A SONG ABOUT LOVE

Ka room thim ruih ah chuan chau takin k lut a, dressing table hma a chair ah chuan ka țhu hnawk a, ka ngaihtuahna chu a kal kual vel ruai bawk a. Inbual tura thawh ka tum lai tak chuan ka bengbeh dahna bawm ka nek tla palh hlauh mai , a chhin keh ri pawh ka hre nghal a kunin ka chhar ta vat a. Drawer rem ber chu ka han pawt hawng a, ka dah dawn lai tak chuan ka ipod hlui ve tawh tak lo awm chu ka hmu a.

Ka ipod chu ka la kang a ka khum lam pan pui chuan ka on a, battery chu alo tam lo hle a. "A bo daih maw ka tia"tiin ka hriat tawk lek chuan ka phun a. A rei tawh vang nge a muang em em mai lehnghal, memory card chu alo awm ve ngei mai. Image folder en ka tum a, a in load rei em avang chuan Audio folder chu kan hawng leh a 'Recording 007' tih hming hi alo ni a, ka aw ka recordna a nih ringin nui tut tut chungin ka han play dawn a, a tang ta tlat mai. "Chhe lutuk" tiin ka lukhum lamah chuan ka paih phei a, bathroom lam pan tumin ka tho ta a.

Pen khat ka pen awrh tih chuan mipa aw nalh em em mai hi chu ipod hlui tawh tak ah chuan alo țawng a " Thil engkim hi a pawi vel vek, enge i ngaihtuah chu ka hre lo mahse pawi ka ti a ni. He hla hi khawngaihtakin min lo ngaihthlak sak rawh aw.." guitar ri arawn lang nghal vat a, zai mawi em em mai ina zui nghal a..
"I used to make you cry,
But i haven't smile since you left
Can you undo goodbye
Its a word i wish i could forget

You told me you love me and i try to move on
But its hard to getup when you fall
So i wrote a song about love
But its nothing at all"

Chu aw chu hai pawh tum ila ka hai thei ngai loang tih tur khawp a ka hriat chian a ni. Mahse he voice record hi engtin nge a awm theih?? Ka ngaihtuah let a, he drawer ah hian a awm ngai miah lo. Ni lo!! He ipod hi ka kawl lohna a rei tawh viau a ni, ka hmun lohna chin pawh chhut fe a ngai ang.
"Hetah alo kal ami??" ka tha chu theih tawp hian a khur ni berin ka hria.

Pawnah ka tlan chhuak a tumah ka hmu lo. Inchung lamah ka inluah neitu te inah chho in tu emo ka in a an luh leh luh loh ka zawt a, engmah an hre lo. Hmanhmawh deuhin ka in ah ka chhuk leh a, ka bulah a awm tlat a ngaihna ka nei bawk. Mittui tling puam chuan ka in lian lem lo takah chuan ka hawi kual a "Di i awm em??" tiin ka phun sep a. Ka harh chhuak thut, mawl thlak ka ti hle bawk, kha tih hunlai a ka nun te kha chu ka paih daih tawh, a tawk tawh.

Ka inbual zo a, fridge a ka beer dah vawh thler chu ka tlak pap pap bawk a, kha audio khan ka rilru a luah leh chu ka hlau ber a ni. Ka phone a rawn ri a, hna tlem tuna ka tih zawh theih leh theih loh tur thu?? Ngenna ringawt a ni lo, thupek awki a tel tlat, phur lo tak chuan kan 'aw' leh mai bawk a. "Naktuk a chhut tur pawh ni mang hlei lo, tuna tih zawh kher a ngaih" tih chuan ka phun bul bul a, ka hna chu ka țan ta a.

A file email a ka dawn fel tawh ka en chuan ka thawhna Publishing Industry te lo hlawkpui em em țhin tlangval Remruata ziah a lo ni a, tlangval senior Remruata a ni mah zawk. Kan pu hian a uluk tih ka hria, kan thuziakmi te zinga a filawr bik te hi chu a enfiah tur pawn mi filawr bik thlan an ni țhin, keipawh ka tel, mahse an ti zo thei dawn loa an hriat vang chiah in. A chhan chiang takin ka hria a ni, wine leh beer nen hna ka thawk tlat a. Theihna leh thiamna chu ka nghah tih chu an hai bik lo, țha hnem ngaihna ka tlakchham zia te nen lamin.

