RICHARD WEDS THE LUCKIEST GIRL

“Heii.. lubuk in band ho video thar ber kha ka lo en aa.. in lo bawn kha le..” tiin kan college a kan senior fel tak chuan a rawn ti lang lang a

“I en ve chauh aa.. haha tak tak ah I ti lawmawm..” tiin ka han nuih a

“A zai tu ber hi I thiam em a lawm..”

“Haha.. min bawl kher lo laa..”

“Engtik nge hla dang in chhuah leh dawn a??” tiin min han zawt a

“Tun chawlh hian Mizoram lamah kan haw khawm ang a hla pakhat chu kan buaipui ang..”

“Uaiii.. va phurawm ve.. chuan kar leh a function na a I zai tur kha I inbuatsaih tawh em??”

“Umm.. ka zir ve tan alawm..”

“That chu..” tiin min kalsan ta a

.

Kum thum  kalta khan St.Pauls Higher Secondary School a ka classmate te nen band kan din ho a, school fuction ah te kan zai ho ve thin a, nuam kan ti thei hle. A kum leh pawl sawmpahnih kan zir kumin  a hmasa ber a tan kan bandmate Lana tih a kan koh mai hla phuah sa in music video pakhat kan siam ve a, Mizoram chhungah na na na chuan a hlawhtling viau nghe nghe. Hmeichhe awm chhun ni mahila nuam ka ti a, ka thiante thiamna leh puihna zarah keipawn hma ka sawn chho ve hle a ni. Acoustic guitar chauh khawih thiam a bul tan khan instrument dang  ka khawih ve thei nual tawh a ni.

.

Pawl sawmpahnih kan han pass chhuah meuh chuan kan zirlai chhunzawm turin kan han awm darh tan a, Keipawh Shillong lamah chhukin St.Anthonys College ah English Literature zirin ka awm ve a, kan band ho chuan awm darh mahila thil pakhat tum kan nei a.. kum khatah vawi khat tal in hmuh khawm a music video pakhat tal siam chu kan tum ta a ni. Nikum lamah pawh harsatna neuh neuh awm mah se chawlh insiam chawpin music video pakhat, kan band member zing a mi Chhantea hla phuah sa in kan siam ve leh a, Pathian zarah mi lawm kan la hlawh chho ve zel a ni.

.

.

Kan band “Sirius” tih a mi hriat lar member ho hi in hmelhriat ve reng reng teh ang..

Lalrinchhana.. Chhantea, kan lead guitarist, Chawnpui a cheng.. mipa pian a mawi tawk vel a sang, vun ngo ve tak.. hmeichhe tam tak atchilh, a lang a lerh vak hmel loh a ruk a zei phian mai.. Pakhat a bur tawp hi a chem  kalna a ni teh chiam loa, hmangaih a la tawn loh vang te pawh a ni mahna.. cool hmel tak a lang si, a mi nel te bul a over lek lek khawp a nawi thin a ni a, St. Xavier, Kolkata a lehkha zir a  awm mek  ani.

.

Lalnunthara, Lana tih a kan koh.. kan drummer.. Tuikual a cheng.. Mizo mipa zing a sang tha ve tawk tak pawl.. hmeltha tih a sawi theih ni si lo mahse pa tak mai, a luck ang hu in a lerh lo phian. Kan band mipa te zingah chuan a zahawm fal bik hle a, nelawm loh khawp a in la kulhmuk a ni hran lo..bialnu nghet tak duh deuh bur a nei bawk..  Ani hi Govt.Aizawl College  a lut mek  ani.

.

 Daniel Lallawmkima.. kan lead guitarist, back vocalist ni bawk.. Bawngkawn a cheng.. Kan mipa zing ah chuan a te ber a.. ka tan chuan chhoh en ha a la ngai thin tho.. tin, a cute hlee. A mitmeng lian kalh hmang hian tleirawl chhelo tak tak melhin a chhai thlu hnem tawh hle. Ngainatu a ngahin ani pawn mi a nel hma em em a.. bialnu a thlak zing hle mahse a kawp ngai loa, a ex te ah a let ngai thak lo bawk.  Ani pawh hi Hrangbana College ah BA a zir ve mek  ani.

.

Timothy Lalmalsawma, kan  bassist .. Kulikawn a cheng, a pian a nalhin a hmel pawh a tha hle a, lerh pawh a lerh na rawh ee.. bialnu hlui football team hnih daih chu a nei tling tawh ngei  ang. A bialnu ber pawh hi hriat a har thin.. music tih loah chuan hmeichhe zinga awm nuam a ti ber hial ang.  Ani nen hian St.Anthonys College, Shillong ah lehkha kan zir dun mek a ni.

.

Kei hi Lalrammawii, Mawimawi tih a an koh, Zarkawt a cheng ka ni a.. a zaitu ber ka ni.. Ka bandmate te ang lo takin ngaihzawng tih a sawi tur em em ka la nei loa, date erawh ka nei ve nual tawh mahse a kal tluang thei tak tak thin lo. Duh deuh burr an tih ang kha pakhat ka nei ve a, mahse chu pa chu ka tan a van a rah ang a ni. Music tih loah chuan novel chhiar nuam ka ti em em a, English poetry leh quotes tawi te te phuah hi ka hobby a ni. Hairstyle thlak hi nuam ka ti em em a, ka ti danglam deuh chhen thin..  tunah chuan tunlai a nalh ka tih em em tawi takin ka cut a, hetiang hairstyle pu hi kan inrintawk hmel bik riauin ka hre leh tlat. Cher lam lek lek sang zawng 5’4 vel ka ni a.. mipa bul a ka tal tam vang hian nu ngawih ngawih tih a sawi theih ka ni chiah loa mahse hmeichhe dik tak chu ka ni ve in ka hria.

.

.

