TUMI KI KORBE (WHAT WILL YOU DO??)

‘Bangalore Branch of SIRC of The Institute of Chartered Accountants of India’ a Board member pawimawh hmel tak tak hma ah chuan zam namen lo a zam in ka thu a, ka zamna leh hlauhthawnna te chu thup ka tum hram hram bawk a. An zawhna min zawh ang ang te chu tha ber a ka hriat angin  fimkhur takin ka chhang hlawm a, an hmel atang chuan min lawm viau chuan ka hria.

.

Uluk taka board member zinga pakhat  zawhna ka chhan lai chuan kawngka hawng thawm ka hria a, ka thusawi lai erawh a tibuai lem lo. Kawngkhar atanga rawn lut pa sang tha tak, ngo lutuk lo.. mipa vun atana mawi tawk vel, a pian pawh mipa pian atana duhthusam a nalh melh pah reng chuan thil ka sawi nuap nuap a. Chu tlangval chuan thutna awl pakhat chu a chuh vat a, kei chuan ka lo en reng a.

.

 Ka hma a board member thu te chuan thil enge maw tak an sawi sep sep lai chuan chu tlangval, nichin lawka lo lut nen chuan kan inmelh fuh zeuh a.. a rawn vei khik zeuh, a biangsum a lang chiang hle!! .. boruak hip kawk pah chuan inchung lam chu ka melh ta daih a.

.

.

Ka hming chu Lalhriatpuii a ni a. Chhinga Veng, Aizawl ah kan chhungkua in kan khawsa a. Ka tet te atanga lehkha zir atchilh bur mi ka ni a, ka tum a ruhin thawh pawh ka thawk rim thin hle.  Chhungkaw awm thei em em kan ni loa, ka zirna atan erawh ka chhungten theihtawp chhuahin min fuihin min pui thin. Pawn lam mawina hi engah vak ka ngai lem lo, mihring mizia ka tehna ber pawh an thlauk hman dan ah a ni tlangpui. Thawmhnaw mawi leh man to tak tak a inbel ho hi ka va hmusit chu ka ti lo nangin an thluak in finna a pai lem loh chuan ka ngaihsan loh berte zinga  mi an ni thin.

.

Kum 22 ka tlin dawn thleng hian ngaihzawng pangai tak ka la nei lo. Ka hmel hi a chhia tih a sawitu hre lem lo mahila tha ti a hahipa sawi tu an awm pawh ka hre chuang lo. Chu chu ka buaina ber pawh a ni lo, a chhan chu miin ka hmel leh pian aia an en hmasak ber a ka duh thin chu ‘hmeichhe tumruh’ tih hi a ni thin. Hetiang rilru ka put vang pawh hi a ni maithei ngaihzawng neih hi ka thiam loh em em, mipa tam takin hmeichhia  ah hmel leh pian an en tih ka hria.. kei erawh chutiang a inchhuanna tham nei si lo hian ka duh sang ve thawkhat hle. An zirna leh nihna piah lamah ka ngaihzawng ni tur chuan hmelah ka duhtui leh viau  lawi si, mipa famkim em em chhai thluk nan nalhna leh zei nan hun ka nei der si lo.

.

Ka zirna kawng leh ka thil tihah reng reng hian a ber nih ka tum tlat thin. Mi tam tak lungawina grade ah ka lungawi ve ngai lo.. chutiang chu ka thawhrimna pawn a phu ve in ka hria. Mi tam takin chut leh inzir a tep tiha min sawi fo thin hi a thlawn loang tih ka ring nghet tlat bawk. Tin, ka tleirawl chhoh atangin ka  hmalam hun ka ngaihtuah chang hian ‘enge ka zir chhoh ang?? Enge ka nih ang?? Tih hian ka rilru a luah ber thin. Doctor maw?? Mizo zingah ringawt pawh an tam tawh lutuk! Engineer?? Chu pawh ka hmu sang lo khawp mai.

.

Mahse, thil  pakhat! Mizo zinga tuma nihna chelh loh a awm.. ‘Chartered Accountant’..  Chu chu nih ka tum nghet tlat a ni. Khawvel a exam zawng zawng zinga har ber a an chhal ni mahse keimah leh keimah infuih chawpin ka phur telh telh a, neih thinglung khawng tak meuh a zir tur ka ni tih ka hre reng, mahse chu chuan min ti phur lehzual.. ka hlawhtlinna chuan kan chhungkaw dinhmun a chawi sang ngei dawn bawkin ka hria a ni.

.

.

Kum hmasa lam khan Pachhunga University College atangin B.Com ka graduate a. Ka final year ka exam zawh veleh Bangalore ah liam thla in Chartered Accountant ka zir theihna tur ang ang ka zuk buaipui ve rawih a. Provisional Registration a theih tih ka hriat loh avangin ka haw chho leh a. Buaina neuh neuh karah ka in register a, coaching thla hnih vel ka kal ve lawp lawp phawt a.  Chu tah chuan direct entry tan IPCC appear phawt a ngai tih ka hre chho a, hmanhmawh takin  ka hmelhriat pakhat hetiang lama rawn tlak tak ka rawn a.  Ka tum dan chuan Aizawl a CA, Ajay Joshi hnuai a Articleship ti a, phai lam pan loa zir mai kha ka rilruk a mahse exam hrang hrang nei tur a Bangalore lam ka pan a ngaih dawn tak chhenah chuan  Bangalore lama tih mai kha tha zawk a ka hriat avangin  CA Ajay Joshi chu a thawhna  firm (partner nihna) a min refer mai turin ka dil ta rawih a. Ajay Joshi chuan helai hmunah hian min refer ta a.

.

 Interview turin min ko a, kan inkawm chhoh zel na ah chuan Orientation Programme (OP) leh Information Technology Training (ITT) ka la zo lo tih an hre chho a, an ni lam chuan ka zawh hunah kal leh turin minti ta a. Chumi ah chuan partners dangte nen full interview ka neih tur thu min hrilh bawk a ni. OP leh ITT ka zawh dawn hniah lam chuan interview tur a kohna ka dawng leh ta a, an hma ah ka thu leh ta a ni.

.

Interview kan zawh chuan Principal te nen inhmelhriatna kan nei tha leh a.. ka chak ber, ka mamawh ber a ni mai ang chu.. CA zir turin ka tan kawng a inhawng ve tan ta.

.

Ka cousin ten min hawsan hnu chuan khawhar takin ka awmna PG ah keimah a awm rek rek bak tih tur a awm lo hle a ni.  Ni li hnu ah ka nuna ka thil tum ti hlawhtlin nan a ka kawng zawhna  intanna tur suangtuah chungin hun ka hmang a ni ber mai. Enge thleng anga eng chen chiah nge ka kal dawn tih chu ka hre hauh lo.. mahse, tawp san erawh ka tum lo bur.

.

CA zirlai anga ka khawvel chu a intan ta, phur tak leh zam ru tak siin ka zirna tur  firm  lam panin ka kal a, thil tam tak ka rilru ah a rawn awm a, ka nu leh ka pa leh ka nau la naupang tak tak te pahnih.. Keini unau tan a ka chhungte thawh nasat zia ka ngaihtuah chian chang hi chuan an phur han rit tur zia mawlh hian min ti hah thin.  Mahse, chung chu ka thawhrimna chhan tur chhan tha tak an ni lawi si.

.

Campus ka thleng a, principal hnen a inreport tur ka nih avangin a office ka zawng buai hle, Campus map atanga ka en ngial pawhin ka hrethiam lo, midang zawh tha in ka hre ta zawk a.. hmeichhe pakhat ka hnaih ber a thu  chu ka han be tawp a..

.

‘Excuse me sister’.. a rawn hawi vat a.. ‘Khawngaihin Principal office lam min kawh hmuh thei angem??’

‘Appointment I nei em ni??’

‘Aw.. vawiin atangin articleship ka tan dawn a.. in report ka ngai a..’ ka ti a

‘Principal chu conference hall ah meeting an nei..’

‘I chiang maw??’ ka han ti ha a

‘Khatiang kha senior te biak dan tur em ni??’ min ngei hmel zetin  arawn ti

‘Sorry.. articleship ti lai mek em ni I nih??’ kan ti leh hram a

‘Aw.. kum thumna.. ‘

‘Chuti maw?? Ka tihpalh.. anih leh principal chu engtiknge ka hmuh theih ang??’

‘Ka hre lo.. keipawn ka nghak mek alawm..’

‘I bulah ka lo nghak ve thei angem??’ ka han ti a

‘I thu thu..’ tiin a lehkhabu  ken lai chu a bih ta daih a..

.

Minute sawmhnih ka nghah hnu pawh chuan ka bula in la senior zeti chu a awm ngaiin a la awm reng, a lehkhabupuan phek a keu bak thawm emaw chet sawnna  a nei lo, keipawh chuan ka phone chu tih tur nei em em lo chuan ka khawih melh melh a..

.

‘Hi Asha..’ chu aw ri chuan min hawi chhoh tir vat a.. a va sang kher em! Mahse, a hmel erawh ka tan a mikhual tawh lo hle..

‘Hello Bhaiya.. enge I an??’ tiin chu vai nula chuan ding chungin nelawm theihpatawpin a bia  a..

‘Ka tha e..’ tiin chu pa chu a kal leh ta mai a.. ka bula thu pah chuan hlim tih hriat takin a nui deuh hak a..

.

‘That big guy’ tiin ka han kawk zeuh a

‘Ha??’

