TWINS

Ka office bang chu taxi dinna lam panin hmanhmawh takin ka pen hlawk hlawk a, ka nu leh ka nau in min lo tlawh a an lo zin avang chuan haw hma theih dan tur chu ka zawng ve na a, ka hna lamah kan laklawh em avangin ka duh ang hunah pawh ka haw hma thei ta lo chu ania. Taxi rem chang ka hmuh velah chuan ka chuang thuai a, ka in luah lam pan chuan kan kal ta a. Taxi a ka chuan chhung chuan ka nu te chu bia in ka thlen tep thu ka hrilh mawlh mawlh bawk a.

 

Ka hming chu Dorothy Lalnunsangi a ni a, kum 1989, September ni 10 ah ka piang a, kan unau hi pali kan ni a, upa ber dawttu ka ni a, ka u chiah hi mipa a ni thung a, ka nau chiah hi mipa ni ve lehin.. kan unau chu inkar thlakin kan piang a ni. Ka nu hi Government  Higher  Aizawl ah lecturer ni in, ka pa erawh  Hrangbana College ah Commerce department ah head ni lai mek a ni bawk a ni. Ka nu leh pa te hi lehkha zir ngaisang tak an ni a, kan unau min enkawl chhoh danah pawh Pathian zarah tuman harsatna em em tawk loin ka zirlai ah theuh hlawhtlinna kan hmu chho ve zel a ni. Ka U chiah hi Company lian takah Accountant hna thawkin Mumbai ah a awm  mek a, ka nau chiah  hi chu Neighrihms, Shllong ah Doctor a zir ve mek bawk a ni, a nau chiah nen hian an chhang a in khat deuh a, kum 5 dawn anih avang in kan naupang ber hi chuan Aizawl private school pakhatah class 12 a zir mek a ni.

 

Khua  chuan thim lam a pan telh telh a, Delhi khawpui erawh a reh lo khawp thung a, mi an la zi mur mur reng ti ila kan sawi sual lo ang. Delhi ah hian College ka kal tan atangin ka awm a, Indian Institute of Art and Design (IIAD) ah Interior designing kum li course ka zawh hnu in kum thum dawn Contruction company pakhat ah Interior Designer  head angin hna ka thawk ve leh a. Thla ruk  kal ta mai atang khan chu hna chu bansanin keimahin Private Office ka hawng ta zawk a ni. Khawpui lian zawk tih takah hna hi a awm ve reng a, thuih hruai pahnih Interior designing zir chhuak hlim ka nei bawk a, hna awm loh hun hi a awm meuh lo a ni. Kum dawn kan kal chhoh meuh chuan hnathawk tam zawk pawh neih belh zel ka in beisei a ni.

 

Taxi atang chuan hmanhmawh takin ka chhuak a, chhawng hnihna a ka flat lam pan chuan ka kal zel a. Ka inchhung ka luh chuan ka nu  chuan eirawng an lo bawl mek a..

“Nu, ka lo thleng..”

“E.. ka rin aiin I rawn thleng hma leh sia..hei chawhmeh I ei khat deuh deuh ho ka lo siam a”

“In chau lo mi..”

“Chauhna tur a awm hleinem, flight a kal te chuan a hnai lutuk ..”

“Khawnge Bawihpuii chu??”

“Room lamah a awm kha”

“Kan in ti fai phawt aw nu..”

“Aw lee..”

 

Ka nu leh ka nau hian Office thar ka hawn tirh khan min rawh hmuhpui ve loh avangin hmu ve tur hrim hrim in an rawn kal mai bakah ka pa in Car lei ve tawh tur a min rawnna lam min sawipui tur a rawn kal an ni a. Zanah chuan ka nu zanriah siam tui tak kan ei ho a, ei loh na a rei tawh mai bakah rawp a lo na ve angreng a, ka chaw ei tawh zawng zawng ah ka la puar ber tum a ni hial ang. Kan nufa za ho chuan kan titi tui hle a, chau viau e ti lo chuan kan hlim phian mai..

“A pa  chu a khuahar ngawt ang, ..” Ka nau chuan a lo ti a

“A pa chu I khawngaih deuh nimaw..” ka nu chuan a lo ti vat a.. “E, lawk hei I pa chuan min lo call kan be lawk ange” tiin ka nu chu a chhuak a

“Bawihi chu I lo kal ve ringawt a, leave I dil lawk em??” ka lo ti a

“Aih Principal a awm chuang loa… mahse phone a ngai ang”

“Chutiang phone a formal lo lutuk, ka pa leave letter ziah tir la heta in awm chhungin pe rawh se”

“Chutiang angai lo U.. Kan Principal a zin a, a fapa a lo kal thin alawm.. lo call mai ru atia..”

“A fapa a.. a qualified ami??.. tunlai private school ho kal dan hi chu aw.. “

“Aw..a chhe lo rapz mai...”

“Chhe lo ngaihtuah nan chuan I la nau em mai.. ka nu kha va hrilh rawh, ka pa khan lo phone nghal rawh se”

“Engmaw mate..” ka nu chu inchhung lut pahin a rawn ti a

“A ngai tawh lo hei Mambawihi Principal fapa kha apa khan lo bia se ka tia..”

“A hmanhmawh thlak hleinem”

 

Ka nu leh ka nau chu ka Office lian vak lo ah chuan hruaiin a theih ang ang ka fan pui ve a, an ni vang a Office chawlh chu ka duh ngei mai mahse he Office hi ding chho chauh anih avangin ni khat te pawh kan chawlh a thiang si lo a ni. A rem chan angin hmun thenkhat te pawh kan tlawh ho a, ka Car tur te pawh kan en kual vel a, kei ai mahin ka nau Nunpuii chu a phur zawk a, min ti hlim viau mai. Dik tak chuan Car neih nan chuan a la hma viau in ka hria a mahse Company Motor hmang a min dawrtu te In lam pan ang kha ka tan a theih tawh thin si loa, ka tan a tangkai tur tho anih avangin han hnial vak pawh chu tulin ka hre lem lo a ni.

 

Ka nu te chu ni li an cham tlin hnu chuan haw lam an rilruk tan ve ta a, an haw dawn zan chuan ka hna thil vel a tangkai tur awm inchhung lam tanlarna chu internet ah ka en a, ka nau chu hmanhmawh takin ka roomah a rawn tlan phei..

“U.. u.. u, kan theihnghilh..”

“Enge..”

“Sir kan be lo..”

“A pa I biak tir lo ami..”

“Umm.. U nangman call mai tehh, a nu a muhil si..”

“Enge a hming??”

“John nge James kha le..”

“Enga.. in Sir hming pawh I hre lo a.. “

“Ni lo, nikum khan James kha an ti.. tunah John an ti leh bawk sia, a pahnih in aniang U”

“I nep thei ee nang chu..”

Dar zat ka en. Dar 9 a lo pel tep tawh a.. a tlai lam deuh a ni tih hre chung chuan inthlahrung takin ka call ta a

“Hello”

“Hello.. Sir James a mi aw..”

“Aaa.. ni lo zawk, James I be duh mi??”

“Aw, a pawimawh angreng a, a tibuai viau loh che chuan ka be lawk duh a”

“Tunah he tah a awm lo a, a number ka rawn thawn mai ang che aw.. Whatsapp I hmang em aw..??”

“Aw, a lawmawm ngawt ang”

“Anih ka dah ange  aw..”

“Awle, ka lawm lutuk e..”

 

Phone ka dah a ka nau chu lungawi lo fahran chuan ka melh a,

“In sir phone number a nih loh hi I nep thei em mai..”

“Chutiang a ni lo, ama min pek ngei alawm… greenboard ah a ziak”

“Lawk.. hei a number a lo thleng, kan bia nge”

 

“Hello..”

“Hello, Sir James ami aw..”

“Aw, ni e.. enge nita”

“Aa.. eng lo ania.. I student zing a mi, class 12 zirlai Lalnunpuii U kha ka nia, hei ka awmna Delhi ah an lo zin a ka nu nen.. chu chu……”

“Lawk aw, thiannu.. call loh tur zawk I call ami aw, I biak duh hi Sir Johna zawk a ni zawk lo ami??”

“Enge awmzia..??”

“Englo ania.. James chu ka nia mahse Johna zawk ania tun a School a awm chu. A number I duh em??”

“Aih nilo nilo.. ka nei lawm, ka tibuai viau che em, min lo hrethiam mai aw..”

“Aw le, a ho lutuk..”

 

Lalnunpuii min tihbuai zia hi, at khat hi chu a cheng ve deuh alawm.. an sir te hming pawh han hriat loh mahse engtinnge Johna leh James chu an inhriat le, an in hriattawn hmel em em lehnghal a. Sir Johna dik tak chu la call nghal a,

“Hello”

“Hello, sir.. keimah nichin ami tho kha..”

“Aw.. enge nita??”

“ Nangmah zawk a nia ka biak duh tak chu.. eng lo ania, I student zing a mi class 12 zirlai Lalnunpuii U ka nia..”

“E, ani maw.. chuan han sawi zel tache..”

“Hei ka nu nen ka awmna hmunah min rawn tlawh a, Delhi ah.. school kha achawlh phah hnem angreng sia..”

“A ni maw.. ka pa hi a awm lo a keipawh ka haw chhung zawkin a ai ka awh ta ringawt mai anih hi.. keipawh Delhi a awm ve tho ka nia..”

“Chuti maw.. hna I thawk ami??”

“Umm.. Whirlpool company ah khan.. aa ka buai deuh a nakin ah kan la in hmelhriat tha dawn nia aw.. “

“Awle.. awle.. ka lawm lutuk e”

 

A polite reuh phian mai a, che buai viau ila chuan ka nau hi ka hau nasa leh ngawt ang. Ani lah hian min hlauhna hi a nei lo telh telh leh nghal a, a awm ve tho e, lerh hre tan rual a ni ve tawh bawk a. Ani hi chu kan unau ah a dang deuh bik hrim hrim.. midang hian kan ngaihzawng te emaw kan thiante kan chhungte bula hmelhriat tir na chang ka hriat miah lo lai hian ani chuan pangngai tak hian a ti leh tlat pek thin a. Mahse, a ngaihtuahawm ve na em em thung chu lehkha a thiam vak lo hi ani a.. a chang chuan “I U te I tluk lo” tih tawngkam hi  a dawng ve fo thin a, a hnual phah ve deuh thin reng bawk a.

 

Ka nu ten min haw san hnu chuan a khawhar thlak thei hle a, mahse han tlawng awl em em ka nih loh avang hian lunglen vang a phone call a han biak tih vel hi ka ti hman meuh chuang lo a ni. Vawikhat chu Delhi khawpui chhung a min dawrtu pakhat building  sak mek en  pui turin ka in khalh chhuak a, min dawr tu pa nen a kan inhmuhna hmun tur lai kan sawi ah chuan a hmel hmuh tur a la awm loh avang chuan ka ding a, Car atang chuan ka chhuak ta a. Ka din hnu rei vak lo ah chuan tlangval pakhat hi lo pheiin ka Car parkna bul chiah a Car park chu lak chhuah a tum a, ka lo en vak lem lo.. ka lam a lo phei thawm ah chuan ka han en a..

“Excuse me.. miss”

“Yess..”  Ka rilru tak chuan Mizo ang ka ti hle a

“Mizo I ni em??” ka nui suk a… ka chhang nghal vat a

“Aw.. ni e”

“Aaa.. I Car aniang chu ka tia..”

“Aw ni e, a dip deuh che mi..”

“Um.. I dah rem lawk theih chuan..”