Zai lamah ka thiante hian min tluk loh mah se tluk lohna tam tak ka nei a, chung zing a an ni ka thik theihna  em em chu hla phuah hi a ni. Mizo tawng a hla phuah hi har ka ti hle a, ka thiante erawh hi chu chhuan tlak khawp a thiam vek  an ni. An thiam zia an in hre ve a ni chek ang, kan hla sak hi kan phuah a ni ngei tur a ni tihin an sawi fo thin, kei chuan mizo tawng a  phuah ve ka tum ngial pawn ka beidawng thak thin, anni ho phuah sak hi ka duhtawk viau a ni.

.

Kan thianho chuan kan inhmuhkhawm hun tur sawiin kan phur thei hle a, fiamthu in ka hla phuah kan sak tur thu an sawi chuan ka lo hnial nasa mai.. keichuan ka chak lohna hria in min fiam angah ka ngai a, mahse ka nuih liam ve mai mai tho a. Zan khat chu Chhantea’n min rawn call a..

“Aw Hello..”

“Mawi.. hla chu I in buatsaih tawh em??” a rawn ti a

“Naa.. in fiamthu emaw ka tia, ka thei lo tih in hria kha” ka han ti a

“Kan fiamthu lo.. tak tak.. chawlh ka nei rei dawn lo, a zai tu berin I phuah kha kan sak a ngai dawn.. a thluk I siam sa ngei kha..”

“Mizo tawng ka pawngsual a ni ringawt dawn a sin..” ka han ti a

“Tum chhin la.. aw.. recording kan tan har lo ang a, nangma phuah ngei a nih kha chuan.. chuan ka chhuk leh vat thei dawn alawm”

“I van chhe ching cheng tak..”

“Nge.. ti mai teh.. nang ni angin chawlh ka nei ve ringawt thei hleinem..” a rawn ti a

“Nge.. Khang khang ah I awm nii..”

“Nia.. Shillong ang mai mai ah hian ka awm ve chak asin.. haha” nui vak vak pah chuan a rawn ti a

“Awii.. zah rawhh lulian.. keini pawn chawlh kan dil belh ve dawn  tho lawm le Timothy-a nen pawn..”

“Aw.. lo tum rawh aw..” ngen ngawl tak chuan a ti a

“I hla phuah min pe la, ka phuah angin..”

“Teuh lo.. tunlai ah.. mi thu phuah sentence khat ringawt pawh source tel lo a ziah hi sual a ni tawh..” nui vak vak pah chuan a rawn ti a

“I sual ve maw..”

“Mawhh.. ti teh aw.. ka dah dawn ka balance a zo dawn.. thla tawp broke”

“Haha.. dah teh..”

.

Zanah chuan Mizo tawng ngei a hla phuah chu ka tum ve ngial a, ka in nuihzat zawk.. Mizo in hla thu hran kan nei kher kher hi chu ka tan hian a pawi bik a ni. English chuan ka phuah ve nual tawh a, school function ah pawh pahnih chu kan sa ve tawh bawk a mahse khang ang ringawt chu a  ni thei dawn si lo. Ka rilru tih thawl nan leh idea ka nei ve mahna tiin ka hla phuahna leh ka ngaihtuahna ka ziah chhuahna thin ka kawl zing a hlui ber chu ka han phawrh a.. ka chhiar tan ta a.. chung zingah chuan ka mit la tu em em mai pakhat ka zuk hmu a..

“RICHARD WEDS THE LUCKIEST GIRL” tih thupui hmang a ka hla phuah chu ka zuk hmu a, class 12 ka zir lai a ka phuah kha a ni a chu pawh mumang pakhat vang lek khan.. ka mumangah ka mipa duh hmasak ber khan nupui a lo nei a, mittui tla zawih zawih a tap chhuakin lehkha puan leh pen la a ka ziah chhuah lai te chu ka ngaihtuah a, ka nuih a za hle a..

.

Chu ka hla phuah hlui tawh tak keng chuan College ah ka kal a.. Timothy hnenah chuan hmuhin Mizo tawng a let tur a a puihna ka dil a, ani chuan ka hla chu a han en vawng vang a..

“Mawimawi English a sak hi I hreh em??” a rawn ti chhuak a

“Maww?? Mahse music video tur a  mi a ni sia..”

“Ti hian a nalh ka ti.. a thluk chu ka siampui ang che, tun tum chu kan hla sak thin nen a flow a danglam deuh dawn a ni mai..” a han ti a

“Midang ngaihdan a ni lo ange..”

“A ni ang.. hei hi eng tik a I phuah nge??” a han ti a

“Class 12 kan nih lai a mi..”

“I tawn ti raw..” khi vur vur pah chuan a han ti a

“Teuh lo.. nupui a la nei lo..” ka han ti thawr a

“He pa hi a tak tak maw.. Richard hi”

“Aw.. I lo sawi leh zuah zuah a nge aw..” ner nang chuan ka han ti a

“Behind the scene  min hrilh phawt la..”

“Theihnghilh rawh..”

“Mawwwwhhh.. engtinnge I thiantha lutuk te lakah I zep theih lubukkk” tiin ka chalah chuan a kutzungtang pakhat in a han nawr a

“A makk.. nih ka hrilh ang chee.. hunawl ah..”

.

