lehkha zir lamah rilru pek theihna chance tiin ka zirlaibu ka en nasat phah a. A thiannu chu Zemabawk Cancer hospital a a awm avangin Lana pawh Lunglei a awm rei loin a thiannu chu a va awmpui a. An awmdun avang chuan kan inkar a buai phah loa.. call a kan inbiak loh leh kan intext deuh chawt thin. An pahnih a thlalak te min rawn thawn thin a, a thiannu chu cancer e tilo chuan ka la hmu tha em em tho.. a dang bem tak na in a hmel nu tak te khan chhiatna an neih awm ka hre lo.. nge ka thik lutuk hi amah ah tluk lohna ka zawng zawk..
.
Zankhat chu ka call a, a chhang dawn lo emaw tih tawh hnu hian midangin an lo la a..
"Hello.."
"Hello Lana a awm lo mi??" ka han ti vat a
"La~la nangmah ti raw.." aw chauh hmel tak hian a rawn ti a.. a thiannu a ni tih ka hre mai a
"Aw.. ni e, enge i an a..??" ka han ti ve tawp a
"Ka zia ve chuan ka hria.. Lana chu doctor nen an inbe lawk a.." a rawn ti a
"Aw nih chu.. kinah ka lo call leh mai ang aw.. ilo dam tha zel dawn nia.." ka ti a
"Ka lawm e.. a sawi nasa thei lutuk che a, nitin i hming vawi sawm tal a lam thin ang, i vannei ka ti lutuk.. Oh a lo lut chiah kha inbe ru.." tiin a sawi lai chu a rawn thlak daih a. Lana chuan phone chu chhangin kan inbe chhunzawm ve leh mai a.
.
Zan ka mutna ah chuan Lana thiannuthusawi dan chu ka ngaihtuah let a.. Lana hi a lo duh tak tak a mi le te ka ti hial a.. thian nihna hmingpuin a bulah a lo tal thin tihna em ni ang tiin a ngaihtuah a. Zuali ka hrilh chuan chutiang lama en lui lo turin min ti a.. a chhan chu kha nu khan Lana a hmangaih vaih chuan kei aiin khanu khan ka bialpa hi a mamawh a, ka chan hi chhe tak a nih theih thu chu min hrilh bawk a.
.
Ka inngaihtuah nasa thei lutuk chu hlauhthawnna hian ka khat leh thin.. a chang leh keimah leh keimah chu inhnemin thian alawm an nih.. Lana nen kan thutiam kha ani pawn a bawhchhe loang tih ten ka ngaihtuah lui a.. ni e chu chu a dik chiah a ni. Zankhat chu ka mut tawh hnu ah number save loh hnen atangin message sei tak ka dawng a.. thawnthu emaw ka ti hial zawk mahse a hmasa lama ka hming lang ka hmuh chuan ka chhiar vat a
.
.
"La~la, khawvel a mi vannei ber.. hmeichhe hmeltha leh pian nalh tak, lehkha thiam a fing var em em hian lei mihringah hian awh  anei ve angem le.. tihin ka inngaihtuah nasa thei lutuk. Ani chuan ka nih chak leh ka neih chak apiang a ni in a nei a, ka thil zir chak ber a zir bawk a.. a nui mawiin a sam sei hniang te chu an mawi em em a, kei erawh chuan sam tih tur pawh ka nei ve tawh lo. Ihmaw, kum 16 ka nihin hmangaih hmasa ber ka nei a.. chu chu kan class a mi a ni a, ani chuan Lunglei atangin lehkha a rawn zir a.. a hming chu Lalnunthara a ni , hmeichhe tam takin an atchilh a an be bawk thin kei erawh chu a thian mai ka ni thin. Ngaihzawng a neih leh buaina a tawh a piangin puitu leh hnemtu ka ni thin a.. ka thinlung hian thik mah se ka tan a ruat a nih ringin ka vui ngai lo.. mahse, hei hi ka tawngtaina ah ka thlen thin.. 'tupawh ngaizawng se mahse tumah hmangaih suh se' tih hi. Pathianin ka tawngtaina a chhang a tumah a hmangaih ngai loa, an inthen leh mai thin. Engineering College a a luh dawn khan a bulah zir ve chak viau mahila ka hrisel loh em avang in ka chhungte leh doctor ten a awmna a awm ve an phal loa.. chutiang bawkin ani pawn ka chhungte hlat a ka awm chu a phal bik lo. Hlim takin ka thlah a, nitin..zantin inbe lo mahila ka ruhseh treatment injection ni 14 dan a ka lak ziah te chu ka lak ni tur  a theihnghilh ngai loa.. ka doctor hmuh ni tur leh ka damdawi ei hun a mangnghilh ngai bawk hek lo. A chang chuan min duh ve ten ka hre thin a.. mahse a tih ang hi chu bialpa nilo thian pangai pawhin an tih theih vek an tih loh mai zawk a ni tih ka hrechhuak leh thin.. engkim kha ka beiseina vang vek a lo ni.
