APPLE

Ka damchhung a pheikhawk sang ka bun tawh ah chuan ala mawi ber ang tih hial a sawi theih khawp a mawi bun chung ngei chuan ka ke chu ka han pen a. Ka ke te chu nidang zawng aia a mawi bik riau hian alang a, pawn lama thlalakpui hman ka duh em avang chuan ka mokawr puk takha chung chuan pawn lam chu ka pan a,ka hnungah ka unauten min rawn zui bawk a. Kan huan hnung lama pangpar mawi tak tak te zinga thlalak tum chuan kan huan lam chu harsa ti tak chungin ka pan a. Ka u chuan 'a muangchan chi tawh loh, darkar tlemte bak a awm tawh lo ania' a rawn ti a. 'Aw ka hria' tih a chhang chuan ka kal zel a,anin min rawn zui zel bawk a.

Chutia ka pen lai tak chuan ka ke bulah chuan Apple rah sen tui hmel tak hi rawn lir phei in,ka ke chu rawn si in a ding chat a. A rawn lirhna lam chu rang takin ka han hawi phei a chulai hmun velah chuan Apple tla darh nuai chu ka hmu bawk a. Naupangho chuan chung Apple chu vannei inti tak hian an lo chhar a,athenin an lo inchuh bawk a. Chung naupang ho zingah chuan tlangval pakhat hi alo ding khawng reng a,a bulah chuan a Apple khaina niawm tak paper bag hi alo let reng bawk a.

Mak tihna in ka khat a, chet nachang reng ka hre tawh lo. Ka u chuan "A tlai tawh" a rawn ti ringawt a. Keichuan harsa tak chung chuan "Eng ber??" tiin ka han zawt a .. "Nang leh Ani saw... in tlai ve ve.. Apple kha chhar la,inneihna tur hmun lam pan nghal ang u..." Ka hit zawk a,hreh tak leh kut khur chung chuan ka thei ngainat ber ,ka ke bula let reng chu chhar turin ka han kun a. Ka pheikhawk sang bun vang chuan ka kun tha thei tlat lo,ban ka han tum leh chu ka bu deuh a. Ka tlu tur chu min rawn dangtu an awm a ni. Ani chuan min kai ding in Apple chu a chhar vat a min rawn pe a.

Apple a kuta awm min pek tuma ka lama rawn hum chu ka melh a,chutih lai chuan zangkhai deuh hian arawn tawng chhuak a..
"I nalh lutuk ania, i hmui pawh hmana Apple sen ang chiah khan ala sen mawi reng''
"Ngaitinge i tlai????? Mawh??''
"Ka tihpalh, mahse awmzia a awm lo,kal rawh le.. nitin i tan Apple ka rawn thawn ziah ang''
"Ka hma ah hian rawn in lan tawh ngai suh,ka hua che''
"Awle...''

Ka thlir zui reng a,rawn hawi let lo chuan a kal liam ta a. Ka uchuan min rawn kuahin carah chuan min luhpui ta a. Chumini chuan pasal ka nei ta...Apple kha ka rilru ah a awm reng a,a rawn kengtu hmel nen chuan ka ngaihtuahna an luah khat reng. Ka u chuan min kawl sak tih ka hre kur bawk a. Ka pasal chuan kan huana thlalak a duh thu chu rawn sawiin mokawr pawh hlip lo chuan darkar li hmalam a thil duhawm lo tak thlenna hmunah chuan kan kal leh ta.

Kan va thlen chuan Apple khaina paper bag chu angai ngaiin alo la let reng a. Ka u fanu chu chhar turin ka han hrilhru zeuh a,ani chuan min han pe a. A chhungah chuan lehkha ziak hi alo awm a,chu lehkha chu phawrhin paper bag chu ka paih lehnghal a. Kenna mai tur ka neih loh avang chuan k hum reng a,ka pasal chuan enge anih min zawt chung chuan ka inrin hma chuan a rawn la a,a ak ta than a.