*******Kum 2008 hun rawn in her chhuak ta kha danglamna vak midang tan awm lo mah se ka tan chuan ka middle school kal tawp kum a ni a, chu chu hre karin leh inla pawl sang rilru takin chu kan school Aizawl khawpuiah  pawh a school  tha ber tih a sawi hial ngam theih chu ka han rap leh ta a. Pawl sarih ni bik hliah hliah a inngaihna piah lamah chhawng hnuai ber classroom chauh luah thin chhawng pahnihna a ka han thu ve ta te kha alo kal pel tawh tu te lam ka ngaihtuah lo,pawl sang hliah hliah hian ka inhria a ni.
.
Thian tam tak nei tawh mah ila ka neih belh zel a, nopang sual tak ni thin kha ka fel tawh lutuk tih a sawi tur ka la awm chuang lo. Thil chin thar pahnih changkang lo zet ka neih te erawh kha chuan hma min sawn pui lo kher mai. Hindi zirna bu keng a ka pawl pui hindi tawng hmang te hnial dang phet ka tum te leh ka thiannu grape juice bottle te ve tak a min lo ken in te kha nuam ka tih ve em em te an ni thin kha ania.
.
Ka pawl rual pui te ah khan ngaihzawng nei an awm nual tawh a ka awt loa a chin chang ka hre hek lo,ka thiannu nen a chimawm kha nuam ka tih zawng leh ka school  kal tinuamtu kha an ni mai thin. Khang ngaihzawng neite khan an lak thutak ka ring loa, la thutak turin an kum in ala tlin lo tih em kha chu ka hrethiam ve in ka hria. An hun kal zel a an inhmangaih leh hmangaih loh chu ka hre lo mahse anni ang ngaizawng nei hma tak tak ho chan a ka dah kha nopang mawl leh chimawm em em chungah a thleng ve ta si.
.
Kum tir school  tan atang chuan tih dan pangai bawkin Annual sport nei turin inbuatsaihna a kal nghal mawp mawp a. Awmna tur house te inthliar fel anih hnu chuan School leader thlan hun alo ni ta reng mai.  Dawhsan lama tawng ri ngaihtuah miah loa thildang lo ngaihtuah char char chuan zirlai nopang pakhat cher sang tak dawhsan a an koh chho tak chu kan school junior section a  leader a ni tih hrilh ngai hauh lo in ka hria a, mahse ka rilru a khawih danglam teh chiam lo. Ka zirlaipuite kut ben ruala ka ben ve na chuan an ni ang lo tak a ka ngaihsak lohna te chu a rawn hliah khuh ve mai bawk a.
.
Kan nghahhlelh em em Annual Sport chu kan han tan a, house tan a tangkai lo em em keipawh ei lamah chuan ka lo ti thei phian, eitur hlir kha ka ngaihtuah ni ber in ka hria. Kan house awm khawmna a ka hmuh zin em em house tan a tangkai tak ni bawk pa kha kan school junior section  leader a ni tih chauh hre mah ila min han kal pel chang te hian ka lo en leh dauh dauh thin.. mak ka in ti in ka inhrethiam lo tan chu a ni ta ber e.  A chanchin chu midang ka zawt ta nge nge a,a hming chu Richard Lalduhawma,Lenlaini  daily newspaper Editor fapa pahnihna.. a nungchang that vang leh lehkha a thiam theih em vang a mi hriat hlawh em em a lo ni.. Mi nihna ka hlawkpui ve loh turah chuan a nihna chu ka hlimpui ber awm e.
.
Hun alo kal zel a ka school kal chak chhan chu a dang chiang ta hle mai. Chhawng hnihna class hmasa ber a thu chuan chhawng hnihna vek class tawp bera pawl sawm zirlai ho thutna piandan a thu chu a ngaihtuahna luah khat bertu alo ni ta. Mahse a hmuh ve theih chhun chu chaw chhun ei hun tawp dawn lama a zunram thiar tur a alo kal phei chiah a ni.. chu chiah pawh chuan vanneihna tawpkhawk chang ang ah a in ngaih tir thei hial ani.
.
A lehkha thiam zia leh a zahawm zia chu school boruak hre pha chin tan chuan hai rual a ni lo, chu chuan ka duhna a ti zualin theihngilh tum chu sawi loh ka ngaihtuahna ah cuan ka ta hial ka nih tir thin..  Ka at vang nge a ngaihzawng neih lamin ka rilru an ti hah ngai lo tih hah bertu erawh chu kum khat chiah he school ah hian a kal tawh dawn ang a ka thiannu u Richarda thianpa in a sawi ka hriat chu a ni , kei erawh chuan high school zawh nan pawn kum thum ka la hmabak.. a hmel hmu lo in egtin nge ka awm tak ang??
.
Ka huphurh em em kum tawp chu alo thleng ta..school kan chawl tawh a, ani erawh matric exam turin a inpuahchah mek ang. Ka van ngai thin tak em mahse engmah a hre ve der si lo.. inrinni tuk lo thlen hun chu ka nghahhlelh ber alo ni leh ta. Zing bazar haw lam chu an in lam atangin ka haw ta ziah a..kawng thui hle mah se ka hmuh hlauh chang chuan hlimna tawpin min tuam a ka hmuh loh erawh chuan atan ka inpekna ah ka ngai ve leh mai thin.
.
A kum leh school tan a ni leh ta,kum hmasa nen chuan a danglam ta khawp mai..kan school te kha ruak vek hian ka hria. A ngai te bawkin Sport chu kan tan leh a Richarda te pawh an in exam mek a.. January 7 tlai lamah chuan kan sport bang in lam pan a haw chuan ka thiante nen kan kal a.. tum loh deuhin a in exam zo  school uniform a inhmeh em em nen chuan alo kal phei a ka insum hman lo ka au ta vak anih kha mak ti lutuk in min rawn en a motor phenah ka tlan phei nghal.. Mahse kan inpelh ngei ngei dawn avangin ka huaisenna zawng zawng sawm khawmin ka kal pel ta hram anih kha.
.
Ka nghahhlelh em em ka huphurh bawk si an result chhuah ni chu alo thleng ve leh ta.. avan ti tha leh kher em ahming kha mi zawng zawngin an lam ni ber hian ka hria.. A vannei teh e,ka lawmpui em em a mahse ka hmu thei tawh dawn si lo.Khami ni khan ka thinlung hi a na vawng vawng in ka hria.
.
Hmundangah chuan a awm ta ngei a.. ka rilru put hmang erawh ala ngai reng..a chanchin erawh ka hre zel a ka tih theih tawk ka tawngtaina ah ka tel cham chi thin. Ka tum ber chu ani tluk phak a lehkha thiam a aphu tawk ka nih hun a ka hmangaihna hlan kha a ni.. Mahse min ti beidawng theitu thil tam tak kha tek khawpui ri in azui ang mai hian a rawn in dawt chho zel si.. a tana ka tih ka lehkha zir nasat te kha egmah lo mai an ni ang tih ka hlau thin.
.
A rawn haw tih ka hriat chang hian an in lama tangin kawng thui lam zawhin School lam ka pan  hram hram thin.. Mahse ka chan fuh aiin a fuh loh tum a tam zawk si.. February ni 21,2010 kha ka hmuh hnuhnun ber a lo ni ta. Amah vangin class 10 ka nihin facebook account ka siam a, ani chiah ka add a.. ka frienlist a hmasa ber a ni a.. a thlalak tlemte dah chu nitin, ka hman chang apiang ten ka en ngawih ngawih zel thin…
.

