BEISEINA

Hello”

“Chaw min lo chum kep leh mai teh u aw.. ”

“I zak em?”

“Hei.. sual lo teh, Lucy kha ka thlah haw alawm”

“Lucy, kan college a I star kha?.. nangman ka thlah ang che i ti chiang mai..haha”

“Hmmm..i hre mai dawn lawm, mn ngai luck lo ve sia a”

“Nangmah vangin ka canteen chawlhna tur taxi fare ah a zo vek”

“Pawisa tlem tal ken chuan tur che lawm….lawk aw ka dah dawn… bye”

Huiz!!  a la dah nghal hmak zui, he pa tak hi chu. Kei pawh chu ka tlai dawn lawm le, ka bag chu la in ka room chu ka chhuah san nghal a, ka nu leh kan in a hnathawk U Lawmi te chuan choka lamah eirawng an lo bawl mial mial a. Kawngkapui lam pan pah chuan “Nu Ruata chaw a lo ei dawn a nia aw, ka kal”. Ka nu chuan  “Awlee, in ban tlai viau dawn chuan taxi rawn hmang tawh rawh aw” a lo ti zui bawk a. “Aw, ka hria lawm”.

 

Bus stand ah chuan rei lo te ka ding a, bus pawh a lo thleng ve leh nghal a. Ni dang ang bawkin  traffic chu a jam leh nasa khawp mai, bazaar bus stand kan thlen dawn tep chuan Ruata bike ni awm tak hi motor ding teuh karah chuan nula phur chung chuan a lo in khalh phei nasa mai, thei leh thei  loin kan en tawk tawk a, ka rilru chuan “Nuam a va ti haih haih ve Lalruathlua chu” ka ti a. Ka bus chuanna pawh a  kal leh ta riai riai  a.

 

Ka class a zawh meuh chuan khua alo thim tan der mai, ke a kal nuam ti viau mahila kan veng, ke a han thleng tur chuan a tlai ve tawh ang reng viau si a tiin ka inngaihtuah a. “Pawi lo” ti chuan ke chuan ka kal ta tho a. Kawng chanve vel ka kal mek lai chuan ka cell phone chu alo ri a, Ruata call a lo ni a..

“Aw, enge? Ka lo haw mek..”

“Ke in mi.. nge bus nge taxi in??”

“Ke in…kan inah I awm tawh mi?”

“Awm na rei tawh, tinge taxi a ilo haw mai loh, ka lo kal ang, min lo nghak rawh”

“A ngai lo, a hnaih tawh em hiii”

“Ka lo kal, lo ding rawh, ka lo thleng nghal nimai, ka lo thleng ania.. min hmu em??haha”

“I van chhe tak, nih chuan hmanhmawh rawh”

 

In kan thlen chuan ka pa office bang pawh a lo haw ve chiah a, chhung inkhawm kan neih zawh chuan chaw ei chu kan siam nghal a. Chaw ei dawhkan kil a chaw kan ei lai chuan ka nu leh Ruata chu an titi nasa mai a,

“Ruatte ngatinge computer chu I zir ve duh lo ami?? Mambawihi nen in kal rual thei anga, I pa te pawn zir ve rawh se an ti che kha”

“Ah Nu Zual ihmaw, hetiang te hi chu mahni in a inzir theih lutuk alawm, Ruati te chuan hun awl hnawh khah nan mai mai a lawm a hmang” ala nui pah huk zui, ka ngei lak lawh tlat.. mei nei deuh chuan

“Ruata tinge i inah eirawng I bawl hman loaaa…” ka lo ti a, Ruata’n ,min chhan hma chuan ka pa chuan alo chhan khalh a..

 “Ah mambawihi thin mai mai hi aa.. a duh duh hunah a lo ei thei alawm… ti raw Ruatte”

“Aih ihmaw pate vawiin ah kan thiannu pakhat hi a nutei thisen pek ngai a awm aa, ka buaipui vangin Ruati hi ka thlah haw thei loa, ani hi in ren ve ropui sia canteen chawlhna tur chauh a lo keng a, taxi fare ah alo hmang zo vek a lawm, pawi tak tak”

“I thiante’n min haw san tih min hrilh lo phei se chuan thil ka lo ei hman anga, engin nge ka haw nga, I ngaihtuahna kha hmang ve ta che” ka lo ti nghal vat a.

“Thinchhe theiii”

“Ruata I pa te I be ngai em? Ngaihtuahawm a awm loh tur a nia aw.. hei inu nen rawngbawlna vangin khawpuiah pawh an awmpui thei lo che a, rilru nei deuh a awm tur a nia aw” ka pa chuan alo ti a… Kei zawng ka chaw ei pawh a tui nek lo, ka kham ta hmak a.

 

A tukah chuan Ruata chuan class kal turin min lo lam a, ka beisei miah lo, Lucy nen an kaldun ka ring zawk mah a. Kan in kawt a ka hmu thut chu thinrim ka tum ve reng mahse ka nuih za tlat, ka la insum thei lo zui..

“I chhe em mai rawn kal mai mai teh”

“Engeee???....  lawk aw, kan nui lawk….haha” .. A mah pawh chu a rawn nui ve tawp.

“Nimin khan computer class I tlang nghal ka rin vang ania hrilh pawh ka hrilh loh che, ka rawn hruai hman tho che ka ring a” a inthiam loh ve hmel tawp..

“A ho lutuk, ka driver pawh I ni hleinem ti raw..kal ang”

 

College kawtah chuan Lucy te thianho an lo awm a, Ruata chuan a pan ding nghal a, a nutei chanchin a zawt aniang chu k ti mai, a din rei em avang chuan ka va kal a “Ruat ka lut aw” ka va ti a, Lucy chuan min lo nuih sen sen a keipawh chuan ka nuih let ve suk a. Class lak lai chuan Ruata message a lo thleng a, class ka neih chen tur min rawn zawt a. Lucy nen a an haw dun duh vang a ni tih ka hre mai a,ka class neih a zo tep tawh tho chung chuan ka haw tlai tur thu leh taxi ka lak mai tur thu chu ka hrilh ta a.

 

Chumi ni atang chuan Ruata nen chuan kan kal dun khat ta khawp mai, thian dang han tih tur ka neih loh em avang chuan library ah ka hun ka hmang tam phah hle a. Class ka ban hma ve pawn kan veng a hla bawk nen, computer class kal leh tho a ngaih avang chuan ka haw hma ta ngai meuh lo. College a ka hmelhriat ve te lah hian fiam chikah min nei a “Khawnge i driver???” tih te, “Mi pathum len theih na bike siam ka va chak tak” tih ten min fiam nasa thei mai, ka thinrim lutuk hi ka chhir pawp chak thin a lawm.

 

Kar hnih dawn a liam chu a liam  ve  ta reng mai, zanah chuan ka lehkha zir chu ka mut chhuak lutuk chu ka room kawt  lamah chuan in ti harh turin ka va thu a. Chu tih lai chuan room kawngka kik ri chu ka hria a, Ruata hi a lo lut nghal bawk a.

“Ehe.. zanah tinge i chhuah a, lehkha zir t ache”

“News bawn lutuk!!!!... Sawma alo haw”

“Maww.. Malsawmzuala maw??? Ui ruat ka a dawn, ngatinge a lo haw?? Ka hmu duh lo asin..” ka mittui chu ka hriat miah loh chuan a lo tling puam hman a

“Nichin khan min lo bia a, I number min dil a, amah ka lo be phawt ang ka ti a”

“Chuan engtin???”

“Engtin nge ni vak chuan ang?? Ila duh ve angreng bawk sia”

“Naaa.. ka duh kher lo” a van awihawm loh thin tak, keipawn ka awih bik lo

“Ngaidam la, a thil tih sual I pawm thei dawn ami?”

“Ka hre lo, mahse pathlawi a ni mai tawh sia, miin engtin nge min ngaih ang??”

“Mi ngaihdan lam chu buaipui suh, I hlimna an rawn tawm ve kher loang, I tana tha tur kha ngaihtuah zawk rawh”

“Ka tan a tha tur anih i ring em?”

“I tan a tha tur a ni lo tih te chu a lan chian em hi”

“Anih chuan ngatinge min zawh”

“Lo kal teh  thu lut phawt ang” ti pah chuan room chhungah chaun min kai lut a, khumah chaun kan thu dun a.. ka mitah tak en chuan

 “Ruati hei hi chiang takin ngaihtuah rawh, I hlimna duhlo ila a lo haw thu pawh ka hrilh lo ang che, in inthen atanga i danglam zia hi, hlim tak a I awm te hi hmuh a har tawh zia te hi. Ani hi I pawm leh a, midang ngaihdan  I ngaipawimawh dawn lo a, a tih sual zawng zawng I ngaidam thei  anih dawn phawt chuan ahma a I hloh tak zawng zawng kha I nei kir leh thei dawn”

“Then pawh kan inthen loh kha, a chhungten  hmundangah an dah lui a nih kha”

“Kha en teh, nang chuan then tumna thinlung I put ngai loh zia chu ala lang reng alawm… ila hmangaih reng ti raw..”

Ka lu chu ka bu nghauh a, ka mittui luang chu ka hru mial mial bawk a. Ruata chuan a cell phone chu phawrhin a hmet mial mial a, min lo pek pah chuan “ kha inbe ru” a ti a. Keichuan “Maw tunah hian??” .. “Be rawh a pick up tawh”

 

“Hello”

“Bawihte”

“Um, sawma”

“Ka ngai lutuk che bawihte”

“Ih…tinge?” sawi tur pawh ka hre lo ka tah lah a chhuak telh telh bawk si

“In sawi thiam leh chuan ngaihna pawh ka hre lo”

“Vawi khat tal ngaihdam min dil tur che alawm”

“Chuan min ngaidam ang a hmun dangah ka awm lo anga, mi zawng zawng hmuhsit ini anga, kei lah ka hmangaih miah lo nupui nei tur a tirh luih ka ni ang a maw… chu mi ka ngaihtuah vang chuan a sin heng hi ka tih”

“I hmangaih miah lo chu I mutpui theiin, fa hial a hrin sak che a ni lawm ni??” . A reh vang vang a…

“Ni e, I ngaihdamna hin phut tur ka lo ni miah lo asin, min ngaidam thei dawn lo a nih hmel, hlim deuhin awm rawh aw bawihte, ka hmangaih tak zet che”…… “Maw…” .. “Mangtha, bawihte I tan chuan Malsawmzuala chu a thi tawh”

“Nilo, aih ,aih !!! Tinge ila chapo em em a???? Khatiang khan min la tawngkhum theih zawk a, ngaihdam tha tak a min dil chuan ka theihnghilh thei vek  tih I hriat ve reng kha”.. ka tap nasa lutuk chu tawng pawh ka tawng tha thei lo hial zawk  a. Ruata chuan phone chu min rawn chuhsak ta deih a, keichu khumah chuan bawk thawpin ka tap ta char char a.

