SILLY YOUNG GUY

“Tun kum 1^st semester ho chhiat loh hlawm zia hi”

“Chhe lo hlir I lo melh leh tawh a ni maw..?”

“Melh loh thei nang… an chhiat lohna in min hip tlat te chuan”

“Mipa ho lerh dan hi chu aw..”

“Heiii… Nang hi, nge I phone I bih ngur ngur reng a” ka phu zawk

“Awww.. enge??” ka ti vin tuar

“Games I khel leh tawh nimaw..” Esi han tawng duh dan em em hi, ka ning lek lek zel

“Khawi teh I phone chu” tih pah chuan Rda chuan ka phone a lo phih thla lawp bawk a

“I va ninawm dun ve, in pahnih khan titi ve mai mai rawh uu…. Khawi ka phone Ramdin” ka thinchhiat zia an hre chiang bawk a, ka aw ka vin pawh nga tan mah an ti lo.

“Hahaa en teh Es, a games atchilh ve hi Candy Crush mai mai.. hmanah tiang hi chu kan khel ve thin” Rda chuan ka min nuih sawh tak chuan ka phone chu Esi a hmuh vel a

“Pe mai mai rawh, nang pawn COC I atchilh ve tho kha…  ti raw mate Rp” Esi chuan min kuah cheng pah chuan a rawn ti a

“Khel ve ula, in pahnih in.. kan clan ah in awm nga” Rda chuan a rawn ti a

“Kei chuuu.. kan pa in a phal lo” Esi chuan a rawn ti vat a

“In pa chu a lerh a nih chu” ka lo ti hmanhmawh a

“Heiiii.. I sual thei eee”

“Hahaaa ka fiam che lawmmm… Rd khawi ka phone chuu..”

“Lawkkk.. ka khel ve chhin lawm”

“Rp a hmuhsit tehreng nen ti raw” Esi chuan nui uar uar pah chuan a rawn ti a

“Kal ang u, class kan nei tep”

 

Kei, Rda leh Esi hi College kan kal tan tirh atang a in zui deuh chawt kan ni a, kan final year thleng pawn kan la in thlah ngai meuh lo. Esi leh kei hi Aizawl khaw hlun pangngai kan ni a, Rda erawh Champhai khaw mi niin lehkha zirin Aizawl lamah a lo awm ve a, amah in in a luah a, kan thian ho nawm chenna in a ni ber mai. Mize in ang lo lutuk inkawm ni mahila kan hlim tawk ve em em a ni. Rda hi ngaihzawng nei ngai lo mahse hmeichhe chhe lo hre em em leh sawi peih em em a ni thung a, mahse han nei tak tak dawn se a zeina hian a tlin kan ring lo. Esi chu mi awm thei ve tak fanu mal  niin a thawveng em em reng ringawt hi a ni mai. Chhe lo hre em em tho mah se a bialpa tan hi chuan a rinawm hle thung a. Kar hla a in ngaizawng an nih vang hian an inhauh phah fo na chungin inthen erawh an inthen ngai miah lo thung. Kei chu tawng duh em em lo, mahni a awm nuam ti, thinchhe em em lawi si ka ni thung, ngaihzawng chu ka nei ve bawk thin a mahse ka nei rei thei lo, ka vei zui ngai lem lo bawk. Mi min hmuh mai danah chuan kan thian ho pathum chu lerh ve tak angin kan lang mai thei mahse lerh lo chu keimahni theuh hian kan in ti tlang hle.

 

Session thar tan chho chauh kan nih avangin class kan la kal tha vak lo, kan kal that loh piah lamah kan thian ho pathum in thurual na ber, class kal loh a canteen emaw khawi maw lai ah thut daih chu kan la ching chhunzawm reng a. Kan tlanbo a kan tih ber pawh phone kan in khawih siak hi a ni ringawt thin. Esi’n an pa a text a, Rda’n COC a khel a kei pawm games nawi te te, Rda nuihzat thin em em chu khel in ka tui pui ve em em thin. Kan nin tawpah hma takah kan haw a, Rda in luah ah ei tur eng eng emaw siamin kana wm khawtlai ziah thin.