‘Saw pa saw Interview ka neih khan tlai taka a rawn lut ka hmu..’ ka han ti leh a

‘Aditya I tihna maw??’ a inla hre hle tih a hmel atang khan a hriat

‘Um.. he tah a thawk em ni??

‘He’s one of a kind.. Business family lian lutuk neitu  fapa naupang zawk a nih saw..  chuan he kan thawhna firm hi a pate-a ta a ni bawk. Kum 24 mi a nih in Chartered Accountant ni thei ngat khat  ania.. he firm nen hian partner an ni alawm..’ sawi nuam a ti hle mai

‘Wowww.. kum 24 ah maw??’ tiin mak tih hmel takin ka en a..

‘A hmeltha a, a pa a, a zei a, a hausa a, mithiam chung chuang tak a ni bawk..’ nui ar ar pah chuan a han ti a

‘A duhsak hle che  ani maw??’ he vainu hi tih lawm a har ka ring vak lo

‘I hmu thiam nghal em ni??’

‘Aw..’ mik ko san ak pah chuan kan ti a

‘Hmeichhe lem lamah pawh a duai lo alawm Aditya hi chu.. saw pa duhsakna hlawh pha chin hi kan tam lo ania..’

‘Ka hlawh ve theih I ring em nangmah angin??’ nui hak pah chuan ka ti a.. ani chuan ei loh hmel zetin min rawn en a

‘Nang aia chhelo leh nalh chuan a duhsakna an dawn chu ka hre fo a.. a reng reng thu ah hmeichhia zawng zawng a be tha tho.. lungai suh’ a rawn tih takah chuan thil ka man thiam nghal mai.. a lerh viau a ni ngei ang.

‘A duhsak bik ka nih theih I ring lomaw.. mahse, a duhsak bik pawh lo ni ila enge awmzia awm chuang.. kan thluak ah a thiamna min pe then dawn pawh nilo..’ kan ti leh zeuh a, he vai nu hi chhaih a nuam riau

‘Chutiang chuan I ngai amaw?? Chutiang nise mi zawng zawng hi CA kan ni vek ang chu..’ pawr lek lek chuan a rawn ti a

‘Ka hria e.. ‘ tiin ka ngawi ta a..

.

Kan ngawih dun hnu kal mai tha in ka hria a.. ka tho ta a..

‘Principal office chu Block D.. Ground floor, veilam gate a luh ah khan conference hall 2 bulah a awm ang’ a rawn ti a

‘I hmu ve dawn lo em ni??’

‘Aw..’

‘Chuan min tihder a maw??’ ka han ti tuar a

‘Chhiahkual I nuam hle mai..’

‘Zawngi’

‘Enge tunah khan I sawi??’ a rawn ti a

‘Zawngi’ kal pah chuan ka va ti leh

‘Eng tawng nge a English in sawi ta che??’ a la rawn ti tawk tawk.. chhang lo chuan Principal office lam chu hmanhmawh takin ka pan ta a..

.

Principal nen reilote kan titi hnu chuan room atanga ka chhuak tur chu a hma lawk a ka hmuh  tlangval a lo lut leh chiah..

‘Hi..’ a nui deuh suk..  ‘Kan senior sawi kha a dik hmel..’ tiin ka ngaihtuah

‘Hi..’  ka nuih let ve mai..

.

‘Ani hnuai ah khan I awm ang..’ Principal tawng ri ka hre chiah.. mak ka ti rilru hle mahse mak tihna hman a ni lo, a aia nelawm lehzualin ka nuih a..

‘Aditya Dhanuka..’ a rawn ti a, min chibai tumin a kut a rawn phar

‘Nice to meet you Sir.. Hriatpuii’ tihin ka lo chibai vat a

‘Haa.. Riatpuii..’ chutia ka hming midangin an lam chu ka tan thil thar pawh a ni lo.. a bikin vai tan lam a harsa viau a ni ang..

‘You can call me Puii’ tihin ka nuih a, ka chhuah san ta a.

.

Principal in information min pek angin ka awmna room tur lam ka pan a, ka routine ka han en a.. college ka kal lai ang ngawt a ni dawn lo tih chiang takin ka hria  ani. Ni e, inang thei a ni dawn lo alawm.. mi tam takin Bachelor Degree chu an hmu thei mai a, CA erawh thawkrim  theihpatawp a bei te tan choh a ni si.

.

Kan room awmna  ah chuan keimah ang tho a kum khatna tur ho an awm nual a, an ni ka hmuh chuan tlemin ka awm a nuam ve deuh.. Mi tam tak in zam thei ngai miah loa min ngaih thinte chu he lai hmun ka pan ni atang khan keimah ngei pawn a lo nih loh bik loh zia ka hrechiang telh  telh a ni. Mahse, hei erawh ka tum a ni tlat.. a hun ah chuan ka zah loh theih tawp ka chhuah ang, mi zak thei lo ka ni ngai loa.. mi zak lo thei tak leh kawlhrawng tak erawh ka ni tlat thin.

.

A ni hmasa ber a ni bawk a kan zirtirtu min ho tu ber Bengali tlangval nui mawi tak chuan introduction a pek hnu chuan  nelawm tak takin thu a sawi luam a.. A English hman kara Bengali tawng a zeh tel zeuh thin erawh ka lo ngai thei lo hle, ka hrethiam ve der si lo. A chang chuan ka mitah tak min en in min be bik tlat a hriatna ka nei.. mahse a lerh zia ka lo hre sa a, chutia inngaih lam chu hnaih lo zawk ila a tha ang.

.

‘Awle.. thil ka zawt ang che u aw.. chuan introduction in pe nghal dawn nia’ Aditya chuan a han ti a. MIdang pathum a din tir hnu chuan min lo kawk zeuh..

‘Puii.. ani hi chu a hming ka hria a.. mahse midang hnenah hian I hming leh ilo kalna han sawi ve reng reng teh..’ a tih chuan introduction chu ka pe a..

‘Chuan Puii helai hmun ilo kal hian enge I tum ber??’ tiin zawhna min zawt leh a

‘Articleship kum 3 ka zawh hnu a.. final exam bei a CA nih’ ka tih chuan kan awmna room ami ho chu an nui dar dar a

‘A theih alawm.. keipawh I dinhmun angah khan ka ding ve tawh a I chhanna ang tho kha ka pe.. vawikhat exam a tlin theih loh ah in ngai maithei.. mahse kei chuan ka thei midang tam tak pawn an thei mahse thawhrim a ngai…’ a tih chuan ka nui a

‘Thankyou ..’

.

.

Office kan kai tan a ka phur hle.. mahse thil pawi uchuak tak a thleng..  ka senior,  min zirtirtu berah   ka tan ni a chaltlai taka ka biak Asha kha  a ni tlat.. inpawh  leh inbiak a har dan chu sawi fiah chi ah pawh ka ngai lo. Ka buaina hrilh ka hreh em em a chu aia nasa chuan min puih a hreh ang. Ka zawh ve chhunah lah Hindi a hmang lui ngat ngat.. hetiang ai chuan tuition pawh la ila ka hlawk zawk ngei ang.

.

Kar hnih  office lamah training kan  kal tlin meuh chuan thian thar ka chhar ve ta.. a hming chu Shradha a ni. Kan zir a inang bawk a, kan inzui deuh chawt thin.  Kan duhzawng leh duh loh zawng thlengin inang tak a ni mahse a chezia atangin chhungkaw awmthei tak an ni tih hai rual a ni lo. Office hour piah lamah a pa in zanah te nen thleng tutor a lak sak bawk a, a tan chuan hlawhtlin a har lo taw pang.

.

Ka tanni a ka hmuh kan senior ‘Zawngi’ tih a ka koh Ashai’n min zirpui chang hi chuan thin hi  arim tung zel..  mi a han melhrum anga, min tih chhan deuh deuhin ka article pui dang te hi a han fak anga.. ka ngei lutuk hi ka thaw leh hak zel. Mahse Shradha hian fiamthu thawhin min tih hlim a tum lui nasa thei hle a.. a bula awm a nuam takzet.

.

Ka thil chawh lai ka chawh dik theih loh avang chuan ka inngaihtuah thinrim tep tep thin.. break a nih avangin tumah office ah an awm loa, mahse he hun hi ka chan a ni mah zawk… tuma awm loh laia ka ngaihtuah sawrbing hi.

.

Ka  tihdan kan thlak.. a la dik chuang lo.. dawhkan ka chum ri bur..

.

‘Oh.. miss calm down’

‘Haa..’ ka hawi let vat.. ‘Sir, nangmaw??’

‘Um Bhaiya tihin min ko rawh.. enge I buaina??’

‘Hei hi..’ tiin ka han hmuh a

‘I senior te I zawt lo a mi??’ tiin ka copy chu a han la

‘Ka tih theih mai ka ring a..’

‘A tha e.. I tum chhin reng reng a..’ tiin a rawn kum a..  min hrilh pah chuan a han chawk parh parh a. Min hnaih em avang chuan a perfume rim pa zet chu ka hip kawk kawkin ka hria..

.

‘Sir.. oh Bhaiya’ a nui huk

‘Uhmm’

‘Tuition la ila tha in ka hria.. min kawhhmuh duh I nei em??’ ka han ti a

‘An tam alawm..’

‘A nih chuan enge fees ni tlangpui??’

‘Zirtirtu tha leh larah chuan couse khat IPCC bikah hian subject khatah  7k to 15k a ni tlangpui.. chuan in subject 7  tuition sense chuan 8  ania.. I chhut thiam mai ang chu..’ ka lo mit sulh theiin ka hria. Chutiang zawng zawng chu ka pa hlawh ai pawn a tam zawk..

