KA BEIDAWN THEIH NGEI KA BEISEI (based on true story)

Kha zan, ka tan a zan lungchhiat thlak tak thlen hma zawng kha chuan ka thinlung neitu a la ni reng a, nithum chhung ngawt min rawn be pawp lo chung pawh khan ka hmangaihna thinlung chuan rinhlehna leh hlauhthawnna reng² a nei lo.Ka tih buai  hlau in be hmasatu zawk che nih ka tum loa, be chak lo erawh ka nilo, ka chak em² zawk ani.

Ka cellphone sana in zan dar 11:18 ari chiah tihin ka phone chu rawn ri in text ka dawng tih ka hre nghal mai a, ka mi nghah mek text anih ngei ringin phur takin ka han en a eng thil nge ka hmuh tak kha!! kha tih hunlai khan ziak leh chhiar thiamlo emaw mitdelh lo ni hlauh ila aw ka ti rum² asin. A kut ngei a a type "Sweety i rilru tih nat ka duh lo,mahse ka tih nat angai tlat..Khanu kha ka theihnghilh thei lo ani,i just can't live a lie............." ka awih thei lo,ka phone ka thlauh a,kut khur chungin ka delete nghal, mahse chu chuan thudik a thlak danglam silo.

Nie, khanu kha ka tluk ngai loh leh ka el phak rual a ni lo alawm,kum khat meuh an pahnih a hlim taka an awm chu rilru na takin ka lo thlir fo tawh a. Ka mizia nen a midang pawn inhmeh lo an tih khawp in ka vei a, ani pawn chu chu a hai lo. Midang min ngaihdan ah chuan tlawm thlak an ti mai thei ka tan erawh chuan a thinlung ka nei ve mial mahna tih ngaihtuahna leh beiseina tlang atang a thlir chuan zahah pawh ka la thei lo a ni.

Rinawm taka nghaktu nghah chhuah tak kha ava hlu in ava hlimawm thin em. A hriat miah loa ka rilru a tih nat thin zawng² te kha theihngilhin a hlimna min pek chu ka lo pawm a. Min duhna a ti lang a, kei chuan ka hmangaihna ka theih tawpin ka ti lang thung thin. Mahse, ka lo a em ani, kha hmeichhia ka tluk ngai loh leh a dinhmun ka awh em em thin in a  rilru a hneh sak dan leh hip  ka tum dan chu inang lo thei tak a ni. Ani chuan a hmel leh pian mawina te,mi hriathlawh a nih na te hmangin a hip em²  a,kei ve erawh chuan chutiang ti turin remhriatna ka nei ve si lo..remhriatna piah lamah theihna ka nei ve lo te pawh a ni mahna.

Kan pahnih a kan in hmuhna tam ber chu Biakin kha a ni thin a, thianghlim taka kan inngaihzawnna khan tu hriat loh hian inchhuan rukna min neih tir fo thin. Khang hun chhung khan ka hlim em² a Van hnenah lawmthu ka sawi bang ngai lo. Thusawi nghaihthlak laia ka ngaihtuahna alo kal thui chang phei chuan saw maicham hma ah ngei sawn khawvel a mopa hmeltha leh ka hmangaih ber nen ding dunin Pathian leh Kohhran hriatpuina ngeiin 'Tiam tlat e' kan la ti ve ngei ang tih in ka suangtuahna chu ka ngaihtuahna ah ka seng lut thin. Mahse,thamral leh mai tur a suangtuahna an ni si.


Ka ngaihtuahna leh ka thil tawn mek chuan mittui bak min pek chhuah thei an nei rih lo aniang nge, lukham huh hnawp khawp a ka tap nasat hnu chuan ka lo muhil ve mai a. Zingah chuan ka duhzawng ber ti thei tur pawn chakna ka nei tawh lo,mit bui luk a tah reng mai loh chu. Class kal turin ka nu in min rawn kaih thawh a tum a, kei chu a chhan ngai reng avangin ka lo tap char char . Ka nu bulah hian enge ka sawi ang , Kohran leh Khawtlang ah pawh mi fel tih a sawi hat thin, ka chhungte lakah pawh ka lo chhuan em em hian ka neih hlen loh tur chu min lo tem tir mai mai ani tih hi engting nge ka sawi ang??? Mahse, nu te chu nu te an ni alawm tiin ka hrilh ta a.. min hnem dan tur chu ka nu takngial pawn an hre lo tih ka hai lo, a fanu hlim thei tak.. ngaihzawng ngaihsak em em lo hian an veng tlangval fel tak chu a vawikhatna atan ngaihzawng ah a nei a, mahse chu chuan na takin a kalsan leh si.

 

Nilengin inah engmah ti thei loin ka tap a, a eng zawng a thil ngaihtuah chu ka duh ngei mai mahse sulhnu tam tak kan nei a chung ka ngaihtuah chuan ka huphurh thlawt a ni. Ka u rawn haw chu hmanhmawh takin ka roomah a rawn lut a..

“Rini... i hre tawh maw Siamtea?” ka hmel atang chuan ka tap nasa tih a hre nghal a

“Aw.. engtin nge i hriat”

“Vawiin khan ka hmu dun” ka thinlung chu vih ang zawk a ni... awm ngaihna pawh ka hre lo

“Maww..”

