KA DUHLAI

 

“Lalruatsang..!!” chu aw fiak tak, ka hmingpum meuh lam satliah mai ni lo a auh a au chhuahna lam chu ka hawi vat a, kei min ko ni ngei in ka ring..

.

“Delhi airport-ah hian ka hmelhriat an awm ve mek a niang maw..” ti a ka ngaihtuahna chu ka thil hmuh chuan a ti tawp chiang hle..

.

Mizo nula ni ngei a lang fit 5’2 bawr vel, ngo veng mai.. a sam a dar chin vel chiah chiah, tih luih ni lo tih hriat fahran a kawi deuh ngiang.. a mitmeng chu a mawi ngei mai, mittui a tling deuh ngiai tih mai loh chu. Chu nula chu tlangval pakhat sang tha ve tawk tak  hma a dingin chu tlangval ban veilam chu a chelh tlat a.

.

“Mawh.. I chiang chiah maw.. I nu vang talin Sangte..” aw zawi sep chuan a ti a

“A tawk tawh ka tih kha.. haw tawh rawh.. I kal a hun tawh dawn a nia..” chu tlangval chuan a ban a chelh chu a dah thlak sak a

“Ngatinge ka beidawn theih miah loh ka hre lo.. ngatinge I lo let leh tur ang a ngaihna ka neih tlat hi ka hrethiam lo..” tap pah ti tih chuan chu nula chuan a ti a.

.

 Chu veleh chu tlangval chuan a awm ah bei tirin a kuah a. Ka kal a hun tawh tih ka hrechhuak thuai a, thlawhna thlawh chhuahna lam panin ka kal ta a.

.

 Thlawhna ah chuan ka thutna tur ah ka thut fel vel awrh hnu chuan midang pawh an rawn lut ve sap sap a, minute thum hnu vel a ka bul a rawn thu chuan ka awm a ti nuam chiah lo.. a mit chu  a bui deuh luk a, a rawn thu chiah a.. a nghen chhan chu ngheng in a mit  a chhing nghal hmak bawk a.

“Hmeichhe mak tak zawng a nih dawn hi..” tiin ka ngaihtuah a..

.

Thlawhna a thlawh chhuah atangin minute sawmhnih ral hnu velah chuan ka bul a thu nula chuan ka kut, kut dahchhan a ka dah chu a rawn hmer vak, ka phu chiang hle.. a rawn thaw kawk a..

“Ruatsang..” a rawn ti chhuak hlawl.. ka hming bawk chu a lam leh mahse keimah ka ni lo tih hrilh ka ngai hran lo

“I tha em??” ka lo ti vat a

“Inhaler..” thaw kawk kawk pah chuan a rawn ti a, a jumper ipte chu zen a tum a ka lo pui vat.. chu tih lai chuan flight attendant zing a pakhat chuan min rawn pan vat a, buaina a awm leh awm loh min rawn zawt a.. ka puih theih thu ka lo hrilh vat a.

.

Ka bul a thu nula khawngaihthlak tak chuan vawi nga vel a inhaler chu a han hip kawk kawk a, a zia ta deuh aniang, a thle zawi ngiai a.. rei lo te hnu ah a muhil a. Ka dar ngheng lo chiah chiahin a rawn thle a, a bu leh lawp thin.. ka tum lawk vang em em pawh ni lo in ka lo veng rang thei hle. Ani hi ka farnu chu nise kha ka hmingpui pa kha a chhan chu engvang pawh lo ni se ka khawih ve khawp ang.

.

Lengpui Airport ah ka tum dawn hnai  tih thupuan a nih chuan ka bul a thu nula chu  arawn zi tal tal a.. ka rilru tak chuan mu thei ka ti hle nge a chau tawngkhawng zawk..

.

“I tha em??” ka lo ti vat a

“Aw.. ka tha alawm.. ka lawm lutuk aw..” a rawn ti sep a

“A ho lutuk, in enkawl I ngai deuh  anih kha.. thi mai tur hmel te pawh I pu lawm..” tukverh lam dak pah chuan ka han ti a, za vak lo chuan a nui zeuh a..

“Nia.. ka hah deuh a, Aizawl khua a mi I nih??”

“Um.. Khatla ah kan awm.. nang??” ka ti a

“Dawrpui Vengthar..”

“Enge I hming??”

“Ruatpuii.. nang??” a rawn ti a

“Aaa.. Muanpuia..” huiii.. hming thar ka in phuah ni ringawt.. Ruatsanga tih kha chu a chi viauin  ka hre lo  tlat  ani.

.

Ka nau in Car in min rawn hruai a, Airport chhuahsanin Aizawl kha chhung lam panin kan inkhalh chhuak leh a..

“Lawk Mama, ding lawk..” tiin ka nau chu ka han hrilh a

“Enge??”

“Saw ka thiannu saw..” tih leh Car atanga chhuah chu ka rual..

“Ruatpui” a rawn hawi vat, a khi deuh seih, thlasik ni sa vin tak chu tawrh har tih hmel takin a kutin a chal chu a han hliah deuh a..

“I kal tawh dawn a mi??” a rawn ti a

“Aw.. I chhungten an rawn hruai lo che mi??”

“Hruai ka ngai hleinem.. taxi ka hire mai ang..” a ti a

“Kan rualin lo kal rawh.. ka nau nen chiah kan nia kan thawl lutuk..”

“Aih!”

“Maw..” nui deuh ti tih chuan ka ti a. Min chhan dan chuan nuih a ti za em a ni.. miin tlawmngaiin puih ka tum a..

“Aih ka ti..”

“Min lo zui rawh..” tih leh a luggage chu lak ka rual a.. car ah chuan ka dah lut a, ani erawh a dinna ngai ah a la ding reng.. hmeichhe luhlul tak zawng a ni e!

.

Minute nga amah nghak a kan thut reng hnu chuan ani pawh chu a rawn phei ve hram a.. a hnung lam seat ah chuan amahin  a thu a. Thlawhna a a tih dan ngai bawk chuan nghenchhan chu ngengin a mit  aching leh vang vang a. Darthlalang chu amah en theih turin ka han kawih rem a, ka nau chuan mak tih hmel zetin min lo thlir reng.. ka kutzungtang pakhat ka hmui zawn a lek kan pah chuan ngawi turin ka han mitmei zeuh bawk a.

.

Enge a rilru ah khian awm chu ka hre lo.. mahse a na tih erawh ka hrethiam. Kha pa khan engvangin nge a hnawl niang le.. ka ngaihtuah nasa lutuk chu ka tum lawk loh tak chuan ka lo thaw lek kawk thin, ka anu chuan ka awmdan chu mak a tih hmel hle a..

.

“In inhau a mi??” Mama chuan a rawn ti a

“Tu  nen maw..??” ka lo ti vat

“Khi I bialnu nen khian..” a rawn tih chuan ka nuih a za hle..

“Hau loe.. a mood a off a nih khi..” ka ti ve mai

“A luhlul hmel ee..”

“Luhlul tak a ni.. a ngaihna ka hre lo keipawn..” ka tih chuan darthlalang lam chu ka en zeuh,  a michhing chung chuan a ding nuih seih tih ka hmu thei a.

.

An in anga a sawi thleng chu kan thlah a.. a luh dawnah a number ka dil a phone a neih loh thu min hrilh. Kei a pawh hi ka lo ti mah mah a ni.. ka khawngaih vang nge ka lerh ve thawkhat vang a dil ka nih pawh a inhrethiam lo. A nih na takah chuan hmeichhe lamah chuan ka zeiin ka ngaihtuahawm loh hle a.. mipa tan hi chuan han sang em em phawt mai ila chuan zei hi hmel aiin ka dah pawimawh tlat, hmel aia zei ka dah pawimawh avang erawh chuan ka hmel a chhia tihna a ni hran lo.. mahse hmel hi chu a ve mai ah ka ngai mipa chuan.

.

Tunlai hmeichhe ho mipa duh chi an sawi vun no nuak an tih ang kha ka ni loa, a mawi tawk erawh chuan ka ngo ve thawkhat in ka hria.. hei ai hian la thim deuh ila ka duh mah zawk a chhan chu duh angin ka lang man lo tlat.. Hna hahthlak em em thawk lo mahila ka zirlai piah lamah in lamah hian ka hah ve thei hle.. kan unau pathum zingah hmeichhia an awm lo a, ka pa lahin mipa leh hmeichhe hna hran a awm lo a ti mauh mai  si .. chhuat nawh, thleng sil, hmun phian, insuk.. hmeichhia in an tih ang zawng zawng hi chu ka ti ve vek thei nau ka pai thei lo ang tih mai lo chuh!! Mahse rinhlelh rual loin chi erawh ka thlah thei, ka chiang a ni.