.
Zan khat chu hmeichhe pakhat hmeltha a tih em em mai a tawn thu min rawn hrilh a, nat nan em em ka lo la duh lo.. hmeichhe dang a break leh mai theih a nih ka lo ring a. Damdawiin a a hruai thu leh hmuh leh  a chak thu min rawn hrilh chuan be pawp turin ka lo ti a, ani chuan a college id pe let tura kal a tum thu min hrilh chuan id ah a phone number a awm lawm ni ka lo ti a, a text tan ta a. Khami ni atang khan min rawn be tam em em a mahse min gaih vang a ni lo.. luangliam takzet a a luangliam vang a ni.. nitin in La~la tih hming hi a rawn sawi loh leh a message ah a type tel ziah thin chu chuan a hmangaih mai  hlauhthawnna min siam a, ka tawngtai phah fo thin. Mahse, ka hlauhthawn ang ngei chuan a hmangaih ta a.. hmangaih satliah a ni lo.. a hmangaih takzet a ni.. Vawikhat chu checkup tur pah fawmin a awmna hmunah ka zuk tlawh a, a bialnu chu min inhmelhriattir tur a ka tih chuan 'a thik palh ang che nga kan inkar a buai phah palh ang..' tiin min chhan chuan ka na takzet. A ngaihzawng dangte lakah lem ka thian kawnngei ber a nih saw tiin min sawi fo thin si a.. khami ni atang khan a tan thian hlutna ang pawn ka hlu zo ve tawh lo tih ka hrechhuak ta a. Ka haw hnu nithum velah ka ruhse chu nat namen loa na in a rawn chhuak a damdawiin lam kan pan a test kan paltlang hnu chuan bone tumer ka khupah ka nei tih hmuhchhuah a ni a.. mahse a hnu ah thil felhlel awm a doctor ten an hriat avangin test dang ka paltlang leh a tah chuan ka khup ruh a cancer a ni tih hriatchhuah a ni.
.
Tunah hian ka rilru leh taksa natna en chuan kum khat pawh ka tlin ka ring lo.. ka cancer hi a tam zawk phei chuan dam thei tawh lo anga an ngai stage a kai tawh a ni.  Chuvang chuan Lana pawn min rawn awmpui reng a.. Ihmaw ka bula Lana a awm ve hian na reng chung a dam angin ka inngai thin.. ka bulah a awm a, hlim deuhin kan nui dun a.. lehkhabu te min chhiar sak a.. mahse a phone a rawn ri a.. "Lala-i nih hi.." tiin a tho daih a, a rukin ka mittui ka hruk a ngai leh fo thin. Ihmaw La~la khawngaihtakin ka ngen duh che Lana hian min hmangaih thei dawn lo mahse ka la dam hun chhung tawi te atan hian ani hi min pe rawh.. khawngaihtakin. Ka chhungte leh ka tawngtaina pawn a theih loh chu nang hian i ti thei a sin Lala khawngaihtakin ka ngen che a ni. Chuan maw.. Lana hian kei aiin a hmangaih che tih hi ka hai lo mahse maw nangmah ai khan ani hi ka hmangaih zawk a, a nat ka phal ngai lo ang tih min hriat sak hram rawh aw.."
.
.
Ka thaw hak.. ka bing mup mup, Zuali mu tui lai chu ka va sawi harh nawk nawk a, ka message chu ka chhiar tir ta a..
"Ka hlauh ang ngeiin maw.." a rawn ti chhuak a
"Ka chan phal lo asin.." tiin ka mittui tla chu ka hru a
"Ka hrethiam che.. tawngtaina ah thlen ang.." a ti a. Ani chuan tawngtaina a hmang a, ka tap chu ka insum thei lo.. naupang rilru na tap ang mai ka ni..
.
"Zual.."
"Um.."
"A pu in min hrilh thin.. mi tanpui thei dinhmun a i din chhung chuan mi tanpui dilna lo hnawl ngai suh ang che..tiin.. Ka pe thei pek pawh ka duh mahse Lana hi a nat phah dawn a sin.."