A thuziak chu a ngai te bawkin hmangaihna thawnthu ngei mai a ni tih ka hre nghal a.
"Tiang thu un lutuk....."
"Senior ve sia, tiangte han ziah..."
"Tiang hmangaihna khawvelah awm lo..."
"Writer mawl tak, tunlai țhalai ho mawl zia hi, no.1 hauhtu mek ațang hian an mawl tih chu hriat reng lawm"
"Țhing eee, ngaihzawng!! Hmangaihna!!"
Ka phunri hria chu awm se ka pangngai loah an ngai ngei ang. Ka ruih vang a ni lo, ka ei loh hi ka pe na ve hrim hrim. Ka rui thei lo niang zanin hi, ka fim kar reng, mahse ka khuahar lo, ka țawng char char tho. Darkar hnih a liam meuh chuan ka bung chan te ka en fel zo ta.

Mahse, ka la zo fel kim lo, finishing khawihtu ber pawimawh zia pu ber hian a sawi ngun thei hle a,mahse hetiang khawihtu chu thawktu na zawng kan ni ngai lo. Midang chuan khawih se an in chhuang rilru ngei ang mahse kei chuan ka peih loh ber a ni. "Bung tawp ber pawh ka chang si loa tinge finishing min tih tel tir kher le" tiin ka in ngaihtuah thinrim chawp a, awmzia awm lo, a bul țanga ka chhiar a ka enfel vek angai. Rilru pe taka chhiar a ngai hle, a tam em em hran loa dar 1 rik hma chuan ka zo thei mai ang chu a.

Ka chhiar țan ta, an in tawnna te, an hun hman dan zawng zawng chu ka chhiar chho zel. Sawisel tur zawng a chhiar ni mah ila sawisel tura phun tur ka awm tawh lo. Ka hriat loh hlan chuan ka mittui a lo tling leh hman. Ka rilru chuan, "mawl thlak lutuk, inti chak rawh" tiin ka inhrilh a. He thuziak hian ka nun a phawrh ni mai in ka hria changtunu ber hming hi ka pa leh ka nun a mi pawimawh tak ni țhin in min koh țhin dan ngei a ni leh nghal.

Chu thawnthu ah chuan ka thawnthu nen a inang ka hmu ta țeuh a, a tam lutuk a vai hian a ni zawk hial ang. Mak ka tih em avangin a ziaktu hming chu ka en leh Remruata Chawhte tih chiang takin a inziak bawk si. Ka thil chhiar lai leh ka ngaihtuahna muk tak țang kawp chuan nunhlui hriatrengna harsa tak a ka kalsan tawh chu ka hma ah chiang takin an rawn chhawp chhuak a ni.

A chanve ka chhiar tling ta, engkim hi kei leh Dinsanga thawnthu vek a ni. Ka chhiar zel a, Dinsanga  hmel ka hmuh hnuhnung ber ni a kan awmdan ang chiah chuan ti hian a lo in ziak a
******Ka zirna chhunzawm tura phai lama ka let leh ni chuan airport thleng min thlah a, taxi a kan chuan dun lai chuan a mittui chu thup a duh ngei a mahse ka hrethiam vek si. A sam a dar vaw chin vel sin ngil siau chuan thli thawt apiangin a hmai chu a hliah țhin a, ka lo va zep sak hmanhmawh țhin. A rawn nuih seih a, a țah a chhuak tih ka hre reng, nuam lo ka ti ngawt mai hemi ni bak hi ka bulah hlim loa a awm ka hre lo a sin.

Nghah ala ngaih deuh avangin airport chhungah chuan ka țhu a, ka kut chu a khal niap niap a. A rawn hawi chhuak thut a, a kutzungțang pali, kutzungpui tiam loh chuan a hmai zawnah a rawn phar a. Zawhna mitmeng nen chuan "Ngatinge duat?" tiin ka zawt a, a chal ka dar a nghat pah chuan ka ban chu a chel a " Thla li tawp, engtinge ka awm ang?" Ka hmangaihi hi engatinge hetianga a awm le?? Thla nga chuang inhmu lo pawn kan awm ve fo tawh si a.