Mahse, khatia hmu lo chung pawh khan a chanchin kha ka hre ve zel.. bialnu a nei tih te, a luck zia leh mi ngainat a hlawh zia te nen lam khan ka hre zel a ni. A nun perfect lutuk kha eng thilin nge tibuai ve thei ang aw.. tih ten ka ngaihtuah thin. Chhungkaw tha tak, khawsak harsa miah lo ah a seilian a, unau, bialnu tha tak,  lehkha duhthusamin a thiam a.. a hmel a tha in a chhelo em em a.. eng in nge a rilru te kha ti hah ve thin ang le.. ****

.

“Tunah khawnge a awm??” Timothy chuan a han ti a

“Engineering College, Chandigarh ah a zir mek..” tiin ka phun sep a

“I hmu tawh miah lo maw..??”

“Aw.. kum nga chuang  ka hmu tawh lo.. dam chhung pawn ka hmu tawh lo mai thei ni.. hehe” ka ti a

“Heii.. khatia awm kha i inhmeh lo.. mipa i ngaihsak miah lo emaw ka lo tia..”

“Ka ngaihsak loh hi..”

“Richarda i ngaihtuah hi.. be leh la” a rawn ti a

“Hmm.. a ho ee bakah bialnu a nei lawm..” ka ti a

“I la stalk reng  ani maww..”

“Zeuh zeuh ringawt.. ninawm sawi tawh suh..” ka ti vin hlar a

“Engtinnge kha hla kha i phuah theih a??”

“Ka mumangah nupui a lo nei a.. a bialnu chu ..haha”

“Haha.. tha ve reng reng a.. zanah Lana te nen kan sawi ho dawn nia..” a ti a

.

Zanah chuan Whatsapp groupah  ka hla thu vel an en chuan tha an ti tlang a nih hmel, keipawn nuam ka ti ve hle a. A karah Timothya chuan Richarda chanchin a rawn zeh zeuh zeuh chu ka ning hle, ka vin leh hlak thin, nuam a tih phah a maw ni zawk aw a la uang ta deuh deuh a. Midang ho chuan min zawt ve ta sap sap a, keichuan ka sawi peih loh thu leh Timothya zawt turin ka ti a, ani chu a lo phur ngang mai.. hla thu chham tel meuhin ka mipa duh hmasak ber chanchin chu an sawi tan ta vel a nih kha. St. Pauls ah khan Junior atangin Lana nen chiah kan luh sa vangin ani chuan a rawn hre vat a mahse a ngawi chawi ber a nih avangin min chhaih lem loa ka lawm phian zawk.

.

College ban apiangin Timothy nen a hla thluk siamin kan awmdun ziah a, ani music lam a thiam na ngang chuan a ngaihna a bo lo hle a, nalh takin a siam chho a.. a thluk siam ang apiang chuan ka han sa chhin a, thian dangte hmundanga awm ho chu kan han thawn a, sawisel ngai a an hriat chu an rawn sawi a keini pawn tih dan dang kan lo ngaihtuah ve zel a, kar hnih a ral meuh chuan a nih dan tur angin acoustic guitar nen ka sa chhuak thei ta.

.

Phur takin ka haw chho tur chu ka insiam a, kan thiante chuan min lo hmuah tur an rawn sawi sap sap bawk a, Timothya nen Zawlkhawpui lam panin Shillong khawpui chu phur tak leh rilru a tih tur hre ranin kan chhuah san ta. Kan thlen ni chuan Chhantea tih loh chu kan awmkim thap tawh a, ani erawh chu tlai lamah a rawn thleng ve dawn thung a.

.

Music video scene tur vel sawiin kan titi vel hluah a. Daneila u in a enkawl mek recording studio changtlung takah recording chu kan nei dawn a. Tin, Chhantea fapa mal duat rawn patea music video siam thin ten a an pan nasat em em RS Motion enkawl mek tu in discount tam tak min tiam a, ani hian min pui bawk dawn a ni. A zai a kan phur mai piah lamah sum sen tam ngai loa kan ti thei te chu kan lawm tlang em em a, Timothya phei chu a phusa leh hlee a  ni.

.

Daneila jam roomah jam turin kan lut khawm a, Chhantea chuan hla thu chu a en vang vang a..

“Ngawi lawk ru.. kei hla thu thiamah kan let ve reng reng a nge..” a tih chuan kan nui dar dar a

“Nih chuan ti la..” Lana chuan a rawn ti zeuh a

.

“Darthlalang hma ah chuan suit var nalh tak ha in, nui hmel pu sangin a han in en a..  a tan a ni pawimawh ber ni ah chuan a lang nalhin a famkim hle a. A nu chalah chuan fawpin vawiin ni ngeiah hian  khawvel a nula hmeltha ber chu a ta a nih tawh dawn thu chu phur takin a han hrilh a. Kei erawh chuan chu nula han vanneih tur zia mawlh chu ka lo ngaihtuah thung a.

.

I nitin nun chu hlimna a siam a lo ni tawh anga, i hma hun a hmuak tu che pawh hun duhawm an ni zel tawh dawn si a. Mahse, i khawvel lehlam hi han thlir ve la, hmeichhe pakhat hriat pawh i hriat ngai loh leh i ngaihven ngai hauh loh chuan kum ruk tak meuh i tan a thinlung a lo dah ve thin  asin. Mahse vawiin hian Richard chuan khawvel a hmeichhe vannei ber nupui ah a nei  ani.