.

Ka inngaihtuah vung vung a..

‘Ka lo biak sak dawn che em ni??’ a rawn ti leh a

‘Aih.. ngai lo.. a to em mai’ tiin ka nui tawi tuk a

‘I duh chuan zanah pawh textin emaw min lo zawt their eng alawm..’

‘A ni maw..’

‘Umm.. I senior nen in inrem vak lo em ni??’ a ti a

‘Inrem lo em em lo.. mahse Hindi a hmang thin a..’ ka tih lai chuan Asha a lo lut

.

‘Hi Bhaiya.. vawiin ilo lan kan ring loa..’ a rawn ti a

‘Nia I nau hi lo enkawl tha rawh aw.. a theih hram chuan English hmang la..’ tiin ka hnungah chuan a hawn beng thek a, a kal ta a. Chutuah Asha chuan nasa theihpatawpin min melhrum a.. ka lo nuih sak, mi runluih te chu ka thiam zawng tak a ni ve alawm..

.

Kar khat dawn aliam ve leh tawh a, Aditya erawh office lamah a rawn lang khat hle. Mahse, a rawn lan apiangin buaina ka tawh leh tawh loh min zawt ziah .. keipawn ka buaina neih ang hrilhin a thiamna hmangin min hrilhfiah ve zel a, a chungah ka lawm takzet.

.

 Thla hnih chuang lai nitin deuh thaw a  Asha nen a inhmuh hian min ti damlo mai dawnin ka hre thin. Ka rilru tak chuan Aditya hi rawn kalin min rawn enpui reng mai se ka ti thin. A thusawi chu midang zawng zawng aiin ka hrethiam a, inrintawkna pawh min pe nasa bik hle.. he Asha zirtirna hnuai a awm ai ngawt chuan. Mahse, ka la junior a nakin lamah chuan enpui reng ka ngai tawh bik hauh loang.

.

‘Puii.. tuition chu I kal duh lo a mi??’ Shradha chuan a hotdog ei lai hmuam tun chung chuan a rawn ti a

‘A to lutuk.. kan chhungkaw thawh chhuah nen a chhut phei chuan a ngaihna awm lo.. Aditya a awm tho a, ka hriat loh ka zawt thei lawm..’

‘Chuan I zawt tawh em??’

‘Aih..’

‘Kha I zawh ngam loh kha.. I thiam vek em ni??’ a ti a

‘Aih.. mahse.. va biak a nuam lo alawm Shradha.. kinah office a lo kal hunah ka zawt ang..’

‘En teh.. a duh tlat che in ka hria..’ a rawn tih chuan ka coffe in lai ka phuh lo choh

‘Enga.. nang hi.. chutiang ngaihtuahna engtin nge I neih theih??’ tiin ka nui vak vak a

‘Puih che a inhuam em a..’

‘Khangte lek vang khan.. a lerh tih an sawi luai luai hi..’

‘Chu reng.. ani hi I ngaizawng thei a nih ngat chuan zan tin a zirtir thei che nga.. article ho dang aiin I titha thei fe ang..’ a rawn ti a

‘I aa mi.. Mizo ka nia hnam dang ka ngaizawng loang..’

‘I hmangaih dawn ka ti hleinem.. pawisa chu nei la tiang hi ka sawi miah loang..’

‘Nia.. bakah  kawng awm chhun pawh a ni lo’ ka ti a

‘Anih enge I nun a I duhthusam??’

‘CA.. I hriat reng kha..’

‘I nuna I duhthusam nih na tur hian khawvel a exam har ber pawl I pass angai a.. pass tur chuan office a kan zir piah lamah nasa taka I zir angai a.. mahse I hriatthiam loh pui kha zir vak vak dawn ta la idea I neihloh chuan awmzia a  awm lo tih kan hria.. idea nei turin tutor I mamawh a.. chuan tuition la turin pawisa I nei loa.. chuan a tawpna khar tu chu Aditya choh hi a ni ta a.. chu bak bak a kawng awmchhun..’ a tih chuan ka ngawi chiang hle..

.

Ka nuna ka duhthusam puitlin ka tumna kawng hi a harsa dawn tih ka hre reng mahse hetiang em em hi a nih ka ring ngai lo..  ka senior tal hi mi fel tak nise beiseina ka nei sang deuh ni tur. Mahse, a tir atang phatin thil a kal tluang lo nghal chu  a ni si a.. ka neih phak loh hi chan ka tum tal a mi aw.. tih ten ka inngaihtuah rum rum thin.

.

Zanah dar 12:30 a pel tawh a.. ka la zir ngawrh hle.. Office ka tan ni atang khan darkar 5 mut tlin ka la nei ngai lo. Dar 4 dawn dawn thleng ka inzir angai a.. zingah tho in eirawng ka inbawl a.. dar 10 hma a office ka thlen loh chuan ka senior vin leh khak ka tawk ziah bawk a, hetiang em em tuar tur hi chuan ka chak tawk lo viau a sin mawle..

.

Ka zirlai zinga pakhat chu ka hrethiam thei tlat lo.. netah leh ka lehkhabu kawl zozai ka han rawn a, tlem chuan ka kuak phah mahse chawh dik a bar ka nei thei lo.. sana ka en 1:45 AM.. Aditya chu a mut tawh ka ring, naktuk lamah Asha zawt ila a tha ang tih ka inngaihtuah a, mahse ka zir tur ho hi ka hriatthiam loh formula nen a inzulzui tlat bawk si.

.

Ka phone ka la a whatsapp ka hawng.. Sir Aditya hming save ka en alo online kar.. midang a bia ngem aw tih te ka inngaihtuah.. mahse zawh chu a tha berin ka hre si.. ka va text ta tawp..

‘Sir..’

‘Yup..’

‘Ka tibuai lawk thei che ngem??’ tih ka va thawn

‘Tehreng mai chuan text ah tal chuan Bhaiya tiin min ko rawh ’.. ka nui hak!!

‘Ok.. Bhaiya thil pakhat hriatthiam loh ka nei a..’

‘Pakhat chiah maw…’ A zei a rawn chhuah dawn a ang hle mai

‘A dang pawh a awm mahse hriat ngei ngei ngai pakhat ka nei’

‘Nih chuan min han zawt ta che..’ a rawn tih chuan ka hriat duh chu ka va thawn a. THiam takin min rawn hrilhfiah a.. ka kaw leh ta uar mai..

‘Ka lawm lutuk.. I tih lai chhunzawm leh tawh rawh le..’ ka va ti a

‘Tuna ka tih chu nangmah nen kan intext a.. chhunzawm turin min duh maw?? Haha’

‘Haha.. I uang em mai.. zirlai ka nia ka zir angai lawm..’

‘Ok.. nih ka tihbuai che vangin ka tihpalh’ a rawn ti leh hram..

‘Min tibuai lo.. min pui zawk alawm.. good night Sir Oh Bhaiya’

‘Haha.. humorous girl.. goodnight’

.

Office ah chuan a ngai te bawkin ka tih tur chu ka ti leh ta melh melh a.. Aditya’n zan hmasa lama min hrilh chuan min pui takzet Asha ka biak a ngaih loh phah a.. Dar 11 velah chuan tu emaw ka tum loh deuhin ka hmu thut.. Aditya!! Office lamah a rawn lan khat em avangin ka hmu leh ta thut chu ka lo meng phawk viau ania nge..

.

‘What’s so surprising??’ ka hmai zawnah tak chuan a rawn ti

‘Aaa.. nothing.. how was your day??’ tiin ka lehkhabu chu ka bih a

‘A intan choh alawm.. min zawh nan chuan ala hma viau iti lo  ami??’

‘Hetah enge ilo tih??’ ka ti a

‘Thiam loh I ngah thu I sawi sia..’ a rawn ti a

‘Huii..  ka lawm e’ ka ti sam et. Mi chhaih dan a thiam zia hi ngaihna a awm lo zawk..

.

‘Khawnge min zawh tur ho chu??’ a rawn tih chuan ka hawi ka ho.. Table dang a ka articlepui te ho chuan min rawn melh hrek hrek lehnghal..

‘I ti tak tak a mi??’ ka han ti a

‘Min ring lo maw??’

‘Aih.. a awihawm loh lutuk a..’

‘Khawi vat.. hun ka ngah lo a tih chuan ka hriatthiam loh ho chu ka hmuh ta a..’

.

Darkar thum dawn break pawh hmang miah loin min hrilhfiah a.. ka chauh viau ka rin nen ninna leh chauhna ka nei miah lo chu  ka lawm takzet.  Keimah anga hmeichhe inhawng tan chuan hetiang hi a ti vek ang tih ka ring a ni. Midang min melh dan a dik vak lo tih ka hria.. mahse duhthlan tur ka nei lo, ka hriat chinah keimah chiah tuition la lo ka awm a.. thlen sang tum ber ka ni lawi si.

.

Zan dar 7 ah kan tih dan thin bawkin kan bang a.. Shradha chu an driver in a rawn hruai a, min thlah theih thu a sawi chuan ka lo hnial a.. zan dangah pawh busin ka haw mai zel a engah vak ka ngai tawh lo. Mahse, zanin chu thil min hrilh duh a neih avangin an car chuan ka haw ve ta a..

.

‘Vawiin khan in inhmeh takzet..’ a rawn ti a

‘Enga??’

‘Aditya Sir nen..’

‘Min hmu maw?? Kan office rrom  ah I awm si loa..’ ka ti ha a

‘An sawi luai luai alawm.. chuan break laiin thil eipui tur che a rawn koh che ka tum a.. in laklawh hmel sia ka kal leh ta alawm..’