 

Ruata phone be zo chu pawn atang chuan alo lut a, ka bul ah chuan thu in min en tlawk  tlawk a, a hmelah khan min khawngaihna kha hmuh hmaih theih rual a ni lo. Chung khawngaihna mitmeng ka hmuh chuan kei hmeichhe chak lo tak thinlung chu rawn ti no belh lehin amah kuah meuh chuan ka tap ta vak vak a. Ani chuan ka sam chu duat takin a chul a, “Naktuk ah in inbe tha dawn nia, I thin a thawng rih em a nih kha” a rawn ti a. Ruata hi ka tan hian a van hlu bik tak em. Naupangte kan nih atangin kan inkawm a, a pa hi pastor niin kan thenawm lawk quarter ah an awm thin a, a pa an sawn hnu pawn kan vengah a pate ate inah awmin college an kal hnu atang chuan amahin in a luah hrang ve ta ani. Rual pawl lo hle mahila Ruata nen hi chuan kan inkawm ngeihin ka ngaina em em a, ngaihzawng ka neih ve tawh pahnih pawh ama min pawmpui na nen thlap a nei ka ni.

 

“Ruat, Sangzuala kha ila ngai thin em? Kha higher  a I bialpa kha?”

“Maw, tinge ka ngaih ngawt ang” tap aw tuau chuan ka han ti a

“Aww I bialpa hmasa berte a ni ve sia… nangmah vangin ka kut tum ahma chhawn kha I la hria em?” inchhuan hmel  fe chuan ka kut tum hum ruh chu a han thlek  vel a..

“Chuan a hnek let  ve tho che kha, I hnar a thi vel kha, chuan a kapah ka pet vak kha”

“Ehee!!! Ila hre vek alww.. I theihnghilh  vek  tawh ka ring ania”

“Tah khan tinge kha I hnek kha???”

“I thlalak sexy deuh a tih darh vang kha ni em kha??”

“Enga???!! Lalruathlu suala, min kawp vang nih khaa.. “ ka lukham chuan ka vaw pawp pawp a..

“Haaaa.. I hriat reng chu nge min zawh” a nui nasa lutuk chu ka haw lutuk.. mahse ka rilru tawt up up te kha a kiam huaiin ka hria a ni. Ruata chu ka bulah a thu reng a, a hnu rei lo teah chuan ka lo muhil sek a, min mut that tir lai te, puan min sin that tir lai te chu chiang vak lo chuan ka hria a.

 

Ka muhil lai chu ka thangharh hlawl mai a, ka thil tawn te chu ka ngaihtuah kir a, muthilh lam ai mahin harh lam chu ka pan ta telh telh zawk a. Ka naupanglai thil te chu ka ngaihtuah kir a. Nichin lawk a Ruata sawi  Sangzuala nen a kan inngaihzawn chho ve dan te kha, engkim ah chuan Ruata chu a tel ve zel a. Sangzuala nen kan haw rual dun chang a kan hnung a Ruata amah te a alo kal ve chhet chhet lai te chu ka ngaihtuahna ah alo lang a, ka khawngaih leh hnu hnawh a. Kum khat dawn kan inngaihzawn ve hnu a hmeichhe dang vanga kan inthen te khan kei ai mahin Ruata rilru na khan min ti hreawm zawk, a hnek phah reng a nih kha. Sangzuala’n Ruata a khawih let ve khan hmeichhia ka ni tih theihngilhin a na thei tura ka rin berah ka pet a, midangin min rawn thelh hlauh a. Mahse, kan pathum chuan kar khat chhung school atang a suspend kan ni ta tho a. Kei chuan ka chung a thleng kha pawi tihna ka nei lo, mahse Ruata kha, pastor fapa meuh a khatiang a hrem a ni ve kha pawi ka ti takzet a, ka inthiam lo hle a ni.

 

Khami  kum kha chuan ngaihzawng neih kha ka tum tawh lo bur a, kum dangah pawh a ni mai thei. Duhtu chu tawng ve nual mahila tumah ka la thutak thei lo, ka bialpa hmasa ber ka theihnghilh theih loh vang ni lo in a natdan leh zahthlak dan kha ka chung a a thlen leh ka hlauh vang zawk a ni. August thla tir lam ni ta in ka hria, Ruata chuan hun rei tak mipa min sawipui tawh ngai miah loh hnu ah mi pakhat chu min sawipui leh a. A hming chu Malsawmzuala niin kei aiin kum thumin a upa a, a pa hi professor niin, pa tawh khirh ve tak a nih hmel. Ruata bulah chuan ngaihzawng neih ka duh tawh loh thu chu ka hrilh a, mahse Sawma chuan a mahin hma a rawn la ve nghal a, a ngainatawmin mi puitling tak a nih hmel.

 

Chutia zantin mai kan intext a kan inbiak deuh char char hnu chuan ka ngaina sawt ve ta khawp mai. Ka nun pawh a hma zawng aiin a harhin ka nui ka nui ve ta. Mahse, kan chanchin hi Ruata ka la hrilh miah lo thung, a lakah ka inthlahrung hle a ni. September thla kan chuangkai leh tep tawh a,Sawma chuan ka lakah thil phut pakhat a nei a, chu chu September ni 4, a pianchampha a chaw chhun ei dun a ni. Ka phurin, ka chak a mahse ka huphurh deuh bawk si. Thiam tak leh mawi taka min ngen hnu chuan ka pawm ve ta a.

 

 Ni4 chu a lo thleng ta, tum lawk nei ranin school chu ka pan leh ta phawt a. Class chu kan la tan a, period thumna kan lak lai mek chuan ka pum chu a rawn na ta tlat mai, paper themah chuan Ruata chhiar tur chu ka ziak a “Ruat ka pum ana lutuk, haw ka duh e” tih chu. Ka bula thu te chu pass phei zelin amah chu an pe a, a chhiar velah chuan kan teacher hnenah chuan min va sawi sak a, taxi min lak sakin in lam panin ka haw ta a.. ka rilru chuan “Ruat ka tihpalh aw” tih chu ka sawi char char a. In ka thlen velah chuan hmanhmawh fe hian ka inthlak a, ka kawr ngainat em em leh ka mawipui ber a ka hriat kawrfual sendang chu ka han ha a, ka pheikhawk flat ka kawr rem tur ber a ka hriat chu ka bun bawk a. A birthday thilpek tura ka lei chu a duh lo angem le ti a ka inngaihtuah mek lai chuan kan inkawt a car horn ri chu ka hria a. Ka thinphu chu rang tak a ni, blind date hmu tur ang mai hian ka inhria.

 

Kawngkapui atanga ka chhuak chu zamna hian min man bet ni mai hian ka hria a, Sawma hi vawi hnih vel chu ka lo hmu ve tawh a, mahse hmaichhanah erawh kan inbe lem lo. Ka lam pan alo kal tlangval lo phei chu nidang zawng aiin ka hmu tha ta riau mai, pa sang lam a mawi tawk chauh a cher, ngo lam ai mah chuan hang lampang,a pian chu duhthusam a nii. Khatih hunlai khan MnB thawnthu ziak thin ni ila chuan Spanish tlangval hmeltha tak mai, vun uk kharh, a mitmeng ngaihnobei takin mi a hip nat theih dan chu hrilhfiah thiam chi pawh a ni lo tiin a thawnthu kha ka ziak ngei ang. Chu ti taka hmeichhe tam takin engah vak mah a an ngaih loh ka lo hmu that a em em chu ka tan mi bik ta riau ah min hriattir zui bawk a nih kha.

 

“Kal ila, vawiin chu ka pain a car min hman hawh tir a”.. “aaa…. Ummm kal ang”.. car kawngka min hawnsak pah chuan ka beng bulah a rawn phun sep a “I nalh lutuk”. Uiiii!!! Ka hmul thi ding vek kha a hmuh ka hlauh zia chu. Kha tih hunlai a ka awmdan chu lai, zak ngawih ngawih, hlim lutuk vanga a lo chauh leh sawi tur ber pawh hriat loh chu a ni. Ka awmdan ka hloh ang tih chu ka hlauh ber a ni. Mahse, kaihruaitu tha leh rintlak tak hnuaiah chuan ni hlimawm leh chhinchhiah tlak tak, dangdai bawk si chu kan hmang dun ta a ni. Khami ni chiah kha a zawhna chhana hun a tan pek nit a ila ka rilru kha a buai khawp ang le. Mahse, chhanna chu ka ka pianchampha Sept ni 10 a pek chu ka ti thlu dun ta a.

 

September ni 10 chu a lo thleng ve leh ta reng mai, kei leh Ruata pawh kan phur khawp mai. Sawma tan pawn vawiin chu ka chhanna pek ni tur a ni. Amah ah zamna ka hmu miah lo a, ka lakah hian alo inringtawk hman viau a mi le nge keiman ka lo zir lo zawk lee.. Aaaa chutiang ngaihtuah lo teh ang, ka duh thu vawiin ah ka hrilh dawn alawm, chu chu a ni tawp mai. Zingah chuan Ruata nen kan bazaar a, ka piancham pha thilpek atan enge ka duh chu min han zawt a, keichuan min surprise zawk tur a ka tih pah chuan thil hrilh tur ka neih thu chu ka sawi a, a phur khawp mahse nghak rih turin ka ngen bawk a.

 

Tlai chaw ei tur an lo thleng nak nak tawh a, ka thianpa Ruata erawh eirawng bawl ho puiin a buai em em a. Kei pawh nalh thei ang bera induangin mi nghah nei ranin min lawmpui tura lo kal ho chu ka lo chhawn a. A hnu rei vak loah chuan ka mi nghah ngei chu alo thleng ta.. a hmeltha zual sawtin ka hria, hetia ka hmuh apiang a a hmelthat zual deuh deuh chuan a va buaithlak duh awm ve aww. Ka tan a thilpek intuam mawi tak chu min pek pah chuan “Happy Birthday”… Aw Lalpa ala vei nuih zuii!!! “Ka en chak tawh” ti chuan a beng bulah thei leh thei lo chuan ka han phun sep a. “I ta alawm” a vei nuih leh tawh nia maw le!! “Ka roomah aw” ti chuan ka kai chho nghal vat a.

 

Thilpek chu khum a thu chuan ka hawng nghal mawlh mawlh a “ Woww clutch  maw.. a mawi lutuk!! Engtinnge clutch ka ngaina tih I hriat??” ka han hawi chho chu mit khap miah lo hian min lo en a. “Ihh lo kal rawh, ka chhungte hmuh ve ang” a ban ka chelh a kalpui ka tum lai tak chuan rang takin min pawt let a, ka en ngam lo. Aw ki pa tak, ngenna tel si chuan “Chhana chu” a han t a

“a chiang tawh viau lomi??”

“I sawi kher ka duh”

“engti zawngin”

“ka chhanna mamawh a ni mai lawm”

“ummm aw” ka zam lutuk chu men pawh ka meng  tha ngam lo

“aw chu enge”  a reh vang vang hnu chuan

“aw ka duh che”

“ka mitah en in”

“mawww… I sual e mai”

“chiah???”

“ayh.. anih ka duh che” ka mitah tak en chuan ka ti a

“anih ka duh che chu enge??”

“ka duh…..”ka sawi zo hman lo, ka hriat zawng chu ka hmui khan duat taka fawh a dawng mek tih chauh a ni.

 

“Ruati I nu in… eheee nangni pahnih chu…” kawngka kik ri pawh kan lo hre lo chu ni in

“Aaaa.. Ruat tunah chiah khan a nia, hrilh che kn tum mek a, ti raw Sawma..” sawma lam chu ka en a

“Nia nia.. thianpa tunah khan min chhang chiah alawm..” kan tawng bah nuai, Ruata lah khan mak a tih hmel mai mai bawk sia, a rawn tawng chhuak ta hram a

“In chhe em mai, rawn kal ru”

“Haha.. kan pahnih a tha kan in tih chuan a tawk.. “ Uiii Ruathlua min melh rum zia kha.