“Lutuk, lutuk..” tiin ka Car lam panin ka phei a ka dah rem ta a. Car atang a ka chhuah chuan nui hmel ngainatawm tak pu chuan a kut a rawn a rawn dah hnai a “John  ka nia..” .. Chi bai pah chuan “Dorothy ka nia..”

“Enge he tah I tih reng reng a..?”

“Saw lai a building sak zawh tawh lam saw ka enpui lawk dawn a..”

“Architecture I ni maw..”

“Ni chiah lo, interior designer zawk..nang zawk??”

“Whirlpool company ah, Sales Department ah Manager hna  ka thawk a, chuan saw mi building saw kan company guest house atan a sak mek a nia.. I vawikhat rawn kal na ami??”.. Ka ngaihtuah chhuak thut hmana ka nau in an Sir min biak tir dawn a call kal sual kha..

“Lawk James nge I nih John kha..”

“Maw.. min hre sa ami??” mak tih hmel tak chuan a rawn ti a

“Aih, hmanah kan inbe tawhin ka hria a.. Eng lo, ka nau chung chang ah leave dil vel ah”

“Tunge I nau??”

“Lalnunpuii.. Woodland School..”

“E.. ae, ka hrechhuak, khami zan ami kha maw I nih..”

“Aw ni e.. khawvel hi chu a zim a ni ti raw..”

“Ni chiah e.. chuan kan Director nen chuan inhmuh in tum em ni??”

“Office a min rawn hmu tu kha chu  secretary a niang,  appointment chu a ma buaipui vek a nia, mimal in tur zawk emaw ka lo tia”

“Hehe .. ni lo e, Kan Company a thu nei zual ho thlen nan a sak a ni dawn a.. Saw Sir pawh a rawn thleng e..

 

Director a lo thlen hnu chuan John  a nen chuan kan lo in hriat sa tawh thu kan han sawi a, ani pawh chu a lo lawm thiam khawp a.. John chu min rawn zawm tur a sawm ve in building lam chu kan pan ho ta a. Chu mi ni atang chuan Johna nen chuan hna thilah anih loh pawn thil ei tur ten kan chhuak ta zeuh zeuh a..  a nelawm in a fel em em a, a bula awm anuam tak zet.. ka ngaina in ani pawn min ngaina ve takzet in ka hre thin,

“John, tunge James.??”

“I hre daih tawh maw ka tia..”

“Teuh lo mai.. ka hre ngai lo.. sawi tur che lawm..”

“Chhungkaw chanchin sawi vak vak te chu..”

“In chhungkaw zing a mi maw.”

“Ka unaupa lawm… mi pawn min hai fova”

“In van in ang awm em em?”

“Ang lutuk.. keipawn amah emaw ka in ti thin..”

“ Ka van hmu ve chak..”

“Ka hmeltha zawk tho tho..”

“Fiamthu thawh reng suh.. tu zawk nge upa??”

“Phir ah upa a awm theih mi??”

“Awwww.. a chhuak hmasa zawk kh mawle..??”

“Amahhh”

“John maw??”

“Keimah hi John chu ka nia”

“Haha.. James ka tih na”

“Kum 26 I ni ve tawh sia, I rilru a chak lo ee”

“Nangpawh kha kum 27 ni ve tawh a belh chianin I naupangchhi alawm..”

“Keimah chiah min hmelhriat atang pawn min hre hrang lo nghal ringawt a..”

 

Thla hnih a vei meuh chuan kan inkawm ngeih chho hle a, engmah zep tawn kan nei tawh lo a.. a chanchin zawng zawng min hrilhin keipawn ka hrilh chho ve a, a kiangah chuan ka khua a har lo hle a ni. Mahse, a awmdan a ka ngaih theih loh pakhat erawh chu hnam dang hmeichhe kawp a hrat thin hi a ni. Ni e, a lerh tih hi amah pawn a inzep lo.. ka hau ve fova, a hunlai chuan a ngaithla tha ve fu thin mai mahse a zawm ngai lem lo a ni. Keimah lamah chuan ngaihzawng ka nei hman meuh lo a ngaihsak pawh ka ngaihsak lo mahse John,  mipa thian ka neih ve tak hnu hi chuan a lakah pangchan ka hratin ngaihzawng neih leh mai chakna min ti nei rum rum thin. Ani nen hian inngaizawng kan ang thei em em a, mahse ka mipa duh chi a ni lo.. a ngainatawm mah mah a tin a awmdan hi hmeichhe zawng zawng ngainat chi a ni a, chu chu ka lo thik ve te pawh a nia nge..

“Ka haw lawk mai thei” motor khalh pah chuan min rawn melh zeuh a

“Ngatinge”

“ James a lo haw dawn a..”

“A lo haw vang maiin..”

“A haw vak ngai lo a”

“Enge a tih..??”

“James chu a dang lam lutuk a, ka pa phal lo chung Social Working lam a zir tlat a.. MSW a zawh hnu khan a thian thenkhat te nen Organisation din an tum a.. dik tak chuan hlawkna a awm lo, a zir nan pawisa tam tak ka pa te an inseng a.. Organisation lian sa ah pawh duh chuan hna a hmu reng, mahse hmun kilkhawr zawk a mi te tan a thawh a tum tlat a.. bul tanna tur ka pa hnenah sum a dil a mahse ka pa in rem a ti loa, hna a thawk char char a a inkhawl ve nan”

“Ka ngaisang..” ka lo ti sep a

“Nia.. a ngaihsanawm.. mahse khawvel hi a fair lo.. mahni hmasial thiam loh khawp a fel hi tha ka ti lo”

“A tumruh hmel ka ti..”

“Tumruh lutuk..”

“Nangmah angin a lerh ve em?”

“Ngaihzawng a nei ngai lo”

“A awm angin awm ve ta che..”

“In ngaizawng ila ka lerh tawh lo ang”

“Awiii.. I hlauhawm”

“hahaha…”

 

A zei in a hmeltha em em a, a fing a, a lawmawm bawk.. min ti nui nasa thei hle a mahse a chang chuan awmdan hi ka mi huat berte awm angin a awm thin. “Inngaizawng ang” tih ringawt te hi a hrat em em a, a frank vang nge a sawi tur hre lo sawi mai mai, ka la thutak ang tih te hi a nia ka hlauh thin.

 

Zankhat chu ka hnathawk zing a pakhat zawk Vikasha pianchampha lawmna a min kal pui turin ka sawm a.. a “aw” ve thlap a. Mahse, min lam awm hunah chuan a rawn thlng thei lo, ka thin chu a rim tung mai.. vawiin ni ngat phei chu Vikasha chawlh ka pek avangin hnathawk pakht nen chiah nitin a hna ngai ang kan thawk zo vek a, ka chau takzet a sin mawle. Ka nghak thei tawh lo, ka tho lawk a keimah chuan ka in khalh chhuak ta a, Vikasha te chenna ka thleng tep tih ah John chuan arawn call, ka chhang peih lo..!! Chu birthday party pawh chu nuam ka ti lo, ka laklawh tawp ni mai.. Vikasha te bula hun hman dawnin a hming a a boss ka ni a, a nu te bula awm dawnin ka la naupang ve tho bawk si.. awm pawh awm rei peih lo chuan haw ka tum ta a.

 

Ka car lam ka pan chu ka ban a lo chelh ding lawp tu a awm a

“John..!!”

“Ngatinge ka call I chhan loh??”

“Khawi teh.. ka kal dawn, zu rim I nam”

“Hemi address zawng a ka buai zia I hria em??”

“Zawng turin tuman an ti lo che..”

“Rei lo te pawh min nghak thei lo a, enge I tan ka nih..”

“Khawi teh, ka ban phelh rawh.. zu rui tawng khum mai mai ngaihthlakna hun ka nei lo”

“A tul lo..” a aw chu a vin ngei mai, midang ho chuan min en hrek hrek , ka zak lutuk chu ka mittui a tla mai dawnin ka hria

“John.. khawngaihtakin.. hnam dang ho in min en vek saw.. kan ram anih loh hii.. John”

“Carah lut rawh..” Ka car a luh tum chuan ka pen a

“Ka carah zawk” vin takin a car lam a kawk a, ka hlau takzet, amah a ang lo lutuk.. ka lut phei ta a. Carah chuan rawn thu ve in a en ngai a en tlawk tlawk a.. ka lam a rawn hawi leh, a hmel ah khan lungngaihna tam tak in phum ru awm ang maiin ka hmu a ni.. mahse luhlul ka chhuah lui hram..

“Ka haw duh ania John..”

“Vawiin ah enge ka tih I hria em??”

“Ka hriat a tulna I hria em”

“Doctor..” ka phone a rawn ri,  a thusawi pawh ngaihsak lo chuan ka pick up a, a ngawi hmak!! Phone ka biak zawk chuan

“Enge I sawi lai kha..??”

“Huh..” za lo tak chuan a rawn nui a..

“Car I khalh thei a ngem??”

“Thei ang..”

“Ngai lo.. tikhan lo awm lawk rawh..”

Car atang chuan chhuakin ka car chahbi chu Vikasha chu pe in, naktuk lama office lam a lo khalh thleng mai tur chuan ka ti a, John car chu ka khalh haw ta a.. Ka haw kawng chhung zawngin a harh tih ka hre reng mahse engtin mah a tawng duh lo..

“John…”

A reh vang vang hnu chuan…

“Dorothy”

“Awih..”

“Ka tihpalh..”

“Engvang ber??”

“Ka tih thlaphan che avangin..”

“I tlai vang pawn”

“Kha chu ka thiam loh a ni lo..”

Huizz!! Chhang tawh lo zawk ang.. luhlul em mai. A in kan thlen chuan Car chu ka ti ding a,

“Taxi ka la tawh mai ang..” ti a chhuah ka tum dawn lai tak chuan ka ban ah chelhin amah hnaih setah chuan min pawt a..

“Insiam that ka duh Doro”

“I thu alawm..” ka aw chu a khur dawn mai.. amah ka hnaih em avang chuan ka lungphu chu arang hle bawk a

“Nangmah vang a in siam that ka duh..”

“A ni lo.. chhuan lam atan min hmang mai mai a ni..”

“Anih hun min pe rawh aw..”

“Enga tan..??”

“I rintlak ka ni ang..”

“Umm..”

“Eng ang a awm turin nge min duh??”

“Ka sawi thin te kha I hre lo a mi??”

“Ka hria e… mipa cool I duh ti raw..”

“Aiih..”

“Dawt I sawi..”

“Keimah vang a midang in an mizia an thlak ka duh lo..”

“Chuan..”

“Inngaihsakna hi a tawk viau..”

“Ka thei em em ang..”

“Zanin ah rigawt pawh..”

“A tawk zanin sawi tawh suh.. “ tiin Car atangin a chhuak a , driver seat lam ah chuan rawn thu in min thut phei tir a kan in khalh haw dun ta a..

 

Car khat vel aliam meuh chuan ka thianpa chu a polite ta tiah tiah hle mai, a thil tih tur ang chu text in min rawn hrilh ta ziah a, tukthuan, chawchhun leh zanriah ei awm hunah ei turin min rawn fuih ziah bawk, min ti hlim ngei mai.  Keipawh chuan ngaihzawng, min ngaihsak tu nei ang mai ah in ngaiin ka nun pawh a hlim chho viau in ka hria.An Company guest house hawn ni chuan zanriah ei ve turin min rawn sawm a, amah ringawtin a sawi chuan ka lo hnial nasa ngei mai mahse an Director meuhin pangngai tak a min sawm hnu chuan ka lo pawm ve a.