A rilru hreawm leh huphurh lutuk ka hmuh chuan kal loh mai ka duh, mahse ka nu ka hmachhawn ngam dawn si lo. Vawi enge maw zat, tam tak nilo mah se ka zirna vang hian ka chhuk san tawh a hetiang em em hian min thlaklelhna a ti lang ngai lo, thil țha lo a thleng dawn emaw ni le tih hial ka ngaihtuah phah a. ******

Ni e, khami hunlai khan ka awmdan kha ka in hrethiam lo, ka ngai in ka thlahlel ngawih ngawih a ni. Anin min ti na lo mah se ka kianga a awm theih lohna khan min ti na tawk em em a ni. Mahse tunah chuan kha mi ni a khatiang taka ka awm na chhan kha chiang takin ka hre tawh a ni. Ka thil chhiar lai chuan min vel nasa ngei mai, mahse chhiar chhuah a țul miau si a.
******Dam takin ka thleng thla ve leh ta, ka hmangaih Tetei nen pawh chuan remchang apiangin kan inbia a. Ama min lo biak hmasak hi a ni zel zawk țhin. Hetiang a nih ngai loh na erawh chuan min ti hrilhhai ve deuh. Mahse, min duh ve tawh takzet aniang e ti a ka ngaihtuah erawh chuan ka lawm țhin.

Mipa hi kan lo mak ngawt mai, nge keimah chauh zawk hi niang?? A hma zawnga hmeichhe dang pawn min pawh buai an tum pawh a ka thinlung a Tetei dah lal tlat țhin khan min kalsan thei ngai ka rin lohna chuan nasa takin chapona min siamin mipa sual tam tak angin ka awm khum ta si. Biak hmasak tumna rilru ka pu ngai tawh loa, bum hrehna pawh a ni telin a kiam telh telh a ni. Zalen ta riau a in hriatna ka nei a, hmeichhe dang han awmpui chang pawh ka ngah ta hle a ni.

Ni thum vel min lo biak tawh loh hnu chuan a message ka dawng a,kan inhau ta vak a..
"Hetia awm hi a nuam ami?"
"Engtin nge ka awm?"
"I rilru diktak sawi rawh, min khawngaih tawh suh"
"Engmah sawi tur a awm lo, enge min rinhlelh reng a?"
"Ka ringhlel lo che, dawihzepa !! i ngaihdan diktak tunah sawi rawh" dawihzepa tih a min koh chu ka la na hle mai, ka nihna diktak a nih vang aniang e..thinrim tak chuan
"Ka ngaihdan dik tak chu maw..
MANGTHA" tih in ka va reply a, a number ka block nghal bawk a.******

Ka thaw hawk, ka chhiar zawm chak mahse ka hlauthawng bawk si. Ka thupui ka en let leh a, "A SONG ABOUT LOVE" tih a ni. Chu thupui chu ipod a ahla rawn sak kha a ni, mittui hi a ko chhuak hmanhmawh leh țhin. Chhiar zel hi ka tan a va phur awm loh ve mahse keima tan nilo in ka hna atan ka chhiar zawh angai si. Ka chhiar zawm zela, a hmeichhe kawp țhin chu a rai hlauh mai, chunu a fa paitu chu neih ngei a tum a, a hmangaih vang nilo in a mawhphurhna hlen a duh vang chauhin. Mahse, nikhat chu a țhianpa inluah a assignment ti tura akal chu a bialnu leh a thianpa awm dun ava hmuh thu te chu a ziak a. Ka hmangaih chanchin chhiar mek lo ila chuan pawi ka tih pui lo khawp ang. Ka chhiar zawm leh ta zel a..

******Kum hnih zet haw miah lo leh ngaihzawng nei miah loa ka awm hnu chuan Aizawl lamah haw turin ka inpuahchah a. Thla ruk hmalam khan haw tur chu ka ni. Mahse, ka hmangaih Tetei chu hmuh ka hreh a, ka ngaih em avangin a ngaihdamna dil leh beiseii a hma ah țhingțhi pawn ka ngen duh ngei ang. Nilo! Chutiang atan chua a uihawm a ni, kei ve maiin ka fiam kual atan chuan a hlu mah mah a ni.