 

Vawi khat pawh College kawt zawl a thutna an siam ah chuan kan pathum a thu in phone kan khawih melh melh hlawm a. Chaw chhun ei hun a rawn nih chuan college student dang ho pawh an rawn chhuak sap sap a , an in pel suau suau a ni ber. Kal ka han rawt ve bawk a, Rda chuan a phone a la khawih tui hleee “Lawk aw.. lawk aw” tih vawi nga lai a sawi hnu chuan ka dawhtheihna in a tlin ta lo, ka tho thut,

“Ehee!!!!” ka meng phawk ngang mai, ka thiante pahnih chuan mak tih hmel takin min rawn en bawk

“Enge Rp..khatia I awm thut” Esi chuan min rawn tih chuan ka harh chhuak  zawkin ka hria, ka thu leh rih.. ka lungphu chu a rawn rang ngei mai, a rawn ran ringawt na chhan pawh hi ka hrethiam bik chuang lo. “Engmah ni lo.. mi ka hmu sual a” tiin dawt ka sawi ta ringawt

“Tunge I hai a, ka hre ve duh.. mawh sawi teh”

“Ka thiannu, hman a ka kawm thin ang deuh ka hmu a”

“Thianpa niang” Esi chuan a lo ti leh hman hram

“Esi hrethiam ve mai ta cheee.. a ex ang tawk a hmu tih na” inla hre fahranin Rda chuan a rawn ti a, ka nuih a za lutuk.. “In aaaa siah” tiin ka kal a, anni pawn min rawn zui ve nghal a.

 

A ngai te bawkin tlai dar 1:30 velah College kan chhuah san a, Rda in luah lam kan pan nghal a. Kn tih dan thin ngai bawkin eitur kan siam leh a nuam kan ti tlang hle. Rda hian zu hi a in ve zeuh zeuh a, beer pawh min p eve zeuh zeuh a mahse min pek tih loh hi chu mahni a in tumna em em Esi nen pawn kan nei ngai chuang lo. Vawiin pawh hian min pe leh a kan in la hot dun khawp mai, mahse enge maw tak hian min mawlh leh thin.. vawiin a ka thil hmuh kha aniang a.

 

In ka thlen chuan ka ngaihtuahna ah vawiin a ka thil hmuh chu a awm reng, tih vak ngaihna ka hre bawk si lo. Kha naupang hmeltha leh pian nalh tak, high school ka kal tawp lama ka mit la em em tu nghal tak si, a kum en aia che puitling zek kha a nih tak tak vaih chuan… ka hlim ang nge ka lungngai ang. Ka hrethiam lo. E, ka nau zawt ila a hre mai thei asin in classmate chho char char an ni tak.. Higher kha hmun dangah kal mah ila ka nau kha chu 12 thleng kha school ah khan a kal tak e.. ka va text nghal vat a

“Nau”

“Awiiii..”

“In mu tawh em?”

“Aih, chaw pawh kan la ei lo, Aizawl ang kha ani ve hleinem U”

“I inla phai awm anih chu a..”

“Haha.. ka awm bawk sia lawm”

“E, ihmaw Home Mission kan luh laia in classmate thin Rinchhana kha khawnge college a luh I hria em?”

“Lalrinchhana, nghal deuh.. sual tawk kha maw” kan nuih huk chu..hahah

“Aw aniang, ka hre lo”

“Ani te chu class 10 thleng chiah lawm a lo kal, 11 tangin an khua, Lungleiah akal daih lawm”

“Eee nih chu”

“Tinge a min zawh, I thianten an star a mi?”