 

A hna lam thil a ni bawk a tun tum chu a hun takah a rawn thleng ve teh khiah a, a hmun kan thlen chuan mi sawm ho chu an lo awm nual tawh a, mi kan tam vak loa a nuam phian zawk mai. John pawn hmelhriat a ngah ngei mai, a rawn be tu te apiang hnenah chu building chhung chu ka design anih thu leh a date ka nih mek thu chu a sawi ziah lehnghal, ka lo nui tawp mai zel a. Kan haw hma chuan pawn lamah kana awm khaw thawng rih a,

“Doro naktuk ah ka haw lawk dawn.. chuvang…”

“Maw.. naktukah maw??”

“Umm..”

“Tinge I sawi lawk loh??”

“Ka sawi hi”.. ka ngawi hmak, ka thinrim ru lutuk.. dik tak chuan ka huphurh a ni, ka kut la in a hum reng a kei chuan ka en ngai ka en tlawk tlawk a..

“I thinrim mi” ka hmai zawnah chuan min rawn en pah kher, a hmai k lo nawr sawn vat a

“Khawiteh..”

“Thinrm suh.. Jamesa alo haw dawn vang alawm”

“Ka hria lawm..”

“Chhanna chu..”

“I lo chhuk leh hunah”

“Engvang kherin??”

“Ka hre chak alawm..”

“Aw.. pawh ni ila awmzia awm mi, ka bulah I awm thei dawn si lo va..”

“Nih ka chho lo ang”

“Ngai lo, I U I hmuh chak kha”

“Min pek loh phah nan nih dawn ai chuan ka chho lo ang”

“Naupangchhia ang mai..”

“Enge??”

“Engmah..”

“Ka chho dawn lo..”

“I chho awm em mai”

“Chiah aww..”

Ka ngawi hmak , a chho lo leh tak tak duh mai ang tih ka hriat avangin.. a U a hmuh chak em em a hmuhna daltu nih ka duh si lo..

“Chho rawh chuan avaiin a tha vek nimai..”

“Chuan kan inngaizawng tih na”

“Aww.. kan inngaizawng, ti kha chuan I nunhlui a I tih thin sual kha sim hmak rawh”

“Ka fel tawh em mai aa..”

“I huphurh em?”

“Eng??”

“Ka strict sia”

“I thu ka awih char char chak tawh fe..” ti pah chua rawn kun hniamin ka biangah a lo fawp zeuh, ka lo nui suk a. A lam hawi zawng in min kuah a, a awmah ka bei  hle hle a..

“Ka ngai dawn che” a rawn ti thawp sap a

“Keimah fe”

“Rei deuh inngaizawng tawh kan ang”

“Nia.. minute sawm pawh a la tling tawp si loa..”

“Mahse tiang hi nuam ka ti..”

 

 

Ngaihzawng ka nei leh ta chu a ni mai, mahse kan inngaihzawn tukah min haw san daih, a van khawharthlak theih ve, a chang in kan awmdan ka ngaihtuah let a ka hlim em em a, a chang leh ka ngai lutuk chu ka thinrim thung mai, heti khawp hian a ni maw zun a lo neih tih ten ka ngaihtuah hial thin. Phone in zantin kan inbia a a chhungte’n min hmuh chak thu an sawi min hrilh chhawn chuan ka lo hlim ve em em ringawt thin a, a unaupa chanchin erawh a sawi vak ngai lo.

 

 

Kar 1 chuang a cham hnu chuan Johna chu a lo chhuk ve leh a, ahma ang kha kan ni tawh lo khawp mai tunah chuan kum 1 inngaizawng tling tawh te ai pawn kan in ngaizawng zawk tih mai tur ang a ni. Chhun lamah chuan kan buai dun thin em avangin tlaiah min rawn lam a kan haw rual ziah thin ani. Kartawp chawlh ah hian hmun khawi emaw laiah min hruai thin a, a bulah hian ka hlimin ka hna lamah pawh ka tluang chho ve zel a ni.

 

August thla a rawn in her chhuak ve leh ta a, John nen pawn thla thum chuang kan in zui ve ta reng mai, inhauh chang awm thin mah se inthlah lam chu kan sawi ngai miah lo thung. A sawi ang ngei chuan a fel chho hle a, a hna pawh a thawk tha in promotion ahmuh mai theih thu a sawi bawk a , ka phur pui khawp mai.

“Chawlh chu I la dawn em??” park a thuthleng a inkuah rial a kan thut lai chuan a rawn ti a

“Umm mahse kar hnih chhung aniang” ka lo ti vat a

“Keipawh chutiang hun lek te chu ka haw thei  alawm..”

“Engvang??”

“Kan in an chei tha a, nangma design kha ka duh a maw le..”

“A ho ee.. chung te chu”

“Ho lo.. kan chhungkua kan kim theih hun anih hi”

“I chhungkua hi I hmangaih ngawt mai..”

“Nia, keiin ka chhungkua.. ka U in pawn lam a tanpui ngai te a hmangaih thung a..”

“I U hi I ngai thei ngawt ang..”

“Nia..engtik lai pawh a ka bul a awm thin a ni sia.. engtin nge min ngaih loh hmel theih bik em em le..”

“Keiman I U in a ngaih ai zawng zawng che ka ngaih thin vang che niang..”

“Hehe.. I van tha tak” ti pah chuan ka biangah min rawn fawp zeuh a

 

Tum kum atan a avawikhat nan kan inah ngei ka awm ve leh ta a, mahse ka U a kim loa ka nau pawh a rawn haw ve bawk a kan hlim tlang hle mai. Chhungkaw chaw ei khawm te neiin kan in hmu khawm sap sap lawk a, ka lawm khawp mai. Vawi khat Johna lo leng chu ka nau school bang  rawn lut chiah chuan a rawn hmu a, kan inkar a hriat lem loh avangin mak a ti ngang mai..

“Eheeee Sir”

“Enge Nunpui” nui deuh huk pah chuan a ti a

“A u nen in in hria maw..”

“Umm hria nih hi”

“A hma khan I hming ka zawt a Jamesa leh Johna atia” nuih za tak chuan ka han ti a..

“A ni lo mi..?” ka nau chuan a lo ti vat a

“Aw.. phirpui a nei lawm..” tiin ka chhang a

“Ehee.. nuam awmm”

“Va inthlak rawh bawihi”

Ka nau inthlak tur a aluh hnu chuan a chanchin chu kan sawi zui a , kan nuih phah nasa ngei mai..

“E.. naktukah lo kal la an tia ka pa ten.. in vel chu lo en pui la an ti deuh a..”

“Nia, ka lo tum ang..”

 

 

Thawh ka hai avangin hmanhmawh tak chuan ka insiam sawk sawk a, Johna te in lam pan chuan ka chhuak ta a, ka thlen phei chuan In sak mek ah chuan pawn lam hawi a Johna ni ngei a ka hriat chu a lo thu a.. dim te a va pen den denin a mit ah ka va hup thut a a biang ka fawp zeuh bawk a, rawn dingin ka lam a lo hawi chuan a dar ah ka kut insuih a kuah pahin a hmui ah ka fawp leh chiah.. min nam sawn dawrh!! Enge awmzia??

“Ngatinge??” hrilhhai tak chuan ka ti a, ka sa pup pup lehnghal

“Johna ka ni lo..”

Lalpa lehh!! A va zahthlak em.. ka hrilh hai lutuk chu ka tawng tur pawh ka dang awk vek

“Kaa… tihpalh.. eng lo.. khonge..”

“Doro..” hnung lam ka hawi nghal, Johna chuan min lo hui a.. an inang lutuk, an awmdun pawn an inang..!! Huizz a van zahthlak tak em!! John awmna lam ka pan nghal

“Tinge I U saw a awm tih min hrilh loh??”

“I rawn thlen velah min lo call tur che nia.. hei ka hmai hi enchiang rawh.. ka khabe ah hian khuavang a awm hi, he tiang hi Jamesa’n a nei ve lo”

“Ka zak lutuk..”

“Engtin nge I tih aa??”

“I style khan..”

“Engaa.. haha.. I chuks hman em??’

“Umm..”

“Eeeee I hmui kha ka fawp tawh dawn rih lo nia aww..”

“I sual, I thiam loh a nih kha..”

“Ka nu leh pa bulah pangngai deuhin awm ang aw.. nu-I”

“John ka zam…”

 

“A ho lutuk, ka awm alawm..”

 

 

John chuan an in chhungah min luh pui a, in sa lai an nih vangin an inhnuai ah rem vak loin an awm ve naw naw tih ka hmu thiam nghal mai a, a nu le pa ni awm tak te chu an lo thu bawk a..

 

 

“Ka pa hei ka thiannu Dorothy Lalnunsangi  chu a nih hi” John chuan a han ti a

“A ni maw.. khawi maw lo in chibai ila..” a thutna atang chuan rawn dingin ka lo chibai vat a.. Johna nu pawh chu rawn dingin kan in chibai nghal a, an nelawmin an fel hmel hle in ka hria.

“Ti khan lo thu ru, choka lam ka va en ange “ tiin Johna nu chuan min kalsan ta a.. kan han titi chho ta a

“Dorothy Lalnunsangi maw I nih a.. Sangte tiin ka ko mai ang che aw.. hei Bawiha te unau pawh hi an Mizo hming ngat lo hi chuan ka ko ngai loa” tiin John pa chuan a rawn ti a

“Umm.. a pawi miah lo, midang pawn min ko thin tho alawm”

“Anih chuan engtik hun chhung nge cham I tum??”

“Tunkar leh karleh chiah cham tur ang chuan ka inruahman a”

“Chhuk rual leh in tum tihna nimaw..” a sawi lai chuan John chu ka melh zeuh a, a lo nui suk ringawt a

“Nia.. a rem chuan kan tum dan ania..”

“Anih chuan inchung lam min en pui chu I hmanhmawh deuh dawn a mi niang.. a hmanrua tur vel kha I duh ang a tih kan duh a”

“Ka pa hian kan Company guest house I chei dan thlalak kha a hmu a, nalh a ti lutuk a..” John chuan a lo ti a

“Nia.. han en chhin I la.. ka design sa ang hi han en chhin u la, I duh dan a tih belh in duh pawn ka siam tha thei tho.. John, I lalptop ka lo ring tawp mai.. pendrive ah ka lo keng a” ka lo ti vat a

“Aw le.. lo han chho la In vel khi han en rawh.. Laptop ka rawn keng chho ang”

 

 

In chungah chuan ka chho a, ka rilru tak chuan Johna phir pui Jamesa kha ala awm ka hlau hle a, mahse a awm lo a nih hmel ka hmu mai lo.. ka lawm rilru hle mai. Inchhung chu ka han en kual a, a sak dan pawh a dangdaiin a nalh reuh phian.. inchhung chei dan tur vel muk tak a ngaihtuah a thlir pah chuan ka ke chu a hnung zawngin ka pen zel a.. bang nghen tum a ka hnung tawlh zel chu ka nghen dawn chiah emaw tiin ka hnung chu ka nghat deuh chawrh a.. ka au tuar!!! Ka nghen chu bang ni lo in kawngkhar zawk a lo ni a, alo in kalh lo chu niin.. chuat charah chuan mawng sawh dawtin ka thu hnawk a.. ka piah lawk ah thawm ka hre nghal a, ka lam panin min rawn kaitho vat a, a kawr hak rawng atangin John a ni lo tih ka hre nghal vat a.

“Kawngka ka lo kalh theihngilh a, a pawi khawp mai..” a aw chu Johna aw chiah chiah, mahse a aw phawi erawh mipa aw atan duhthusam a pa a ni

“A pawi lo, ka lo en fimkhur loa..”

