PART TIME GIRLFRIEND

“Rawn chhuah tir la a ni mai.. ka be duh..” tiin kawngkhar bulah chuan ka ding tlat a

“Rs..nakin ah in inbe dawn nia.. tumah a be duh lo..” tiin min nawr tawng tawng a

“Zawngi kha a va tenawm ve.. va ko rawh ka be duh alawm” tiin roomah chuan luh ka la tum talh tho a

“Haw mai rawh, a tlai tawh si.. hosteller dangin an hmuh che chuan a chi loh bakah zu rim I nam lehnghal..”

“A tha e.. ka phone chhang tur in hrilh ang che..” tiin ka kal ta a

.

Kum khat dawn ka nihpui tawh, ka nupui ni ngei tur a ka rin leh ka duh chuan nimin piah mai khan intihbuaina em em pawh kan nei lo chungin min rawn then a, he tiang khawp hian khanu zun kha ka lak nat ka ring ngai lo. A chhan vawi tam tak ka zawt mahse ka call a chhang ngai loa, ka message lah a reply duh hek lo. A mizia ka hre chiang a, vawi khat chiah bia ila chuan kan that leh mai ka ring a, mahse chance vawikhat te mah pek ka ni si lo.

.

Classroom a Kimkimi lo lut ka hmuh rual chuan a bulah ka va thu vat a..

“Ngatinge ka call chhang tur a hrilh tur che in ka tih che kha..” ka han ti nghal a

“Ka hrilh a lawm” tih chiahin min chhang a. Dik tak chuan ka inthlahrung ve reng, a room mate mah ni se an inkawm tam loh zia Jenny nen kan nih lai atang pawn ka hria a, mahse tunlai a awmdan hre chiang ber tu a nih avangin leh kan subject lak a inan avangin han zawh mai chu ka tan tih awlsam tak a ni thin si a ni.

.

Chhan ngaihna vak ka hriat loh avang chuan ka thutna lam chu ka pan ta a, Kimkimi chu biak leh ka chak zek zek Jenny chung chang zawh mawlh chu ka chak.. mahse a awmdan atang chuan han biak mai pawh chakawm loh khawpin a nguai bawk si.. class lak lai pawh ngaihsak thei lo khawpin Kimkimi biak leh dan mawlh chu a ngaihtuah, ka va en zeuh thin amah a thu in a kun ngul bawk si..

“Pawi lo e.. tih dan a awm mai ang..” tiin biak tawh loh chu ka tum ta zawk a.

.

Class a zawh rual chuan ka tho a, pawn lam panin ka kal nghal a

“Theihnghilh tum rawh..”

“Engmaw..” tiin Kimkimi lam chu ka va hawi a

“A hmangaih lo che..” tih pah chuan a lehkhabu chu a bag ah a khung mawlh mawlh a

“Ngaihzawng dang a nei a  mi??” ka lo ti vat a

“Nei lo pawh ni se enge danglam vak??” tiin min chhang a, min kal san ta a

.

Kimkimi nen hian Pachhunga University College ah Botany subject la in kan batch pawh a in ang chiah a, ka bialnu hlui Jenny erawh chuan History Subject a la thung. Kan kum hnihna vek a ni a, Kimkimi nen hian class in ang ni mah ila kan inkawm ngai lem lo.. ani hi chu mahni a awm nuam ti a nih zia kan class ho chuan kan hre thup a, tuman kawm kan tum ngai lem lo. Jenny erawh college a kal tirh atang a boruak nei hat, zei em em leh chhe lo ve thaw khat a ni thung a. An ni pahnih hi Champhai khaw chhuak ve ve an nih avang a in room mate an ni tih chu an sawi tak na in, an mize in an lohna hian an in nel lem lo tih a hriat hle a ni.

.

Kei erawh chu Khatla ah kan chhungkua in kan cheng a, unau pali kan ni a kei hi ka naupang ber dawt tu a, ka nau chiah hi hmeichhia ni in a bak zawng erawh mipa kan ni thung. Kan in atang a hla vak lo private hostel ah Jenny te chu an awm a, College a ka hmuh tirh atangin ka star nghal a, engtin tin emaw Kimkimi nen an in room mate tih ka hre chho a, a number ka dil a.. ani chuan min pe ve mai bawk a, kan ni chho chu a ni nghal mai. An hostel ah ka kal zing thei hle a, an warden te thleng hian min chhaih luai luai zel.. mahse pawi ka ti lo, ka bialnu hi a hmeltha a, a pian a nalh a, a bright em em bawk a bialnu chhuan tham chu a ni ve bawk alawm.. Oh.. bialnu hlui a ni tawh tak e!!

.

Kan inthen atangin kar hnih vel chu a liam tawh, ka awmdan ngai ka pawh hlei thei lo, chaw ka ei thei lo a, ka mu tlem em em bawk. Mahse, College ah erawh ka kal ziah a, chu pawh Jenny ka hmu mial mahna tih ka ngaihtuah thin avangin. Mahse, ka beisei angin thil a thleng ngai lo thung.. ani chu ka hmu ngai loa class a rawn kal ngai lo te pawh a ni mahna.

.

Class atang a ka chhuah chuan Kimkimi pawh chu a chhuak ve chiah a..

“Kimkim…”

“Awih..” tiin a lo hawi vat a

“Ka lo thlah ang che..” ka han ti a

“Hostelah Jenny a awm lo..” tiin a hawi let hmak, ka zak ve reng Jenny vang chiah a bia ka ni tih a hre chiang thin lutuk hi chu

“Jenny vang a ni lo.. kawng a thui ve em a lawm..”

“Tak takah coffee dawrah ka kal a ngai a, ka haw nghal thei lo.. ka lawm e” tiin a kal ta a. Hmanhmawh fe in ka helmet ka khum vat a, ka bike chu start in Kimkimi kalna bulah chuan muang changin ka va khalh phei a..

“Enge I hriat aa??” mak tih hmel takin min rawn en a

“Ka lo thlah ang che..” ka duh vang pawh ni miah lo chuan ka sawm ngar ngar, Jenny vang choh a pawh ka ni tih a hriatna leh a tih lan em avanga ka zahzel a ni deuh ber.. “Chuang mai teh..”