Ka han haw chho chu a ni erawh hmuh tur a awm lo, vawi khat chu a cousin nen kan inhmu a, zah pawh dawn loin leng turin ka sawm ta a, alo lut v mai bawk a, min be nghal luam a
"I final year a ni tawh em?"
"Umm ni tawh.."
"Graduate țep tawh nimaw"
"Niaa, mahse graduate ringawt duhtawk loh te chuan.. ihh khawnge Tetei hi a awm??" tim tak chuan kan ti a
"I chhuk hnu reilo te khan Journalist lampamg zir tum khan Delhi lamah khan admission a rawn tia"
"Delhi ah maw?! " keimah vang a ni tih ka hre nghal thuai a.
"Aw, mahse a hnu lawk khan Chennai ah ati leh ta, tunah ACJ ah a lut mek, e taka thlalak in va nei nalh ve, lo pe tur che in min ti a, ilo haw ngai mang bik si loa" nui huk pah chuan a ti a
"Eng thlalak mw?"lak ngei chu ka rilruk nghal a....
An inah min kalpuiin a roomah chuan min hruai a ka țah a chhuak kher mai, mipa mah ni ila ka inthup zo lo a ni. A dawhkan a ipod awm chu ka en a, kan thlalak dun tam tak chu alo awm a, a cousin hmuh loh chuan ipod chu ka ak ta daih a.. A cousin chuan ani nen a kum thum chhung a kan  anniversary ni a thla kan lak dun ho,  frame a nalh tak a a tar chu min pe bawk a******

Hrilhfiah ngai loin engkim chu ka chiang ta vek a. Chu ipod chu helai hmunah hian lo kal in alo dah ngei tih hi. Ka chhiar zel a Mizorama ka haw ngai bik loh thu te chu alo ziak a. Ka zir chhuah hnu rei lo te a hna ka hmuh ve hnu lawk a accident a ka nu a boral thu te chu alo tarlang a. Aizawl ah ka chhoh thu te leh kan pafa chauh a thla hnih awrh chauh kan chen dun hnu a ka pa in min boral san thu pawh te alo in ziak tel a. Engtik lai pawn min hnem a duh thu te leh ka kianga hun hman a chak zia ka chhiar chuan ka lo țap chhuak hial a. Ka nu leh pa sulhnu ten min tih nat țhin em avanga kan in leh lo zawng zawng hralh a keimah a in ka luah thu te nen lam chuan tarlan a ni bawk a. A tawp lam phek chu a pan tawh hle a, ka chhiar ta zel a..

******Publishing industry pakhat ah hna a hmu tih ka hriat chuan ka lawmpui em em a, mahse engmah ka chungchang erawh a hre lo. A hnathawhna hmuna ka hmelhriat a chanchin ka zawh chuan, "a thiam lutuk mahse a nun hi a pangai vak hmel loh. Mipa lamah chuan sawi tur ka hre lo mahse a pawlawh mah mah țhin" tih chhana lam hawi zawng hlir chu ka hriatin keimah vang a ni tih hria in ka na țhin takzet. Vawi tam tak call tumin a number a hmet chhuak a call erawh ka ngam tak tak ngai lo thung."Tete min ngaidam rawh aw.." tih hi ka rilru in a sawi tam ber a ni hial ang" ******

Ka chhiar zel a bung tawp ber 'Thuchah' tih thupui nei chu ka chhiar thleng ta a.
******Tete keimah vangin i țap țhin tih ka hria, mahse i kal ni ațang khan ka nui hmel hi hmuh tur a awm ngai lo asin. Kan in mangțha na hi i sut thei lawm ni?? achhan chu kha thu kha ka nun a ka paihbo duh ber a ni si a.

Min hmangaih thu min hrilh țhin te kha ngaihtuah kirin hmalam pan nan hman ka tum hram hram țhin a. Mahse, beidawnna leh harsatna i tawk tih ka hriat reng chung hi chuan hmalam ka pan thei lo a ni.

He thilah hian dem hlawh zawk ni mahla ti diklo tu zawk chu chiang takin ka hria ti raw Tete. Min mamawh ber laia i tan a boruak pawh tluk lo hian a thlahlel che asin. A chang chuan i kiang a awm boruak te kha ni thei hlauh ila ka ti asin. Kum tam tak kal ta ata tawh thawnthu ngaihnawm tak siam dun țhin kha a tawpna kan siam dan erawh a lungchhiat thlak hle a nih hi. Mahse, chu thil thlen tir tu chu he thawthu ziaktu ngei hi ka ni si. Mahse, danglam ngai lo tur erawh chu he thinlung hi a ni.