"I inchhir lehna tur engmah ti suh aw La~la.." Zuali chuan a rawn ti a
.
Zankhua in ka inngaihtuah Lana hi then dawn i la enge ka sawi ang.. enge ka chhuanlam ang?? Ka zirna a ka chhiat phah thu chhuanlam a hman chu tha berin ka hria a.. chutiang anga sawi chu ka rilruk nghal a.. A thiannu kha ka reply ngei ngai ka hriat avang chuan ka phone chu ka han la..
.
"Ni e, kei aiin i mamawh zawk a.. i bul a lo kal turin ka thlah e.. mahse hei hi keimah theihna angah ngai lola.. i tawngtaina chhanna angah ngai zawk ang che aw. Tin, keimah aia i hmangaih  anih chuan keimah vanga a rilru natna leh tahna te lo hnem la.. i hnem hlim zo dawn lo  anih chuan khawngaihin ka hnenah i lo kir tir leh dawn nia.. chutih hunah chuan a hmaah thingthiin hmangaih reng chung a ka kal tir avangin ngaihdam ka lo dil ang.."
.
.
Nun thar ang hlak a bul tan tha a inhre reng chung hian nunhlui hriatrengna erawh an liam chuang si lo. Nitinin ka ngai a, ka tap fo thin. Ka thian thenkhatte hnenah ka dam leh dam loh thu te, ka zirna a hma ka sawn tawh leh tawh loh a zawh thu ka hriat apiang chuan a awm a bei hle hle chakna in ka khat thin. A chang chuan a phone number leh social media zawng zawng a ka block te chu unblock a biak pawh ka chak thin a, mahse buaina mai a ni dawn tih ka hriat avangin ka insum hram hram thin. A chanchin hriat ka chak a ngaihven erawh a ngaihven ngam lo thung.. Engkim dang zawng aia ka hlauh chu a rilru natna avang hian nunphung pangai a zawh thei loh ka hlau a ni. Mahse, chutiang mi  ani lo.. Ka Lana hriat kha chu mi tumruh tak a ni alawm.
.
A rawn chhuk tawh tih ka hriat chuan pawn ka chhuah apiangin hmuh chak rilru leh hmuh inring tak in ak chhuak ziah a.. hmuh tak tak erawh ka hlau fu thung thin. Vawikhat chu bazar ah chawhmeh lei turin Zuali nen kan kal a.. chulai hmunah amah ang tak ka hmu a.. enchiang tumin ka han thlek dawn a.. Zuali chuan a kutin ka mit  alo hup vat a.. "Kal ang" tiin min kalpui dawr dawr a. Chu mi zan chuan ka tap tlaivar zak a, ka tawrh chhuah theih loh hial ka ring a ni.
.
Mizoram lamah Krismas chawlh hmang turin ka haw chho a.. Lana chu a hma a a sawi ang a nih chuan ni 24 velah bak a rawn haw thei dawn lo a. Ka thlen chhoh chuan ka beisei aiin ka zangkhai viau, mi hmuh hlauh em em na boruak ang kha a bo vek a.. min hmangaihtu ka chhungte bula awm tluk a thlamuanthlak hi a lo awm lo a nih hi. Hetiang reng a ka awm anih chuan ka dik chho viau dawn in ka hria. Zan khat chu Lana thiannu in min rawn bia a, ka that leh that loh te min rawn zawt a.. ka rilru tak chuan keimah a min awm tir hi duhtawk mai se ka ti thin.. ani vang ringawt pawh hian ka na tawk tawh viau si a.. kan ve tur chuan min la sawm ta deuh deuh a.
.
.
Lehkhabu chhiarin hun ka hmang nasa hle a, 2016 rawn inherchhuah tur chu ka phur ru em em a.. chu pawh Jan 21 ah Durjoya'n a lehkhabu thar ber a tlangzarh dawn vang a ni. Krismas leh kumthar vuak vet a zo a, keipawh Kokata a chhuk turin ka inpuah chah chho leh ta a.. ka awmdan tur hi Pathian hnenah ka nghat a ni tawp mai.. engtinnge ka la na zel ang nge hma lam ka pan ve ang ka hre lo, ka tih theih tawh chu a hnen a chakna dil chauh a ni.
.