 

Khami ni atang khan hlim takin kan awmdun thin a, Ruata te nen kan inkawm deuh chawt thin. Ruata chu ngaihzawng nei ngai lo tih takah a ngaihven lo khawp mai, mahse Megan Fox hi chu a atcilh ve thlawt. Ruata nen chuan pawl sawmpahnih kan pass dun ve thu chuan college kan kal ve dawn ta reng mai, nuam kan ti dunin kan phur dun khawp a. Kan subject lak inang lo mah se kan inngahk zel thin a, star te pawh a nei ve tawh nia. Sawma nen pawn kan inkar chu ala tha reng a, kan zir zawh hun ve ve a inneih mai te kan rilruk tawh a ni.

 

Chutia tha taka kana wm reng lai chuan nikhat chu call pakhat ka dawng a, hmeichhe pakhatin Sawma fa a pai thu leh an inneih tur thu chu a ni. Kei chuan ka lo awih lo em em a, Sawma ka rin em avang chuan. Zanah chuan Sawma chuan min rawn call a

“Bawih zanin chu ka lo leng hman lo mai aw??”

“Aw.. pawilo, mahse vawiin ah maw hmeichhe pakhatin min lo bia a”

“A ni maw.. enge in sawi a??”

“I fa apai thu a sawi a”

“Engaaaaa”

“Tinge?? Mak ti suh keipawn ka awih hleinem, miin min fiam aniang, a ho em mai”

“Ihmaw bawihte”

“Umm.. tinge.. thil dik lo a awm em mi?”

“Ayh , thil hril che ka duh hmai chhanah ngei, mahse ka ngam lo”

“Maw.. ka thusawi kha a tak tak maw lo ni..” ka taksa chu a na vek hian ka hria

“Thla hnih liam ta a ka thianpa birthday lawmna a ka sawm che a, in exam lai anih avang a ilo kal ve duh loh khan zu ka in a…..”

“Chuan… enge.. chuan? Sawi rawh!!

“Naktukah Delhi ah ka chhuk dawn, chuan kan inbe thei tawh rih loang”

“Ngatinge?? Chu ti mai a thlah tur ka ni mi… hello.. hello.. Sawma”

“Bawihte ka tihpalh, mahse ka lo kir leh ang tih ka tiam a che”

“Chutiang ka ngaithla duh lo, ka rilru chu I hmuh tlang vek kha”

“He ta ka awm leh nang nen kan inbiak reng hi kan tan a tha rih lo… ka dah bawihte , Ka hmangaih che.”

 

 

Tah khan a tawp ta vek ani. Kum pawh a liam leh ta reng mai, theihnghilh tum a nitin tha ka pek ve na chuan rah tha a chhuah ve beuh beuh a. Mahse, ka ngaihtuah thin, ka hmangaih chuan fa a nei tawh mahse kan pahnih a fa erawh a ni lo. Ka dam chhung a tan ani nen khan ka suangtuahna chu ka kal kawp tir thin, mahse chung chu vawi leh khatah tih bo sak ka ni ta si. A rawn kir leh ngei alawm mahse ka lo pawm angem. Aww.. hmalam hun hi hre thei ila aw, ahma ang khan awm leh thei dawn ila chuan a fa chu ka fa ang pawn ka en hnial lo. Mahse, a hma ang khan ka rinna zawng zawng hi tih chhiat anih leh chuan ka dam zo tawh lo ang.

 

Ka room kawngka kik ri chuan min ti harh zawk a, ka lu chu a na bur mai, nizan lam a ka tah vang pawh a ni mahna. “Lo lut” ka sawi zawh hma chuan Ruata chu a lo lut a

 “I dam lo a mi? Class kal tur a lo sawm che ka tum a”

“Dar engzat nge ri tawh a? thawh ka hai leh pek a ni maw..”

“Vawiin chu chawl mai la, I chau a nih kha”

“Aih ngai lo, first I nei ti raw.. lo va kal rawh taxi emaw busin ka lo kal mai ang”

“A ngai lo, I lo kal theih dawn rau rau chuan ka nghak ang che, va inbual rawh.. I ei tur siam turin ka zuk hrilh ang”

“A van nuam lo.. lo va kal mai la”

“Ka chhuk dawn choka ah, va inbual rawh”

Ruata hi awm lo se engtin nge ka tih ang le.. ka tan hian a hlu hliah hliah a ni. Ka inbual zawh chuan inhnuai lamah thil ei turin ka chhuk a, ka nu chu dawr nghak turin a chhuak tawh a, ka pa pawh Office kal turin a lo in peih diam tawh bawk a.

“Mambawih, thiante kaih thawh ngaiin I awm leh ta elaw”

“Nizanah ka muhil thei loa”

“Ngatinge, I lehkha zir nasa lutuk hi I dik lo te hi ni lo maw” nui huah huah pah chuan a ti a

“Teuh lo mai” Ruata lam chu ka va en a, a chanchinbu chhiar lai chu bih pahin a lo nui tet tet a, ka pa nen kan inbiakna kha a nuihpui tih ka hre reng mai.

 

Ruata pawmpuina ngeiin Sawma chu ka be leh ta a, mahse ka chhungte erawh ka la hrilh lo, engtinnge an ngaih ang le. Mahse, hei hi ka hre chiang ka nu leh pa te hian mi thil tih sualah an en hniam mai ngai loa, Sawma pawh hi pawm leh harsa mah se an rilru ka hneh thei mai ang tih hi. Hlimna chu nei ve thin mahila a hma ang erawh a phak tawh lo, A fa neihna nu nen chuan an inhnaih hran lo tih hre mahila naute in la tawn reng an nih avangin an inhmu lo thei si lo. Ka thin ti rim ber tu ni thin zawk chu naute la tur leh dah tur a naute nu kher a kal thin chu a ni. Sawma hnenah chuan sawi chak thin hle mahila a tih sual ka ngaihdamna kawngah khang ang kha chu a thleng thei tih ka hre ve reng si a. Mahse a taka a han thlen meuh chuan mahni hmasialna hi dah bo a har leh thin si a ni.

 

Inrinni vawi khat chu Sawma chuan a fanu chu midang an hman loh avangin aman a awm mai a ngaih thu min rawn hrilh a. Ka nu’n dawr a nghak tho a, ka pa lah ka patea te tlawh turin a chhuak dawn tho a Ruata chu naute nen lo leng tur chuan ka hrilh a, a inthlahrung hle na chungin ka chhungte an awm dawn chuang lo tih chuan ka ngen bawk nen, naute nen chuan lo len chu an tum ta a. Amah chauh pawh a lo la leng ngam rih lo kha midang nen a an fa nen lo leng turin ka thlem chu ani sia, eng ngaihtuahna nge maw ka neih le.

 

Kawngka atang chuan khawvel mipa a hmeltha ka tih ber naute pawm a lo kal phei chu ka lo thlir reng a, a hmel leh a pian te saw a hma ang khan ka mit la tu ber an la ni reng, mit la thei tawh lo khawp a chul tawh pawh nise he thinlung hian a laka ka rilru put dan ngai kha ala pu reng ang.

“Khawi ka lo la ang, I chau em?’ naute chu ka la vat a

“Chau ve tho a chum bem buam lutuk aa”

“A kal theih na a rei tawh em?

“La rei vak lo, a birthday khan a kal thei tan ve deuh”

“Enge a ei duh ang, ka siam dawn ami?”

“Aih a ei tur chu a nu in alo dah tel zel a, ka lo keng tel vek mai” a nu tih a a sawi chuan ka zawi hnawkin ka hria, mahse tih lan loh hram ka tum a, chhan erawh ka chhang tawh lo. A hnu lawk chuan amah zawk chu alo tawng leh a

“Ka tho tlai lutuk a, ka nguai bur mai”

“Min lo hrilh khan I tho tawh maw ka tia”

“Teuh lo, ka la mu.. hei hi an rawn dah a, ka inbual a ka lo kal nghal”

“Chaw pawh I ei lo a?”

“Ei hman hleinem”

“Van mak thin,ka siam ang che aw” naute chu chhuata kan pher phah ah chuan ka dah a, a toys khalh tur chu a hma ah ka dah sak teuh bawk a, Sawma chuan min en reng tih chu hre lo ang takin ka tho a choka lam ka pan phei nghal a. Chawhmeh ka chuan lum lai chuan Sawma chuan ka hnung atangin min rawn kuah a

“Bawihte ka ngaihtuah ang hi I ngaihtuah ve tho ti raw..”

“Umm, chhungkua kan ang tih hi maw.”

“Aw ni e, keimahni naute tur I awt ve lomi?”

“Chu bak a awh ka nei hleinem”

“a nih inneih I chak em?” naute pen ri chhet chhet leh tawng fiah mang loa “Pa…” a tih ri chuan kan boruak a rawn thlak leh tlat mai. Ruata hnenah chuan lo va awmpui turin leh a chaw ka siamsak lawk tur chu ka hrilh a.

 

Sawma’n chaw a ei lai chuan Puipuii chu ka lo awm a, a duhawmin a hmeltha ngawt mai, ka fa han ni zawk se aw tiin ka ngaihtuahna chu a kal kual vel ruai a. Kal chakte kan in zirtir a, ka nuih nasa lutuk kha Sawma pawn mak min tih hmel zawk in ka hria, Puipuii pawh a nuih nasat lutuk vang nge a irhfiak a, zei lo ve ve in kan awm bawk nen kan thiam lo dun hle mai. Chawchhun ei hun a lo ni ve leh reng mai, Puipuii chu keiman chaw ka pe a, a chaw ei kham chu ka inbual a. Ka inbual, ka inthlak zawh inhnuai lam a ka chhuk chu an pafa in in puak mut an lo tum nasa mai, naute lah muhil duh mai bawk si lo chu, Sawma ka khawngaih zawk hle a ni.

 “Khawi ka lo pua ang”

“A ngai lo, I thiam lo ang”

“Nang ai chuan ka thiam zawk fe”

“Nih kun rawh,ka lo nghat ang” .. Ka lo paw thiam viau aniang nge a mutchhuak tawng khawng zawk a muhil ve vat a.

“Khawnge I kalpui dawn?”

“Ka roomah ka mut dawn, bengchheng suh, a harh ang”

“Ka lo chho ve dawn”

“I bengchhen dawn loh chuan”

Ka khumah chuan ka mut a, a rawn thaw ri sek sek a, a chalah chuan ka fawp zeuh a. Sawma chuan min rawn kuai mu a, kan pathum chuan khum khat a mu kan nita reng mai. Thawm dim takin a lam chu ka hawi a. min fawh na chu tha takin ka lo chhang let a. Puipuii chu a lo rum deuh a, hmanhmawh takin ka va chul mu leh a.

“Vawiin chu bawihtei hi ahnawk tep”

“Che miah loa mut angai nih kha, I fanu tan”

 

Doorbell ri zing tak chuan min ti harh a, Sawma pawh alo muhil ve a. Hmanhmawh takin inhnuai lam chu ka pan a kawngka ka hawn chiah chuan, enge ka hmuh hi!!!

“Khawnge ka fanu I dah??”

“Maw…”

“Ka tawng I hre lo ami, Vanlalruat, khawnge ka fanu I dah??..” Ka chhungte hian vawi khat pawh ti khan min la ko ngai lo

“Ka khumah a pa nen an muhil, bengchheng suh in ti harh ange”

“Enga?? Eng ang ah nge min ngaih aa?? Engzat man chiah nge I nih a?”