KA HMANGAIH CHE******

Ka phone ri chuan min ti harh zawk a ka mittui ka bianga luang chu hru hul pahin ka chhang a, ka thawhpuinu alo ni a, writer hming kha an lo ziah sual thu leh writer diktak chu Dinsanga a nih thu leh siam țha turin min hrilh nghal a. "Ka hria alawm " tih chiahin ka chhang a ka dah ta a.

Mit bui luk chuan office chu ka thleng a, muthluk ka chak ngei mai. Ka report pe tur a pu ber office a ka luh chuan mipa pakhat hi alo awm tel ve a. Ngo lam ai mah chuan hang lam deuh, sang mawi tawk vel, tarmit vuah, mitmeng lian lampang a ni. Ka en vung vung lai chuan sir chuan, "hei hi Dinsanga anih hi, a thu ziah i enfel kher kha a duh a han inhmelhriat ta che u ati a, mit meng in tawng rual chiah chuan kan kut chu a inchelh ve nghal a. Hun tam tak  liam ta khawvel a chen lai hun te chu mitthla ah a rawn lang uar uar a.

 

“Tunah khan i tap nge i nui??” hnung lam ka hawi vat a

“Enge hetah i lo tih ve?”

“Ka zawng che a, hna i thawh  loh chuan inchungah a awm thin an ti che a” sawi tur a van vang ve,amah zawk chu rawn tawng lehin “Ngatinge i mit kha??”

“Nangmah vang??” he ka tak hi chu, a sawi loh tur tawp a lo sawi leh hman

“Enge keimah vang anih na??.. khang tiang hmel chu zana i tah chiah a tukah i put ziah zel kha

“Engmah a nilo... ngati nge thu i phuah ve?? Law zirlai i ni lawm ni..??”

“Thu phuah turin thuziah zir kher a ngai a mi??.. bakah kha chu thu phuah a nih loh kha, a tak tak a thleng  ngei ziah chhuah anih kha”

“A changtupa a i hman kha ka hua”

“A changtunu ve thung kha chu ka hmangaih takzet.. chance vawikhat chiah hmu leh ila ka ti”

Amah pawh en ngam loin ka lo in hnit leh faih faih hman pek a, ka dar ah rawh chelhin min chhuk en a, inngaitlawm tak leh pa tak si, tawrh zawh har em em chuan min melh reng a

“A ziaktupa tal kha haw lo in, a hnenah i kal duh lo ami? I hmangaihna chu a phut lo mahse a kiang a i awm chiah a duh”

“A thu ziah chhiar ai ngawt chuan a mood ah min chen tir alawm” mittui tling puam chung a nui hak pahin ka ti a

“Ehee.. kha thawnthu kha i awih lo maw.. ka rilru ka phawrhna zawng zawng te kha??”

“Ka awih lo tih ka sawi lai ka hre miah lo”

“I nuih kha... awih la chuan i tap leh tawh ang”

“Ka tah belh zia kha i thawnthu ah khan ziak cham chi lo la chuan tunah hian ka nui lo mai thei”

“Chu ka ziah leh i hlau nimaw..”

“A teuh lo mai” ner nang chuan ka han ti a. A dar ngheng thei tur chuan min kuah hnai a, kan in thlakhleh dun zia chu in hrilh tawn kher kan ngai lo..

 

Ka tawpna lam ka pan mek a ka hriat lai chuan bul ka lo tan chauh zawk alo ni. Beidawnna min thlen tu khan beiseina eng min pe lehin ka rin phak bak a nasa in hlawhtlinna kawngah min hruai a. Law zirchhuakin lehkhabu hlawhtling tak a siam chhuah chhanna nih chu a ropui dangdai ngei mai. Ka tahbelh zia a tarlan tam em avang erawh chuan ka la titau fo, tihtauh khum tur neih nawm zia ka lo theihngilh hmak tep tawh zawk vang emaw ni tihtauh deuh chhen chu ka hrat ta hle a.