“Ka hre bik lo.. ka mu dawn aw”

“Star tir suh.. a inla pa si, a nghal bawk si”

Huii …hram hram chuan, a u hi amah ngaihventu dik tak ka ni tih hria se engtin tak ngai ang maw ka nau-I hian. Ka va in zawt mualpho  kher kher chu ka inchhir ang reng. Mahse, ka nau sawi kha a dik alawm, a nghal vang a kan schoolah pawh lar hat thin kha ania. Ngaihzawng ka neih pawh a la thu tak em em ngai lo khan engvang a kha naupang kha ngaihven tlat nge maw ka nih le. Hriat reng tur chu kan pahnih inkarah chuan sawi tham tlem chu a awm ve ngei a lawm, mahse ka lo lak lungrun em em a ka lo hlimpui em em lai khan ani tan ve thung chuan a zah theih loh leh nghal luat veng mai mai a ni tioh ka hre reng  sia.

 

Ni thum chu kan kal tling  leh ta reng mai, a ruk in nitin chuan ka zawng thin a, mahse ka hmu ngai miah lo. “Hmanni khan ka hmu sual anih dawn hi” tiin ka ngaihtuahna pawh chu ka suk thlek zawk a, mahse ani hmuh chu ka la in beisei reng, mood pawh a fuh thei thlawt lo a nih hi. A ngai te bawk in kan thian ho chu college kawt a thutthleng ah kan thu leh a, ka thu nguai bur mai.. phone tak ngial pawh ka khawih peih lo. Chutia ka thut ngui bur lai chuan ka hnung lam tangin mi inhlei in nek kual vel in min nek tel ve tih hriat takin min rawn nek sawk, 1^st year harh ho an nih ka ring nghal, in la senior fahran chuan thinrimna awki nen

“Zawng!!!!” ka van tawp chiang ve

“Eheee.. Lalrengpui” ka naupang  zawn ziah thin khan ka hming pum ngatin min ko maw le, ala nghal reng a nih dawn hi.. mahse a hma ang reng khan a la hmeltha a ni..

“Lalrinchhana maw..!!” a hming pum a koh kha ka tum em em a ni lo, mahse ka thiante pahnih khan 1^st year naupangin ka hmingpumin min ko tih an hre chiang sia, pangngai tak a ka lo dawn sawn vaih chuan an ngaih a tha lo ani mai.. ka thin chhiat zia an hre chiang fu mai sia

“I dam maw..??”

“Aw.. college te I lo kal ve tawh a, I va lo puitling tawh ve” ka tawng bah nuaiin ka hria

“Huh.. inla upa viau lo mai teh aw.. I nau khawnge a luh ve, he tah a lut ve em?”

“Aih ani chu Chennai ah a awm a”

“Nuam awm bik.. keichu Aizawl ah pawh hian min dah phal tawk maw le..”

“I sual aniang chu”

“Naaa.. ka fel zia aw.”

“College hostel ah a mi I awm?”

“Naiiiiii… private hostel ah, free rapz”

“Haha nuam I tih dawn chu le”

“Nuam lo ah ka awm duh hleinem... kan kal mai ang aw kinah kan la inkawm tha dawn nia.. “      

 

 

“Rp, a va chhe lo ve kha pa kha.. engtin nge in in hriat?” ka rin ang chiahin Esi chuan a rawn ti nghal

“Home Mission a kan junior nih kha, ka nau te nen an in class mate thin”

“I hming pum ngatin a ko che mawle” Rda chuan a lo ti vat a

“A nghal ve hrim hrim.. a bula awm tam phei chuan kein aiin a upa emaw tih mai tur maw le”

“A bulah I awm tam thin maw..” Esi chuan a lo ti vat a… ka lai ve ringawt, ka thiante chu ka vin leh ta vak mai

“In ninawm dun lutukkk!!! Mood in ti off”

“Hmm.. tinge I laih hian min vin vak zell” Esi chuan a rawn ti nui nui a

“Ka lai mi??”