“Dawrah Lays hring a lei sak lai ka hmu a” khumah chuan ka mu hnawk a.. Lays hring ka ngainat  zia ka hrilh lai te chu ka hrechhuak uar uar a. Ka hmai lukham a phum chuan puan thamin ka theihtawp tak meuhin ka tap a, hetiang em em a beidawnna hi ka chungah a thlen ka ring ngai lo.

 

Hun a kal chho zel a keipawh zia lam ka pan ve zel a, mahse ka dam hlawl lo a ni. Mipa hi a melh pawn ka melh peih tawh lo. Veng khat a awm na na na chu in hmuh loh tawp theih thin si loh avang hian inkhawm te hi ka hreh ngawih ngawih a, mahse ka nu leh pa lakah chhuanlam a tling si lo. Ka tih theih tawk ka tuina ber ka guitar perh a zai chu ka inhnemna awm chhun a nil eh tho thin a nih hi.

 

Thla tam a liam leh meuh chuan ka tluk ngai loh hmeichhia chuan a ngai te bawkin a rilru a tih nat sak leh tih ka hria a, ka rilru tak tak chuan “a rawn let phah leh angem le..” tih mawlh ka ngaihtuah. Mahse, a teuh si lo!! Min hre chiang em em tu ka thiante chuan “Gospel hmaikawr vuah… lerh lutuk” ti ten min sawi chhiat sak fo mah se, amah nih tir tawh tu a mizia chu eng pawh lo ni se.. ka thinlung hian a hnawl thei thlawt lo a ni.

 

Session tawp lam kan chuang kai a, kan exam result a rawn chhuak a, ka fail chiang hle mai.. ka chhung te pawn amah vang tih an hai bik lo a bei nawn turin ka rilru ka siam felt a a. Ani pawn amah vang a ni tih a hai lo, ngaihdam min rawn dil a..a thil tih vang mi lo in ka fail avangin!!! pangngai takin ka lo chhang a, ka la mamawh ngawih ngawih tih hi hrilh ka chak lutuk mahse ka tlawm hnem taw hem avang leh ka rilru ang a pu ve lo tih ka hriat chian em avangin ka insum hram hram a.

Dam lo tak chungin ka nun ka hmang ve zel a, ka zirna vangin ani leh keia chenna vengah awm lo in hmundang ah a awm ta a. Ka tih theih tawk ka guitar pawm a zai mai loh chu, khang ka zai hria a ngaithlatu te khawngaihna mittui khan hnuk ava ti ulh thin em.. Tapin hringnun chhiar mahila ilak a ka beiseina hian kian zai an rel ngai lo thung, Tinge heti khawpa ka nat hnu ah pawh beiseina ka la neih fo le tih hi ka inzawt fo a,chhanna lah ka hre ngai si lo. Ka awmna hmun atanga rawn haw a bul tan that leh mawlh ka chak aa rem ngei pawh beiseiin ka tawngtaina ah pawh ka chham tel hma chu tawpna siam thiang lo ah ka ngai hmiah thin.

 

Hun rei tawk tak amah hmu lo a ka awm hnu chuan inah ka haw ve thei ta a. Dik tak chuan ka awm bo chhung zawng khan amah ka beiseina te kha a lo in chhem alh hman hle a ni. Chu thil chu ka thian tha ber a ka ngaih hnenah hrilh tumin phur takin an inah ka lut a, ani chuan min ngai tih hriat takin min lo kuah a..

“Ui Rin thil hrilh tur che ka ngah lutuk ringawt”

“Keipawhhh.. sawi teh”

“Ihmaw.. Siamtea nen kan ni”.. Eng thil nge thleng hi??? Ka thiannu hian Siamtea a hmangaih zia hi a hre lo tak tak nge.. a hre lo der!! Amah beiseina nen a nung chho leh ka ni tih hi hria se, ti hian a haider tho angem??

“Ui ni maw..” nuih luih a van har em..

“Um ni e, a fel takzet.. Feli kha chu ka dah nil thak mawle” Ka thiannu hian min sawi khum tih na em ni?? Ka dah nil ve phak loh Feli thleng thlengin a sawi ta chu a ni sia
“Haha.. ni maw a hlep ve hlak ni maw”

“Enge min hrilh tur chu?”

“Ihhh.. star thar a nei a”

“Nimaw… tunge??.............. Ehe!! U siamte”

Kawngkhar lam ka en chuan ka hmangaih hmasa ber lo lut lai tak chu ka hmu a, a hmel chu chiang takin ka en a… ani pawn min en bawk a

“Rini.. I lo haw elaw,,?”

“Aw.. Dik ka phei dawn.. anu in min tir a ka lo phei lawk mai mai”

A chhuah dawn chuan U Siamtea chu ka melh zeuh a, kan in lam ka pan ta a.

 

 Beidawnna vawikhat na ah hian beidawn tluan tul chang a lo awm anih dawn ni. Ka ngaihtuahna mawl mang tak hian ani laka beiseina neih tal ka tumna chuan mi chak lo berah min siam ta si. Hei hi ka chiang a ni, lo let leh pawh ni se, ka pawm tawh ngai lo ang.. chu aia ka chian em em zawk chu ani hian min hmangaih ve ngai dawn lo tih hi. Mi ngaihsakna leh hmangaihna hi hlawhchhuah tum chi a ni lo, hmangaihna dik tawk lo chu a hlawh chhuah theih mai thei e, mahse a dik tak erawh an mahni atang a chhuak tur zawk a ni si a. Engtik ni ah emaw chuan  a lak a ka beidawn ngei hi ka beisei tlat a ni.