“I che chhe deuh reng tih na mi??” a thu sawi chuan min ti phu zawk thei, zah tawh mah nak a laiin ka tiril a ti khur vekin ka hria, Johna  pawh chu a van rei em!!! Rawn kal se, a uanaupa hlatah min awmpui se ka duh takzet.

“Aih.. ka che buai deuh mai mai..”

“James ka nia” a kut a rawn dah chhuak a

“Dorothy” aw lai rut chuan ka chibai a. Engvang teh hrep a he tia awm nge ka nih le.. a unaupa bul a ka inrintawk tehreng nen, kan inhmuh hmasak ber dan a fuh lo em a ni.

 

 

Johna a rawn chhoh chuan inchhung chu kan en dun a, a bul a ka awm chuan ka zangkhai sawt hle a, hna thawk dun sa ang mai kan ni, Laptop a design nalh ber a tih chu kan thlur bing deuh bik a.. inchhung a dah dan tur vel kal kual a kawk pah a ka sawi lai chuan Jamesa chu tray a thingpui no hnih chawi pah chuan a lo lut a..   Johna bul setah chuan dawhkan bawhin ka thil sawi vel lai chu min rawn en a, ka zam deuh thut.. ka bah nuai mai.

 

 

“Bawih, thingpui lo in phawt rawh I chau tawh ang..”.. Nia chawlh ka mamawh takzet, mahse saw pa hri hre saw awm lo se ka ti, engtin mawni tak min tibuai. An pahnih chuan ka en chiang a, an in an dan chu a mak zawk.. an nu leh pa te tan pawn hriat hrang har khawp an ni ang. Johna min hrilh khuavang kha ka hrechhuak zawk, “James hian a nei ve lo tak tak a mi le” ti rilru in ka thingpui in pah chuan min hmuh hlau takin ka melh zeuh zeuh..

“Doro.. khuavang ka neih ve leh ve loh I zawng a mi?” ka phu zawk!!!

Hrep tak chuan.. ngatinge min tih zah a tum ve hrim hrim thin a mi le!! Johna awm lai leh nghal in.. Johna lah chuan a U tawngkam chu a lo lawm fahran.. a nui vak vak lehnghal

“Ka hrilh a keiman, a buai phah ka hlau a, Bawih en rawh hei kan khabe hi” tiin a U bulah set a hmai chu a la dah zui a, ka thinrim leh zak lutuk chuan thingpui a theh pawp chu ka chak hle mai. Johna reng reng pawh hi kei  aiin a U bulah a pangchang zawkin ka hria.

 

 

Hna kan chhunzawm leh hnu chuan Jamesa pawh chu a chhuk a, kan pahnih chiah chuan kana wm leh a.. mood a fuh thei thlawt lo, mi fawh zeuh hi a hrat em em a nuih pawh ka nui tha peih tawh lo..

“Tinge I chau tawh a mi??” John chuan a rawn ti a

“Aih.. chau lo..”

“Inchung verandah ah han hawi khaw thawng mai mai ila”

“Umm”  kan in zui chho ta a

 

 

A nuam reuh phian mai, ral hla tak a tlang hring dup lo lang chu favang boruak in tan nen chuan a inhmeh ngawih ngawih. Thutthlengah chuan kan thu a, a dar ah ka lu nghatin chung tlang hring dup chu kan thlir a..

“Duat..”John chuan a rawn ti a

“Doro ti rawh, duat tih aiin ka duh..”

“Khirh viau lo mai teh” ka khabe chu a rawn piai zeuh a

“John… ihmaw.. I U hi ka ngaina lo..”

“Maww..” ka hmel ka han en a, a thil hriat duh loh tak sawi ang mai hmel chuan min en a. ka in thiam chiah lo..

“Ka tih awmzia chu, nangmah nen in in ang lutuk a.. ka inringtawk lo thin a” ka ti ta rigawt

“Vawi khat I hmuhna chiah a nih hi.. engtin nge ti khan I sawi theih zawk a??”

“Ka tihpalh, I ngaih ang kha a ni lo.. ka ngaina vat dawn.. ka hria a lawm” ti pah chuan ka va fawp zeuh a, a en ngai a la en char char..

“John….Heiii… Duat”

“Um..” min rawn melh a, a lungawi lo hmel hmuh chu a hreawm ngei mai. Ka hmui in a hmui chu ka han dek a, ka thiam ang angin ka fawp a.. min hnial miah lo mahse min chhang let lo thung.

 

 

Ngawi reng a kan awmdun hnu chuan ka ning ta deuh a..

“John chhuk ang..” tih leh thawh  ka rual a.. a ni pawh a rawn  tho ve  nghal a, nghet takin min kuah a.. ka chalah a fawp zeuh a..

“Ka tihpalh aw.. thil ka ngaihtuah nasa lutuk a”.. ka hmui ka lo ti pawrh a, a rawn fawp hman zeuh, a nui hak a mahse enge maw mawhltu awm ang tlatin ka hria a ni nge ka ngaih bel zawk??

 

 

Ka pa chu a lungawi chiah lo hle mai, chawlh hmang a ka haw ve hunah pawh hna ka la in siam tal chu min pawmpui lo hle a, mahse engkim Johna nen a kan chanchin a hria a, min en liam lui tih ka hre reng.. midang chu ni se eng hna ah mah ka in hnam hnawih thei lo ang. Ka nau chu ni nga a cham hnu ah Shillong lamah a chhuk ve leh ta a, kei chuan kar  khat  dang ka la nei a, ka han sawi khum vel a a thinrim hmel chuan ka nuih a ti za tlat zel.

 

 

John a te in lama hna chu kan tan chho ta a, ka awm chhung a a pawimawh zual tih zawh pui ngei ngei ka duh avangin ka hmanhmawh hle a, pencil leh computer hmang mai a thawk lo chuan keimah ngeiin en pui tur chuan ka rilru ka siam a. Hna thawk tur a ka  kal dawn apiangin  Johna chu a thawmhnaw hak rawng tur ka zawt sa thlap a, ka chet buai leh hi ka hlau takzet.  Vanneih thlak takin ka hmu leh ta vak ngai loa.. mahse  hmuh in beisei deuh hian ka zawng rilru leh tlat thin, keimah pawh hi ka in hrethiam lo leh thin.

 

 

Kar hnih ka cham tlinna chu a ni leh dawn reng mai, ka hna a nih na angin kan inchhung ai mahin Johna te in lam ka ngaihsak chang a tam a.. ka chhungte lakah pawh ka inthlahrung hle a, mahse hun ka nei tlemin a theih ang ang ka tih pui a ngai si a ni. Kan chhuk dawn hma ni chuan Johna te chhungkua chuan Chhungkaw picnic an neih turah chuan min sawm ve a, ka chhuah ve hun rem chang tiin ka lo “aw” ve a. Johna nu leh pa, a U leh an naupang berte chu Jamesa Car khalh ah an chuang a, kei leh John erawh chu Car dangin kan kal thung a.

 

 

Sairang pelh tep a an chhungkaw resort lam panin kan tlan zel a, John pawh a hlim hle mai.. keipawh ka hlim lutuk . A hmun kan thlen chuan an resort enkawl tu chuan min lo hmuak a, kan chawhmeh ken sa tih angreng vel chu kan pe a, Johna nau Mami tih a an koh mai thin chuan min fan kual pui a. An serthlum huan velah chuan kan kal a, serthlum rah hmuh tur a la awm vak lo na in a hmun vel en in an uluk hle tih a hriat a ni. An sangha dil te min en pui a.. kan fang zo chu pool an siam lamah chuan kan phei a, Johna leh James a chu hla tak atang chuan an tui cheng chu  kan va hmu thei a…

“Tu zawk nge I U Johna I hre thei em?? Nui pah chuan ka han ti a

“Haha.. teuh lo mai, apa takngial pawn a koh pawlh thin”

“I U Johna pawn Jamesa nen an in an dan a sawi chuan amah emaw ka in ti thin a tia lawm” nui vak vak pah chuan ka ti a.. John ni ngei a ka rin chuan min lo hui a, kan kal chak sauh a.. an bul kan va thleng chuan chauh hmel takin an lo chawl dun a..

“Nuam I ti em??” John chuan a rawn ti a

“Umm ti lutuk.. khawnge I nu te??”

“A pangpar chin vel a en aniang, ka pa chu Pu Chhuana nen an titi  ang”

“Pangpar maw..” ka lo ti vat a

“Pangpar I hmu chak ami U Dorothy” Mami chuan a rawn ti a

“Umm.. chak ve tho”

“Lo kal rawh ka hruai ang che..”

“Aw le, kal ila” ka thawh dawn lai tak chuan, Johna chuan

“Lawkk.. chuks vawi khat..”

“A chi loh” tiin ka lo chhang..”

“Mawwhh..”

“U Dorothy chuk mai rawh, I tih hma chu a sawi mai ang..” Mami chuan a rawn ti ve bawk a

Ka zuk kun hniam a, ani pawh  pool a a kawng chin vel in chiah chuan a rawn kang a, a hmui ah chuan ka zuk fawp zeuh a, ka ding leh lai chu a piah a James a awm chu ka ve melh zeuh min lo en tih ka hriat chuan ka hawi sawn vat a, ka awm a ti nuam lo leh hman  tep.. Mami nen chuan a nu Pangpar huan lam chu kan pan ta a.

 

 

 Chu mi ni chuan Johna bul ai mahin Johna nu leh a nau bulah ka awm tam zawk a,tlai chaw ei hun dawn hnaih lam chuan In chhungah lutin kan in ti fai hlawm a.. keipawh inbual tur a ka lut tur chu Johna thutthleng a thu chauh hmel tak chu ka va hmu a.. a thlan chuan a bual deuh leh nghalin ka hria..

“John…John” min chhang miah lo..

“John I tha em??” tiin ka va pan, a lo thlan vek.. a dang bel bawk a, kai thawh tumin ka han sawi..

“A chau anih kha, kalsan rawh.. nichin ah kan in tlan siak a.. a thlan anih kha” hnung lam a Jamesa tawng ri ka hriat chuan ka va hawi vat a..

“Hah pangngai a nih loh hi..”

“Ka nau ania.. ka hre chiang.. a hah apiangin ti khan a awm thin a lawm”

Ka rilru chu a nuam chiah lo.. mahse a U berin khatia a rawn tih takah kha chuan inbual tur chuan ka lut ta a..

 

 

Ka inbual lai chuan pawn lama motor start ri ang deuh ka hria a, mahse Inchhung lam atang anih avangin thil dang turah ka ngai mai a. Ka inbual zo bualin atang a ka chhuak chu tumah ka hmu miah lo, “khawnge maw an awm le..” ti pah chuan pindan hrang hrang chu ka en kual a, pawn bathlar ah chuan John nge James ka hre mai lo .. a ding chu ka va hmu a, en chian tumin ka va pan a.. a khabe ka en vat, khuavang chhinchhiah ka hmuh takah chuan

“John.. khawnge midang??”

“School hostel lamah naupang pakhat a accident a ka nu te chu an haw hmasa mai, keini pawh kan kal ve nghal mai dawn nge chaw kan ei phawt dawn??”

“Maw.. a van zia lo, kal zawk ang.. ka va in siam a nge..”

Enge maw takin min mawlh, Johna tawng dan kha amah a ang lo tlat a hriatna ka nei, mahse an School ah buaina a awm a a rilru buai deuh vang te pawh a ni mahna..

 

 

John nen chuan kan in khalh chhuak ve leh ta, a tawng miah lo.. nuam lo  ka ti ang reng, keimah zawk chuan tawng chu ka tan ta zawk a

“John”

“Awih”

“Tinge nichin khan I thlan vek a.. I dang vek bawk si..”