.

Pachhunga University College ah BA ka zawh hnu in Sound Engineering zirin Delhi ah ka awm char char a, tun hi ka kum tawpna niin ka zo ve hnai thawkhat hle a. Ka zirna institution atangin placement tha tawk tak hmu mahila ka pa in Mizoram lam a keima pual a sumdawnna bul tan turin min duh tlat bawk si avangin ka zawh fel atang chuan Mizoramah lamah ka awm char char tawh dawn a ang.

.

Krismas hmang a haw e ti lo chuan ka chhuak ngai mang lo.. ka nau jam room ah lutin a musical instrument eng eng emaw ka khawih sak deuh reng. Ka thiante hmu tur a chhuah pawh ka phur teh chiam loh avangin tuman min rawn ti lui lem lo bawk a.

.

Vawi khat chu ka nu ka roomah a rawn lut..

“Mama hei hi enga tan nge I ah a??” a thil rawn ken ka hmuh chuan k haihawt zia ka hrechhuak rang hle

“Aw.. van pawi tak.. thlawhna a ka bul a thu ta  ania.. ka ah that sak a ka pek theihnghilh daih..” ka lo ti vat a

“Ashma a nei aniang maw..”

“Anih ka ring..” ka lo ti vat a

“Pek let dan a vang tawh awm..”

“Aih vang lo ang.. Mizo ania..” ka lo ti vat a

“Anih chuan pek let dan ngaihtuah vat rawh.. a man hi a tlawm hmel vak bawk si lo..”

.

In uluk takin darthlalang hma ah chuan ka in bih deuh ngur ngur.. he ti vak a tan ka ngai maw ni le tih ka ngaihtuah. Ni e, ka hmuh tur pawh kha nula te mai kha a ni a, hmangaih a nei a.. a rilru a la na em em zui.. mahse keimah a awm hi amah khawngaihna vang nge hriatchian ka chak takzet a ni..

.

Doorbell rik hnu rei lo te ahnula pakhatin min lo hawn..

“Ruatpuii a awm em??” ka han ti a

“Hetah Ruatpuii’n a awm tih a hrilh che  ami??” mak tih hmel deuhin a rawn ti

“Aw.. ngatinge??”

“Tukin khan an inah a haw chiah..” a tih chuan a sawi awmzia ka hre lo hle

“Enge awmzia..helai thleng hi kan rawn thlah sia Delhi atanga a rawn let ni khan??” ka ti a

“Hetah I lo thlah maw.. thu phawt la..” a tih chuan ka bula thutna ah chuan ka thu a

“Kan rawn haw rual a Delhi tangin.. chuan a inhaler hi pek let ka tum a” ka ti a

“Anih chuan ka lo pe mai dawn a mi??” a tih chuan ka ngawi reng “Englo.. Delhi ah khan thil hmanhmawh thlak deuh tih tur a nei a.. a chhungte bulah pawh sawi loin a kal a, kan unau chiah a inluah kan nih vang hian ka nau a haw ang a sawiin min awmpui tur angin a chhungte  a hrilh a..”  a tih chuan thil chu ka man thiam vek a

“Anih chuan min lo pek sak mai rawh aw..” tiin  inhaler chu ka pe a, a thiannu chuan nuam lo a tih hmel hle

“Ih.. I be tlang thei em phone call in..”  a ti a

“Phone a neih loh thu ka bulah chuan a sawi a..” ka ti a

“I phone number min pe la.. lawmthu tal ka rawn sawi tir ang..” a tih chuan pek pawh ka phur zan lo mahse a inthlahrun hmel em avnagin  ka hmai zah ve deuh a, ka pe ta a

.

Ka rilru tak chuan kha hmeichhia kha ka khawngaih tawh lo.. ka dem letling zawk.. mahni induh tawkna rilru a pu ve miah lo a mi le.. engtinnge amah hmangaih lo tu avangin ram dang thleng thleng a kal phah duh.. kum 24 ka ni ve tawh a, khatiang hmeichhia kha la hre ngai lo.. lo tawng ve pawh ni ila ka nin ve det chu ka ring a ni.

.

Zan dar sawmpakhat a pel deuh awrh tihah chuan ka mutna siamin mut ka tum a.. mahse chicks in min lo text tlat.. kan intext leh rih.. chas nghet ka neih lohna hi kum tel chu a ni ve tawh a. Dik tak chuan Mizoram a awm ngei hi ngaihzawng ah ka nei zel reng reng bawk a, kar hla a ngaihzawng neih hi chu in hmangaih ngawih ngawih tan loh chuan  a daih rei theih mang lo a ni e. Biak han neih loh tawp lai chu ka nei em em lo nangin biak ngawrh bik ka nei chuang lo.

.

Dar 12 a ri tep tih ah chuan whatsapp message ka dawng.. number save loh a tangin..

“Ka lawm e aw Muanpui..”

Hm.. ka hre nghal mai tunge a ni tih.. 

“I phone nei lo chu a mak hle mai..” ka va ti.  Ka send chiah a tul lo ka ti leh hnuhnawh.. engvang a a number min pek duh loh chu la na tlat nge maw ka nih le..

“A pa phone hman loh ka hmang a.. chu pawh a speaker a chhia a,  chu ti ni lo se call in lawmthu ka rawn sawi ang J” a rawn ti a

“Engtin nge phone nei loin I awm theih a.. I ti chhia mi??” ka va ti a

“Pawisa ka mamawh lutuk a.. ka hralh a..” nia ka lo hrethiam leh vek.. kha Ruatsanga kha a hmuh duh vangin a phone a hralh

“I chhungten an hre lo mi??” ka ti a

“Ka ti bo ka ti a.. ka sual ti raw..”

“Umm.. hehe” va ti hmiah.. sual chu ka ti hran lo mahse a thil tih dan chu a tul lo ka ti ve thlawt

“Ka lawm e..lol” a rawn ti

“In enkawl tha rawh aw.. ka mu dawn.. muttui..” tiin ka va mangtha ta a.

.

Ka mangtha ve bawk a.. ka muhil thei lo.. a awmdan mak danglam tak bawk chuan ka rilru a luah, kha pa khan a van phu lo kher em. Dik tak chuan ani kha hriat chian ka chak rual rualin kha pa tan a a thil tih tul lo zet ka hriat kha chuan thinur rukna ka pai tlat zel.. engtinge vawikhat chiah ka la hmuh, ka hmelhriat pawh ni lo thil tih vang a ka ngaihtuahna a buai theih hi ka hrethiam bik lo a ni.

.

Ka tum lem loin a display picture ka check ta fova, a status te chu a rilru natna beh chhan tlat a chhiar ka hrat ta hle.. A thlalak a hmang ngai loa, quotes a hmang nasa hle.. a hman ho lah chu a Ruatsanga tan a ni ngei ang.. a thih thleng a a nghah reng tur thu ngawtin a kur nguai zel.. hmuh nuam ka ti loa a hneawm ka lo ti mahse ka check tih hi ka chhiar hnu leh ka hmuh hnu ah chauh te ka hrechhuak fo thin.

.

Ka nu in chhuak harh ve tur a min tur chhen avang chuan Krismas bazaar turin ka han tei chhuak ve a.. ka thian dawr a pen a len nghal ka tum avang chuan tumah ka sawm hran lo. MC bul a two wheeler parking lot ah chuan ka nau bike ka khalh chhuah sak chu ka han hung a.. ka thianpa dawr a lut turin MC chhung lam ka pan a..

.

“Hei Muanpui..” ka kawr a pawt tu deuh an awm, mahse mipui an tam em avang chuan min hai emaw ka ti a, en lem lo chuan kal tlang ka tum a.. bakah ka hming te chu Ruatsanga lawm.. pen thum vel ka pen san hman ka hrechhuak zawk ka hawi let rang hle.. ka tum tak chu ka hmu lo nangin ka han nuih seih a, Ruatpuii thiannu hmanni a an in a ka va kalna kha a lo ni..

.

“I bazaar  a mi??” ka ti vat a

“Kan haw  phei tawh dawn a.. Lunglei lamah..”

“Aw.. a nih chu, I nau nen em ni??” ka ti a

“Aw.. ni e.. saw Rpi pawh..” tiin a han kawk zeuh a. Ruatpuii chuan fruit beer no hnih kengin kan awmna lam a rawn pan phei a

“Ehe Muanpuia chu.. kha hei in tur tiin” a thil ken chu min han pe a

“Aih.. in ru in pahnih khan..” ka han ti a

“Ka va in tawh alawm.. kha la rawh..”

