LAST NIGHT

Party ri hut hut chu kalsanin Blen nen chuan inchung ber chu kan pan a. Zan thla eng hnuaiah kut insuih in van lam chu kan thlir dun a. Blen nen hian School lo kal chho ho char char kan ni a, hetiang hian kan la awmdun ngai loa, kan awm pawh ka ring hek lo. Keimah chiah hi amah duhna rilru pu ka ni emaw ka ti a mahse zanin hian kan lo inang reng a ni tih ka hre ve chiah, a hlimawm phian mai.

Kan pahnih chuan kan inkuah chial a, kan inen a kan nui leh ringawt thin. Diktak chuan he thil hi mak tak a ni. Kan thianpa hian party hi buatsaih lo se tun hun hi kan tan a in hawng ngai lo ang. Ka mit ah tak min en chuan
"Ka ring thei lo.. he thilah hian i chiang chiah maw??"
"I chian tluk zetin"nui ar ar pah chuan ka chhang a.. Ka rilru ah chuan high school kan kal tan tirh atanga ka Nick Jonas ka tih ve ngat thin te kha ka ngaihtuah a. Tunah high school kan lo zo ve ta mai, kan tan inhmuh reng hi a har tawh dawna he hun rangkachak hi bawh pelh chi rual a ni lo.

Ka kut zungtang a khal melh melh en pah chuan ka lo titi siam siam a ka tawng chu a lo ngaithla mial mial bawk a. Ka tawng tui laklawh lai chuan "Sister Arya te sazupui khawi" a rawn ti chhuak hlawl a, thil hriatchhuah kan nei ve ve tih kan in hre tawn nghal a, ka tawng tui lai chu ka tawp nghal a, zah namen lo in ka zak a ni. Ka kun ta tlat a, ka khabe a akut a rawn dawm min han kuai dak a, a hmui chuan ka hmui chu a rawn chuktuah a, "Rp" ti a phun sepin ka mit ka lo chhing a min rawn fawp ta. Ka chhanglet lo mahse ka hnial lo, ka tan chuan sap tawng taka 'Sparks fly' an tih ang mai kha a ni, a tawp lamah phei chuan chhang let lo thei ka ni ta lo.

Ka ngaihtuahna ah chuan pawl kua kan zir laia Blen ka duh tih kan thianpa Daniela'n alo hria a ka awm laia Blen hnenah amah duhtu an awm tih a hrilh a, Blen chuan "Sister Arya te sazupui khawi maw??" tia alo chhan velah Daniela'n Blen hriat phak si a "A ti ve khawp mai che, Sister Arya te sazupui khawi a ti che nia" ti a min hrilh a ka zak lutuk class atanga ka tlan chhuah lai chu alo lang a. Tum lawk miah lo chuan Blen ka bula cool taka thu reng chu ka hnek ringawt a, ka harh chhuak zawk mai. Nui pah chuan "Che maksak thei, i zak leh thut a ni maw..?" tiin nghet takin a awm a min bei tir chuan min kuah a, thlamuang viau e ti lo chuan ka la zak em em tho a ni.

"Arsi phena thawnthu awm hian i rilru ahneh ve em?" tiin zawite in a rawn tawng a.
"Ka buaipui teh chiam loa, nang a hneh em ni?"
"Umm, mipa mah ni ila ka ngaina a lawm"
"I hriat ang zawng zawng thawnthu chu hria ila nang aiin ka ngainat zawk daih ka ring"
"Hehe, chuti maw?? Ka hrilh ang che i duh em?"
"Tehreng mai, kawk chung ngeiin min hrilh la"
"Nih chuan he lamah lo kal la" tiin ka banah chelhin min kalpui ta a.

Chutia min kalpui lai chuan ka ban lehlam a min rawn pawtu an awm a, kan ding a ka hawi let chuan ka thiantha ber Andrew hi alo ni a.
"Drew, hetah ilo chho maw??" tiin ka lo chhawn vat a. "Bro, ka lo be fal lawk thei ngem??" a han ti a, Drew hian harsatna a nei tih ka hrethiam nghal a, Blen chuan " Tikhan i sawi thei mai lo mi?" tiin a lo chhang vat a. "A ngai lo mai" ti a kal a tum lai chuan "Drew, kal suh, i sawi duh chu sawi rawh" tiin a banah chuan ka chelh a. Blen kalsan hian Drew hi zui ila bul kan tan tak tak hma hauhin a tawpna a ni nghal dawn tih ka hria mahse Drew hi ka hlimni ber leh lungngaih ni ber pawh a ka kiang a awm reng thin a ni a, ka duh ka hmuh avangin kalsan thei ka ni lo. Blen chu lungawi lo tih hriat tak hian " I duhthlanna lawm" tiin inhnuai lamah chuan a chhuk ta a.