‘Engtinge min sawi??’ phawk tak chuan ka ti a

‘Chutiang ngaihtuah suh.. ka idea kha tha iti lo a mi??’

‘Eng?? Ngaihzawn kha??’

‘Ngaihzawn der zawk mawle..’ a rawn ti a

‘Enteh hmeichhia zawng zawng a be tha a.. a hmeltha a, a hausa a keichu a der pawn min ngaizawng duh loang’

‘I van a tak.. aman a der tih  a hriat ten kan plan a flop vek dawn a sin..’

‘Chuan..’ ka ti a

‘Ngaizawng der la.. zei takin. Ani pawn a duh tak tak dawn lo che.. enjoyment atan choh a hmang dawn che.. chuvang chuan nangpawn I hmangih tur a ni lo..’

‘Ava Hindi movie ve..’ ka tih chuan kan nui dun vak

‘Chuan I pawm em?? Kum thum chiah alawm..’

‘Final exam pass lo ta ila..’ ka ti a

‘Amah vangin I pass ang.. I pass loh chuan thudik sawiin ngaihdam I dil ang.. I pass chuan in ramah I haw anga ani ang mi lerh lutuk in  long  distance relationship a kalpui thei lo..’ a ti a

‘Nia ka lo ngaihtuah ang..’

.

.

Ka thiannu thu sawi chu ka ngaihtuah char char.. a puihna tlemte pawn nasa takin ka zirlaiah hmasawnna a siam a.. kan inngaihzawng a nih ngat phei chuan engtik lai pawn min pui thei ang. Chu chu ka hlawhtlinna kawng awmchhun a ni tlat. Mahse, kei kum 21 leh ani kum 27 chu kan inthlau viau chuan ka hria.. Hm.. buaina a tling lo, ka ngaizawng der dawn a.. chutah kumte chu number mai mai alawm..

.

.

Chaw ei kham chuan ka phone ka en.. ka rin loh deuhin Aditya message a lo awm..

‘Vawiin ka hun hman dan enge a an tih min zawh chu a hun vel zawh chiahin ka hria..’ . .zei zaw zaw bawk a, ka thiam ve awm ee tihin ka inngaihtuah

‘Oo.. how way your day Dear Adi..’

‘OMG Adi tihin min ko amaw naupang te..’ a rawn ti a ka nui nasa hle

‘Ka zawhna khi..’

‘Um.. a nuam takzet.. hmeichhe sweet tak bulah darkar 2 leh minute 47 leh second 29 hun ka hmang a..’ a rawn tia

‘Sweet maw?? Enge in tih a?? hun romantic tak in hmang a nih hmel..’

‘Umh Accountantically romantic..’

‘Va dangdai ve..’ ka va ti a

‘Kha hmeichhia kha a dangdai em alawm..’ . Hepa hi hmeichhia zawng zawng hmu dangdai chi  ani tih ka hria hi malsawmna chi khat

‘Anih leh hun hmanpui zel I chak em??’

‘I tih awmzia chu besides Accountantically relation??’

‘Haa.. English word I phuah thar a ni ringawt..’ ka va ti a

‘Ka zawh na khi..’

‘Aha.. eng ang a hun hman dun zel  nge I duh chiah??’

‘Kan chemistry a inmil phawt chuan tih dan a awm mai ang chu..’ a rawn ti a

‘Physical lam erawh ngaihtuah pawh ngaihtuah lo la..’

‘I thu vek alawm..’

.

Shradha hnenah kan inbiakna ka va thawn..

‘Physical pawh a pawi lo..’  arawn ti

‘I a mi?? Christian ka nih hi.. tiang fake ah lehnghal..’

‘Ka fiamthu nih kha.. thinchhe lutuk..’

‘Haha..’

.

Kan inbe nasa hle a..sawi tur ka hre lo tep tep thin mahse Shradha in a tul hun a sawi tur awm ang min rawn thawn chuan ka chhang ve thei zel.. kan in chhaih kual thiam dun ka ti ngang mai. Hetiang hian mipa ka biak ka ring ngai lo, chupawh mizo nilo. Mahse, a rei dawn lo.. ka hlawhtlinna atan vek  a ni.

.

Lehkha ka zir lai chuan kan la intext zeuh zeuh a.. hetia inbiak reng dawn chuan ka tan a buaithlak ka rin vangin ka chhang tha duh ta vak loa.. hriatbelh duh ka neih erawh chuan ka va zawt a, inhawng takin min lo hrilh mai thin.

.

Thla khat  chuang  zantin deuh thaw kan intext a.. thil a kal tluang chho hle a, ka zirlaiah pawh nasa takin min pui bawk. Tin, ani zuna uai hi  ahar dawn lo tih chiang takin ka hria a ni. Mahse, hetiang ang mi lerh lutuk  zuna uai tur chuan ka hlu mah mah tih ka theihnghilh ngai lo bawk. Zan tin intext  mahila office lamah erawh vawi hnih vel bak a rawn lang  lo thung mahse nidang angin a taka inhmuh meuh chuan kan inpawh lo zawk emaw ni chu aw tih tur in kan inbe tlem hle a ni.

.

Office ka thlen chuan Asha a lo thinrim hle.. ka hria minute 10 in ka tlai tih, min van vin leh nasa dawn em!!

‘Sana I nei lo em ni??’ Aw.. ka rin dan chiah

‘Sorry..’

‘I hna let thawh I duh em??’

‘Asha.. a tlai chhiat loh kha..’ chu aw lo chhuahna lam chu ka va hawi  vat.. Aditya!! Ni dang ang lo takin henu min tih dan chuan ka rilru a ti na thar thut.. nge Aditya awm laia min vin vang zawk pawh ka hrethiam lo..

.

‘Ok Guys.. ka thusawi lo ngaithla ru.. tun atanga nihnih hnu ah thla thar kan kai dawn a.. thla li chhung a in senior te an inthlak ang.. buaina a awm chuan Sir Prashan hnenah in sawi dawn nia, kei chu thla khat chhung hmun dangah ka zin  a ngai a..’ tiin thu a sawi luam a. Ka lawm takzet, thla li meuh ka lo hrawn tawh  he vainu hmelchhe zet ka kalsan tur hi.

.

Aditya chuan thu a sawi zawh chuan kan hna ah theuh kan let leh a.. enge maw ti tak chuan min rawn biak phutna ka nei tlat.. ka va en zeuh zeuh a mahse a rawn hawi ve lo, senior thenkhat te nen thil eng enge maw an sawi zawh chuan a chhuak leh ta daih a. K rilru tak chuan ka lo ngei deuh tlat, a zin dawn a hrilh pawh min hrilh loa chuan tunah min be loin a kal leh daih maw..

.

Enge ka ngaihtuah ber pawh ka hrethiam lo.. hetiang zawng a ngaihtuah tur ka ni lo a sin mawle..

.

Ka senior thar tur nen kan inhmelhriat a.. Ani chu CA pangai niin, he firm a thawk thar a ni bawk. He thil hi Aditya’n a ti chiah em chu ka hre lo mahse a zin bo chhung a min puih theih dawn loh avanga a rawn tirh ni berin ka hria  a ni.

.

Ka senior thar chu a felin mi a zirtir thiam em em a.. Asha ang lo takin chawchhun te kan eidun thin. A insawi dan chuan Aditya thian a nih hmel.. ka rindan kha a dik a nih hmel viau mahse ka lawm tho mai, a thiante beng thleng a ka chanchin a lo sawi ve hi. Mahse, enge ni vak hmeichhia sang chuang pawh sawi theihna ka a nei alawm..

.

Vawi khat chu ka senior thar Roshi chuan Adi nen a kan chungchang min zawt luam a..

‘Sex in hmang tawh em??’  a rawn ti chhuak hlawl

‘Engaa??’ tiin mak ti takin ka en a

‘A la thleng lo maw..’

‘Enge thleng tur ni vak a.. Enge Aditya’n a sawi..’ ka ti a

‘Engmah ni loe..’

‘Khawngaihin sawi rawh..’

‘Englo.. I tan a lawmawm nge lawmawm loh chu ka hre loa.. hmeichhe tam tak zinga a sex hmanpui chak ber inih thu  a sawi a..’ Ka sa pupin ka hria.. an ni hman angah chuan hlutna a awm vet e pawh  ani lo maithei mahse kan tan chuan thil hlu tawp  a ni. Chung thleng thleng a sawifiah ka tum lo nangin min ti thinrim ve tep  ani..

.

Aditya’n Roshi hnena a sawi chu Shradha ka hrilh a.. ani chuan idea a rawn nei lehpek. ‘Chak si, pe silo in I awmtir thei alawm..’ a ti mauh mai. Hei vang hi a ni maw min ngaihven ang tlat a hriatna k neih thin.. tih ten keipawh chuan ka ngaihtuah a, mahse hei hian kawng a ti awlsam zawk maithei.

.

Aditya zin chhung chuan kan inbe mang loa mahse firm lamah ka senior thar Roshi’n min puih hneh em avangin buaina ka nei hran lo. Shradha chuan a duh aia kan kal muang thu a sawi chamchi chu ka lo ning thin. He thil hi ka ti thei takzet angem ka hre lo.. ‘tuna kan awmdan pawh hi a tawk viau’ tih a sawi lahin ‘ngaihzawng pangai dang nei tase a ngaihsak tawh miah loang che’ tiin min chhang ziah bawk a.

.