“I hlutna let sangkhat pawn ka hlutna hi a hen lo Becky”

“Mi pasal hual duhlai nen khum khat a mu chu engzat fakau chuan nge I hlut ve ang le”?

“Mahni nulat thianghlimna pawh hum zo loa, mi bialpa duhlai mutpui a, nawmchen nan a hmang nang mi hur herh hian ka nun I ti chhe lo chauh a sin”

“Sawma hi I hre chiang lo anih chu, kei tluk a nawmna pe thei an awm lo hmanah leh tun thlengin, chute nilo se kan in thlah tawh ang”

“Nawmna pe mahla hmangaihna ka pe tuma pek ve theih loh”. Naute tap ri chu alo hnai zel a, hmanhmawh takin Becky chuan alo la vat a. Ka mittui hnam tiam chuan Sawma chu ka va en a, engmah hre ve lo ang mai hian a awm a, kha tih lai a ka hrilh hai zia kha Ruata’n min hmu se min khawngaih ngawt ang. Tawng miah lo chuan an chuuak a, an car a tlanliam velah chuan ka thu hnawk a, ka pum hian ka na vek ni ber in ka hria. Thutthleng lam chu thei leh thei loin ka pan a,ka tluzal rih ta tawp a, ka lu bulah chuan enge mawni hi a lo awm a, ka en chuan Sawma phone a lo ni a, a theinghilh chu ni in. A dik lo tih hre reng chungin ka check ta a, Sawma chuan a vawi hnihna atan min lo bum leh reng ani. Becky thusawi kha dawt pakhat mah a awm lo, mi pasal hual duhlai chu kan inah leng turin ka sawm a lo ni, nawmna pawh an lo la in pe chawl ngai lo. Chhungkua din tur hian hmangaihna aiin sex hi em ni lo pawimawh zawk le?? Khawnge ka dikna rah chhuah ve te kha an awm, neih ka neih loh tehreng nen a ti dik lo tu chuan ka neih chhun min chhuhsak leh si amaw..?

 

Thla khat dawn chu a liam ve leh ta, kha tih hunlai a ka hun hmandan pawh kha ka hrethiam zo zai tawh lo, ka hriat ve chhun chu ka kiangah ka chhungkua leh Ruata te an awm tlat tih a ni.

“Ruat suit nalh deuh thui tir rawh”

“Engatan?”

“Thlalehah Sawma te an inneih dawn, keipawh gown nalh deuh ka thui tir ang”

“Khawvelah hian ani nen chauh pawn awm ila a inneihna hmunah chuan ka kal ngai lo ang”

“In pahnih chiah a in awm te chuan tu nen nge an inneih nga?nangmah nen maw..haha”

“I rui mi?”

“Khawi ami”

“Hmanni ah I roomah a bur ruak ka hmu”

“I roomah cd hawn hnu hmu ila I ti tihna ni kher a mi?”

“Khawvel a ka hmeichhe ngaihsan loh berte awm angin I awm mek ania Ruati”

“Min ngaihsan lai pawh khan engmah ka ni ngai hleinem Ruat” ka nuih har har a “Tak tak nang chu Pastor fapa I nia, bialnu pawh nei thiam lo.. ti raw”.. thip zet hian min melh a, min kalsan ta daih a.

Ruata nen kan inhmuh apiang chuan tawngkam mak tak tak ka hmang a, mahse a ngawi reng thin. Ka chhungten min biak pawn a changing ka chhang a, a chang leh hre lo ang hmakin ka awm thung. Ka nun hi ka ning a, dam hi ka kham tak zet ani. Hei erawh ka tum nghet bur Sawma te inneihna a kal chu, mahse Ruata hi thlem fe ala ngai ang.

Zanah chuan Ruata chu ka va call a

“Ruat ka chau lutuk”

“I pentawng ami??”

“Aih, engtik lai pawn ka rui bik hleinem”

“Engtik la pawn  rui lo thei la ka ti”

“Ka thei alawm, mahse nangman thil min tih sak phawt la”

“Um sawi la”

“Sawma te inneihna ah ka kal duh”

“Chuan I rui tawh lo ang maw”

“Aw.. ka ti tak tak..”

“Um kan ngaihtuah dawn nia”

 

Ka pa chu a car hman ka dil a, Ruata nen kan thiante inneihna a kan kal tur thu ka hrilh chuan alo phal ve mai. Ruata hnenah chuan phur takin ka va hrilh a, a bike a kan kal theih tho thu min hrilh chuan “kan theih loh chhan I hre dawn alawm” tiin call chu ka ti tawp a. Suit nalh nalh tak nen a lo kal a, a pian a dik bawk a a inhmeh hle mai, lerh ve deuh se chuan awl hman meuh lo khawp a laktlak chu a ni ve  a sin. Mahse, a danglamna nge a nei ve tak tak thei lo lucy pawh khan mipa dang a zui san leh tawh tlatin ka hria.

“I la insiam na nge, hmanhmawh ta che”

“Aw, dress chiah nimai adang ka zo vek tawh”

“Chho vat rawh”

Darthlalang hma ah chuan ka in en a, heti tak hian a ni maw.. mihring thil siam pakhat lekin Pathian kutchhuak mihring a chei mawi theih tiin ka ngaihtuah a. Ka kawrfual nainawk rawng lar lampang, ka pian mil taka thui ka khup chung chen vel thleng ka hak mek chuan nasa takin inringtawkna min pe a. Ka bawp sei ve tawk tak nidang a ka uksak vak ngai lem loh te leh ka pheikhawk bun hemi ni liau liau atan a ka lei te chu nalh tiin ka thlek ngawih ngawih a. Ka bag la in chhuah ka tum a, ka ding leh thut “Lawk… ngam huaina” kawngka ka kalh a ka no hnih chu tui pawlh hranpa lo chuan ka va tlak leh pap a. Inhnuai a ka chhuk chuan Ruata chu a lo awm tawh loa, garage lam ka pan ding nghal a. Ruata takngial pawn mit khap lek lo in min en heu nia mawle

“Heiiiii Ruata”

“Bike a chuang chi zia zang I ni lo anih kha”

“Ka tih mai kha” Car ah chuan ka lut nghal a, Ruata lo thu lut chuan a hnar a rawn len nghal

“Vawiin thleng chiah ka ti tawh dawn nia” no thei ang ber chuan ka melh tlawn a

“Huh.. I awmdan I hloh vaih chuan ka hawsan ang che”

“Awleeee  awleeee” Ruata chu a tawng tha peih lo tih ka hre reng kei erawh kai phur bawk nen ka tawng char char thung a. Biakin kan thlen chuan mi an lo awm nual tawh a, Ruatan zu ka in avang chuan biakin chhung a luh a phal loa, keipawn ka tum buai hran lo. Mi chuan min en duh bik riau hian ka hria, Sawma bialnu hlui ka nih vang nge ka inchei dan khan min ti danglam lutuk zawk. Ni e, heng tiang ang hian ka inchei ve ngai tlat lo alawm achhan chu hmeichhe pangai tak nih pawh ka tan ahar a, mi danglam ni tur phei chuan ka tlin ve ngai loang.

 

Thlalak na lam chu ka en reng a, hmu phir he hu mahila ka hmuh tur chin chu ka hmu chiang tawk hle a ni, “mopa hmelthat dan leh nunrawng dan chu a in tiat reng” tiin ka phun sep sep a. Ka awm rei telh telh a ka rui telh telh in ka hria, hmelhriat loh te kha ka lo be leh luam thin. Ruata chuan ka duh loh chung chu Car awmna lamah chuan min hruai lui ta a. Carah chuan ngawi rengin ka thu ve ve a.

“Ka haw san ang che ka tih kha I theihngilh ami a Ruati”

“Pawi lo, haw mai rawh.. ka hmelhriatte pawh an awm teuh alawm, nang chauh kawm tur an awm tihna pawh nilo”

“Mi zawng zawng hian rilru natna tur kan tawng vek, I awm ang a awm kha chu an tlem ngawt ang”

“I tawng ve taw tho ami Ruat….. Ruat…. Heiiiii.. lo hawi teh” tukverh lam chu a la en ngat ngat a

“Ruati”alo hawi let a.. a ngawi deuh vang vang a

“Umm.. tinge ti khan min en reng a…….min it ami?hahah”

“Aw” ka mal ka kawrfualin a khuh chin a chanve chu a thlek thla a, a kut chu a rawn nghat a

“Ruat.. tinge?” ka thinphu chu a rawn rang nghal a, ka kut ka hum tlat bawk a

“Vawiin hian I nalh lutuk” tih pah chuan ka sam ka hmai khuh chin chu a zep kiang a, min rawn hnaih zelin ka awm velah chuan a thaw lum ham ham a, meng pawh ka lo meng phal tawh lo. Ka ngawngah chuan dim taka kuah in a hmui leh ka hmui chu a insi  ran a. Dan tumna ka nei loa, dang tur pawn ka awmdan kha ka hloh vek a ni. “I duhawm lutuk”a phun sep a duhthawh takin min fawp a, chhanletna chang hre lo mah ila dan tumna ka nei hran pa chuang lo. Ka nghawngah fawp thla zelin ka awm bawr chu a rawn khawih thawi deuh fua thin a, rui lo ila chuan rilru fim ka pu thei ngei ang mahse ka rui tlat si . A kut chuan hnuailam a pan mek lai chuan ka inthunun the ihram a

“Ruat a tawk!!” ani pawh chu a thu tha nghal vat a, ngawi reng a kan thut dun hnu chuan a phone alo ri a

“Aw, Lucy enge nita….

Engtinmah tih ka tum hleinem.. naktuk ah college ah ka lo keng ang.. engmah a ni lo ang… ka dah dawn ka buai deuh a… “

“Ngatinge Lucy chu?”

“Engmah ni lo.. haw I duh em?

“Aw duh, haw ang tih tur I nei ang”

“Ka nei lo, I chauh hmel em a”

 

Ni hnih tawp chu Ruata chu a reh hmak mai, thil thleng vang kha a nih ka ring a be hmasa tu nih ka duh bik lo a ni. Diktak chuan kha thil thleng khan min thawng a, mak ka ti hle a ni. Ka rilru ah chuan Ruata ang mipa fel taka ka lo chhiar pawn remchang a lo zawng ve tho anih hi, nge ka awmdan kha ka sihhnip zawk viau em ni?? Mahse khatiang ang rilru alak a ka put ngai loh zia chu a hrechiang ber tu a ni si, tuman hi rin tur an ni lo em ni?? Mahse, chutiang khawp a sual tur chuan ka dah phal bik si lo.. “aaa ngaihtuah tawh lo teh ang” tiin ka hmunphiah lai chu ka phiah zawm a, ka computer dawhkan hnuai ka hawl lai chuan pendrive pakhat hi ka phiat chhuak nawlh a. Ka ngaihtuah let a, hmanni lawk a Ruata alo kal tum a ka computer a khawih tur thu min hrilh khan a theihnghilh aniang a. “Kan en chin “ ti leh ka vit lut nghal a image folder pakhat ah chuan Lucy  tih hi a lo awm a, ka han hawng chu min ti phu chiang kher mai, Ruata kawl atan chuan a awihawm loh zawk hial a ni. Khang Car a thil thlengte nen khan ka ngaihtuah a, Ruata hi a danglam tawh tih hrilh nawn ka ngai lo, mit ngeiin ka hmu a ni.