Jan ni 21 ah chuan Durjoya lehkhabu thar ber 'OUR IMPOSSIBLE LOVE' tih chu tlangzarh a ni a.. Chumi ni chuan a lehkhabu tlangzarh hmasa zawk a Lan'n min surprise te kha mitthla ah a cham reng a, thleng leh se tih rilru pu mahila engti kawng zawng pawn a thleng dawn si lo. Ka tan, ka lehkhabu duhzawng ah ngat a inpek zawh thin em avangin tiin midang kaltlang a pek turin lehkhabu chu ka chah tel sak ve a.
.
Zuali hnenah lehkhabu min pek sak tur a ka tih chuan ani chuan min khawngaih hmel takin "nangman pe la, tunah chuan bihruk reng tum tawh suh.. ani en chung a hmalam pan tum tawh la a hu tawh viau asin.." a ti a
"Nia.. mahse ka thei  angem le??"
"Tum rawh tun hi i tum theih hun a nih hi.." a ti a.. Ka ngaihtuah chian chuan dik ka ti ru hle a, keipawn tum chu tha in ka hria a ni.
.
A flat luah lam panin ka kal a.. a kawngka chu a lo inkalh avangin ka nghak reng a.. thil ka ngaihtuah chiam a, 'Lana hian kei min theihnghilhin hmalam lo pan tawh ta se, kei min hmuh hi a tan thinrimna mai mai a ni ang..' Chu veleh lehkhabu chu a kawngkhar bulah dah chuan ka kalsan ta zawk a. Ni e, ka va inlan khan a natna ka ti zual mai mai thei tlat a ni.
.
Amah hmu loa hun ka hman hi ka tan chuan a tha ber a ni tih nitin ka hre chho a, ani pawh keimah ang tho  anih ka ring.. ka mihringpui te laka hlimna hmuh ka tum tawh ngai loa ka phak tawk erawh chuan mi rilru tihnat loh chu ka tum thung. Chu chu ka tan pawn a tha a a, ka lehkha zir pawh a tibuai lo ber a ni.
.
Feruary ni 23 a ni a, ka thiante nen college kawtah coffee in in kan thu khawm laih a.. vawiin ang ni nikum ah khan a vawikhatna atan Lana hmel ka hmu a ni tih te chu ka ngaihtuah neuh neuh a.. chutih lai chuan Jory rawn au phut..
"Guyss.. twitter check ru"  a rawn ti a, ka phone ka phawrh nghal
.
Durjoy Datta thil post ho chuan min ti phili buai vek.. hetiang hian a post a lo awm a
12:26 PM:'Hii! tun atanga darkar hnih chhung chu ka online reng dawn a ni. A chhan chu nangni ho hi hrilh tur che u ka nei a ni.. #marrymeavantika
.
12:27PM: Hmeichhe pakhat hmangaih em em mai ka nei a, ani chu kan tan a mikhual teh chiam lo @avanttika. A nihna engkim hian min hneh vel vek  ani
.
12:28PM: Kan innei ngei dawn e #marrymeavantika . Mahse, ka mawl em avangin pangai takin inneihpui tur in ka lo la sawm loa
.
12:29PM: Thiante u, in mi puihna ka mamawh a ni.. #marrymeavantika
.
12:30PM: Tunah hian thlawhna ah a chuang mek a.. darkar hnih hnuah leiah a rawn tum dawn a.. khawngaihin ka sawmna pawm tur hian han tur luiin han tibuai teh u.. #marrymeavantika
.
Chutiang ang post hlir chu hmuh tur a awm.. he pa hi chu aw, mi propose dan dangdai tak a van ti em.. inneihpuiah  a sawm thla mawlh mawlh a
.
03:13PM: Tunah khan a call ka dawng chiah a, internet erawh a la hmang lo.. heng thil hi a la hre lo a nih hmel thiante u.. A chhanna ala awm tlat lo..
.
Chumi hnu lawk chuan Avantika chuan paper hla tak a 'Of course i love you..' a hnuai a thinlung lem chhung a 'YES' tih inziak a ken chu a rawn post.. keini thianho chu kan au chiam chiam hi a ni ringawt. Durjoy chuan nupui a nei dawn a nih chu.. Avantika ang a hmeichhe vannei nih ka chak hle a ni.
.
.