Kar thum zet Aditya Delhi a a cham hnu chuan a rawn haw hun tur ka zawt ve thin bawk a mahse ala chian loh thu min hrilh zel thin.. Ka zawh apiang lah chuan ‘Min ngai tawh em ni??’ tih min zawt fova.. ka ngei ru thei hle mahse ‘Aw’ tih pawn chhang ila a sualna a awm lo.. ka bialpa ni vat tur hian ka duh deuh mah tawh zawk.

.

.

‘Shradha.. Aditya hi lo hmangaih tak tak ila.. a tawpah engtin nge ka tih ang??’

‘I hmangaih I hlau a mi??’

‘Aw..’

‘CA inih hunah chuan ani ang mi lerh I mamawh tawh dawn lo tih I hria anga I hmangaih a nih pawn aman kalsanna chhan tur che a siam tho ang che.. hmeichhe dang kawp te.. a hnampui ngei ngaihzawn te..’ a ti a

‘Mahse chu chuan min tina viau se..??’

‘Aw.. CA ini dawn tho alawm.. chung natna te chu a ken tel angah ngai rawh mahse a tha ber chu hmangaih suh ani pawn a hmangaih ngai dawn lo che..’ a tih chuan ka bu nghauh a

.

.

Roshi nen hna kan tih dun laklawh lai chuan a kal daih chu ka hrethiam lo hle a.. washroom lam a pan a nih ringin keimahin ka tih zawm melh melh a.. mahse article dang ho in ka hnung lam an rawn melh deuh chhen a ka hriat avang chuan ka han hawi a, ka phu zawk!! Bang nghengin Aditya  alo ding reng.. hmu lo ang hmakin ka hawi let leh nghal.. a hnu rei vak loah ka lu a rawn khawih zeuh pahin

.

‘Your head looks like a coconut’ a rawn ti

‘Thanks for the compliment’ tiin ka lo chhang hmak.. ala nui huk zui!

.

Thil sawi a tum lai takin ka phone  alo ri a..

‘One minute Bhaiya..’ tiin ka pickup a, reilote ka chhang a ka dah ta a..

‘Aw chuan..’ tiin ka han en a..

‘One minute’ tiin a phone ah message a type melh melh a.. min runluihna ah ngaiin ka lo tum hmak..

‘Aw chuan engmaw sawi tur I neih’ a rawn ti a

‘Nangmah anih kha sawi tur nei’ ka ti a

‘Haa.. I nei zawk emaw ka tia..’ tiin ka biangah a rawn piai zeuh..

‘Heii..’

‘Enge ni vak??’ a rawn ti a

‘Bible chuan Biang dinglama bengtu che chu lehlam pawh dawh rawh ati’ ka tih a

‘Khate chu bengah chiah alawm..’ tiin a kal daih

.

Kawngka a pel tep tihah a rawn let leh..

‘Zanriah kan ei dun dawn kha aw..’ a rawn ti a

‘Ngaa??’

‘Ka lo haw lawmna..’

.

Hmanhmawh takin Shradha ka text nghal.. a lo phur ngang mai.. min chei tur thu a rawn sawi bawk. Ban vat vat ka chakna chuan a turin min tur ut ut, ka hna ah pawh ka rilru ka pe tha thei lo chu a ni ber e. A tawp a tawpah chuan kan bang thei hram..  Washroom lamah Shradha chuan min kai phei nawk nawk.. ka makeup chu min phih fai tir a, adang min hnawih hmiah hmiah.. a thil pai chikim lutuk thin ka hauh fo thin chu a tangkaina kan hre chiah tih sawiin kan nui dun vak vak a.

.

Chutih lai chuan Aditya call ka dawng chiah.. Pawnah min nghah thu a sawi chuan ka va chhuak a.. A Verna Car silver rawng nghengin a lo ding ar ar, chhiatloh hi chu a chhelo ve thlawt  a ni. Ka va pan a, car kawngka min lo hawn sak vat. Ka thu lut nghal a..

.

‘Khawnge kan kal dawn??’

‘Khawnge I duh??’ tiin min a mitmeng lerh zei zet chuan min rawn melh a

‘I hre zawk lo a mi??’

‘Enge ka hriat zawkna chhan tur??’

‘A ram mi zawk I nia..’ ka han ti a

‘A mikhual zawk chuan hmun chhinchhiahtlak hriat zawk awm tak che..’ a rawn tih chuan ka lo ner nang a

‘I inpeih em??’

‘Engah chuan??’

‘Inngaihzawn..’ ka tum lawk na ni mahse ka lungphu a ti rang ngei mai

‘Tinge min zawh??’ ka ti a

‘Ka hriat duh vangin’

‘I hriat duhna chhan chu lawm ka zawh che..’

‘A chhan chu ka duh vang che in..’ sawi tur ka hre lo tep. Mahse, he thil hi kar hmasa tanga Shradha nen kan inzirtir tawh anih avangin buaina a awm tur a ni lo..

‘Chuan..??’

‘I inpeih em??’ a rawn ti leh

‘Awmzia chu..’

‘Aw.. Puii ka propose chee..’ a vin lek lek chuan a ti duhawm zual.. kan thil tum a hlawhtling chho viau

‘Car tlan laia inpropose chu..’ tiin ka nui hak

‘I chimawm hle mai.. Anih tikhan ngawi rengin inngaihtuah la kan chaw ei dunna hmun tur kan thlen huanah chhanna min pe dawn nia..’ a tih chuan ka lu ka bu nghauh a

.

First Class Hotel ah dining hall changkang takah min luhpui a, hnathawk tur chohin ka kal dawn lo tih hria  ila ka thawmhnaw tha deuh ka inbel tur hi a nia. Kan thutna hmun tur a kan thut hnu chuan order kan ti fel a.. ka mitah tak chiang takin min en a..

.

‘Ka zawhna chu..’ a rawn ti a

‘Article zingah min hawtu pawl din duh mai an awm ang tih ka hlau deuh..’ tiin ka han khi sak a

‘Ha..  fiamthu I thawh tihna maw’ a ti a

‘Lo inngaizawng ta ila I ngaihzawn thin ang hmeichhe dang atang a I hmuh thin kha ka lak atangin I hmu ve dawn si loa..’ ka sawi lai mek chuan a thusawi a lak let chu hlau tak ka nii!! Mahse, heng hnam dang ho hian Mizo ho min duhna pawh kan lung len vang a ni tih an sawi ka hre fova, a dik ngei beiseiin ka sawi chhuak chu a nia.

‘I sawi awmzia chu..’

‘Sex.. party.. a chhan chu Christian ka ni..’

‘Ka hria e.. ka hnuai a mi I ni a.. CA student I ni bawk chuan chung zawng zawng ai chuan I sakhaw zui ka zah sak che a ngai a lawm..’ a ti a

‘Ka lawm e.. mahse ngatinge min duh??’ ka ti a

‘Ka hre lo.. I duhawm a chuan I tum a ruh a, chuan Mizo I nia..’

‘Mizo hmeichhia a experience I neih chak vang maw??’ ka ti a

‘A ni deuh ber mai.. mahse nang chu I danglam.. chuan I duh dan ang chu ka pawm alawm.. ka tiam a che I tan a hnawksak khawpin ka serious loang , I zirlai I tih bahlah palh hi ka hlauh ber a ni..’

.

A thilsawi lai chuan Shradha thil sawi ka hrechhuak ruai ruai..

‘A bem che anga.. sex leh party I ti thei lo tih a sawi hnu ah a thil sawi a la let thei tawh lo anga.. I hnial a nih chuan friend zone I hnial lo a nih chuan light taka inngaihzawn a sawi ang.. a chhan chu mipa  ania.. sex leh hmeichhia a duh duh a nei thei a, a mamawh reng bawk ang.. chuan a rilru ah light taka tan pui che a.. in duh tir telh telh a tum che anga I phalna ngei a sex in hmandun hun thleng bialpa tha tak angin awm a tum ang..’

.

Ka rilru te te chuan ‘Thil tum kan nei ve ve a nih hmel’ tiin ka ngaihtiuah a. Mahse, a chak lo zawk ka ni dawn lo. He vaipa hi engang a zei leh hmeltha pawh nise a lakah ka thianghlimna ka hloh loang.

.

Nitin a car in min rawn lam a.. Office ah erawh luh rual ka duh lo thung. Kan awmna lama a rawn kal pawn midang a  biak angin min be mai a, banah pawh a ngai te bawkin min thlah thlap thin. Chawchhun atan eitur  packing a rawn dah tir thlap a, chhuak loin office ah ka ei mai thin.  A tangkai chho viau.. nitin a ka insen so na thin ang ah min chhawk tan der a, a der chuan ka hnial tak na a pawi ka ti lo khawp mai. Ani pawn min hman tangkai a tum ve tho tih ka hrechiang viau bawk a.

.

Zanah chuan a aia nasa in kan inbia a mahse kan serious lo dun ve khawp mai, bakah  ka zirlai bak ka sawipui ngai lo.. chu chu ka thil tum ber  ani zawk.  A rilru tak chuan a ning viau maithei mahse ka thawhrim zia a hria a, min hnial ngai loa phur hmel takin min hrilh a.. a lehlam takah chuan ka tan malsawmna a ni ringawt.

.

Vawikhat chu holiday a nih avangin nalh taka inchei turin leh a chhuahna a kal ve turin min sawm a.. ka hnial hreh deuh avang chuan ka ‘aw’ ve hram a. Kan kal na tur lam pana kan inkhalh chuan kan kalna chhan tur vel a sawi a.. an chhungkaw thian anih thu a sawi a, a thusawi dang ngaithlak sak lem lo a phone ka khawih san lai chuan kan lo thleng hman der a.