.

Chung inneih dar ri te chu ka tan chuan mithi dar ri hriat ang mai a ni a. Ka ta ni lo chan ang mai na thinlung ka pu a.. Maicham pan a a mokawr thuam famkim  nen a a rawn pan che a i hlim hmel ka han hmuh khan ka chhungril hi a na ngawih ngawih a sin. Mahse, vawiin ni hian Richard hian a hlim hmel hi a thup thei thlawt lo  ani.

.

Engtik ni ah emaw chuan beidawn chiah hi duhthlan tur ka neih chhun  a lo ni tawh ang a.. Nang erawh chuan i chhungkua buaipuiin naute awih mut tur i nei tawh anga. Chu tih hunah chuan heng ka rilru put hmang i lak a ka zep te pai reng chung hian hmalam panin ka ke ka pen ve thei tawh mah na. Mahse, vawiin ni hian Richard hian ka inpuanna thu ngaihthlak hi a mamawh lo hle a ni.”

.

A sawi zawh chuan a reh tlawk tlawk a, tumah tawng tur an awm lo. Mood chu thlak ka duh kher mai, mahse sawi tur ber ka hre si lo.. Chhantea hla lehlin chuan ka sawi tum ka sawi chhuah thiam loh chu a  rawn sawi chhuak vek ni mai hian ka hria a ni. Ka han thaw kawk aa..

“Tunge Model ah kan hman ang??” ka ti ta ringawt a

“Maw..” Chhantea chuan a rawn ti a

“Model..” ka nui pah zeuh a

“Nangmah..” Lana chuan a rawn ti a

“Ka duh lo.. ka zai dawn hi” ka ti a

“Nangmah turah kan ngai vek” Daneila chuan a rawn ti ve bawk a

“Anih leh a nupui tur kha..??” ka han ti leh a

“Ihh.. Estheri nimai.. Lana aw..”

“Ngai lo” Lana chuan a ti hmuk a

“Nge innu hi ui viau suh..” Timothy chuan  ahan ti a.. kan nui ho dar dar a

“Nge midang ti ve mai ula..” Lana chuan a rawn ti a

“Pawisa save dank an ngaihtuah nih hii.. innu a nih chuan pawisa kha a la duh dawn loa..” haha Chhantea’n a tih chuan Lana chu a nui suk ringawt a.. dika ti vet e pawh a ni mahna..

.

Recording kan zawh chuan music video lam kan tan leh nghal a, Lana chuan ui hle mahse a bialnu chhe lo tak Estheri chu Richarda nupui ah chuan kan hmang a, Richarda lem a tang tur in ka cousin Andrew kan hmang bawk a.. keipawn keima role ngei chu la in ka dinhmun diktak ah chuan ka chang ve bawk a. Tum angin thil a kal tluang chho hle a, a hun laiin chau hle mahila kan zawh hun tur thlirin kan in fuih phur hlawm a. Ka teammate te pawh an luck phah leh cher cher dawn tih an in hria  aniang chu.. hah hle mah se an phur hi  ani tawp mai.

.

Music Video chhuah ni tak chuan Chhantea chawlh a nei rei loh em  avangin min telpui hman ve ta loa, keini band ho leh an kawppui te chuan a lawmna hran kan siam ve a, an ngaihzawng te theuh ka nel tawh em avangin khawhar ka hre lem lo. Hmeichhe ho kan han awm khawm chu thil kan sawi ho sap sap a, hmeichhe zing a rilru in hawng tak a ka titi lohna rei tawh zia min hriatchhuah tir rum rum a. An ni chuan Richarda thawnthu vel chu min sawi chhoh pui a, ka rilru no na lo chhuak chuan ka hmeichhepui te bulah ngei chuan ka lo pangchang viau aniang chu mittui hruk ngai hialin ka awm phah a.

.

Zan a ka haw chuan hlim lam aiin lunglenna chuan min rawn tuam a.. kha nunhlui kha lo phawrh miah lo ila tha tur. Nitin mai a fb a a profile check te.. fiamthu ti tak a “Richard miss me like crazy” tih a hla ka sak fo thin kha lo duhtawk mai i la tih ngaihtuahna ka nei a. Ani hi be dawn pawh ni ila ka phu lohna chu ka duhna chen chiah niin ka hre bawk  si. Mahse ka suangtuahna chuan ani hi ka ta a la nih tir reng thin.

.

Ka lehkha puan leh pen chu mittui hru pah chuan ka han la chhuak a.. ka rilru a  awm chu ka han ziak a

“Suangtuahna chiah a ka thlen phak i kiangah khan  awm ni ta ila enge ka sawi ve ang le..

Kar hla dan piah lam a phu lohna dinhmun kan inkar a awm hi engtik thleng nge a awm ang le

Ka hlimna i thlen zawng te kha nang chuan i hre ngai loa

Ka tahna i thlen ngat phei chu i tih a ni ngai lo ti raw..

Ti hian khuanu ka chhuah chhal fo thin,

Ka ta ani thei dawn lo  anih chuan engah nge a thian ni tur tal a..

 A pian rual a he hringnun khawvel ka hmuh ve hi min phal sak loh le”

.

Ka lehkha puan hun zar hnap chu ka kawrlum ban hmawr chuan ka han hru a.. ka lehkhabu karah chuan zepin khum lam ka pan san ta zawk a.

.

Beisei ai mahin kan hla chu mi duh  alo hlawh hle a, Mizoram ami pawh ni lo You Tube lam a kan dah te thlengin en tu an ngah in an supportna comments chhiar tur tam tak a awm bawk a. Ka bandmate te chuan min chhuan hmel takin midang bulah pawh min fak luam a.. nuam ka ti hle  ani.

.

Puja chawlh a zawh chuan Shillong lam kan pan ve leh ta, kan zirlai kan zir chhunzawm nghal mawp mawp a.. College lamah kan hla avang a min faktu kan tawng nawlh nawlh a, Timo nen pawn kan inchhung rilru dun hle a. Thla hnih hnu ah Krismas chawlh hmang a haw leh mai tur kan nih vangin kan in ti thawvengin lehkha zir lam kan ngaihsak lo hle a.. Timo nen chuan guitar perh a zai bak ngaihtuah kan nei lo hle a ni.