 “Van mak tak.. miin min en duh teh mai nia..”

“Chuvang reng.. lo kal mai rawh..”

.

Duh thlan tur a tan ka siam sak miau loh avang chuan a rawn chuang ve mai a,

“Khalh chak suh aw…” a rawn ti sep a, ka nui suk ringawt..

.

MC thlen hma parking lot ah ka bike chu ka han park a, ani chu kal nghal mai a tum a..

“Coffee min treat I tum na nge??” ka han ti a

“Rawn kal pawh I duh ka ring loa..” tiin a han ding leh te te a

“Engvangin maw..??”

“In rawn kal zing thin sia Jenny nen..”

“A ho mai mai.. kal ang..”

.

MC ground floor a Coffee Corner awmna lam chu kan pan dun ta a, he coffee corner hi Kimkimi nite ta a ni a, a hman chang changin a pui a.. Jenny nen pawn vawi tam tak kan kal dun thin a ni. Dawr chhung kan luh chuan ka phu zawk, hnathawktu pakhat chuan Jenny thu lai coffee  pek pah chuan..

“Saw… a lo thleng alawm…” a ti zeuh a, Jenny pawh chu a rawn hawi vat a. Ka hmuh loh rei vang nge ni dang zawng aia hmeltha a ka hriat.

“Enge he tah I lo tih??” Jenny chuan a rawn ti vat a

“Ah.. englo.. Kimkimi hi..”

“He tah I awm tih ka hriat vangin ka lo hruai..” Kimkimi’n a rawn tih chuan ka ngawi ringawt a

“Nih chu..”

.

A bulah chuan ka han thu a, Kimkimi awmna lam chu ka va en a, a apron ha in coffee siamna bawlhlo vel chu a lo khawih mek a, min hmuh velah chuan good luck singin  a kutzungpui min rawn hmuh zeuh a, a nui suk bawk a. Kimkimi nui lai ka vawikhat hmuhna a ni lo nangin min nuih suk hmel ka hmuh chuan a nuih khat zia ka hrechhuak uar uar a. Jenny ka bulah a awm tih ka hrechhuak zawk, ka rilru hah zia nen…

.

“Engkim sawi fel I duh miah lo a mi??” ka han ti a

“Sawi leh tur chuang pawh ka hre tawh lo..”

“Chas dang I nei a mi.. nge thil dang??” ka han ti a

“Tunlai ka awmdan hi ka hrethiam lo.. engkim hi ka hne..”

“Kei tiamin maw..”

“Aw.. dik tak chuan..”

“Ka hrethiam che lawm..” ka ti a, ani chu a ngawi reng a.. “Eng thilin nge lo let tir thei ang che??”

“Ka hre lo.. tunah chuan space ka mamawh..”

“Nia ka hrethiam che mahse kar khatah vawi khat tal coffee kan in dun thei a ngem.. a nih loh pawn inhmuh zuai tal..” ka ti sep a

“A tul kher a mi chu chu..”

“Um.. I that leh that loh ka hriat theih nan..”

“Anih leh kan tum dawn nia..” a tih chuan beiseina tlem ka la nei.. he nu hi ka chhuah thei lo, neih let ka tum tur a ni.. tih chuan ka in fuih char char a.

.

Jenny chhuah hnu chuan keimahin ka la thu char char a, enge ka ngaihtuah pawh ka hrethiam lo.. he ti khawp hian ka tlawm ka ring ngai lo, mahse ka la hmuh theih tho hmelna chuan thil chu a awlsam phah ve dawnna hriatna min neih tir a. Jenny hian ka hmangaih zia hi a hrechiang a, a tel loa ka awm theih hi a rin ka ring loa chu mi vang a inhmuh pawh duh a nih ka ring a. Mahse a lakah hian enge tih sual ka neih le.. hetiang a min tih teh thut hi, ani hian enge maw ni tak zep a neih ka rin phah hial a ni.

.

“Coffee..” ka ngaihtuahna atang chuan ka harh zawk a..

“Ka lawm e..” ka nui lui hram hram a “Kimkim.. min tanpui thei a ngem??”

“Engtin??”

“Tun kar inrinni atangin.. inrinni apiangin Jenny lo hruai ka tum a..  thil dangdai ve deuh min ngaihtuah chhuah sak thei a ngem??” ka han ti

“In indate tha leh dawn maw..”

“Chu ai chuan a tha lo zawk..” ka tih chuan min khawngaih hmel viau a

“Neih let leh I tum em ni??”

“Aw..”

“Ok.. a tha lawm, theih tawp ka lo chhuah ang..”

“Awm lo la chu..”

“I buai ngawt ang..” a nui deuh huk a.. he nu hi belh chian chuan a lo nelawm ve phian hi a. A let leh lam chu a mizia ka lo hriat chian loh zia ngaihtuah chungin ka thlir reng a. A san zawng chhuanawm fahran loh te, a sam sei hniang.. a vun ngo veng, make up hmang tam lo tih hriat tak a a hmel natural tak te chu Jenny nen a tehkhin chi zia zang an ni lo, inan na pakhat mah an nei lo. Mahse, customer a lo dawr dan nelawm tak ka hmuh chuan he dawrah hian vawi tam ka kal tawh a, heti tak a nui hmel a lo pu thei tih kha ka lo hre ngai miah lo a ni tih min hriat chhuah tir a. Ni e, a awm ve tho a.. Jenny nen khan kan kal dun ziah a, Jenny kha ka tan a mawi tawk em em a, a tu amah kha ka lo uksak ngai lem lo a ni.

.

Semester exam a hnaih tawh avangin assignment leh project work tih tur a awm ta sap sap a, kei practical class tlanbo reng tan chuan a hawi hil theih khawp mai. Mahse, vanneithlak takin pahnih zel a inkawp a ngaih avang chuan Kimkimi chu partner puiah ka sawm a, a peih vak hmel loh hle nangin min hnial hran lo.

.

“Kimkim naktuk kha theihnghilh suh aw..” tiin ka va hrilhru zeuh

“Practical class I kal dawn lo mi??”