“Ka hah vang aniang”

“I hahin tiang khan I awm  ziah maw..”

“Aw.. a chang chang in..”

“A van hlauhawm.. inentir la..”

Ka lam hawi chuan za vak loin a lo nui a,

“Hei John.. I khabe kha a dumin a pherh a nia aw..” tiin a khabe a thil dum pherh awm chu ti fai sak tumin ka han ban, ka kut a lo paih thla lawp..”

“Ngatinge??” ka ti vak..

“I kut a bal ang” tih pahin a hma a mask dum, a hnar atang a a khabe khuh  chin vel  awm chu a vuah hmak a, mak ka ti lutuk chu Jamesa emaw ka ti hial, mahse engtin nge Johna’n min haw sanin James nen min hnut chhiah theih ang?? A theih loh.. ka ngawih reng hnu chuan nuam lo a ti deuh a niang..

“Kawng a khu em a lawm.. nangpawn I scarf tal khn I hmui leh I hnar kha khuh rawh.. kan hritlang palh ang” a rawn ti a

“John I rilru ti hah suh, in School naupang chu a tha vat dawn ang, kan tawngtai a nga..”

A rawn hawi a.. a nui tih hriat takin a hmai chu a rawn che a, a van hmeltha tak, a hmai chanve hnuai lam in khuh pawn a that zia a hriat alawm mawle..

“John I hmel ti tha tu ber ka hria??”

“Enge??’

“I mit meng”

“Chuti maw..”

“Umm.. anih leh keimah hi enge ka hmel ti tha  tu ber??”

“Ihhh… I hmui..” min melh zeuh pah chuan a rawn ti a

“Maw.. hmanah kha chuan ka hnar I ti sia..”

“A vaiin..”

“I phakar ee..”

“Min zawh leh hunah I mit ka ti leh dawn alawm..”

Thu ho te te sawiin kan in khalh thleng ve hram a.. kan in kan thlen chuan ka bag min lak chhuah sak a, a hmai khuhna mask pawh chu lak a tum miah lo, ka rilru te te in “Min fawh pawh a tum miah lo mile..??” tiin ka ngaihtuah a..

“John I lo lut dawn lo mi..??”

“Umm.. lut lo mai ang, damdawiin ah ka kal ve nghal loh chuan..”

“Ok.. chanchin min lo hrilh leh rawh aw..”

“Nia ka phone battery a low a.. Johna phone emaw in ka lo hrilh ang che..”

“John aa??”

“Oh.. Jamesa ka tih na.. ka rilru a buai deuh a.. lut tawh rawh”

Ka ringhlel telh telh.. mahse ka rihlelhna chu ka ring ngam chiah si lo, Johna  lo ni lo ta se buaina a tawk a mi le…Tunge I nih James nge John tih a zawh mai ka duh ka ngam si lo.. A carah a lut a a start a, ka va let leh

“John!!”

A car tukverh bulah chuan ka va dak a, a hmai khuhna a lo phelh tawh a mahse ka kutin a khabe a hliah tlat..

“John kan board hun kha tlai dar 3 a nih kha aw.. zanah in siam fel vek rawh aw..”

“Aw ka hria e, ka tlai lo ang” … ka zuk kun hniam a, a hmui ah fawh pahin a kut a khabe hliah tu chu ka dah thlak sak a.. ka awm sawn a mah en chian ka tum lai tak  chuan ka biangah a rawn fawp vawng vawng a..

“Kal rawh le”, tiin kan in lam min hawi tir a ka hnung ah chuan a kutin a ban phak thleng min nawr kal a, rang mang khengin side glass chu a ti chho nghal a..

 

 

Ka rilru hi a hah dam thei thlawt lo, vawiin a kan awmdan mawlh kha ka ngaihtuah.. Ngatinge John kha khatia a awm le.. nge ani kha Johna ni lo a unaupa zawk. Nilo, James a chuan min ngaina lo keipawn ka ngaina lo, khatiang khan kana wm dun thei lo hrim hrim. Delhi ah kan chhuk ang a engkim a tha vek mai ang..

 

 

Zan lamah Johna chuan min rawn be loa, a buai ka rin avangin ka va be duh bik lo. A tuk zing dar 9:30 pelh hnu deuhah chuan a call ka dawng a

“Duat” a aw chu a chauh hmel viauin ka hria..

“Aw.. I dam lo a mi??”

“Dam e.. ka chau deuh ringawt..”

“Vawiin ah chhuk ve lo mai rawh.. I fit loh hmel e”

“Ngai lo.. kan chhuk rual ang..”

“Nih I insiam tawh em??”

“Aw.. zo vek tawh.. kan lo lam phei dawn che nge”

“Aih ngai lo.. ka chhung ten min thlah ve duh tho a, airport ah kan inhmu dawn nia..”

“Aw le.. duat, ka hmangaih che..” a vawikhat rawn sawina  a ni.. mak ka tiin ka hlim angreng bawk si

“Phona call a sawi ka pawm lo “

“A takah ka sawi dawn reng, rehearsal anih kha..”

“Haha.. ka buai deuh ka dah dawn..”

“Duat min ti ve phawt la..”

“Umm duat ka dah dawn”

“Yesss ka duat han dah ta pauh che”

 

 

Ka rilru a hahdam sawt mai, ka Johna ngei kha a ni.. nimin lam a ka rilru hahna kha chu a bo leh diak tawh mai. Ka inpeih chhuah chuan a hma thei ang berah Lengpui Airport lam chu kan pan a, Johna ka hmu chak zek zek, mak ka in ti hial zawk. Kan thlen chuan anni pawh an lo thleng tawh a.. an chhungkua in an lo in thlah ve bawk a. Kan inhmu khawm chu kan nu leh pa te ve ve pawh an titi ho bawrh bawrh a, Johna chu ka en deuh chhen a..

“Ngatinge tikhan min en hrek hrek a..? a rawn ti a

“I dang ee.. I dik thlawt lo”

“Ka chauh vang anih hi.. ka tui chenna kha..”

“Tui I cheng tawh miah lo ang”

“NIa.. bakah ka hritlang deuh”

“Hritlang hlau tawk khan mask kha I han vuah ve a” ka sawi zawh rual chuan an unau phir dun chuan an in melh zeuh a.. mahse engah vak ka ngai lo. Jamesa lam chu ka en a, a awmdan ngai te in cool takin a lo ding a.. a vawikhatna a tan pangngai takin ka be hmasa a

“James..??”

“Awih..”

“Engtik nge I chhuk ve dawn..”

“Kar leh velah a niang.. “

“Tluang deuhin nangpawh I thleng thla dawn nia..”

Ka sawi zawh rual chuan ka beng bul setah John chuan min rawn hrilhru a

“Duat ka U hi I ngaina tawh a mi??”

“Naupangchhia thei ee” ka ti ka nui ringawt a..

 

 

Nun dan ngai bawk kan zawh chho leh ta a, Johna nen kan inkar pawh a tha pangngai reng a mahse a mah hi a taksa hi a chak lo telh telh ang a hriatna ka nei tlat a.. a dang bem reng a, a chauh hmel ngawih ngawih bawk thin a.. thil kan ei dun lahin a ei tlem thei em em a, ka bula a awm a fiamthu a thawh emaw a nui te hi a nui lui mai mai in ka hre thin a, ka rilru chu a buai ru riau a check up ka sawi pui lahin a hnial fi thla thak thung.

 

 

Vawi khat office a kal dawn loh thu min rawn hrilh avang chuan ka hna chu dahin ka haw hma a , a apartment lam panin ka inkhalh chhuak a.. ka thleng, ka car ka dah fel hnu inchhung a ka lut tur chu nurse hi a lo chhuak a mak ka ti lutuk chu hmanhmawh takin ka lut a, a mutna pin dan lam ka pan nghal.. a hma ang chiah khan a lo thlan leh vek a, ka khawngaih lutuk chu ka mittui a tla hial

“Duat..” tiin ka han ko a.. peih leh peih loin a rawn meng a..

“Engtin nge I awm??” ka ti leh a..

“Ka pum ana a.. nachhawkna in min jection a, ka zia mai ang..”

A bulah chuan mu ve in a pum chu ka thiam ang angin ka chul a, a zia chho ve aniang chu.. a thlan te pawh a chhuak tawh loa, a muhil siai siai bawk a.

 

 

“I lo harh tawh mi duat??”

“Umm.. min ngaihtuah suh aw..”

“Engmah min hrilh duh loa..”

“Ka duh alawm..”

“Buh hawp ka siam a.. ei rawh aw duat..”

“Um.. ka hmangaih che duat”

“Keipawn ka hmangaih che..” a hmui a fawh zeuh pah chuan ka tho a, a ei tur la turin choka lam ka pan phei a……. 

 

 

 

 

 

Kar khat vel a liam hnu chuan Johna pawh a pumna chu a reh chho aniang chu, buaina em em a nei tawh pawn ka hre lo.. mahse a awmdan chuan ka rilru a ti buai telh telh, ka call lak loh chang lah a ngah a, amah hmu tur a a in a ka kal lahin a awm khat em em a, a reh vang vang hnu ah min rawn be leh nawlh a, a hma a rinhlelhna rilru pawh pu ngai lo khan ka put tan phah reng a ni. Ka rinhlelh em avang chuan ka in luah a rawn in sawn lut turin ka ti ta ngawt a, a lo hnial nasa ngang mai.. a awm ve tho mai, lerh hle thin e ti lo hian ka thianghlimna min zah sakin amah pawh a inthunun nasa tih ka hre reng. Kan pahnih chiah a cheng dun tur ni ila chu tum lawk loh leh rilru pawn a duh ngai loh kan ti thei tlat a ni.

 

 

Kei chuan a hnial na chhan chu ka hrechiang fu chuan ka hria mahse a ngaihsakna ka thlakhlelh em avang chuan thil dang awm tlat ah ka ngai a ni. Ka hna a ka rilru pe tha thei lek loin John hian min ti buai a ni. Ka rilru hian John hi a tha chiah lo tih a hria a.. mahse enge chu chu ka hriat ve hlau ang mai hian min hlat ni te hian ka hria a.. nge a tan hian ninawm ka ni zawk. Huizz..!! kan chhuk anga a fel vek ang chu tih laiin hetiang ang buaina hi a awm ta si. He tiang em em hian ka rilru hi a lobuai thei a ni maw ka ti hial zawk.. tih theih a vang ngei mai, a damloh chung chang ah hrim hrim Johna nu chu biak ka tum ta a..

“Hello..”

“Hello.. nu Matlan, keimah Dorothy”

“A ni maw.. I lo call ve teh mial a..”

“Eng ni vak chuang lo e, in dam tha em..??”

“Aw dam tha e…. nangmah I tha em?”

“Aw.. ka tha lawm.. englo, Johna nen hian in inbe ngai em?”

“Be ve thin e.. mahse keimah ai mah hi chuan a U Jamesa nen hian an inbe tam a..”

“U Jamesa a la awm maw..??”

“Aaa.. in lo haw hnu lawk khan a chhuk a, mahse hmundang a thawh vel kha an sawi a a nau nen.. chuan thla hmasa thla tawp lam khan a lo haw leh tawh.. thla hnih vel chiah a awm anih chu..”

“A ni maw.. khawnge a thawh dawn a..”

“Kan la chiang mai bik lo..”

“Eng lo a nia.. Johna hi a damloh dan hi a serious riauin ka hria, checkup ka sawi pui lahin a hnial zel a..”