 

In a ka lut thawm pawh a hre lo , khumah chuan a lo in chhap darh nuau a, thil zawng a ag hlei mai. A room khawngka bulah chuan dingin “Hei hi mi I zawn?” a rawn hawi chhuak a ka kut a pendrive chu a phih hian a phih thla a.. keichuan mei nei fe hian

“Best Photographer”

“Chhuak rawh” chu thu chuan min deng dawt mai.. chet na chang pawh hre loin ka ding khawng reng a

“Chhuak rawh ka tih chu” a rawn ti leh tuar a, ka mittui chu a rawn hnam nghal a, a in atang chuan ka tlanchhuak nghal bawk a.

 

Beidawnna thuah hnih, ka hmangaih ka chan a, ka thiantha ber pawh ka chan mek a ni, chu pawh hmeichhe lepchiah lutuk te pahnih vangin. He khawvelah hian mahni chauh a awm ka zir a ngai ta maw.. ka nun hian hlimna a phu ve lo em ni? Nge hmeichhe lepchiah takah chhuak ve in mi inkar ka tibuai ve zawk dawn. Ni lo, chutiang ni turin ka nu leh pa ten kei hi min enkawl seilian lo. Mahse, an rilru ka tih nat chu an phu ve in ka hria. Beidawnna te chu dahtha in huatna chu chakna ka in pek tir zawk dawn em ni, engmah ti thei lo ka ni bik hleinem, heng ho hi ka hmuh tir ve an ngai a ni.

 

College ah chuan mi zawn nei ranin ka kal a, kawtzawl a nula chhe lo tak tak ho lo thu zingah chuan ka va thu ve a..

“Lucy”

“Ehe, Ruati teh mial chu.. lo thu ve rawh, Ruata I nghak a mi?”

“Ammm aw, vawiin chu Ruata hian ka thla la ve se ka tia, han in phelh ruak tak tak ila ka nalh ve tho in ring em.. Manun, Lawmi.. in ring em?’’ an lo nui tet tet hlawm tih ka hre reng, Lucy erawh a hmel a dang nghal vek, a nuam ka ti telh telh.. “Lucy thla lak nuam iti ti raw..”

“Ruati saw tah min lo kalpui lawk teh” min kaih arual nghal a kei pawh chu ka tho ve nghal a, building lam chu min pan pui a

“Tah hian a tawk” tiin ka ding a..

“Ruati en teh I thil hriat”

“Eng ka thil hriat maw..” ka hnung lam atanga min pawt let dawr tu an awm a

“Hetah enge I tih?? Kal ang”

“Ruata en teh Ruati hian.. thil” khawngaihthlak hmel tak hian a rawn ti a

“Engmah ni lo Lucy, a tha vek” ti chuan Ruata chuan College pawn lamah min kai phei dawr dawr a.

 

“Kha nu kha I tan enge a nih, hetia min tih vak a”

“I tan hian enge ka nih zawk, I tan tih loh ka nei em?? Ngatinge I rilru hi a chhiat em em aa?? Engmah I hre lo, Lucy saw tibuai tawh suh khawngaihtakin Ruati.. chuan keipawh min awm tir ve mai mai rawh”

Ni e, eng vang teh hrepin nge heng thil hi ka tih le?? Ruata hi ka thian ve mai chauh ania.. ngatinge ka lak nat em em. Ka chan tak Sawma neih let nan khan engmah ka ti ngam loa, ka neih sa ani pawh kha ka hum zo lo a ni si a. Ngatinge ka thianpa ve mai tan hian heng ang thil zahthlak lutuk leh ka ti atan pawh a mawi lo hi ka tih duh zawk le. A duh duh dan a anun hi ngatinge a ngaih theih loh a, a mi hnaih reng reng hi huat en a ka en tlat zel le..?? Ngatinge a ngaihpawimawh ber ka nih loh hi ka hlauh tak thut mai le..

 

“Vawiin kha ka tih palh”

“Reply teh Ruati, engkim ka hrilhfiah vek ang che.. I ngaih ang kha ka ni lo”

“Nih leh le min reply dawn loh chuan, hei hi lo hre reng rawh, chan che ka duh ngai lo, I thian nih reng hi ka duh tih tal min lo hriat sak dawn nia”

“Ruata engkimah ka lawm tak zet, I nun a inrawlh thuk ka tum avang hian ka tihpalh lutuk.. khawvelah hian kei chauh ka awm emaw ka lo ti a ni, I tan a hnawksak nih hi ka duh tawh lo, magtha kumkhua atan.. ka hre reng ang che” tap chungin ka type a, ka thawn zawh chuan a number ka block vek a, ka phone ka off nghal bawk a. Zan chu tapin hun ka hmang ral thak a, ka rilru hi ka hrethiam thei lo, ngatinge hreawm ka tih em em le.

 

Ngatinge damchhan chan ang mai a ka awm tak mai le? Tunah chuan Sawma vanga ka tawrh na te kha pem ho tak ang main an lang tawh a ni . Ruata vanga ka tawrhna erawh ser thuk tak angin ka nunah thai reh a har telh telh tawh zawk si. Ka ngaiin ka thlahlel em em a, diktak chuan ka nun hian a mamawh takzet a ni. Kan hun hman dun za a sawmsarih hi chu min tih hlim nan leh ka nat hlau takin min veng tlat thin kha a ni si a. Tunah chuan ka nunah a awm tawh lo ringawt hi chu hriatthiam a har a ni. Ruata hi ka lo hmangaih hle a ni lo maw le, thian hmangaihna chuan ka hmangaih tih chu a hai bik lo, thian hmangaihna mai ni se ti khawp hian a in mamawh thei ngai dawn em ni.. Mahse, lo hmangaih pawh ni ila awmzia a nei tawh lo, thian takngial pawh kan ni tawh hleinem.

 

Hmun dangah kal a rilru paih thawl hawk chu tun dinhmunah chuan ka mamawh ber a ni. Ka nu chuan Thenzawl lama ka nutei te va awmpui lawk rih tura min sawi hmuh chu ka lawm angreng hle mai, inngaihtuahna hun pawh insiam lem lo chuan kan aw ve hmiah a, kal tur chuan ka in buatsaih nghal bawk a. Nidang chu nise Ruata hnenah ka hrilh anga alo kal ve chak vangin hun insiam phet a tum leh awm si a. Ngatinge engkimah ka la ngaituah tel tlat le, keimah pawh hi ka in haw zawk thin. Theihnghilh tumin ka kal dawn a, avaiin thei lo mahila ngaihtuah dang tal neih chu ka tum a ni.

 

Ni thum chu a cham tling ve leh ta reng mai, keimah pawh ka zia phah in nuam pawh ka ti telh telh a. Ka nutei puantahna bulah awmin ka inzirtir ve bawk a, a lo har phian lehnghal a mahse midang ho chuan ka thiam chak thu min hrilh sap sap hlawm a chu chuan min ti phur hle bawk a ni. Tlai dar 3:30 a pel deuh thuak tawh a, ka nutei fanu naupangber nen chuan eirawng kan bawl a, kan titi tui dun khawp mai, chutih lai chuan ka phone a lo ri a, ka nu call a lo ni a..

“Aw nu”

“Mambawih, nichin lawk khan Ruattea a bike in a accident a”

“Maw.. nu tunah engtinge a awm?”

“Damdawiin ah kan awm mek a, a nu te pawh a rawn chho nghal ang”

“Nu, tunah ka lo phei ve nghal ang, ka nutei motor ka ngaihtuah tir nghal anga”

“Aw, a pawi lo ang, hlauthawng lutuk lo la, Pathian ka nei tih kha I theihngilh ange”

“Awle nu, ka dah”

 

Ka nutei chuan motor remchang mai tur chu ahan dap kual a, kan hmu thei mai si lo. “I u Mama nen hian a bike in phei mai ula I hreh em??” duhthlan tur dang a awm si lo, November thla tir khaw vawt vin tak hnuaiah chuan bike in Aizawl lam pan chuan kan in khalh phei ta a. A vawh em avang chuan U Mama pawh khalh chak tum lo tur chuan ka hrilh a, ka rilru erawh a hmanhmawh hle a ni. Kawng tluanin rilru tawngtaina ka nei a, khaw vawt hnuai a tlan chung chuan ka mittui chu a tla reng bawk a.

 

 Zan dar 7:30 velah Aizawl kan lut a, damdawiin lam kan pan ding nghal a. Ruata chu nikhaw hre lo in alo la awm a, ka nu min hrilh dan chuan a ban dinglam leh a ke dinglam ruh a tina alo ni a,a lu a sawh na tel a bawk a, a hmel ka hmuh chuan ka insum thei lo, inthiam lohna in ka khat a, ka lainat takzet a ni. A tan hian thiantha ka ni ngai loa, ka tan erawh a ni reng thin, ka mamawh lain min kalsan ngai loa, ka tan a awm reng thin. A laka ka rilru put hmangte hi hmangaihna ai chuan keimah ka in hmnagaihna leh mahni hma ka sial vang chauh a ni. Ruat vawikhat tal ka tawng hi hre leh thei la ngaihdam ka dil duh takzet ce a ni.. khawngaihtakin. Ka nu chuan in a riak tur a min tih avang chuan u Mama nen chuan kan haw dun a, zanah pawh ka muhil thei lo Ruata chu ka rilru ah a awm reng a, a harh tawh leh tawh loh chu amah awmpui vetu Ruata patea fanu U Masiami chu ka va zawt chhen a, mahse ala harh loh thu bak min hrilh ngai si lo.

 

Zingah chuan hma takah tho in Ruata in lamah ka phei a, a chhungte an lo thlen tawh avangin a in chu ka va tih fel sak a, ka nu leh U Masaii chu a khat tawkin ka va be reng a, Ruata chu harh tur ang deuh a alo awm zeuh zeuh thu min hrilh chuan beiseina sang tak ka nei a, a nu te pawh inti fai tur vel a an lo phei tep thu min hrilh bawk a. In ka tih fel pah chuan a khat tawkin ka chawl a tawngtaina ka han hmang leh rih thin a. Hmanni lawk kha chuan tawngtai a beidawng thak kha ka ni a, tunah erawh Ruata tan ka tawngtai cham chi mai zawng a nih hi. Ruata lehkhabu remna ka tih fel lai chuan a diary ka hmu nual a, chhiar ka chak lutuk tlat, mahse a dik lo tih ka hre bawk si , chhiar lo chuan ka kalsan ta a.

Kan in a ka thlen phei leh chuan amah awmpuitu te ho chaw ei tur ka siam a,ka inti fai sawk sawk a, ka pa kaihthawh mai ka tum a mahse tlaivar deuh thaw a a awmpui avangin a chauh hle ka ring bawk si, taxi in Aizawl Civil Hospital lam chu ka pan phei ta a. Ruata awmna Cabin lam ka pan a, a lo awm tawh miah lo, hrilhhai tak a ka nu call ka tum lai mek chuan ka lam panin a lo tlan a, Ruata chu a buai deuh thu te, thluaka thisen tling a nih thu leh an zai nghal mai dawn thu min hrilh a. Ka hlauhthawnna chuan ka thau ah a man a, che sawn tur pawn ka tha te chuan min peih pui tawh lo, khawk rum rum a tah ka van chak em.. mahse chu chauh pawh chu ka tan thil harsa tak a ni rih si.