“Aw.. kal lo mai ang..”

“A fair lo, kal rawh” a tih chuan mak ka ti riau

“Ngati??”

“I partner tur ka nia.. keiman ka tih vek a fair lo..” a han ti a

“Mahse, naktuk a tan ka inpuah chah a ngai a, nang pawn I tih dawn kha aw..”

“In hmu mai mai tur I va la serious em em..”a rawn ti a

“Jenny hi ka tan a pawimah zia I hriat kha..”

“Nia ka hria lawm.. Monday ah assignment theh luh tur kha aw..” a ti a

“Um.. kha chu ka lo ti mai ang”

.

Zanah chuan phur takin Jenny ka va call a, a tuk a chhuahpui ah ka va sawm a.. a lo pawm chuan ka hlim lutuk ka rum deuh hak a. Kimkimi ka va text nghal a, ani chuan lehkha a zir mek thu leh tibuai rih lo turin min lo ti a, enge ka hlimna ka va hrilh pawh chu ka tihbuai na vak le..

.

Coffee corner ah Jenny nen kan lut dun a, ni dang a kan kal ang lo takin Jenny chuan hlim hmel a pu lo kher mai mahse keimah a inrintawkna chuan a hlimna siam sak leh ka in beisei tlat thung. Kimkimi chuan kawr sen lar tak a khup khuh vel kawng hnuai lama arh deuh hlek ha in coffee a rawn chawi a, nui hmel a rawn pu sang bawk a. Jenny chuan Kimkimi a hmuh chuan a nuih seih a, coffee a rawn dah chuan a let leh mai a. Chu a coffee rawn dah chu ka han en a, ka nui deuh suk.. love sign hian chocolate  powder a lo phul kual chu niin, rawn let lehin chhang tui hnai tak a rawn chhawp a

“Hei aw cookies..” a rawn ti zeuh bawk a

“Kim nangma siam maw.. ni special deuh a mi a..” Jenny chuan a rawn ti vat a

“In tan ni special tak a nia lawm..”

“Eng ni maw..” tiin Jenny chuan a rawn ti a

“Kha kha zawt la..” tiin Kimkimi chuan min rawn melh zeuh a

.

“A tui hle mai.. I duh zawng a ni em??” ka han ti a

“Ka cookies duh ber..” tiin a han keih a

“I room mate a nia siam tir fo tur a lawm..”

“Chu tia siam sak tur em em in kan in pawh lo, he tah chuan a cutomer ka nia lawm..”

“Ka bul a awm hi I hlim phah miah lo a mi??” ka ti a

“Please.. Rs.. min force suh..”

“I danglamna chhan hi..” ka tih lai chuan a phone a rawn ri a, a pick up vat a

.

“Aw.. Din.. Kimkimi te café ah ka awm.. a pawi lo, hmanhmawh a ngai lo..”

.

“Sorry.. Rs.. ka kal vat a ngai a” a tih zawm zat a

“Ka thu sawi lai ngaithla phawt la”

“Anih sawi zawm rawh..” a tih chuan min ngai pawimawh lo riau a hriatna ka nei a. Ka ngawi rih deuh vang vang phawt a, a hmel ka en a min mamawh hlawl lo..

“I la inchhir dawn alawm..” ka han ti phawng a

.

“Engtikin nge I lo haw..” tih Kimkimi tawng ri ka hriat chuan ka va hawi a, ka bul a thu Jenny pawh a lo ding vat a.

“Kar thum vel ka awm tawh..  Champhai ah ka tlang a, ka rawn chhuk leh tawh zawk a.. I lo va lian tawh ve” tiin chu tlangval chuan a chhang a.. kan lam panin Kimkimi nen chuan an rawn phei a   

“Nih chuan kan kal san mai ang che u..” tiin Jenny chuan chu pa ban chu a va chelh a, ka mit deuh sulh..

.

“I tha em??”

“Kha pa kha tunge??” ka han ti a

“Champhai a mi a nih kha.. Kolkata ah lehkha zirin a awm a.. kan chhungkaw thian.. englo Rs..”

“Enge sawi rawh??”

“Kha pa nen khan an inngaizawng thin a, an inzui leh aniang.. theihngilh tum la tha ka ti..” a han tih chuan ka thinrim ka insum hman lo tep

“Engtik atang khan nge min lo ngaihtuah tak a.. theihnghilh tir hial min duh a??” ka han ti ringawt a, a hrilhhai hmel hle mai

“Ka tihpalh..” tiin a tho ta daih a

.

Ka thinrimna leh rilru natna in pawlh chuan phuba lak dan mawlh chu ka ngaihtuah a, enge tha ber ang?? Ngaihzawng ka nei ve mai dawn em niang.. ani thik nan chauh, mahse chu mi tur chuan min duh tak tak lo tur ka mamawh in ka hre si a chhan chu ani tih thik ka tumna lamah ka ngaihzawng chuan min lo duh ta tak tak se a rilru ka tin a mai mai awm si a.. keichuan Jenny lo hi duh dang ka neih ka ring tawh lo a ni. Chan ang a ka in ngaih leh midang ta tur anga ka ngaihtuah nasat poh leh ka na ngawih ngawih.. enge maw tak ka tih a ngai a ni.

.

“Kha I assignment sir Pj-a hnenah submit rawh..” tiin class a ka luh velah chuan Kimkimi chuan file pakhat hi min pe a.

“Hei hi min tih sak maw..”

“Um.. I ti dawn lo tih ka hria alawm..” a ti a kal mai a tum a, ka lo pawt let vat a

“Englo.. hmanni vang khan ka tihpalh.. chuan kan tha ti raw..” ka han ti sep a

“Tehreng.. midang vanga ka buai vawikhatna a nia.. a lo hlawk lo khawp mai..” mei nei tak chuan a han ti a, a mizia nen a in awm hluah hluah.. nelawm loh tak a a awm hian Kimkimi ngei kha a ni.

“Thian kan ni ti raw..” kan ti leh hram a, ka chhaih kawlh chak tlat

“Partner..” tiin a nui suk a, min kalsan ta a.

.