Rda chuan Esi kheuh zeuh zeuh pahin mit an han in siai kual vek, ka thiante pahnih awm dan leh ka chhungril hlimna chu ka thup thei tawh thlawt lo, ka nui chhuak ta vak mai anih kha.

 

Class kan kal chho ve zel, kan block a inang tih ka hriat chhoh ngat phei chuan College kawt a thut mai mai ai chuan corridor a lo chan mai te kha ka chak thin, keimah ngei pawh hi ka in hrethiam lo anih hi. Kan department a inan avang ringawt chuan class kal te hi ka phurin nuam ka ti thar em em a, hetiang tak hian ka ngaihtuahna a danglam thei hi mak ka in ti.. chu pawh naupang star mai mai thin ang lakah chuan a ni si, a hahthlak nge a hlimawm zawk tih pawh hriatthiam a har hle mai.

 

Zan khat chu Whatsapp group pakhat ah min lo add a, message pawh a tam ngei mai, group hming ah PUC tih a tel avang chuan college lam ani tih ka hre nghal mai, an titi vel ka chhiar chuan English Department pum pui group a lo ni a. Ka nuih aza ang reng, tu siam chawp nge maw ni, Batch group hi a tawk viau asin le.. an nawi ang reng viau, a then an lo inhnial thul. In la senior thenkhatin junior ho an lo hau bawk.. kei pawh in la thu fahran chuan

“Inhnial su” ka va ti ve ngawt pek a… ka hnuai a min rawn chhan let dan chuan min ti phu zawk

“LALRENGPUI KMT”

Shit!! a tu phiangsen nge le.. a hming in dah dan lah chu “Thug Prince”.. hahaha mi mawl tak anih dawn hi ka ti rilru a, a display picture en tum chuan a in load ka nghak a, ka phu deuh zawk, tu dang an ni lo Lalrinchhana ngei a ni. Group ah ka let leh nghal

“LALRINCHHAN 1^st sem naupang inih kha” mi inhnial na karah chuan ka va ti leh hram.. midang lo tel ve in an rawn sawi kha ka ngaihven tawh lo reng reng

“I kum ang rual chu ni ila 5^th sem ka ni ve ang U Rp” hahaaaa… a nghal dan hi a cute chiang alawm, nuam ka ti phian. Kn inhnial chho zel, midang ka lo ngaituah chang tawh lo, kan inhnial na karah chuan kan class ami 3^rd Sem kan nih lai a ka nih pui ve zuai C-a chu alo in rawlh a

“Thug Prince tih khi a ngampa riau.. admin khan remove teh u”

“C-a Ralte, keipawh admin ka niaaa..hihuha” a va han mawl tak, a chhan let dan te reng reng chu!!!! Chu tih lai mek chuan private in message ka dawng, Rinchhana a lo ni a

“Kha pa kha tunge, C-a Ralte kha”

“Ele keimah anga in senior”

“Hmphh.. va in la senior ve”

“Senior lawm”

“Mawhhh.. sawi teh”

“Aw.. kan class a mi”

“Ni lo in, nangmah nen kan in hnial vang anih kha khatia alo tih”

“Ka ex”

“I bialpa nita zawk se”

“I ring em?”

“Bialpa nei ka be ngai lo”

“Haha.. group kha leave rawh”

“Eng vang??”

“A mawi lo alawm”

“Enge mawi lohna”

“In nawi mah mah lawm”

“Leave phawt la” a van zam lo ham ham tak, mahse a thu hnial ka tum miah lo

“Nangman lee”

“ok “

Hahaaa a thil tih dan mai mai chu, min remove hmak nia, aman  group a left na screen shot min rawn thawn nghal bawk a. Mahse, ka batch mate ten min rawn add leh nghal, min la chhaih luai luai zui..

“Bialpa chu I nei lo tak tak a mi?” ka nui suk

“Nga tan nge I tihhh??”