Drew chuan nghet taka min kuah chung chuan
"Ka tihpalh, i duhna a rei tawh tehreng nen, i chance neih chhun ka tih chiat sak che a"
"A pawi lo, ka ta tur a nih chuan ka nei em em ang, chuan enge i harsatna??"
A mitah ka en chuan a mittui chu a hnam tiam a, a khap suk chuan a rawn luang a, rang takin ka lo hruk sak vat a. A hma zan lawkah a hmangaihin a kalsan tih ka hria a, mahse hetiang em em a alo tawrh hi ka rin phak bak a ni a, ka inthiam lo takzet a ni, hnem tur a a kiang a ka awm lo kha.

"Ka hmangaih ka chan a, chuan min hnem thei tu awm chhun nang, i bulah ka awm thei tawh dawn si lo" tiin a rawn tawng chuak a.
"Ngatinge tun tut tut a pem kher in tih, nang aiin ka huphurh zawk a sin"
"Ka pa hna vang chu ni lo se keimah chiah a heta khawsak pawh ka hreh lo"
"Kan inhmu tawh dawn lo tih pawh a ni hleinem"
"Nia, engkim vangin ka lawm lutuk aw.. ka tan i awm ang hian i tan ka awm reng ang"
"Tinge lawmthu i sawi, ka rilru nat chang a ka bula i awm thei lo tur hi ka huphurh ber a ni"
"Keipawh, mahse maw khawvel mipa awm zawng zawng in i rilru ti na mah se keichu i tan hnem tur che in ka awm reng ang, i beidawng dawna i hriat apiangin min ngaihtuah la, keimah vang talin i tlukna tangin tho thin rawh aw"
"Umm ka hre reng ang"

Ding hluai pah chuan
"Lo kal rawh Blen bulah ka hruai ang che" tiin ka banah chuan a rawn chelh a.
"Engtinge khatiang thil a thlen tawh hnu ah Blen bulah ka kal theih ang?? Blen chu a hmeltha a, a zei a, rimawi tum a thiamin a nuimawi em em a, mahse i hlut ang hian ka tan a hlu ve thei lo" tiin ka chhang vat a.
Ka rilru chuan Blen chu thlahlel viau mahila ka bulah ani aia min mamawhtu a awm tlat a, ka kalsan thei lo ang. Hmana ta tawh he hun hi lo nghakhlel viau mahila kan pahnih inkar thawnthu ah chuan vawikhat in fawh kha a tawk viau anih hmel.

A tuk zingah chuan ka harh vel ah Drew chu ka rilru ah a awm nghal a, duhsakna hlan tura call tum in ka cell phone chu ka la a SMS pakhat hi alo awm a, phur takin ka hawng a Drew message ngei ani..
"Ka hmangaih che, mahse thian angin ka hmangaih che. A chhan chu thian inhmangaihna hi a daih rei ber si a. I bula ka hun hman za a sawmriat pakua hi hun hreawm ka tawh lai anni a, nang chuan chung chu min theihngilh tir vekin hlim takin min lo kawm thin a, ka lawm takzet a ni Apple. I rilru natna ka thlen anih chuan khawngaihtakin min ngaidam la, i hlimna chiah ka duh tih min hriat sak fo vang che. Nang hi khawvela ka tan a hmeichhe mawi ber leh thilpek hlu ber i ni. Min theihngilh ngai suh ang che aw.. Ka hmangaih che ka thian, mangtha le"

Chu SMS ka chhiar zawh chuan uluk takin ka type ve nghal a..
"He khawvel a i thilpek hlu ber ka nih chhung chuan ka mal ngai lo ang. Hmeichhia vangin i rilru na tawh lo se ka duh a midang pawh rilru na in siam ngai suh aw. Ka lungngaih ni leh hlimni a ka hriatchhuah hmasak ber thin ini a, chutiang em em chu ilak ah ka phut lo mahse i lungngaih ni a hnem tur che in ka inpeih reng tih hi ilo theihngilh hlauh ange aw. Thian thar va chhar la, hmangaih thar va tawng la mahse kan pahnih inthianthatna ang hi tumah va neih pui suh aw. Ka hmangaih che Drew ka thiantha ber ni zel ang che..
Bon Voyage"

Phur lo tak chung a tho chhuak in ka nutei dawr a pui tur chuan ka chhuak leh ta a. Kan in kawngka atanga ka chhuak chiah tih chuan hla vak loa rawlthar mitla tak min en reng chung a lo ding chu ka va hmu a. Ka kiangah lo hnaiin aw zangkhai vah, pa tak chuan
"Tibuaitu tur an awm tak si loah chuan pangai takin ka len chhuah pui thei tawh che ngem?"
"Blen, tiang hi i mizia a ni lo" mak tih hmel tak chuan ka ti a
"Ni e, inthianthatna vanga tlawmna hian ka rilru a hneh aniang ti raw.. ka chapona vanga ka hmeichhe duh hi chan lo tura tih theih nei chu keimah chiah"
"Blen" tiin ka kuah nghal a, heng hi Drew thil tih vek a ni, ka tan hian a va hlu chung chuang em....