LET IT GO


 LET IT GO

-James Bay

.

.

Inchhung luah lum reng ni si, thinlungin a lumna a pawh theih si loh I kiangah chuan  ka rawn haw  leh fo a ngai thin si a. Tawngkam nem leh ngaihnobei,  thinlung inhawng tak a chhawntu chu sawi loh titi dun takngial pawh kan tan thil har tak an chang tawh si. I taksa nem thep leh lungawi hliah hliah a min siam fo tu chu  khawih a ka tang nem bei tir leh thlakhlelhna pakhat mah ka nei tawh loa, zu no dawm in he ka khawvel ninawm zet theihnghilh tum in harhfim mang lo in hringnun ka  chhiar a. Ka naktuk hun ninawm tak ka hmachhawn leh dawn tih hre rengin I kiangah khumlaizawlah khawvar hun nghakin ka mu ve zantin a, ka nileng  hun hman dan tur thlakhlelhawm loh zet hre reng in zing khawvar chuan min kai harh dun ziah tho thin si .

.

Khumlaizawl zau takah insik hlau takin kan mudun a, keini pahnih hian inkuah chial a mudunin he inkar hi siamthat theih a ni tih kan hria mahse he kan inkar khi zau tawh tak chhiat lam pan chho zel hi kan tan chuan dan rual a ni tawh si lo. In rem tak a awmdun a, a hma ang a hmangaihna par tlan ai chuan kan inkar a tawp thleng a a chhiat hi kan nghak thleng duh zawk a nih hmel.  Thil tul lo tak leh awmze nei lo takah  kan tang dun a, he kan inlaichinna hian lungawina min sak sak tawh ngai loa, kan mamawh tawh lo te pawh a ni mahna, in zawmna pakhat mah nei tawh lo ang maiin kan inkar hi a keh chhe mek a ni.

.

Awmze nei loin he kan inkarah hian rinna I la nghat tih chu ka hai hauh lo mahse  engah mah kan chhuak dawn lo tih pawh kan hai chuang lo a ni  ti raw.. Heng kan buaina te hi theihnghilh zai relin  van sang a thli te len bo tur khian I dah mai ang hmiang.  Hun kal tawhah chuan hriatreng tur hun chhinchhiah thlak tak chu kan nei ngei alawm mahse khang kan awmdan ngai a awm leh tur lo ni pawh ni ila thinlung in pawhna awm loa a der mai a kan nun a ngai tawh dawn si.. chuti a nih si chuan engvangin nge I kawng I zawh mai loh leh tichuan keipawn ka  hringnun  lamtluang  chu zawhin nang I lamah kei ka lamah tiin kan inthlah mai tur.

.

Tawngka a inhauhin sawtna a neih loh chinah chuan kan bungrua leh thawmhnaw kan inchhung chei mawi fotu,  uluk tak a I rem fel thinah chuan kan tuan dun zing ta hle a. Tawngkam mawi lo tak tak a in an khumte, tharum thawh duh hial khawp a thinrim engphiar a insiam dun te chu ngai ah kan nei chho a. Hei hi em ni kan dam chhan ni a.. kan in hmangaih dun thinna leh awmdun tur a kan beihna te lawmman chu ni ta ?? Heng thil te hi kan suangtuahna ah kha chuan a tel ngai lo a ni lawm ni.. chuti  ni si engvanga he thil thlen tir ta hi nge kan nih le..

.

A chang chuan keimah ngei hi inen letin hunin min tih danglam nasat  zia chu ka ngaihtuah fova. Tute emaw tan a ka lo dah thin inlaichinna kehchhia a tan reng chu ka duh vang ni hauh si loin ka tel ve reng chu  a ni si. Ka danglamna te chu ka ngaihtuah nasat poh leh ka hringnun nuihzatbur lo chang ta hian siam that tumna aiin kalsan mai duhna thinlung min siam alh sak zel si. Ni e, ka kalsan a bul ka tan that hi a hun tawh viau a ni.

.

He ka thinlung ah hian hlimna I hmu lo tih leh I awmna tur a ni lo tih hre reng chung chuan he kut hian I kut nep thep kha a vuan lui reng thei bik si lo. Keini pahnih hi  awmdun reng tur a ruat kan ni loa, hlim dun tur a duan kan ni hek lo. Chuvang chuan heng kan buaina thuk tak hi duh vang ngawt leh tih luihna a siamthat chi zia zang an ni si lo. Khawvel, duh dan a nun theihna ramah hian kan inkar siam tha thei tur reng hi an awm mawlh lo a ni. Heng kan buaina thinlung a hliam na tak siamtu hi ngawih bo pui mai tumin phur reng mahila, heng ka phurrit te hi ka tan an rit mah mah a.. phurh zawh chi rual an ni tawh si lo chuvang chuan ka thloh thlak a ka nawr liam mai a ngai tawh takzet in ka hria a ni.