“Ka hre duh lawm, mawh sawi teh”

“Naupangin ngaihzawng lam sawi loh tur”

“A khanglang chuan aaa” hepa han duhawm dan em em hi, min ti hlim phian. Kei ngei pawh hi ka mak ngawt mai, min rawn biak ang hian midang in min bia se, tawngkam na tak tak in ka tawng khum awm si a. Kan veng awmna min zawt a, keipawh chuan ka zawt ve a, min rualpui kawm hmiah hmiah thin hian a duhawmna hi a ti zual thin. Bialpa ka neih loh thu ka sawi chuan ani pawh chuan bialnu a neih miah loh thu te a sawi a, a mizia chu hman ang kha a la ni reng, inlak puitlin a tum pauh leh a naupanna a lang thung a

 

Zana kan in mangtha hnu chuan ka star  tan ni kha ka hre chhuak uar uar a. Khami hunlai khan school function a awm avangin kan buai luai luai anih kha. School choir ho in hla zir turin AV room kan pan a, lam an lo zir si, a bul chiah TV roomah lah zir an lo awm leh bawk si avangin kan nghak ta a. Room phen a corridor zimte ah chuan Rinchhana leh a thianpa hi an lo thu a. Amah hi a hmelthat vang em em pawh ni lo a zak thei lo lar a lar anih avang khan class zat  in thlau mah ila ka hre ve hle a ni. Ka ding peih tawh lo chuan an thutna thutthleng sei hmawr ah chuan ka thu ve ta ringawt a.

“Rengpui” hla in zir dawn ami?” naupang te te min koh dan chu le ka ti rilru a

“Aw.. nang ni in tlanbo ami?”

“Ahaaa I van hre thei em em”

“I inhmeh em a lawm”

“Nghal reuh zek”

“Huh.. engtik kumah nge I pian”

“1997…. Nang chu 1995” ka dang derr mai, ka beng pawp chak, hnial ka tum leh lai mek chuan school choir conductor chuan min lo ko a

“Rp, principal hnenah zirna hmun kan zuk dil ang, midang nen hian he tah lo awm ru, kha guitar hi lo keng rih rawh”

“Awle” ,midang an lo thut ve duh avangin ka tawlh phei a, Rinchhana bulah chuan ka thu chu a ni der mai..

“Khawi maw guitar chu” tih leh rawn lak a rual nghal… a perh kual vel

“Rp, eng hla nge I duh ka lo sak sak ang che” Guitar a alu nghah deuh pah chuan thle chungin min rawn melh, kan mit meng in tawn fuh zia kha, enge ka awmzia .. ka lai ringawt, ka nui tawi tuk ringawt. Thil eng eng emaw min sawipuia. Han titi pui tak tak chuan kawm anuamin a nel awm ngei mai, a hmel tha em em a, nuih a duh em em bawk. Khami ni atang  khan ka vei ta em em a nih kha. Khang hun lai khan star te hming phuah kan hrat em em a, kan class a ka thiannu nen a hmingah “Wangkom” tih kan phuah bawk a, kan sawi nasa thin hle a ni.

 

Ka thiannu te nen an veng a inan avang khan a chanchin ka zawt reng thin a. Vawikhat ka hlim em em ni chu ka thianpa nen   scooty in kan leng a, kan haw lam Dawrpui kawng phei a kan tlan lai chuan “Rengpui” ti a koh ri ka hria a, ka hawi let zawk chuan Rinchhana chuan a pi te dawr a lo nghak a, min lo ko chu niin..

“Ding rawh hmingg,, Rinchhana anih sawww” ka ti vak a, mahse kan hnug lamah motor lian a tlan avangin min tlan tlang pui ta zawk a. Khami ni ka hlim zia kha, ka hming lama min koh ringawt avang te khan. School ah chuan kan inhmuh apiangin kan inbe ziah a, mahse a lo atthlak e, number in dil tumna kha kan nei ngai miah lo, kha tih hun lai khan ngaihzawng kan la nei ngai loh  ve ve vang te pawh a ni mahna.