Nu, ngatinnge chutiang khawp a na anih thu nizan khan min hrilh loh?? Ka kalsan miah lo anga, a bulah zankhua in ka mitte hi chhing miah loin ka veng tlat tur.. Ruat tinge hetiang khawp a na hian I awm, hetiang em em a na buaipui tur hian ka chak tawk lo tih I hre ve reng si a.. hmanah chuan harsatna tawk mahila ka nei che tih ka hre tal a “A tha leh vek dawn alawm” ka ti thin, kar kalta mai pawh khan ka nunah awm lo mahla he khawvelah dam takin nun ila hmang tih ka hre tal a mahse tunah hian enge thleng hi thih leh dam inkara awm a tan chuan a la hun lo Ruat.. Lalpa ani hi min laksak anih chuan min vengtu vantirhkoh ka nei tawh dawn lo asin, vantirhkoh nei reng chung pawh a tlu tlu thin kha ani hi ka chan anih vaih chuan ka nun chanve hi thi an ni mai dawn tih I hria ti raw.. lalpa I ti dam anih chuan amah vengtu vantirkoh ka ni ve tawh ang, ka tana atih ang chiah kha ka ti ve ang.

Inzaina rooma an nawr luh hma a a thawm ka hriat theih chin chu a au ruai ruai ri te kha an ni, kha thawm kha a ka atanga chhuak ka hriat tawp a ni ang tih chu ka hlauh ber a ni. Keizawng ka a thei takngial dawn, enge ka tih ang.. ka rilru ah chuan biakin alo lang a, damdawiin a an inkhawmna lam chu hmanhmawh takin ka pan ta a. Biakin ka luh chuan maicham hma a lo thingthi pa upa lam niin ka hria, a lu um chu Ruata lu um nen a inang hle a, alam chu ka va pan hnai zel a, a tap tih hriat tak hian a in hnit faih faih bawk a,a tawngtai thu chham chuan he thinlung tap thei lo khawp a ngawng chu tap ruah ruah thei tur khawpin a rawn siam a ni.

“Lalpa, hausakna nawmna ka tan ka dil ngai lo che, ka fapa tan a zantin leh tuktin a hlimna ka dilsak thin kha ka hma ka sial lutuk em ni? He khawvel hreawm a tih avanga chhanchhuah tur anih khawp a lei a hreawmna a tawrh hi eng ni Lalpa, ka fapa Lalruathlua hi a nu chhul atanga alo pian tirh atang khan I tan a nung turin leh I rawngbawl turin hriak thih a ni tawh a sin. Engatinge ka pa, I tan rawngbawlna pen khat pawh ala pen hma a min laksak mai I tum le……A tette atangin kan kiangah pawh awm tam thei loin a zirna avangin kalsan a ni thina, heng khawvel changkanna ka umpui dawr dawrna kawngah hian tih dik loh ka nei em ni ka pa, ka hma ka sialna kawng tho a ni ti raw.. I ngaihdamna ka ngen a ni Lalpa………. Ka pa I thu a ni e, a hlimna ka dil angin he khawvel hi atan hremhmun anih mai dawn ai chuan a lallukhum chu khum tir tawh mai rawh lalpa”. “Chutiang a thleng dawn lo” ti chuan Pa Thanga chu ka zuk kuah a, keini pahnih chu maicham hma ah chuan kan tap dun a.

Inzai kan nghah chhung chuan in hnit faih faih ri bak ri dang hriattur a awm lo. U Mama chuan intur ilo vel a lo keng a, engmah hi ka ka ah a lut ve thei lo. Ka ngaihtuahna te chu suangtuahna ram nen a in fin a, naupang te kan nih lai te chu rilru ah a lo lang ruai ruai a, kan bukte lem te, ka nu huan a antam chin kan lo phawi zawh dun vek te, school shoe khing lehlam chiah kan inbun thleng te, ka homework tih peih loh tih tir phet ka tum a, a duh loh avanga kan in a len ka phal loh thin te, a pa an sawn tirh kum 13 mi lek anih a, a pa te kal tur a ngen nasat em avanga a tap lai te, tah khan ka lo tahpui ve ringawt bawk a, ka bialpa neih hmasa ber nen a kan haw dun a kan hnung a alo kal ve chhet chhet te, a star Megan Fox ang deuh hnung a ka haw luihpui tlat thin te..engkim, engtik lai pawn ka kiangah a awm a ni.

“Doctor enge chanchin nita??” ka ngaihtuahna muk taka tang chuan ka harh zawk a
“In zai lam kha chu a hlawhtling thawkhat viau a, mahse thluak lam hi chu han sawi lawk theih loa, rawn harh phawt se a awmdan a zirin engkim kan enfiah leh dawn nia”
“inzai khan awmzia a neih thui loh chuan a hriatna a hloh dawn itih na em ni?” Ka lo ti vat a
“Hei hi a chiang chiah loa, hriatna hloh vek thei tur khawp a serious chu a ni chuan kan hre lo, mahse a tir chuan pangngai chiah loa a chhuah theihna chance hi sang viau a, hei hi enkawl ngun an ngaihna pakhat ania, a awmna environment a zirin ahma ang chiah pawh khan a awm leh thei. A chhung hnai te ber khan office ah min lo zui lut lawk ta che u”
Lalpa lehh!!! Ruat.. ka lungphu chuan sawi tum ve nei niawm takin min rawn nghawr dawt dawt a, ka thisen zam kal lai te chu a tawp ta vek ang mai hian ka hria a, ka bing mup mup a, ka nu chuan “Mambawihi kha a awmdan a dik lo” ka kianga awm ka chhungte buai laih laih chu ka hlat telh telhin ka hria a.. “Bawihi in control rawh..”
“Harh tum rawh mambawih”… “Ruati, maruat.. ti hian awm suh, a dam leh dawn alawm”
“Aw, nu ka tha” ka phun sep a.. Nurse ho chuan min rawn buaipui lai vel chu ka mang hriat deuh hui a, muhil hman ka ni lo, Ruata lo harh hunah min hmuh loh chuan, a ni thei loang.. tlem chuan ka zia deuh, ka meng tha thei deuh ta.
“Nizan ah I mu lo ami” nurse chuan arawn ti a
“Um ka muhil thei loa”
“Tiang chuan I chau telh telh ang, muthilhna in ka jection lawk che anga, I chawl hahdam dawn nia”
“Aih ngai lo”
“Mambawih thu awih rawh, hei aia hun harsa hi kan la hmachhawn a ngai mai thei a nia”. Ka nu thu chu awih in ka muhil ta siai siai a.

Ka harh leh chuan khua alo var tan tep tawh a, darkar riat chuang zet ka lo muhil anih hi..
“I lo harh tawh maw..”
“Nu Ruata a harh tawh em?”
“Aih a harh ala hun lo aniang mambawih kha doctorin thil thlum lam ei rawh se a ti a, Rasgulla tal hi ei rawh aw”
“Nu engmah ka ei chak lo”
“Drip khai a Ruata bula kal theih miah loh I duh zawk a mi”
“Aih”
Ruata kan tur chuan ka beisei aia tam daih an lo kal a, a bula awm phal lo mah se an ni chuan min thlamuan ve em em a. Ruata nen hian thian dang kan kawm tam loh em avang hian mi hmelhriat pawh kan nei tlem hle a, he mi chung a kan tu ala ngah em em hi Pathian awmpuina liau liau a ni. Mahse, ala harh lo, a harh a hun daih tawh si a.

A khum bulah thu in a kut hriau in vit ferfur chu ka hum a, a lu tuam bur chunga thlamuan hmel tak a a muhil chu ka en reng a.
“Ruat lo harh tawh la, aw.. en teh hmana I damloh laia kan tu pawh I neih loh kha I hria em? Ka nu in I chaw tur alo siam sak thin che kha, tah khan ka nutei te bula ka zin lai anih kha ila hria em?? Min rawn call a,” ka damlo tih hre tu pawh an awm lo aniang, tuman kan pawh min lo kan lo” ti a tap chung a min lo hrilh kha, tunah hian lo harh la mak iti zawk ang, kantu tam tak I nei asin an vaiin mi sawmhnih chu an chuang daih, athen chu kan college a mi te an nia, chuan kan professor te thlengin an lo kan che asin. Chuan adang ho hi ka hriat loh an tam mai, engtik lai khan nge thian ilo ngah bik em em aa Ruat, lo harh la min inhmelhriat tir dawn lo ami.. an fel hmel hlawm lutuk a sin Ruat”.. Ngatinge Ruata hi ka lungngaihna thinlung ringawt pawn ka hnen a lo thlen tir thei thin kha a ni si a, ka beidawn aw rawl lakah hian a beng hi a chhut ngawn tlat a. Ka insum thei dawn loa ka hriat avang chuan ka chhuahsan ta zawk a.

U Masiami chuan hmun thawveng thei deuh lai turah min hruai a..
“Nangni pahnih hi thian mai ini lo ti raw Ruati..”
“Maw.. U Masiami hi”
“In pahnih pawn thian emaw in in ti.. mahse in thinlung ve ve ah chuan thian mai inni lo ang”
“Thinlung chuan hmangaihna, lainatna, huatna,khawngaihna, induhtawnna te a keng tel a, mahse thian ni tur a ka duh avang ringawt hian he thinlung hian a hre ve tawh si lo a nih hi. Mahse, U Masiam ka tlai tawh ti raw.. engkim dang zawng aia k bula sawi ka duh chu ka tihpalh thu te, a ngaihdamna ka ngen duh a mahse…” ka phone a lo ri a, ka nu anih vangin ka chhang vat a
“U Masiam Ruata a lo harh.. kal ang”

“Ruat min hria em.. keimah Ruati”.. a lu a bu ngauh a.. Mahse, a mitmeng kha a pangngai lo, a hawi a deuh tlat. Ka tehkhin thiam dan berah chuan rilru lam chiang vak lo ka hmuh thin ang hi a ni.. Doctor thusawi kha a thleng dik dawn tihna mi le.. A ni lo ang, a harh chhuah har vang aniang.. Keimah leh keimah insiam thlamuan tumna mai chuan min ti hahdam zo si lo. Eng pawh thleng se ka awmpui tlat dawn a ni.

Kar hnih a liam ve leh ta reng mai, Ruata pawh a zia sawt khawp mai a taksa lam chu, a ke a la nat deuh avang leh a thluakin mi pangngai ala chen chiah loh avangin wheel chair a nawr ala ngai thung a. A pa inpekna a ropui bawk a, kohran ho zarah te leh mi thahnem ngaite tawngtaipuina zarah kan tawn ang ang chu pawm harsa mah se kan nung chho ve zel a ni, mahse Ruata hian a hma a kan inhauhna te kha hre awm pawhin a lang lo. Nikhat chu Ruata chu keiman ka awmpui, a muthilh tak hnu chuan Laptopah movie ka en mai mai a, Ruata phone ri chhen chu ka va en a lucy message tam tak a lo awm a.. Whatsapp ah thil thleng a awm a ni maw tiin ka han lut kual a.. Karei lehh!!! Hmanni lawk a Ruata pendrive a ka hmuh tam tam Lucy saruak thlalak kha mi pakhat a hming James tih a in save hian Ruata te department groupah alo post char char a, chupa chu a thlalak hman ka en chuan a hma vel pawh a Lucy nen a ka hmuh dun fo an ni tih ka hre nghal a, Lucy chu a mangan em avang chuan ka call ta a..