“Enga.. checkup a duh loa, helam ah kha chuan doctor kha a hmu ve reng asin, karleh lamah a U nen rawn kal kan tum hrim hrim a.. ani hi tet te atanga pum tha lo ania.. “

 

 

A nu chuan pum thalo pangngai ang chuan a sawi ngei a mahse kha khan ka rilru a ti dam lo.. hetiang pawh hi a ni thei tho, ka lak a a zep ang hian a anu lakah pawh a zep tho em ni??.. nge hmeichhe dang hmu turin a kal thin zawk..?? Ka ngaihtuah nasat pauh leh ka na  ani.. Amah biak chu a tul takzet, ka hriat ngei ngei a ngai tin ka call ta nghal a

 

“Hello”

“Inhmu ang..”

“Bawih, office ah ka va awm laklawh ve..”

“Chutiang ka ngaithla duh lo.. in office ah ka lo kal dawn  a mi??”

“Aih.. a ngai lo, khawnge I awm.. ka lo kal ang..”

“Ka Office bula café ah khan ka lo awm ang..”

“Aw le.. ka lo kal ang, mahse traffic a jam mai thei aw..”

“Aw.. ka hria, ka hria!!”

 

 

A tan a tha tur chiah ka ngaihtuahna lamah hian ani pawh hian min ti lungawi tel thiam em em a, ka mipa duh loh ber ang mizia a pu thin ngei a, mahse he a mizia hi ka nun a min ti hlim tur a ka mamawh ber a ni lawi si. Tun a awmdan a chang chang chauh a min lo biak thin hi hmana ka suangtuah ang mipa mizia, induh tawkna a khat tlat ang kha a ni thin.. mahse heng hian Johna hi ka Johna a nih na daltu lian ber an ni tawh a ni. Ni e, ani ka tawn avang hian ka danglam vek tawh a ni.

“Min lo nghak rei em..” a hmel ka en a, a meng chuai raih te chuan ka hria a..

“Aih rei lo.. thu rawh..”

“Nge sawi duh I nei aa?? Tunlai chu ka buai em a ni.. ka tihpalh aw.. I tan hun ka insiam hman meuh loa, Office ah ka riak lo chauh zel a lawm”

“Nia.. a finfiahna ka hmuh theihna tawp ber Office ah khan lo kalin i thusawi hi a dik tak tak leh tak tak loh rawn fin fiah pawh ka thei reng, mahse maw John ka hnenah hian dawt sawiin min bum tih hre chhuak ila engtinnge ka awm ang tih ka inhriat theih mai loh avang chauhin ka la finfiah lo anih hi..” tum lawk miah loh chuan ka mittui  arawn luang a, a hmel ka en.. beidawn hmel em em in min en a

“Duat..” a tawng tha thei lo, ni e sawi tur a nei lo.. ti khawp a ka hmangaih zia a hriat hian a inchhir ve angem, a ngaihsakna ka phu tawk pawh min pek lohna hi inthiam lohna chang a hre ve angem!!.. ka kut chu la in a hmer vak a, enge maw chuan a mawlh a ni..

“Duat, I ngaih ang kha engmah a ni lo.. I duh ber tih puitlin sak tur che in ka theihna in a tlin lo a lawm..” a rawn ti a

“Ka duhthusam leh duh ber pawh min hriat sak a mi..?”

“Um.. ka hriat lohin..”

“Ka duhthusam chu ka ta ni reng la ka ti chuan I ngaihsakna tluk a mamawh ka nei lo..”

“Ka hria e duat.. bialpa tha tak nih ka tum tawh ang..”

“Pasal tha tak nen..” ka lo ti vat a.. Ani chu nuihza vak loin a rawn nui lui a, ka hlim famkim chuang lo, ka lungawi loh hlek a fiamthu nen a ninawm khawp a min fiam thin ang te khan a awm tawh lo.. chu chuan ka rilru a ti nuam lo takzet a ni.

 

 

Johna nu te rawn thlen ni chuan Johna inah chaw ei tur a min sawm avangin ka phei a, John chu a U Jamesa bul a a awm chu a hlim riau a hriatna ka nei a.. amah pawh hmuh a nuam takzet. Kei leh Johna nu Nu Matlani nen chuan thutkhawmna pinadan lamah kan titi a, Johna leh James te erawh mut pindanah an awm thung a..

“A pum a na leh itia mi” Nu Matlani chuan a rawn ti a

“Aw.. hmanni ah Office ka kal peih lo a tia, Ka hna , ka ban hnu in ka tlawh a nurse chu a lo call ve ngei ni tur a ni a lo jection a..”

“Nia.. a pum hi a na thut thut thin a.. a rawn haw tum pawh khan a na a, damdawiin ah kan kal pui a, amah lah chuan khu tah doctorin min enkawl reng a, ka be mai ang ati tlat a..

“Khi tah khan a pum a na maw..”

“Aw na e.. I rilru hah hlau in a hrilh duh lo che niang..”

Ka rilru chu a nuam chiah lo, he tah doctorin a enkawl tih tak ngial pawh ka hre ve lo a nia.. enge  maw awmzia le..??

“Chuan Sangte.. Naktuk tuk leh khian Bawiha chu doctor hmuh pui kan tum a, I lo kal ve dawn a mi niang.. I buai viau angem??’

“Keimah maw.. aw.. aa.. aih buai lo kan kal dawn nia, keipawn ka hrechiang duh alawm”

Ka rilru tak chuan ka lawm phian mai.. ka hriat ve atan a a hlauh em em a damlohna ka hre ve tur hi!

 

 

Johna doctor hmuh pui tur a ka insiam mek  lai chuan ka phone a rawn ri a..

“Hello..”

“Sangte.. “ Johna nu niin, a inhnit faih faih ri ka hria a

“Aw Nu Matlan.. ehe I tap ami.. ngatinge aa??”

“Aih, aih aih.. tap loee, ka hritlang teh thut aa”

“Anih chu ava pawi ve..”

“Eng lo.. vawiin kha, Bawiha entir tur kha, lo kal leh lo mai ta che..”

“Maww.. ngatinge”

“Hei a U Jamesa hi Kolkata ah a hna tur kha an sawn a.. vawiin a kan flight mai angai dawn aa..”

“Vawiin ah tut tut maw..”

“Aw, ni e.. kan in checkup zawhah min thlah se kan kal nghal a ngai ang..”

“Aw le.. ka hria e, dar engzah flight nge niang..”

“Dar 2 a nih hmel..”

“Anih chuan tluang deuhin kal ru aw..”

 

 

Johna nu berin khatia a rawn tih takah chuan rinhlelh en in ka en tawh loa , eng chanchin pawh nei se min rawn hrilh ka ring tlat a ni. Chu mi vang chuan ka hna lamah kal chu tha in ka hria a.. ka va kal ta a. Office ka thlen chuan dar 10:45 a ri tep a, traffic jamah ka tan nasat em avangin ka duh anga hma ah pawh ka thleng lo a ni. Johna te chu doctor hmu turin an kal ta em aw tih chu ka ngaihtuah reng a.. hriat duh vang chuan ka va call a mahse a pick up mai lo, a buai anih dawn ni tiin ka phone chu ka dah leh mai a.. dar 12 a pel deuh chiah tih chuan Johna phone call ka dawng a..

“Hello..”

“Duat..” a aw chu chuai raih hian ka hria

“Umm.. doctor chu I hmu em??”

“Aw hmu e, I tha lutuk mi ti a..” a nui tawi tuk ri chuan a zui a..

“A van lawmawm em em.. I nu te chu I thlah dawn ami??’

“Umm hei kan tlan mek..”

“Kan office tangin a hnai tho sia, ka rawn kal  ve ang aw..”

“A ngai lo, I hna kha tha deuhin thawk zawk rawh..”

“Vawiin chu chawlh ka tum hrim hrim aa.. inentir tur a kalpui che ka tum vangin..”

“Mahse.. inentir zawhah hna a kal I tum tho kha..”

“Kha mi ai kha chu ka zo daih tawh..”

“Duat..”

“Awiahh”

“Ihmaw.. ka hmangaih che.. ka thawk tawp thlengin ka hmangaih ang che..”

“Keipawn ka hmangaih che lawm.. mahse ngatinge khangtiang I sawi..”

“Ka ngai lutuk che aa..”

“Hmm.. I U leh I nu I ngaih lawk vang ani chiang..”

“Hihi.. ni ve tho mai..”

“Nangmahin I in khalh haw thei dawn ami??”

“Driver kan ko thei alawm..”

“Anih chuan that chu.. dah tawh rawh duat..”

“Awle..”

 

Sana ka en deuh chhen a, eng in emaw min mawlh tlat a.. Johna chu amah a a lo haw ai chuan tiin ka tho lawk a airport lam ka pan ve ta a.. dar 1 a pel dawn hnai tawh a, ka thleng hman angem aw.. traffic lah chu jam nasa mai si.. mahse ka kal tawh laklawh a tiin ka tlan ve bek bek a. Airport ka thlen chuan dar 2 a ri deuh chiah.. Johna chu ka zawng a ka hmu mai lo.. ka mangang hman tep tih ah chuan Airport a chhuahsan tur a akal lai chu ka va hmu a, ka um char char..

“John!!” tiin a hnung atangin ka va kuah a..  phawk takin a rawn hawi a.. Jamesa emaw ka ti hial, a hmel dang tak kha a bo vek a, hmana Johna chak tha tak kha a ang ani.. ka rinhlelh em avang chuan a khabe ka en, khuavang chhinchhiah chiang tak a awm kha alo awm kul bawk si..

“Tinge ka hriat loa I perfume I thlak aa..?” ka ti ringawt..

“I rimtui tih chi a ni nange..” tiin ka kutah min kaiin min kal chhuah pui a..

“Aih, rimtui ka ti.. mahse Motor kha I khalh haw theih ka ring loa, driver chu I la tawh em..?”

“Driver aa??.. e aw kan zawng dawn alawm kan pahnihin.. chuan I Car in kan haw anga..”

“Ni chiah ee” tiin car parkna lam kan pan a.. Driver ha koh mai tur kan hmu lawk loa, Johna chuan security gourd pakhat chu va bia in ani chuan a hmelhriat motor min khalh haw sak tur number min pe a, kan be ta a..

 

 

Ka Car parkna lam kan thleng a, John chu driver seat ah a zuk thu khut..

“Heiii.. chhuak nghal rawh.. damlo inih kha.. kal rawh kal rawh” tih pah chuan ka kut zaizir nen lam ka han hrilh a

“Ni tak dam lo ka ni..” tiin a chhuak a , a nui suk a.. a van hmeltha tak, hetiang tak a a nui mawi tak ka hmuh lohna hi a rei tawh lutuk..

“John..”

“Umm..”

“I dam tawh hmel ee..”

“Ka dam tawh alawm..”

“Engvang ber..?”

“Ka dam vang..”

“Tinge a rul tawk te in min chhan zel a..”

“Ka chhang che mi..”

“Ummm..”

“E thil sawi duh ka nei a..”

“Enge nita”

“Ka hna hi..”

“I hna chu engtin..”

“Ka chawl rih dawn a..”

“I dam loh vang ami.. ka tha I ti sia..”

“Chawlh hahdamna hun ka mamawh alawm..”

“Engtik hun chhung..”

“Tun kum..”

“Thla khat leh a chanve maw.. nih chuan Krismas ah I haw dawn a mi?? ka haw ve thei dawn hleinem..”

“Haw dawn lo.. kan hmang dun ang..”

“Tak tak em..??”

“Aww.. tak tak..”

“John.. ka hlim ee.. a hma nag khan kan awm leh tawh dawn anih hi..”