.

Farewell function a kan hmanna ah Timothy nen kan zai a, “Secondhand heart- Ben Haenow ft. Clarkson” sak chu kan sa dun a, boruak a ti tangin a nuam hep hep hle a. Kan bandmate te kan zaina video thawnin kan intithei dun hle a, anni pawn kan perform chu tha an ti ve hle  ani..

.

Krismas chawlh hmang turin kan haw khawm ve leh ta.. kan hla chu Mizoram lamah chuan a la hit hle a, kawnglaia kal te hian naupang te te pawn a an han sa ve hriat chu a nuam dangdai thei hle a ni. December thla special a tan ‘Rimawi khawvel’ tih program ah chuan keini band min kawm chu a theih leh theih loh zawhna kan dawng a, Daneila phur fal lutuk chuan mi pawh rawn hmasa loin a lo ‘aw’ ve hmiah bawk a, mahse keini lamah pawh hnial tumna a awm hran lem lo.

.

Show a hak tur kawr thar lei turin kan panga in MC ah kan bazar a, pakhat te te in kan in thlan pui a.. Daniela leh Lana thawmhnaw tur kan lei zawh chuan ka kawr tur kan en ve a, kawr fual ha tur a min tih tlat avang chuan keipawh chuan kawr fual chu ka melh ve a. Ka hmuh zing a nalh ka tih tak ber chu ha chhin turin dressing roomah ka lut a, ka thiante in en tir tur a ka chhuak chu tu emaw kal phei chiah chuan ka lungphu  a deng dawt mai. Ka kawr hak chhin nen chuan rang takin ka tlan chhuak.. chiang takin ka hmu a ni Richarda.. elevator a a luh thleng chuan ka en ta reng a..

.

“Heiii Mawimawi..”

“Aw..” tiin ka thiante awmna lam chu ka pan ta a

“Enge a??”

“Engmah!!”

.

Ka rilru hi hnawh tlat tu an awm a mahse ka sawi chhuak duh si lo.. Zanah chuan message pakhat ka dawng a, Lana hnen atangin..

“Richarda a lo haw..”

“Ka hria alawm..” tih chiahin ka chhang a

“Vawiin khan i hmu ve mi??”

“Aw..”

“Hrilh rawh i duh tih hi..” a rawn ti a

“Engtinnge ka theih ang a??”

“Hrilh tawp rawh..”

“Ka thei lo..”

.

Show neihna lam tur kan pan a, min lo welcome tha lutuk chuan awm a ti nuam lo lek lek zawk. Kan thutna ah theuh kan thu a.. min kawmna chu an nei tan a.. live a pek a nih vangin kan fimkhur tlang hle a..

“Engtik kum atangin nge in zai tan??” zawhna zawttu nula chhelo tak chuan a han ti a

“Kum 2012 khan band dinin a hu ho chuan kan zai ve tan..” Chhantea chuan a han ti a

“Anih leh music video pathum in siam zingah hian enge in duh ber min han hrilh diat diat teh u..”

“Nghilh zai rel ang Chhantea phuah..” ka lo ti zeuh a

“Richard weds the luckiest girl Mawimawii phuah” Lana chuan a rawn ti ve bawk a

“Kaipawh..” Timo chuan a rawn ti a

“I tling tawk.. Lana phuah” Chhantea chuan a rawn ti a

“Mawimawii phuah kha..” Daniela’n a rawn ti ve leh a..

“Anih chuan Mawimawi.. chu hla chu min sak sak zuai thei angem aw.. chang khat leh thunawn tal..” min kawmtu chuan a han ti a

“Aw.. thei e..” nui suk pah chuan guitar chu la in ka perh ta a

***Staring at themirror put the white suit on and smile

Looking so perfect and awesome for the special day ever

.....

......

Marvelous moment will make up your daily life

Wonderful time spend will be what your future holds

But, from the other side there was a girl you’ve never notice

Who stuck for you for the whole couple years of trice

But today, Richard weds the luckiest girl..****

.

“A nalh hle mai.. he hla hi i phuah a nia ti raw..”

“Aw.. ni e”

“In zawt tawp mai ila hei hi i tawn ngei a ni em??” a han ti leh a

“A tak a thleng chu  ani chiah loa mahse Richard tih kha chu a dik..” ka chhan hma hma in Timothya chuan a rawn ti, hrilhhai takin ka nui ringawt

“Woow.. hriat ril a chakawm  hle mai..” 

.

Kan inkawm chho zel a, zawhna tam tak kan in zawtin kan in chhang a.. kan inkawm rei telh telh a.. kan zangkhai in nuam kan ti chho tial tial niin a lang. Show tawp lam thlen dawnah chuan min ngaisang ve tu te atang a call chhan hun kan hmang a.. call pahnih vel kan lak hnu chuan min kawmtu chuan thudang a rawn sawi a..

“Ahh.. nichin khan i thiante hian mi call sak duh che kan nei an tia..” tiin mi han en a

“Ni e.. kan han call lawk dawn em niang..” tiin Lana chu  arawn tawng a

“Tumaw..” tiin hrilhhai tak chuan ka nui a, Lana chuan number chu a dial ta a.. a in ring lai chuan min kawmtu chuan

“Tunge niang aw..” tiin min han en a

“Apu niang..” ka ti ringawt a..

.

“Hello..” mipa aw chuan a rawn ti a

“Aw hello.. tunge ka biak aw..” min kawmtu nu chuan a han ti a

“Aaa Richarda” ka meng phawk ngang mai, ka lungphu chuan min nghawr dawt dawt a

“Aw Richard kan show i lo thlir ve em aww..”

“Umm hei kan chhungkua in kan thlir mek e..”