.

Hotel a kan luh chuan kan dawhkan min kawh hmuh lam ah chuan mi pahnih an pafa ni awm tak an lo thu a..

‘Ahh.. Puii ani hi T.N. Manoharon chu  anih hi.. ICAI ah President ni lai mek…’ Khawvel a ka mi ngaihsan lutuk te zing a mi ka chibai mek a ni.. ka mumang a ni hial zawkin ka hria.. ‘Chuan ani hi ka article zinga dangdai ber.. tumruh ber a nih hi.. a kum khatna  azo chiah..’ tiin a lo sawi a

‘Sir ka hmu che chu ka lawm takzet.. ka ngaihsang takzet che..’ ka lo ti vat a. A bula thu a fanu nen kan inchibai leh hnu chuan kan thu ta a ..

‘Chuan enge I ngaihdan ka thil surprise che hi??’ Aditya chuan a rawn ti a

‘A tha ka ti lutuk.. ka hero a ni asin..’

‘A lawmawm e.. CA student ah ani hre lo hi an tam a.. hre lo zinga I awm vaih chuan ka zak dawn lutuk tlat’ a tih chuan an nui ar ar hlawm a

‘Ka hre takzet..Padma Sri pawh a dawng tawh a..  CNN ‘Indian of the year’chenin’ ka tih chuan Mr. Manohoran chuan lawm hmel takin min lo en a

‘Naupang duhawm tak I nei a ni Aditya..’ a rawn ti a. Aditya nen kan inen a min siai zeuh.. ka nui hak.

.

Kan haw lam chuan a chau deuh a niang a tawng peih mang tlat lo.. keipawh chutiang tho chu..

‘Zanin chu kan inbe thei loang..’

‘Ka hria e.. ‘ tiin ka chhang mai a. Weekend a ni dawn a, a thil tih tur ka hre reng.. khawilai a a thian mi hausa fapa te nen kartawp chawlh nasa thei ang bera hman an tum leh tawh a ni ngei ang..

‘Ngatinge I inah ka lo kal theih loh??’

‘Ngaa??’

‘Engmah’ tiin a car khalh lai chu a khalh leh nghal mai a

‘A chhan chu ka in a ni lo bakah Adi nitin office ah min hruai a min thlah ziah a.. zanah chuan ka chawlh hahdam loh chuan lehkha ka zir angai a..’ ka ti a..

.

A chang chuan ka lakah hian a pangchang ve emaw ni chu aw ka ti thin.. a ma min hrilh ang deuhin ka kum en aiin ka puitling a, ka chezia pawh nula senior an tih ang kha  a ni fo a.. ani ang CA ve tawh uai pawh kei aia chet naupang chhiat chang a ngah thin viau a ni.

.

Tlai khat min thlah haw tura min lo nghak chu ka luh rual rualin ka paper chilh khawm chu ka keu a..

‘En teh Adi hei hi ti hian a dik zawk em?? vawiin ah kan inhnial phah a..’ ka ti a

‘Khawngaihin Puii..’

‘Aw en lawk la.. inkhalh chhuah hma..’ka tih chuan ka kut chu a nawr kiang pawp a

‘Khawngaihin ka tih kha.. ka chau.. nilengin office ah ka buai a.. reilote tal min chawlh tir thei lo a mi??’ a rawn tih chuan ka na zawkin ka hria.. sawi tur pawh ka hre lo ka hrilh hai takzet  ani.

‘Ka ngaihzawng I ni a.. ni e zanah chuan kan inbe leh ngei ang mahse I zirlai bak I rawn sawi leh lo anga.. “Ka ngai che.. dah tawh rawh” ka tih lahin  I zir a ngaihthu min hrilh sam et a.. nangmah ang hmeichhe huaisen tak leh tumruh tak hi ka ngaihzawnga ka thlan na chhan chu ka hahchawlhna inih ka rin vang a ni.. thla tam fe kan inzui tawh ka thlah haw che a ka biang a fawh zeuh bak ka dawng ngai lo..’

.

Sawi tur hre loin ka ngawi reng.. ani ka duh ve deuh a ka inngaihna kha chhunzawmin a awm lo nge.. ka duh dan anga thil a kal viau vang zawkin ngaihzawng anga ngaihna ai chuan ka zirtirtu anga ngaihna a tam zawk tlat si.. Ni e, hmeichhe duham tak ka ni a, ka hlawhtlinna kawng daltu lakah ka rilru ka lo hawng lo te pawh a ni mahna..

.

‘Ka tihpalh..’ ka chil ka lem ri kawk a

.

A car a start a.. ngawi rengin ka awmna lam min panpui ta a. He thil hi ka tih tawp vat angai, ani rilru hi ka tina thei loang.. a rilru tih nat hi ka thil tum zingah a tel lo.. ka zirlai a min puih chiah a ni ka duh chu..

.

Car atanga ka chhuak tur chu ka banah a rawn vuan a.. amah hnaih takah min pawt a.. ka tiril chu  akhur nasa hle  a ni. A chal leh ka chal chu sik tiring a mit a chhing vang vang a..

‘Ka tihpalh.. tiang khan ka awm leh tawh ngai loang..’ a rawn ti a

‘Rilru hahna I nei  ami??’ ka ti tham tiak a

‘Aw.. mahse buaina a awm lo Bawihi..’ tiin a thu that a daih a

‘Khawngaihin min hrilh rawh Adi..’ amah hnaih tak chuan ka va tawlh phei ta zawk a..

‘Naktuk lamah aw..kal tawh rawh’ a ti a.. nawr vak ngaihna ka hriat loh avang chuan chhuah mai ka tum a.. mahse ka hawi let leh a ngawng a ka kut lehlam a chelh pah chuan a hmui ah ka fawp a.. ani chuan min rawn kuahin uar takin min rawn fawp let vat a. A uar telh telh dawn a ka hriat avang chuan ka kalsan ta a.

.

.

‘Shradha hei hi kan tih tawp a ngaii.. a serious tan ania!!’ tiin thil thlen dan zawng zawng chu phone ah chuan ka hrilh a

‘I awmdan in a zir lo a nih chu..  atan inhawng ve ta che zirlai lam ringawt ni lo in..’

‘Eng vangin nge chutia ka tih ang??’

‘Aw.. inla kulhmuk leh lutuk thin suh.. care la a ni tawp.. in chulnel lam ka sawi lo..’

‘A nih chuan engtinnge ka tih anga..??’

‘A tam alawm.. tunah 1^st year I zo  choh a.. amah ila mamawh tih hre ta che.. firm ah I thiam zia an sawi luai luai hi.. Aditya vang a nih kha..’ a rawn tih chuan dik ka ti leh viau lawi si. Ni e, ani ka ta  anih atang hian engkimah ka hlawhtling chho  chu  ani ber si a.

.

.

‘Adi night tuition min pe thei angem??’ tiin ka ve text a..

‘Engaa?? Min fiam mai mai ti raw..’

‘Aih.. ka fiam lo che.. kei aia thiam article zingah pakhat ka hria a.. ka lung a awi thei lo alawm..’

‘Heh.. anih enge ka hlawh ang..’

‘Ihh.. ilo thlen vela kiss leh I haw dawn a kiss.. tha em??’

‘Umm.. tha mai e.. engtik atangin??’ a rawn ti a

‘Naktuk zan..’

.

Tuna ka thil tih hi a risky lutuk tih ka hria.. mahse, khatiang anga min thinrim khum hnu ah tlemte tal a ka tih lungawi loh chuan engtinnge ka zawh ngam tawh anga.. a thlawnin ka inzirtir thei ang.. Ani chuan rilru dang a put loh ka ring lo, hmeichhe tam tak zinga a sex hmanpui chak ber ka ni miau a. Mahse, enge tih theih ka neih chuangg?? Ka hlawhtlin ngei ngei a ngai si a.

.

.

Zan hmasa berah chuan ka kawngkhar a rawn luh rualin ka va kuah a, ka fawp nghal bawk a. A hmeltha tak mitmeng atang khan a hlim tih ka hria a ni. Eitur leh intur tam tak a rawn ken chu ka dah fel a, reilote a thu hahdam a zirlai lamah ka luhpui leh tan ta.. Min kuah deuh thuak thuak a, keichuan ka lo hre lo der a, zangkhai takin ka be hmiah hmiah.. inngaizawng pawh kan ang chiah lo chu  ani.

.

Hun a liam zel a, ka tan Adi pawn a theih tawp  a chhuah zel a.. ka kum khatna ka zawh hnu pawh chuan a ngai te bawkin anin min pui leh char char chu ania. Amah ah hian danglamna ka hmu telh telhin ka hre mai. Club ah a kal ngai ta meuh loa, party tih thu pawh a ka atangin a ri khat ta hle a ni. Kar tawp chawlh a thiante bula hman ai chuan kei nen a movie endun a min hruai chhuah chu ngaiah a nei chho a. Keipawn a hma a chhuak ngai miah loa awm ai chuan ani ka bialpa hmeltha tak nen a chhuahdun a a thil inhmeh loh em em kawngsir thil zawrh eipui te chu min ti hlimtu ber an ni chho ta zel  ani.

.

Senior ka nih chhoh va tak avangin Adi nen a kan inkar pawh chu thup tum em em in ka awm ta loa, tlangzarh tumna erawh ka nei ngai lo a chhan chu mi tam tak sawi tur ka hria  ani.. ka enge maw hralha a puihna dawng anga min sawi sep sep ri ka hriat tawh a vangin.. a awm ve reng mai, a chhan chu tuition lakna tur pawisa neilo kha  ka ni miau a. Mahse, thudik chu kei leh Adi-a’n kan hria a.. chu chu a tawk viauin ka hria.