.

Hmanni a ka hmuh ai thlawt kha chuan hmuh a nuam a ni. A heh chu lipstick a hnawih chhah ni si lo hian a vam ham a.. a vun ngo no tak.. a biang ki lang lutuk loa a hnawih taih ve deuh te chu a inhmeh phian. A mitmeng chu a hma a ka hmuh ang khan a la nalh reng a, mittui erawh a tling tawh lo a.. a eng deuh sarh a ni.

.

“Anih chuan kan kal tawh mai ang aw.. Bawiha’n ngiahzel panin busah ka chuang tawh a tia..” Ruatpuii thiannu chuan a ti a

“I thiannu hming hi..” Ruatpuii en pah chuan ka lo ti zeuh

“Aw.. ni tak, Chhantei.. Lunglei Chanmari..”

“Aw nih Chhante tluang deuhin kal ru aw..” ka han ti a

“Ni e.. min lo tawngtaipui ula..” tiin a kal a.. “E lawkkk Rp” a rawn tlan let leh

“Enge??” Ruatpuii chuan a lo ti vat

“Bus fare tur..”

“A ngai lo Lalchhan.. I ho lutuk, ka thawmhnaw pawh va lak ka ngai hrim hrim..” Ruatpuii chuan  alo ti vat a

“A nuam lo lawm.. chahbi ti bo lo ila I let leh a ngai tawh kher dawn lo si..”

“Enge a??” ka lo ti ha a

“Kan in chahbi ka hmu zo loa.. thenawmte tala leh chahbi kan hmang ringawt a Rpi hian a va kalh tha dawn a..” Chhantei chuan a rawn ti a “Kha la rawh pawisa hi..” a tih zawm zat

“Bike ka keng tho a, ka va hruai mai ang.. tih tur ka nei tawh hleinem..” ka lo ti a

“A ngai lo..” Ruatpuii chuan a rawn ti vat a

“Anih chuan pawisa hi la rawh..”

“Aih..”

“Ka tlai dawn Lalruapui..”

“Anih kal rawh.. kan lo in ti fel mai ang..” tiin a thiannu chu a kal tir ta a..

.

“Tunah mi I kal dawn.. I lei taw hem tala leh chahbi chu..” ka ti a

“Aw.. lei tawh.. keimahin ka kal thei”

“Mahse keimah nen pawh kan kal thei tho a..”

.

Rei ngial kan in thlem hnu chuan a pawm ve hram . Hamnni lawk a hmeichhe mak ka tih em em chu ka bike ah ka phur vauh chu a ni sia.. mak ve reng reng  e. Traffic jam karah ka inhnawh phei pui zel a, a tawpa tawpah chuan kan thleng thei hram e.

.

In chhung a kan luh chuan pindan lamah a thawmhnaw tlem lak tur a ti fel a..

“Thingpui I in duh em Muanpui..” pindan atang chuan a rawn ti a

“Siam a buaithlak  viau loh chuan a pawi chuang lo” ka lo ti a

“Kan siam ange..” tiin a han lum te te a

.

“Khawnge in veng dik tak??” ka ti a.. min chhang lawk lo.. “Ruatpui..”

“oh.. min bia mi??” tiin a rawn phu deuh zawk

“In veng??” ka ti a

“Zarkawt..”

“Ngatinge dawt min hrilh a??” ka ti leh hram

“Kha tih lai a ka thusawi kha engmah ka hre lo..” a tih chuan ka awih lo hle

“Anih Delhi ah ngatinge I kal??”

“Maww..” mak min tih hmel deuh chuan a rawn ti a

“Airport a thil thleng kha ka hmu vek..” ka ti a

“I hmu maw..”

“Umm..”

“Englo.. hnamdang ngaihzawng a nei a.. chuan a chhungte pawh a lakah an beidawng vek a, keimah hian siam that theih ka la in ring tlat a ni..” a mittui rawn hnam chu khap bo a tum nasa hle..

“Mizo mipa in hanm dang maw??” ka han ti ha a

“Aw.. kan thawnthu a sei lutuk..” a rawn ti sep a

“Min la share ve ang ti raw..” ka ti a.. diktak chuan ka hre chak vak lo mahse amah hnaih dan hi ka zawng ni berin ka hria

“I duh phawt chuan..”

.

A thiannu ber a haw takah chuan kawm tur vak a nei bik lo ania nge Ruatpuii chuan min rawn nel sawt em em a.. kan chanchin te inhrilh tawnin kan in ngaina chho hle. Ani hian B.Com 3^rd year Hrangbana College ah a zir mek a.. unau dang tumah a nei loa, duh duh ti a nei thei, fanu duat sual tih hial a sawi thin a ni.. mahse tunah chuan a ni tawh bik lo te pawh a ni mahna..

.

Krismas kan hmang zo a, ka chhuk a hnai leh ta hle.. tih tur a van thin em vangin Ruatpuii te inah ka leng fova, vawi tam tak ka dar nghengin a tap a.. a rilru hah luat vang a a thaw hah ka buaipui chang lah a tam a ni. Ani hian beiseina pek a mamawh hle a mahse tuman an pe thei lo..a nu leh pa te hian hmangaihin ngaihsak hle mah se a tawrh hi an hriat thiampui lo a ni. Kei ngei pawh hian a vai chuan ka hriatthiampui lo a chhan chu engmah min hrilh belh lo miau a.. mahse vawikhat chu ka ngen chiam avang chuan min hrilh chho ta a..

.

.

.

.

RUATPUII POV

.

Home Mission ah class 10 ka zir tan chho ve a, kha tih hunlai a inbiakna tam ber kha chu SMS kha a ni thin, facebook kha hmang chu an awm tawh ngei a, a la lar teh chiam lo thung. Keipawn khawih chu ka khawih ngei a mahse a tangkaina ka hriat loh mai piah lamah  a nawmna ka la pawh tak tak lo. Mahse, kha tih hunlai a high school rap pha chin phone khawih nawmna hre chho ho kha chuan SMS kan hmang nasa in nuam kan ti thei hle.

 .

Chu mi kum chuan SMS group hmang a inbiak kual ve na, GUPSUP tih a hriat chu keini high school kal laiah khan a lar hle a..  mimal in group kan siam a.. SMS hmang bawkin midangin an rawn join a.. Gupsup number a kan thawn chiahin kan group rawn join tute chuan kan message chu an hmu ta thin a. Chung chu kei ngei pawn hmangin hmelhriat ka neih tam phah hle a, tunlai a fb inbiak pawh nan a hmang hoin nuam an tih ang vel khan nuam kan ti thin a ni.

.

Vawi khat chu ka cousin Nunpuia hian min rawn text a..

“Hei hi ka thianpa group lo join ve rawh.. colt_****” tih a  rawn thawn ka hmuh chuan ka join ve vat a, ani chuan private a inbiakna hmangin min lo be vat a, ka cousin chanchin te sawiin kan titi dun a, a hnu chuan number min dil a ka pe nghe nghe bawk a. Kan inkawm chho a, a chanchin min hrilh a keipawn ka hrilh ve a, a hming chu Lalruatsanga a ni a, Chhinga Vengah awmin  St.Pauls ah a lut a, class 10 result a nghak mek tih te min hrilh a kawm a nuam ka tiin kan innel sawt hle a.

.

Vawi khat chu Khatla ah ka thiannu nen kan kal dawn a, ke a kan kal lai chuan lammual gate atang hian ka cousin Nupuia leh a thianpa pakhat inkhel zo hi an lo chhuak a..

“Puii..” Nunpuia chuan min lo ko vak a.. min rawn pan ding nghal a

“Khawnge in kal dawn??” a rawn tih zawm zat a

“Khatla a, a pu te inah.. in haw tlang nghal dawn mi?? ka ti a

“Aw.. kan kal mai.. bye..” tiin an kal ta a.

.

Zan a ka SMS dawn ka en chuan ka nuih a za hle..

“I hmel a la naupang ee..” tih Rsa hnen atangin ka dawng a

“Min hmu tawh ringawt ngawt a mi??” ka ti a

“Vawiin a Nunpuia bul a awm kha keimahh..”

“Tinge in sawi loaa??” ka va ti ka zak leh hnuhnawh!!..

.