 

Vawi khat ka thiannu thil min hrilh khan ka nuih a ti za ngei mai, “biakin ah kawr sen dang a rawn ha ve ziah, mi pawn pinky tiin an ko thin” tih min hrilh a. A dangdai thlawt a ni he pa hi chu, a hmelthatna pawh ka tan chuan duh em em na tham a ni a, a la duhawm tel em em zui. A chang chuan miin “nghal” ti a an sawi hi ka huat pui thin mahse mipa dang angin lerhin zei hawi ve se a luck dan tur ka ngaihtuah hian a mizia hi ka lungawipui hliah hliah thin.

 

Class 10 ka pass hnu kha chuan biak ka tum ve thin a mahse mipa biak hmasak kha ka hreh thlawt a ni. Chu mai piah lamah school ngai ah khan ka zawm mai ka ring pah bawk a. Ka rin ang khan thil a thleng leh ta si loa, ka chhung ten boarding schoolah min dah tak daih avang khan biak ngaihna ka tan a awm leh ta si lo a ni.

 

Zingah chuan ka harh zawk, nizan lam chu Rinchhana nen kan in hmuh thin dan te ngaihtuahin ka muhil tih ka hre chhuak a ka hlim lutuk, ka phone ka en vat a, a message a lo la awm zui

“Good Morning… Class lo tlai suh aw :*”

“Tehreng mai J “

 

Ka danglam chhoh zia chu min hrechiang tute apiang chuan mak an ti a, engtk lai pawn ani nen chuan kan intext thin ta a, kan inhmuh chang erawh chuan kan lai dun khawp mai. Inngaizawng chu kan ni chiah lo, mahse ka thlakhlelh thin dan chu ka ngaihzawng ang chiah a ni. Ka thiannu Esi chuan kan inngaizawng dawn tak tak anih chuan a phur vak loh thu te, a kum mai ni lo a arilru naupan zia chu min sawipui reng thin, mahse ka thlah tawp thei lo. Dik tak chuan  class 11 ka kal  atangin hostel ah ka awm char char a, kha tih hunlai khan ka theihnghilh hman emaw ka ti a mahse ka hmuh leh chiah hian engtiang chiahin nge ka lo vei tih ka hrechhuak ta a ni

 

Thla khat dawn chu inngaizawng miah lo chuan kan intext zawm char char a. Zan khat chu min rawn be miah lo a, biak hmasak ka hreh bawk si a, ka whatsapp status chu ka en a, ka ngaih a ti tha lo tak zet..

“Dinhmun ngai reng a tu emaw din pui reng ai chuan hma min sawnpui thei tu hi kan tan an tha zawk thin”

Enge awmzia le?? Min ning ta mai ami le..??? A lakah hian beiseina ka nei law law tawh a, beidawng tur ka ni anih chuan ka hriat vat angai tiin ka va be hmasa ta tawp a..

“I mu tawh em?”

“Aih zu ka in”

“Maww… I rui maw?”

“Ka rui thei lo”

“Tinge I in”

“Ka rilru a buai”

“A chhan ka hre ve thei angem?”

“Um,.. min haw lo la”

“Sawi rawh”

“Ka ex in min lo bia a” ka na zawk mai

“Chuan.. renew dawn mi?”

“Chutiang lam a ni lo.. kha nu kha ka rilru tina tu awm chhun ania”

“Pawi ve aw”

“Rp..”

“Umm”

“Ngatinge naupang anga min en tlat..  ka theih tawpin puitling tak a awm ka tum tih I hrethiam lo ami??”

“Chu chu tu tan”

“Tue maw.. ka duh em em tan” a ex a sawi avang khan ka la lungawi thei thlawt lo a ni..

“I ex tan khan maw..”

“Ka ex kha kei aiin a naupang!!”

“Oh.. sorry”

“Kum thum pawh a nih loh hi”

“Engmaw”

“I hre lo tak tak nge, min hnawl ve dan”

“Hnawl turin ka bulah I lo kal ami?”