.

.

Ka phone call riin min ti harh zawk.. ka tha te chu a na thum a, ka che thei lo  ani ber a.. thei leh thei loin ka han ban a, Adi a lo ni a.. ka pickup vat..

‘Bawihi, ka hmanhmawh lutuk.. lo chhuk nghal mai rawh..’

‘Lo va kal rawh..’ ka ti tham tiak a..

‘Ngatinge I damlo a mi??’

‘Umm..’

.

Kawngkhar kik ri ka hre zui nghal.. peih lo takin ka va tho a, ka va hawn sak a. Min hmu chiah chu nghet takin min kuah a.. min pawm kanga ka khum lamah min chawi phei a..

.

‘Nizan ka haw hnu ah khan mu loin I zir leh ti raw..??’ vin lek lek chuan a ti a

‘Umm..’ tih chiahin ka chhang

‘Ngatinge?? A tul tawk zir dan ka hrilh ang che hi I zir mai thin loh?? I taksa in a tlin lo  anih hi..’ a tih chuan sawi tur pawh ka hre lo, ka vai ruai hi  ani ringawt..

.

Choka lamah a phei tih ka hria a mahse ngaihven zui tur pawn ka che peih hlawh lo  a ni. Ka muhil hman sek tihah min rawn ti harh a, soup in turin  min ti a..

‘Kal rawh.. I tlai tawh..’ ka ti sep a.. chhan pawh min chhang lo chuan ka khum ngenchhan min nghen tir pah chuan min tung tho a.. bowl a soup chu suakin min rawn barh a tum a..

‘A sa..’ ka lo ti a

‘A sa lo.. ka ti dai vek.. I taste hma hma in  a sa ti suh’ tiin min rawn barh a tum leh a, ka lo thle deuh a

‘A sa lawmm..’ ka lo ti hram

‘Nih leh’ tiin a chhem leh a.. a hmel ka hmuh khan ka tah a chhuak takzet. Keimah vanga inthlak danglam chho mek hi keimah vanga la na em em tur a ni si a..

.

Damdawi min ei tir a, kal tawh tur a ka tih chuan kan pahnih tan chawlh a lak thu a sawi a.. ka lo nui seih a.

‘Adi, kum hnih leh  a chanve exam ah hian ka inziah tlin theih I ring em??’ ka ti a

‘Tunah chuan I zirlai engmah ngaihtuah suh.. I ngaihtuah nasa leh lutuk a nih kha.. darkar ruk tal mu turin ka hrilh che kha..’ a tih chuan ka ngawi a.. ka mit ka chhing vang vang ringawt..

.

‘Ka bulah hian lo thu ve rawh..’ ka ti a. Diktak chuan ka ngai a ni.. a taksa deh te hi ka thlahlel ve ngawih ngawih thin. Ani chu ka bulah khum a rawn thu a, ka darah min kuahin a dar min nghen tir a..

‘Kan tawpna tur hi enge ni a I rin??’a rawn tih chuan ka harh zawkin ka hria

‘Maww..’ ka ti ha a

‘Inngaizawng innei lo chu an inthen vang a ni a.. tuzawk nge na anga tu in nge tina ang tih ka ngaihtuah a..’ a rawn ti a

‘Adi.. I serious takzet  a mi??’

‘Ka duh dan chu a ni bik lo mahse inven  ngaihna ka hre tawh lo.. ka duh ber chu I hlawhtlinna a ni’ a tih chuan ka na zawk

‘Ka tina che a nih pawn ka na tel ve tho ang’ ka mittui rawn luang chu a hriat hlau takin ka hru a..

.

‘Heyy Bawihi tap suh.. inneih tur kan nih chuan kan innei em em ang..’ tiin ka khabe a rawn dawm a.. ani chu nghet takin ka kuah a.. ka rilru chuan ka inten ngawih ngawih, ahma a a rilru remchanga min lak a tumna rilru kha a pu tawh lo tih chiang takin ka hre si a..

.

‘Awmdan tawk thiam turin ka hrilh che kha.. ani chu a ngaihtuahawm loh!! Hmeichhia a tan zawn hmuh a har lo.. bakah a lerh.. nangmah khan na lo turin inveng rawh ka tih kha..’ Shradha chuan mittui tling puamin min hrilh a..

‘I hria em?? khatiang mipa kha  a ni tawh lo.. ka duhdan a zah a min tihchhiat tumna rilru a pu tawh lo..’ ka ti a

‘Kha kha a plan zinga mi a nih kha.. tiang hian awm suh.. a hmangaih lo che..’

‘Aw ka hria.. min hmangaih pawh nise awmzia a awm lo..’

‘Puii I thil tumah chiang rawh.. Mizoram a chhungkaw harsa tak atangin Mizo zinga CA hmasa ber nih tumin I rawn chhuk a.. helai Bengali tlangval hmangaih tur ni lo in..’ chu chuan min deng na kher mai..

‘Mahse Shradha chu chu buaina  ani lo.. ka nat ai chuan a nat ka phal lo..’ ka ti tham tiak a

‘Anih chuan I inpuan a ngai a ni mai.. ti tawp rawh..’ tiin min kalsan ta a..

.

Ka rilru chu siam felin a tuk zana inpuan chu ka tum a mahse a thianpa birthday lawmna a a kal dawn avangin  nidang a hrilh atan ka dah ta a.. Zanah chuan ka khua a har ru hle mai, keimahin lehkha ka zir melh melh a.. thil dang ngaihtuah loh hram ka duh a. Shradha call a lo kal a, ka lo chhang vat a..

.

‘Pebble Night Club ah rawn kal teh.. I bialpa chetdan hi lo en teh..’ music ri bur bur karah chuan a rawn au lang lang a.. ka lungphu a rang ngei mai

‘Ka lo kal theih loh hi.. engtin nge an awm??’

‘Hmeichhia nen an awm’ a la dah nghal daih zui..

.

Engmah ngaihtuah loa lehkha zir ka tum a mahse ka thei lo.. thildang vanga ka zir theih loh vawikhatna a ni hial ang. Thikna leh kalsan ni ang tlat a ngaihna ka nei a, mahse heng hi ka tawngtai chhanna pawh  ani mahna.. Adi a tan text ka dah a..

.

‘Adi heng hi ti tawp ang.. kum hnih dawn CA zirlai ka nih chhung hian heng I puihna tel lo chuan engmah ka ni loang.. engkim vangin ka lawm e..’

.

A tuk chawlhni a nih avangin alarm pawh set loin ka muhil a.. mahse, kawngka kik thawm chuan min ti harh a, peih lo takin ka va hawn sak..

.

‘Adi nangmaw,

‘Engnge awmzia??’ a hmel ka hmuh khan ka tah a chhuak takzet mahse ka tap loang

‘Nizan a I hun hman dank ha hre lo ah min ngai  ami??’

‘Nizan ah a?? Pebble Club ah ka thianpa birthday kan lawm..’

‘In lawm hle mai..

‘Enge awmzia?? Eng dawt thu ngei I hriat a??’

‘Engmah.. heng hi tih tawp ka duh.. dik tak chuan a tir atang khan ka duh tak tak ngai lo che.. tuition fee tur ka neih loh avangin ka tana inhawng awmchhun I ni si a.. remchang ah ka hmang che a nih kha..’ mittui tih tlak loh tal chu ka tum mahse a rawn luang si..

.

Ngawi rengin a ding a.. min rawn pan hnai a, ka mittui chu a kut in a rawn hru a..

‘Ni e keipawn remchang a hman che kha chu ka tum a ni thin a lawm.. a chhan chu tuition fee I nei loa, hlawhtlin I duh a.. ka mamawh min pek theih ka ring a. Mahse, mi zawng zawng zinga danglam I ni a.. kei ngei pawh ka danglam phah a mahse I danglam phah ve miah lo maw??’ beisei nei tak chung chuan min en a

‘Aw nei lo.. ka engah mah I thawk lo.. ka duh ber chu CA nih a ni..’

‘Ila ni si loa.. min la mamawh alawm..’

‘Chhuak rawh Adi.. I tel loin ka ti thei ang chhuak rawh..’ tiin kawngkhar lam ka kawk a.. ka na tih tawngkam hian a hrilh fiah zo lo..

.

.

Kar khat chuang tawp office ka kal lo a.. ka chanchin engmah ka va sawi lo bawk. Hun ka mamawh a, ka kir a nih chuan engmah thleng lo angin ka awm thei tur  a ni. Ka la kal ni chuan tuman engmah an sawi lo.. Adi an chhuanlam a lo siam leh te pawh a ni mahna. Kan office ah vawi tam a rawn kal ang, inhre ngai lo angin kan awm a.. a harsa tih ka hria mahse eng thil ropui mah keini pahnih hian kan tawp pui dawn si lo..

.

‘Ka tihpalh Pui.. khami zan khan khatiang khan a awm lo..’ Shradha chuan a rawn ti a

‘Ka hria lawm..’ tih chiahin ka chhang

‘I tan vek a ni ka tih.. I tawp vat thei nan..’

‘Ka hria lawm Shradha… ka tha.. kum chanve chiah alawm nghah ka ngaih tawh.. exam ka pe anga ka haw ang.. ka rawn let leh tawh ngai loang..’ tap pah ti tih chuan ka sawi a, ani chuan min lo kuah vat a

‘I inchhir em??’ min ti a.. ka lu ka bu nghauh a

‘Anih chuan Aditya tan CA inih ngei ngei a ngai.. in pahnih tawrh zozai te hi engmah lo maiah chhuah suh.. tiin ani chuan min fuih a..