Ka mutna ah a hmel chu ngaihtuah chhuah leh ka tum.. ngo vak lo, mitmeng lian kalh, tarmit vuah.. a hmel chu a tha hran lo mahse a mizia ka hriat tawk te nen a nihna awm tur ka rem khawm chiam chiam.. a chhanna chu “Um a pa” tih a ni. Ka thiannu Muani ka va text a,

“Vawiin a kan hmuh kha ka biak thin khaaa”  tih in ka va hrilh..

“Hmm.. a nerd hmel ee..” a rawn ti

“Nerd, Geek, innocent” ka va ti

“Nang pawh khaaa I zei teh chiam loh kha in in awm tawk vel..” a rawn tih chuan ka nui vak vak a

.

Ka han ngaihtuah a kan in awm dawn riau.. keipawn ngaihzawng tih a sawi tur tumah ka la nei lo. Nikum lam khan a vawikhatna a tan bialpa kan senior chiah ka nei ve ngei a lawm mahse ka bihruk san char char thin. Kar khat a tlin meuh chuan bialpa bihruk san rengna nun kha ka hne ve a ni chek ang..  SMS ngatin ka then ta nge nge. Ka then zan chuan a rilru a nat hmel  hle a, ka khawngaih leh hnu hnawh.. ka thiante ka hrilh chuan renew leh mai rawh min ti, engtin nge an in renew leh thin pawh hrethiam hek lo ka ngawi bo ta zawk a.. a kum leh thleng chuan ngaihzawng ka la nei leh chhin ta lo.

.

Class 10 kal chhuak tur te result a chhuak a, keini school lam pawh kan ti tha thaw khat hle a, teacher te pawn nuam an ti dar dar hle. School ban veleh chuan ka thiante zing a class 10 result chhuak ho chu kan result ka zawt hlawm a, Rsa pawh ka zawt tel mahse min chhan danah chuan a ti tha lo emaw ni lee ka ti a..

“Kinah ka hrilh ang che..” a ti tlat

“Tunah ka hre chak a sin..”

“Ka zak..”

“Naa.. ka lakah zah tur a awm lo..” ka ti a

“Diktak chuan a nu a lungawi lo lutuk a.. ka repeat mai thei..”

“I pass na grade tal min hrilh rawh” ka ti a

“First..”

“Haa.. chu chu I nu in a lungawi pui lo amaw??” mak ti takin ka han ti a

“Umm.. keipawh ka lungawi lo..” a rawn tih chuan ka khawngaih hle a mahse hnem dan vak ka hre si lo.

.

Kan inkawm tam chho tial tial a, ka ngaina telh telh.. kan inbiak loh chang te khan ka ngai vawng vawng zel. Inngaizawng ang maiin kan inkawm a mahse inngaizawng erawh kan ni chiah lo. A nundan kha ka ngaisang ru em em a, an unau in pa tel loa a nu enkawl sei len an ni chung pawh chuan an fel in an nu thu an zah thei hle a, eng ang a kan inbiak laklawh lai pawh ni se a nu in thil enge maw ti tur a  a tih chuan chhuanlam engmah siam loin kei min biak lai pawh tawp sanin a ti vat thin.

.

Vawi thum vel chu tum lawk em em loin kan inhmu a, a pa ka ti telh telh a.. a hma a a hmeltha teh chiam loa ka ngaihna te chu a bo telh telh a, ka hmu tha telh telh ni berin ka hria. Ani pawh repeat loin a school kalna ngaiah class 11 a zawm ve a.  Keipawh thla hnih in atang a ka kal hnu chuan ka chhungte hostelah min dah an tum ta a, ka huphurh kher mai. Kum hmasa lam a sawi lawk a ni na chungin ka inpeih lo takzet a chhan chu he ka mi biak thin pa hi ka ngai dawn em a ni.

.

Hostel ka lut hnai tawh hle a, kan pahnih chuan dinhmun laklawh takah kan la ding dun reng a, ka rilru tak chuan min bem se ka ti hle a mahse ama lamah hian tumna a awm loh hmel em em a ni. Ka luh dawn darkar hnih emaw la awmah chuan kan la intext reng a, ka huphurh lutuk hi ka tap lo chauh..

“Ka ngai dawn che e..” a rawn ti a

“Keipawn ka ngai ngawt ang che..” ka ti a

“Ihmaw..”

“Umm..”

“Ka zah theih loh lamah I ngai lo ang ti raw..” a rawn tih chuan a sawi tum chu ka hre chak zek zek hle..

“Engmaw..”

“Ka duh che..” he a thu sawi hi alawm engtik lai mai pawh a ka lo nghah thin chu, mahse a sawi tlai mah mah a ni, darkar hnih pawh kan inbe thei tawh dawn lo. Hostel a ka awm chhung chuan ani biak pawh ngaihna a awm tawh dawn lo..

“Min nghak thei em??” ka va ti ve tawp

“Aw.. lutuk.. lo chhuak leh vat rawh aw..”

“Umm.. ka lo chhuak leh vat ang” tiin ka va reply a.

.

Hostel ka han lut chu in lam ngaihna aiin Rsa ngaihna in min vel tap ta fo mai, kan thawnthu lo la awm tur te chu ka suangtuah reng thin a, engtik lai pawn kangaihtuah a ni ber mai. Ka teddybear chu ‘Archie’ tihin ka phuah a Rsa ka kohna hming in.. tin ka diary ka ziah apiangin ama hnen a ka hun hman dan hrilh ang maiin ka ziak ziah thin.

.

Thla hnih pum hlum ka awm hnu chuan kan schoolah function lian tak a awm dawn a.. amah biak ka chak vang hrim hrim in ka chhungte chu phone ka chah a, camera hman ka duh angin ka in sawi a.. anni chuan camera chah loa phone ka chah chu mak an ti hle anih hmel mahse min rawn thawn ta tho a. Function ah pawh chuan phone battery ka ui avangin thla pawh kan la mang loa, tlaiah chuan amah ka biak chak vangin ka thiante dawr chawl kawi pawh zui duh loin hostel lamah ka haw ta zawk a.

.

Ka phone chu phawrh in ka han text a.. ka nu sim anih avangin ani chuan min lo hre mai loa..

“Tunge??” tiin min lo chhang

“Tunge I rin..??” ka han ti kual te te a

“Sawi la..”

“Rpi..”

“Ehe.. hostel atangin I chhuak a mi??” a rawn ti a

“Aih.. phone ka kawl ru zuai..”

“I lehkha zir ngaihsak ta che..”

“Ka zir tha alawm..  naktukah phone ka thawn let nghal dawn..” ka ti a

“Anih chuan assignment ka ngah lutuk a, ka ti lawk ang aw..”  arawn ti a, ka van haw tak.. ka  ngaih ang hian min ngai ve miah lo a mi lee.. ka ti hial. Mahse a mizia kha  a ni ve reng  alawm, kei aiin a zirlai a ngaihsak ziah.

.

Hostel a ka awm chhung zawng chuan ka inngaihtuah a.. Rsa chu theihnghilh mai tha in ka hre ta a, vawikhat mah a fal a la awmdun miah lo ta chu ka theihnghilh ve chuan ka hria.. a hma a ka awmdan chu nuihzathlak ka ti hle bawk, engvangin a ruk a phone chah khawp khawp ten ka lo biak ni tih ten..

.

Hostel atangin ka chhuak a.. ngaihzawng pawh ka ngaihtuah chhunzawm ngai lem lo mahse Rsa kha chu biak chakna ka nei tlat thin. Vawikhat chu zanah a message ka dawng..

“In lo chhuak a mi??”

“Aw.. tinge.. exam kan zo tawh alawm..” ka ti a. Chu ta tang chuan kan inkawm leh tan a mahse hostel ka luh hma a kan tawpna kha chu chhunzawm a ni lem lo, inhmuh puiah min sawm ngai loa inngaizawng turin min sawm ngai hek lo, kei lah chu kan inbiak rei chuan ka lo duh telh telh mai zel a.

.

Chawlhni vawi khat chu class 9 ka kal lai a ka bialpa ve zuai kha a chas nen a an kal dun kan thianho inkhawm bang chuan kan hmu a, min chhaih vak vak a chu chu Rsa nen kan intext pah reng avangin ka hrilh a.. mak lutuk in a rawn tek vak.

“Ka bulah I ex I sawi leh dawn ai chuan inbe tawh loang..” a rawn ti

“Enge awmzia??”

“Ka thik tih I hria.. min runluih char char a.. mangtha phawt..”