“I hlim reng tawh ang.. I motor khalh kha ngaihsak rawh, min lo en reng lo la..” ka nui suk a

 

 

Lungngaihna zawhah hlimna in min lo hmuak thin an tih hi a lo dik chiah a nih hi.. John chuan a hna a chawlh san a, kei mi buaipui chawt a, ka hna kal tur min thlahin min rawn lam leh thlap a, achang phei chuan chaw chhun eidun pui tur ringawtin arawn kal thin. A rilru a hahdam tawh vang nge a hmel te chu a eng sawt hle a, mahse a danglamna hmuh tur a wm zeuh zeuh, a hma anga tawng duh tak kha ani tawh loa min fiam a in peih reng thin ang te kha a ching ta ngai meuh lo.. mahse mihring hi a ngai reng kan ni thei hleinem.. a awm ang ang hian ka hmangaih a ka duh ani.

 

 

“John I in ah hian kar thum ngawt ka kal tawh lo ania aw..”

“Anih chuan zanin chu ka inah chaw kan ei dawn ami??”

“Umm ka sawi tum tak..”

“I duhawm..” tiin ka khabe a rawn piai zeuh a

 

 

“Ehee.. I in chu a van fai em em.. in dang daih a ang..haha”

“A bal ngai ami..??”

“Aww.. a hnawk theih em kha.. I hmelthat zual ang zelin I in pawh a fai” riin a biangah ka han fawp zeuh a

“Khawi rawng kan bawl ange..”

“Ehee min van duat tawh em em.. ka awm kha chuan ka rawng bawl I ei zel duh a, tunah chuan nangman I bawl dawn a”

“Ka dual telh telh dawn che lawm..”

“Ka awih lo.. ka rawng bawl I ei duh loh vang.. “

“Ani lo.. mahse min tih buai chhung chuan ka bawl thei dawn loaa..”

“Nih ka tibuai lo ang che, bed roomah ka awm daih ang..”

 

 

A mut pindan ka lut chu ka nuih aza zawk, ahma kha chuan hrilh hmasak lo a kal kha chuan ahnawk thei hle a, tunah chuan kal thut pawn a lo fai em em ringawt. A khumah chuan a lehkhabu chhiar lai ni awm tak leh booklet a lo awm a.. booklet chu la in ka keu a, a thil inziak ka hmuh chuan ka nui vak vak..

A taksa a mawi ber- hnar

Khabe a piau zeuh

A tawng tui lai a fawh zeuh

A thinrim chuan tawng ve miah lo tur

A tihtauh chuan fiamthu thawh zeuh tur

Chaw ei tha tur leh mu tha tur a hrilh fo tur

A chakloh na ber chu kei ka ni.. ti chak tu pawh keimah

Duat tih a a koh tawh che chuan a ngai che emaw.. a ngaihtuah hle che tihna a ni…..

………

………..

Haha.. he pa hi chu aw.. engtin nge hetiang zawng zawng hi ziahna chang a hriat, ”hei hi enge??” tih pahin lehkhabu pakhat ka la kang a, a chhiar lai a chhinchhiah na lai chu ka keu phawk a.. hei chu a diary a nih hi.. ngatinge a chhiar kher le, kan hlim dun lai vel tak ala ni zui..

“Heiii.. mi diary chhiar loh tur..? “ a rawn la daihh.. ka lo phu zawk

“Min ti phu lawmm.. ngatinge I chhiar aa I diary te..”

“A theih loh mi..??”

“Umm a chi loh..”

“Ka ngaih vang che lawm”

“Nilengin kan awmdun aa.. chuan min ngai tho maw..??”

“Zanah kan awm dun si lo lawm..”

“Nia.. inneih I chak ami duat..”

“Hehe.. lo kal rawh chaw ei a hun tep..” ti pah chuan min kai chhuak daih a..

 

 

December thla kan chuang kai a lung a leng telh telh mai, mahni In lam ngaih a zualin ahma zawng a unau te be hranpa ngai em em lo khan ka call deuh tlut tlut mai.. John phei chu awm lo se hreawm ka ti ngawt ang, a ngai te bawkin kan in zui deuh chawt a, buaina leh inhauhna nei miah loin kan awm dun a ni. A chhungte chanchin ka zawh pawn an tha viau a nih hmel a Jamesa pawh Kolkata ah a han a zawm leh tawh a ni awm e.

 

 

Kum tawp lam anih tawh avangin kan Office lam pawn kar hnih chawlh kan nei ve a, chu mi lai vel chuan John nen hmun hrang hrang tlawh nan hun kan hmang a, a nuam ka ti phian mai. Kan awmna hmun a zir zelin Krismas inkhawm ah pawh kan tel ve zel a, ka rin aiin a nuam in kum hmasa lam Krismas nen chuan a in ang lo ta khawp mai. Kum hlui thlah dawn zan chuan pawn a hman chhuah aiin kan thian tlemte sawmin a inah kan hmang ho a.. thil kan ei ho lai chuan Johna laptop a file vel chu ka khawih kual mai mai a, pakhat chu ka hawng palh, Project work a ni tih ka hre nghal mai..

“John hei hi enge aa.. hna I chawl maw ka tia..”

“Nia.. in lam atangin Project ka lo ti a.. awm mai mai ai..”

“Mahse Grace Foundation te chu UNICEF hnuai ani sia.. nang te chu business man I ni sia lawm.. hetiang te chu social worker ho hna a lawm..”

“UNICEF pawn management lam an mamawh ve tho alawm..  Jamesa kal tlangin min rawn bia a, ka lo tih sak a..”

“Nimaw.. I chawl hahdam ve chu..”

“Ka hah dam lutuk bawihi”

 

 

Kum thar kan chuang kai a hna ngai bawk kan tan leh ta, John erawh chuan in lama a project buaipui chu ala buaipui reng a, a hna pangngai a kal tur a ka tih chuan chhuanlam enge maw a siam zel a. Ni e, a U Jamesa hi a ngaipawimawh em a, ahna pawh a pam tul phah thak a nia, kei chuan tih theih ka nei lo.

 

 

Hun a liam zel a, nipui boruak in min chiah tan leh ta a, ka hna lamah pawh ka tluang chho in Interior Designing ka zir pui thin ka thian pakhat in ka Office chu rawn zawm ve in thawk tu dang pawh ka lak belh chho zel a, ka rin phak bakin hma ka sawn a ni. Hna thawk tur an awm tak diah ah chuan thla leh lam May, thla lai hawl vel a haw tur in ka rilru ka siam chho ta a. Johna chu thla tin deuh thaw a haw chho a cham rei em em loin a lo let leh thin, tin Whirlpool company a a hna chu bansanin hna dang a zawm a, ama min hrilh dan chuan UNICEF hnuai a branch pakhat Grace Foundation ah Management lam a khawih a ni awm e, a hna ban san tak kha ka ui pui em avangin ka lungawi lo hle a mahse tih theih ka nei si lo a ni.

 

 

Vawi khat min dawrtu zinga pakhat in ka enpui ka haw lam  Car a luh ka tum chiah chu tu emaw hian min rawn ko ding a..

“Miss Dorothy..” ka hawi let vat a, Whirlpool company a an pu kha a lo ni a

“Hii Sir.. he tah  enge I tih..”

“Ka thawhpui pakhat nen kan inhmu a, I dam maw..”

“Umm dam e, Johna pawh a dam tha lutuk..”

A ka hau mai.. mak a ti hmel chuan min ti hrilhhai letling zawk..

“Sir, dik lo a awm em ni??”

“Aih engmah a ni lo e.. anih ka kal ange.. Take Care”

“Aw le..”

 

 

Enga ti nge Director kha khati vak khan mak atih le.. ka hrethiam lo hle mai, John hian a hna a bansan dawnin dawt a sawi nge?? Ni lo, chungtiang mi zia John hian a pu ngai lo..

“John..”

“Umm..”

“Engtik nge kan anniversary??”

“Ihh..” a phone a en te te.. “May 18”.. hihi..

“I nep ee..”

“Nep vang pawh a ni lo.. engtia lawm nge I duh”

“Kan haw anga.. kan lawm ang.”

“Ka haw ve hman dawn ami..”

“I hman ka hria.. thla tin I haw thei..”

“Hmun dangah I kal chak lo ami.. hmun nuam deuh deuh ah..”

“Chak lo..!!”

“Anih kan ngaihtuah dawn nia..”

 

 

Vawi khat chu ka laptop a dik thei tlat lo, ka hna a laklawh bawk si nen, Johna chu ka call ta tawp a.. a laptop hman ka dil a, in a a dah thu leh lo va la mai turin min hrilh a.. a inah chuan ka va kal ta a. A in ka luh chuan a laptop ka la a, kal leh mai ka tum lai tak chuan phone vibrate ri ka hre ta a.. ka phone emaw tiin ka bag ka khawih a ni si lo.. a rikna lam chu ka chhui zel a, a wardropelam chu niin ka hria  a ka va hawng a, phone call chu a tawp hman chiah chiah.. a phone hawn ka tum pattern ala dah zui.. ka thinrim lutuk hi ka so bulh bulhin ka hria, eng rilru pu in nge min bum theih.. engtinnge phone pahnih hi a neih ngam zawk le.. chu pawh a la nung, call leh chu ka chang char char.. a rawn call tawh miah lo thung..

 

 

Zanah chuan a haw hma in a inah ka thlen khalh a, a rawn lut chiah chu a meng phawk ngang mai..

“Enge I tih..??”

“Hei hi sawi fiah rawh.. he phone hi sawifiah dan I hria em..??”

“Dah rawh Doro..”

“Kha hmel ngeng zet  kha min hmuh suh Lalnunmawi.. hawng rawh!! Hawng nghal rawh!!”

“A tul lo..”

Ka tuar thei tawh lo, a hmai ah ka beng thuai..

“I hawng dawn lo a mi John..??”

“Aww..”

“A tha.. mangtha..”  ka kal tur chu ka banah a chel tlat

“Thlah rawh.. John”

“Kha en rawh..” tiin a hawng, ka la a ka chhiar tan ta.. en tur a awm vak lo, a awm chhun erawh number save loh pakhat atanga call leh message za chuang a ni.. an in text na ka chhiar a.. John chuan a reply hran lo mahse chu nu chuan a rawn be reng thin.. mittui hru pahin ka chhiar zel..

“James..!!!”

“Aw..”

“Khawnge Johna.. khawnge ka Johna I dah..”

“In bengdai phawt rawh.. I rilru ti hahdam phawt la.. um??”

“Sawi rawh..”

“Doro..”

“Tuna message tam tak lo thawntu kha ka thiantha ber a nih kha.. Chuan ka hmeichhe biak awm chhun!! Johna tan a ka inpekna ah hian ka nunah hmeichhe dang an leng lo, thian hmeichhia tak ngial pawh.. I tan Johna’n a tih ang khan..”

“John.. James.. I ni lo tak tak a mi.. Johna ini lo maw.. heng khuavang te hi.. I nei ngai si lo, John fiamthu thawh suh..”

“Johna khan pum pui Cancer a nei ani, Doro..” ka thin chu vih ang zawk.. ka thawk te chu la hman lek loin ka ngaihtuahna chu a kal bing ani..

“Dorothy!!.. heiii.. pangngai tum teh.. I hriat tur tam tak sawi loh ka nei ania..”