“Anih chuan band member zingah hian duh deuh bik te i nei em??” a han ti a

“Umm.. a zaitu ber kha a ni mai alawm..” ka band mate te chu an han au rual hak hlawm a

“I be duh em??” min kawmtu nu in a tih chuan ka khur vek

“Aw khawi ka lo bia ang..”

“Mawimawi.. han chhang ta che..”

.

“Aw hello..”

“Mawimawii maw..” mipa aw chuan a han ti a

“Hei hi infiamna chi a ni miah lo ania.. live a pek chhuah a nih hi” tiin ka thiante chu thutak hmel tak leh hrilhhai tak chuan ka han en a

“Umhh.. Richarda ka nia lawm..” phone ah chuan a rawn tawng leh a

“Chu chu engtin nge I fiah theih??” ka han ti a, “Awiii.. duhtawk rawh..” tiin Timothya chuan ka beng bulah a rawn tawng

“Zawhna min zawt la..” a rawn ti

“Unau engzat nge in nih??” ka han ti ringawt a

“Panga.. mipa pathum  hmeichhe pahnih..” tih chuan min rawn chhang a

“I ni tak tak a mi??” ka ti zawi sep a

“Aw.. tak tak e.. chuan thil ngen duh che ka nei a..” a rawn ti

“Eng??”

“Len chhuah puiah ka sawm thei che angem??”

“Maw..”

“Chhanna tunah ka van hre duh ve..”

“Mahse, bialnu I nei sia..”

“Min lo la chhui chiang tawk lo  ani maw..” a tih chuan ka thiante chu ka han melh kual a

“Aw ti rawh.. aw ti rawh..”

“He thil hi in tih vek a ni maw..” kan ti leh hram a

“Mawimawi lineah a ala awm reng..” min kawmtu nu chuan a rawn ti a

“Ihh.. awle” ka tih chuan ka bandmate te au bengchheng ri chuan a zui nghal.. cameraman te thlengin kut an lo beng a, ka nun a ka hrilhhai ber leh ka lawm ber tum a la ni hial ang.

.

Pawn a kan chhuah thleng chuan ka thiante chu an la phusa..

“Min hrilh tawh ru.. tu tih nge..” ka han tih vak vak pawh chu tuman min ngaihsak lo

“Amakkkk.. Lalnunthar.. Lalrinchhan.. Lallawmkim.. Lalmalsawm.. “ an ngawi thiap.. “Tunge khang kha ti..??”

“I thinrim laiin tunge sawi ngam anga??” Chhante chuan a rawn ti a

“Ka thinrim lo ka hlim em hi..” tiin ka han nui lui har har a

“I tum vuau aa..”

“Ka zak alawm.. kha show en ho khan an hre vek dawn.. uiii” ka tih chuan an khi thaw hlawm a

“Lana idea nih kha..”

“Keimah chiah ka ni bik lo.. Esi nen lawm..” Lana’n a rawn tih chuan ka nuih a za thut, ani hian tiang hi ka tan a tih ka ring ngai miah lo.. a inhmeh lo mahse a ti miau si..

“Awii.. ka van hmangaih tak che u emm..” ka han tih chuan an ner nang hlawm a

“Nuam  ti leh si ve..” an ti sap sap a

.

Daniela’n in thleng min thlah a, lo luh loh a tum a mahse ka zah em avangin lo lut turin ka ti lui a, a lo lut ve nghal a. In chhung a kan luh chuan ka nu in eirawng a lo bawl mek a.. ka zak em em ringawt.

“In show chu a kal tluang em??” ka nu chuan a lo ti a, a en tih ka hre reng.. ka zah loh nan a ti mai mai a ni

“Um.. lo kal rawh Daniel ka roomah..” tiin ka kal tlang nghal rinngawt a.

.

Tlai chaw ei kham a ka room a ka luh chuan ka phone a lo ri mek a.. number hriat loh a ni tih ka hriat chuan ka lungphu a rang nghal ringawt..

“Hello..”

“Min hria em??” a rawn ti a, ka khur dawn ti tih

“Aw.. hria..”

“Hehe.. I hunawl neih dan ka hre duh a..” a rawn ti leh a

“Tih tur em em ka nei hran lo”

“Naktukah I hamn dawn tihna mi??”

“Aw.. hman ang..” ka ti zawi sep a, ka zam lutuk chu ka a lo chauh

“Anih chuan in in awmna chiang tak min hrilh la.. naktukah ka lo lam ang che aw..”

“Awle..”

.

Kan inbiak dan vel chu ka thiante hrilh ka tum a mahse mipa vek an nih avangin awmzia awm vak lo a ka hriat avangin Lana bialnu Esi ka va bia a, kei ai pawn a lawm hmel zawk in ka hria. Ka inchei dan tur leh awmdan tur min hrilh nasa  hle a, mi date ngai lo date nei tur ang maiin min sawngbawl ni maiin ka hria.. mahse a mi fuih dan chuan min ti phur reuh hle bawk.

.

Car a kan chuan dun lai chuan sawi tur a vang hle a.. amah zawk chu a rawn tawng chhuak a

“Ka danglam I ti tawh em??” a han ti a

“Engah ber??”

“Ka rawn biak dan teh tawp che hi..”

“Lana tih tir che a ni tih ka hria a lawm..” ka ti a

“Hre lo tawp che chu ka ni lo.. I zai pawh ka playlist ah a awm nual ania..” nui suk pah chuan a ti a

“Chung te chu a ho e..” ka ti ringawt a

“A personal lo deuh hlek I ti mi??” a rawn tih leh chuan ka nui seih a

“Tiang hian kan awm ka ring ngai miah loa..”

“Min hrechiang viau ti raw..” a rawn ti a

“Ka chhui chhuah tawk te chu hre ve tho..”

“Anih hmeichhe lamah ka zei vak lo tih I hre tal em??”