.
Mak ka ti lutuk chu ka thaw kawk.. message vawi thum ka thawn a min reply a, a vawikhatna atan mipa vangin ka muhil thei lo ve  anih chu.. ka tih ngaihna hre lo lutuk chuan ka cell phone ka switch off ve ringawt.. Zingah ka nu in min rawn kaihthawh chuan ka phone ka on, Rsa message engmah a awm lo mahse ka hriat ngai lo atangin message a awm nual. Dik tak chuan he mi hunlai hi ka tleirawl chhoh ti tuai nalh chhoh lai a ni a, betu ka ngah thei hle a mahse ka hriat sa loh chu biak let tumna ka nei ngai lo.

.

Min lo text tu zing a pakhat chuan min rawn call a, kan veng a mi a ni tih a rawn sawi amah pawh chu ka hre ve vat, chu pa chu a felin kawm a nuam em em a.. ka be tha hle bawk mahse ka rilru ah Rsa bak a awm thei lo. Thla khat dawn kan inbiak hnu chuan min bem a mahse mi nghah ka neih thu ka hrilh thin, a hnu kar khat a liam leh pawh chuan Rsa chu a rawn lang thei si lo.. khang hunlai khan zanah ka mu thei ngai loa, ka chhungril hi a rum vawng vawng in ka hre thin.

.

Chutia kan veng a mi in min rawn hel reng hnu chuan Rsa thlah ngaia ka hriat deuh bawk nen Rsa hnenah message ka va thawn a..

“Kar khat chiah ka nghak ang che.. chu mi hnu chuan ka beidawng ang..” tiin, mahse eng reply mah ka hmu lo. Kar khat nghah ka nih hnu chuan kan veng a mi chu ka chhang ta a.. bialpa nei ka ni ta.

.

Ngaihzawng ka neih tuk zanah message ka dawng..

“Ka phone a chhia a, ka tihpalh aw..” kha tih hunlai khan awm ngaihna pawh ka hre lo..

“Tinge I tlai??”

“Engvangin.. engah.. ka lak a I beidawn ka duh loh vang  anih hi..” a rawn ti a

“Ngaihzawng ka nei..” ka va ti a

“Maw.. min fiam suh, hetiang zawng a infiam ka duh lo tih I hriat kha..”

“Ka fiamthu lo.. I message ka nghak ziah a sin..” ka type lai chuan ka mittui a rawn tla a, mipa vang a ka mittui tlak vawikhatna a ni.

“Thla khat chhung khan I message nitin ka nghak ve tho a sin..”

“Khami zan khan vawi engzat nge message ka rawn thawn a min reply duh loh.. chuan ka beidawng ang tih ka rawn sawi hnu pawn kar khat ka nghak che..”

“Hmanni ah ka phone a chhia a.. siam tir na ah ka dah a, I rawn thawn tuk khan ka nu phone ah ka sim ka vuah zuai a ka hmu a mahse rawn reply na tur che engmah a awm lo.. ka nu phone ka hmang ngam bawk si lo.. ka tawngtai char char a sin..”.. ka a zo takngial dawnin ka hria.. ngatinge a hma zawng khan heng ka thu hriat duh zawng zawng hi a sawi loh le..

.

Ngaihzawng nei tan tir ka nih avangin rinawm loh kha ka tum lo bur, ka ngaihzawng thar kha ka duh em em hran lo mahse chhan awm loa a rilru tih nat kha ka tum lo. Rsa hnenah chuan min thlah turin ka ti a, har kan ti dun mahse ngaihzawng ka nei miau si a.

.

.

Kum khat chuang a liam a, ka nun dan pawh a dang chho hle a, ruih zeuh zeuh ka hrat a ngaihzawng pawh ka ngah sawt hle, mahse ka rilru chhungril tak tak ka kawm hi chuan kha Lalruatsanga bak kha ka ngaihtuah ngai lo. Ani chuan min la be zeuh zeuh a, ka that leh that loh thu emaw ka hlim leh hlim loh thu min rawn zawt thin ‘ka tha’ tihin ka hrilh ziah thin a chhan chu a thinlung ka la nei thei tih in hre reng chuang khan  abialnu nen a an inkar tibuaitu nih ka duh lo thin..

.

Vawi khat chu kan thian ho leh ka bialpa te nen kan leng ho a.. rin loh deuhi8n ka bialpa in ka phone  akhawih laiin Rsa message a lo thleng..

“Enge I tih??”

“Ka bialpa te inah ka leng..” tih chuan ka chas chuan ka type a a va thawn..”

“Lerh kawh nu..” tihin a rawn reply, ka nui suk ringawt.. ka thinlung erawh a nui lo chiang a sin.

.

Fb  ah min lo unfriend daih tih ka hriat chuan ka rilru  ana hle.. ani khan min haw takzet  anih dawn hi tihin ka inngaihtuah a.. ka tah phah hial, a ta nih a ka ta ni se ka duh mahse ani ngaihah pawh a rem tawh loa ka tan pawn  arem tawh chuang lo. A zawhte thlalak min thawn te chu ka en a,  a duat theih zia chu ka ngaihtuah reng thin.

.

Class 12 result a chhuak tih ka hriat chuan ka va be hmasa a, a result ka va zawt a.. a ngai te bawkin first a pass chu  alo lungawi pui lo leh a, a nu in a lo hau nasa hle a nih hmel.. repeat a tum thu te min hrilh a kei chuan sawi tur ber pawh ka hre lo.. ho deuhin kan inbiakna chu kan ti tawp ringawt a..

.

Zankhat chu a message ka dawng nawlh, a number te  a lo thlak tawh a.. a bialnu nen a an chanchin an hlim dun zia te chu min hrilh a kei chuan harsa ti takin ka lo sawi phur pui a keipawh ka bialpa nen kan hlim thu ka hrilh.. kan sawi chho zel a, a tawpah chuan min ngaih thu a rawn sawi.. kei chuan ka reply thei tawh lo, min ti na tlat.

.

Hun a liam zel a Mangalore ah Engineering a zir tih ka hre chho a, hmalam a pan zel tih ka hriat chuan ka lawm a ni. Facebook ah ka hmu ngai loa, a number pawh a hmang tawh lo bawk.. nia engkimah min block tih ka hria a ni. Kha mi tum khan a tan a ka lo hnawk sak zia ka in hre chhuak a.. ka hriat miah loh khan a rilru ka lo tin a hle  anih dawn hi ka ti.. mahse ka nat dan hi  a ngaihtuah ve miah lo  a mi le.. Mahse  atan chuan hmeichhe lerh tak kha ka ni miau a..

.

Vawikhat chu whatsapp group pakhatah hian ka classmate hlui hian min lo add a.. engmah tel ve tum lem lo chuan ka mute mai a.. mahse ka thiannu in a rawn sawi chuan min ti phu zawk..

“Siamtei-Sangte khi Rpi chu

Sangtea-Tumaw..

Siamtei-Awww.. I Rpi

Sangtea left”

.

A dp ka en nghal kum khat tal tawp ka biak tawh loh Lalruatsanga a ni.. ahma ang em em kha chuan ka vei tawh loa mahse ka thinlungah erawh hmun pawimawh tak a la chang a ni. A number chu ka save nghal vat a.. Chu ti lai chuan ka thiannu chuan groupah a lo add leh a leave leh hmak..  a add leh hram

“Keiman ka leave zawk ang awm rawh Lalruatsang..” ka va ti a, ka leave nghal a.

.

Min huat zia ka hre chiang telh telh a biak ka tum lo bur mahse nitin a dp ka en ziah.. a chang phei chuan ka en ngawih ngawih thin. Vawikhat chu hike messenger ah ka thiante nen kan inbia a.. ka hike contact list a awm ho chu en in ka scroll thla zel.. ka thil tih chuan min va ti phu chiang em.. Ruatsanga number zawn a add sign ka click palh.. block loh chuan tih ngaihna awm lo.. block ka tum la takin a message ka dawng..

.

“Tunge??” Ruatsang hnen atangin a ni.. block ta lo chuan ka reply a

“Keimah..”

“Tu keimah??”

“Rp..”

.

Kan inbe chho.. he mi zan hian dar hnih pelh thleng kan inbia a.. a tawp lamah phei chuan a inpuang a, ka number kha whatsapp group a min lo add dun khan a lo save ve tho tih a sawi chuan ka hlim ru hle. Nitin zantin kan inbia a, inngaizawng mi tam tak ai pawn kan inbe zing a ni. Kan in ngaih thin thu kan sawi nasa hle a, kan hun liam tawh a kan thil tih ve ve ah kan inchhuahchhal nasa dun hle bawk.

.