“Aw.. sawi rawh..” ka ti tham tiak a

“Johna khan heta a awm lai khan doctor a hmu a.. biopsy result ah chuan Pumpui Cancer a vei tih hmuh chhuah a ni.. Ani chuan keimah chiah min hrilh a, ka chhungte pawn tuman an hre lo!! Kha mi vang khan alawm kan rawn haw rual.. ani chuan I chanchin hi min hrilh a, hmeichhia a thinlung tak tak a a hmangaih ve vawikhat na I nih thu a sawi a.. ani chuan a dam rei a rin tawh loh thu a sawi bawk a.. I hria em?? Ka nau han at zia hi, min lo boral san ta pawh ni se engtin nge a ai ka awh reng theih ang.. ka lo hnial a, mahse ngen tak meuhin min ngen a ni. Kei chuan ka hmuh hmasak ni atang che khan ka ngaina lo che, ka nau in a hmangaih em vang che a ka nun a khawih tel ve na khan ka huatna che a ti zual.. nang min ngainat tir a tum tang tang thin a. Kei chuan nang a hmangaihna che kha a chak lohna ha ka ngai tlat, ngaihzawng ka nei ngai loa a hlutna ka hriat loh vang te pawh aniang..!! Picnic ni a hruai haw tu che kha keimah ka nih kha, chuan ka khabe a thil dum pherh awm kha.. khuavang ka in siam chawp nan a ka nau makeup ka hman alo pherh palh ani.. chuan tun a khuavang I hmuh thin hi chu tattoo hmang a kan tih a nih hi”

Ka khur vek.. ka tap nasa lutuk chu a rum in ka rum..

“Chuan khami zan khan ka nau chu kan chhungte hrilh mai turin ka rawn a, mahse I rual a Delhi a kal a duh avangin a rawn kal lui hram anih kha, dik tak chuan kha ti khawp a I siam kha ka lo na thin.. A rawn chhuk hnu khan a zual telh telh a, zanah damdawiin a ava riah chang a tam a, Doctor chuan Zai a theih mai theih thu a hrilh a, mahse a kalsan chhung che a nang lo awmpui turin nantna khuma a bet chung pawn min rawn la ngen tawk tawk thin.. a tawpah chuan ka pawm ta a, ka hna vel chu ka bansan ta vek rih a.. kan lo chhuk khan ka nu in a la hre mai bik lo.. mahse amah checkup tur a in kalpui dawn zan khan a pum chu a na leh ta vak a, a doctor kan ko ta a.. ka nu chu hrilh loh theih ani ta lo.. Chu thu a hriatvelah chuan a thawng em em a, mahse I lak a zep turin kan ngen a.. Doctor chuan zai nghal angaih thu asawi a, mahse ka nau chuan Delhi a zai a duh loa, I hriat chhuah a hlauh em avangin.. Kolkata lam kan pan ta a ni. Khami zan khan nachhawkna in a chhawk chhung zawng khan I mizia min hrilh a, ka awmdan tur te, lehkhabu te ah te min chhihchhiah sak bawk a.. a diary chu chhiar thin turin min hrilh bawk a ni..”

A mittui rawn tla chu chiang takin ka hmu a ni.. mahse hei chu Jamesa a nia, ka duh duhin ka khawih thei ve tawh lo..

“Chuan Airport a I haw pui atanga tun a I bula awm rengh hi Johna ni lo in Jamesa zawk ka ni.. Helam ah vanneih thlak takin hna ka hmu leh a, I hriat chhuah ka hlau em em a.. achhan chu I natna chu Johna natna  ani tlat si a ni.. chuan thla tin deuh thaw ka haw ang a I ngaih khan Mizoramah ka haw ngai lo, ka nau bulah ka kal thin.. I tan hian heti khawp a ka in pek a, ka danglam hi ka ring pha bik lo..”

 

 

“khawnge John.. James..??”

“Naktukah Mizoramah an phur chho ang..”

“A dinhmun min hrilh rawh.. engpawh ni se ka tuar thiam ang..”.. a thaw deuh hawk a

“Doctorin a zai khan a lo chhe hneh tawh lutuk a.. a khawih ngam lo, a chhin leh tawp a ni..”

Ka lungphu chu a rawn rang ngei mai..

“Chuan engtin..?” tap tuau chuan ka ti a

“Chemo therapy treatment a la a.. Mizoram lamah a lak zawm ang..”

“Haw ka duh.. James.. naktuk ah haw ka duh..”

“Nia.. ka khumah va mu hahdam rawh, flight ticket chu kan ngaihtuah ange..”

“Aih.. thutthlengah hian ka lo awm ve ang.."

 

A laptop chu a phawrh a.. keichu ka mu a, ka ngaihtuah na chu a kal bing mup mup a.. a pum nat a damdawiin a riah thin hun lai te khan keichuan tawngkam deng khawng tak tak hmangin a rilru ka tin a si a.. A hahchawlhna ka ni ngai lo, a tan chuan hnawk sak ka ni. Chuan James hi, keimah vangin a thianthaber a hlat a ngaih phah a, a hna leh a suangtuahna.. a duhthusam a kalsan vek.. hetiang em em a mi tha te hi pek ka phu reng em ni.. Ka mittui chuan ka ka lukham chu a ti huh vek tawh a, Jamesa chuan min lo en zeuh zeuh a, ahma a min fawp a, min kuah fo thin kha vawi leh khatah ka tan mi hrang cauh a ni leh si.. ka mittui tak ngial pawh a hruk a rem tawh lo..

 

 

“Khumah va mu rawh.. naktuk dar 11 ah kn chhuak ang..”

“Aih.. kal hma a ngai si ka haw mai ang..” ti pah chuan ka tho a, min pawt thu lawp..

“Ka nau hnen ah engtik lai pawh a enkawl tha tur che in ka intiam.. chu vang chuan ka khumah va mu rawh.. tunah!!

Engmah pawh sawi ngam lo chuan ka phei a, ka muhil thei lo.. khum bul a alo kal lai chuan ka lo maimichhing daih a.. ka bulah chuan lo thu in, tui min chhawp sak a.. ka puan sin lai chu min sin that tir bawk a ..”Aww Johna han ni hlauh se aww..”

 

 

Zingah chuan Jamesa chuan min lo kai tho a.. ka harh a, a hmel ka hmu thut chu Johna turah ka ngai a.. mahse ka hre chhuak leh nghal.. ka insum thei lo chu ka tap ta chiam a.. ani chuan min kuah in tawngkam a min hnem si lo chuan ka kut chuan dim te in min chul a..

“Kal ang le.. I inah luh a I insiam a ngai si a..”

Ka tho a.. ka in phih fai sawk sawk a, ka in lam panin kan kal ta a. Ka in siam zawh chuan Airport lam kan pan ding nghal a, phurna pakhat mah ka nei lo.. mahse ka tih theih awm chhun a ni si.

 

 

Kawngka chu ka han hawng a, khum a chau tak a a mu chu ka va hmu a.. ka duh thei lo!! Sam tih tur alawi pawh a lo nei tawh lo ka Johna chuan, a hmel tha tak thin te kha an zur vek a.. a vun mam nalh thang thin te kha a bo vek tawh.. a mitmeng nalh tak te chu an lo tla khur duk tawh a.. a hmelah khan ka Johna an na pakhat mah a nei tawh lo.  Ka va kal hnai a..

“John..” chau takin min lo en a.. ka insum thei lo, atheihtawpin a bulah chuan ka tap ta vak a, Jamesa a lo lut vat a.. min hruai chhuak a

“Ti khan awm suh.. I hlim a duh, a hmuhah sawn hlim rawh..”

“James.. a dam chhuak ang ti raw..” ani pawn min chhan ngaihna a hre biklo

 

 

Nitin Johna bulah ka awm a, achangin a kut te ka hru fai a thawnthu te ka chhiar sak fo thin.. a tawng chu hriat tham lek lek chauh a ni tawh a, a hmui bula beng zuk dawh a ngai thin. Vawikhat chu thil sawi nei ni awm takin a rawn tawng a, ka beng ka zuk dawh hnai a.. thei leh thei lo in arawn fawp zeuh..

“Hei John, tinge min tih hlim reng bik a.. ka ti hlim ve si lo che a..”

Ka thu sawi chu pawm lo ni awm takin a lu alo thing a..

“John zungbun hi min bun tir rawh.. kan in hualna zungbun a tan a I lei kha.. Platinum I tih kha.. pakhat ka bun tir che nga keiman pakhat..” tiin zungbun chu ka pe a, chu tih lai tak chuan Jamesa alo lut a, John chuan a lo hui vat a.. zungbun ka pek chu James hnenah pe in ka kut phah chu pe in min bun tir a tum ta mai.. ka kut lak sawn ka tum a mahse a phal tlat lo..

“John.. kan ti thei lo, kan hmangaih che lawm kan pahnihin.. tak tak.. Dorothy pawn a hmangaih lutuk che, a mal ngai loang..” James chuan a rawn ti a

A lu chu a thing a, atum lui tang tang a.. James chu ka en a, a rilru a buai hmel takzet..

“Doro.. I pawm em” arawn ti a..

“Johna hlimna ka duh ber” tiin ka lo chhang vat a. John chuan a lu a bu nghauh a.. a aw tham tiak chuan “Bun tir rawh” a rawn ti a.. James chuan min bun tir ta a..

 

 

May 18, Johna nen a kan inngaihzawn champha ni ah chuan he khawvel a ka hmuh leh ngai tawh loh turin lei an chhilh hnan tir a nih chu. Khang hun chhung kha tu emaw tan chuan a rei lo, mahse ka tan chuan ka nun zawng zawng thlak danglam tu a ni miau si a ni. John.. John.. John I tel lo in engtin nge hun ka hman ang.. ka thil tih engkim hian nang min htiat chhuah tir a sin. John, nang nei tur che a pek ka nih hi  ka phu lo zawk ti raw.. John I tan ka hlim zel ang.

 

 

Taksa leh rilru nat luatah damdawiin ka luh phah ta hial a, nitinin Jamesa alo kal a min ngaihsakna chuan min ti lawm tak zet, tun tumah chuan Johna mize nelawm tak nen a rawn kal tawh loa Jamesa, nelawm em em lo mahse rilru tha tak ang khan min rawn kan fo ta zawk a

“Doro..”

“Umm..”

“Zungbun hi ka pe let ang che aw..”

“Ngati maw..”

“Hei chu Johna pek tur che alawm..”

“Nia.. Johna’n min pe turin a ti che a”

“Doro.. hmalam hun eng tak I nei a chuvang chuan kan unau vang hian chung thil theihnghilh suh..”

“Enge I sawi awmzia..??”

“Ka nau I hmangaih tak kha chu a awm tawh lo, chuvang chuan keimah vangin I hun ti hek suh..”

“Johna sawi ang kha I tum ve chhin miah lo ami..”

“Ka tum lo lui mek zawk.. diktak chuan ka unaupa ta I ni..”

“John hian engtia awm turin nge min duh ang le.. John nita la engtin nge I tih ang??”

“John angah chuan ka in chan thiam lo.. mahse James ni chung a I kiang a thla ruk chuang hun ka hman khan.. Johna rilru hi ka hrethiam vek asin”

“Anih chuan Johna duhthu sam hi min tih puitlin pui rawh..”

“James anga min pawm thei anih phawt chuan..”

“Ka tan a I chan nasat zia ka ngaihtuah hian I phu ngawih ngawih James.. ka lawm e aw”

“I pawn anih phawt chuan I unaupa, I thianthaber leh I ngaihzawng fel tak nih ka tum reng ang Johna tih ang chiah khan” .. ka chalah a rawn fawp zeuh a

 

 

JOHN MIN KALSAN HNU PAWH A MIN VENGTU VANTIRHKOH KA HNEN A I LA RAWN TIRH AVANGIN KA LAWM E.. KA HMANGAIH CHE..