Min lawmpui tura rawn kal ho an tin hnu chuan kan pindan lam chu kan pandun ta a. Ka pasal chuan a kawr hak lai chuhlipin bualin lam chu a pan nghal a. Keichuan lehkha kha kala hre reng a ni. A lut chiah tih chuan a coat ipte chu zenin lehkha chu ka phawrh a,khumah chuan thu in thu inziak chu ka chhiar a

"Duhtak Apple,

Heng Apple zozai hi khawi atanga rawn kal nge anih tih i ngaihtuah a ni ti raw.. Chuan rin pawh i nei nghal a,kei ka nih ngei ka beisei. Khang kum nga chhung khan i tello a awm harsat zia chu i hriatthiam phak loh thil a ni ang. Ka pa natna vanga i kianga ka zirlai pawh zawm thei loa ka awm atang khan ka thinlung hi mal riau a inhriatna hian a bosan ngai lo asin. Duhtak, ngaihdam dil che ka ngai tih ka inhria asin. Kum khatah vawi khat tal inhmuh kan intiam pawh ka ti hlawhtling thei silo. Mahse maw.. i tan thil pakhat ka lo ti ziah thin asin chu chu hmana i duhthusam kan pahnih a Apple huan zau tak neiha khawvel mipui tam tak Apple rah leh a kaihhnawih hmanga chawm i chak thin kha,khang kha i hah ngai miah loin tunah hian ka ti hlawhtling vek tawh asin. Kum hnih hmalam khan nang hmu thei tur hian remchang chu a awm teh meuh mai mahse i tan innghahnatlak ni turin i duhthusam ka la tih hlawhtlin kim lo vangin i hma ah ka inlan thei lo a ni. Vawiin hian ka rawn kir leh ta,mahse i hmel erawh ka hmu ngam lo. I ngaihdamna ka hriat hma chuan. Chu thil chu min hrilh duh anih ngai chuankum nga hmalam a ka hruaina hmun che Apple huan atan i awh em em hmun kha,ka Apple huan tam tak zingah abik takin nangma pual bikin Apple huan ka siam a, chulai hmunah chuan zan dar sawmpahnih hma in min rawn hmu ang che.

I tan chauh,
Apple... "

"Chulai hmun chu i carin darkar engzat tlan nge??" ka pasal aw ngei a ni.
"Angai lo.."ka kut chu a khur vek a..
Ka dar a rawn chelh chuan
"Enteh, inngaizawng miah loin kan inneih a,i hmui pawh vawikhat mah ka la fawp lo.. kan hlim chho zel dawn nge dawn lo tih hi kan hre lo ve ve.. chuvang chuan kal mai rawh.." a ngawi deuh vang vang a..
"keipawn ka hmangaih hmasa ber ka la theihngilh thei lo,ka tihlim zo loang che" Ka chil chu ka lem ri kawlh a
"Darkar hnih.." ka ti tham triak aa
Sana a bih zeuh a dar 11 alo ri tep a,
"Ka car hmang mai rawh a chak zawk,a thim tawh si a"
"Ka thei loang,i laka ba neih belh ka duh tawh lo a ni"
"Anih kal ta che,mahse i thleng hman awm silo"
"A pawi lo..khawvel tawp thlengin ka car tawng tak nen hian kan zawng mai ang"ka ti a..
A rawn nui suk a "Kal vat rawh" hlim hmel a pu sang bawk a..Ka chhuak tur chu aa hmui ah ka va fawp zeuh a
"In fawp lo chu kan ni miah lo" nui sang chuan kan ti a..
"Hehe.. ti khan ba pakhat mah inei tawh lo,tlan vat rawh,i kal ka phal loh hma hian" a rawn ti a..

Hmanhmawh takin ka hmangaih chu zawng turin ka inkhalhchhuak ta a....