Zan khat chu audio a thawn a.. ka download vat a, ka han ngaithla a.. a ma zai min lo thawn, a hma zan a zai tur a ka tih a a intiamna chu ka hrechhuak zawk.. ani hian hetiang khawp a min tih hlim hi ka ring ngai loa.. kan tawpna hi a hma ang a a thlen leh ka hlau takzet a ni.

.

Kar hnih vel kan inbiak reng meuh chuan a hma daih tawh a kan thlen dun tep tep zo mang loa kan kalsan ziah inngaihzawnna chu kan tan ve ta. Kar hla a inngaizawng mah ni ila hei hi ka duhthusam zing a mi a ni ka ti thin. Kan ingaihzawn atangin la hmu leh ta miah lo mahila vawi tam tak hmu a ka ngaihzawn thin te ai chuan ani ka duhna kha  a tam a.. dik tak chuan ka pasal a tan hial a ka duh a ni.

.

Kan inngaihzawn hma pawh a a mize tawrhhlehawm tak a thikthu chhe uchuak lutuk chu nitinin ka tuar a mahse hreawm tihna ka nei ngai lo, min hmangaihna vang ah ka ngai nghet tlat. In hmu lo mahila a thu loin engmah, khawiah mah ka chhuah a thiang lo bawk. Engtik lai mai pawh khan kan inbia  ani mai.. zing a thawh velah min rawn wish ziah thin

“Morning Bawihte.. ka tho chiah..”

.

A insiam lai velin kei ka thawh hun a lo ni chiah a..

“Morning Bawiha.. keipawh ka tho chiah..” tiin ka va reply ziah thin

.

Class a kal tur a a chhauh velah ngei ngeiin

“Bawihte ka kal chiah aw.. ka hmangaih che..muah”

.

Keipawn school kal tur a ka chhuah dawn apiangin

“Ka kal chiah bawiha.. ka hmangaih che.. muah” tiin text message ka dawng ziah thin..

.

Amah a in a luah avangin eirawng ama inbawl vek a ngai a.. a chawhmeh siam ten en lam hian thla a rawn la thlap thlap thin.. nitinin chawhmeh ngai a hmeh ziah a.. a chaw ei tur hi a thlalak a rawn thawn ziah bawk a..

“I hne ve lo a mi??”

“Hei bak ka siam thiam hleinem..” tiin min chhang ve ziah

“I nep reuh..”

“Kan inneih hunah tam tawk I siam mai dawn nia..”

.

A hma a amah ang bawkin lehkha  az la zir peih em em a, a lehkhabu hi ka tluk thei lo ni berin ka hre thin.. ka zir peih lo lutuk chu a rilru a hah thei hle.. min fuih nasa thei lutuk chu ka nuih a za zawk thin. A lehkha zir break a neih apiangin ka ngaihthlak turin a rawn zai ziah a, a thiam thlawt a ni.. hmangaihna beng ni lo atang a ngaihthlak pawn zai hi chu a thiam.. a chang phei chuan ka thinrim leh ka titau min thlem nan ber hian a hmang thin

.

Kan inbe chho zel a, thla hnih chuang chu kan inngaizawng ve reng tawh..buaina pawh a tam chho zel.. zanah chaw a ei chhuak ziah chu ka ngai thei lo thin.. mahse a insawi thiam thei em em a, ring lo pawh ni ila ka rin a ngai an tih ang mai kha a ni.. kar khatah hian vawi li tal chu zan a kan inhauh avang hian kan inthen ziah mahse a rei berah zan khat bak kan daih ngai lo.. zantin deuh thaw amah vangin ka tap a, ani pawh a bang bik lo.. kan inkar kha engvang nge ni tih sawi tur awm si loin a khi a ni.

.

Ka rilru chuan kan inkar chu tih tawp mai tha in ka hre rum rum thin.. ‘Bawite’.. tih leh ‘Bawiha’ tih a la in ko reng si khan rilru natna kan inthlen sak dun reng a. Ka Bawiha tih nat ka hlauh ai kha chuan min tih natna te chu ti tawp tur a ka duhna a tam zawk tlat thin.

.

“Bawiha inthen mai ang..” tih message ka va thawn

“Enga.. tinge chutiang I sawi.. I theih loh kha.. keipawn ka thei lo..” a rawn ti a

“Awmzia a awm tawh lo.. inngaizawng tur kan ni ve lo aniang..”

“Mahse kan inhmangaih hi..” tiin a rawn reply a

“Nia ka hmangaih che..”

“Vawi khat chiah chance min pe rawh.. thla leh a ka rawn haw dawn hi” tiin min rawn reply a.. keipawh chuan then harsa ka tih ve tho avangin ka pawm a

.

A rawn haw dawn zan chuan a haw tlai em avangin kan inhau a.. dik tak chuan hmeichhe lamah chuan rinhlehna tur ka hre lo.. a fihlim tih ka hrechiang, ka ringhlel ngai lo. Amah ngei pawn hmeichhe hmuh tur an awm loh zia a sawi fo thin, mahse ka duh aia min ngaihsak lo anga a lan hian ka na thin a ni.

.

A rawn haw a hun nuam tak kan hmang dun a.. ani then tumna ka neih zawng zawng kha chua  bo diak a ni.. ani hian keimah ah hian engtiang taka a zeina hi nge a tih lan chu ka hre lo mahse ka thlah thei lo a ni. Mahse, kan awmdun chang chuan a hlim vak loa hriatna k nei fova engvang nge erawh ka zawt lem lo thung.

.

A chhuk dawn ni chuan a kal dawnah min lo call a..

“Bawihte ka thlen hunah ka rawn call ang che” tiin min rawn thlah thlap

.

A thlen velah chutiang bawk chuan min rawn hrilh a, a thlen tuk chu chawlhni a nih vangin a chawl hahdam ah a ngai a.. mahse ka ngaih ang ngawt chu a lo ni chiah lo a ni.. a tih dan ngai miah loin ni hnih tawp min be lo.. ka be hmasa khat viaa a mahse ka insum  thei tawh bik lo.. ka va text tawp..

.

“Bawiha”

“Um..”

“I online reng sia tinge min lo biak loh..” ka ti a

“Ka chau alawm bawihte..”

“Mahse phone I khawih tho sia.. I chauh chuan muhil t ache..” ka ti a

“Awle..” a rawn ti a, a out hmak.. a awmdan kha ka hrethiam lo  ni

.

Chumi ni atang chuan kan inbe ta mang lo khatia a awm ringawt kha mak ka ti.. mahse vawikhat chu a text ka dawng ve nawlh

“Bawihte..”

“Umm..”

“Min thlah hi tha zawk in I hre fo ti raw..” a rawn ti a

“Aw mahse ka thei lo tih I hriat kha..”

“Kan inthlah a ngai a ni bawihte.. i hreawmna thlentu nih ka duh lo..” a rawn ti a

“Hreawmna leh hlimna chu kan inpe tawn a ni lawm ni..” ka type lai chuan ka mittui a rawn tla a

“Hman a kan tiam kha ila hria em.. ngaihzawng I neih vang a ka rilru a nat em em kha.. nang hi thianghlim tak a ka nei let leh dawn che a nih chuan keipawn thianghlim takin ka nghak ang ka tih kha.. mahse I tan hian ka thianghlim ve tawh lo..”

“Kan inngaihzawn laiin sex in hmang a ni loa.. I tih sual palh ve a ni mai.. ka ngaidam vek che ka tih tawh kha..” ka va ti a

“Bawihte.. ka tihpalh.. engmah I hre lo, nakin a I nat loh nan a nih hi ka tih..”

“Bawiha a ni lo, keima thiam loh vek a ni ti raw.. I tan ka tlin loh vang ti raw.. vawi tam ka tih nat vang che a ni ti raw..” tiin ka va text a mahse reply na ka dawng lo..  he mi zan hian ka tap tlaivar chiang hle a ni.

.

Ani chuan min rawn biak loh avangin biak ka tum bik lo mahse ka na ve tawk a ni. Vawi khat ka thianpa birthday ah kan kal a.. kan thlalak zing a pakhat  ka thianpa nen a kan lakna bik chu whatsapp dp ah ka hmang a..

“Nice dp.. ka tel lo in hmalam I pan thei ka tih kha..” Sangtea message chu ka dawng a, a reply tur ka type chhungin min block nghal.. rang takin a number ah ka call a, reject listah min dah tih ka hre nghal bawk.. engkim fb ah nen min lo block hman vek.. a van che rang em..

.

A tel loin hun ka hmang ve chho naw naw a, a sulhnu en ka tum leh pawn engkim a thian fai vek hi a ni mai.. vawi tam tak inthiamlohna vangin a indawm kun a, a hming ka ngaihtuah chhuah apiangin ka na thin.. Kum khat  chuang a liam hnu chuan a mah hrechiang  em em tu hmelhriat thar ka nei hlauh mai..