“Lo kal ka duh alawm”

“I ruih vang mai mai anih kha”

“Ka rui lo, zu ka in mahse ka rui lo.. min ring lo ami?”

“Zu in rin chu an har e”

“Nih naktuk ah aw”

“Umm I harh hun a I rilru a inthlak  loh chuan”

“Naktuk ah 11:30 ah basement ah min lo nghak rawh aw”

“Aw le.. mu tawh rawh”

“Umm I thu ka awih ang, ka bialnu hual”.. Min tih nuih hram chu le, naktuk atan a ka inbuatsaih angai, ka sam hi engtin nge ka tih dawn.. ka rilru a hah lutuk. Esi be tawp ang, mahse min duhpui si lo.. Mahse biak tur dang ka nei si lo.. ka han biak kual vel  hnu chuan inchei dan tur te, sam tih dan tur leh makeup dan tur chu min hrilh ta a, inchei a thiam bawk a ka ring takzet he lam ah chuan.

 

Zingah chuan ka harh hma kher mai, ka helh hawlh lutuk hi thil tha lo a thlen ka ring hian zawk. College ka pan a class pawh kal lo in 11:30 rik hun ka nghak ta tang tang a, a ri vel chiah tih chuan inhmuhna hmun tur kan sawi lamah chuan ka kal ta a. Tu vak mah an lo awm lo, a nghal bawk a college campus vel hi alo fang hneh leh bik tawh hle a ni maw, mi awm tam lohna hmun pawh a hre hle mai ka ti rilru a..

“Ehem”

“E.. I lo thleng tawh maw”

“Min nghak rei em? Ka nui lai deuh tet, a duhawm zia chu

“Aih rei lo” ka bulah chuan min hnaih tak in a lo thu a.. a lu khawih nuah nuah pah chuan

“Ihh.. ka zei lo lutuk a” ka nuih za lutuk insum har ti tak chuan

“Zei kher angai hleinem”

“Ihmaw.. min duh em?”

“Zawhna min zawt turin ami min koh??”

“Aih nilo.. I rilru ka hre duh alawm”

“ka rilru I hriat hnu ah chauh inrilru a in siam dawn ami?”

“Nilo.. ihh ka duh che”

“Engtik trang”

“Khaa.. naupang angin min en tlat a, min bawl I tum leh tawh kha”

“Haha.. a ni lo, keimah min zawh ve ka beisei vang alawm”

“Anih engtik tangin nge min duh?”

“Ka zawt hmasa che”

“Na.. anh ihmaw, kha class 10 in nih lai khan kan class ami tuai tep hmeichhe ngaizawng ve thin tho in a star vak che kha, pen te a pek thin ce kha, ka sawi chhe lui vak vak zel che a mahse ka hmu tha telh telh zel che a” ka nui nasa lutuk kha lan that tumna pawh a bo vek thei.. “Sawi ve rawh”

“Keichu maw.. khami hma daih khan”

“Naaa tinge min hrilh loh”

“Mipa ka be hmasa ngai lo”

“Mahse kei te chu”

“Enge nang chu??”

“Naupang min tih kha”

“Mipa I ni tho a”

Ka hmai bulah a hmai chu arawn hnaih “Fawp dawn che aw”..  huizz zei lo tih piah lam

“ Naaa a hun lo, kal ang”

“Ka zei lo ka tih reng kha..”

“Nih khawi keiman” ti pah chuan a ngawngah ka ban pahnih in ka chelh a, ka mitchhing in, dingdihlip tawng tawng in ka han fawp a, ka kawngah kuahin min lo chhawn vat a..

 

Naupang chhia in zei lo hle mah se ani nen a nitin inhmuh a, a duhawmna leh hmelthatna nitin hmu thei tur dinhmun a ka din hi ka suangtuahna zing a pakhat hlawhtlinna a ni.