“High School I kal lai ang kha I la nih chuan..” ka ti a

“Nia.. ka la dang hran lo mahse I thiante sawi kha a dik tak tak a nih chuan he ti khawp a hmeichhe pakhatin min lo duh thin hi a hlimawm dan a dangdai lutuk..” a tih chuan ka sen tawn tawn in ka hria

“Mipa dang chu hmeichhia in an duh tih an hriatin an chapo pui thin..” ka han ti a

“Ka nih ve loh vang aniang kei kher min duh..” a tih chuan min ti hl;im hle a

.

Vawi thum kan inhmuh hnu chuan ka nel chho em em.. ka chung a thleng tur a ka ngaih a tan a awihawm loh khawpin ka hlim a, ka beisei ngam loh ka suangtuahna thleng dik mek chuan mithar ang mai a in ngaihna min neih tir a.. ka phu loh leh neih phak loh a ka ngaih mipa nen in hnai takin kan titi dun a, kan duhzawng leh duh loh zawng kan in hrilh tawn thinna ringawt te chuan mi vannei chung chuang a in ngaihna min neih tir  ani.

.

“Heii.. nge ti khan min en reng..??” tiin a hmai chu ka kutin ka nawr sawn a

“Heti khawp a hmeltha leh duhawm hian he ti khawp a min duh thei hi mak ka ti a, awih har ka ti..” a tih chuan ka nui hak a

“I intithei tih na mi??” ka han ti a

“Teuh lo.. ka vanneihna ka chhiar mek a ni..”

“Haha.. I zei em hi ka zei lo I ti sia..” ka ti a

“Mahse, thil pakhat??”

“Enge??”

“Inngaizawng pawh ni ila kan awmdun lawk thei dawn loa.. kan zirna hmunah ve ve kan kal a tul dawn sia..” a rawn ti a

“Chuan engtin??”

“Min nghak thei dawn a mi??”

“Kum engzah nge ka duh tawh che I hria em??” ka ti a

“Aw ka hria.. I mipa duh hmasak ber ka nia..”

“Nia..  kha tih hun chhung che khan ka nghak che chu ka ti lo.. mahse ka duh che a, ka theihnghilh ngai lo che a chuan ngaihzawng pawh ka nei lo bawk..” aw khur lek lek chuan ka han chhang a

“I rilru nat nan a sawi ka ni lo..”

“Distance a ngaihzawng neih I duh loh chuan a pawi lo.. ka hria alawm..” ka ti a

“Chutiang a ni lo.. ka duh che.. nang ang hmeichhia hi ka chhuah phal che I ring a mi??” a rawn ti a.. Sawi tur ka hriat loh avang chuan ka ngawi reng a..

“Mawimawi..”

“Umm..”

“I bialpa nih ka duh.. ka bialnu ni rawh..” a rawn ti a

“Ka duh che avang hian ka bialpa ni kher rawh ka ti lo.. min khawngaih avng emaw anih chuan ti lo zawk..” ka sawi zawh hma chuan nghet tak a min kuah in ka hmui ah a rawn fawp a, ka ngawi chiang hle mai..

“Ka bialnu I ni tawh..” a rawn ti leh zeuh a, ka nui seih ringawt a..

.

Star atan pawh a perfect chuan bialpa nihna  ahlen hle mai. Mipa dang angin a zei vel chiam chiam loa mahse mipa diktakin a tih tur ang chu a hlen zel a ni. A zirna hmunah a let dawn hnai avang chuan min ngaiin min thlahlel em em a, chutiang bawkin keipawn. Nitin kan in lamah a rawn leng a, kei ngei pawn ka thiante ka thlah phah zing em em bawk a ni.

.

Kan band ho in kan inthen darh leh hma in tiin dine out kan nei a, akn chas te theuh kan hruai bawk a.. Timothya chuan music video kan tlangzarh zan a a hruai nilo kha a rawn hruai leh that a. Kan rin ang ni tho mah se fiamthu nan tak kan hmang leh a, a nuam ve dangdai.. Zan riah ei hma in intur kan in laih laih a.. kan titi pah bawk a

“Mawimawi I inchhir em??” Timothya chuan a rawn ti a

“Engmaw..??” ka lo ti vat a

“Aw an in attack leh tan dawn e..” Chhantea chuan a rawn ti vat a

“Aw.. kha  I hla phuah music video kan siam kha..” a rawn tih chuan an nui hlawm hak a

“Hei hi maw..” tiin Richarda kut chu ka kai a, an hmuh turin ka han lek kang a

“Woww.. zei vel lutuk tlat” an rawn ti ta vel

“Chu ai mah chuan Lana hian min rawn be lo ang tih ka hlau chuan Esi hian a number hi min rawn thawn loang tih pawh kha ka hlau..” Richarda’n a rawn tih leh chiah phei chuan an lawm hlawm hle a..

.

Richarda a chhuk dawn ni ah chuan amah thlah na ah ka val ve a, ka ngai lutuk chu ka tah te hi a chhuak rum rum mahse a hmuh a hlim hmel put luih hram hram ka tum a.. a kal dawn tep chuan a nu te hlatah min kai hrang a

“Duat min nghak thei tak tak ang ti raw.. chuan Richard a nupui hmeltha tak kha nangmah I ni dawn ania aw..” a tih chuan hlim takin ka han nui a

“Umm ka hria.. nangpawh rinawm deuhin awm la..”

“Kha lamah kha chuan buai suh.. chuan mipa dang tan hla lo phuah miah suh aw..” a tih chuan a nuih a za hle a... Information quanter atang a a kal hun a nih tawh tur thu puan anih takah chuan ka kut chu nghet takin a hum a

“Ka bialnu hmeltha leh duhawm leh zaithiam em em te.. ka ngai dawn lutuk che..” tiin ka biangah a rawn fawp zeuh a

“Ka bialpa khawvela mipa tha ber hi ka thlah ngai lo ang” tiin amah ka en a.. a nu te awmna lamah chuan kan phei a..

.

Kum riat hnu ah ka nghah chhuah ka mipa duhthusam hi rinawm takin a nupui ka nih ni  athlen hma chu ka nghak dawn ani… Richard ka hmangaih che..

>>>>>>>THE END<<<<<<<