Ani chuan Ruatsanga chanchin ka hriat loh te thlengin a lo hre vek.. hnamdang ngaihzawng a nei a, chu nu ngei chuan a luhkhung tih te…engkimah khan dem ka ni ziah a, ani erawh  alo in thup tang tang si.. chuan a Mizo pui pawh duhtawk loin hnamdang angaizawng kher kher chuan min ti na  ani..

.

Kei chuan ani ka rin em avangin vawikhatmah rinhlelhna ka nei ngai lo, ka mipa tawn tawhah ka rin ber a ni a, tih sual tam tak nei ve thin mahse ani chuan midang angin a sual thei lo ka ti tlat thin.. mahse ka lo hre lo hle a ni, a nihna ka hriat chian chiah chuan a bialnu hlui ka nih avang a nuihzat ka lo hlawh thin tih ka hrechhuak hnuhnawh a.. tin hmangaihna mit a del an tih pawh hi  ka pawm chiah a ni.

.

Vawikhat chu a no.ka dial chhin a a ring hlauh.. mak ka ti hle.. a aw ngei chuan lo chhang mahse ka tawng thei lo.. ka mittui hi ka rawn tla zawih zawih a. Ngatinge haw tur ka nih laiin ka huat theih loh.. amah khawngaihna leh kha hnamdang nu lakah khan a tum miah loa tang angah ka nga tlat a.. chhan chhuah ka duh a ni.. text message chuan ka va bia..

.

“Vawikhat chiah a tawp nan inhmu ang.. chuan I duh duh danin ka awm ang..” ka va ti tawp

“Min rawn pan thei a mi??” a rawn ti

“ A sawt dawn phawt chuan..”

“November 26 ah Delhi ah ka kal dawn a.. chu ta inhmuh I thei chuan..” a rawn ti a

“Ka bulah hun I hmang thei angem??”

“Aw.. I rawn kal phawt chuan..”

“Ka rawn kal ang..”

.

Ka chhungte bulah dawt sawiin ka thiannu Chhantei awmpui a ngaih thu ka sawi a, ka pa hnenah pawisa ka dil a.. ka phone, ka sana leh ka thi ka hralh a, Delhi lam chu ka pan ta a. Ruatsanga nen kan inhmuh chuan ka insum zo lo a hma ah ka tap a, ani chuan a kal thui tawh lutuk thu te.. a chhungten an pawm dawn loh ai chuan rawn haw a tum loh thu min hrilh thung..

.

Ka  rawn haw dawn ni chuan airport thleng min thlah a..

“Keimah min hmangaih thei tawh dawn lo mahla I nu kher chu tina suh..” ka ti a

“Ka tihpalh.. a hma pawn ka hrilh che kha.. ka kal thui tawh lutuk, ka tal chhuak thei loang”

“Mahse ka pui thei che..”

“Bawihte hmalam pan rawh khawngaihtakin..” a ti a

“Anih I hmangaih em kha nu kha..” min chhang lo a ngawi reng.. “Lalruatsang!!” ka vin tuar. Ani chu va din hnaihin a ban dinglam ka chelh a

.

“Mawh.. I chiang chiah maw.. I nu vang talin Sangte..” ka ti a

“A tawk tawh ka tih kha.. haw tawh rawh.. I kal a hun tawh dawn a nia..”  a ban a ka chelh min dah thlak sak pah chuan a ti a

“Ngatinge ka beidawn theih miah loh ka hre lo.. ngatinge I lo let leh tur ang a ngaihna ka neih tlat hi ka hrethiam lo..” ka tah chhuak lutuk chu ka insum thei lo  ani..

.

 Ani chuang nghet takin min kuah a.. min lainat emaw min khawngaih vanga min kuah a ni lo tih chiang takin ka hria  ani.. airport a mi tam tam kar a a hma a tap a ka din kha a zak a ni..

.

.

.

>>>>>>>>>>>>>>>*****<<<<<<<<<<<<<<<<<

“Ka hming Muanpuia a ni lo..” ka ti a

“Mawhh.. tumaw..??” a mit a mittui hruk pah chuan a rawn ti a

“Ka hming chu Ruatsanga..”

“Tunah hian min fiam a mi??” a rawn ti a

“Aih.. airport a ring tak a a hming I auh vak khan ka thlir reng che u alawm.. amah vang khan I na tih ka hre bawk a.. chuan thlawhna a I tawngvaih khan a hming I lam reng bawk..” ka ti a

“Chu vang chuan maw I hming dik tak I sawi duh loh..”

“Um a tih nat belh che ka hlau a..”

“Ka beidawng a ngem??” a rawn ti a

“Aw..” tih chiah in ka chhang, sawi tur dang ka hre hlawl lo a ni

.

Tih tur a neih leh neih loh ka zawh chuan a neih loh thu min hrilh a, ka thianpa te recording studio a ka lenna ah ka sawm a, a lo ‘aw’ ve mai. An inah nise tumah kawm tur em em a nei loa, a college thiante bak thian a nei vak lo tih ka hriatthiampui avang hian a bula ka awm chak piahg lamah lenpuiah ka sawm ve fo  ani..

.

“Tiang hi mi I din tur chu??”  a rawn ti a

“Hetiang mai bakah Sony, Casio,Dunlop,Gibson  multi brand showroom ka hawng ang..” fiamthu chuan ka han ti a

“Music ngaina mi hi ka ngaina.. eeh” nui hak pah chuan a ti a, chu thusawi chu a inhmeh loh em avang chuan ka en phawk hra a.. “Enge?? I sual ee..” a rawn tih leh ngat phei chuan a duhawm zual

“Tunge music ngaina chu??” ka ti a

“Ruatsanga” a ti a..

“Tu Ruatsanga” ka ti leh a

“Ruatsanga hmeltha deuh leh pian nalh deuh leh pa deuh..”

“Tu Ruatsang hmeltha deuh leh pian nalh deuh leh pa deuh..??” ka ti leh hram

“Hmm.. nangmah tih I phut em mai.. nangmahh..” nui ar ar pah chuan a rawn ti .. ka nui hak. Ka ngaihbel nge ni, a kiang a ka awm tam atang hian a tap khat riau a ka hriat.

.

February thla kan chuang kai a.. Ruatpuii nen chuan kan inbe nasa telh telh a, a chang chuan min duh ve nimai hian ka hre thin.. mahse a ni thei lo, a thinlungah Ruatsanga hmasa zawk a awm tlat a ni. Vawikhat chu an thiannu birthday lawmna a kal ve turin min sawm a, a bula kal chu ka chak viau mahse ka han hnial a.. a thiannu hial min rawn sawm tir avang chuan ka lo ‘aw’ ve ta a..

.

Chaw ei kham hnu chuan intur an rawn la khawm a, soda chu Ruatpuii chuan a in ve duh mai ka rin avangin ka han thlit a.. ani chuan no chu a lo la vat a..

“Heii Rp I in dawn mi.. I in tur thei tui lo lak ka tum a…” a thiannu chuan a rawn ti a

“A pawi lo.. engmah ni lo ang..” Ruatpuii chuan a lo ti vat a

“Enge aa..??” ka lo ti a

“Caffeine ka allergy a..”

“Nih chuan in suh..” awi ka sawi zo hman lo, a la tlak ang pap a.. ka en ang phuau ringawt

“Engmah nih loh kha..” a ti a, an nui dar dar..

.

A thiante titi kan ngaihthlak tui lai mek chuan ka dar nghenin a rawn mu zawi ngiai aa.. a chau pangai ah ngaiin ka dar ka nghen that tir, rei pawh min nghen hman lo tih ah chhuatah a bu thla lawp.. ka van hlauthawng chiang kher em.. thawk a harsat tih hriat takin a awm chu a rawn in sep leh thin, a inhaler in awmzia a neih thui lem loh avangin nebuliser kan han hman tir a, a thawk erawh a zia mahse a rawn khawng dawn ti tih mai avang chuan damdawiin lam kan pan pui ta a.

.

Damdawiin ah chuan oxygen an lo pe vat a, ani pawh chu thawk pangai in a thaw ve leh ta.. hetiang em em hian ka zam thei a ni maw ka tin hial a ni. A chhungten haw tur a min tih tlat a vang chuan dar 10 velah kan in lam panin ka haw a. Mut ka tum a, ka thei lo.. ka ngaihtuahna a ta  Ruatpuii chu ka chhuah tir thei lo.