Rilru buai viau e ti lo chuan ka nuih a za tlat  Kimkimi awmdan vang hian… assignment min tih sak a, Jenny nen a kan inkar pawh tha se a ti, a rilru a chhe lo tih hi ka hria a ni mahse a lan chhuah tir dan a thiam lo mai pawh a. Jenny in a hma a min hrilh thin a mizia mak a tih thu te ka ngaihtuah a.. a mi nel bulah chuan nuam ti tak a hun hmang ve thei, a nel lem loh bulah erawh tawngkam khat pawh chhak chhuak duh lo a ang thin hle.

.

“Lo pawt chhe suh.. amak..” tiin practical roomah chuan min vin vak a, kan classmate te chuan min lo nuih tet tet hlawm a.. “Angiosperm life cycle tih ziak rawh” min tih chuan ka lo ziak vat a

“Khawi I record book.. ka ziah sak nghal ang che..”

“Aih I ziah a chhe si ka duh lo.. pangpar hi a dang awm se, I lo khawih chhe vek a..” a han tih zawm zat a

A ho ee.. a lem pencilin kan draw dawn tho a” ka lo ti vat a

“Draw ringawt nilo.. I hriatthiam a ngai lawm..”

“I hriat thiam chuan a tawk.. ka peih lo..”

“Hrethiam lo ka partner peih lo..” tiin Professor lam hawiin a ka a han an zuai a, rang mang khengin a ka ka lo hup…

“Nih.. min hrilhfiah rawh..” ka ti hmuk a, ani erawh a vei nuih suk a

“Hei hi enge??”

“Filament” phur lem lo tak chuan ka han ti a

“Anih filament kuang a kuhmum ang deuh awm hi I hria em??”

“Microsporangium Anther..”

“Good boy.. anih hei hi..”

“Floral axis, Articulation, Pedicel”

“Hei hi I hria em??

“Aih..”

“Macrospore Ovule,..”

.

Zirtirtu tak tak emaw a in ti a nih hmel, min zirtir lai chuan engkimah min control a tum hi a ni ringawt.. a chang chuan naupang inkhualtelem hi a ang mah mah zawk.. a bul a ka awm hi ka hlawk.. hlim phah em em lo mahila ka zirlai ah min pui riau, ka thiam tam lo mahse aman ka peih loh zawng zawng, project thleng a a ti hi ka tan chuan a hlawk thlak hrim hrim.

.

“Tunah khan Jenny in enge a tih??” tih message ka va thawn a min reply lo.. a hmu tawh tih ka hre reng sia.. “Hei.. enge a tih ka tih chu..”

“Ka buai a nia.. practical ka ziak..” tih in a rawn reply

“Min block tawh lo turin hrilh teh.. please”

“Ka block che I duh loh chuan min lo tibuai suh”

.

A van ngeng tak e aw.. a tih leh duh tak tak ka hlauh avangin ka va be zui ngam lo. Jenny nen kan inthenna thlakhat chuang a liam tawh a, a chang chuan ka theihnghilh ve in ka hre thin.. mahse theihnghilh tawp hi ka duh lo ni berin ka hria.. tin, ka phal lo bur bawk!

.

“Kha I record book..” tiin ka dawhkanah a lo dah a

“Naa.. hei hi ka ta a ni lo..” tiin ka keu kual a

“I ziah kha a chhe em a, ka ziah that sak che lawm..” a ti mai a

“Van ti ho tak.. a dik tho chuan a pawi hleinem..” ka ti a

“A tha ber tih tum kha a tha lawm..”

.

Zan khat chiah ziah nan hun a hmang a, chu pawh a ma record bookah nen.. a thawkrim hle a nih dawn hi.. tiin ka ngaihtuah a, ka lawm takzet mahse lawmthu han sawi dan vak pawh ka hre lo.

“Vawiin chu lunch ka treat ang che..” ka han ti ringawt a, ani chuan min lo nuih suk ringawt thung a.

.

Canteen ah kan lut a, an lo thu deuh thup a.. min en duh tawk lah an bo lo. Ni e, a awm ve tho e.. lar hat khawpin Jenny nen kan inzui a.. kan inthen atangin thla hnih a tling awrh a midang ka chhuahpui leh nghal a ang em a.. mahse pawi ka ti lem lo, engmah tak tak an rawn hre chuang lo.

.

“Hei..Kimkim.. “ hmeichhe pakhat chuan a rawn ti a.. a thiannu nen kan bulah an rawn thu nghal a..

“E.. Rs hei hi ka cousin Hmingtei nih hi..” tiin min hrilh a. Anni ho nen chuan kan inbe chho a, Hmingtei chu a tawng duh in a nui ring hle a.. mi thawveng tak a ni tih hai rual a ni lo.

“A nih kan kal mai ang aw..” tiin an tho a, Hmingtei chuan ka dar leh Kimkimi darah chuan a kiu a han nghat a.. a rawn kun hniam deuh a

“In inhmeh teh mai nia aw.. chuan Kim.. ka lawmpui over che.. your dream came true.. Rs a sawi nasa thei lutuk che in nih hma hian..haha” tiin a kal nghal daih a, ka hrilh a ti hai angreng lutuk.. nuiza tak chuan Kimkimi lam chu ka va melh.. a hmai chu a kut in a lo hup a, a kut no tak te leh a hmai a lang lai ang ang chen chuan a sen tawn tawn ni ber hian ka hria.

.

“Engah mah ka ngai lo.. a ho lutuk..” ka han ti ringawt a, engtin mah min chhang lo.. “ Kali la..” ka tih chuan a kun ngul a, a lu a thing ringawt

“Hei.. ngatinge??” ka han ti leh a, a la kun tlat

“Ka lu a na lutuk..” a rawn ti tham tiak a, ka nuih a za angreng hle

“Lo kal rawh.. class ah lut ang..” ka ti a kan tho dun ta a

.

Ka haw hnu chuan vawiin thil thleng kha ka ngaihtuah neuh neuh a, Kimkimi hian eng rilru nge a put chiah le. . hriat thiam a har hle.. chu tih lai chuan ka phone a rawn ri, message ka han hawng a.. ka phu zawk..