.

Heng kan buaina te hi theihnghilh zai relin  van sang a thli te len bo tur khian I dah mai ang hmiang. Ti chuan van sang thli te khian mei vap ang maiin theh darh se, enge a ni tih kan tan a hriat har tawh tur khawpin ral mai zawk teh se.  Hun kal tawhah chuan hriatreng tur hun chhinchhiah thlak tak chu kan nei ngei alawm mahse khang kan awmdan ngai a awm leh tur lo ni pawh ni ila thinlung in pawhna awm loa a der mai a kan nun a ngai tawh dawn si..  chuti a nih si chuan engvangin nge kei min theihnghilin I kawng I zawh mai loh leh tichuan keipawn ka  hringnun lamtluang  chu zawhin nang I lamah kei ka lamah tiin kan inthlah mai tur.

.

WHY DON’T YOU BE YOU?? AND I’LL BE ME

Comments

Post a Comment

Popular posts from this blog

ROOM NO.13

“Pa.. Ka kum zat I hria a, hetiang hi ka la ti thei lo.. chuan ka tuina zawng a ni lo tih I hriat kha..!!” Ka pa chuan ka thusawi chu hre awm pawhin a lang lo, a dawnkan a Computer chu en in a khawih mawlh mawlh a.. ka van hne tak, he thil teh hrep hi!! Ka pa hian kan thlah tu te atanga kan in rochun   chhoh, Mizoram mai pawh nilo North East thleng   pawh a hotel a that lam a pa sarih na ni phak a enkawl mek a, chung thil vel a buai mek chu kan ni. . . Ka hming chu Hmangaihsangi a ni a, ka chhungte chuan “Nupui”   tiin min ko mai thin a, kan unau hi pthum kan ni a, mahse ka phirpuiin vandauiathlak takin min boral san a.. pahnih   chiah kan nit a   anih chu.. tin,   a naupang zawk ka ni bawk. Ka tet te atanga ka lo ngaih ve dan chuan he Hotel hi ka U in mipa zawk a nih na anga a enkawl ka lo ring a, mahse ka U hi mi lehkha thiam filawr tak anih avangin ka chhungte hian a zirlai a chawlhsan hi an phal lo a ni ber e.   Ka mizia leh ka U miz...
Read more

LOVE STORY IN HOSPITAL

A ngai te bawkin   damdawiin khumah chuan dah luh ka ni leh ta, tun tum zet zawng a hma ka ang lo hle mai.. keimah ah hian beidawn ruk na riau ka nei a, ka tawrh chhuah theih lo mai hi ka hlau takzet a ni. Ka mutna bula thu reng thin min hmangaih a min enkawl tlat thin tu ka chhungte leh ka pasal tur a ka duh em em thu ka han hmuh chang hian leh lam hawi a a ruk a tah chang ka ngah a ni. Kum khat   kal ta khan hrisel lohna in min tlakbuak nasat em avangin Shillong lamah inentir turin kan chhuk a, enkawlna hrang hrang ka dawn hnu ah ka that chhuah lem loh em a vangin Kolkata lam kan pan leh ta a chu tah chuan   thling cancer ka vei tih hmuh chhuah a ni. . .   “Bawihte.. hei Siamtea   pawh a rawn thleng tawh ania” ka nu tawng ri ka hriat velah chuan thei leh thei loin ka inben kang a, ani chuan min lo nuih suk a… chu tih lai tak chuan nurse rawn lutin min jection na tur chu a buaipui mial mial a, kei chuan huphurh takin ka lo thlir reng a. A inpeih hnu...
Read more

EPITYCHIA

“EPITYCHIA.. boarding   schoolah   maw??!!” “Aw.. enge mak tih tur awm a..” ka pa chuan min en hrak a “Pa hei chu i ti mah mah lo maw.. high school ka pass chuan ka duhna hmunah awmin school ka kal ang ka tih kha..” “Chu lai hmun tluk a tha I tan a awm lo.. ” ka pa chuan vin takin a han ti a “Mahse ngatinge boarding kher??” “A ngai a lawm.. chu lai hmun bak a I nun siam thatna tur hmun a awm lo..” “Mahse a va lar lo ve..” “Thil lar na zawng hi thil tha a ni kher lo..” “Mahse ka duh lo a lawm le.. in inchhir zawk   ang..” kan ti thawr a “I tan a tha tur bak ka ngaihtuah ngai lo tih hria la ka thu chu zawm mai rawh.. I room ah chho rawh” . Ka roomah ka chho a ka tah chhuak chuan min hnawh tup tupin ka hria.. ngatinge ka chhungte hian in lam atang a school ka kal hi rem an tih ve theih thlawt loh le. Ni e, ruihtheihthil lamah ka sual hma em em a, ka chhungte chuan hre em em lo mah se min enkawl hi har an ti ngang aniang..   guardia...
Read more