.

A tukah chuan a hma thei ang berah damdawiin ka va thleng.. a cabin a ka luh chuan a phone melh pahin a lo khi vur vur.. nizan a min tih thlaphan zia ka ngaihtuah chhuak a ka thin a rim rum rum..

.

“Tunge I biak aa??” ka ti lut a

“Hei en la..” tiin a phone min hmuh, Barbie games a lo khel lek chu niin

“Ngatinge I nuih reng a??”

“Engee.. I mood van fuh loh hmel, ka nui ringawt pawh I thinrimpui mi??”  ner nang chuan a rawn ti a, a va han duhawm chiang em

“Ngatinge nizan khan I in luih a??” ka ti a

“I thli sia..”

“Min puh tihna maw..”

“Um..” tih pah chuan a phone chu a khawih mel melh

“Dah tehhh..”

“Um.. e ruatsanga in hrilh a mi damdawiin ah ka awm tih??” a rawn ti a

“Maw.. kei chuan engmah ka sawi lo..”

“Min lo call a..” nui vur vur chuan a ti a

“Hei vang hi nimaw I lo hlim em em..” ka tih chuan a aia nasa in a la nui vak vak zui a, ka nuih let ve tawp.. ka thinlung chhungril erawh a nui lo hle..

.

Nurse a rawn kal a.. Ruatpuii chu a lo ner nang..

“Kha kha ti raw ruih theih kha..”  a lo ti vat a

“Aw.. ni e, I peih vak lo mi??” nurse chuan a ti a

“Ka awmdan video in la tawh lo ula..”

“Kha.. I thainpa in a veng dawn che law..” nurse chuan  a han ti a

“Ruatsang lo va chhuak rawh heath min jection dawn a..” Ruatpuii’n a tih chuan ka chhuahsan ta a

.

A nu nen kan awmpui a, ani erawh a muhil bawrh bawrh thung a, a nu chuan an chhungte mikhual an rawn thlen dawn thu a sawi chuan lo va haw turin ka hrilh a..

“A damdawi kha a ruih a na reuh lutuk a, kalsan miah suh aw..” tiin min thlah a

.

A mu lai chu ka thlir reng, ka lam hawiin a rawn inlet a,  muhil reng chung chuan a nui vur vur..

“A van zahpuiawm reuh tak..”

Nurse rawn lut thawmah chuan a harh ve deuh a, mahse a muhil lehnghal..  mahse a chhuah leh khawnka khar thawmah chiang takin a rawn meng a

“Enge I mumangah I hmuh??” ka lo ti a

“Ruatsanga..” rang mang khengin a rawn ti

“Tu Ruantsanga..” ka lo ti leh hram.. a tu hi nge maw sawi tur a ka beisei ni, amhse thil pakhat ka rinhlelh tlat thin chu a Ruatsanga kha Bawiha, Rsa tih emaw  Sangte tih bakin a sawi ngai lo kei erawh Ruatsang min ti thin

.

 “Ruatsang..”

“Umm..”

“Mi pahnih a rualin a duh theih em??” A rawn ti chhuak hlawl

“Ngatinge??” ka lo ti a

“Anu min lo call sak teh a..” a ti a, keichuan ka call sak ve mai

.

“Nu.. a pa nen iningaihzawn laiin midang duh I nei em??” a nu a biak dan chu mak titakin ka lo thlir reng..  a damdawi kha a rui chiang tak meuh a ni..

“Ka rilru ah a awm a..” tiin phone chu a dah leh mai a, zawi ngiai chuan a mu leh a

.

“I nu in engtinnge a tih..??” ka lo ti a

“Ka hre tawh lo..” tih chiah in min chhang a, a muhil leh mai a..

.

February ni 26 ka chhuktur  ni chu nikhat chiahin a dang  ta.. thla hnih hnu ah haw leh nghal tur ka ni tih in hre tho mahila a hreh hian ka hreh ngawih ngawih.. nidang chu nise ka phur viau tur a ni a mahse Ruatpuii kalsan hi ka hreh a ni.. a ni pawn a huphurh hmel ve hle a ..  Ka chhuk dawn avang chuan kan in lamah thianten chaw an rawn ei ve a Ruatpuii pawh a lo tel ve nghe nghe.. enge a nih chiah chu ka hre lo mahse kan pahnih kha a hran ve ve khan kan hlim lo  ani..

“Ka ngai dawn che e..” lai deuh ti tih chuan a rawn ti a

“Min ngaih chuan lo chhuk ve daih la.”

“Tu emaw tan pawn I tih tho kha..” ka ti zeuh a

“Nia a atthlak pawh I tih reng kha..”

“Ka tan ti ve la a attlak miah lo ang..” ka ti zeuh a

“I hma I sial lutuk..” nui pah chuan a ti a

.

A phone a rawn ri a.. ani chuan a chhang vat a..

“Nizanah ka sawi tawh kha.. chuan ka tihpalh..” a tih chuan tunge  abiak niaang aw tiin ka ngaihtuah a

“Inngaihzawnna ah chuan inchawm tawn hi a sin pawimawh.. I rilru chhiat vang chiah a nih kha..” a la ti ta deuh deuh..

“Aw.. ka na tam tawk tawh.. ka tihpalh..” tiin phone chu  a dah a

.

“Enge ni ta??” ka lo ti vat a

“Sangtea..” a ti zeuh a.. a biak dan chu ka awih lo zawk.. ka awm laiin vawi tam a be fo a, khatiang khan ala tawng khum ngai lo.. a tlawm ngawih ngawih kha ka lo na thin zawk  ani..

“Enge awmzia..??” ka ti a

“Zin chhuahpui ah min rawn sawm.. a zak lo ti raw.. remchang a tan bak min hman a tu ngai lo..” a ti a, a tap tepin ka hria

“Nia.. mahse a hma ang reng I ni tawh lo tih tal I lantir alawm..”

“Tu emaw midang duh ka nei tih ka hrilh a, chumi vang chauh chu..”  ati a

“Tu??” ka lo ti vat a

“Tumah..” tiin hmundang a hawi daih..

.

“Ruatpui..”

“Um..”

“Thil ka zawt ang che aw..” ka ti a

“Um..”

“Engtiknge pasal neih I tum??”

“Naa.. kum 22 chiah ka nih hi.. chutiang te han in zawh..” a ti a

“Anih maw.. I Bawiha kha I nunah lo lut lo ta se min duh ve tho angem??” he thu ka sawi chakna hi a rei tawh lutuk..

“Maw..”

“Nakin a inchhir ka duh loa.. hnawl ka ni dawn a nih pawn.. kha zawhna kha ka lo zawt lo a nii.. tih ai chuan theihtawp tal ka chhuah a alawm tih a inhnem theih ka duh vang a ni..” ka ti a

“Hei chiah hi a mi I theihtawp chu..”  arawn ti sep a

“A bultan na chauh..” tiin a biang chu ka han chul a

“Theihtawp I chhuah ngat phei  chuan duh lo  teh mah ila ka inveng zo dawn lo a nih hi..” min rawn en pah chuan a nui seih a, a van hmeltha kher em..

“Anih zanin hian theihtawp chhuah ta i la..”

“Aih a ngai lo..” tiin a lu  a thing a

“Engvangin maw..??”

“Ka duh che lawm Sangte..” a rawn ti sep a

“Enga.. Sangte aa??” ka ti ha a

“ Aih Bawiha ka duh che..”

“Bawiha??” ka ti vak

“Aih nilo ka duat ami.. ih Ruatsang..” a ti  bah nuai, ka nuih za chu ka insum nasa hle

“Adang..” kan ti lui leh kher

“Duat..”

“A la dik lo..” ka han ti leh hram

“Lalduhawm.. lalhmeltha.. Duhtak.. Duhalai.. ka duhlai..”

“Aw.. ka duhlai”  ka tih chuan a nui vur vur a..

.

A hmui chu dim takin ka han chul a.. ka hmui chuan a hmui chu ka zuk hnai telh telh a.. a mit chu chhing a rawn dak ve arh a.. khawvel  a hmui ka tem tawh ah a la tui ber hial ang.

.

Ka duhlaii mak danglam zia chu nitin ka hre telh telh a, ka duhna a ti zual telh telh thung.. thla hnih chhung inhmu thei dawn lo mahila min hmuaktu hlu tak ka ngaihtuah chhuah apiangin ka lungphang lo.. a nunhlui kalsan a hmalam pan pui ka chak a, ka pan pui theih ngei pawh ka ring tlat a ni.

.

>>>>>THE END<<<<<<