“Vawiin kha a nuam em??” Jenny message a ni

“Enge a nawm na tur??”

“I chas thar nen ualau taka in awmdun vel kha ka hmu reng che u..”

“Chu ti maw.. enge I ngaihdan??” kan ti ve ngat a

“Lawmpuina hlan ka tum che u..”

“Engtin mah lo ti na suh aw..” kan ti leh sak a. A nuam ka ti loa, ka hlim phah lo.. Jenny hi ka hmangaih a tih nat ngat phei chu ka phal lo.. Mahse a awmdan hi hriatchhuah tir ve ka duh si a..

“Ka birthday I la theihnghilh loh chuan Hotel Ritz ah kan lawm dawn a.. I lo kal ve dawn nia.. innu nen” tih a message ka hmuh leh chuan ka na zawk.. kawppui tur a nei tih chiang takin a hriat mai, a na zawkah ka tang leh ta.

.

“Jenny’n kan inngaizawng emaw a tia..” tiin Kimkimi chuan nguai burin a sawi a

“Ka hria lawm.. a pawi viau a mi??” ka han ti a

“Pawi I ti lo maw..” phawk hra chuan a rawn ti a

“Umm.. I bul a awm hi a nuam em alawm..” ka tih chuan a nui suk a. Hetiang a ka tihna chhan hi Kimkimi ka ngainat vang a ni lo, a roommate  birthday lawm zan a kalpui neih ka duh em vang a ni.

“Kimkim..”

“Umm..”

“Birthday lawmna ah kan kal ang ti raw..” ka han ti a

“Jenny maw.. kal pawh ka lo tum loa gift leisak a pek ringawt ka tum a”

“Ngai lo.. a chas nen an awm dawn a.. ka chas nen kana wm angai alawm..” ka ti a

“I chas ka ni lo..”

“Ini.. midang ngaihah..”

“I rilru a na mai mai.. kal lo zawk rawh..” a ti a

“I bul a ka awm chuan a na dawn hleinem..”

“I bialnu angin maw ka kal dawn..”

“Umm.. ka bialnu I ni duh na nge..??” ka han ti leh hram a

“I bialnu lem lem maw..”

“Aih tak tak..”

“Mahse min duh tak tak si lo” a rawn ti zeuh a

“Hehe..  chu min pui duh lo maw??”

“Ka khawhar hun a ka tan I awm ve theih dawn chuan.. ” a ti a, a nui seih a

“I khawhar ve ngai a mi??hehe”

“Kha reng.. min hre lo ka tih kha..”

“Anih anih.. ka tihpalh..” tiin ka han kuah a, a nui ri ve har har a

.

Piancham zanriah ei turin Hotel Ritz lam kan pan a, zanin zet chu Kimkimi pawh a lang nalh kher mai.. ka ngaihbel nge a hlim riau in ka hria.. kan thlen chuan Jenny leh a bialpa duhtak chu chhelo veh vawh takin a lo awm tawh a, gift pe in chibai kan buk a.. a bialpa chuan Kimkimi chu min chhaihin, naupangchhia takin a la en tih hriat takin a fiam a.. Jenny hian ka chung chang engmah a hrilh lo tih ka hrethiam nghal mai a, mahse ka hnek chak thlawtt!!

.

Zanriah kan ei zo, washroom a ka phei tur chu Jenny nen kan in tawk chiah..

“Lalramsang.. in inngaizawng tak tak elaw..??”

“I hre tawh maw ka tia..” kan ti a

“Ka hria mahse ka awih lo.. saw tiang class lo lutuk nen sawn engtinnge in nih theih..”

“Lo buai ve lo mai teh..” tiin toilet lam ka pan san ta a.

.

A sawi kha a dik, Jenny class sang tak nen kan inngaizawng a.. a inringtawkin a bright em em a.. a fingin a inghahna tlak a mahse a chapo mah mah thin a ni. Kimkimi erawh landan ah pawh te ve tak, a hmel a chhe loa mahse chu chuan a tibuai pha pawn ka hre lo. A lehkha zir chiah a ngaihsak a.. he thu hi a bulah ka la sawi lo tak na in ka thiantha ber a ni, ani tan pawn chu chu nih ka duh a ni.

.

Vawikhat chu Kimkimi’n hostel atang a a chhuah tur thu min hrilh a, kei chuan Jenny’n engtin emaw a tawng khumah ka ngai a mahse chutiang engmah a awm loh thu min hrilh chuan ka ring ve mai a. Dik tak chuan Jenny piancham kan hman zan bak kha inngaizawng angin kan awm hranpa chuang lo, mahse midang ngaihah chuan inngaizawng chu kan ni mai. Heng zawng zawng karah hian Jenny ka duhna chu a la ngai reng, anihna takah chuan Kimkimi hi ka hmang tangkai a ni.

.

In thiar pui turin Kimkimi te hostel awmna lam ka pan a, ka kalna turah hian Jenny chu awm lo se ka kal peih pawh ka ring chiah lo mahse han hmuh a lem han chan khum kha ka chak leh tlat. Room a ka luh chuan Jenny chu boxer leh vest ten en a lo awm a.. a van sexy tak.. ka mipatna a ko chhuak lo choh..

“He tah mipa an lut thei hleinem..” a lo ti vat a

“Ka bialnu ka rawn hruai dawn a..” ka ti a ka va pan hnai a..

“Anih chuan hmanhmawh rawh.. inthlak ka duh..”

“Ti ta che.. ruak dawn khawp khawp pawn ka hma ah I lam ngam kha..” ka tih chuan a lung nih loh hmel hle mai, kal sawn a tum a ka lo pawt vat.. nghet takin ani chu ka kuah a.. a tang ve deuh mahse a tan dan hi a tih luih theih tih ka hria..

“I bialnu a rawn lut ange..”

“Saw tiang bialnu a ka chhiar I ring a mi?? ka part time thil pakhat  ve mai a nih saw..” tih pah chuan a ir no ah chuan ka thaw lum ham ham..   