“Aw, hello Lucy, keimah Ruati”
“Ruati ngatinge Ruata khan ka message engmah a chhan ngai loh” tap ti tih chuan alo ti a
“Lucy, hahdam phawt rawh.. Ruata accident thu engmah I hre lo ami?”
“A accident maw.. ihh Champhai ah ka awm daih alawm, Class pawh ka kal tawh ngai lo,ka thiannu in ka thlalak kha a darh thu min hrilh a, zawh chiang ka tum a” a aw te chu a khur vek a
“Lucy he thil hi tu tih nge?? Ngatinge Ruata a inrawlh ve.. min hrilh loh chuan ka pui thei lo che, Ruata’n engmah a ti thei lo tunah”
“Vawikhat chiah min biak tir rawh Ruati chuan I duh duh ka ti ang.. khawngaihtakin”
“Kei tak ngial pawh min hre lo thut thut asin” ka tum miah loh chuan ka vin vak a
“Maw..”
“Lucy ka dah dawn…”
“Aih engkim ka hrilh ang che….." phone dah mai lo chuan ka nghak a, a ngawih reng hnu chuan hlauthawng takin a lo tawng leh ta a "James nen khan rei vak lo kan inngaihzawn hnu ah kan chesual a, ka thla lak I hmuh te kha James a lak vek a ni..chuan ka rai a, ka pai tlang ngam loh avangin ka titla a, James thin chu a rim em em a, thehdarh ah min vau reng a. Khami lai vel khan Ruata hian min lo bia a, min duh tih pawh ka hria, Ruata hi ka mi rin zawng a ni a, ka hrilh fai ta vek a.. chuan Jamesa’n ka thlalak a kawl chu min neihsak turin ka ngen a, engtin tin emaw chuan a nei a min pe let a.. mahse”
“Aw, Lucy a tawk tawh..ka hriat duh ang chu ka hre tawh, I thlalak kha post a ni e, Ruata hi remchangah lo hmang tawh suh”

“Hei, ilo harh tawh maw..i muttui em?” ka tawng pawh hria anga lang lo chuan a en ngai a en reng a
“I zun a chhuak em?” a lu a buk nghauh avang chuan kaihthawh tumin a ban ka va chelh a.. a ban ka chelhna chu en reng a, keimah min en leh a vawi leh khatah min phih leng dawr a, bangah chuan ka hnung chu ka sawh a, a na lutuk chu ka thu hnawk a.. ka mittui rawn luang chu hru in ka tho a, a banah chuan ka chelh a, “Ruat zung ang aw” a lo kal ve duh mai a.. kan let leh lam chuan ka mut that tir a ka mittui chu ala far char char a, a ban lo dah chhuakin “Mittui” tiin a rawn hru hul a. “I tawngchhuak ve maw Ruat..han sawi nawn leh teh, tawng leh teh.. Ruati han ti teh”.. “Aih” tih ringawt chuan min chhang a, mittui tla pur mah ni ila ka nuih aza ru hle mai.

December thla kan chuangkai ve leh ta Krismas rim pawh a nam chem chem tawh a, hmun thenkhatah chuan Krismas hla hriattur a awm nual tawh bawk a. Keicuan Ruata ka buaipui deuh chawt a, thil dang tih na hun vak ka in siam lem lo bawk a, a bul a awm reng chu ka duh a ni.
“Nute Ruata hi a chang chuan a uang a ang iti ve em?”
“Aw..ilo ni ve chiah elaw.. min tih hlim a duh avang a hetia awm hi a ang ka ti thei khawp asin”
“Mahse, min ti tap ti raw..”
“Tah phah duh tawh miah suh aw, hei thla tawp lamah kan chhuak anga inah kan in enkawl anga a dam mai ang”
“Hetah in awm ang ti raw..”
“Ka hre lo, I pa Thanga hi chuan a tan a tha tur lam lamah awm mai se a ti a”
“Nute ka la enkawl kham lo tak tak, Zawlnuam chu a lum bawk si, a tan pawh a tha lo ang”
“Ni e, nangman I enkawl tlat dawn alawm”

Thla chanve kan thleng a Ruata pawh a zia chak ve khawp mai, a buai leh zeuh zel tih bak chu a dam var tawh a, a ke pawh a dam chak viaua, a rap ngam ve sawih sawih a, kan lawm tlang hle a ni. A chhuah dawnah chuan Pa Thanga chu tih tak meuh a ka ngen hnu chuan Ruata leh a nu chu Aizawl lama awm tur chuan a ti ta a, ka nu te lamin an nufa te a khawhar tak a an awm ai chuan tiin kan in lamah lo awm mai turin an ti a. A tir chuan an hnial nasa ngang mai , mahse kei leh Ruata vang bawkin pawm a ni leh ta.

Krismas chu biakin lamah pawh hmang loin Ruata bulah ka awm reng a, thil a hriat belh theihna tur a ka rin lehkhabu te ka chhiar sak a, movie te ka enpui thin a, tin a hla duh em em te ka ngaihthlak tir bawk a, amah ah danglamna em em hmu lem lo mahila a nun a harh ve sawtin ka hre thin. Ruata chhungte chuan amah vanga class ka kal ngai loh te chu an inthlahrung em em mah se ka chhugte pawh chuan a pawina a awm loh thu te leh ka graduate chuan ka nu dawr min enkawl tir an tum tawh thu te an hrilh ve bawk a.

“Ruati vawiin chu leng mai mai ang”
“In a awm I ning ami?? Pawn chhuak chi vak pawh ila nih loh kha Ruat”
“Pawnah ka kal chak a”
“Nih chuan tlaiah kan walk mai mai dawn nia aw”
“Awle kan insiam nghal ange, enge ka hak ang, kekawr bul ami?”
“I duh duh a ni mai, ke a kal pui nuam deuh tur kha bun la”
“Okay”
Hetia naupangchhia deuh a thil min zawh hi a hrat thar em em a, engkimah min rawn bawk a, ka cousin te ho chuan min chhaih fiam nan I pasal te min tih sak thin a.

“Nuam iti em pawn a kal vel chu”
“Aw, kal ziah ila”
“Nia I peih phawt chuan, a hma khan lo ngaihtuah chhuak daih tur ka ni sin le”
“A pawi lo, thil zawh duh che ka nei a”
“Enge a? min zawt la”
“Kan pahnih hian nupa a mi kan nih, unau kan ni si loa inu hi ka nu ka ti ve si loa, chuan ka nu hi nute iti a.. bakah zanah ka bulah I mu ngai loa”
“Chu chu tunge sawi a Ruat?”
“Hmanni ah mi an lo len teuh khan I hria em.. I pasal kawr I su dawn a mi? an tih che kha
“Ka pasal I ni duh a mi”
“Kan inhual tihna maw?”
“Aaa Ruat ihmaw.. kan pahnih hian thian kan ni thin a chuan.. nakinah ah I hrechhuak mai ang, I hah a I buai leh deuh a nih kha.. lo kal rawh thu hahchawl ang” a hah deuh hian a buai leh tlat thin avang hian pawn chhuah pui pawh tha ka ti lo thin reng a, hetiang a a thil hriat a hloh deuh thin hi hlauthawng ru viau thin mahila a hahdam hnu chuan a rawn pangngai ve leh mai thin a ni.
“Anih mi ka hriatsa ho hi ka hrechhuak vek tawh em?”
“Aw, hre vek tawh aniang, tunah hi chuan I buai a I theihngilh lawk alawm.. damdawi I ei tha anga I theihnghilh tawh ngai miah loang”
“Tunah damdawi chu ei ila”
“In thlen hunah aw”

Kum thar kan chuang kai a, hna ngai zawm turin mi ho pawh an phe leh tan siau siau a. Ruata pawh in checkup turin ka hruai thin a, a dam chak an lo ti hlawm hle a. Hmun hrang hrangah kalpuiin a mah pawh a harh sawtin a hmel pawh a tha sawt hle a, a chang chuan a hma ang khan kan infiam leh bawrh bawrh thin a, a pangngai har ka ring lo a ni. A damdawi chu a hun taka ka pe a, a nu pawh ka awm tho avangin an khaw lamah a haw rih a keiman ka enkawl deuh chawt a ni. A hawiher pawh a rawn dik telh telh a, a mi biak dan pawh a pangai chho zel a, thla thum chuang a ral meuh chuan a hma a Ruata kha ka hmu ta fo mai a ni.

Vawi khat chu a inbual lai hian a au vak ri ka hria a hmanhmawh takin inhnuai lam ka pan a..
“Ruata ruat.. ehee tinge kawngka I kalh?? Kalh miah loh turin ka hrilh thin che sia” A rawn hawng, Ruata hmel leh a mitmeng kha, amah dik tak a ni.. min melh dan te kha a tih thin dan ngai chiah chiah kha a ni.
“Ruat I tha em??”
“Aw ka tha, rannung mak deuh ka hmu a” melh pawh min melh tha ngam lo chuan a kal ta daih a, keipawh chuan ka zui ve nghal a
“Ruata I tha em?? Thil hriat I nei ami??”
“Nangman ka hre kim vek tawh tih I sawi kha”
“Anih chuan I awmdan tinge a danglam?”
“ka that hii.. khawnge ka phone hi I dahthat”
“I phone maw.. I mamawh rih si loa inu ka hawn tir, phone I hmang duh a mi kha ka phone hi kawl rawh”
“Aih a ngai lo, ka mamawh hleinem, chhuak rawh ka inthlak dawn”
“Awle..”

A tuk zing ka tho chu kan in a hnathawk U Lawmi chuan Ruata a phone hman a dil thu chu min lo hrilh a, Ruata room lam ka pan lai chuan ka phone chu a lo ri a, Ruata nu call a lo ni a
“Aw nute”
“Maruat, tunge Bawiha thianah Lucy tih hriat I nei em?? Bawiha hian a number lo thawn rawh a rawn ti cham chi mai”
“Aw hria e, ka lo bia ang nute”

“Ruata ngatan nge Lucy chu I biak duh a.. hmanni ah kan inbe reng a lawm”
“Maw.. in inbia maw.. tinge a chanchin I sawi ngai miah lo, ka damloh lai kha chuan “chumi chu ila hria em?” ti khan min zawt reng zel sia”
“A chhan chu awmzia a awm loh vang a lawm.. en teh engkim min hrilh vek tawh, ka hriat I hlauh zawng zawng te kha”
“Engkim a hrilh che maw? Avaiin maw…”

“Aw.. ngatinge hetiang a I awm??”

“Ka ngaihtuahna leh ka thinlung a awm zawng zawng kha a hrilh che ti raw..”
“Aw, chuan ka tihpalh lutuk, I hriat vek hnu a ngaihdam dil che ka tum a lawm”
“Ngaihdam min dil I tum amaw.. ngatinge Ruati tiang hian I awm, tinge ngaihdam min dil I tum” a mit atang chuan mittui a rawn far a
“Aw, ka tihpalh I buaina te hre miah loin kan inkar ka ti tawp a ka tihpalh, mahse a that vek tawh hi”
“Engmah a tha lo, khawngaihtakin chhuak rawh room atangin”
“Ruata ngatinge?? Tinge min hua ami??”
“Ka zak takzet a ni.. chhuak rawh” tah tak meuhin a tap ka hmuh awmchhun a la ni ang, tih ngaihna hre lo tak chuan ka kalsan ta a.