.

3^rd year ka nih kum chuan article junior ho ka zirtir ve tan ta a.. Aditya client ah ka awm tawh lo bawk a kan inhmu ngai mang lo.. mahse he firm leh a ken tel zawng zawng hian ka hmangaih hmasa ber hi min hriatchhuah tir reng thin. A chanchin hriat ka chak rualin ka nat phah ka hlau em em a. Shradha hnenah chuan ka awm lai na na na chuan min tih nat a duh loh thu a sawi a, amhse chu chuan ka rilru natna a tih dam theih ka ring lo.

.

Ka inzir nasa hle a.. a hma a Aditya tanpuina chiah la thin khan CA senior tak tak ho zak miah loin ka be rawn nasa ta viau a.. a hma aia nasa lehzualin ka hlawhtlin duhna chuan min tur a ni.. mahse hmingthatna leh hlawhtlinna ai chuan he firm chhuahsan vat vat hi ka duh tawh a ni. Mi tam tak chuan kum hnih leh a chanve exam hi pass lo turah an indah a kei erawh chuan ka duhthlan tur neihchhun ah ka ngai thung, hei aia rei chu ka tuar theih ka ring lo a ni.

.

Exam tura inbuatsaihna ka nei chho zel a, ka inringtawk ve viauin ka hria. A ni ah chuan call in ka nu nen kan inbia a , ani chuan min tawngtaisak a.. chu chuan vanneihna ka tan a thlen ka ring a ni. Exam na hmun tur lam ka pana, a kawt a ka mi hmuh chuan ka lungphu chu zuang chhuak tur ang maiin a rawn siam a. Ani chuan min rawn pan hnai a..

.

‘Thil dang engmah ngaihtuah lo la.. I rilru dah fim kar la.. I ziah lai leh I chhanna ah full attention pe ang che..’ tiin ka dar lehlam lehlam a chelh pah chuan a ti a.. ka lu ka lo bu nghauh a..

‘Kal tawh rawh..’ tiin ka chalah a rawn fawp zeuh a.. exam hall lamah ka luh san ta a..

.

Keima tawkah chhang tha viau chuan ka inhria a.. ka chhuah hnu chuan ka luh dawn a ka hmuh pa kha a lo awm leh beiseina ka nei ru tlat a mahse hmuh tur a awm si lo. Ka rilru chu a chanve a thawveng hawk a, a chave dang erawh natna sawifiah thiam phak bak hian a tuam thung si..

.

Ka awmna PG lam ka pan a.. ka kawngkhar bulah chuan bawm hi a lo awm a.. a chhungah chuan lehkhabu pathum vel hi a lo awm bawk a.. a hnuai berah chuan card mawi em em inthlahna card a lo awm tel a.. a tawpa  ‘Aditya’ tih hming inziak chuan ka mittui a ko chhuak chiang hle  ani.

.

‘Love,

Mi tamtak chuan ‘hmangaihna leh indona ah chuan engkim a thiang vek’ tiin an sawi a.. nangpawn I chhungkua leh I hnam I hmangaih avangin thiang tawk chin pawh thliar hrang hauh loin ka rilru I tina a.. mahse nang ang mi bikin hmanrua a tan choh pawh a min lo hman ve avang khan ka lawm e.. kum tluang atan min kalsan dawn mahla ka nunah zirtirna tha tak I hnutchhiah a.. heng sernung hian nang hi a cham tir reng tawh dawn si a..

.

Engkim avang khan ka lawm e

Your big guy..’

.

.

Airport lam pana taxi a ka chuan chhung te, thlawhna thawh chhuah dawn hun thleng chuan tu emaw hian thlahna thu ka talin a rawn sawi dawn lo a mi le.. tiin ka inngaihtuah char char a. Mahse, rawn kal chiah se zawng ka mittui leh ka thinglung diktak ka thup thei awm si lo. A chang chuan a khawp a ka lo hmangaih lo kha pawi ka ti mahse chhia leh tha hriatna.. hmalam hun dawn thuina rilru hian hlauhna min pet lat thin si.

.

Mi tam takin tuemaw an hmangaih vanga engkim chan ngamna an neih thinte chu ka lo nuihsawh thin a.. ka nun a pawimawh ber chu ka career tiin ka tlangaupui lo choh thin mahse chu hmangaihna kawng ka zawh ve chu he ka career hian a ti chhia in ka duhamna leh a ber nih ka tum talna chuan kumkhua in ser nung min siam sak tawh dawn si a..

.

.

 Thla khat chuang  Mizorama ka cham hnu chuan ka awm pawh tlemin a nuam ve ta deuh mahse Aditya ka ngaihtuah loh chang a awm zeuh zeuh choh a ni. Vawikhat chu zingkar a ka harh ka phone ka en chuan Aditya message a lo awm a.. mak ti rilru takin ka han hawng a..

.

‘Vawiin June 16 nikum hmasa ah khan I laka phut nei ru ran chungin ka propose che  anih kha.. kha tih hunlai khan ka thinlung tak takin ka hlim chu ka ti lo.. mahse I bula awm tluka nuam ka hre lo.

Chuan, nikum June 16 kha chuan ka duh vang pawh ni hauh loin ka hmangaih takzet che a.. ka hlauh ber chu tihnat che kha a ni a.. I duh dan zah sak che a nun kha ka thupui a ni thin.. Nikum tun ang hunah kha chuan kan pahnihin hmun nuam takah kalin kan intihlim anih kha ti raw.. Kum khat chuang chhung pawh a hmangaihna diktak thinlung pawn a hneh theih loh I thinlung kha khawvel a ka thil awh ber a la ni fo tih min hriat sak dawn nia..

.

Short-lived relationship champha Chibai le..’

.

A chang chuan ka tawrh ve tho hi a ring lo a mi le tih ten ka ngaihtuah a.. min dem hian ka na tih hi a hre ve miah lo a mi le. Mahse, ka na tih hi a hriat ka hlauh ber zing a mi a ni si a..

.

.

June 18 a ni a.. thla hnih kal ta lama exam ka pek chu result a chhuak dawn a.. ka zam takzet. Chawhnu lama a chhuah dawn  avangin nilengin engmah ka ti thei lo, ka chhungte pawn min be tawng thei mang lo.. Shradha call ka dawng a, Aditya nen a result an chan thu a rawn sawi leh ngat phei chuan ka mawng te hi a za vekin ka hria.

.

Dar 2 a ri chiah.. ka result hriat tuma ka beih lai takin Shradha call ka dawng.. ka pickup nghal

‘Congratulations..’ ka au thawt

‘Takzet em?? ka la en thei lo..’

‘Aww.. list ah I awm.. ka lawmpui a che Pui.. I hlawhtling ta..’

.

Awm ngaihna pawh ka hre lo.. ka tawngtai nghal char char.. ka chhungte pawh kei aiin an lawm tih tur ang vel a ni. Kan in chhete, lian lo takah inleng tam tak kan nei reng bawk a. Chanchinbu leh News website hrang hrang ah Chartered Accountant Mizo zinga hmasa ber Lalhriatpuii Kum 24 mi tih chu a chuang nasa hle a.. ka lawm viau e ti lo chuan ka rilru ah Aditya bak a awm lo. Kum 24 mi a nihin CA a ni thei tih a an sawi a bawn ka tih zia te, aman exam vawikhatna ah ka pass theih thu min hrilh a min fuih lai chu mitthla ah a rawn lang chuai chuai bawk a.

.

‘Ka lawmpui a che’ tih a message ka dawn te chu chhan ka chak takzet mahse sual angin min hre tawh law law a alakah chuan misual ber ka la ni zel mai aniang chu.. !!

.

.

Kum hnih  aliam tawh a Aditya nen kan inbe pawp ngai loa.. mahse ka birthday leh kan anniversary erawh min rawn wish ziah keipawn a birthday chu ka hmaih ngai bik lo. Ka hna ah ka buai em em a.. mahse nuam ka ti a, ka phur a keimah min ti keimah tu bawk ka zirlai ni tawh loin ka hna ka atchilh a ni mahse he thinlung hian a hriatreng na a a paih ngai lo Adity erawh a theihnghilh a harsat em em a.. Theihnghilh tum ai chuan amah hre reng chunga hmalam pan chu a tum ta zawk a..

.

Zing dar 8 a ri tawh a, Anniversary wish ka la dawng miah lo chu mak ka ti rilru hle..’ tun tum chu ka wish hmasak a ngai a nih hi call ngatin aw niang’ tiin Aditya chu ka han call a..

.

‘Hello..’

‘Aditya a awm hnai lo em ni??’

‘Aw.. Sir chu a insiam mek a..’

‘A zin dawn em ni??’

‘Aih.. vawiin an inneih ni a nia..’ ka nghing lawih..

‘Maw.. tu khawi a mi??’ ka tawng bah nuai

‘Shradha maam nen..’

‘Tu Shradha?? Shradha Roshan maw..’ ka ti tuar

‘Aw.. ni e..’

.

Engmah ka sawi thei tawh lo.. ka thutthleng ah chuan ka thu hnawk.. ka hmangaih hmasa ber leh ka thian hlu ber a  ka chhal ngam an innei a maw..  Keiin hlawhtlinna ka chang a, ka thiannu erawh chuan ka hlawhtlinna thlentu  anei zawk si..

.

.

>>>>>>THE END<<<<<