“Huh.. mipa I ni emaw ka lo tia Rs..” a rawn ti bah nuai a

“I tan chuan kan pa lo mai aniang chu..” tiin khumah chuan ka bawh thlu a, uar zetin ka fawp ngawng ngawng a.. “In pa nge keiman nawmna pe zawk che??” ka han ti leh hram a

“Virgin killer nge nge.. tunge tluk che a I rin a?? anih I part time girlfriend nge I ex girlfriend hi zei zawk..” tiin ka boxer chhung lam a rawn zen a

“Saw nu saw tawh pawh ka la tawk lo..” ti pah chuan a awm ka zen lut a.. duh thawh takin ka tham a

.

Kawngka kik ri chuan min in thlah tir chiang hle mai, in hlat takin kan ding vat a.. Kimkimi a rawn lut a, a meng phawk ngang mai, kei ka lo thlan hluam nen.

“Rs.. hei hi lo la la.. anih Jen mangtha aw.. coffee dawrah kan inhmu thin dawn nia” ti pah chuan a chhuak a.. Jenny chuan chhan pawh a chhang lo, a awmdan a la dik chiah lo a nih hmel.

.

“Rs.. Car hi ka khalh thei a ngem?? Ka pa car pawh ka khalh fo a..” Kimkimi chuan a ti a

“Ngai lo.. a chi lo.. ka u ta a ni sia..”

“Min van ring lo ve..”

“Tih dam aiin inven  a tha zawk..” kan ti zeuh a,a  ner nang a

“Khalh chak a sin le..” a ti nui nui chu ka khawngaih ve deuh hlek a, chahbi chu ka pe ta a.

.

Kimkimi car khalhah chuan ngawi rengin ka thu a, Jenny nen kan awmdan ka ngaihtuah let a.. ka ui zia kha.. a mood ah ka la cheng deuh bawk nen Kimkimi kawrfual khup khuh lo chin chiah chiah in hlim deuh chu ka melh ka melh a..

“Nichin khan enge in tih??” Kimkimi’n a rawn tih chuan ka harh zawk

“Ngatan?? A ho e..” ka lo ti sam et a

“I thlan vek sia..” a nuih deuh hlek a

“I ngaih ang kha a ni lo..” ka tih chuan a ner nang a

“Ka ngaih ang I hria mi??” a tih chuan chhan pawh chhang lem loin ka thu ngawi kar a.. ka thil ngaihtuah ngai bawk chu rilru ah a arawn lang leh.. ka kut chuan car tape lam chu ka khawih a, Kimkimi mal chu ka khawih thawi fua fua a, ani chuan hria ang pawn a lang lo.. chutan chiang takin amalah chuan ka kut ka va nghat..

.

“Heii..” tiin a ke a leng vak a, car chu a cut kual nawk nawk a.. a hlauthawng tih hriat takin a au vak a.. ka va control sak hman hram..

“Lalramsang.. tiang kha infiamna chi a ni loh kha.. a za lutuk alawm.. ka lu a na lutuk” tiin thaw hlawp hlawp chuan a sawi a, a lungphu zawn  te chu a khawih leh rih a chang leh a lu a dawm vang vang a

“Kawrfual chhing hak tawh loh tur a nih kha..” ka ti zeuh a, a rukin ka nui char char

.

“Lo riak rawh..” ti message ka hmuh chuan ka khi vur vur

“Girls Hostel a nih kha Bawihte.. hotel lam a duhtawk a chet I duh zawk lo a mi??” ka va ti a

“Enge ka chuan lam angaa??”

“Kha chu I thu thu lawm..” ka ti a, min rawn call vat a. An hostel atanga hla vak loa hotelah inhmuh kan tum ta a.

.

Zan hun nuam tak kan hmang a, mi ngaih ah chuan nuam chen chu kan ni mai thei mahse keima lamah thung chuan Jenny hi ka hmusit ngai loa, ka hmusit phal lo bawk.. a thianghlimna ka lak sak angin a lak a mawhphurhna pawh hlen tlat ka tum a ni. Zing a ka harh chuan Jenny chu a lo chhuak fel tawh a.. ka phone ka en a, missed call 13 a lo awm.. chu pawh Kimkimi atang vekin,

“Enge henu hian a hriat le..??” tiin ka call let vat

“Hello”

“E.. Kimkimi a awm lo mi??” ka ti vat a

“Aw hei kan haw thleng a, a muhil ve leh chiah..” tiin phone atangin min rawn chhang a

“Maw.. eng thleng a..” ka ti tuar a

“Nimin ah a lu a sawh na deuh a niang, nizan khan a na vak a.. nizan khan kan riah phah a..”

“Ka lo kal nghal..” tiin ka in siam sawk sawk a, Kimkimi te in lam ka pan ta a

.

“Nangmah hi maw.. phone ah khan in sawi tur a nia.. an unau ho hian an sawi reng zel che a.. infiam nan tak hian an hmang che a..” ti a a ni in a sawi chu awmzia hre chiang em em lo mahila ka nui ve ringawt a

“Ka thaimloh ania.. a car khalh lai ka fiam vak vak a” ka han ti a

“A pawi lo.. hei test result atang chuan engmah tha lo a awm lo..”

“Khawnge midang ho hi..” ka han ti a

“Naktuk  hi a pu Lawngtlai lam a mi lungphun ni a nia.. an tleh phei vek mai.. kei chu Bawihi ka awmpui a ngai a”

“Kal I tum lo tawp a mi a??” ka han ti a

“Tum te chu tum ve e, chunglam in rem ati lo aniang nge..”

“Va kal rawh.. awmpui in nei tho a. Kimkimi chu ka awmpui thei dawn alawm..”

“A ngai lo.. I intibuai mai mai.. “ a tih chuan ka hnial tang tang a, a hnu chuan an chhungte chawhnu lam a phei tum motorah a bet ve ta a.

.

A khumah ka thu a, ka mal a rawn kham a..

“Nizanah enge I tih daih a??” a rawn titham tiam a

“Ka mu hma daih a.. ka tihpalh..” ka ti a. Dam tha var seng chuan thudik hrilh ka hreh lo, mahse a nat hlauhna riau ka nei tlat

“Ka khawhar laia ka bul a I awm theih dawn chuan I hmangaih loa I bialnu nih ka pawm kha..” a rawn ti a

“Ka tihpalh.. awm ka tum tawh ang..” tiin a biang chu ka chul a, a lo huh deuh a.. “ I tap a mi??”