Ruata hian ngatinge kha thil kha a lak nat em em mai le.. Ni e, a awm ve reng mai, thuthlukna sual tawp khawk ka siam a ni. A rawn dam chauh a, amah tin a tu ka ni leh bawk si, ka tan a a tih thin ang zawng zawng kha tihsak ve ka inhuam em em laiin ka thusawi engmah a ngaithla duh si lo. Thutkhawmna pindan a ka thut lai chuan zin bag khai hian a rawn chhuak a, mak ti em em chuan ka tho a,
“Ruata khawnge ikal dawn??”
“Zawlnuamah ka chhuk dawn ka nu te pawh ka hrilh vek tawh, I nu te kha lawmthu min lo hrilh sak dawn nia”
“Ruat, ka mit a mittui hi I hmu em? Khawngaihtakin min ngaidam rawh, chan che hi ka duh ngai bik lo, ka hmangaih zia che I hriat kha”
“Ni e, min hmangaihn alawm.. mahse kan inhmangaih dan kawng hi a inbuk tawk lo em a ni”
“Enge I sawi awmzia Ruat??” a ban ka chelhna chu paih thla in kawngkapui lam panin min chhuahsan ta a. “Ruat thian mai nilo in chu aia nasa chuan ka hmangaih che damchhung a I kianga awm ka duh asin” ka hriat tawk chuan tap chungin ka phun sep a. Ngatinge he thu tal hi ka hrilh loh le, min khawngaih avangin ka thian tal nih a la duh ve mai thei tur a.

“Mambawih tunlai hi I nguai riau mai, I class tan leh hi I ning deuh a ni lo maw??, kha I chaw ei reng reng te kha”
“Aih, engtin mah ka awm lo”
“Ruata nu in tukin khan min lo bia a, a zia chho viau dawn emaw tih laiin nizan khan Ruata lu a na leh vak a ni awm e” ka nu chuan a lo ti a
“A in checkup hun chu kar hmasa kha ania”
“Aww chungte chu zu hrilh awm che nia, vawiin an lo chho dawn a, in hi ilo tifel dawn nia”
“Ruata inluah ah khan awm zawk rawh se, nuam an ti zawk ang nu”
“Hetah pawh an awm thei tho alawm”
“In exam a hnai tawh a, min lehpel nasa hlawm sia, lehkha zir ka duh a lawm” chaw ei dawhkan chu ka thawhsan nghal a, ka nu leh ka pa te chuan mak tih hmel tkin min enzui a.

Ruata inluah a ka lut chu engkim a hma a kalsan anih ang khan a la awm vek a, a haw dawn pawh khan a tlawh miah lo a nih hmel, in chu ka tifel tan ta a. A lehkhabu dahna almerah chung a mutbu vel dah fel ka tumna lamah chuan lehkhabu chu ka ti tla darh nuai a, chhar fel nghal tum chuan ka kun nghal a, a lehkhabu kar atang hian thlalak pathum vel hi a lo tla a, dah let leh tum chuan ka keu a, a thuziah zinga tlemte ka zuk chhiar fuh la tak chuan ka mit a la ta riau a “Sawma ai hian ka hmangaih zawk….” , ka han chhiar chiang a “Sawma ai hian ka hmangaih zawk tih engtinnge ka hriattir theih ang, a tan hian enge ka nih ve chaih ang le..” Lalpa leh!! Ruata hian hetiang rilru hi a pu amaw, adang chhiar chakna chu ka rilru ah alo awm tut tut a, a diary dang ho chu la khawmin ka chhiar chho ta a

“Vawiin hi Ruati nen college kan kal vawikhatna a ni a, a phur leh lutuk a zingah hma tawwkah min lo call harh a. College ah a rawn nalh lutuk, mipa te khan an en duh bik riauin ka hria a, a bulah ka kal ve zel a, bike neih vat vat a, kan pahnih a nitin college kal dun a haw dun ka chak tawh kher mai…..”

“Vawiin chu inrinni a ni sia Ruatin te inah ka phei a, wai wai kan chhum a,tlaiah a nu dawrah kan kal a…”

“.. an ngaihzawngte an sawi sap sap a, tunge I chas ilo kalpui thin kha min tia “E Ruati kha maw, a chhelo in ti em?ka duh teh mai nia” ka lo ti ve hmiah ringawt a, tlai kan banin kan haw dun tur min lo chhaih hrep zui……”

“Vawiin hi ka tan ni duhawm loh tak a ni.. nizan ka mut tawh hnu ah Sawma’n min rawn call a, Ruati a la hmangaih reng thu min rawn hrilh a, tun thla tawp lama a lo haw choh tur thu te nen.. hei hi hrilh ve mai ka duh thin, high school kan kal atang a ka duh tawh thu hi mahse a mipa tih chi loh em a ni. Ruati hian ala duh hmel em em si a, an pahnih a awmdun hmuh leh hi ka hreh takzet takzet takzett..huizz……”

“………Ruati hnen a sawma chungchang hrilh chu a tha in ka hria, mahse engtin mawni tal thian dang ka zawn ve angai a ni..”

“……..Ruati class bang ka nghah laiin Lucy ka bulah alo thu a, a hmeltha sia nuam ve reng mai, a number ka dil a min pe ve mai a chuan damdawiinah a nutei a awm avangin Ruati kalsanin Lucy chu ka va thlah a, ka tum aiin kan rei a, Ruati ka lam hman loh phah a an inah chaw ei a phal lo tep……..”

“…..Ruati ka va lam a, thinrim tum thinrim thei lo a rawn nui vak vak ringawt, a hmelthat zia kha.. keimah ka lo lai leh ringawt zawk.. zei loh theih lutuk aa….”

“………..Lucy chu kawm a nuam phian mai, mahse hun harsa tak a tawk a ni a thuruk min hrilh duh khawp a min ring hian ka puih ve a phu in ka hria a ni, keipawn ka thuruk tumah ka la hrilh loh Ruati ka hmangaih zia ka hrilh ve a…….”

“…….. tunlai a awmdan hian ka rilru a ti hah takzet, zu in te a hrat a. Sawma ai hian ka hmangaih zawk tih engtinge ka hriattir theih ang……”

“…….Sawma te inneihna a kal turin min thlem leh tang tang tawh, engtia han tih chi nge ni ang le.. a tana ka tih theih reng tih loh hi ka hreh ber a ni si……..”

“……….nidang zawng aiin a mawi a ni, a sexy a, a nalh em em bawk.. mahse a thinlung kha a na a ni.. kei hian thil zahthlak tak ka thlen tir tep a ni…”

“..thil pawi tak a hrechhuak a ni, Lucy hnen a pan vaih chuan kan thuruk hi a hriat mai ka hlau si a, tum lawk lo hang tak takin ka che a, Ruati min ngaidam rawh aw…”

“…….ka tih dan kha a tan a na tih ka hria, mahse kan inkar hi a tih tawp kher ka ring lo asin, hetiang tur law law ni ila ka hmangaih thu tal lo hrilh hman ila tha tur…..”

“………ka ngai tak zet, a tel loa nikhat chiah nun pawh hi a har…….”

“………a kianga va kal a, ngaihdam dil mai ka duh a ni, naktuk lamah an inah kal n engkim ka hrilh vek ang…………”

Engkimah hian Ruati tih thumal hi a awm vek a ni, keimah Ruati ngei hi. Tinge engmah a sawi ngai loh le, kei hian nasa takin ka hliam a ni. Ka laka a rilru mut hmang hrechhuak ta ah min ngai a, ka lo hre der si lo. Ka ngaihtuah let zel a, engkim ka hriat vek tawh thu ka hrilh laia a mak ti hmel te, ani chuan min hmangaih a ni tih hi ka hre tel amaw tiin mak ti taka min en lai te khan keichuan ka lo hre teuh si lo. Lucy thusawi kha a tawp thlenga lo ngaithla tur ka ni asin le.. Ngaihdam ka dil te khan kan inkar ka tih tawp avangin ngaihdam ka dil a, ani erawh chuan ngaihzawng anga ka en ve theih loh avanga ngaihdam dilah min lo ngai thung si. “Min hmangaih tih ka hria, mahse kan in hmangaihna hi a inbuk tawk lo em a ni” tih thu a sawi lai a a beidawng em em hmel te kha lo man thiam tur ka ni a sin. Ngatinge beidawng taka ka siam le ani chuan engtik lai pawn ka BEISEINA thinlung hi min chhem alh sak reng thin si a. Engatinge ka chaponate dahtha a thian mai ni loa ka hmangaih thu hi ka lo hrilh mail loh le..

Ka in tih fel lai theihngilh hial khawp a ka chhiar chhung chuan khua a lo thim hman tep a. Ka nu in min lo bia a, an lo thlen tawh thu leh kan in lam a zanriah an ei tur thu min hrilh bawk a. Hmanhmawh takin ka dah fel a, hmun ka phiat leh thuak thuak a, mahse ka rilru hi a buai a ni, engtinnge a hnenah ka sawi ang?? “Lalpa min tanpui mawlh teh”.

Haw tur a mut pindan atanga ka chhuak tur chu kawngka inhawng ri ka hria a, ka va chhuah chuan Ruata chu a lo lut chiah a, dan rual loa ka mit atanga mittui rawn luang chhuak tiam tiam kha a hmuh hmaih lo, a lama chu va pan hnaiin ka va kuah tawp a..
“Ngatinge I tah Ruati” engmah ka sawi thei lo, adara ka lu nghat chung chuan ka thinlung tawt up up te chu bunruah vek tum ni awm takin nasa thei ang berin ka tap chhun zawm zel a..
“Ngatinge?? Sawi rawh tinge I tah”
“Ka ngai che” aw chhuak thei mang lo chuan ka han ti a
“Keipawn ka ngai che, lo kal rawh thu ang le”. A mitah tak ka en a, ka kutin a biang lehlam lehlam chu ka dawm a.. “Ka hmangaih che Ruat, thian ang ni lo pawn ka hmangaih takzet che”. Ani chuan min kuah lehin duat takin ka sam chu a chul a
“Thian ang bakin min en thei loah ka lo ngai a, pawm thiam ka lo tum mek a sin”
“Chutiang a ni lo, Lucy khan engkim min hrilh lo, keimah lam kha engmah min hrilh hleinem”
“Anih chuan engtin nge I hriat”
“Ihhh…” inthiam lo hmel tak chuan “I diary ka chhiar a”
“Enga.. lalpa leh!! Engtin nge mi diary I chhiar theih zawk a…ihiii”.. Ka mit a mittui hnam tiam chung chuan nuihza takin ka nui vak vak a. A hma aiin min rawn thut hnai a, a ta chiah ka ni tawh ti ni awm tak chuan min kuah a, ka mit a en pah chuan
“Chuan I chhiar vek maw..???”
“Amm nikum leh nikum hmasa..hihi”
“Chuan min khawngaih ta em em a, min hmangaih ve ringawt maw…”
“A ni lo, tunah mai a ni lo, a hma atang daih tawhin”
“High school kan kal lai atangin maw..”
“Aih chutiang em em a nilo.. Ihh Lucy nen in inzui chhoh vel tang khan niang”
“Daih a nih loh chu.. kei chuan maw.. Sangzuala nen in in ngaihzawn tang khan..”
“I chiang meuh maw..”
“Chiang lutuk, mi ka hmangaih tanna engtinnge a hmangaih tu berin ka hriat loh ang”
“Hmangaihna hi engtia lo intan nge, engtik hun atang khan nge tih hi a sawifiah in a hrilhfiah mai mai theih hleinem”
“Hehe.. thuziah lamah kal la, I thu phuh chhuah ang hmang te khian kan thawnthu hi ziak ve la a tha ang”
“Ziah kher a ngai tawh hleinem, tunah pawh an chhiar mek a lawm..”