March thla kan kai chho a, nunphung pangai zawh chho in ti chung reng chuan ka tha meuh lo  ani a.. March ni 4 lo thleng tur chu ka mi ngaihsan em em Durjoy Datta tan chuan a ni chhinchhiah tlak tak niin nupui a nei dawn a ka tan thung erawh chuan tapin nileng hun ka hmang mai thei.. a chhan chu Lana ka bialpa a ni tan ni champha vawikhat na tur  ani si a. Ani hian min hrechhuak ve tho a ngem le.. min ngai ve angem lee.. tihin ka inngaihtuah a, a number whatsapp a ka block chu ka han unblock a, a hmang tawh lo nge min block a nih hmel..  nge ka number a delete zawk.. engmahhmuh tur a awm lo. Ni e, a awm ve tho a, a tan ka number kawl reng kha tulna a awm lo tlat a lawm. Durjoy hian Lana nen hian min intawn tir a.. a tuk lawk March ni 4 atan pawn hriatrengna min siam sak a mahse ser a ni reng tawh dawn si a.. mahse Durjoy Datta chungah hian lawmthu a sawi lo thei lo a ni.. a lehkhabu vangin ka hlimin ka nui zing em em a, tah pawh ka tah phah fo a.. chu mai nilo in thinlung deng dawt khawp mihring min tawn tir a. A thawnthu ka chhiar avanga hmangaihna khura tlu lut ve chak em em kha, amah vang bawkin hmangaihna awmzia hriattir ka ni si a.
.
Ka phone ri chuan min kai harh chiang hle.. tukverh lam ka en chuan khua a ;a var chang chang chauh a ni.. phak tak chuan ka han chhang a
"Hello.."
"La~la.." Lana thiannu kha a ni
"Aw.. enge ni ta??" ka han ti a
"Ka tihpalh.. ka tihpalh lutuk.." a rawn ti a
"Enge awmzia??" ka ti a
"Ka hma ka sial lutuk avang khan ka tihpalh.. ka tihlim zo loa, a lungaihna chanve pawh ka chhawk thei lo.. ka beidawng a ni.."
"Amah a tha em??" ka lo ti vat a
"Aih.. nizan khan a chau a.. damdawiin ah an dah, ka pawh then ni che u atang khan a tha ngai lo.." a rawn tih chuan ka inperh tho chiang hle a
"Tinge tunah chiah min hrilh??" ka ti tuar a
"Ka siam that theih ka ring a, zankhua in ka inngaihtuah a.. ka tihpalh a ni.. va kal rawh Apollo hospital ah a awm.."
"Aw ka dah.."
.
Rang thei ang berin ka insiam a.. hamnhmawh takin ka chhuak a, a la hma em avangin taxi hman mai tur a vang em em a.. ke in ka tlan ta ringawt a, kawng chanve vel ka tlan hnu chuan Taxi ka phar ding thei hram a,damdawiin lam kan pan ta a.. a awmna cabin zawn hmuh nan minute sawm teh meuh ka hmang a.. ka van hah em, ka lungphu chuan min nghawr dawt dawt a. . Room no.17A chu ka kik dawt dawt a, tuman an hawn loh avang chuan ka han nam a.. a lo inhawng ve mai. Ka hmangaih hmel ka hmu chiah chu tah namen lo in ka tap a.. a hmel dang bem leh cher dawk te chu ka khawngaih em em a.. keimah vang vek a ni. A kut chelhin a khum bula thutna ah chuan ka thu a.. ani chu a rawn che deuh a, ka sam a rawn khawih a..
"Bawihte.. bawihte" a tih chuan a han dak chhuak a, ka hmai phumna khum lai bed sheet chu a  huh dup a
"Happy Anniversary.." tap tuau chuan ka han ti a, nuih za tak hmel a rawn pu a..
"Maw.. sawi tha leh lawk teh.." aw zawi sap chuan a rawn ti a, ka chil chu ka lem ri kalh a..
"Happy Anniversary" ka ti tap leh tuau a
"A va happy lo ve.. sorrow Anniversary tih awm zawk tak hmel i pu lawm le.." nui hak pah chuan a rawn ti a
"Duat ka tihpalh.. ka hmangaih che.." tiin ka thutna atang chuan ka tho a, a awmah ka zuk bei ta zawk a
"Keipawn ka hmangaih che.. engvang mahin, tu vang mahin min hmangaih loh vang a nih ngawt loh chuan min kalsan tawh ngai suh ang che.." a rawn ti a
"Umm.." tiin ka han hawi chhuak a, a hmui ah ka fawp zeuh a.. "Duat vawiin hian Durjoy Datta nupui neihni.." ka ti sep a
"Vaipa hming sawi rik awih loh..haa" a rawn ti a
"I sual.. mahse ka hmangaih che.."
"I sual ve tho a, keipawn ka hmangaih che.."
.
.
>>>>>>>THE END<<<<<<
.
.