“Umhhhhhh..” tiin a in let a, bawk khupin khumah chuan ahmai a phum daih a, naupangchhia ang chiah a ni. A bulah chuan mu in a sam chu ka chul a, hetiang tak a khawngaihna hian mi ka la en ngai awm pawh ka hre lo.. mahse ka tirilah hian enge maw min fan tu hi a awm a ni.

“Ice cream I ei duh em??” ka ti a

“Umhhhh..” tiin a lu chu a thling a, a hmai erawh a la phum reng

“Khawi min lo en lawk teh..” ka ti a, a tang nasa ngei mai mahse ka lam chu ka han hawi tir a, a mit chu mittui vangin a sen ram a, a vun no tak chu a tai hlerh bawk a.. a hmui chu dim te te in ka chul a..

“Tap tawh lo la.. nang pawn ka tah I duh loh kha..” ka han ti leh a

“Umm..” a ti a, ka lamah ka pawt hnai a, a hmui a fawh chu ka rilruk reng mahse ka tawp chat a, a chalah ka fawp ta zawk a.

.

Nilengin kan in awm a, a hlim hmel hmuh tur pawh a awm leh vat a. Ka bul a awm hi nuam a ti ve takzet a nih dawn hi. A chang chuan he ingaihzawnna lem tak ka lo kalpui hman hi ka inchhir a ni a chhan chu a rilru thianghlim tak te nen a ani ka han ngaihtuah hian ka unaunu engtik lai pawh a ka venhim theih ni zawk se ka ti tak zet. Tlaiah an in a hnathawk bazaar tur a a chhuah lai chuan ei tur kan siam dun a.. cookies siam dan min zirtir a, nuam a ti hmel ka hmuh khan min ti hlim.. artui a chawh lai chuan a ding nghing lawih a.. ka va buaipui vat a..

“Engtinnge I awm??”

“Ka lu hi a na.. a na lutuk.. doctor ko rawh..” tiin a tawng hi ruai a

.

Hmanhmawh takin a khumah ka mut vat a, a doctor ka koh sak vat a..

“He damdawi hi pek leh tur alawm.. in pe lo  ami??” doctor chuan a ti a

“Ka tihpalha  ni..a  chhungte an awm loa.. ka buaipui a, ka zei tawk lo a ni..” ka ti ringawt a

“Tunah chuan ka jection avang hian a muhil anga, damdawi hi pek dan tur ka hrilh ang che..” a ti a, ka lu ka lo bu nghauh a..

.

Ka nu te bulah zana ka haw tlai tur thu ka hrilh a, Kimkimi ala muthilh avangin an awmpuinu nen chaw kan ei a.. kan chaw ei kham room a ka lut chu, Kimkimi’n ka phone in mi biak a nei tih ka hria a.. mahse a lo dah hman chiah a ni.

“Tunge min lo call a mi??” ka han ti a

“Kha..” tiin phone a rawn vawm pawp a

“Enge.. thinrimna I nei a mi??” tiin a bulah ka zuk thu a

“A pahnihna nih reng hi ka hne..” a rawn tih chuan ka phu zawk

“Enga??”

“Ka fiam che..haha..” tiin a tho a, bathroomah a lut ta daih a

.

Call log list ka en a, Jenny’n min lo call a lo ni a, Kimkimi hi a thinrim a a lungawi lo tih ka hria mahse ka haider tlat thung si. Ani pawn mipa be tu a nei nual a, ka thik ve fo mahse ngaihtuahna zawng zawng sen nan khawp chuan ka thik ngai lo bakah ani hi a lerh lo chi a lo ni bawk nen ngaihzawng nei ang hian a awm mai zel a, tuman an be zui lem lo.. Jenny call ka dawng leh

.

“Hello..”

“Ka nghak reng che..”

“Khawiah maw??”

“Kha nu khan a sawi lo a mi??” a rawn ti vin hrak a

“A dam loa, ka awmpui a ngai alawm..”

“I rawn kal dawn lomaw..”

“Lo kal ang..” ka ti a phone ka dah a, kawngkhar bulah Kimkimi a lo ding reng a

.

“Haw tawh la a tlai tawh si..” a rawn ti a

“Nia.. ka phei ang.. I lu nat chuan min lo call la.. “ ka ti a

“Ka in enkawl thei mai ang..”

“Ka awm hi..” ka ti a

“Ka tibuai tawh loang che.. chhuak rawh..” tiin a khumah chuan a mu a, keipawh chuan hreh takin ka kalsan a..

.

Jenny min nghahna hotel lam ka pan a, ka lut deuh chiah tihah chuan mi pakhat hian min pel thuak a..

“Oh.. Ramsang..” ka hawi let vat, ka sa pup mai..

“Enge he tah I tih??” ka han ti a

“Jenny nen kan inhmu lawk a.. hostel a a awm hi chu a buaithlak thei ania.. nang zawk??”

“Keipawh mi ka hmu lawk a..” ka ti a , min kal san ta a. Keipawn room lam pan loin pawn ka chhuak leh ta zal zal a

.

Pawn a thutna ah chuan ka thu a, ka nundan ka ngaihtuah let a.. mi tu emaw awmphung hre lo lutuk nundan a tan a ka lo ngaih chu ka ti mek a ni. Ka hmangaih, min hmangaih let ve miah lo tu tan a duh duh a a tih kual theihin ka awm tih chu ka ngaihtuah a. Jenny chu ka call a..

“Jen.. engkim hi tawp rawh se.. ka tihbuai che avangin ka tihpalh..” ka ti a

“Kimkimi vang chu a ni lo ti raw..”

“Aw.. ani pawh ka hnaih tawh loang..” ka ti a

“Rs.. I ta tur ka ni lo.. chuan Dina hi ka hmangaih hmasa ber a ni a, ka thalh thei lo.. ka tihpalh”

“A pawi lo.. nun thar ka zawh a ngai..”

.

Class ka kal lawk loa, Kimkimi pawn min rawn be bik lo.. ani kha ka tibuai a, hreawm ka tawrh tir ang tlat a hriatna ka nei a ni. Zanah ka tih tur nei lo chu ka han online a.. newsfeed ah Kimkimi note publish a lo awm.. 3 hours ago.. “LOVE AT FIRST SIGHT” tih title a hmang a..

.

“Ka hmuh hmasak ber ni che kha ka la hre reng, I hmel leh I pian ka han en khan kei ve mai hnaih chi rual I ni lo tih ka hre nghal a. Nitin deuh thaw inhmu ve ta chu nang in min rawn be ta zawk a. Mahse, min biakna chhan erawh ka beisei loh leh ka natna thlentu mai an ni. Vawi tam tak ka tanpui che a, vawi tam tak I sulhnu ka thian a, mahse chung ka thil tih sak che aia I hlimna tluantling lo tak min pek ve te kha ka thinlung a lian ber an ni reng thin. Nang chuan remchang a min hman kha ka hre lo emaw I ti a, mahse ka hrechiang khawp a sin, khang thil avang khan zantin mai ka tap a mahse chung ka tah ai chuan I hlimloh na thlen che kha ka hlau fe thin a ni.  Min hrethiam ve mahna tiin ka mangtha che a, nang chuan min ko let miah loin min kalsan a.. ka lawm e.. hmalam pan tur nge la nghah zel tur che tih a ka ngaihtuahna ka sen te chu chhanna tha tak I pek avangin.. tunah zawng hmalam ka pan tawh dawn e..

VUL RENG ANG CHE.. LENG DANG TAWNAH PAWH NISE”

.

Ka thaw hak.. hetiang rilru a pu ang tih ka ring ngai lo.. min duh ve deuh tih chu ka hai lo, mahse ka duh ang tho hian khawhar hnem a tan bak min tih hi ka ring ngai lo. Lalpa leh!! Thil sual lian tak ka ti a ni.. a tir atanga min hmangaihtu chu na takin ka lo siam a ni. Canteen a kan chawlh dun ni a a cousinin a puan te khan zah namen loin a  zak anih kha.. engkim hi a mak vel vek..

.

Ni hnih ka chawlh hnu ah class ka kal a, Kimkimi thutna chu a ruak tlat a, midang ka zawh chuan tunkar a class a la join loh thu min hrilh a, biak ka tum pawn a tlang thei si lo.. an ina lam panin ka kal ta tawp.. Inchhung ka luh chuan a lo reh thuap a, choka lamah an awmpuinu ka va hmu a

.

“Ngatinge Kimkimi hi..” ka han ti a

“A muhil deuh chiah.. a nu in a awmpui” a ti a

“A nu te an rawn chho maw..”

“Aw.. hmanzan khan lu haiin a tlu a.. mahse a bp hniam vang a lo nia..”

“Ka han chho ang aw..” tiin ka kal ta a

.

Roomah ka luh chuan amahin a lo mu bem a.. a dangin a chauh hmel ngawih ngawih.. ka inthiam loh zia chu hria se min khawngaih zawk hial ang.. a khum bul a chair ah chuam ka han thu a, ka thawmah a lo harh a.. a meng riai riai a..

“I lo kal maw..”

“Umm.. ka be tlang thei lo che a..” ka ti a

“Ka phone ka thloh chhia a..” a ti tham tiak a

“Dam vat la.. thil hrilh duh che ka nei” ka ti a

“Tunah..”

“Aih..”

“Mawhhh..”

“Min ngaidam thei em??” ka ti a, a nui deuh suk a

“Enge ngaihdam dil a ngaih na??”

“Ka lo a em a.. chuan..”

“Enge chuan??”

“I hlimna chiah ka ngaihtuah tawh ang..” tiin a kut ka hum a

“I ti tak take m??”

“Umm chuan dam tawh la..”

“Ka dam vat dawn alawm..”

“Ngatinge I sawi mai loh??” ka han ti a

“Hee.. ka sawi ngam I ring mi??”

“Umm tunah I ngam em anih??”

“Hmeichhia ka nihna angin ka sawi hmasa loang..” a ti a, a nui deuh suk a

“Anih ka bialnu I ni duh em??”

“Full time nge part time..haha”

“Hei.. nghal suh..”

“Umm ka duh..” tiin a ban chu min kuah turin a han pharh a, ka kzuk kuah nghal a..”

“Hmanzan a ka chal a I fawh khan nuam ka ti..” a rawn ti sep a

“Tiang hian maw..” tiin a chal chu ka fawp zeuh a

“Hehe.. I inla zei em..” a sawi lai chuan a hmuiah ka fawp leh zeuh a.

.

Ka nunin a mamawh tak a tawng a ni ngei ang, ani bulah chuan ka hahdam em em a, kan hlim a ni. Ka mamawh hun lai te chiah leh ka khawhar hnemtu atan chiah a ka lo hman chu ka mamawh engkim neitu zawk a lo ni a.. Ani chuan hmalam min pan pui a, nunhlui ngaihna ka nei tawh ngai lo. Thla tam a ral meuh chuan a hmangaihna dawhthei leh hlim thei tak chuan min bual a lo choh a ni.

.

“Saw I ex” tiin min rawn melh zeuh a

“Tumaw” tiin ka hmu lo der a, ka han hawi kual lui vel a…

“Saww College Miss saw..”

“Ka thinlung Miss ka bulah a thut reng laiin engtin nge College Miss mai mai ka melh peih ang”

“Haha.. A hun lai kha han ngaihtuah la..”

“Hman hun nge pawimawh tun hun..” ka ti a, a khabe chu nat hlau tak siin ka han piai a

“Tun..heii ana niaa..”

“Anih chuan hei hi hria la.. ani saw ngatan mah ka ti tawh lo aw..”

“Ani pawn ngatan mah a ti lo che..haha”

“I sawi dik.. kal ang.. Muah..”

“Heiii.. public place ah min fawp tawh suh..”

“A ni maw..” tiin chiang takina hmui ah chuan a va fawp leh kher a

.

>>>>>>>THE END<<<<<<<